رواية فقيرة في جامعة الأغنياء الفصل الخامس 5 بقلم ماريه عبد الله السعود

رواية فقيرة في جامعة الأغنياء الفصل الخامس 5 بقلم ماريه عبد الله السعود

بسأل عليك حزن الشفق

وقت الخيال ينعس ينوم يتوسد أحلام الأفق

ورعشة الليل الطويل آهة الشوق والأرق

بسأل عليك لما السؤال يصبح سفر

بلاك في فيض الأماني الذايبة في رنة وتر

في لمحة الطيف البعربد مرة بالخاطر عبر

ورعشة الأمل البفوح يتلاشى زي لون السحر 🖤💔

ريم مالك يابتي من جيتي وانتي ماطبعية وحتى انو انتي جيتي سريع لما دخلتي اتكلمت معاك وانت نهاي مارديتي علي بسم الله مالك يامريم واسه نايمه وحتى ملابسك ماطلعتيها وفي باقي دموع في عيونك مريم انت كويسة  يابتي الحاصل معاك شنو شايفة  نظرات الخوف في عيون امي ولما تحس بيها بترجف وهي بتتكلم معاي  مسكت يدها قلت ليه ومع ضحكة ماشوفتي يامي القعدة كانت ظريفة بس انا حسيت بي صداع وراسي عايز يتكسر قلت لي رهف وصليني البيت ماقادره رهف وصلتني عشان كده جيت سريع ولما جيت كنت مصدعة  وماسامعة اي حاجه وحتى ما بشوف أصرت انو تدخل توصلني وانا حلفت الا ترجع تكمل الونسة ماحبيت اشغله معاي وجيت طوالي غرفتي والصداع زاد علي وغمض عيوني وما حسيت بي نفسي الا نايمة واسه الحمد لله شبه خف بقوم اصلي وباكل حاجه وببلع مسكن لو مااتحسنت بمشي المستشفي ماتخافي علي بكون تعب الامتحانات والسهر حسيت بيه شبه صدقت وارتاحت شوية  طوالي نزلت من السرير قلت ليه مسافه اصلي بس ختي الاكل انا جعانة شديد مع ضحكة ضحكت معاي وقالت يلا النمشي المطبخ وطلعت انا صليت الضهر والعصر والمغرب الله يغفر لي فوت كل صلاتي عشان حاجه تافه شديد وبعدين مشيت اكلت وماعندي نفس قعدت اكل وامثل انو جعانة والاكل عجيب واضحك في  امي عشان ما تحس المهم اليوم انتها على كده تلفوني قفلتو نهاااااي ماعايزه اي نفسيات والايام كمان مشت رهف ونون جوني في البيت واتغدو معاي ومافتحو معي الموضوع يوم كان ظابط كلو ضحك ونسه نون عزمتنا لي تخريج اخته في نفس الجامعة وتخصصه أحياء دقيقة وقالت لينا الا تجو التخريج بكون نهاية الشهر دا وبعدين اتكلمنا عن النتيجة قربت وكنا متوترين شديد في نص الونسه رهف قالت لي انتي يامريم بتلبسي كم في رجلك استغربت قلت ليه ..... وتاني طلعت الخاتم الفي يدي وشالتو وبعدين قال لي اقيفي كده قعدت تقيس في قياسات جسمي وانا قلت ليه في شنو قالت لي عايزني نجيب ليك خطيب وقال عايز مقاساتك ياجميل وضحكو رفعت حاجبي قالت لي والله تفتحي خشمك تشوفي نجوم  الليل ولا كلمة كملت وبعدين طلعو الايام شبه مشت والتخرج باقي ليو يوم والنتيجة باقي ليه اسبوعين  اها يوم التخريج جاتني رهف قبل المغرب مشاء الله لابسه فستان بي الكحلي وصندل بي الكحلي ومغيره لون الشعر رهيبه واكسسوارات بي الفضي الفستان شكلي سمكة مفصلة جسمة تفصيل مطرز من فوق وفيو ونظام خيوط من الخلف رقبتو كده مفتوحه بشكل مثلث واكمامو نص رهيبه مشاء الله عسل عاملة شادو بي الوردي الخفيف واصلا هي بيضه شديد قالت لي ارح اجهزي عاينت لي قالت لي ماتقولي الأسود طوالي طلعت كيس من العربية وقالت لي ارح دخلنا البيت طلعت لي فستان بي الوردي ✨👗   💖

 🌸

مطرز بالكريستال من فوق وتحت واسع وفيو حزام سيتان حريري وردي في النص والخلف فيو ورده كبير محل الخصر مع شيفون منسدل  بي الوردي وتحس فيو لمعة كده بي الفضي رهيب رهيب عشره مرات من فقوق كرستال بي الوردي والفضي والرقبه مربعه وتحت ستان وردي وفيو شفون ومنفوش ودهيلز بي الفضي وطرحة بي الوردي واكسسوارات بي الفضي وبروش لي الشعر بي الفضي شكل طاووس وااااي انا رهيبات عشره مرات قلت ليه ديل لي انا قالت لي عايز تلبس لي الأسود والله يامريم اقتلك وادفنك بدم بارد يلا حبيبتي حان الان موعد ظهور الاميرات لبست الفستان رهيب نهاي مازحت من المرايا شاغله الف  بيو ساي قلت ليه بلبسو وبرجعو شكلو غالي شديد قالت لي رجعيو الفساتين هديه من نون تذكري لما شلنا مقاسات وضحكت ماتكون فكرت في موضوع الخطوبة وبنيتي أحلامك ضربته قلت ليه متخلفه قالت لي المهم الاتنين هدية لو ماعايزه بطريقتك بشلبو انا قلت لي طوالي والله تستاهليو قالت لي عان دي وقاعده تتكرم كمان ضحكنا قالت لي يلا تعال اقعد لي هنا طلعت ليه اداوت تجميل وقلت ليه مستحيل ماعايزه قالت لي ياخي بطلي ماتكرهيني واشتغلت تخت في وشي وانا مافاهمة اي حاجه قالت لي خلصنا دقيقة يلا الشعر سرحت لي الشعر انا شعري طويل ناعم اسود شغاله تبرم في القدام وانا مافاهمة اي حاجه وفي النهاي خلت الباقي نازل في ضهري وشالت الجزء البرمتو قدام ومسكتو بي البرش وفي جزي قدام نازل ورجعتو لي ضهري مافهمت اي حاجه قالت لي تعالي وقفنا قدام المرايا اول مره اشوف نفسي كده العيون رسمت لي رسم إبداع والعجب الحواجب  وعملت شدو خفيف بي البني وركبت لي رموش وانا احرك في الرموش زي الهبلة وهي تضحك الروج كبدي والخدود ورديه ماعارفه كيف بس رهيبه أمكن عشان اول مره اعمل حاجه في وشي  قالت لي وااااي يامريم انا أبدعت والله ليك حق ماتعملي حاجه مشاء الله تبارك الرحمن وانا ابدعت ياخي حقو بس افتح مركز تجميل قلت ليه اي والله قالت لي هوي انا دارسه معهد تجميل كنت بتمنا ادرس تصميم وازياء بس تقولي شنو دايمآ مابنختار االعايزنو المهم خلي الكلام اطلعي اتأخرنا قلت ليه الطرحه قالت لي تلبسة في العربيه عشان م تخربي الشعر واصلآ العربية جنب الباب أراح ارح امي قالت لي مشاء الله بسحروكم اتحصنو بس وين الطرح رهف قالت ليه بتلبس لما نركب العربيه عشان ما نخرب الشعر وطلعنا ركبنا العربية قلت لي هاتي الطرحه قالت لي اصبري ياخي لما بننزل بديك ليه ماتخربي شعرك والعربيه اصلا مظللة +الدنيا ليل وصلنا الجامعة وكان في صالة كبير شديد لي الحفلات قدام الصالة حديقة رهيبه بس الإضاءة فيه باهت شويه لكن من بوابة القاعة الإضاءة عاليه شديد نزلنا قلت ليه جاي الطرحه يااازفت طلعت لي الطرحه وهي ماطرحه حاجه كده خفيفه وصغيره شديد نبزته نبز تضحك ساي قالت لي عارفاك لو شوفته في البيت مابتلبسيه ياخي يوم واحد ارح ارح وقلت لي نهاي ما بدخل جرتني رجر واتصلت بي نون قالت لي اطلع لينا نحنا مابندخل نتلفت ليك زي الهبول 

طلعت لينا جنب البوابة قربت علينا كانت رهيبه رهيبه مشاء الله لابسه فستاني بي الخمري  وشعره بي الأشقر رهييييبه شافتني وقال لينا وااااي مشيتو اي كوفير رهبات لو عارفه كنت لبست معاكم رهف ضحكت وقالت ليه معاك الكوفير رهف قالت لينا مابصدق رهف تعالي سريع ارح الحمامات وعدلي لي مريم رهيبه واي ياااامريم كنت قافلة نفسك في الأسود يابت  اتحصني ضحكنا ودخلنا وهي لسا تتكلم وشغال لي رهف الا  تعدل لي المكياج وانا داخلة وبضحك فيهم  مااشوف الا الشاشه مثبته صورتي والشاشه بتحرك مره تكبر الصوره ومره تصغيره وشغال اغنية محمود عبدالعزيز سبب الريد عينيك وعينيّ هم الجارو عليك وعليّ

سبب الريد عينيك فتاكة ترمي الزول مجبور في شباكة

انت تفوت والناس بوراك ومن الشوق لعينيك تتباكى

لي عينيك عيني وروني وديمة علي رامياني عيوني

نظرن ليك عيني تعبوني رغم أزاي منك عجبوني

اشتاق ليك واتدفق ريدة ومن عينيك أخاف تهديدا

لي آمال وأماني بعيدة وليك في قلبي محبة شديدة

هم الجارو عليك وعليا ...

صرف النظر عني

صرف النظر عني وانا أصلي ما لمتو أظنو لايمني

ودايماً بقابلني وبالنظرة يسعدني وغير ما يواعدني

نظراتو تنده لي وتجذب نظر عيني واحس بأنو حبيبي

وهو مني ولي لكن بعاتبني

نتلاقى في الآمال لكن بتبعدنا عن ملتقى الأحوال

وعن عيوني يغيب وشخصي ليهو قريب

والبينا باقي غريب وهو لعيوني حبيب مهما يألمني 

الناس كلها ركزت مع الصوره الفي الشاشه كنت بضحك عندي غمازات كانو واضحات شديد سماري مع الفستان الوردي حكاية ولا الشعر  الطرحة كانت خفيفة شديد انا خجلت خجل نون ورهف يضحكو علي قعدت في طاولة مع أهل نون بعد ما سلمت وباركت ليهم  كويس الشاشه غيرت صورتي وكان بتصور فيديو في الحفلة اها طلعت فنانه كده أغانيه رابه كلها رقص لسه تكريم الخرجين مابدا الناس دي كلها اتجهت على الفنانه وشاركو الرقص رهف ونون قالو ماشات يرقصو حاولو معاي انا رفضت قعدت اعاين فيهم ساي واضحك واحد من اهل نون قعد معاي في الطاولة وحاول ييفتح معاي مواضيع وانا اختصر فيو ساي عيني ما تقع الا في مكاشفي القاعد في الطاولة القريب مننا معاو اصحابو لابس بدلة بي الأسود وحالق شعرو صندوق خفيف كده شعرو اسود ناعم فوق مفلف وكتير وبي الجنباب خفيف مخفف اللحية مكاشفي عيونو كده فيه حمار ونعسانه  تحس بيو زي الزول البشرب هههه ياخي عجيبه عديل وعدساتو سود حواجبينو غزيره انفو عامودي تبارك الرحمان تسرح فيو وانا اعاين فيو التفت علي ورفع حاجبو خجلت شديد وحركت عيوني وود اهل نون يتكلم ساي وانا شغاله ليو اهاااا واااااي ولا اااا امشي فيو وانا قلبي يدق ومتوتره شديد من مكاشفي عايزه اشوفو تاني عايزه التفت ماقااااادره خصوصا طولت منو شديد ماعارفة مااالي مكاشفي شغال بالي عاااايزه تاني التفت اعاين ليو كتير بس هو ما يرفع عيوني علي بتوترني  نظراتو التفت لقيتو مافي فتشت الصالة كلها مكاشفي ماموجود نزلت عيوني زعلت زعل  وقعدت اراقاب في نون و رهف واضحك ياخي ديل رقصو رقيص نون جات علي مريم تعالي ارقصي وتحنس قلت ليه تمام مشيت رقصت شوية ورجعت على الطاولة وكل شوية اعاين في المكان الكان فيو مكاشفي أمكن يرجع ود اهل نون اظن فات لانو ما انتبهت عليو وكتين هواك هبش الوتين غير ملامح كل شي💫💥🖤

مكاشفي 💫🖤

اليوم داك نهاي ماعايز يطلع من راسي اتحركت بي العربيه مشيت البحر وقعدت هناك لي بعد العشا انا مارجعت البيت صلت في البحر قفلت تلفوني عايز اهرب من اي حاجه ماقادر اتصل عليه هي حظرتني على الواتس بس رقمه عندي وعادي ممكن اتصل عليه بس ماقادر ولو اتصلت اقول شنو استغفر رب العالمين ورجعت البيت امي كويس اتصلت على عمار بعد تلفوني كان مقفول وقال ليه مكاشفي قاعد معي لانو لما رجعت ماسالتني ولا قالت لي كنت وين وخصوصي بعد فتحت تلفوني لقيت منها كم مكالمة وعمار متصل كمان ومرسل لي رسالة انا قلت لي خالتو ناديه انو انت معاي عارف عايز تقعد مع نفسك شويه 

المهم دخلت نمت طوالي والايام بتمشي شغلت نفسي شديد مع المستشفي حتي لما بكون ماعندي شي بمشي لي ابوي الشغل وبساعدو شوية الايام ماشيه على كده ماعايز عقلي يفكر في مريم ولا قلبي يضعف عايزه امسحة من عقلي وقلبي بس الليلة في التخرج من دخلت الحفلة وصورته على الشاشه انا ماقدرت اتحكم في نفسي كنت ماشي امسك ايده قدم الكل واطلعة واقول ليه دا شنو يامريم دا شنو انتي عاملة في نفسك شنو كيف تلبسي طرحة كده كيف شعرك كلو برا ولا وشك اخ ياربي اخ يالله  مريم كانت كاااانت جميلة شديد زي الاميرات ماقادره ارفع عيوني الفستان الوردي مع سماره الغمازة لما ضحكت ولا الشعر ولا الحاجات الفي وشها مريم انت عارفه جننتيني انا ادمنتك يا مريم ادمنتك  كنت عايز اجن طلعت من الحفلة مشيت مشور وجيت عايز مريم تجي برا الصالة عشان اسلمه حاجه بس كيف تطلع ولا كيف اقول ليه ماعايز اقول لي زول نادي لي مريم ماعايز الفت نظري الناس ليه طلعت تلفوني واتصلت عليه 

مريم 

وانا سرحانه مع الناس البترقص تلفوني اتصل رقم ما مسجل عندي بس الرقم ماغريب علي رقم مكاشفي!!!!اي والله دا رقم مكاشفي بس هو وين وليه اتصل علي !؟؟انا ماسكة التلفون سرحانه لما فصل الخط وما انتبهت الا لما فصل رجع  اتصل تاني رديت الو قال لي مريم انا مكاشفي اطلعي برا منتظرك ماتتاخري وقفل الخط انا قاعده مهجومه ومخلوعة مكاشفي عايزني برا ليه وهو كيف يتصل علي؟؟ وماعارفه اعمل شنو عاينت لي نون ورهف ديل في دنيا تانيه وفي نص الناس البترقص ياربي اطلع ولا اطنش تاني التلفون اتصل مكاشفي!رديت مريم انا قلت ليك اتحركي وصوتو كان عالي وشكلو معصب  قلت احسن اطلع شكلو كده في شي طلعت  وصلت الحديقة وشايفه ماسك تلفونو واتصل علي تاني قال لي شايفك انا شايفاني؟ قلت ليو اه اه اي كنت متوتره ماعارف افتح خشمي قال لي تعالي  وصلتو مد لي كيس وانا كل وشي علامات استفهام قال لي افتحي فتحتو في طرحة ؟عاينت ليو قال لي ممكن تغيري الطرحه وتاني في حاجه باندا رفعته عيوني عليو  رفع حاجبو قال لي اظن الفهم وصلك وانا ماكنت عارفة ارد متوتره شديد شلت الحاجات حتى م قلت ليو شكرا عايز اتحرك قال لي ماشه وين لا يمكن تدخلي الصالة تاني وانتي كده صح الحمامات في الصالة بس مابتدخلي يامريم اطمني انا بلف راسي مكن تغيري الطرحه هنا اصلا المكان كان فاضي وبعدين الإضاءة ماعاليه لف واداني ضهرو طلعت الطرحه وكنت متوترة أمكن عشان اول مره اكون قريبه منو ولا عشان  اول مرره اسمع صوتو وهو بقول اسمي  ولا عشان اول مره  يتكلم معاي هو قريب مني! قلت ليو مكاشفي قال لي نعم قلت ليو ممكن تمسكك الطرحة دي دقيقة شال مني من غير مابلتفت شلت البانده وفكيت البرش وقلت ليو ممكن تمسك دا شالو لفيت شعري ولبست الطرحه وقلت ليو خلصته لف علي وقال لي و انا شايف لسه ما خلصتي يامريم لسه في حاجه ماطبيعية فيك طلع مندلي قال لي الباقي وشك !!!خجلت خجل شلت المنديل مسك طرحتي وطبقه ودخله جيبو وضحك قال لي دي طرحه اسه عليك الله مندل بس والبرش دخلو جيبو كمان وقال لي مريم عارفك خجلانه أمكن من صرحتي معاك  وكيف ادخل في حاجه مابتخصني وامكن صرحتي زعلتك  بس اتاكدي انو كل مايجمعنا مكان واحد انا  وانتي انا بعمل اي حاجة عشان  احميك من عيون الناس ومن انو تعملي حاجه تغضبي فيه  رب العالمين صح انتي رفضيني وانا لسه محترم قرارك بس انا لسه ما اتنازلت فيك او استسلمت واعرفي انو انا مكاشفي وطالما عايش في دنيا دي بحاول  وبحاااول لما تكوني حلالي واسه اي مكان بجمعني بيك انا بكون ليك الأخ والصديق والسند قال لي يلا عديلي ووشك وادخلي وضحك  لف وشو  مسحت الروج قلت ليو خلاص قال لي والعيون؟ قلت ليو العيون ؟ قال لي خلاص انسي  تمام كده ممكن تدخلي الطرحه كانت كبيره نص توب عديل هههههه والله حاله بطاله دخلت وقعدت نون ورهف بسم الله كنت وين ومالك غيرتي الطرحه وجبتيها من وين قلت ليهم اسه انا مااقادره ارد بحكي ليكم كنت متوتر شديد وخاص المندل الفي ايدي كانت فيو ريحت مكاشفي وحاسه لسه ريحتو في انفي مكاشفي دخل بارك لي واحد كده وطلع طوالي انا كملت التخريج وكنت تعبانه شديد وصلت البيت بس تفكير وعقلي كان في الحفل وفي موقف مكاشفي وهل ياربي انا استعجلت لما رفضتو؟ 

مكاشفي 💫💥🖤

طلعت من الحفلة طالع طوالي على المستشفي عندي شوية حسابات عايز اراجعه وبعدين امشي بيت كنت مبسوط شديد سايق العربية وفاتح اغنيه لي ود الأمين بحبو شديد اصحابي بقول لي انت زول قديم ههههه مابحب اغاني الجيل دا نهاي مافيه اي احساس وتاني الحوت دا حاجه تاني خالص  الاغنية شغاله وانا بغني معاو فتحت التلفون وفتحت الكاميرا فتحت فيديو ووجهت الكامير علي قاعد اغنية مع ود الأمين الاغنية كانت العيون رويانا تبكي

والقلوب مشتاقة امله

*****

أي حاجة تمر بخاطركْ

قصة أو أخبار جديدةْ

عندي ليك خبر أهمْ

جايبو بي أشواق شديدةْ

أسمعي وطاوعيني مرّة

أيوة، ما تخليك عنيدهْ

عايز أقول لكْ

ليه أقول لكْ

ما بقولكْ

مش مخير

ساعة مرت ساعة واكتر

والوقت روّح إتأخر

زى عنادك عايز اعاند

لكن يظهر ما حا اقدر

امرى لله كنت عايز اقول

بحبك يا وحيدة

بقرى في عيونك حياتي

اصلا صوتي ظابط عندي عود مرات لما  اقعد مع  الشباب بغني ليهم قفلت الفيديو ونشرتو في الفيس والانستا كنت مبسوط مع انو مريم كسرتني بس الليلة غير كانت قريبه مني شديد وسمعت اسمي بصوته مكاشفي ااااخ بس اااخ طلعت الطرحة اصلا كنت ناوي احتفظ بيه 

يا ريتنى لو أقدر أقول

فيكِ الكلام الما انْكتب

واجلى المقاطع بالدهب

وافرد صباح حُسنِك وشاح

يمسح عذاب عمرى المسطرّ باللهب

بريدك

كلمه كان رفّت

يِهش ثغر النجوم ويسطعَ 

غيرت وصليت اكلت حاجة ونمت صحيت الصباح وانا بشرب في الشاي امي طلعت قروش وقالت لي مريم يابتي امشي السوق وجيبي ليك عبايات وحاجات لي الجامعة قلت ليه بس انا ما محتاجة قالت للي عشان خطري غيري من الأسود انتي لسه صغيره يابتي مالك ومال الأسود تلوني بيو حياتك ولو على القرش انا اصلا كنت داخله صندوق وصرفتو مامحتاجه بيهم حاجه ماتكسري بخاطري يامريم طوالي شلتهم قلت ليه اللله يخليك لي ومايحرمني منك قالت لي سوقي معاك سماح 

طوالي كوركت لي سماح بي الحيطة رفعت راسه سماح دي بنت جيران زولة كده مفتحه وظريفة أكبر مني بي كم سنه قالت لي اي قللت لي ارح معاي السوق زولتك ولا صدقت قالت لي دقيقه بس جاياك طيران ههههه بتحب الفارغه كيف قبل ما انزل لقيته في وشي بسم الله ياخي بتين اسه ضحكت ضحك قالت لي عارفاك اسه بتغيري رايك وانا اصلا كلمتني امك من امس يلا جاي عباية البسه ورح طلعنا سماح مشاء الله زوق اصلا عجيب اختارت لي كم عباية ملونه اظن ممتفقه مع امي وكم اسبورت وكم شنطه غايتو رهيبه انا ماعلي الا اجرب بعدين دخلنا مكان الكريمات وانا رفعت ليه حاجبي قالت للي خشمك عندك ولا حرف نزلت كريمات بس كلها ترطيب ونزلت مرطب شفايف وبدره وصلنا البيت طلعت عباية من العبايات الجديده وقلت ليه الا تشيليه حلفت نهاي مابتشيله قالت لي بشيل من كريمات الترطيب المهم قعدت توصي فيني انو اهتم بي نفسي والجامعة قربت قالت لي ديل ترطيب بس اصلا مامحتاجه كتير وكمان لما تطلعي الجامعة ختي مرطب وشوية بدره خليك بنت ما محمد ولد وضحكت هههههه قالت لي هوي ماتكتري انا عايزاك لي اخوي مايجي واحد يشلبك مننا امي قالت ليه هو في زول زي اخوك مشاء الله اخلاق وخلقه تبارك الرحمان قلت ليه سماح اخوك في بلد اجنبي بمشي بجيبه ليكم اجنبيه  مابعاين تاني لي بنات السودان قالت لي هووووووي انا ماعايزه بعدين لما اتشاكل معها ترطن لي ماافهم منها حاجه اخوي ما بعرس الا سودانية نضارب ونتشاكل بي  العربي مالنا ومال الرطانة الخواجات ضحكنا واليوم انتها والايام كمان الليلة النتيجة اتصلت علي رهف وقالت النتيجة طلعت افتحي تطبيق الجامعة مريم معدلك مشاء الله كويس شديد وانا يعني ام نون كانت برف الدفعة في القسم حقهم وماشوفتي في ولد معانا البروف ومعدلو كان كويس شديد انتي معدلك قريب منو طبعآ التطبيق منزل صورتو لانو اكبر معدل في الجامعة اخ بس من النفسيات باركت ليه وفتحت التطبيق اشوف التفاصيل رهف معدل كويس بس عايزه شوية اجتهاد وانا معدلي كويس وقريب من البروف شديد لو اجتهدت شوية بس كلو لي خير السمستر الجاية دا انشاء الله بجتهد اكتر مشيت لي نتجية مكاشفي الفضول قتلني مشاء الله معدلو كويس شديد شكلو كده شاطر شديد الولد دا محيرني مشاء الله كامل والكمال لله 

وحياة ابتسامتك ياحبيبى وحياة عينيك

قلبى حاذرك ومن زمان سائل عليــك

كلو لمسه فى خيالى عن جمالك هى فيك

قبل ماشوفك كنت فاكر الريد مستحيل

كنت هايم فى طريق خالى طوييل

لليلى دون الناس كللو ااهات ولويل

تشهد الايام ويشهد الليل والنحيب

قلبى عاشق ودربى خالى من حبيب

قلبي عاشق ودربى خالى من حبيب

الفصل السادس من هنا 

لقراءة باقي الفصول اضغط هنا