رواية البائسات الثلاثة الفصل الرابع4 بقلم نوران احمد مليجي
البائسات التلاته 4
الاب بابتسامه : تعالا يا اسامه يا ابني احب اعرفك بنتي اسماء وده اسامه شريكي في الشركه دي شاب ممتاز ومحترم جدا عيب الكلام اللي بتقوليه ده
اسماء : بس بيعاكس الناس وده عيب يعني أخلاقه مش كويسه بيضحك عليك يا بابا علي فكره
الاب : اسماء عيب الكلام ده ده مهندس محترم جدا وانا اعرف اهله كويس جدا واخلاقه الكل بيشهد بيها
اسامه بابتسامه وهو شايف بوز اسماء الطفولي : لا هي معاها حق يا عمي وبصراحه انا معجب اوي يعني لو شايفني شاب ممتاز جدا اديني فرصه اتقدم للانسه
الاب بفرحه : مش وقته ومش مكانه خالص يا بشمهندس يلا يا اسماء علي البيت وانت ورانا اجتماع بسرعه ودخل الاجتماع
اسامه : اسماء الله اسمك جميل اوي في نظري انتي بكل الاسماء يا ابيض يا جميل انت يا حلو
ضربته اسماء بالقلم : انت قليل الادب وطلعت تجري من قدامه ابتسم علي تصرفها
وصلت اسماء البيت وكلمت شكله البائسات وحكت ليهم
شيماء : يا مجنونه يخربيتك الراجل بيهزر معاكي عايزك تفكي معاه شويه وتديله وش عدل بدل بوزك تعملي كدا
نجلاء : جدعه يا بت لا يا حبيبتي بنتنا اشرف من الشرف ازاي يتكلم معاها بالاسلوب ده
اسماء : تفتكرو هييجي يتقدم زي ما قال مش عارفه ليه بتكسف اوي معاه وقلبي بحسه بيدق وبيترعش جامد كدا اول مره احس ده
نجلاء : اوبا شكلك معجبه بيه بس انصحك الأعراض دي عندك مشكله في القلب انصحك شوفي دكتور
شيماء : انتم مجانين هييجي باي وش يشوف وش امك باللي عملتيه ومتمشيش وري الهبله دي هتخربها عليكي الا صحيح هو حلو وسيم وكدا
اسماء بكسوف : بصراحه اه اوي وشيك وعيونه حلوه اوي
نجلاء : البنت انحرفت أنتي يا بت اتلمي كل ده من موقف ده انتي واقعه
فضلو يتكلمو كتير وعدي اليوم وتاني يوم كانت اسماء بتفكر في اسامه
أما نجلاء كانت متاخره علي أول يوم شغل
نزلت جري في شاب كان بيوقف تاكسي ركبت هي وشكرت الشاب
الشاب : لا ده التاكسي بتاعي وانا مش همشي منه الجو ده مش عليا لا يا ماما
نجلاء : يا استاذ خلي عندك نظر انا بنت ومتاخره والمفروض تكون جان كدا ومذوق
الشاب : بقولك اي انزلي مش عايز كلام كتير يلا لا مذوق ولا قرف قال جان قال وانا لو كنت جان هاكل واشرب انزلي
نجلاء : انسي يا معلم انا فيها لخفيها جو الرقه مبيكلش معاك طلعت روح الشبحنه اللي جوايا
السواق : انتم الاتنين اطلعو برا حالا مش ناقص وجع دماغ علي الصبح يا فتاح يا عليم
نزلو الاتنين وبصو لبعض وقالو في صوت واحد
كله بسببك
نجلاء : انسان بارد ومستفز وهتاخر علي أول يوم شغل بسببك
الشاب : متعلقيش شماعه فشلك عليا انتي انسانه فاشله ومصحيتيش بدري حاجه متخصنيش
اتعصبت وضربته برجلها في بطنه مسك بطنه بوجع قلعت الشنطه وضربته في دماغه مرتين
وطلعت تجري
الشاب : اااه يا بنت المجانين وربنا لاوريكي لو شوفت وش امك مره تانيه بس اصبري
أما في الجامعه : عند شيماء كانت قاعده في الكافيه دخل فجاه الدكتور نادر وقعد قدامها
الدكتور نادر : ازي حضرتك يا انسه شيماء انا كلمت العميد ويعني الموضوع شبه خلصان بس انتي شدي حيلك معانا شويه
شيماء : بجد شكرا جدا بجد مش عارفه اقول لحضرتك أية
نادر : ممكن تقوليلي نادر هكون مبسوط اوي بتقرئي كتاب اي
شيماء : لا دي روايه بحب الروايات الرومانسيه والمواقف الرومانسيه بس كله كلام روايات مش مقتنعه أو مؤمنه بالحب شويه
نادر : الحب اهم شي في الحياه من غير حب منقدرش نعيش انا مؤمن بالحب جدا وخصوصا الحب من اول نظره والنصيب مهما كان بعيد هيصيب
شيماء : كلامك جميل بس بالنسبه ليا مش شايفه الحب ده كل اللي حواليا حب نفاق مصلحه مجربتش قبل كدا الحب اللي بتقول عليه بس الناس بتهتم بالمظاهر في الحب عشان كدا مش واثقه القي الحب اللي بجد اسفه جدا سرحت واتكلمت كتير
نادر : لا ابدا انا مبسوط بكلامك واحب اقولك غلطانه جدا مش كل الناس بس متاكد قريب هتعرفي الحب الحقيقي وهتشوفيه
شيماء : الله اعلم ممكن عن اذنك بقا ورايا محاضره سلام
مشيت شيماء وهي مستغربه الشخص ده أما هو ف كان بيبص عليها من بعيد ومبتسم
نادر : اااه يا شيماء لو تعرفي بحبك من أمتي
خلصت شيماء المحاضره وهي طالعه وقفها دكتور وفضل يتكلم معاها وهو مبتسم شافهم نادر واتعصب جدا ومسك أيدها وابتسم للدكتور وقاله عن اذنك وخدها ومشي
نادر عصبيه : انتي ازاي تقفي مع شخص غريب كدا وبتضحكيله ليه بقا أن شاء الله واي مناسبه اصلا أنه يوقفك ويكلمك ما تنطقي
اتصدمت شيماء : ا ا ا انت مالك اصلا ده اولا ثانيا بقا مش من حقك تمسك ايدي وتتعامل معايا بالشكل ده مش عشان ساعدتني يبقا خلاص ثالثا براحتي اعمل اللي انا عايزاه انت مين عشان تتحكم فيا انت. ...
نادر : هبقا جوزك اعتقد ده يديلي مساحه اني اتحكم براحتي زي ما بتقولي بس بلغتي انا ده مش تحكم ده حب وغيره وهكلم اهلك واخطبك اي مالك
بصتله شيماء بصدمه
نادر : ايوه بحبك يا شيماء وده من زمان اوي من أولي جامعه وكنت كل يوم براقبك حبيتك لما شوفتك مره بتعلمي بنت بتبيع مناديل وبتساعديها طيبتك ورقتك حبيتك كنت كل ما اشوف الواد الغبي اللي اسمه تامر ده بيكون نفسي اضربه بس ماسك نفسي ولما عرفت اللي عمله فيكي نفخته
شيماء : طب طب ليه اتاخرت كل ده علي ما اعترفت ليه جاي تقول كدا دلوقتي ليه مش من وقتها قولت
نادر : كنت مستني اثبت في وظيفتي وأجهزة الشقه عشان اجي بقلب جامد عشان اكون استاهلك بجد علي فكره انتي فيكي مميزات كتير اوي ملقتهاش في اي بنت بجد بحبك
شيماء بكسوف وهي فرحانه : هبقا ابعتلك رقم ماما تكلمها ادخل البيت من بابه غير كدا مقدرش اتكلم معاك سلام يا نادر
أما في الشركه وصلت نجلاء اخيرا ودخلت على طول علي المدير عشان تتاسف علي التأخير وهنا كانت الصدمه
نجلاء : انت أنت ازاي واي وامتي وفين اصلا ليه ليه ها ها ليه
الشاب : اي يا مجنونه انتي هو اي اللي ليه اتصدمتي اني مديرك باللي عملتيه معايا في الشارع مش كدا ده انا هطلع القديم والجديد عليكي بس اصبري
نجلاء : والله اول ما شوفت حضرتك قولت زوق ومحترم وجان ومذوق وبيفصل الشغل عن الحاجات الشخصيه واكيد اكيد حضرتك مش هتطردني
وليد : اكيد مش هطردك بس هطلع عينك شغل وابقي اشتكي ولو طلبتي الاستقالة في شرط جزائي انتي ماضيه عليه وخلينا نشوف بقا خدي الشغل ده يكون عندي قبل الظهر
نجلاء : ربنا علي الظالم والمفتري ابو شكلك منك لله يا شيخ حسبي الله ونعم الوكيل
وليد : سامعك سامعك كملي كملي زودي ده انتي حسابك تقل اوي
خرجت نجلاء وبدأت تشتغل وكل ما تخلص حاجه يطلع فيها اي غلط لحد ما تعبت واخيرا قال ليها علي الشغل تمام خلصت شغل ونزلت بعد تعب كبير جدا وكان المكان تحت فاضي مفيش الا عربيه واحده
نجلاء : عم عباس خد يا عم عباس هي عربيه مين دي
الحارس ؛ اسمي وائل عباس مين بس يا انسه وبعدين اي عم دي ما تنقي الفاظك أما علي العربية ف دي بتاعه وليد بيه
ابتسمت بشر وجابت طوب وفضلت تضرب العربيه وكسرت الازاز ومشيت وعليها علامه انتصار
تاني يوم الصبح راحت الشركه ولقته بينادي عليها
وليد : تعالي يا انسه بصي الفيديو ده اي رايك لو وديته للشرطه
يتبع