رواية عشق ابيض واسود الفصل التاسع 9 بقلم عائشة الكيلاني

الفصل التاسع 9 

بقلم عائشة الكيلاني

اسر سبهم و مشي بعد وقت في شقة سمر منى في التواليت و بتخبط على الباب بجنون :- افتحووا الباب حمااااتي ابوس ايدك افتحي الباب يا نوراااا 

سمر كانت نايمة و صحيت على ريحة حريق و صويت منى اتجهت برا جري و فتحت لمنى الباب و النور :- بسم الله الرحمن الرحيم مالك يا بت بتصوتي ليه و اي ريحة الحريق دى دا اكن حد بيولع اي الى حصل و بتصوتي ليه 

منى بتخد نفسها بالعافية:- ا انا كنت في التواليت فجأة الباب و النور اتقفلو عليا ، اي الريحة دى 

منى افتكرت لبنى و قالت بصوت:- لبنىىى حماتي الريحة دى جاية من شقة اسر الشقة شكلها بتتحرق و لبنى فيها 

سمر ضربت ايديها على وشها:- يا لهوي يلهوي يلهوووي البت في الشقة و حامل 

هنا كانت لسه رجعة البيت لكن وقفتهم:- في اي يا جماعة  

منى:- لبنى بتموت يا هنا البت بتولع 

سماح و نورا واقفين جانب بعض ببرود :- و احنا مالنا يا منى هى يعني من باقية اهلنا اهو خلي البيت يخف شوية لحسن الجو نااار و احنا مش ناقصين 

سمر:- انتوا بتقولو اي لازم ننقذها لتموت و يحسبوها علينا بنادمة بت اخواتها 

هنا و نورا و سماح راحوا قعدوا على الكنبة و فتحوا التلفزيون على الاخر شهد خرجت من اوضتها بعد ما مثلت انها نايمة علشان محدش يشك فيها سمر راحت قعدت جانبهم:- استغفر الله العظيم علي يا بنتي صوت البتاع دا 

منى بصتلهم برعب و ذهول و جريت على فوق و هى بتحاول تتصل باسر لكن مش بيرد اسر وصل البيت و طلع جري على الريحة النار :- اي ريحة دى 

سمر:- مش عارفه يا ابنى تلقي حد مولع في الشارع أو حد ناسي حاجة 

منى بصرخ من فوق:- اسررر شقتك بتتحرق و لبنى جووا 

اسر طالع جري على شقته كانت منى واقفة بتحاول تفتح الباب لكن مش عارفة :- اوعي ااابعدي يا منى 

منى بعدت اسر حاول يفتح الباب بكتفه لحد ما الباب وقع النار كانت حرفيا كلت كل حاجة في الشقة كله كان بيتحرق واقفة لحظة مصدوم و عاجز لم شاف النار قريبا من لبنى حب عمروا 

منى بصرخ:- اااسر خد بالك 

منى نزلت شقتها و طلعت و هى معاها جردل ماية و بطانية 

اسر مفكرش جري عليها و شالها من قلب النار و خرج من الشقة من غير ما يتكلم نزل على تحت و هو شايلها الكل اتجمع بتمثيل الخوف 

سمر بتمثيل:- يا حبيبتي يا بنتي اي الى حصل يا اسر و مالها 

شهد بتمثيل الخوف:- اسر هى مش بتتحرك ليه لتكون ماتت 

اسر بزعيق:- اخرسوو كلكم اياك اسمع نفس الكلام حد فيكم منى اتصلي بى المطافئ ييجو يطفو الحريق قبل ما يوصلكم 

اسر قعد على الارض و بقا يفوقها لبنى فتحت عيونها ببطء و قالت بهمس:- اسر  

اسر حضنها بدموع و هى بيحمد ربنا انها بخير مكنش فيه كلام لكن الكل كان بيبصلها بغضب و غيظ لبنى حضنت ايديه و غمضت عيونها بتعب  اسر شالها و قام لكن قبل ما يخرج:- الى عمل كدا هيتحاسب 

اسر نزل و راح المستشفى علشان يطمن عليها بعد وقت في المستشفى في غرفة قسم الطوارئ الدكتورة و الممرضات و عملو اللازم ليها بعد ما ضمتو الجرح الى في ايديها من الحريق علقوا محاليل ليها وعطوها مهدئ 

الدكتورة:- هى كويسة مفيش داعي للقلق ، بس انت ايدك بتنزف و مش بعيد تكون حصلها حرق 

اسر :- انا مش مهم المهم هى ، و الجنين 

الدكتورة:- الجنين بخير الحمدلله اول ما تفوق تماما هنشيل الأكسجين لم نتاكد انها بخير ، انت لازم نطهر الجرح و نلحق الموضوع ليقلب حرق هى والله العظيم كويسة بس لازم نطمن على الجرح بتاع حضرتك 

الدكتورة ضمت له الجروح الى في ايديه و خرجت هى و الممرضات اسر قعد جانبها و بيمسح على شعرها بحنان قام قبل راسها و قعد مكانه في البيت 

منى :- بس انا متاكدة انى حاطة المفاتيح هنا و حماتي كانت نايمة و محدش غيري كان موجود غيرك يا شهد 

شهد بصتلها ببرود:- قصدك اي يا منى قصدك انى عملتها طب يارب ما اوع افرح ولا بجي عليا نهار لو كنت عملتها 

منى ببرود:- معرفش بس لو حقيقي يبقا امين و عمتنا اسر هيعرف هيعرف هو اصلا شاكك و بعدين مين في مصلحته انها تموت غيرك 

سماح بعصبية:- منى اخرسي و الزمي حدودك 

منى:- لم اصحاب العيب يعرفوا حدودهم ابقا الزم حدودي و برضو اسر و لبنى هيعرفو يلا يا نور 

منى اخدت عيالها و طالعت شقتها 

سمر اتنهدت:- اعملو ما بدلكم يا بنات 

اما في المستشفى لبنى فتحت عيونها ببطء بتبص حواليها و بعدين بصتله كان مرجع راسه لوراء و مغمض عينيه شالت ماسك الأكسجين من على انفها كانت بتبصله بتعب و شفقة قالت بصوت ضعيف و مرهق:- ا اسر 

حطت ايديها الى فيها المحاليل على ايديه من رغم ان ايديها وجعها :- اسر 

اسر فتح عيونه بتعب لكن فاق لم شاف ايديها على ايديه و بتبصله حط ايديه على ايديها و قرب منها بلهفة:- حبيبتي انتي كويسة حاسه بحاجة 

لبنى بصوت واطي:- انا كويسة 

حطت ايديها على بط*نها بخوف:- ابنى حصله حاجة ، ساكت ليه اتكلم يا اسر أجهضت و بداري عليا ساكت ليه اتكلم قول حاجة 

قالتها بعصبية و جنون اسر حط ايديه على ايديها:- اهدى يا روحي ، ابننا كويس و مفيش حاجة حصلت المهم انكم بخير روقي علشان خاطري ولا اقولك علشان خاطر ابننا اهدي مفيش داعي لعصبيتك 

لبنى:- انا عايزة اروح يا اسر 

اسر سرح شوية بيفكر هيعمل اي الشقة اتحرقت بالعفش و كل حاجة و لكن في احساس جواه بيقوله اخرج من البيت دا و مترجعش تاني مهما حصل 

لبنى بصتله:- انت كويس 

اسر قبل راسها:- كويس يا روح طول ما انتوا معايا ، هنرجع بيتنا بس هنستنا هنا لحد ما الدكتورة تسمح ليكي بالخروج 

تاني يوم اسر و لبنى خرجوا من المستشفى و راحوا فندق قرر يعمل كدا علشان نفسيتها كان فندق على البحر اما في بيت سمر 

هنا بعصبية:- شبكتييي مش موجوده يا ماما 

شهد:- دوري كويس يا بنتي 

هنا:- انا مش عامية ولا فاقدة الذاكرة هيكون راحت فين قطة يعني دخلت الشقة و نطط في الدولاب و خدتها 

سمر:- يادي المصيبة دهبي و شقا العمر مش موجود دهبي يا ناسس 

سماح:- و انا كمان فلوسي الى شايلها في الدولاب مش موجودة 

نورا:- يعني اي يا جدعان انا فلوس عماد مش موجوده و انتوا نفس الكلام ، انتي يا منى مش ضايع منك حاجة ولا انتي حلتك اي علشان يضيع 

شهد:- احنا نبلغ الشرطة و هى تتصرف 

سمر :- انتي كان عينيكي على شبكة بنتي 

منى بصدمة:- اي الى بتقوليه دا يا حماتي و عيني على حاجاتها ليه ما تتهني بيهم انا مالي 

شهد بصت لمنى:- يبقا نطلع شقتك و نفتشها و اهو جوزك يكون شاهد على مراته 

منى بعصبية:- لمى نفسك يا شهد و بطلي قلت ادب ثم انتي بتتكلمي ليه اصلا 

نورا:- حلو طالما خايفة و متعصبة يبقي انتي الى عاملها 

منى:- انتي بتشكي فيا يا نورا اشحال أننا اصحاب 

نورا:- والله مش أنا الى ببص لحاجات غير و كل واحد عارف نفسه 

سمر طالعت شقة منى و فتحت الباب و دخلت اوضة منى 

شاهين بعصبية:- ااي الى بيحصل و ازاي حضرتك تدخلي هنا دا تهجم غير مقبول بيه و انا بقولها تاني انا مش اسر 

سمر:- انت مصيبتك انيلي يا ابن بطني مصيبتك لا كانت على البال ولا الخاطر يا ميلة بختك و يحسرتي عليك يا شاهين و على ايامك 

شاهين:- خلصتي 

سمر و هى بتفتح الإدراج و بدور فيهم و بعدين فتحت الدولاب رمت كل الهدوم على الارض و لكن لقت حاجة وقعت 

شاهين ؛- اي دا 

سمر:- اكيد عمل استني اشوف اي 

سمر فتحت الكيس الاسود و مسكت غوايشها و دهبها بصدمة :- دى حاجاتي اي الى جابهم هنا ، و كمان شبكة اختك ، و فلوس مرات اخوك كمان بيعملوا اي هنا 

فلاش 

منى كانت في اوضة الاطفال نامت بعد ما عيالها نامو سمر و شهد دخلوا الشقة لان سمر معاها المفاتيح دخلو اوضة سمر فتحو الدولاب و حطو الحاجة في وسط هدوم سمر و في شنطة أو كيس اسود علشان يبانو انهم مسروقين و خرجوا بسرعة لان شاهين كان قرب يجي 

باك 

منى كانت طالعت و شاهين بيبصلها بصدمة و عدم فهم:- مفيش حاجة يا حماتي انتي بتعملي اي ميصحش كدا 

سمر حطت الكيس قصاد عينيها:- هو فعلا مفيش حاجة 

علت صوتها:- بقا بعد ما المك من الشارع و اجوزك ابنى تعملي فيا كدا يا بت الكلب ما صحيح مانتي منعرفلكيش لام ولا اب هتطلعي محترمة لمين لخالتك الى 

منى رفعت صباعها:- عندك انا اهلي اشرف منك و من اهلك على الاقل مش بترمي الناس بى الباطل زايك 

شاهين اتجه لمنى ضربها كف بكل قسوة و غضب:- اخررسي 

منى حطت ايديها على خدها بصدمة:- انت بتضربني يا شاهين 

شاهين مسكها من شعرها:- و اكسر رأسك عايزني أشوفك بتغلطي في امى و اسكوت ليه ياختي اشحال ان خالتك زبالة صحيح هتطلع عينيكي مليانة لمين 

منى:- انا والله العظيم ما عملت حاااجة 

شاهين ضربها كف تاني و جرها من شعرها و خرج برا نزل السلم و هو مسك شعرها و بيشتمها و منى بتصوت و تبكي و تحلف انها بريئه بس مين يصدق شهد و كلهم سامعين الصويت و بصراحة فرحانين فيها وصل لمدخل العمارة و رمها برا البيت :- انتي طالق يا منى طالق اياك المحك و اياك اياك المحك بالصدفة و لو قربتي من عيالي هقتلك يا حرمية 

منى قامت من على الارض مسكت ايديه برجاء و دموع:- شاهين ابوس ايدك صدقني انا والله العظيم ما عملت كدا طب انا معرفش حد غيرك 

شاهين نفض ايديه و زقها على الارض و قفل الباب في وشها منى قامت بتبص حواليها كان الكل بيبص عليها الى ماشي و الى جاي و الى بيبص من البلكونة لكن اتفجات بسمر الى حدفت الزير عليها:- يلا خلي البيت ينفض من امثالك 

هنا و شهد بيزغرطو من البلكونة بشماتة نورا كانت بتبصلها بحزن بتحس ان سرقة و نهددتها و خلاص مش هتطلق ولا هتطلع من بيتها بفضيحها لا و كمان بالبس البيت دموعها نزلت لكن مسحتها و خرجت من البلكونة بسرعة طالعت عباية سوداء و جريت على البلكونة حدفت ليها العباية منى بصت فوق كانت نورا بتبصلها بمعني البسيها منى لبست العباية و مشيت و هى مش شايفة قدامها حاسه ان الدنيا كلها بتتفرج عليها و بالفعل دا الى بيحصل الدموع مذلة نزلة 

بالليل عند اسر و لبنى 

لبنى بملل:- فاضل اد اي 

اسر و هو مسك ايديها:- خلاص امشي سنة كمان و نبقا وصلنا 

لبنى:- لقبري مانت اكيد هتموتني 

اسر:- بعد الشر عليكي يا حبيبتي وصلنا 

اسر شال الشريطة من على عينيها :- و دلوقتي فتحي 

لبنى فتحت عيونها ووووو 

الفصل العاشر من هنا

 لقراءه باقي الفصول من هنا