في يوم جديد
في مكتب محاماه مكون من كذا محامي وكل محامي ليه مكتب خاص بيه
في غرفه المحامي حسن الشحات
المحامي رجل ف الثلاثينات قاعد ع مكتبه بيشرب قهوه
واحلام قاعده ع المكتب قصاده بتشرب حاجه دافيه
المحامي/فهمتك ي احلام هانم .. انا دلوقتي هتصل ب جوزك ويجي هنا ونتفاهم معاه بتحضر ونحاول نحل الطلاق ودي
احلام بصوت واطي/معتقدش يتفاهم بتحضر
المحامي/قلتي حاجه
احلام/لا ابدا ي استاذ حسن
حسن /ثانيه واحده برن عليه اهو
في شركه آدم ف مكتبه ادم موبايله رن
ادم/الو
حسن/معاك المحامي حسن الشحات ..دلوقتي مدام احلام شرحت لي الوضع وانها عينتني المحامي بتاعها ل قضيه الطلاق. ولو حضرتك تتفضل ف مكتبي ونتكلم عن الموضوع دا هيكون افضل
ادم فصل المكالمه وقام بغضب
بعد نص ساعه
ادم وصل مكتب المحاماه وسال سكرتيره ع مكتب حسن الشحات والسكرتيره وصلته لحد المكتب
ف مكتب حسن
ادم دخل و حسن قام
حسن/اهلا استاذ ادم اتفضل
واحلام كانت قاعده ومبصتلوش
ادم سلم ع حسن وضغط ع ايده بقوه وحسن اتوجع
ادم/ادم الحديدي
حسن /احم . اه طبعا غني عن التعريف ..حضرتك مقلتليش ي احلام هانم انك مرات ادم بيه الحديدي
احلام/مراته مؤقتا
ادم قرب من حسن
ادم بصوت واطي/لو عايز تحافظ ع مكتبك ومهنتك تسيب القضيه حالا ومشفش وشك تاني
وبعد عنه و ساب ايده وحسن مسكها بوجع وتوتر
حسن/احم انا بعتذر جدا ي احلام هانم طلع عندي جلسه مهمه جدا ف المحكمه
ولازم امشي
واخد شنطه الشغل بتاعته
حسن/وكمان مش هقدر اخد قضيه الطلاق بتاعت حضرتك لاني اكتشفت ان معنديش وقت..عن اذنك
وطلع برا المكتب وقفل الباب وراه
احلام قامت بغضب/هددته صح؟علشان كدا خاف ومرضيش ياخد القضيه بتاعتي ..بس في الف محامي غيرو وهيطلقونا عادي
ادم بغضب وغيره/انتي ازاي اصلا تيجي مكتب محامي وتقابليه لوحدكم ؟ ازاااي
احلام بغضب/زي ما انت شايف دا مكتب محاماه كبير وفي برا الفين محامي ومحاميه ومعاهم ناس ماسكين القضايا بتاعتهم يعني مش ف مكان مع حد لوحدي ..وحتي لو ..انت مالك اصلا احنا كدا كدا هنتطلق مش من حقك تتحكم فيا
ادم بغضب/احلام متختبريش صبري اكتر من كدا وقلت لك مليون مره انسي اني اطلقك انتي فاهمه ولا لا
وريني بقي مين ال محامي ال هيعرف يطلقنا
احلام ربعت ايدها بغيظ/ونا عامله حسابي ف محامي تاني مش هيخاف زي ال انت هددته
ادم قعد ع الكرسي /وريني المحامي خليه يتفضل
احلام بغضب فتحت باب المكتب
وطلبت من السكرتيره تطلب من المحاميه حسناء تيجي
واحلام قعدت قصاد ادم بغضب
المحاميه حسناء خبطت ودخلت
المحاميه بابتسامه/اي الأخبار .حضرتك احلام هانم صح
احلام قامت وسلمت عليها/اه انا
حسناء بابتسامه/يارب ديما وحضرتك ادم بيه الحديدي طبعا غني عن التعريف
ادم سلم عليها/اهلا وسهلا
حسناء/اهلا بيك
احلام/احنا كنا متفقين مع استاذ حسن انه يطلقنا بس تقريبا هو مشغول .حضرتك تقدري تعملي دا
حسناء/اه طبعا مفيش مشكله .
وقعدت مكان كرسي حسن
وطلعت ملف وقلم وحطته قدامها
حسناء /ممكن اعرف سبب الطلاق اي ؟ يعني العنف .ادم بيه بيمد ايده عليكي
احلام/لاء
حسناء/طب خانك قبل كدا
ادم/اكيد لاء
احلام بصتله بغيظ/بتسألني انا
احلام/احم لاء مخانيش
حسناء/طب عايزه تطلقي مثلا علشان ظروف معيشتكم مش قد ك
وقبل ما تكمل كلامها أدركت ان احلام متجوزه ادم الحديدي
حسناء/انا بعتذر عن السوال دا لانه غبي جدا .حضرتك متجوزه ادم الحديد يعني .طب عايزه تطلقي مثلا علشان بيشرب او مدمن
احلام/لاء برضو
حسناء/طب كدا ي مدام احلام مفيش سبب صريح عايزه تطلقي علشانه او اقدر أقدمه للمحكمه .كد مفيش قاضي اصلا هيرضي يطلقكم
وقامت وخدت الملف
حسناء/عن اذنكم
ادم/طبعا اتفضلي
وقامت وطلعت برا المكتب
واحلام بغضب قامت واخدت شنطتها وكانت هتمشي ادم قام و مسكها من دراعاها وقفها ومسكها من وسطها بتملك وقربها منه
احلام من غير ما تبصله/ادم سبني خليني امشي
ادم باصص ف عينها/مستعجله ع الطلاق مني للدرجه دي ..عايزه تخلصي مني
احلام بصتله و دمعت/انت ال اتخليت عني بسهوله .حسستني اني مليش قيمه عندك خالص ..ف اول مطب حصل ف حياتنا قلت هتطلقني .
ادم مسح لها دموعها
ادم/اوعي تقولي ع نفسك كدا تاني..انتي اغلي حاجه ف حياتي.انتي حياتي كلها انا مقدرش اعيش من غيرك ي احلام..انا اسف ...حقك عليا انا اسف
ودي كانت أول مره ادم الحديدي يعتذر فيها
وباس شفايفها وباس راسها وعينها وخدها وباس كل حته ف وشها وهو بيعتذر منها
وحضنها وباس راسها واحلام حضنته بدموع حضنه وحشها اوي
احلام طلعت من حضنه وبصتله ف عيونه/انت ممكن تعمل اي علشاني
ادم وهو باصص ف عينها /اي حاجه ف الدنيا...مستعد اضحي بحياتي علشانك
احلام مسحت دموعها
احلام/ونا مش عيزاك تضحي ب حياتك ..انا مقدرش اخلي ابني يعيش حياه زي دي
ادم/يعني اي
احلام/شغلك ..ال هو السبب ف كل حاجه وحشه حصلت وبتحصل ولسه هتحصل تقدر تسيبه علشاني؟
ادم/
احلام/ انا مش كل يوم هستني انا وابننا ابوه يرجع من برا كويس مش متصاب ب طلقه بسبب اعداءه الكتيره...مش كل يوم هقعد افكر اقول ي تري هو كويس ولا يتري حصله هجوم مسلح..هقول ل ابننا اي ي آدم لما يكبر ؟ هقول له بباه بيشتغل اي .ف تجاره السلاح والحاجات المشبوهه؟ بدل ما تعلم ابننا يركب عجله هتعلمه ازاي يمسك سلاح؟ انا عايزه اعيش مع جوزي وابني حياه طبيعيه من غير اسلحه وضرب نار وبودي جارد بتحمينا ف كل حتي .. انا عيزاك ادم الحديدي راجل الاعمال المحترم ال معروف ب شريكاته. مش عيزاك ادم الحديدي ال بيتاجر ف الاسلحه و الحجات ال بتحصل من تحت ل تحت.. انا تعبت ي آدم من كل دا ..تعبت ونا حاطه ايدي ع قلبي من ان يحصلك حاجه ف شغلك..لو هتقدر توفرلي انا وابني العيشه ال طلبتها منك انا موافقه اسامحك وارجعلك..غير كدا بعد اذنك نتطلق بهدوء
ادم بغضب/انتي بتهدديني ي احلام لو مسبتش شغلي هتبعدي عني؟
احلام /لا ي آدم مبهددكش .انا عايزه اعيش معاك ف سلام انا وانت وابننا ..لو انت شايف ان دا كتير علينا واخترت شغلك ..يبقي دي مشكلتك انت
واخدت شنطتها وطلعت برا المكتب
العصر
في شركه مالك
جنات وصلت الشركه وركبت الاسانسير ووصلت مكتب مالك
جنات اتنفست بهدوء وخبطت ودخلت بس المكتب كان فاضي
جنات اتنهدت ودخلت المكتب وافتكرت كل ذكرياتهم هنا سوا وطلعت من شنطتها علبه الخاتم ال مالك سابو معاها
وحطتها ع الطربيزه
مالك واقف عند الباب بغضب
مالك/انتي بتعملي اي هنا
جنات /ا انا ..كنت برجع لك الخاتم
مالك راح ناحيه المكتب واخد الخاتم ورماه ف الزباله
مالك/رجعتيه خلاص ..اتفضلي اطلعي برا
جنات بصت ع الخاتم ال ف سله ال زباله ال كانت بتحلم ب اليوم ال مالك هيلبسهولها فيه ودمعت
جنات خدت شنطتها وكانت هتمشي
بس وقت وبصت ل مالك
جنات دمعت/حقك تعمل معايا اكتر من كدا ..انا عارفه ان انا استاهل..بس مستاهلش منك تبص لي كدا ي مالك .اكني واحده غريبه وخاينه ومش طايق حتي يجمعنا مكتب واحد ...انا عملت كل دا غصب عني
والله العظيم كان غصب عني .ماما كانت بتموت ومحتاجه عمليه ولو مكنتش اتصرفت ف فلوس كانت هتموت مني .هعمل اي من بعدها لو حصل لها حاجه..مقدرش اكمل لوحدي
مالك /انتي لو مفكره اني هصدق اي الكلام ال انتي بتقولي دا يبقي وفري ع نفسك الكلام احسن...مالك المغفل ال كان بيثق ويصدق اي كلمه بتقوليها مبقاش موجود...واتفضلي اطلعي برا علشان وريا شغل محتاج اخلصه
وقعد ع مكتبه وجنات مسحت دموعها وطلعت من المكتب
ومالك باصص عليها وهي بتمشي حتي بعد كل ال عملته فيه مش قادر حتي يشوف دموعها وخبط ع المكتب بغضب من قلبه ال مش عارف يقسي عليها وينساها
وقام من المكتب وبص ع الخاتم ال ف سله الزباله واخد علبه الخاتم وفتحها ومسك الخاتم واتنهد
ع المغرب
في القصر
في غرفه مالك
قاعد ع الكنبه سرحان وع الطربيزه قدامه الاب توب وبيفكر ف جنات..كل ما يحس انها وحشته يشغل الفديو ال اتبعت له مره واتنين وعشره لحد ما قلبه يقسي ويكرهها
واخد الخاتم من ع الطربيزه وفضل ماسكه وهو سرحان
في بيت جنات
جنات قاعده ف غرفتها من وقت ال حصل وهي قاعده ف غرفتها بتعيط ولا بتطلع منها ولا بتاكل ولا بتشرب زي الناس
ام جنات دخلت الغرفه وهي ماسكه صينيه اكل
ام جنات/جي جي حبيبتي ..عملت لك اكل يلا علشان تاكلي
وحطت الاكل جمب جنات وقعدت جمبها
جنات مسحت دموعها/شيلي الاكل ي ماما انا مش جعانه
ام جنات مسكت ايدها /ي نور عيني متعمليش ف نفسك كدا ...هتموتي نفسك ب البطئ الف بعد الشر عنك ..انتي بقالك يومين ع الحال دا
جنات بدموع/انا مش هسامح نفسي طول عمري ع ال عملته فيه
ام جنات/دا كان غصب عنك ..انتي لما حكيتلي من كام يوم زعلت منك اوي لان الشاب كان محترم وابن أصول. بس لما عرفت انك عملتي كدا بسببي زعلت من نفسي انا .انا السبب ال حطيتك ف موقف زي دا يارتني كنت مت قبل ما تتقهري كدا بسببي
جنات مسحت دموعها ومسكت ايدها/اوعي تقولي كدا تاني ي ماما بعد الشر عنك .انا هعيش ف الدنيا دي ازاي لوحدي لو انتي حصلك حاجه ؟وبعدين انتي ملكيش زنب انتي تعبتي غصب عنك اسيبك تتعبي يعني؟
ام جنات حضنتها/ربنا يخليكي ليا ي نور عيني .من وقت ما ابوكي مات وانتي ال شيلاني وشايله البيت دا
وباست راسها
في القصر
ادم وصل القصر ب عربيته
ونزل من العربيه ودخل القصر
وكان في الصالون طارق قاعد
طارق ابتسم/حمد لله ع السلامه ي ابني
ادم/الله يسلمك..اخدت ادويتك؟
طارق بابتسامه/اخدت العصر بس لسه في واحد معاده دلوقتي
ادم راح يجيب كيسه الادويه من الدرج
ادم وهو بيدور ف الكيسه/انهي واحد
طارق بابتسامه مش مصدق ان ادم ال بيجبله الدوا بنفسه
طارق/العلبه الزرقا
ادم اخد حبايه وجاب كوبايه مايه واعطاهم ل طارق
طارق ابتسم/تسلم ي ابني
وشرب الدوا
ادم/مالك فين
طارق/كان ف اوضته اخر مره ...بس بقاله فتره مش عاجبني ي آدم. بيمثل انه كويس بس هو مش كويس ..دا ابني وانا حافظه كويس .
ادم/هدخله
طارق/ماشي ي ابني
وراح غرفه مالك ودخل الغرفه لقاها فاضيه و بص ع الطربيزه ال عند الكنبه لقي الاب توب مفتوح وشغال
ادم راح قعد عند الكنبه ولقي ع الشاشه فديو..ادم شغل الفديو ب استغراب وسمع أتفاق راجل الصقراوي وجنات
ادم مسك قبضه ايده بغضب ودمع
هو السبب ف كل حاجه وحشه بتحصل للناس ال حواليه...بيدمر اي حاجه بيقرب منها او بيلمسها
مالك دخل الغرفه
مالك باستغراب /ادم
ادم بصله /مقلتليش لي؟
مالك/اقولك اي
ادم لف الاب توب ناحيه مالك
مالك ابتسم/اقولك اي؟ ان حد من اعدائك جابلي واحده احبها واثق فيها بعدين تبعد عني وتخلع وانا قلبي يتكسر ؟ تقريبا كان هدفه ان دا يحصل بعدين اجي اتخانق معاك واقولك انت انت السبب.
ادم قام ودمع وقال بغضب/بس انا فعلا السبب .انا السبب ف كل حاجه وحشه حصلت او بتحصل..وجودي جمبكم بيأذيكم ..كل كلمه قولتها صح وكل كلمه روان قالتها صح .انا السبب
مالك/متلومش نفسك انا مش زعلان منك ..شغلك هو السبب و دي حاجه غصب عنك ..سيب الشغل ي آدم بدل ما يدمر حياتنا اكتر من كدا
ادم راح حضن مالك بقوه ومالك حضنه بقوه و ادم عينه احمرت من الغضب ودمع...دمر حيات اخواته ال هما اغلي حاجة عنده بسبب شغله
واتمني انه يقدر يحي الصقراوي علشان يقتله تاني وتالت
مساءا في بيت كرم
احلام قاعده ف غرفتها و كرم بيذاكر ل ليليان ف اوضتها
والجرز رن وحمزه راح يفتح
وكان ادم
حمزه بابتسامه/جوز اختي. ي اهلا
ادم/احلام صاحيه
حمزه/اه ف اوضتها ادخل انت مش غريب
ادم دخل و حمزه قفل الباب
في غرفه احلام
قاعده ع السرير سرحانه بعد ما اخدت شاور وغيرت هدومها ل سوت رصاصي
و فجأه باب الاوضه انفتح وادم دخل
احلام/ادم
ادم قفل الباب وراح نام ع رجلها بهدوء من غير ولا كلمها هو مش محتاج غير حضنها
احلام قلقت عليه لأنه باين عليه مش كويس
وحطت ايدها ع شعره وملست ع شعره
احلام/مالك ي آدم
ادم بوجع/كل ال بقرب منهم حياتهم بتدمر بسببي ..انا بخرب اي حاجه بقرب منها ..روان كل كلامها قالتها كانت صح..انا اناني ومبفكرش غير ف نفسي و اخترت الاسهل .اني ابقي انسان مش كويس...حتي مالك قلبه اتكسر بسببي ..
(وحكالها ع الفديو ال شافه ف اوضه مالك)
انا عمري ما كنت اخ كويس او أبن كويس..معرفش هبقي اب كويس ولا لا
احلام دمعت وبصتله/لا ي ادم متقولش كدا ...انت ملكش زنب ف حاجه متلومش نفسك علشان خاطري ..انت مش وحش ابدا..انت احسن اخ ل مالك و روان واحن حد واكتر حد بيحبهم و بيخاف عليهم و ع مصلحتهم ومستعد تضحي ب حياتك علشانهم..وكنت احسن ابن ل مامتك وعملت المستحيل علشان تفضل عايشه ...وهتبقي احن اب ف الدنيا انا متأكده
ادم بصلها /متأكده؟
احلام ابتسمت/متأكده
ادم مسح لها دموعها وهو نايم ع رجلها. وباس ايدها
ادم/انا بحبك
احلام ابتسمت وآدم قام من ع رجلها وبص ع بطنها
ادم/واخده بالك منه ومن نفسك كويس ؟
احلام ابتسمت ومسكت ايده وحطتها ع بطنها
ادم ابتسم
ادم/هيحس بيا
احلام بابتسامه/ايوا هيحس بيك
ادم ابتسم وباس بطنها
ادم/انا مبقتش قادر اكمل حياتي وانتي بعيده عني
وقام
ادم/علشان كدا انتي هتيجي معايا
احلام/اجي معاك فين
ادم شال احلام ل حضنه
ادم/هتيجي معايا البيت
احلام بصدمه/ادم نزلني
ادم/ فين الادويه بتاعتك
احلام/ادم بقولك نزلني انا مش هاجي معاك ف مكان
ادم اخد كيس الادويه من الكومودينو وهو شايلها
احلام /ادم انا بكلمك بقولك نزلني..احنا هنتطلق لو انت ناسي
ادم/افضلي ارغي كتير زي ما انتي عايزه انتي كدا كدا مش هتبعدي عني ومفيش طلاق
واخدها وطلعو برا الاوضه
حمزه طلع برا المضبخ وهو بياكل تفاحه
حمزه /اي دا ع فين كدا
احلام بصت بخجل ل ادم
احلام/ادم نزلني لو سمحت
ادم ل حمزه/انا واحلام راجعين بيتنا
احلام بصت ل حمزه/حمزه خليه ينزلني انا مش عايزه اروح معاه ف مكان
حمزه/انا اسف اعزريني مقدرش أتدخل بين اتنين متجوزين ..يلا تصحبكم السلامه
ادم/يلا مع السلامه ي ابن حمايا
حمزه/مع الف سلامه
وآدم اخد احلام وطلعو من البيت وحمزه ابتسم وقفل الباب
كرم طلع من غرفته
كرم/اي دا هي احلام راحت ع فين
حمزه ابتسم/جوزها جه اخدها ورايحين ع بيتهم .شكلهم هيتصالحو خلاص
كرم ابتسم/ربنا يهديهم يارب
قدام البيت عند آدم
اخد احلام ورايح بتجاه العربيه ومتجاهل كلام احلام ال مُصره انه ينزلها وركبها العربيه
ادم/حطي حزام الامان
احلام ربعت ايدها بعيند/مش حاطه حاجه
ادم قرب منها وحط لها حزام الامان وقفل الباب
احلام كانت هتفك الحزام بعيند وفتحت الباب
ادم بصلها/جربي كدا تنزلي من العربيه
احلام بغضب قفلت الباب تاني
ادم/شاطره
وراح ركب جمبها
احلام بغيظ و بغضب /اي ال انت بتعمله ..هتاخدني معاك ف العافيه
ادم/اه هاخدك بالعافيه
احلام ربعت ايدها بغيظ ومن البرد
ادم/بردتي؟
احلام بغيظ وغضب/ايوا
ادم ابتسم وخلع الجاكيت ال هو لابسه
ادم/خدي البسي دا
احلام/لاء انا مش عايزه منك حاجه
ادم/احلام كفايه عيند والبسي الجاكيت
احلام اتنهدت واخدت الجاكيت وخلعت حزام الامان ولبست الجاكيت وحطت الحزام تاني
و ادم شغل العربيه وانطلق
احلام/ادم رجعني البيت بعد اذنك احنا اتفقنا هنتطلق
ادم وهو مركز ف السواقه/لاء انا متفقتش معاكي ع حاجه انا كنت سايبك بس كام يوم ترتاحي فيهم من الضغط والتوتر اما اكتر من كدا انا مقدرش اتحمل بُعدك عني ..انا منمتش ف اوضتنا ولا مره من وقت ما مشيتي ..كنت بنام ف العربيه قصاد بيت بباكي
احلام ابتسمت لانها كانت بتراقبه من اوضتها كل يوم وهو نايم ف العربيه
احلام/انت ال وصلتنا ل كدا
ادم /عارف.. انا ال بوظت ونا ال هصلح
عند القصر
بعد شويه ادم وصل بعربيته قدام القصر ونزل من العربيه و راح فتح الباب ل احلام
ادم/انزلي
احلام بغيظ/هنزل ازاي ونا جايه حافيه من البيت اصلا
ادم ابتسم وشال احلام وقفل باب العربيه
وراح بتجاه القصر
احلام بخجل من الحرس ال ف الجنينه خبت وشها ف صدر ادم
احلام/الله يسامحك ي ادم
ادم ضحك وباس راسها ودخلو القصر وطلعو غرفتهم وادم نزل احلام براحه
احلام/ممكن افهم اي ال انت بتعمله دا
ادم/بعمل اي
احلام /جبتني هنا بالعافيه ونا بقولك هنتطلق
ادم قرب منها وحاوط وسطها ب ايده بتملك وبص ف عينها
ادم/متأكده
احلام وهي سرحانه ف عينه/متأكده من اي
ادم/انك عايزه تطلقي
احلام باصه ف عينه وسرحانه من نظراته
احلام بعدت نظرها عن عينه/احم اه متأكده
ادم وهو باصص ف عينها/بصيلي ف عيني كدا وقولي لي انا مش عيزاك وطلقني
احلام بصت ف عيونه ومقدرتش تقولها
ادم/انا مقدرش اعيش من غيرك وعمري ما افكر اطلقك او اسيبك تبعدي عني
وباس شفايفها ورقبتها واحلام تاهت من لمساته
و ادم بدأ يخلعها الجاكيت ال لبساه واحلام استسلمت له واستسلمت ل حبه
في ال يوم التالي
في غرفه ادم
نايم ع السرير بس صاحي و باصص ع احلام بابتسامه ال نايمه بعمق ف حضنه كان خايف يخسرها لان لو دا حصل عمره ما يقدر يعيش من غيرها . هي حياته كلها
ادم باس شفايفها وخدها وعينها
واحلام ابتسمت وبدأت تصحي من لمساته وفتحت عينها
ادم بابتسامه/ .اي كل ال نوم دا
احلام ابتسمت/صباح الخير
ادم ابتسم/صباح الفل
ورجع خصله من شعرها ورا ودنها وبص ف عينها
ادم/كنت خايف تبعدي عني اكتر من كدا ..انا مقدرش اعيش يوم واحد من غيرك ..لما بعدتي عني الكام يوم ال فاتو انا كنت اتعس شخص ف الكون ..حتي النوم مكنتش بعرف انام وانتي بعيده عن حضني
احلام ابتسمت وحطت ايدها ع وشه/انا بحبك
ادم ابتسم وباس شفايفها/ونا بموت فيكي
وموبايل ادم رن
ادم/الموبايل دا انا هكسره قريب
احلام ضحكت وادم جاب الموبايل من ع الكومود
ادم/هقوم ارد وارجعلك
وكان هيقوم يرد
احلام بغيظ/ انت طول عمرك بترد قدامي و لو الشغل كنت بتكنسل .مش دا شغل برضو
ادم /
احلام بصتله بحزن/ادم المكالمه مش من الشغل ؟ انت سكت علشان مش عايز تكذب عليا صح ..قولي الصراحه دي واحده استغلت اني كنت بعيده عنك وبتحاول تقرب منك صح
ادم ضحك
احلام ضربته ف كتفه ب غيظ/انت بتضحك ع اي
ادم ابتسم وقرب منها وبص ف عينها/ع السنريوهات ال دماغك دي ..معقوله انا اسمح ل واحده تقرب مني؟ بوقفهم عند حدهم ع طول علشان انا مبشفش غيرك
احلام ابتسمت/بجد
ادم /بجد
احلام /امال مش عايز تقولي مين بيتصل لي
ادم اتنهد/علشان عاملك مفاجأه وكنت بحاول اخبي ع حضرتك بس انتي بوظتيها
احلام بفرحه/بجد .مفاجأه اي
ادم وهو بيعدل لها شعرها/اكيد مش هقول كفايه انك بوظتيها .بس النهارده هنروح الاول للدكتوره نطمن ع البيبي
وحط ايدها ع بطنها
ادم/وبعدين هتروحي شغلك تاخدي اجازه علشان مسافرين قريب
احلام بابتسامه/مسافرين فين ؟قولي علشان خاطري والله ما هقدر اتحمل من فضولي
ادم/لاء مش هقول
احلام ابتسمت وقربت منه وباست خده/علشان خاطري
ادم ابتسم وقرب منها/انتي بتغريني علشان أضعف واقول
احلام بابتسامه/بحاول
ادم باس شفايفها ورقبتها
احلام بابتسامه/ها هتقولي المفاجأة ؟
ادم باس خدها/لا برضو هتعرفي قريب..يلا علشان تاخدي الدوا و نجهز ونروح للدكتوره
احلام اتنهدت بابتسامه/اوك
بعد ساعه
تحت ف الصالون
طارق قاعد بيقرأ ف الجرنال
و مالك طلع من غرفته بعد ما غير هدومه
مالك/صباح الخير ي بابا
طارق ابتسم/صباح الخير ي حبيبي .رايح الشغل
مالك/اه بقاله فتره مهمل الشغل والشغل فوق بعضه هناك
طارق/ربنا يعينك يارب
والخادمه طلعت من المضبخ وقدمت القهوه ل طارق
مالك/اعملي لي فنجان قهوه انا كمان ي ناديه
ناديه ابتسمت/امر حضرتك .. حضرتك عرفت ان احلام هانم رجعتي مع ادم بيه امبارح
طارق ابتسم بفرحه/بجد
مالك ابتسم/تفتكر اتصالحو
طارق بابتسامه/يارب ان شاءالله يكونو اتصالحو
وناديه دخلت المضبخ
وبعد شويه ادم واحلام نزلو من الغرفه بعد ما اخدو شاور وغيرو هدومهم
طارق بابتسامه/ي اهلا ي اهلا
مالك ابتسم/صباح الخير
احلام بابتسامه/صباح النور
طارق بابتسامه/لما ناديه قالت لي انك رجعتي مصدقتش نفسي نورتي بيتك من تاني ي حبيبتي
احلام ابتسمت وحضنته/حبيبي ي اونكل
مالك/اتصالحتو الحمد لله ومفيش طلاق ولا كلام من دا
ادم/ايوا
طارق بابتسامه/الف حمد وشكر ليك يارب
احلام ابتسمت
الجميله والوحش البارت ال عشرين
عصرا
في المستشفى في غرفه دكتورة نساء وتوليد
احلام نايمه ع السرير وادم واقف جمبها والدكتوره جمبها حاطه جاهز السونار ع بطنها
ادم باصص ع الشاشه/انا مش شايفه لي
احلام ابتسمت/هتلاقه مستخبي ف حته ف بطني وهيظهر دلوقتي
الدكتوره ابتسمت/البيبي اهو و حالته كويس اوي الحمد لله
آدم واحلام باصين ع الشاشه بابتسامه
الدكتوره/دا دراعه ودي دماغه ..الحمد لله كل جسمه متناسق وهينزل بخير ان شاءالله
احلام بابتسامه/بإذن الله
ادم/ باين هو بنت ولا ولد
الدكتوره ابتسمت/لاء لسه بدري شويه ع الموضوع دا
الدكتوره/ثانيه واحده
وقامت وراحت عند المكتب
آدم بص ل احلام/هيطلع ولد ان شاءالله اصلا باين انه هيبقي ولد
احلام ضحكت وهزت راسها بمعني مفيش فايده
احلام /ي سلام يعني انت عايزه ولد يعني زي كل الرجاله
ادم ابتسم وقرب منها/ولد او بنت مش فارقه المهم هو هيجي منك انتي
وباس راسها واحلام ابتسمت
الدكتوره راحت لهم تاني
الدكتوره ابتسمت/عايزين تسمعو ضربات قلبه
احلام بابتسامه/ياريت
الدكتوره حطت جهاز السونار ع بطن احلام و بدأت تشغل صوت ضربات قلب البيبي
ادم ابتسم واحلام بصت ل ادم بابتسامه وفرحه وادم باس ايدها واحلام غمضت عينها ودعت ربنا يجبهولهم ب السلامه
الدكتور شالت الجهاز ومسحت جل السونار من ع بطن احلام
الدكتوره/بس خلصنا
وقامت وراحت قعدت ع المكتب تكتب روشته
احلام قعدت بمساعدة ادم
وراحو عند الدكتوره
الدكتوره/دي روشته فيها الادويه ال احلام هتاخدها بعد ما الادويه القديمه تخلص..وياريت تخلي بالك من حركتك ومتتحركيش كتير لانك لسه ف بدايه الحمل و اي تعب او ارهاق عليكي هيأذيكي انتي والبيبي...وياريت برضو نبعد عن القلق والتوتر
آدم اخد منها الروشته/تمام شكرا ي دكتوره
احلام ابتسمت/شكرا ي دكتوره
الدكتوره ابتسمت /ع اي دا واجبي
وآدم واحلام طلعو من الغرفه
احلام/هتروح ع الشركه؟
ادم/الاول هنروح مشوار سوا وبعدين نتغدي سوا علشان زمانك جعتي
احلام ابتسمت/عايزه اكل بيتزا
ادم ابتسم/ماشي ناكل بيتزا
احلام ابتسمت/ وبعد ما ناكل هاتلي تشيز كيك
ادم ابتسم/من عنيا .حاجه تانيه؟
احلام/لاء خلاص
ادم موبايله رن ومسك ايد احلام وطلعو برا المستشفى
آدم/فراس انت ف الشركه..طيب خلص واسبقني ع الشركه علشان عايزك..ساعتين كدا وهبقي ف الشركه ....سلام
وركبو العربيه
ف كارفور
عند فراس و روان
فراس ماشي بيجر عربيه التسوق قدامه و روان جمبه بيجيبو الحاجات ال ناقصه ف البيت
روان/ادم كان عايزك ف اي
فراس/عايزني اروح الشركه..هنخلص واوصلك البيت وهروحله
روان/اوك
فراس/ها ي ستي كدا ناقص اي مجبناهوش
روان وهي بتبص حواليها/محتاجين خضار مفيش خضار ف البيت تقريبا
فراس/ماشي تعالي نجيب
روان/روح هات وانا هجيب عسل وراجعه
فراس/ماشي
و فراس راح ناحيه قسم الخضار
وبدأ يشوف هيجيب اي
وفي بنت واقفه جمبه بصت له ب اعجاب وابتسمت له
البنت بابتسامه/تحب اساعدك ف حاجه ؟
فراس /لاء متشكر
البنت/يعني شيفاك لوحدك واكيد عازب متفهمش ف الحاجات دي اوي ف ممكن اساعدك لو تحب
روان راحت لهم وسمعتهم وراحت وقفت جمب فراس بغيره وحطت برطمان العسل ف العربيه بغضب
روان بصت للبنت بابتسامه صفرا/لا ي حبيبتي متقلقيش مراته معاه وهساعده انا
فراس ابتسم لما حس انها غارت
البنت بابتسامه صفرا/اه سوري لما لقيت ان مفيش دبله ف ايدك قلت مش متجوز . عن اذنكم
واخدت عربيتها ومشيت
روان ربعت ايدها بغيظ/قليله الربايه
فراس ابتسم وبيحاول يداري ابتسامته/احم اه فعلا
روان بصتله/انت بتضحك؟
فراس/انا ؟لا طبعا هضحك لي
روان بغيظ/شكلها عجبتك قليله الزوق دي
فراس بخبث/انتي مكبره الموضوع اوي بصراحه البنت كان هدفها تساعد يعني
روان بغيره/والله؟ انت شايف كدا يعني
فراس ابتسم وقرب منها/انتي غيرتي؟ولا انا بيتهيألي
روان بتوتر/انا اغير ؟ احم لا طبعا هغير لي ..كل ما ف الموضوع انها بنت قليله الزوق مينفعش تدلع ع راجل متجوز بطريقه دي قلت اوقفها عند حدها
فراس ابتسم/اه يبقي انا كان بيتهيألي بقي
روان /مع العلم البنت معذوره برضو هتعرف منين ان حضرتك متجوز ومفيش دبله ف ايدك
و مشيت و فراس ابتسم وراح وراها
عند آدم واحلام
آدم سايق وجمبه احلام ووقف العربيه جمب مكان هادي مليان زرع وشجر وجمبه بحر
ادم/وصلنا انزلي
آدم نزل من العربيه و احلام نزلت وبصت حواليها
احلام ابتسمت/المكان دا حلو اوي ..اشمعنا جبتنا هنا دلوقتي
آدم مسك ايدها /هتعرفي كل حاجه دلوقتي
واتمشو لحد ما وقفو جمب البحر
وساب ايد احلام وطلع المسدس من ضهره ومسكه
ادم بص ل احلام /انتي مفكره ان انا نسيت الكلام ال انتي قلتهولي ف مكتب المحامي ..بس انا عمري ما نسيت .كل كلمه قلتيها عمرها ما خرجت من دماغي...انتي معاكي حق. انتي وابننا تستاهلو تعيشو ف امان بعيد عن ضرب النار والبودي جارد ال ف كل حته والهجوم المسلح..تستاهلو تعيشو ف راحه بال ديما بعيد عن المشاكل ..انتي قبل ما تدخلي حياتي انا معرفش كنت عايش ازاي..يعتبر مكنتش عايش اصلا. حياتي كلها سوده وضلمه وبارده ..بوجودك ف حياتي غيرتي كل حاجه.غيرتيني انا شخصيا ..خلتيني بني ادم .عنده مشاعر وبيعرف يحس ب الحواليه..علشان كدا انا ببعد عن اي حاجه سوده ف حياتي
ورمي المسدس ال ف ايده ف البحر
ادم/انا عايز اعيش معاكي انا وانتي و ابننا ف سلام. انا مش عايز ابني يجي الدنيا يشوف بباه وحش او بيعمل اب حاجه غلط
ادم فلاش باك
منذ يوم
ف شركه آدم
قاعد ع مكتبه
فراس خبط ودخل
فراس/قلت انك عايزني
ادم/اه تعالي اقعد
فراس راح وقعد قصاده
فراس/اي في اي
ادم/اتخلص من كل الاسلحه والمخدرات ال ف كل ال مخازن ال عندنا .. و الغي كل الصفقات ال بينا وبين اي حد بتاع اسلحه او مخدرات..انا هتخلي عن الشغل الشمال دا خلاص
فراس بصله بابتسامه وعدم تصديق/انت بتتكلم جد ي ادم ؟
ادم/ايوا ب ابني انا هبقي اب خلاص .لازم ابني يشوفني اب كويس. مش شرط ابقي احسن اب ف الدنيا بس ع الاقل احاول ابقي اب كويس
فراس بابتسامه راح حضنه
باااك
احلام بدموع وابتسامه مسكت وش ادم وبصتله بحب
احلام/انت هتبقي احسن اب ف الدنيا دي كلها
ادم مسح لها دموعها وحضنها بقوه
واحلام حضنته بقوه وابتسامه
احلام /انا بحبك اوي
ادم باس راسها/ونا بموت فيكي
وطلعها من حضنه ومسك ايدها وباسها
ادم/اوعي تقارني نفسك ب اي حاجه تانيه سواء شغل او غيره. الدنيا دي كلها ف كافه وانتي ف كافه تانيه ..لو خيروني بينك و بين اني ابقي ادم وبس من غير ولا جنيه ف حسابي .هختارك انتي من غير ما افكر
احلام بابتسامه باست خده وآدم باس شفايفها
وموبايله رن
آدم بص ف الموبايل
ادم/يلا اخدك ونروح نتغدي قبل ما اروح الشغل
احلام ابتسمت/اوك يلا يبنا
ومسك ايدها وراحو ناحيه العربيه
وآدم رح يركب
واحلام عملت نفسها مش عارفه تفتح الباب
احلام/اي دا
آدم قبل ما يركب /في اي
احلام/ادم الباب مبيفتحش
ادم/ازاي دا
وراح ناحيه باب احلام وفتح الباب والباب فتح
احلام بابتسامه/شكرا ..اتعود بقي تفتح الباب ل مراتك ال شايله ابنك ع طول
وركبت العربيه
آدم ضحك /ماشي
وقفل الباب
واحلام حطت حزام الامان بابتسامه وادم راح يركب جمبها وبدأ يسوق
بعد نص ساعه في المطعم
احلام قاعده بتاكل بيتزا باستمتاع و ادم قاعد قصادها مراقبها بابتسامه
ادم ابتسم/براحه
احلام ابتسمت /طعمها تحفه..كنت جعانه اوي
ادم ابتسم/الف هنا
احلام مدت ايدها تأكل ادم من حتت البيتزا ال ف ايدها وآدم اكل منها
ادم موبايله رن وكنسل
ادم/شكلنا مضطرين نمشي بيرنو عليا من الشغل
احلام ربعت ايدها بزعل/لاء ي آدم انت وعدتني انك هتأكلني تشيز كيك
ادم /انتي بطنك لسه فيها مكان بعد البيتزتين ال أكلتيهم دول؟
احلام حطت ايدها ع بطنها/ايوا لسه فيها مكان عادي وبعدين ابنك ال طالب ال تشيز كيك مش انا
ادم ضحك/ايوا ايوا طبعا منا عارف
ونده ع الجرسون وطلبلها تشيز كيك
واحلام ابتسمت
بعد نص ساعه
فراس سايق العربيه و روان قاعده جمبه مربعه ايدها بغيظ وهاين عليها ترجع تقتل البنت ال اتجرأت تبص ل فراس
فراس بص ل روان وابتسم
فراس/تحبي نتغدي سوا برا النهارده
روان بغيظ/لاء مش جعانه
فراس ابتسم /طب تحبي نروح نشرب حاجه سوا
روان/لاء برضو
فراس بص ع شماله لقي محل الماظ و دهب
وقف العربيه ع جنب
فراس ابتسم/طب خليكي هنا 5 دقايق وراجع
روان/رايح فين
فراس/هقولك لما ارجع
روان/اوك
فراس نزل من العربيه ودخل محل الدهب
واختار احلي واغلي خاتم الماظ مبساعده صاحب المكان واشتري ل نفسه خاتم فضه ..ودفع ب الفيزا وخرج
فراس ركب العربيه تاني وف ايده كيسه وفي علبه الخواتم
روان/دا اي؟
فراس/لاء دي هديه كدا جايبها ل حد
روان بغيره/احم حد مين دا كمان
فراس ابتسم/عايزه تعرفي لي
روان ربعت ايدها/لا خلاص مش عايزه اعرف
فراس ابتسم وحط الكيسه ال ف ايده ف الكنبه ال ورا
ورجع ساق تاني باتجاهه البيت
عند احلام رضا وصلها الشركه ال بتشتغل فيها واحلام دخلت الشركه تاخد اجازه
واخدت الاجازة وركبت الاسانسير ورنت ع ادم
احلام/انا اخدت الاجازه اهو وطالعه من الشركه
آدم/طب كويس رضا هيوصلك البيت ونا رايح ع الشركه اهو هخلص كام حاجه وارجع
احلام/طب بقولك ي حبيبي
آدم ابتسم/قولي
احلام/هقول ل رضا يوصلني كافيه هقابل فيه واحده صحبتي نص ساعه بس وهرجع ع البيت
ادم/مريم؟
احلام/احم لالا واحده متعرفهاش بس هحكيلك لما ارجع
ادم/صحبتك مين دي ال انا معرفهاش ي احلام مفيش الكلام دا وارجعي البيت يلا
احلام/
ي حبيبي هي هتخطفني يعني ؟ رضا هيوصلني وهيستناني برا لحد ما اخلص وهرجع البيت بس كدا ..ونا بقولك هحكيلك لما ارجع ..وافق بقي علشان خاطري
ادم اتنهد/ماشي خلي بالك من نفسك
احلام ابتسمت/حاضر ..يلا باي
وقفلو
عند آدم سايق العربيه ورن ع رضا
رضا/نعم ي ادم بيه
ادم/وصل احلام ال مكان ال هي عيزاه وسوق براحه وخلي بالك منها .سوق ع اقل من مهلك
رضا/حاضر ي آدم بيه متقلقش
وقفلو المكالمه
عند احلام
طلعت من الاسانسير وخرجت من الشركه وراحت ل رضا ال مستنيها قدام العربيه
رضا فتح لها باب العربيه
احلام/ممكن توصلني كافيه *** الأول قبل ما نرجع ع البيت ي رضا
رضا/امر حضرتك ي احلام هانم
احلام ركبت العربيه و رضا قفل الباب و ركب قدام يسوق
في فيلا فراس
دخل هو روان وفراس دخل الاكياس المضبخ وطلع الصالون تاني
روان كانت هتطلع غرفتها
فراس مسكها من دراعها وقفها
فراس/ممكن افهم اي ال مضايقك
روان من غير ما تبصله/مفيش حاجه مضيقاني
فراس/لاء فيه .ع اساس انا مش عارفك يعني
روان بصتله بغضب و بغيره/متضايقه علشان مضربتش البنت قلم ع وشها بفوقها ال كانت بتتلزق فيك دا .حتي عند الكاشير كانت بتدور ع اي حجه علشان بتتكلم معاك ونا مش ماليه عينها..وانت ساكت شكلها عجباك اوي
فراس ابتسم ومبسوط من غيرتها/المفروض كنت اعمل اي يعني ..ما ال يبص يبص هي مش فارقه معايا اصلا
روان/لا متعملش حاجه فعلا
وكانت هتمشي فراس مسكها من وسطها وقربها منه وبص ف عينها
روان قلبها دق بسرعه بخجل وتوتر وبصت له ف عينه
فراس /البنت ولا عجبتني ولا بصت لها دقيقه واحده حتي ولا فرقت معايا. وانتي معايا عيني مستحيل تيجي ع اي واحده .حتي وانتي مش معايا برضو عمري ما ابص ع اي واحد ولا اسمح ل واحده تقربلي
روان ابتسمت/بجد
فراس ابتسم/بجد...بعدين مش هتقولي رايك ف الخواتم ال جبتها
روان/خواتم اي؟
فراس بعد عنها و وطلع من جيبه علبه الخاتم وفتحها
وكان فيها خاتم الماظ شكله شيك اوي و دبله فضه ليه
روان بصت ع الخاتم بابتسامه
فراس/عجبك؟
روان بابتسامه/دا تحفه .عجبني اوي
فراس بابتسامه/انتي معاكي حق مينفعش نبقي متجوزين ومش لابسين خواتم جواز .ف رحت اشتريتهم ع طول وقلت اعملهالك مفاجأه
روان ضربه ف كتفه ب غيظ/امال لي قلت انها هديه لحد ف الشغل
فراس ضحك/اسف كنت عايز اعملهالك مفاجأه
روان ابتسمت/طب يلا لبسهولي
فراس ابتسم ومسك الخاتم ولبسهولها و روان مسكت الدبله ولبستهاله
روان بصت ع الخاتم ال ف ايدها بابتسامه
روان بصت ل فراس/عجبني اوي شكرا
وحضنته
وفراس ابتسم بحب وحضنها بقوه وشم ريحتها ال بيدمنها وباس راسها
روان بخجل طلعت من حضنه
فراس ابتسم/هروح الشركه انا بقي عايزه حاجه
روان ابتسمت/لا شكرا. ومتتأخرش
فراس ابتسم/حاضر مش هتأخر
فراس اخد مفاتيح العربيه والجاكيت بتاعه وطلع برا الفيلا و روان اتنهدت بابتسامه
عند احلام
نزلت من عربيه رضا وراحت الكافيه
وجنات كانت قاعده ع طربيزه مستنياها
احلام راحت لها
احلام ابتسمت/اتاخرت عليكي
جنات ابتسمت وقامت تسلم عليها/لا ابدا انا جيت من شويه
وسلموا ع بعض وقعدو
احلام/انا كنت واخده رقمك من مالك من فتره علشان كنت هعزمك عندنا ف البيت تتعرفي علينا اكتر. بس ا
جنات ابتسمت بحزن/بس انا دمرت كل حاجه
احلام/علشان كدا اتصلت بيكي وقلت لك نتقابل ونتكلم
جنات بحزن/نتكلم ف اي ي مدام احلام .انا دمرت كل حاجه بنفسي خلاص .وكسرت قلب مالك
احلام ابتسمت/اول حاجه انا احلام بس من غير القاب.تاني حاجه استني هنطلب حاجه نشربها ونتكلم ع رواقه
جنات ابتسمت/اوك
واحلام طلبت لهم حاجه يشربوها
وبعد شويه الجارسون جاب الحاجه
احلام/انا عرفت ال حصل بينك وبين مالك ..بيقولو ان ال اسمه صقراوي دا اتفق معاكي تكسري قلب مالك بعد ما يحبك ويثق فيكي
جنات دمعت
احلام ابتسمت/بس انا مش مصدقه الكلام دا .انك مبتحبيش مالك ..لان حبك ليه باين ف عيونك واحنا بنتكلم عنه دلوقتي..وكمان لما جيتي المستشفى لما ادم عمل عمليه ..كان باين لهفتك ع مالك لما غاب عن الشغل كام يوم
جنات/
احلام/ف ممكن تحكيلي بقي من الاول ال حصل؟
جنات بدموع/ انا معملتش كدا ب مزاجي.. ماما كانت تعبانه اوي اوي ومحتاجه عمليه والا هتموت ..ونا لوحدي و بطولي معنديش ولا اخ ولا اب يساعدني ف كان لازم اتصرف ب نفسي..دورت ع شغل ف كل الشركات .والله دورت ع شغل ف شركه شركه ولا واحده قبلتني.. الا شركه **** كان تبع الصقراوي
وكنت رايحه اشتغل ب حسن نيه عادي وقلت بعد ما اشتغل شويه اقدر اخد سلفه اعالج بيها ماما ..بس الصقراوي كانت مخططاته حاجه تانيه ..علشان ينتقم من جوزك .ادم بيه .حب ينتقم منه ف اخوه .وقالي أقرب منه واخليه يثق فيه علشان لما اكسر قلبه اول حد هيلومه لما يعرف الحقيقه هو اخوه ادم ..اضطريت أوافق ع عرض الصقراوي غصب عني علشان اعالج ماما .لانها لو ماتت انا مش هقدر اعيش .كفايه اني معليش ضهر وسند ف الدنيا دي .ومع الوقت حبيت مالك غصب عني ..ندمت وكرهت نفسي وكان نفسي اختفي وابعد عنه علشان مأذهوش بس طبعا الصقراوي مش هيسيني ف حالي ..لحد ما عشقته ومبقتش اعرف اعيش من غيره .ولا عارفه ابعد عنه ولا عارفه اصارحه ب الحقيقه ...لحد ما الصقراوي بعت الفديو ل مالك ومالك عرف الحقيقه .وفاكر اني مبحبهوش ..ونا والله بحبه اكتر من نفسي..انا مليش ف الدنيا غيره اصلا هو و ماما
احلام ابتسمت ومسكت ايدها /خلاص متعيطيش..انا مصدقاكي وإلا مكنتش جيت و قابلتك . باين قد اي انتي بتحبيه ونفسك يسامحك
جنات مسحت دموعها/ياريت يسامحني...مش معتقدش عايز يبص ف وشي اصلا
احلام ابتسمت/انا هساعدك وهخليه يسامحك متقلقيش
جنات/ازاي
احلام/سهله خليكي وراه لحد ما يسامحك .يعني متستسلميش بسهوله كدا ..ولو هو عنيد اعندي معاه .شغلك اصلا ال انتي سبتيه دا ..ارجعيه تاني .مش العقد ال اشتغلتي بيه بيقول مينفعش تسيبي الشغل قبل 6 شهور طالما معملتيش غلطه كبيره ف الشغل؟ بيحصل كدا ف معظم الشركات
جنات/اه
احلام ابتسمت/خلاص ارجعي الشغل تاني حتي لو مش عايز يبص ف وشك هو بيحبك وانا وانتي متأكدين من دا .ومع الوقت هيسامحك صدقيني..ونا برضو هحاول اعمل كذا حاجه تقربكم من بعض
جنات ابتسمت/بجد
احلام بابتسامه/طبعا بجد .. انتي و مالك اخواتي ولازم اساعدكم ..اعملي بس ال قلت لك عليه و اوعدك ان كل الأمور هتتحسن قريب
جنات مسكت ايدها بابتسامه/انا مش عارفه اقولك اي بجد ..مشفتش ف جمال قلبك ..شكرا
احلام ابتسمت
وبعد شويه طلعت من الكافيه وموبايلها رن وكان ادم
احلام ردت/نعم ي حبيبي
ادم/خلصتي؟
احلام/اه وراجعه البيت اهو وانت؟
ادم/ف الشركه بخلص كام حاجه لسه وهرجع ..كنتي بتقابلي صحبتك مين بقي
احلام/احم ..جنات
ادم /البنت ال اتفقت مع الصقراوي تكسر قلب مالك؟
احلام/اه بس خليني اشرحلك
آدم بعصبيه/تشرحيلي اي ي احلام انتي بتعملي اي مع البنت دي ؟ ال اتفقت مع عدوي علشان تأذي اخويا؟ بتقابليها لي اصلا
احلام/مالك اخويا انا كمان ع فكره ..وحتي و هي اتفقت مع الصقراوي علشان كانت مجبره والا مامتها هتموت..و بتحب مالك ومالك كمان بيعشقها وكان لازم اتصرف اعمل حاجه ونا شيفاه طول الوقت متضايق بسبب انها بعيده عنه
ادم/ا
احلام قفلت المكالمه بزعل وآدم اتنهد
ع المغرب
رضا وصل احلام القصر
واحلام طلعت غرفتها
واخدت شاور وغيرت هدومها وقعدت ع السرير بتقرأ الكتاب
بعد شويه ادم رجع القصر ودخل الغرفه ومعاه كيسه واحلام تجاهلته بزعل
آدم بصلها/مش هتقولي لي حمد لله ع السلامه؟
احلام/
آدم ابتسم/طب احنا متخاصمين؟
احلام بصتله/لي هو انت عملت حاجه علشان اخاصمك؟
آدم راح لها وباس راسها
ادم/انا اسف
واحلام ابتسمت وادم قعد ع السرير جمبها
ادم/حقك عليا علشان اتعصبت عليكي لما كلمتك العصر ..بس برضو مكنش ينفع تروحي تقابلي البنت دي
احلام/ البنت دي مش وحشه ي آدم والله هي انجبرت تعمل دا علشان مامتها كانت محتاجه عمليه والا هتموت .مكنش قدامها حل تاني
أدم/ف تأذي اخويا؟
احلام/لاء هي كمان بتحبه زي ما هو بيحبها..علشان خاطري سبني احاول اصلح علاقتهم علشان خاطر مالك ..انا بعتبره اخويا الكبير زي حمزه بالضبط
آدم اتنهد /ماشي ..لو دا هيريحك اعمليه
احلام ابتسمت وحضنته بقوه وآدم ابتسم وباس راسها
ادم/لسه زعلانه مني؟
احلام بابتسامه/توء
ادم/انا جايبلك حاجه حلوه ع فكره
احلام بابتسامه طلعت من حضنه/بجد فين
آدم جاب الكيسه من جمبه
واحلام خدتها وكانت مليانه شوكلاته و تشيز كيك
احلام بابتسامه/الله. انا بحبهم اويي شكرا
وباست خده و ادم ابتسم وباس شفايفها