رواية انتقام عشق الصعيد الفصل الرابع عشر 14 بقلم المجهولة
تاني يوم الصبح عمر واحمد صحيوا يفطروا
على السفره
عمر: بعد اذنك يا طنط خلي الخدم يجهزوا اوضه عشان النهارده نور هتخرج
وفاء: طيب يا حبيبي هتجبوها امته
عمر: هنفطر ونروح نجيبها
ريهام وهي جايه من وراهم: صباح الخير مين نور دي بقى
وفاء: دي صاحبه عشق بنتي
عمر بسرعه: وخطبتي ومراتي مستقبلا ان شاء الله
ريهام بانزعاج بتحاول تخفيه: امممم الف مبروك
عمر: الله يبارك فيكي بس مش هقول عقبالك
جعفر بغضب: عمر
عمر: اسف لو دايقتك يا حضره العمده
احمد: طيب يلا يا عمر ولا اي
وفاء: اي مش هتاخدوا صقر
عمر: لا يا طنط
وفاء فهمت ان في حاجه مزعلاهم من بعض بس محبتش تتكلم
مشيوا احمد وعمر وراحوا المستشفى واتصدموا لما شافوا صقر واقف في الاستقبال
احمد: انت بتعمل اي هنا
صقر: جيت ادفع الحساب واخد البنات
عمر: عشق تعرف انك دفعت
صقر بلامبالاه: لا متعرفش وحتى لو عارفه مش هتقدر تعترض
لسه كانوا هيرودوا عليه بس لقيوا عشق جت
عشق: انتوا بتعملوا اي هنا
صقر: قولولها انتوا لحد ماجهز العربيه
عشق: خد تعالى هنا انا بكلمك
صقر: طيب…انا جيت ادفع حساب المستشفى واخدك مع البنات
عشق بعصبيه: وانت تدفع لي ولي جاي تاخدنا مش هنعرف نروح يعني
صقر: ماما وبابا بعتوني عشان ادفع الحساب واخدك عشان متروحيش بيتك واه بمناسبه البيت انا بعته
عشق بغضب: انت اتجننت يا جدع انت انت مالك ولي تدخل في الي ملكش فيه
صقر باختصار: هاتي البنات لحد مجهز العربيه
وسابها ومشي قبل ميسمع ردها
احمد شفاها متغاظه وباصه تجاه صقر
احمد: اهدي شويه يا عشق
عشق: في مره هق*تله فمحدش يلومني بعدها
ضحكوا وبعدين اتجهوا لاوضه نور
عمر بحب قعد جمب نور: حبيبتي عامله اي دلوقتي
نور بحب هي كمان: الحمدلله احسن
مرام قاطعت عمر قبل ميتكلم: بس انت وهي في اي في سناجل هنا ومش ناقصه محن هي يلا عايزين نخلص الي ورانا عشان نمشي
عشق: وكمان صقر بيه مستني تحت تحت يعني مش عايزين تأخير
جهزوا البنات حاجه نور وسندوها لحد موصلوا عند صقر
صقر بعصبيه: اي كل ده
عشق: اي عايزنا نسيب حاجتنا فوق يعني وبعدين خلاص مكنتش نص ساعه يعني
صقر: ماشي يا عشق اركبي
وفتحلها الباب الي جنبه
عشق: اركب فين معلش
صقر: اي هنا مش شايفه
عشق: انت عايز تقعدني جمبك كمان انت مفكر اني هركب معاك اصلا
صقر: لا انا مش مفكر انا متأكد
عشق: دانت بتحلم بقى اقلك خليك في احلامك
وراحت عشان تركب في عربيه عمر ونور بس صقر صدمها وصدم الكل لما اتجه نحيتها بسرعه وشالها ومشي بيها للعربيه
عشق بزعيق: نزلني يا صقر نزلني يا حيو*ان
صقر: لمي لسانك يا عشق عشان مقطع*هوش
عشق بعصبيه: هقت*لك يا صقر لو منزلتنيش
صقر: اوكي اهو انتي نزلتي بس في العربيه
وفعلا كان حطها في العربيه ولسه هيقفل الباب اتفاجأ بضر*به شديده من رجل عشق
وبعدين جريت ركبت مع عمر ونور
عشق: اتحرك يا عمر قبل ماخلص عليك
اتحرك عمر بالفعل وهو بيضحك
عمر بضحك: حرام عليكي والله انا مشفتش حد يقدر يعمل كدا مع صقر خالص ولا حتى يلمس شعره منه تقومي انتي تضر*بيه بالطريقه دي وكمان دي تالت ضر*به ياخدها صقر في نفس المكان وضر*به تاني الواد هيضيع
عشق بصتله بقرف: سوق وانت ساكت بدل منزلك واسوق انا
نور وهي بتحاول تخفي ضحكتها: سوق يا عمر سوق
بعد نص ساعه كان صقر داخل البيت وهو متعصب اوي ومش شايف قدامه ولقى وفاء قدامه
وفاء: مالك يا حبيبي
صقر وهو بيحاول يهدى عشان ميبينش حاجه ليها: مفيش يا ماما…هي فين عشق
وفاء: وصلت من شويه دخلت نور اوضتها وقالت هتقعد في الجنينه شويه لحد منجهز الغدا
صقر: طيب يا ماما
وسابها وخرج الجنينه ودور على عشق لحد ملقاها واقفه قدام ورد وبتشم ريحته ومدياه ضهرها
راح صقر ليها وهي اتفاجأت بيه بيحضنها من ضهرها
صقر: مش عيب عليكي تعملي فيا كدا تلت مرات انتي للدرجه دي فكرتي اني سهل ومش هعاقبك
عشق بغضب وهي بتتحرك بعشوائيه عشان تتحرر من حضنه: وهعملها لرابع مره يا صقر لو مبعدتش عني
بعد صقر عنها
عشق: فوق يا صقر من الاوهام الي بتهيقلك اني ممكن الين واسمحلك بس تقرب مني لا انسى انا مش بوسا*ختك ولا زي الي تعرفهم
صقر بغرور: لا يا عشق هتليني لان صقر مفيش واحده تقدر تقف قدامه
عشق بغرور: انا اقدر يا صقر لأني مش بخاف منك
صقر شدها من ايدها ولف ايده على وسطها وقرب منها جامد
صقر بهيام: لحد امته هتفضلي تعاندي….متحاوليش يا عشق انا هوصلك يعني هوصلك عشان انا عايزك ومش هيسمح لحد ياخدك غيري او ربك وربي
عشق كانت حاسه بتوهان بسبب شعورها ان صقر بيقول كدا لأنه بيحبها بس فاجأها
صقر فاق لنفسه وقال بغرور: هوصلك واوصل للي عايزه ومهما بينتي انك قاسيه هتليني لأنك في النهايه زي باقي البنات
عشق عملت…..