رواية ايام هنا الفصل الاول1 بقلم ميرفت السيد

انتي مش نايمة في ملك ابوكي يابرنسيسة

ياللا يابت ال🐕 اصحي 

  هنا وهي تتثاءب : حاضر ياحماتي قايمة اهو

صبرية حماتها بعصبية وهي تجذبها من شعرها :جرا إيه يارباية النسوان انتي لسة عاوزة تنعسي تاني قومي قامت قيامتك 

هنا بخوف نهضت بسرعة وهي تمسك شعرها بألم: خلاص قومت اهو 

صبرية وهي تغادر وتنظر اليها بكره :قسما بالله لو صحيت قبلك بعد كدة لابيتك على السطح في البرد يابنت سماح 

هنا بسرعة غسلت وجهها واسنانها وقالت لنفسها وهي تضحك بسخرية  بينما تنظر بالمرآة في الحمام: لسة باغسل سناني ووشي كويس اني مانسيتش العادات دي وسط أهل جوزي الي مبيغسلوش ايديهم بعد الأكل  انا تربية العز اتبهدل كدة في الدنيا بعد عملتك ياامي

بصقت الماء من فمها وهي تغسل أسنانها وكادت ان تشرق حين نادى عليها زوجها علاء:انتي يازبالة فينك كل دة 

خرجت بسرعة لتجده امامها ينظر اليها بقرف واشمئزاز: كل دة في الحمام الهانم مفكرة نفسها أميرة ولا حاجة 

#بقلم_مرفت_السيد

ثم اقترب منها وهي ترتعد خوفا وتبتعد عنه حتى التصقت بالحائط فاقترب منها بجسده الضخم وانفاسه تلفح وجهها وهو يقول بنبرة قاسية: انا سترت عليكي واتجوزتك بس عشان بنت عمي بعد عمايل امك المفضوحة  انتي هنا خدامة مداس لينا احمدي ربنا انك بتاكلي وعايشة في بيت عمك بدل ماكان زمانك في الشارع بتشحتي

ثم نظر اليها برغبة ووضع يده على شعرها البني الناعم 

 كانت تبكي بصمت وتدير وجهها حتى لاتنظر إليه وبدت وكأنها لاتريده ان يلمسها  فاضاف وهو يدفعها بعيداً عنه :ليكي الشرف اني بألمسك اصلا يابنت سماح 

هربت من أمامه الى المطبخ لتحضر طعام الإفطار وسرحت وهي تضع لهم الملح في طبق الفول  وهي تتمنى ان تضع لهم السم بدلاً منه

#بقلم_مرفت_السيد

وبسرعة وضعت الطعام على السفرة وهي تتذكر بانها قبل الزواج لم تكن تعرف كيف تصنع لنفسها كوبا من الشاي لانها كانت مدللة ولديها خدامين لتلبية احتياجاتها

قاطع افكارها صوت امينة اخت زوجها وبنت عمها وهي تلكزها : انتي فين النسكافيه بتاعي ياحيوانة

*حاضر دقيقة واحدة انا قلت اجيبهولك سخن زي ما بتحبيه 

:غوري بسرعة 

دخل حماها وحماتها وزوجها وجلسوا وشرعو بتناول الطعام 

اتت هي بالنسكافيه وجلست بجوار زوجها وبدأت تأكل وهي تدعو الله ان ينال الطعام إعجابهم حتى لا تنال عقابا كالعادة

قال عمها عبد الحق:بت يانيلة انتي النهاردة يوم العزومة بتاعة العيلة عاوزك تشرفيني مع انك متشرفيش اصلا 

اومات برأسها وهي تشعر بألم بمعدتها ولكنها  لاتمتلك رفاهية الشكوى اصلا

كانت العائلة يتحدثون عن اقتراب خطوبة امينة من ابن خالتها 

امينة بسعادة: اعمل حسابك ياحج انا عاوزة خطوبة كبيرة تشرف كدة 

صبرية: طبعا دة خالد ابن اختي المهندس الي اي بنت في البلد تتمنى منه نظرة 

ونظرت بقرف الى هنا واشارت اليها باصبعها بتكبر:قومي يابت هاتيلي شوية عسل 

#بقلم_مرفت_السيد

نفذت هنا طلبها وهي تشعر بتعب ودوخة  وبينما هي تضع طبق العسل لحماتها شعرت بانها تفقد توازنها فوقع العسل على صبرية ووقعت هنا على الأرض 

واخر ما شعرت به قدم صبرية وهي تركلها ببطنها ثم غابت عن الوعي 

وحين بدات تستعيد وعيها وجدت نفسها بغرفتها على الفراش لوحدها حاولت النهوض ولكنها شعرت بألم شديد في بطنها ولكنها سمعت أصوات تتحدث خارج الغرفة

فاسترقت السمع 

وماسمعته جعلها تشعر برعب وخوف جعلها على وشك التبول في ملابسها

كانت صبرية تقول لعلاء:...........