الفصل الحادي عشر 11
بقلم عائشة الكيلاني
هنا بلعت ريقها برعب:: ا اسر
سماح بتبصله و نن عينيها بيتحرك من الرعب
اسر بصلهم بهدوء و صدمة اتجه ليها نزل لمستواها لكن شاهين جاه:- هناا مش معاكي شاحن زى تلفوني
قبل ما يكمل كلامه وقعت عينيه على المنظر منى فى الارض و مش بتتحرك عينيها مفتوحة جري عليها نزل لمستواها حط ايديه على شعرها:- مفيش حاجة منى في عادتها تبقا نايمة و هى مفتاحة عينيها
هنا بصت لشاهين برعب سماح بتمثيل:- حسبي الله ونعم الوكيل و احنا طالعين انا و البت هنا شوفنا حرامي نزل بيجري طلعنا شوفنا منى كدا منه لله:: مش يمكن
اسر بزعيق لسماح:- قاطع لسانك اخرررسي تعرفي تخررسي
قالها باحتقار و بعدين بص لاخوه شاهين
شاهين:- منى كويسة بقولكم انتوا
مش شايفنها نايمة ولا كلمة
نورا اخيرا نزلت من شقتها صح هى في اخر دور نزلت لكن اول ما شافت كدا اتجمدت مكانها سمر اخيرا جت هى و شهد و برضو اتصدمت
نورا بصرخ:- اتحركو اتصلوا بى الإسعاف أو الدكتور حد يتحرك يا جماعة
بعد شوية فعلا جت الاسعاف و دكتورة الاسعاف بعد ما خلصت فحص قالت بصوت حزين:- البقاء لله يا جماعة
نورا دموعها نزلت بصدمة اما شاهين من غير ما يبص لحد:- اطلعي برا ، بتفولي على منى
بص لنورا الى بتعيط قال بزعيق:- بتعيطي ليه مالكم يا جماعة منى عايشة بقولكم بتفولو عليها اهى هى بس نايمة
شاهين حضنها و قال:- هششش مش عايز اسمع نفس
سمر نزلت لمستواه حطت ايديها على كتفه و دموعها في عينيها :- شاهين يا ابنى
شاهين بعد ايديها عنه برفض سمر دموعها نزلت بحسرة على ابنها شاهين قام و هو شايلها على ايديه و طالع شقته نورا حطت ايديها على بؤها و بتعيط
سماح و شهد صوتوا
اسر بغضب:- اخرررسي منك ليها الى هسمعها بتصوت أو بتعيط هطين عيشيتها سامعين
اسر نزل علشان يعمل أجرت الدفن لكن عربية الاسعاف كانت مذلة موجودة الدكتورة نزلت من العربية و معاها ورقة:- استاذ اسر انا عايزة اقولك على حاجة و لازم تعرفها
اسر بصلها بهدوء:- حاجة اي يا دكتورة
الدكتورة بارتباك:- انا مقدرة حزنكم لكن أنا كمان من واجبي اقولك على الى حصل ، المرحومة مش ميته طبيعي
اسر:- قصدك اي
الدكتورة عطت لأسر التقرير:- التقرير دا مكتوب فيه سبب وفاتها حتي لو حضرتك لاحظت هتلقي علامة على رقبتها اسر الخنق
سكتت شوية:- ماتت مخنوقة انا محبتش اعمل بلاغ احترام لحزنكم لكن لازم تعرف مين الى عمل فيها كدا و يتسلم لى العدالة عن اذنك
في شقة شاهين
فلاش
منى:- يا شاهين افهمني انا مش خدامة علشان امك تبيعي و تشتري فيا
شاهين:- يا منى ما انا مينفعش اعصي امى برضو و بعدين انتي الى مستفزة ثم فيها اي لم ترعيها و تشوفي طلباتها اكنها امك يا ستي
منى بغيظ:: ستك ، حاضر يا شاهين بس مش هستحملها كتير
مشهد تاني
منى:- هو انا كفرت لم بقولك عايزة ابقا حرة
شاهين:- و انا مستحيل ابعد عن امى
منى:- و انت ركني جانبك لحد ما هموت طلامة انت بتحب اهلك كدا بتتجوز ليه يا شاهين طب بس شقة ايجارة حتي لو على اول الشارع ، انت طول اليوم برا البيت و انا اكني شغالة عند امك انا بموت و انت مش حاسس بيا
مشهد تاني
منى بدموع:- ابوس ايدك يا شاهين بلاش كدا طب خليني اقعد مع عيالي ابوس ايدك صدقنى انا معملتش حاجة
باك
دموع نزلت بألم لم فاق لى الواقع منى ماتت يعني لا هيسمع صوتها ولا هيتكلم معاها ولا هيشوفها تاني
بالليل في شقة سمر كان العزاء خلص
لبنى طبعا مشيت مع اهلها راحت بيتها
في شقة شاهين
كان مسك فرشة الشعر بتاعتها
فلاش
منى بعصبية:- مش معنى انى بحبك تعمل كدا مليون مرة اقولك انا مش عايزة اعيش مع اهلك اقولك تعال نعيش في عشة بس نغور من هنا شغل شغل شغل شاهين انا مش بشوفك غير نص ساعة و الباقي مع اهلك دى عايشة دى
شاهين:- ظروف شغلي أو مش عجبك نطلق عادي
منى نزلت دموعها:- لدرجة دى مش حببني
باك
غمض عيونه بمرارة اد اي كان قاسي معاها فتح عيونه راح الدولاب طالع هدومها و راح على السرير حطهم جانبه و و اخد صورتها في حضنه و نام طبعا العيال لبنى خدتهم معاها نور عندها ست سنين و سليم عنده سنتين
اسر دخل اوضة هنا ياخد منه حاجة لكن سمع صوت الاب توب كانت رسالة فتح الاب توب بتاع هنا
الرسالة
انتي ليه مش عايزين نتقابل يا لبنى انتي مش واثقة فيا
اسر اتسعت عينيه بذهول رجع الرسايل القديمة و شاف صور لبنى
المجهول:- على فكرة انا عارف انكي مش انتي الى في الصور و الا مكنتش حريصة اوى كدا
اسر اندهش حط ايديه في شعره:- ازاي ازاي هو اي الى بيحصل
اتجه لدولاب مسك القناع:- دا دا نفس وش لبنى
هنا فتحت الباب اتجمدت مكانها بصدمة
اسر لف وشه ليها و في ايديه القناع رفعه في وشه:- اي دا يا هنا
ولعت