بقلم رزان محمد
في البورت :
عند ام ريم : معقول يا مصطفى ريم تكتشف انه عندها خالة هناك وعندها اولاد خالة، لالا يا سهام ما حتكتشف الشي دا نحن اختك دي علاقتنا معاها انتهت من زمن ولادة ريم ديل ناس كعبين، وقبل كدا ريم مشت الخرطوم ما اكتشفت الشي دا يعني ما حاحصل حاجة ما تخافي ، ارقدي نومي حاحصل الخير باذن الله ، ان شاء الله يا مصطفى ان شاء الله يحصل الخير يارب ...
ريم : صحيت مع أذان الفجر صليت ودعيت ربنا انه يسهل لي أمري والقى بتي ، نزلت تحت ودعت اكي وابوي ومشيت ركبت الباص ، وصلت الخرطوم ، اتصلت لي علا صاحبتي قلت ليها انا في الخرطوم ودايره أقعد معاكم كم يوم ، قالت لي طوالي حاجي اسي واسوقك ، ربع ساعة بس وجاتني بعربيتها ، ريم مشتاقين يا بت يخسسسي عليك من مشيتي البورت تاني ما جيتيني زيارة ولا حتى العرس حقي ما جيتي، قلت ليها فعلا والله اتلومت انا براي ملومة نفسي 😂
بس الظروف ما قدرت ، اسي عندي قضية ضرورية عشان كدا جيت ، قالت لي حبابك ، اسي زاتو راجلي سافر ، قاعدة معاي اختي واولادي بس ، وركبنا العربية مشينا بيتهم قالت لي دي اختي ايه ودي بتي سارة وولدي محمد ، سلمت عليهم وماشاء الله أولادها مؤدبين شديد ، قعدتني في غرفة الضيوف ، طوالي اتذكرت اني شلت رقم محمد من الفيس لازم اتصل ليه وما اضيع وقت ، اتصلت بعد ما رد ، تاني اتصلت بعدها ،رد ، السلام عليكم يا محمد ، وعليكم السلام ورحمة الله وبركاته، منو معاي ، انا اسمي ريم من البورت وحكيت ليه الحاصل، وانه اخوه همام صاحبه لسفيان ، قالي طيب حاتكلم مع همام اكيد بكون عارف شي ، طيب شكرا ليك يا محمد جزاك الله خير ، وجزاك يارب ...
عند محمد: جاني اتصال من بت اسمها ريم ، اسي انا احل مشكلة رحيق وافتش أهلها ولا احل مشكلة البت دي وافتش ليها بتها ، الله المستعان ، مشيت اتوضيت وصليت ركعتين ودعيت كتير وقعدت في المصلاية عملت الصلاة على الرسول صلى الله عليه وسلم الف مرة بنية اعرف الحقيقية واقدر اساعد رحيق وريم ، كل ما يكون عندي امنية بعمل الصلاة على الرسول صلى الله عليه وسلم وسبحان الله طوالي ربنا بيستجيب لي اقسم بالله الصلاة على النبى صلى الله عليه وسلم مفتاح كل خير فهى سبب للسعاده والفرح وتحقيق الامنيات( يامن تريد الزواج والذريه وتحقيق الامانى والسعاده أكثر من الصلاة على النبي ﷺ كل وقت ولايشترط الصيغه ولا العدد صلى عليه بأى صيغه المهم أكثر منها اقسم بالله من يكثر من الصلاة على النبي ﷺ تتحقق امانيه ووكل ما يتمناه والسعادة..) ...
بعد خلصت سمعت تلفوني همام يتصل بك همام يتصل بك ، فتحت التلفون وقلت ليه سبحان الله هسي كنت داير اتصل بيك ، قال لي انا عندي ليك كلام وما بتقال في التلفون لازم نتلاقى ،حدد لي المكان ومشيت ليه ، يا محمد انا كان عندي صاحبي اسمه سفيان بتذكره، أي الله يرحمه ويغفر ليه كان شاب طيب وشهم ، يلا سفيان دا مرا عمل علاقة غير شرعية مع بت اسمها ريم ، اها واصل ، وحملت منه وجابت ليها بت ، اها ، وهو قال ليها انو ما مسؤؤل منها ولا من البت وما حيقدر اربيها وما ما عنده استطاعة اتزوجها، فبعدها ريم ختت البت جنب المسجد ، وبعد شهر كدا ربنا هداه وتاب وحتى مشى أقام عليه الحد ، انجلد، ومشى فتش بته وريم بس لقى بته وريم ما لقى مكانها ، وكان بفتش فيها بس ياهو بعدها مرض وما جمع بينهم ، وقبل ما اتوفى اداني صور ليهم قال لي اجمع بينهم ، والبت مكانها وين اسي ، الصدمة هنا يا محمد البت هي مرتك رحيق ،
معقووول يعني رحيق امها وابوها الحقيقين ريم وسفيان ، أي ديل أهلها الحقيقين ، لا حولا ولا قوة إلا بالله ربنا يتقبل توبتهم ويغفر ليهم يارب ، اللهم امين ، وفي حاجة تانية يا محمد ، احكي اكتر من الصدمة الاخدتها دي ما اظن في حاجة حتصدمني ، تخيل ريم طلعت بتبقى لينا ، شنوو، كيف بتبقى لينا ، طلعت عندنا خالة غير خالتو سعاد في البورت ، واسمها سهام ، دقيقة دقيقة انت اكيد بتهظر ، كيف يعني عندنا خالة تانية وين ولي نحنا ما عارفنها وعندها بت كمان ، أي يا محمد انا زاتي انصدمت لمن عرفت الشي دا ، وانت كيف عرفت ، زي ما قلت ليك سفيان وكلني افتش ولمن فتشت وراها وعرفت مكانها وعرفت أهلها عرفت ان امها من هنا وهي بت ناس محمد الحاج الملقبين بناس ابقرع، عرفت انه عندنا خالة وهي بت خالتي ، لمن مشيت واجهت امي بالحقيقة دي في الاول نكرته تاني اعترفت وقالت لي انهم اتشاكلوا وانفصلوا من كنا انا ونسيبه اطفال ، ولمن وريتها اني داير اجمعها ببتها قالت لي ما عافية ليك دنيا وآخرة كان مشيت واتواصلت معاهم ، فانا كسرت الحنك وما اتواصلت تاني معاها ، بس امس اتواصلت معاي ريم وانا حسيت بالذنب ، عشان كدا وجيت حكت ليك تدلني اعمل شنو ، قلت ليه خليها علي انا بصلح كل الأمور دي .. تمام تسلم يا محمد اخوي ، بعد حكيت ليك حسيت هم وانزاح ،
أول شي اتصلت لي ريم وقلت ليها انا عرفت مكان بتك ووصفت ليها تجي في بيتنا ومشينا انا وهمام بيت ناس رحيق ...
رحيق :
صليت العصر وقريت قرآن لأمي ودعيت ليها ، بعدها جاء محمد داخل هو وهمام ، قال لي تعالي يا رحيقي وكان في وشو ظاهر متوتر ، نعم يا محمد ، شال نفس عميق رحيقي امك وابوك ديل ما اهلك الحقيقين ، انصدمت قلت ليه انت بتهظر ولا شنو كيف يعني ما اهلي الحقيقين ، عندك اهل تانين وامك خلتك جنب المسجد وابوك الاسي دا لقاك جنب المسجد وجابك، قعدت ابكي من الشي السمعتو دا وقلت ليه يعني لمن ابوي كان بضربني واقول لي انتي ما بتي الحقيقية كان قاصد الكلام البقولو ، وبعدها مسك يدي وقال لي انتي رحيقي القوية صاح ما تبكي وانا هنا جنبك ، هديت شوية قال لي ما دايرة تشوفي امك قلت ليه اي ، قال لي ارح طيب ..
محمد: مشينا بيتنا ولقيت ناس أمي وابوي ونسيبه وكلهم قاعدين ، قلت ليهم انا داير اتكلم معاكم في موضوع معاكم في موضوع مهم شديد ...
ابوي قال لي خير إن شاء الله.. شلت نفس عميق قلت ليهم الحاصل كله ، كلهم اتصدمو، امي نطت قالت لي انا كلمت همام وقلت ليه ما عندنا علاقة معاهم الناس دي ، قلت ليها يا أمي أنا ما عارف السبب الفرقكم وخلاكم اتشاكلتوا شنو بس يا أمي انتي عارفة انه الخصام حرام ، وقبل ما اتم كلامي جات ريم داخلة ، استقبلتها وقلت ليها دي بتك رحيق ، جات ضمتها عليها وقعدوا يبكوا قريب نص ساعة حاضنين بعض وقالت ليها اعفي لي يا بتي اني جدعتك وخليتك ، بعدها كلمناها اننا نحن بنقربها وانصدمت وقلت ليها اتصل لي باهلك اتصلت ليهم ووجهت الكلام لي امي ولي خالتي وزوجها "يا جماعة ، بالله خلونا نتكلم كلمة لله. الخصام والزعل بين الناس ما صاح، بل حرام. النبي ﷺ قال: «ما بحل لزول يهجر أخوه أكتر من تلاتة يوم»، يعني بعد التلاتة يوم ما في أي عذر يخلي الواحد يواصل الهجران والشحناء. وبرضو الرسول قال لينا إنو الشحناء بتمنع المغفرة يوم تُرفع الأعمال، يعني الزول المتخاصم محروم من المغفرة لحدي ما يتصالحوا، نحن كلنا أهل وإخوة، والدنيا دي ما مستاهلة زعل ولا خصام. ربنا قال: «إنما المؤمنون إخوة فأصلحوا بين اخويكم )
والكلمة الطيبة والصلح أحسن من مليون مشكلة. يا جماعة، الزعل بوجع القلوب وبلخبط النفوس، لكن الصفح بيريّح، والصلح برفع قدر الواحد عند رب العالمين.
فخلونا نفتح صفحة جديدة، ونخلي قلوبنا بيضاء، ونعتذر لبعض لو في غلط. الفيهو خير يسعى للخير، وربنا سبحانه وتعالى بجزي كل زول داير الإصلاح. والله ما في أحلى من اللمة الطيبة والمحبة بين الناس."
اتأثرو بكلامي دا وقعدو يبكو واتصالحو واتعافو وقالو انو حيجونا هنا في الخرطوم ...
لين: شفتي يا يقين ما قلت ليك احسني الظن بالناس واتهمتي خالو همام بالباطل وقلتي انه رحيق بته ، بس طلعت ما بته زي ما قلت ليك وسبب الشبه في العيون والحواجب طلع لانو في بينهم قرابه بس لكن انتي بتعرفي تحللي براك ، فعلا ظلمتو ساي والله ، الله يغفر لي ..
رحيق: حاسة نفسي اني في مسلسل هندي كيف يعني احصل الشي دا واطلع عندي ام تانية، لكن دا الواقع لازم اتعايش واتقبله...
محمد: اليوم البعده ناس خالتي جو وعرفو حقيقة ريم في الاول شاكلوها وزعلو منها بس تاني هدنا ليهم وقلت ليهم سامحوها هي في النهاية بتكم الوحيدة .. سامحوها وريم شكرتني وقالت لي فعلا بتي عوضها بزوج صالح ...
في الخرطوم :
محمد" بعد مرور شهر في المستشفى ، يعني يا دكتور العملية دي احتمال نجاحها ١٠في المية وكان ما نجحت احتمال افقد السمع ، أي يا محمد وبعدا القرار بيدك ، طلعت منه ومشيت المسجد صليت صلاة الاستخارة، يارب اذا الموضوع دا فيه خير سهل ليه ،واذا فيه شر اصرفه عني ، كل ما اكون واقع في مشكلة وما اقدر اقرر طوالي بصلي صلاة الاستخارة وربنا بيسهل الأمر الحمدلله على نعمة الصلاة دي ، رجعت البيت وكلمت رحيق وناس امي بالموضوع دا ، كلهم رفضوا وقالوا لي ما تعملها .. قلت ليهم إن شاء الله يحصل الخير بس ، بعدها قمت بليل الساعة ٢ صليت ودعيت ربنا انه يسهل أمري والعملية تنجح ، قيام الليل❤️
لا تتوقف عن قيام الليل ... فربما سجده في الظلام تنير عمرك بأكمله... فإن لله تعالى ساعات لا يرد فيها سائل ...و اعطيك نصيحه ... اذا دعوت الله تعالى فادعيه بقلب مكسور ....قال ابن القيم...
"السر في استجابة دعوة المظلوم والمسافر والصائم هو الكسرة التي في قلب كل واحد منهم...
فإذا حدث لك في لحظة من لحظات الدعاء هذا الإنكسار والضعف والتضرع....فأبشر بالاجابه.... و العز ...و العطاء... ادعي الله ولا تفتر... الا تعلم أن الدعاء يعيد ترتيب المشهد؟؟ ...ألم تعلم أن الدعاء يصارع الأقدار؟ و ان هناك ادعيه من قوتها و كثره الحاح صاحبها و شده توسله تغلب أقدار شارفت على الوقوع .... والله ان هناك بشر يتقنون فن الدعاء لدرجه ان ملائكه السماء تتنادى لدموعهم .... تذكر دائما ان الله ما خلقك ليكسرك....ستتحقق امانيك و ستتجاوز بعون الله كل ما أحزنك...
قيام الليل
ركعتين فى جوف الليل "بوابه المعجزات"
وقال صَلَّى اللَّهُ عَلَيْهِ وَسَلَّمَ:
" إِنَّ فِي اللَّيْلِ لَسَاعَةٌ لَا يُوَافِقُهَا رَجُلٌ مُسْلِمٌ يَسْأَلُ اللَّهَ تَعَالَى مِنْ أَمْرِ الدُّنْيَا وَالْآخِرَةِ إِلَّا أَعْطَاهُ إِيَّاهُ وَذَلِكَ كُلَّ لَيْلَةٍ".
وبعدها سمعت صوت زول بيتحرك ، قلت ليها رحيقي دي انتي ، اي، مالك صاحية ، دايرة ادعي ربنا انه يسهل ليك العملية وتنجح وترجع تشوف ، اللهم امين يا رحيقي من خشمك لي رب السماء ، امين يا عمو محمد ...
رحيق : اليوم التاني دخلو محمد العملية وكلنا برا كنا عايشين على اعصابنا وخايفين ومتوترين، وقاعدين ندعي ليه ، حتى امي ريم وحبوبة سهام جو حضرو العملية ، وفطومة اختي برضو ، قريب ساعتين حتى الدكتور جاء طالع قال حمدلله على السلامه العملية نجحت
فرحنا فرح شديد وكلنا بكينا من الفرح ، قال اسي عشان التخدير لسة ما صحى شوية كدا واصحى ، بعد مرور وقت الممرضة جات وقالت لينا محمد صحا ، لكن ما تدخلوا كلكم ادخل نفر واحد وبعده كل مرة زول ، امي فاطمة قالت لي ادخلي انتي يا رحيق اول شي ..
دخلت ، عمو محمد 🥹
رحيقي ، حمدلله على السلامه ، الحمدلله ربنا استجاب دعوتي والعملية نجحت، قال لي أي الحمدلله ربنا كريم ..
محمد: رحيق جات اول شي اول ما شفتها طلعت حلوة شديد عيونها عسلية وحواجبها المقرونة طلعت حلوة ، قلت ليها تصدقي وشك بيشبه طيبة قلبك لدرجة جابو القمر وجابوك انتي ما ح اقدر افرز بينكم ، بجد هنيئا لي بيك يا سعادتي ،وانا محظوظ انك مرتي ، خجلت ودنقرت راسها وبعدها طلعت وجو ناس أمي وابوي وبعد يوم طلعنا ورجعنا البيت ...
في بيت ناس رحيق
يا فطومة بتي في واحد جاء اتقدم وقال عايزك ، ودا نفس الشاب الكان ساعدك يوم امك الله يرحمها اتوفت
اتذكرتيه ، ايوا يا ابوي اتذكرته ، بس دا ساكن في الحلة التانية وحكى لي انه شافك وعجبتيه ودايرك على سنة الله ورسوله ، قلت ليه ماشاء الله ولد شهم وساعدني وما قصر لكن حاستخير واديك الرد ، تمام ، طبعا ابوي اتغير شديد ودا بفضل محمد ، استخرت وبعد كم يوم قلت لي ابوي اني موافقة ، ربنا يسعدك يا بتي ويتم ليك على خير يارب ..
رحيق : كنت قاعدة مع فطومة اختي ايام الحبس وبعدها جاء يوم العرس ومحمد ما قصر والله اكتر زول كان واقف معانا ، وطلعت احلى عروسة ، وبقينا كل مرة تجي واحدة لي ابوي مرة انا ومرة هي ...
بعد مرور خمسة سنين كنا قاعدين كلنا ومنتظرين النتيجة حقتي حقت الشهادة المتوسطة وحقت لين ويقين كلنا قاعدين متوترين ، فجأه سمعت اسمي رحيق 278 وقعدت انطط واصرخ وامي ريم وامي فاطمة شغالين ازغرتو زغاريد ، محمد قالي اسجدي سجدت شكر ، سجدت وحمدت وشكرت ربنا على النجاح دا ، بعدها سمعنا اسم لين برضو زاعوها ويقين جابت ٢٧٦ برضو كانت مبسوطة انها نجحت ..
بعد مرور سنوات
يا بت يا غفو تعالي هنا ، بابا بابا دسني من ماما قالت دايرة تسلح لي شعلي، لي يا غفو سرحي شعرك عشان تبقي بت حلوة وظريفة ، لا ما دايرة اسلح انا يا بابا ، سرحي عشان اطلعك مشوار ،يا بت غفو تعالي انت يا محمد دلعك دا زاتو الخارب البت دي ، انا كان ما دلعتها ادلع منو 😂 وانا عندي ليك مفاجأة ، مفاجأة شنو ، طلعت التذاكر وحنمشي انا وانتي وغفو عمرة بإذن الله...
محمد : اها جاهزين قالو لي أم الجاهزية زاتو سحبنا شنطنا وطلعنا .. وركبنا العربية واتوجهنا على المطار , ورحيق كل مرة تشيل واتوثق وكل مرة تعمل فيديو .. وصلنا وقعدنا لحدي ما سمعنا النداء الاخير ، عاينت لي رحيق وقلت ليها رحلة الحب مع من نحب الا من نحب ... بعد كم ساعة دخلنا السعودية وفي اليوم التاني بدينا مراسم العمرة كلها وفي كل مكان لازم نتصور ونخليها ذكرى عابرة...
وعند المفترق٠٠٠ ♡
يا غافلا تتمادى غدآ عليك يُنادي٠٠٠ ياتارك الصلاة صلي ف مصيبتك أعظم وجهنم لا تبقى ولاتذر وعذاب الله واقع ماله من دافع٠٠٠
وجعل الله حالي وحالكم من أولئك الذين قيل لهم سلامآ عليكم ادخلوا الجنة بما كنتم تعملون.....♡
النهاية....... 🦋♡