رواية بنت ابليس
الفصل العشرون 20
بقلم حياة محمد
مصطفى: من أيه يا جبانه تعالى امسكى كده سهل خالص تعالى وقربه منها وسنده وهيا شيلاه
اما يوسف كان متغاظ من علاقة زينب بمصطفى
مصطفى:حطى إيدك تحت راسه كده وايدك التانيه تحته .... أيوه كده أديكى شلتيه إيه رأيك ؟!
زينب بسعاده: الله حلو أوى وباست جبين انس (( خطف قلبى))
مصطفى: يابخته
مشيت زينب بالراحه خالص وهيا شيلاه لحد ما وصلت لخالتها نورا: شوفى يا خالتى حفيدك حلو إزاى سمى بالله الاول وبعدين خديه
نورا: بسم الله ماشاءالله تبارك الله زى القمر بجد شوفى كده يا أم مصطفى حفيدك حلو إزاى يتربى في عزك وعز ابوه إلا هو فين
بصت دعاء بقلق لمصطفى إللى قال بسرعه ده مسافر عند بابا و
أنا اتصلت وطمنته ده حتى كان فرحان أوى
نورا هيا البت هتدنها نايمه كده ولا هتفوق امتى
مصطفى:؛ شويه كده وهتفوق من البنج استريحى انتى وأنا هبعت لكم مع العامله حاجه تشربوها
زينب: نشرب إيه يا بخيل إحنا مافطرناش والظهر قرب يأذن
مصطفى: أعوذ بالله منك يا شيخه مش عارف بتودى الاكل ده كله فين
زينب: الله اكبر من عينك خمسه وخميسه
مصطفى: على أساس بيحوق خلاص هبعت لكم أكل
زينب : من أكل العيانين بتاعكم لا يا عم ماليش فيه
سحبها يوسف من دراعها وقال: لأ احنا اللى هنروح نجيب لهم اكل من المطعم . شكرا يا دكتور وسحبها معاه.
زينب: سيب دراعى يا يوسف هتخلعه
يوسف: ممكن اعرف إيه اللى بيحصل ده ضحك وقلة ادب وحركات ملهاش داعى ومطنشه وجودى ليه.شيفانى سوسن وإلا مش مالى عينك
زينب:هو إيه اللى حصل عشان تتعصب اوى كده وبعدين مصطفى ده زي أخويا
يوسف:ليه كان ابن إبليس وانا مش عارف
زينب بغضب: إبليس في عينك
يوسف: انتى زعلتى انا مقصدش أزعلك
زينب: وإلا تقصد انا هرجع الأوضه
يوسف: هترجعى فين احنا هنروح نجيب أكل هو فين مفتاح العربيه
زينب : المفتاح معاك انا مأخدتوش منك.
حط يوسف إيده في جيبه وطلعه وقال تصدقى معايا فعلا
&&&&&&&&&&&&&
زينب: ممكن اعرف جايبنى هنا ليه المفروض ناخد اكل للناس إللى في المستشفى
يوسف: يا ستى انا وصتهم على الاكل واحنا هنقعد نشرب حاجه على ما يجهز الطلب وبعدين المفروض تشكرينى جايبك في مطعم نضيف تقعدى فيه
زينب: على أساس انا متربيه على عربيه في الشارع
يوسف: انتى لسه زعلانه خلاص بقى يا زينب وبعدين المفروض انا إللى ازعل منك
زينب: وتزعل ليه انا مش عارفه
يوسف: لا والله انتى مش شايفه نفسك كده عماله تضحكى وتهزرى مع الدكتور مصطفى ومش شايفه نظراته لكى إزاى..ومش عايزة دمى يفور انا ماسك نفسى بالعافيه انى اضربه وامسك في خناقه وانتى تقولى لى زى اخويا
زينب بابتسامة وسعاده: انت بتغير يا يوسف
يوسف: ليه قالوا لك انى حيطه مبحسش
زينب: بس انت قلت مش عارف وكلام فاضي
يوسف: وانتى ماصدقتى قلبتى على طول
زينب: انا ماقلبتش ولا حاجه
يوسف: يعنى لو قلت لك تتجوزينى يا زينب تقبلى.
ابتسمت زينب وقالت: هقولك انت عارف طريق بتنا تيجيب أهلك وتيجى تطلبنى من بابا.
يوسف: بس والدك مش راضي
زينب:انت عليك تطلبنى وسيب الباقى عليا
&&&&&&&&&&&&&&&ــ
في المستشفى بدات امانى تفوق وتتوجع: ماما......انا.... عايزه... ماما آآه عايزه... ماما... سامحيني يا ماما قولى.....لبابا..يسامحنى
نورا: انا هنا جنبك يا حبيبتي
أمانى: ماما انتى....بجد جنبى ولا بحلم...
نورا: لا يا حبيبتي انا جنبك انتى ولدتى وجيبتى ولد زى القمر جيبتى انس مش كان نفسك تسميه انس
أمانى: بابا فين انا عايزاه يسامحنى .
نورا: ارتاحى دلوقتى انتى وبكره هجيبوا لك
&&&&&&&&&&&&&&&&&&
عبد الكريم: زغرطى يا رجاء تعالى افرحى بإبنك اخر صبرك
رجاء: عمل إيه يوسف بس
عبد الكريم: ابنك يا هانم اخر صبري ابنك إللى يتباهى به وسط الناس عايز يتجوز
رجاء بفرحه: بجد ده يوم المنى أنه يتجوز ده أنا هاخطب له بنت الكل يحكى ويتحاكى عنها
عبد الكريم: قبل ما تقولى الكلمتين دول وتهيصى مش تعرفى ابنك عايز يتجوز مين عايزنى انا أروح أخطب له مين
رجاء: مين يا يوسف عايز تخطب مين؟
يوسف: زينب يا ماما
رجاء: زينب مين بنت مين؟
عبد الكريم: بنت إبليس ابنك عايز يتجوز بنت إبليس
ضربت رجاء على صدرها وقالت بخضه ' نهار اسود ( استغفر الله) بنت إبليس مالقيتش إلا بنت إبليس دى عزبه مطلقه يا يوسف عايز اول بختك يبقى مع مطلقه
عبد الكريم: هو ده كل همك انها مطلقه مش فارق معاه انه عايز يخطب بنت إبليس المرابى إللى فلوسه كلها حرام في حرام مش فارق معاكى انه عايز يتجوز بنته إللى أذتنى وخلتنى اسيب الشغل مش فارق معاكى سمعتها إللى زى الزفت
يوسف: سمعت عنها إيه وحش عشان تقول سمعتها زى الزفت ولا حاجه يكفي إنى ماشفتش عليها حاجه وحشه
عبد الكريم: وإللى عملته فيا ده مش حاجه وحشه
يوسف: عملت ايه؟ حركه خايبه وحتى الموجه عرفها من الأول وبعدين انت إللى سويت معاشك محدش أجبرك.وبعدين دى حاجة خلصت من زمان
عبد الكريم: خلصت ماخلصتش لأ يعنى لأ انا مش موافق
يوسف: ودى البنت إللى اخترتها
عبد الكريم: غلط كل اختياراتك غلط في غلط
الاولى رباب إللى سابتك واتجوزت راجل تانى ودى غلط ولو بتحسب انها هتشيل وتديك تبقى اهبل دى بنت إبليس يعنى المكر والخداع في دمها.
يوسف: يعنى إيه يعنى مش هتيجي معايا
عبد الكريم:: إنت اخترتها لواحدك يبقى تروح لواحدك.
يوسف: اروح بطولى زى المقطوعين إللى مالهمش أهل
عبد الكريم: أه لو مصر عليها يبقى أه اما لو سمعت كلامى واخطب اى واحده غيرها وأنا هجوزهالك.
يوسف: وانتى يا ماما
عبد الكريم: امك مش هتخالفنى
يوسف: ماشى خلاص انا هروح لواحدى مش عايز حد يجي معايا.
وسابهم ودخل أوضته
رجاء: ليه كده يا عبد الكريم كنت تفهمه بالراحه
عبد الكريم: راحة مين ده مقرر من قبل ما ييجى يعنى وافقنا أو رفضنا كان هيروح هيروح
رجاء: ومادمت عارف كده مش كنت تروح معاه أحسن عشان تشرفه بدل ما يروح بطوله
عبد الكريم: انا احط إيدى في إيد إبليس ده من رابع المستحيلات.خليه يروح لوحده عشان يحس بقيمتنا.
&&&&&&&&&&&&&&&&&&
خبط باب البيت ففتح سيد الباب واتفاجأ بيوسف فقال بضيق: نعم عايز ايه ؟؟
يوسف: طيب مش تدخلنى وبعدين نتكلم والا هنتكلم على الباب
وسع له سيد وقال: خش بس اختصر عشان عندى صداع.
يوسف بتوتر: حاضر (( وفى نفسه))(( إيه الراجل إللى معندوش ذوق
قعد سيد وقال: عايز ايه
يوسف بتوتر: يعنى أنا جاى النهارده عشان بس يعنى اطلب إيد بنتك الانسه زينب
ضحك سيد بصوت عالي: أنسة مين هو إنت مش عارف إنها كانت متجوزة واتطلقت
يوسف: عارف
سيد: أمال بتقول أنسه ليه ؟
يوسف: انت بس موترنى
سيد: لا ماتتوترش ولا حاجه عشان طلبك مرفوض اطلع بره
يوسف: ليه يا عمى ده أنا بدخل البيت من بابه وباتبع الأصول
سيد: اصول إيه يابن عبد الكريم هو انت بتحسبنى اهبل ومش عارف انت بترسم وبتخطط على إيه لا فوق واعرف إنى عارف كل خططك
يوسف: خطط إيه يا عمى انا عايز اتجوز بنتك جواز لا فيه رسم ولا تخطيط
سيد: مش بتقول جواز طيب انا مش موافق خلاص فيه حاجه تانى وانت لو عندك دم تسيب الشركه وتروح في داهيه .يالا اطلع بره
قام يوسف وخرج من الباب
عبد الكريم: شرفت يا عريس إيه ماسمعناش زغاريد ولا فرقتوا شريات ولا حماك بخيل و عايز يوفر
يوسف بضيق: رفضنى مافيش جوازه
عبد الكريم: ده يوم المنى ده يوم السعد أنه رفضك زغرطى يا رجاء ابنك اترفض
سابهم يوسف ودخل في اوضته واتصل بالتليفون
زينب: عملت ايه يا يوسف
يوسف: ابوكى رفضنى وطردنى من البيت.
زينب بغضب: ماشى نام دلوقتي وانا ليا تصرف تانى
&&&&&&&&&&&&&&&&
الساعه عشره بالليل وامانى شايله انس وراحه جايه بيه عشان ينام وكل شويه تقعد ترتاح من وجع العمليه في حين فادى قاعد في الصالون بيتفرج على التليفزيون وماسك في إيده الموبايل
قربت منه امانى وقالت: فادى دوا المغص بتاع انس خلص ممكن تروح تشتريه من الصيدلية إللى تحت
فادي: لأ
أمانى: عشان خاطرى الولد تعبان وانا ما صدقت انه نام بس هيصحى بعد شويه يعيط روح هاته انا تعبانه اوي والله
فادي ببرود: وانا ماليش في الحاجات دي روحي انتى
امانى،: طب هاخلى الولد جنبك على ما أنزل
فادى' أوف إيه القرف ده
أمانى: عشر دقايق مش هتأخر
وسابت انس جنب ابوه يمكن يحن قلب ابوه عليه لما يشيله وياخده في حضنه.
وبعد عشر دقايق دخلت امانى وهيا شايله الادويه وصوت عياط انس مالى الشقه راحت له بسرعه لقيته بيعيط ويتلوى من البكا وفادى جنبه بيلعب في الموبايل.بصت له وعيونها غرقانه بالدموع.
قال لها: شيلى الولد ده جاب لى صداع
أمانى: هقول إيه اصل الحنيه لا بتتباع ولا بتشترى.
فادى: وفرى محاضراتك لنفسك انتى مش قلبتى عليا اهلى عشان بسهر خلاص انا بطلت يبقى ماتوجعيش ليا دماغى
أمانى: صح ماعدش يفرق عشان وجودك زى عدمه.
واخدت ابنها ودخلت اوضتها.
&&&&&&&&&&&&&&&&&&
دخلت زينب مكتب والدها وقالت: ممكن اعرف إيه اللى عملته مع يوسف
سيد: عملت ايه رفضته
زينب: ليه
سيد: لو ده اخر راجل في العالم مش هوافق عليه
زينب: ادينى سبب واحد مقنع
سيد: ده بيضحك عليكى بيخدغك
زينب بعدم تصديق: أه بيخدعنى وإيه كمان
سيد: صدقينى انا سمعته هو وصاحبه وهما بيرسموا ويخططوا عشان يتجوزك
زينب بنفس النبره: وبعد مارسموا خططوا كمان حلو أوى
سيد: ده بيلعب عليكى عايز فلوسك
زينب بملل: رسم وخطط ولعب هايل فيه حاجه تانيه
سيد: انتى ليه مش مصدقانى
زينب: عشان زهقت من كلامك ده بس هقولها لك باختصار انا بحب يوسف وموافقه عليه
سيد: ولو اخر يوم في عمري مش هوافق عليه ومش هسمح لك تتجوزيه ولو فكرتى بس هقلب الدنيا كلها عليكى وعليه وهاهد الدنيا كلها ومش هيتجوزك برضوا
زينب: ماتتحدانيش يا بابا انت عارفنى كويس
سيد: لأ انتى اللى ماتعرفيش ابليس لما بيقرر مافيش حاجه بتوقفه
زينب: وليه ده كله
سيد: انا قلتها انا اجوزك اى حد إلا هو ده لو سالم طلبك تانى هوافق عليه ويوسف لأ
زينب: سالم سالم انت قابلته صح
سيد: وعايز يرجعك وموافق على كل شروطك وموافق يشهر جوازه منك قلتى إيه
ضحكت زينب وقالت: كنت قربت اصدق انك خايف عليا كنت قربت اصدق انك تهمك مصلحتى اتاريك بدور على مصلحتك
سيد: صدقينى انا تهمنى مصلحتك ويوسف ده طمعان
زينب: الكل طمعان بس بطريقته عن ازنك يا بابا.
&&&&&&&&&&&&&&&&
يوسف: طب وبعدين هنعمل ايه لا بابا موافق ولا باباكى موافق هنعمل ايه ؟
زينب: اتكلم عن نفسك مالكش دعوه ييا
يوسف: ليه مش الموضوع ده يخصنى زى ما يخصك وبعدين أنا بفكر معاكى بصوت عالي
زينب: لأ متفكرش معايا فكر لواحدك لان الموضوع يخصك انت والقرار قرارك
يوسف: انا لو مش واخد قرارى ماكنتش اتقدمت لابوكى وانا عارف رفضه ليا من الاول.
السؤال المهم هو انتى هتعملى إيه مع والدك
زينب: انا موافقه من دلوقتي نحدد ميعاد الفرح
يوسف: طب ووالدك
زينب: امره يخصنى لواحدى وانا هتصرف معاه.
&&&&&&&&&&&&&&&&&&ــ
دخلت على ابوها مكتبه
سيد: لو جايه عشان موضوع يوسف يبقى ارجعى ومتضياعيش وقتى
زينب: لا بس فيه غلطه في الحسابات ايه حصل بقى سيد إللى كانت دماغه اسرع من الاله الحاسبه يغلط غلطه زى دى بص كده
شاف سيد الورقه لقى غلطات واضحة فقال: معلش مانتى برجلتى لى مخى.
زينب: ماعاش مين يبرجل لك مخك.بقولك يا بابا تيجى ننسى كل حاجه
سيد: يعنى إيه
زينب: يعنى ننسى يوسف وسالم وكل الصداع ده ونبقى سيد وبنته وبس
سيد: ياريت يعنى انتى صرفتى نظر عن الجوازه
زينب: لأ طبعا بس هناخد هدنه من التفكير تعرف انا وحشنى اوى اننا ناكل مع بعض زى زمان ايه رايك ووحشنى اكتر انى اطبخ لك وتآكل من ايدى
سيد: وانا كمان دى اخر مره اكلت من ايدك كانت من سنين
زينب: طيب ادينا فيها ايه رايك تيجى تتعشى معايا في الڤيلا وتتفرج على التعديلات إللى عملتها في الڤيلا هتعجبك أوي
سيد: ماشى بس هتطبخى لى إيه
زينب: عارفه انك بتحب السمك السنجارى وهعملك كمان شوربه سي فود زى مابتحبها سمك قشر بياض مع جمبري ومش هاحط كاليمارى.بس إنت عليك الحلو تجيب معاك صنيه بسبوسه بالقشطه إللى بحبها
سيد: ماشى بس لو بتحسبى هتخلينى أوافق على يوسف بعد الاكله دى فبقولك ما تحاوليش
زينب: احنا مش قلنا ننسى يوسف وغيره احنا عايزين نبقى انا وانت وبس ماشى
سيد: ماشى
زينب: هستناك بس ماتنساش البسبوسه سلام
وأول ما خرجت من عنده اتمسحت الإبتسامة وقالت: انت اللى اخترت يا بابا وقررت وانا هنفذ قرارك.
$$$$$$$٣٣٣$$$$$$$$
فى الڤيلا قعدت زينب على السفره وهى بتشوف سيد إللى راسه مميله بعد ماوقعت من ايده الشوكه وبكل برود قعدت تاكل في البسبوسه