رواية رغبة في الانتقام الفصل الواحد والثلاثون 31 بقلم نوسه حمد
قلت لي ذكي لازم تمشي للضابط الاسمو محمد لانو دا هو العارف الحقيقه وعايزه برائتي ولو لقيت معاهو الضابط الاسمو معتصم م تتكلم لانو دا العايز يطبق علي الحكم وعارف اني مظلومه قالت لي دقيقه ي نوسه الضابط اسمو منو قلت ليهو معتصم قال لي انتي عارف راجل ملاذ الحقيقي اسمو معتصم قلت ليهو شنو شنو يعني الضابط دا راجل ملاذ قال لي والله ما عارف بس العارفو انو زوج ملاذ اسمو معتصم ومكتوب ف القسيمه احتمال اكون اسم علي مسمي قلت ليهو لا م اسم علي مسمي معتصم دا زوجها عارف عرفت كيف قال لي كيف قلت ليهو لمن حكمو علي بالاعدام طبعا ملاذ جات حضرت الجلسه ومعتصم كان بتكلم معاها انا قلت اكيد بينهم قصه بس م اتوقعت انو يكون زوجها معقوله دي حقيقه انا م قادره اصدق وعشان شنو معناتا الناس ديل وراهم هدف قال لي ملاذ طمعانه في المدرسه تسجلها بي اسم الولد علي اساس انو هو الولد الوحيد وبورث اكتر من البنات لانها قالت لي نصيب ولدي اكون في المدرسه بس انا م وافقت وقالت لي لو م وافقت ح ارفع فيك قضيه وح اكسبها وانا م ح اسكت ليهم المدرسه دي ولدي تعب فيها شديد وزوجتو كانت داعم ليهو م ح اخليها بالساهل تشيلا انا ح اتحرك في االاجراءات وح ابلغ فيها ولازم تتحاسب وزوجها لو طلع الضابط دا لازم يتحاسب هم كانو مفتكرين لو حكمو عليك بالاعدام الحقيقه ح تموت بس ربنا كريم وقع في طريقنا الضابط الاسمو محمد دا وانا ح اسعي اني اساعدو ف القضيه واتابع ملاذ بس م ح اقعد معاها ف الشقه احتمال تقتلني زي م قتلت ولدي قلت ليهو انت فهمها انو عندك شغل ولازم تخت منال في الصوره وتفهما انو عمار ما اتزوج ملاذ وانو الزوله دي معاها زوجها ضابط وزورو اي شي ولازم تحزرها منها مدام الزوله دي قتلت مره احتمال تقتل تاني وتالت واحتمال تتخلص من بنات عمار ذكي قال لي نوسه دا كلام شنو قلت ليهو والله الراجل الاسمو معتصم دا لو م كشفتو ح يخلص عليكم واحد بورا التاني قال لي انا زاتي ح اسوق منال وبناتا معاي نختفي منهم لغايه م ألحق يظهر كويس انك نبهتيني انا م عندي غير بنات عمار ديل وامهم حامل شهر بالكتير ان شاءالله تلد قلت ليهو ربنا بهونا وتتحلا بالسلامه انت بس اعمل القلتو ليك وعليك الله فتح عيونك كويس وما تظهر ليها انك انت عرفت الحقيقه امش معاها زي ما عايزه بس ورق وإمضاء ما تقرب منو لغايه م ربنا يهونا قال لي تمام ودعتو وفات قلت ليهو عليك الله تعال لي تاني زياره ماتخليني مافاهمه شي زي يوم الحكم ما تخلوني ايأس انا عشمي في ربنا وفيكم كبير قال لي ان شاء الله م ح نخون ثقتك انتي دخلتي في الموضوع دا ظلم وغصبا عنك ح ادافع عنك لمن اموت حتي لو اثبتو عليك التهمه بكل الثبوتات انا ح اتنازل وما ح اخلي حقي لي ملاذ الا اموت يلا ودعتك الله ذكي فات بس حسيتو كئيب وليهو حق الاحداث دي تشطب الراس انا خليت قضيتي والتهمه الانا فيها وبقيت محتاره في الحاصل معقوله احصل من الناس ديل كده ومعقول في ناس عقليتهم كده اكيد ما بخافو ربنا والولد الوالدنو ومزورين ليهو ورق دا مفهمنو بالحاصل ومربين فيهو الصفات السيئة دي ولا مافاهم شي غايتو خلق الله بسبب القروش والمناصب والمكانات جنت ياحليلنا نحنا الهمنا اسره مستقره وحياه هاديه حمدت الله انو ربنا شغلنا بالمصايب الحاصله لينا دي وبقا تقكيرنا كلو كيف نعيش حياه حلوه وخاليه من المشاكل عكس ملاذ وراجلها ربنا ما حرمهم من حاجه سواء كان اسره وبيت وعز بقو يفتشو لي عدم الاستقرار بالتزوير والكذب بس الحق بظهر هسي هم عايشين مرتاحين بس ضميرهم مستحيل يكون مرتاح بقيت احمد في ربنا علي البساطه العقلي فيها
مرت الايام والضابط استدعاني مشيت ليهو قال لي نوسه معتصم بحاول انو يعمل لي مشاكل عشان يحولوني بس م تخافي العايزو منك تعملي رايحه باي تفاصيل حتي لو عذبك لو قطع لحمك قطيع ما تفتحي خشمك انا خوفت وجات في راسي كل السناريوهات الفي المسلسلات والافلام وتعذيب المرأة في السجن وخلاص بقيت مطششه والخوف ظهر في عيوني الضابط محمد شغال اتكلم وانا سرحانه وشايفه حركه شفايفو بس بقول فشنو م فاهمه شي قال لي نوسه سامعاني انتي وانا م جايبه خبر خلاص قلبي بقا في وادي تاني بقا يكورك لي لغايه م انخلعت وبيدي مسكت نفسي قال لي نوسه استهدي بالله انا جبتك عشان انزع منك الخوف دا نوسه اذا انتي اديتي عقلك اشاره بالخوف من اي حاجه لو م حاره ح تكون حاره بالدبل انا العايزو منك لو اتختيتي ف موقف زي دا اول حاجه تخلي ثقتك بربنا قويه وانو البحصل ليك دا قدر وانك انتي م خايفه حتي لو طعنوك بي سكين صدقيني ي نوسه فعلا لو طعنك م ح تحسي بالطعنه انا بقت مشاعري كلها خوف قلت ليهو هو ممكن يطعني يا جنابو قال لي نوسه ساعديني بالفهم انا بضرب ليك في امثال وبدي فيك في ثقه عشان بس م معروف البحصل وكلامي ليك دا كلو افتراضات بس البحصل شنو الله اعلم انا هسي بعمل في اقصي مجهود عشان اطابق احداث الجريمه دي مع بعض مع البلاغ القدمو لي ذكي ضد ملاذ والقصه الانتي عارفاها الحاجه الهسي عايز أثبتها واتاكد منك انو ملاذ فعلا زوجه معتصم عشان احتمال تكون تطابق اسماء منتظر ذكي يرسل لي القسيمه بس برسل ليهو ما برد قلت ليهو كيف خلاص ذكي حاصل عليهو حاجه انا متاكده مستحيل ذكي ما يفتح الواتساب قال لي لا احتمال عزرو معاهو قلت ليهو اسالني منو انا قال لي انتي بتعرفي ذكي دا يعني قبل كده ولا متعاطف معاك عشان حاسي انك مظلومه قلت ليهو لا بعرفو ذكي وحكيت ليهو بالحاصل قال لي بلاي ربنا يتم علي خير قلت ليهو لا ربنا يسعدو ويسهل طريقو وهو زاتو بعد موت ولدو دا الله اعلم يتزوج وانا اخوي كان رافض بسبب ولدو المتهمني بي قتلو دا قال لي نوسه كل زول بياخد نصيبو وان شاء الله قسمتك قاعده وربنا يعجلا ليك وربنا ينصرك والقضيه دي تنتهي علي خير انا والله شغال فيها بس ما قادر اخد راحتي ومعتصم عاوز يشغلني بقضايا تانيه عشان اتلهي بيها ومبلغ فيني للضباط الاعلي مني وانا شغال معاهو بمزاجي لمن اجيب اخرو وعلي فكره معتصم دا ما من حلفا حولوهو قريب مابعرف عنو اي تفاصيل اسريه غير انو متزوج من الخرطوم وهو من وين م بتزكر قلت ليهو والله ياهو زوج ملاذ لانو ملاذ من بنات الخرطوم قال لي قريب ح اثبت اي شي دعواتك بس وزي م قلت ليك اوعك تستلمي واوعك تخافي قلت ليهو حاضر ان شاءالله ومن هسي اي حرف انت قلتو لي انا ح انفذو قال لي تمام ودعتك الله وما تقلقي اخوك جاك بس انتي مانعين منك الزياره وطمنتو عليك وجات معاهو زوجه عمك قلت ليهو هيا معناتا طلعت من الحبس دموعي جرت اتزكرت عم احمد وصيتو لي وما عارف الحصل علي شنو بعد موتو محمد قال لي هسي بتبكي مالك خليك شجاعه ممكن قلت ليهو انا شجاعه والله استحملت الماف بت في عمري استحملتو من لحظه امي ماتت قدام عيني وهي بتولد لغايه ما لقيت نفسي في الشارع وحاضنه لي تلاته اطفال وبقوم بدور الام قصادهم وربنا جمعني بي عم احمد الله يرحمو سندني بالكلام والتشجيع لغايه ما ربنا وفقني وسخر لي ملائكه في طريقي ما بشر وسندوني ودعموني وفتحو لي بيتهم وبقو لي اهل في زمن اهلي ادوني ضهرهم فيهو لغايه ما يوم عم احمد مرض وهو في فراش الموت طلب يشوفني واخر وصاياهو بتو ومرتو يعيشو معاي ما لحقت زاتو اودعو والحمد لله عشان ثقتي في ربنا كبيره اي شي بلقاهو ساهل في طريقي قال لي ربنا اقويك ويسترك وتكملي المشوار معاهم قلت ليهو امين يارب شكرا يا جنابو انت كمان ربنا سخرك لي دي دعوه امي لي قبل تموت عشان عارفاني ح اشيل المسؤوليه ادتني دعوه عمري ما انساها قالت لي ربنا يسر في طريقك اولاد الحلال ويرزقك بالحلال وشكلها صادفت أبواب السماء مفتوحه واستجابت وانا من يومها غير اولاد الحلال في طريقي ما لاقيت اسوا انسان قابلتو عمار وربنا بعدني منو والحمد. لله ايام وعدت ربنا يرحمو ويحفظ بناتو رغم انو سيء بس والله مرتو ملاك وبناتو من دون الطالبات الحبيتهم وكانو بحبوني رغم انو المدرسه الشغاله كنت فيها حقت ابوهم والبقرو فيها ناس عز وما متواضعين نهاي عكس بنات عمار الاساسا المدرسه حقتهم مفترض يكونن متكبرات بس التواضع والاحترام والادب دا اساس حياتهم قال لي سبحان الله اصلا الدنيا دي كده المفترض يتكبر بقا متواضع والمفترض اقعد في الواطه دي طاير وزي م بقول المثل ديل كيسهم فاضي ورغم عمار والصفات السيئة فيهو ابوهو راجل محترم ومشهور وزوجتو ملاك وبناتو بس ربنا ابتلاهم بي الزي عمار دا ربنا يرحمو ندعي ليهو بالرحمه وحسابو مع ربنا نحنا ربنا م خلقنا نحكم علي الناس بظاهرهم لينا بنفسنا وربنا غفور رحيم عليهم قلت ليهو امين ربنا يسترنا دنيا واخره وانا ماشي مأموريه ما بتأخر وما اوصيك خشمك ما تفتحي حتي لو قتلك هو ما بقدر يقتل سجينه بس احتمال يعذبك حدي الموت قلبي بقا يدق قلت ليهو خليها علي الله انا بستحمل وما ح اخرب اي شي قال لي تمام يلا في رعايه الله ودعتو ومشيت علي قدر ما خوفت من كلامو علي قدر ما اداني ثقه لو الموت جنبي م ح اخاف منو وربنا يخفف علي
رجعت السجن وانا انسانه تانيه منزوعه من الخوف وبقيت ساكته سبحتي في يدي واقوم اصلي حتي السجينات لاحظن لي وبدن يشجعن فيني رغم انهن كل واحده داخله بي قضيه اخطر من قضيتي بس بقن يشجعن فيني وقالن لي كلنا ح نموت سواء اعدام او برّه يعني لو كسرنا رقبتا ما ح نبعد من قدرنا لانو مسطر ونصهن الكتير داخلات ظلم بس قضاياهم حكمها ما اتنفذ سريع عكسي انا تماما ودا بسبب معتصم عايز يعدمني ويدمدم الحقيقه حسبي الله ونعم الوكيل فيهو دسيت مشاعري جواي وبقيت عاديه لغايه ما الكان خايف منو محمد حصل انا بقيت ملطشه للعساكر بسبب معتصم كل دقيقه يطلعوني ويودوني مكان انظفو اهانه وزله وكنت تحت رحمتهم دموعي دي م وقفت وبردد في الازكار جواي وشفت اصعب ايام عمري كل الشفتو كوم وعقاب الضابط دا لي كوم تالت وفي يوم ملعون من اولو طلب الضابط معتصم يشوفني وطلعت طبعا انا م بقدر افتح خشمي لو قال لي يمين يمين شمال شمال مشيت لقيت قاعد معاهو عسكري شكلو غريب واول مره اشوفو بدا يسال فيني من جنابو محمد وليه بدافع لي قلت ليهو والله ما بعرفو ممكن تسالو هو بقا جايط واداني سوط لمن عيوني طششن قال لي انا سالتك انتي تقولي لي اسالو هو انتي قصتك شنو وفهمك شنو وشغال فيني طاخ طاخ بالسوط لمن دمي سال وانا واقفه راكزه زي الاولاد البركزو للسوط ديك ما عارفه جنابو محمد بي كلامو الاخير لي اداني ثقه ولا اداني قوه ونهاي ما اتوجعت ولا اتجرست ولا اتنازلت عن اي شيء وخشمي حلفت افتحو ودي اكتر حاجه استفذتو قال لي انتي م بتحسي جسمك دا من خنزير م رديت عليهو وساكته وهو عايز يعرف ليه جنابو محمد بدافع عني والدليل بتاع برائتي شنو الماسكو انا بس شغاله ليهو م بعرف وهو شغال فيني ضرب من طرف لمن تعب وزهج قال لي العسكري المعاهو البت دي م بتتكلم بالساهل اتصرف معاها انا طالع افتش لي سجاره اجي القاك خليتا تعترف وتورينا القصه وطلع والعسكري المعاهو شكلو غريب دا قرب مني وبقا يتغزل فيني وانا جسمي كلو دم وكل م يقرب بخت يدي في وشي قال لي لا م تخافي انا م زي جنابو معتصم ما بجلد بالسوط بس انا العايزو حاجه غير وحاول يعتدي علي وعايز يشرط ملابسي وانا بقيت اكورك وقفل لي خشمي لمن حسيت نفسي ح يكتم وهو بكل قوتو عاوز يغتصبني …………يتبع