اسامه بضيق : ارحمني أنا نفسي ترحمني يعني اعمل فيك اي قولي اعمل فيك اي بس مفيش فايده فيك اقولك علي حاجه انت مش هترتاح غير ما تاخد علقه محترمه ساعتها هتزعل اوي وجاب اسامه عصايه ونزل بيها فوقه لحد ما بدا يعيط
اسامه : وكدا تكون اول مهمه في العلاج نجحت وقريب اوي هتمشي من هنا حاول تدخل السجن كتير بقا وتستفز اجمد واحد هناك وكل شويه يديك علقه لأن نفسيتي تعبت وانا اللي تعبت من ضربك ومش هعمل كدا تاني
مصطفى : الله يبارك لك يا دكتور تسلم ايدك تسلم ده انا اول مره احس أن عندي دم وبعيط دي حاجه جديده عليا بس حاسس اني مش زعلان بردو في حاجه غريبه
مسكه اسامه ورماه بره العياده دخل فارس
اسامه : خد دي الروشته وتيجي في ميعادك الجالسه الجايه مع السلامه اتفضل يا استاذ فارس اول مره تنورني احكيلي اي مشكلتك
فارس : حضرتك انا شخص عصبي جدا وبكره نفسي جدا وبكره كل اللي حواليا وبقيت بحس بالراحه لما بقتل الناس والكلام ده لو طلع لحد يا دكتور هقتلك
اسامه : احكيلي بس اي اللي وصلك لكدا اكيد في نقطه تحول في حياتك هي اللي خلتك تتغير اصل مش معقول مولود حابب قتل الناس ولا اي وبعدين سريه المريض اهم حاجه عندي مستحيل اي حاجه تخصك تطلع بره الباب ده اتفضل اتكلم سامعك
فارس : انا كنت بحب خطيبتي جدا وحبي ليها كل يوم بيزيد لحد ما اتجوزنا واتحققت احلامي وكانت احلي ايام حياتنا حصلت بينا خلافات في بدايه الجواز وده شئ طبيعي بين كل المتجوزين وانتهت كل المشاكل دي لما جتلي في يوم بفرحه كبيره علي وشها وهي بتبلغني بأنها حامل فرحت الدنيا مبقتش سيعاني بقيت عايز اعمل اي حاجه فرحتي كانت كبيره بيها وبيا لحد ما في يوم واحنا بنختار حاجه البيبي اللي كان كل شهر بيعدي عليا كأنه سنه واخيرا هي في اخر شهورها ونجيب اللبس والحاجه دخلت عصابه المكان بقت خايفه جدا وبتبص عليا من بعيد بتقولي ابعد عن المكان جريت عليها خدت طلقه في بطنها راحت للي خلقها هي وابني طلع كان ولد مبقتش قادر اعيش ولا اتحمل وعايز اندم اي حد كان ليه يد في كل ده وعرفت العصابه دي اي وكل المعلومات عنها وبدأت اتسحب واتسرسب وسطهم لحد ما بقيت واحد منهم وبقتل في اي حد يقولو عليه وميعجبنيش واتفقت مع عصابه تانيه ضدهم تحميني وانا هخلص علي اللي معاهم مع اني بدات وعملت كدا بس مبقتش عارف ابطل اقتل الناس برتاح لما بعمل كدا وعصبي علي الكل اتصرف ازاي متفضلش ساكت كدا وقولي اتصرف ازاي اخلص
اسامه : اهدي بس يا استاذ فارس مش كدا واحده واحده مرضك سهل جدا وبسيط والحل عندي وانا عارف هعمل اي معاك افهم من كلامك انك قدرت تندم اللي عملوا كدا في مراتك واي عصابه يعني ممكن تبلغ الشرطه بكل المعلومات اللي تعرفها عن العصابات دي كلها وتجيب كل اللي يثبت ويدينهم وكدا انت هتشتغل مع الشرطه وعملت خير وفي نفس الوقت عملت اللي ضميرك مرتاح ليه ولازم وضروري كدا تحب واحده جديده وده اللي هساعدك عليه هتقدر تنسي وقتها كل اللي فات وتبدأ حياه جديده وتجيب ولد او بنت جداد
طلع فارس سلاحه وحطه فوق دماغ اسام
ه
فارس : اقسم بالله يا دكتور لاقتلك لو حد عرف عن الكلام ده اي حاجه اصل انا ناوي اخلص علي العصابتين اللي انا معاهم واللي انا ضدهم لو شمو خبر هروح في خبر كانا
اسامه : خلاص يا باشا واللهي ما حد هيعرف عنك حاجه صدقني ده سر تقدر حضرتك تتفضل دلوقتي ناديه حجزتيلي ميعاد مع سيف ولالا
ناديه : ايوه وهو مستنيك في مكتبه دلوقتي كنت عايزه من حضرتك سلفي محتاجه فلوس والله يا دكتور
اسامه : واللهي انا اللي حالي يصعب علي الكافر اقسم بالله بس هحاول اتصرف ليكي اصبري بس عليا وان شاء الله خير ابقي اقفلي العياده وسيبي المفتاح مع عم عوض سلام
وفي قسم الشرطه
اسامه : حضرتك الظابط سيف خطيب نرمين مش كدا انا حابب اتكلم مع حضرتك صدقني هي مش كدا خالص وانت فاهم غلط
سيف بغضب : انت بتتكلم بصفتك مين اصلا بروح امك انت ازاي بتقول اسمها كدا عادي
اسامه : يا فندم في سوء تفاهم الانسه نرمين مريضه عندي انا دكتور نفسي في الحقيقة حياه نرمين سهله وبسيطه ومفيش فيها اي حاجه جديده ف ده خلي عندها حاله من الملل ف اللا وعي عندها بيحاول يهرب من الحاله دي ف بيتقمص الشخصيات حضرتك ف بالتالي كل ما تسمع فيلم وتتاثر بشخصيه تبدأ تلعب دورها وانت لما شوفتها بترقص كان بسبب ده انت لو بتحبها بجد هتساعد في علاجها مش هتتخلي عنها في أول مشكله كدا هي بنت محترمه جدا واللهي ومش هتلاقي زيها وبتحبك اوي
سيف : كلامك منطقي بس التسجيلات اللي وصلت ليا كانت عكس كلامك شويه يعني بيدل انها بتحب الشخصيات السافله وبتحب تقلدهم ومكنش في التسجيل اي كلام عن المرض
اسامه بصدمه : تسجيلات اي سمعني كدا ...... التسجيلات دي من العياده عندي بس متركبه شايلين كلام وحطين كلام تاني اي الهبل ده في حاجه غلط بتحصل ممكن اسمع حضرتك التسجيلات الخاصه بالانسه نرمين الحقيقيه وهتصدق وقتها انها مظلومه وكل ده تركيب رن الفون رد ايوه يا انسه نرمين
سيف بعصبية : وهي بروح امها بتتصل بيك ليه أن شاء الله لما اشوف وشها بس
فتح اسامه الاسبيكر : بصراحه يا دكتور من فتره كدا في حد كان بيهددني أنه يبعت تسجيلات غريبه لسيف وبيبتزني أنه عايز فلوس وانا كنت خايفه بس واثقه جدا فيك ف مهتمتش بس اما سيف عمل معايا كدا بدأت اصدق انا مصدومه ومش متخيله انك تعمل كدا عشان الفلوس
اسامه : اي اللي يخليني اعمل كدا انا معرفش حاجه عن الكلام ده وانا مع سيف بيه وفهمته كل حاجه وهو بيحبك وهيساعدك وهيفضل معاكي
سيف : قولي بس يا دكتور اي طريقه العلاج وانا هفضل معاها بس ابعتيلي يا نرمين كل الرسائل والتهديدات دي انا هدور في الموضوع واساعدكم انت الاتنين
اسامه : انا فعلا مصدوم وبشكر حضرتك جدا يا سيف بيه أما نرمين ف يفضل انك تاخدها معاك في اي مغامره ليك في القبض والقسم وكل ده هيفيدوها جدا لفتره معينه وتوافق انها تشتغل حياتها هتتشغل وهتبقا كويسه وهتابع معاها كل جلسه
عن اذنكم لازم اروح روح اسامه وهو مصدوم ازاي التسجيلات دي اتسربت معقول عم عوض البواب لأن هو الوحيد اللي معاه المفتاح ولا ناديه هي الوحيده اللي محتاجه فلوس بس لو هي مكنتش طلبت مني فلوس النهار ده ولا ده تمويه ولا اي مبقتش فاهم حاجه ابدا
صحي تاني يوم راح علي البنك سحب كل الفلوس بتاعته وعمل قرض
اسامه : جاهزه يا جنا نجيب الجهاز بتاعك اخلصي بسرعه عشان ورايا مشاوير كتير
راحت جنا بسعاده واختارت هي وناهد الجهاز كله وزياده وفجاه جه اتصال لاسامه
فردوس بغضب وعصبيه : اي الاستهبال اللي بيحصل ده يا دكتور ده استهتار وقله ادب مكنتش اعرف انك بالوقاحه دي ابدا