رواية فقيرة في جامعة الأغنياء الفصل الثامن 8 والاخير بقلم ماريه عبد الله السعود

رواية فقيرة في جامعة الأغنياء الفصل الثامن 8 والاخير بقلم ماريه عبد الله السعود

                            واهآآآآآ لقلبي  ف العشق سلبه ضحتي💫💥

قلبي ليس بخير يا الله 

 فإليك شأن قلبي يا عظيم الشأن

ويشهد الله أن القلب موجوع 

والعين حزينه 

والروح قد كسرت 

لا ورب السماء لم يكن سهلاً.

ولكن ياالله هاربه إليك اطلب عفوك 

وجبر قلبي جبراً يتعجب له أهل الأرض وأهل السموات

                           واهآآآآآ لقلبي💔

 طلعت من الدكتور وانا منهار  ماقادر ماقادر قلبي دا بس عايز يقيف حاسي بيو تقيييييل وانا واقف سرحان كان اسمع ليك لو سمحت الدكتور قال ليك شنو عن مريم 

التفت على الصوت وقلت ليه قال مريم بخير وعدت مرحلة الخطر ادعو ليه بس واتحركت مشيت رجعت لي خالتي وحالته صعبه شديد قلت ليه الدكتور قال مريم بخير اتعدت مرحلة الخطر قالت لي انشاء الله يابتي انشاء الله ابو مريم صحه وقام مسكنا قلنا ليو مريم كويس ماتتعب نفسك ام مريم قالت ليو مريم كويس الدكتور طمنه عليه انت ادعي ليه بس 

رهف انا ونون قاعدين جنب غرفة العناية ونبكي انا ماقااااادره ارجف  مامصدقه لي اسه مامصدقه  مريم كانت معاي مريم قبل ساعة كانت بتضحك مريم حلفت تركب معاي ياريت لو ماخليتها تمشي استغفر الله العظيم  استغفر الله العظيم ياربي ياربي شيل بيد مريم يالله ونون حالته صعب شديد 

مكاشفي مشيت العنايه وقعدت اعاين في مريم الباب كان من الزجاج مريم مغمضه عيونه زي الملاك سبحان الخالق بس انا مامتعود عليه كده متعود اشوف وشي في عيونه مريم فتحي مريم خليك قويه مريم انا جنبك (ي خالق الروح ان الروح متعبه❤️‍🩹 )يالله يالله يالله واتحركت 

عمار مكاشفي  مكاشفي ماكنت عايز ارد والله مافيني طاقه قال لي ماشي وين قلت ليو الجامع الجامع طلع معاي صلينا الضهر وقعدت ادعي لي مريم وفتحت المصحف قعدت شوية ورجعت المستشفي وصلت غرفة العنايه شايف دكاتره جوه جريت عايز افتح الباب مسكني عمار مكاشفي مكاشفي اهدا اهدا ياصاحبي وانا دموعي جرو ماقادر خلاص ماقادر  فكني ياعمار فكني ياخي فكني ياالله يالله مريم 

مريم🖤 

انا في مكان كلو ابيض في ابيض حبوبه مريم ام ابوي قاعده في عنقريب وشايله ليه سبحة  جريت ليه حبوبة حبوبة صرت لي وشها مريم خليتي امك وابوك لي منو قعدت جنبه انا وين قالت لي مريم ارجعي ارجعي لي ابوك يامريم  ارجعي لي امك وانا قلت ليه بس انا ماعارفه نفسي وين ياحبوبة قالت لي بتعرفي الدرب يامريم انتي بتعرفي وقامت فاتت وانا حبوبة حبوبة ماتخليني براي حبوبة وجريت معاها 

مكاشفي💫💔💥

 الدكاتره طلعو قلت ليهم الحصل شنو قالو لي اطمن مافي حاجه  مافاهمة اي حاجه مااقادر اركز 

قعدت في الواطة وأهل مريم منهارين شديد منو البصبرهم ويصبرني ويطمنا ويقول لينا مريم بتصح وبترجع  لينا تمت كم ساعة وانا خلاص غلبني شويه دخل الدكتور وطلع منها قال اتجاوزت مرحلة الخطر ممكن تتحول لي الغرفه فرحت فرح مابصدق الحمدلله الحمدلله يالله كم انت كريم يالله يالله الحمد الله الحمدللة

طلعو مريم لي الغرفة وانا طوالي جريت دخلت ليه كانت مغمضه عيونا وانا قاعد اراقب فيه مريم فتحي عيونك عايز اشوف عيونك العسلية يامريم

مريم🖤💫 

جريت لي حبوبة حبوبة وقفت قالت لي ارجعي ارجعي يامريم التفت شايفه امي وابوي وسماح واقفين بعيد ويعاينو لي رهف ونون وهناك مكاشفي وانا جريت عليهم بس هم التفتو وادوني ضهرهم ومشو وانا قعدت انادي اااااااامي ابوي نون رهف سماح 

مكاشفي مكاشفي مكاااااشفي مكاااااااااشفي صرخت بصوت عالي مكاااااااااشفي 

مكاشفي انخلعت لما قالت مكاشفي ولما كوركتك أهلها كلهم دخلو الغرفه مريم فتحت عيونه وانا دموعي جرو وامها وابوها جرو عليه 

مريم انا وين ليه الدنيا سودا ااااامي ابوي سماح نون رهف مكاشفي يامكاشفي انتو وين  كلنا جرينا عليه مريم انت كويسه مريم نحنا هنا قالت انا ماشايفه غير سواد وكوركت كلنا انخلعنا الدكتور طلعنا ومريم تكورك الدكتور حاول يهديه وقال ليه مريم انتي شايفني قالت لا ماشايفه غير سواد فتح عيونه وفحصه حرك يدو جنب عيون مريم مريم مارمشت عيونه وكانو ماشايفه ايد الدكتور مريم كوركت تاني مكاااااااااشفي يامكاشفي فتحت الباب مسكت ايدها انا هنا مريم انا هنا مريم انشاء الله خير قلت ليه خليك قوية عشان امك وابوك الممرضه ادته حقنه ومريم غمضت عيونه تاني

 ادكتور اشرح لي الحصل شنو قال لي تعال معاي المكتب 

مشيت قال لي اصلا لما يتكرر النزيف في الرأس مرات باثر في العيون كده لما نعمل صور واشعه ونشوف الحاصل اسه وضعه مستقر وهي طالعه من عمليه كبيره شديد وكلو لخير انشاء الله انا انهرت شديد 

مريم تصحه تكورك انو ماشايفه وكانت ما متصبره وهو كيف تتصبر وفقدت بصره كل ما تصحه بدوها مهدي وعايشه على الدرباات بعد. كم يوم عملو الاشعه والصور الدكتور قال الا تدخل  جراحي واسه مافي طريقه وخصوصا طالعه من عملتين 

امي وابوي جو المستشفي بعد ما حكيت ليهم وسلمو على مريم الايام بتعدي ونحنا مع مريم في المستشفى وضعه اتحسن بس مابطلعوها الا بعد العمليه العيون فتحت باب ودخلته مريم كانت قاعده في السرير وهاديه شديد كانت جميله شديد شعره نازله منو كم خصله قريبه لي وشها عيونه مفتحه  فيه حزن بس جميله جميلة شديد قعدت جنبها قالت لي مكاشفي قلت ليه كيف عرفتني قالت لي من ريحتك ضحكت قلت ليه مريم تقبلي تكوني حلالي وافقي بس واسه والله العظيم أعقد عليك قالت لي زمان كان عندي سبب واسه دا سبب قلت ليه ماكفايه يامريم كفايه اسباب انا معاك وكيف ما كنتي والله العظيم اهتم بيك زي بنتي وامي واختي وافقي يامريم وافقي قالت لي مافي نصيب يامكاشفي مريم لي المره التانيه تكسرني انا ماعايزه منها اي حاجه عايزه زي ماهي حتى لو تاني ماشافت انا بكون عيونه مريم بتين قلبك يحن لي !!!!

قالت لي مكاشفي ممكن تطلع اطلع يامكاشفي اطلع كوركت شديد وقعدت تصرخ جات الممرضه ادت حقنه 

الايام بتمشي رجعنا الجامعة ونون ورهف كنا بنجي من الجامعة ونراجع مع مريم المحاضرات قالت عايزه تكمل ماعايزه السنه تفوته كنا بنسجل ليه المحاضرات بي صوتنا هي بتقول لي رهف ونون عايزه المحاضرات بصوت مكاشفي مريم غريبه ماقادر افهم 

بعد العملية كلنا كنا واقفين 

الدكتور دخل يشيل ليه الشاشه شاله ومريم فتحت عيونه ورجعت تاني غمضت زي كانو الضوء الضوء  فتحت عيونه شوية شوية قامت تصرخ امي ابوي مكاشفي نون سماح رهف وتضحك وتبكي فرحنا فرح مريم اخيرا شافت كان اسعد يوم في عمري بس يافرحة ما تمت مريم كان بجيبه تنميل في أطرافه واطرافه بتخدر شديد كان مفترض يخرجوها بعد دا بس الدكتور عمل ليه صوره لي الراس وقال لي مكاشفي تعال معاي المكتب مشيت معاو قال لي كنت شاكي في حاجه واصلا من العمليه العملتها لحظت ليه وكنت خايف انو مريم تاني ما تعيش بعد العملية  بس هي قوية مشاء الله مكاشفي مريم عندها ورم في المخ هو ماكبير يعني بي العملية والجلسات بتخف انشاء الله الخبر وقع فيني زي الصاقعة قلت ليو كيف يعني ورم كيف كيف قعد يهدي فيني باب الغرفه فتح ودخلت  مريم و قالت سمعت اي حاجه دكتور ماعايز اي زول يعرف مكاشفي ممكن ما تحكي لي زول وكانت بتبكي قعدت حاولت اوسيه قالت لي مكاشفي امي وابوي مابتحملو وانا مستحيل اكلم زول قلت ليه لازم تعملي العملية ونحنا كلنا معاك قالت لي انا قلت العندي وماعافيه ليك لو فتحت خشمك يامكاشفي وطلعت فاتت

(......)

مكاشفي 💔💥💫

الايام بتمشي ومريم مصره ماتكلم زول ماعندي غير حل وأحد 

مريم🖤 

رجعت البيت وانا في عالم تاني كنت ضعيفه شديد وخايفه بحاول أظهر انو انا كويسه ووقوية نزلت الجامعه وكملت السمستر ماعندي نفس لي اي حاجه حتى انو جيت البروف وصورتي طلعت في الشاشه جايبه اكبر معدل 

 زغاريد وبنات تغني 

 بيتنا مليان ناس امي فرحانه وابوي وابوي مبسوط يضحك  وانا في الغرفه

يمه النار والناري سمحين ابان سدراي سمحين ابان سدراي وانا غيرن م بباري البص الشال مكاشفي يتكسر عند الهودي يتكسر عند الهودي وانا يسلم لي مكاشفي يمه النار والناري سمحين ابان سدراي وانا غيرن م بباري البص الشال مكاشفي يتكسر زاويه زاويه يتكسر زاويه زاويه وانا يسلم مكاشفي يمه النار والناري سمحين ابان سدراي وانا غيرن م بباري 

لبسو الخفيف ودرعو ليهو السيف لبسو الخفيف ودرعو ليهو فلان العريس وعاد عروستو كيف اغني ليك اغني ليك فلان العريس البيت مبروك عليك شيلي يا تهاني وختي يا اماني شيلي يا تهاني وختي يا اماني فلان العريس وداعتو للسماني اغني ليك اغني ليك فلان العريس البيت مبروك شيلي يا زهور وختي يا بدور شيلي يا زهور وختي يا بدور فلان العريس وداعتو للرسول اغني ليك اغني ليك فلان العريس البيت مبروك يوم الجمعة وكل الناس تتحدث يوم الجمعة وكل الناس تتحدث فلان طلع وضربو ليو المسدس

انا كنت في الغرفه لابسه التوب الأحمر والبدله الدهبيه وخاته القرمزيز في وشي والغرفه مليانه بنات وانا فرحانه شديد ومنظره مكاشفي يدخل 

مكاشفي لابس جلابية بيضاء فيها  نقوش حمراء "السُرتي"  ورابط  في يدو حرير معاهو خرزة زرقاء و متحنن في يدينو ورجولو  

وعامل  الضريرة في شعرو اخ منو مكاشفي انا 

ويانسيبتو الله اداكي  السحاب الراحل جاكي ومطر الخريف رشاكي

يانسيبتو شن بتدوري جبنا ليك عقيد اللولي

جبنا ليك الغالي علينا واديناكي نور عينينا  يانسيبتو الله اداكي

جبنا ليك الغالي مغطي وجبنا ليك قرون الشطه

جبنا ليك الساعه اللامعه واديناك خريج الجامعه

يانسيبتو شوفي حنانو واديناك صغير اخوانو  ويانسيبتو قولي حلاتو واديناك طبيق اخواتو ويانسيبتو الله اداكي

ابشر ياعريس ابشر 

دخل الغرفه البنات كلهم طلعو اتقدم لي وانا رفعت القرمزيز شويه عشان اشوفو عيني وقعت في ثعبان اسود كبير واقف  بيني وبين  مكاشفي وانا صرخت مكاشفي ارجع مكاااااااااشفي لااااااا وصحيت بسم الله امي مريم مريم مالك يابتي بسم الله يامريم قعدت ابكي امي حضنتي عليه قعدت تقرا لي قرآن لما نمت صحيت الصباح وانا مخنوقه شديد صليت وشربت الشاي 

العصر كده سمحاح جاتني كنا بنتونس باب الشارع ضرب قايمه اشوف منو لابسه توب فتحت كده كان اشوف مكاشفي قفلت الباب وجريت الباب تاني ضرب سماح قالت لي مالك قلت ليه افتحي الباب فتحتو وانا ادسيت في المطبخ دخل مكاشفي معاو امو وابو سلمو وسماح ضيفتهم في الصالون امي مشت سلمت عليهم سماح جاتني في المطبخ تضحك مكاشفي مكاشفي وتضحك وتغني الليلة الليلة وبرااااي الليلة حرق بنار الكماين ديلا 🔥🔥🔥مشيت للعمدة وقال لي م بمضى العمدة العمدة وقال لي م بمضى بريد الزول الحماني الغمدة🔥💃💃مشيت القاضي وقال لي م فاضي القاضي القاضي وقال لي م فاضي بريد الزول القميصو رمادي ضربته وهي لسه تضحك وانا كنت متوتره وزعلانه شديد يعني ماعايز يفهم هو أبو مكاشفي اتكلم مع ابوي انو عايزين مريم لي مكاشفي ابوي رحب بي الموضوع وقال ليو انا ماعندي مشكله مكاشفي راجله وخاصه وقفت معنا في المستشفى بس الرأي رأي مريم وامي كمانت شكرت مكاااااااااشفي سماح دخلتتي جوه وقالت الا تغيري توبك بعد تحانسي لبست لي توب كده حلو وعدلت لي وشي وشيلتني الضيافه ودخلت عليهم وانا متوتره شديد مكاشفي  رفع لي حاجبو المهم قدمت الضيافه وطلعت امي جاتني في الغرفه تسألني من راي لانو قال عايزين يعرفو اسه قلت ليه ما موافقة يامي هي وسماح انخلعن وقاعدات يحنس فيني الولد كسرت قلبو ما كفايه يامريم كفايه وانا رفضت نهاي طلعت ودخلت عليهم وقفت قلت ليو مكاشفي انا ماعايزاك بتمنا تفهم وطلعت غرفتي وقفلت الباب بكيت بكا مستحيل اضيع مكاشفي معاي متأكده بعد الليله دا تاني مكاشفي بستسلم يالله صبرني يالله طلع حب مكاشفي من قلبي وطلعني من قلبو يالله ارزق مكاشفي بنت الحلال 

مكاشفي طلعنا طوالي وامي وابوي زعلانين شديد من تصرف مريم وماعارفين انو مريم بتموت

 امي نهاي مامحترمه وابوي يسكت فيه وانا في عالم تاني مريم بتموت ياناس مريم بضيع مني يالله يالله وصلت امي وابوي وطلعت لي العربيه امي تكورك مكاشفي مكاشفي ابوي خليه خليه ياناديه احكي لي منو منو البنصحني ومريم حلفتني ما اكلم زول حتى عمار يالله يالله مشيت البحر ككوركت ككورككت 

وقعدت هناك 

الايام بتعدي وانا بمشي المستشفي عشان اخدت شوية علاجات مفترض اعمل عمليه وبعدها اخدت جلسات كيماي بس كيف اني وابوي بتحملو معاي المشوار هو ايام الحادث تعبو شديد اسه بقدرو على رحلت علاجي طلعت مشيت البيت 

الجامعة فتحت ونزلنا مكاشفي السنه دي خريج 

والايام شبه ماشيه ومكاشفي يومي بحاول بطلع معاي من الجامعة لما اصل البيت بركب معاي المواصلات مرات بقيف شماعه بضحك عليو ضحك وهو لسه بحاول وانا مصره على قراري 

الليله عمار اتقدم لي سماح العريس الجايبو اخو سماح امو حلفت مايتزوج الا بنت خالتو بس كلو لخير عمار راجل زي مكاشفي وطبعا نون اتقدم ليه اخو رهف ورهف اتقدم ليه اخو سماح طبعآ من أيام الحادث وقعاد المستشفي الشله دي كلها اتعرفت على بعض عملت ليهم معروف هههههههه وفكيت البوره انا 

يارا جاتني البيت وحالته صعبه شديد طلبت اسامحه أهلها عايزين يسفروها لي العلاج لانو ادمنت المخدرات وانا سامحته والشله بعد يارا اي زول انشغل بي حياتو الجامعة كئيبه شديد والدنيا كمان 

عرس سماح كان رهيب عشره مرات انبسطنا شديد انا ونون ورهف صممنا فساتين رهيبه بي الأسود يوم الحفلة دي رقصنا رقيص مكاشفي يشيل ويحمر لي وانا اضحك فيو 

ماكملنا شهرين دخل عرس رهف لانو اخو سماح مسافر ورهف بعد ماتخلص الجامعة بتلحقو برضو يوم العرس عملنا العمايل 

والايام بتعدي ام مكاشفي اتحسنت ورجعت لي المستشفي ومكاشفي الليله تخريجو مامشيت ماقادره اشوف اهلو وخصوصي بعد آخر موقف وبعدين ماعايزه يتعشم بي سماح مشت عشان عمار وقدر ما حنستني رفضت قالت لي غايتو ود الناس الله بسألك منو يامريم 

الايام بتعدي ومافي جديد 

ناديه 

مكاشفي اي يا أمي طبعا انت اتخرجت وانا اسه كويسه عايزاك ترجع تكمل حلمك مكاشفي ممكن تقدم في الكليه الحربيه مدام رفضت الزواج قلت ليه خير الفتره دي ماعايز اي نقاشات كنت تعبان نفسيآ خليت اي حاجه الجمعيات المنظمات والمستشفيات ٢٤ ساعه مع مريم عايزه تغير رايه اعمل شنو بس مابيدي شي

عملت زي ما امي طلبت واصلا الكلية الحربيه تلاته سنوات واسه قربت اتخرج مريم الليله تخريجه وانا ماخليت شي ما اشتريتو ليه بس رفضت اي شي اخ منك يامريم مصره تبعدين منك  يوم التخريج كانت جميلة شديد لابسه فستان بي الأسود والذهبي ولافه الطرحه كنت واقف واعاين عليه من بعيد مريم حلم ياريت في يوم يتحقق🖤💥💫

قفلت الكاميرا بكيت مكاشفي مكاشفي ماشي وين كل مره بتهرب مكاشفي 

خالد خليو الزول دا والله كويس قعد حكى معاك من يوم ونحنا بنعرفو زول ساكت وحزينه ونظراتو كلها حزن 

انا ياسمين بشتغل في شركت افلام وثايقة والفلم دا حلمي عايزه انشرو جيت افتش عن الاثاره والاكشن وخصوصا بعد الأحداث الاخيره في السودان ودخول الجماعات الارهابيه والحروبات 

مكاشفي جذبتني شخصتو من اول يوم وشوفت وهو مضروب طلقه في ايدو كان بنزف وواقف زي الأسد كانو ما بحس حتى لما طلعو ليو الطلقه كان مخدر مافي نهاي ما رمش زول قلبو بارد و زول مابخاف والله بشيل السلاح وكانو دا آخر ليو يوم في الدنيا دي شخصيه كده غامضه وبارد وحزينه مفترض الفلم اكملو في شهر بس اسه لي ٣ شهور ودا كلو بحاول مع  مكاشفي  عشان يحكي لي عنو لانو اخترت يكون بطل فلمي💥💫 

رجعت الخيمة وانا سامعه صوت الرصاص والمدافع الجامعه الارهابيه بتحاول تدخل سنار والجيش هنا عامل معسكرات عشان يتصدو ليهم

المهم نمت 

مكاشفي 💫💔💥

(قل للذي كسر الفؤاد عفوت عنك كي لايكون لنا عند الكريم لقاء💔)

انا ما حاسي بي أي شي جسد من غير رو ح ماعايش اخ بس لو أقدر اعيش ماقادر يالله يالله طلعت السلسله الفي رقبتي وفتحتو صورت مريم بتذكر مريم لما كانت لابسه الفستان الوردي والشاشه وقفت صورته بعد كم يوم دخلت غرفه التحكم وطلبت من القاعد هناك يفتح لي فيديو التخريج نزلتو في تلفوني الفيديو وحذفت صورت مريم ماعايز زول يشوفه  لانو اي خريج بنزل ليو الفيديو في تلفون طلعت أقرب مكان تصوير طلعت الصوره واشتريت سلسه وخليت فيه صورت مريم ولبسته مريم لسه انا زي ما انا ما اتغيرت من اول يوم شفت عيونك💥💫💔

ياسمين صحيت الصباح وكلي حماس شلت الكامير وجريت لي مكاشفي لقيتو شايل سلاح  وقفت جنبو مكاشفي مكاشفي 

التفت علي قلت  ليو جاهز نكمل قال لي تمام وقعدت مشيت جبت شاي اديتو وفتحت الكاميرا 

مكاشفي 

امي مكاشفي عايزاك خير يامي مكاشفي عايزاك تتزوج وانا ماعافيه منك لو ماسمعت كلامي وانا عايزه ارد جرت المطبخ وايدها فيه سكين مكاشفي لبتين ياولدي انت قايل قلبك براك قلبي وقلب ابوك مكسورين معاك صح كنت حالفه ماتتزوج الا لما تجي تقول لي يامي انا عايز اتزوج وبحب لي وحده بس اي شي لي خير وختت السكينه في قلبه اها يامكاشفي موافق؟ قلت ليه تمام يامي شلت السكين وجدعت بعيد وحضنته سلمت على راسه وقلت ليه موافق زغردت امي وابوي كان واقف بعاين فينا

مريم🖤

 الليله اتخرجت وحققت حلمي

وانا ما مبسوطه فقداك يامكاشفي انا فاقده اي حاجه فيك فتحت التلفون وفتحت حسابو من اخير منشور قبل ككم سنه وتاني مانزل وانا اعاين في صورو سمعت امي بتكورك مريام يامريم محمد قوم يامحمد قوم جريت ابوي امي ابوي مالو وصلتها ابوي يابوي قوم يابوي  بووووي مريم فكي ابوك يامريم فكي الله يرض عليك خلي ابوك يندفن يامريم لا ابوي ما بمشي ما بمشي رهف نون سماح امي قولو حاجه مكاشفي عمار قولو ليهم خلو لي ابوي يالله يالله مكاشفي مريم ابعدي يامريم الله يصبرك يامريم خلاااااص ابوي شالو سندي شالو ليه يادنيا ليه يالله ياربي يااااربي استغفر الله العظيم ان الله وانا اليه راجعون 

سماح مريم وين شارده معاك انا معاك ياسماح حمودي تعال اسلم تعال لي خالتو غايتو ياسماح ولدك دا زيك مجنون نهاي مازي عمار 

وضحكت سماح مريم انا بتكلمت معاك ماتغيري الموضوع مريم مالو العريس مافيو عيب مشاء الله بتقعدي كده لبتين قلت ليه لما الله يريد ياسماح امي تعاين فينا ساي تعبت من الكلام معاي 

نون عندها مريم ورهف عندها تيمان احمد ومحمد وانا اشتغلت في المستشفى ولسه مواصله في العلاجات وزي كلام الدكتور الا عمليه ورحلة علاج طويل وانا اخترت الرحلة القصيره 

الايام بتمشي وانا زي ما انا الا كلام امي الكتير جيت انوم امي نامت جنبي الليله وحضنتي شديد وقالت لي مريم عارفه الايام الاخيره كنت معاك قاسه مريم انا عايزه ليك السند يابتي انا مادايمه ليك وقلت ليه امي بعد عمر طويل وبتشوفني احلا عروس انشاء الله قالت لي مريم ابقي عشره على نفسك يامريم واوعديني تفكيري في موضوع العرس قلت ليه بوعدك حركت ايدها في شعري وقعدت تقر لي قرآن صحيت الصباح ولقيت الشمس طلعت يالله فوت الصلاه حتى امي ما صحتني وامي زاته الليه ما صحت امي ياأمي امي امي ااااامي خالتي ياخالتي اي يامريم خالتي تعالي شوفي امي ماله خالتي جات فتحت ليه باب الشارع وانا ببكي جرت معاي لي امي ام مريم يام مريم ختت يدها في النبض وقالت انا الله وانا اليه راجعون وانا ما حسيت بي نفسي الا في المستشفى ومكاشفي جنبي يبكي مكاشفي   💫💥💔

ملكة الطرحة دي الغيرت بالتوب

خلتنا في حيرة في هواها ندوب

وصاله بس قاسي ولي كان مكتوب

وبالعيش يا ما إقابل المحبوب

القامة مربوعة وايدا مجدوعه

ماشة تتني كالبانة في فروعه

قالت كبرت خلاص وكترو خطابي

كل اليوم والتاني ادقو في بابي

اسكيلك العالي ومهرك الغالي

خلوني في حية وانت في بالي

قالت :اسكيلي خلي بعيد ومهري لو غالي

دا الغالي يرخص ليك وحقق آمالي

ولكن القسمة ما باليد وحبي ليك شديد

ابشر ياعريس ابشر ابشر ياغريس ابشر 

امي تزغرت وابوي يرقص عديل كده ونون ورهف وعمار وسماح كلهم فرحانين وصلنا البيت والبنات يغنو صوت الرصاص ابشر ياعريس ابشر يا نسيبتو شن بتدوري جبنا ليك عقيد اللولي .. جبنا ليك الغالي علينا جبنا ليك عجب عينيا يا نسيبتو شن بتدوري .. يا نسيبتو الله أداكي القطر المشيل جاكي .. المظاهر ما هميه جبنا ليك عريس شخصية ويا نسيبتو شن بتدوري .. جبنا ليك عصير التانكِ وجبنا ليك مدير البنكِ يا نسيبتو شن بتدوري جبنا ليك عقيد اللولي 👏👏💎

دخلت البيت ووصلت الغرفه الغرفه مليانه بنات من دخلت طلعو وقفلوا الباب هي واقفه وخاته القرمزيز في وشها وخجلانه اتقدمت عليه ورفعتو 

ضربت الباب ابيت ما بفتح مريم الله يرض عليك افتحي ما بتحبيني يامريم وهي بتضحك وتكاوي فيني اخ منك يامريم اخ فتح لي الباب احمد و علي جر ركبو في ضهري محمد واقف زعلان ضحكت عليهم امي مكاشفي أولادك ديل جننوني عديل كده يامكاشفي 

عندي تلات اولاد تؤام احمدوعلي ومحمد وانا اضحك بس مشيت علي مريم سلمته عليه في رأسه اظن لسه زعلانه ابوي قاعد يلعب معهم ومبسوط  امي في المطبخ طلعت فاطمه وهي حامل وماقدره تمشي سلمت عليه وقعدت 

في المستشفى 💔

مريم 🖤

مكاشفي طلعت السبحه ولبستني ليه وانا ابكي مكاشفي اسفه يامكاشفي عارفه انا كسرت قلبك اسفه موكا انا اسفه وانا ما قادر ارد ابكي بس بحبك يامريم غطيت وشها ان الله وانا اليه راجعون 

مكاشفي 

رفعت القرمزيز سلمت عليه في رأسه مابقدر اظلمه ماعندها ذنب بحاول اعامله بما يرضي الله و فاطمه مشاء  الله بنت كويسه  وطيبه بنت خالتي امي مربيها ومسميها على امها

ناديه

بعد ماقلت لي مكاشفي اتتزوج فاطمه بنت اختي طلعت لي بيت مريم 

واتكلمت معاها انو تبعد من مكاشفي ولو تاني جا ليك حاولي اقنعي عارفه انانيه ومفترض احنس مريم لي مكاشفي بس والله كرهته لانو كسرت قلب ولدي وانا بعرف كيف اجبرو طلعت منها وزي ما توقعت مكاشفي مشا ليهم وحاول يحنس مريم توافق واهي رفضت  بنت ما عندها قلب وقاسيه ماعارفه مكاشفي كيف بحبها

مكاشفي 💥💔💫

خلاص بعد كلاك امي انا وافقت ومشيت لي مريم بس هي لي المره الف رفضتي 

رجعت وانا قلبي مع مريم تم الزواج وانا ماعارفه اي حاجه وفاطمه حامل 

مره جاني اتصال من المستشفي لما مشيت مريم كانت راقده في السرير وقالت لي طلبت اشوفك اخر مره ورجعت لي السبحه والمندل بس نست ترجع قلبي 

الليله انا واقف قدام اكبر مستشفي خير في البلد مستشفي مريم محمد الخضر ومعاي نون ورهف وعمار وسماح سماح ونون ورهف يبكو ساي اتبرعنا كلنا وفتحنا المستشفى دي عشان مريم وعشان حلم مريم طلعت من الافتتحاح ومشيت دخلت البيت الكان فيو ريحت مريم دخلت غرفته فتحت الدولب طلعت توبه مسكت عطره رشيت منو نمت في سريره واتغطيت بي توبه 

ياسمين 

كملت دموعي وانا بقفل في الكاميرا اول مره مكاشفي ما يهرب مني بس انا هربت منو

كان يامكان كان في بنت صغيره 

فتحت الشارع ابوي دخل ابوي الحلاوة دي لي كلها جريت امي مريم يامريم ماتطلعي الشارع وشعرك فاكي تعالي امسكو ليك جريت جريت لي سماح ياسمااااح ابوي جاب حلاوة سماح ياخي فكي الولد دا الا ماتتشاكلي جنك وجن المشاكل الولد خطف كيس الحلاوة وجرا وانا وسماح جرينا وراو سماح ياود ....الليله ما اصلك والله الا ما اكسر ليك راسك جيب الكيس جيبو 

امي مريم تعالي خشي الشارع يامريم مريم تعالي الم ليك شعرك عين تضر وعين تسر يامريم خشي يا.. 

 ياااااامريم عايزاك تبقي عشره على نفسك