رواية زوجة تانية الفصل الثالث عشر13والرابع عشر14 بقلم شيماء ناصر
ريم بانفعال: دلوقتي افتكرتي انه جوزك اومال مين الي كان بيطلب الطلاق امبارح هاا
عشق: بصي انا هاديه ومش هتكلم معاك دلوقتي علشان مش عاوزه اعمل مشاكل
وليد بص لي مرڤت: طلاق اي ده؟
مرڤت: حبيبي بعدين هقولك مال هدومك متبهدله كدا لي
وليد:كنت مع العمال بنعين المكان لما عرفت الي حصل لي اخويا سبتهم وجيت علي طول
مرڤت: ان شاءلله هيكون كويس
ريم حطت اديها علي بوقها واكملت بهمس: انا مالي كدا مش طايقه ريحة المستشفى لي مبقتش قادره اخبي اعراض الحمل دي... ربنا يسترها وماما تلاقي دكتور يخلصني من الي انا فيه
خرج الدكتور: انتو اهل المريض
وليد: ايوا يادكتور هو كويس صح
عشق بلهفة: هو بخير يادكتور ممكن اننا نشوفه
ريم: غريبة قوي لهفتك دي
مديحة بقلق: اتكلم يادكتور وطمني علي ابني
الدكتور: روقو ياجماعة الحادثه مش كبيره ولا حاجه هو كويس كسر في الرجل بسيط هيحتاج راحه
مديحة: هننفع ناخده علي البيت
الدكتور: اكيد.. عن اذنكو
وليد ومديحة دخلو يشوفو مازن وريم وقفت عشق الي كانت داخله وراهم...
=انتي مسمعتيش الدكتور قال اي قال ان جوزي بق كويس وعايز يستريح ياريت تاخد بعضك بالدراما بتاعتك وتمشي من هنا
عشق بغضب زقة اديها ودخلت....
مديحة: انت كويس يابني
مازن بارهاق: اه ياماما كويس متقلقيش عليا
وليد: مال وشك يالا انت كنت بتتخانق ولا اي
مازن: شديت مع حد كدا وبعدين وانا راجع علي الطريق زنق عليا بس انا كويس الحمدلله
عشق: الف سلامه عليك
مازن اتعدل لما شاف عشق: الله يسلمك
ريم راحت وقفت جنب مازن ومسكت ايده بحب:حبيبي الف سلامة عليك انا كنت قلقانه جدا الحمدلله انك كويس
مديحة:وبتتخانق لي هو احنا بتوع مشاكل روح ارفع عليه قضيه ده كان هيم/وتك
مازن:لما ابق كويس... تعالي ياعشق
ريم:لا دي متاخره عندها معاد
مازن: معاد اي ده
عشق: مفيش معاد ولا حاجه ياست ريم أنا كنت جايه أطمن عليك وبس
مازن: تطمني عليا؟
عشق: أه اطمن عليك انا كنت قلقانه... اتخانقت مع حد ليه
مازن:هو اي الي ليه كان بيتكلم علي مراتي ومسكت فيه
ريم بغيره:ضربت حد عشان جاب سيرتها بتحبها قوي كدا مش دي الي اتخانقت معايا وسبتلك البيت ومشيت
مازن:ريم حببتي هو مكنش بيتكلم علي عشق كان بيتكلم عليكي
ريم بتوتر: ع علياا !!!!! انا مين ده اسمه اي
مازن:حد معايا في الشغل ولو حد جاب سرتك انتي او هي هضربه برضو عشان انتي مراتي زي ما هي مراتي
🩵🩵🩵🩵🩵🩵🩵🩵🩵🩵🩵🩵🩵🩵🩵🩵
عمر: ماما هتتاخر كتير
محمد:زمانهم جاين
جنة: عمو مرد
مراد بضحك: مررراااد
جنة: مش عارفه اعدي الدور ده العبه انت
مراد: هاتي ياستي
جنة: عارف انا عملت اي امبارح
مراد: عملتي اي
جنة ببرائة:امبارح سمعت طنط ريم بتتخانق مع طنط عشق وطنط عشق ضربتها
مراد باستغراب: لي عملت كده
جنة:مش عارفه بس طنط ريم مش جميله هي جت في مره كانت هتقع وانا روحت عشان امسكها راحت زقتني بعيد وبعدين راحت رجعت وانا مقولتش لي ماما عشان خوفت طنط ريم تزعقلي
🩵🩵🩵🩵🩵🩵🩵🩵🩵🩵🩵
مازن: المهم انا عاوز اروح البيت
مديحه: يلا يا حبيبي نروح البيت
عشق وريم بيسندو مازن علشان يقوم
مازن بيركب العربيه بص لعشق: انا مش عاوز اطلقك وعاوزك ترجعي البيت
عشق:انت مش عارف عملت اي حاطتني رهن لما الهانم تحمل هتطلقني مش ده كلامك الي كلكو متفقين بيه عليا
مازن بندم:انا اسف الي انتي عوزاه انا هعملهولك انا ندمان بجد انا بحبك فكري تاني.....
مرفت بترن علي محمد:الوو...
محمد: ها يابنتي طمنيني
مرڤت:مازن كويس واحنا مروحين علي البيت لو مراد عندك قوله يجيب العيال علي البيت
محمد: ماشي مراد هيوديهم..... سلام
🦋🦋🦋🦋🦋🦋🦋🦋
مديحه: ادخل يا حبيبي براحه الف سلامه عليك.. جيبي يا ريم مياه اوعصير او اي حاجه ياكلها قولي للشغله تجهز الاكل
عشق: حمدالله علي السلامه
وليد: هما فين العيال يا مرفت
مرفت: سبتهم عند ابو عشق وهما جايين في الطريق مع مراد
مراد وصل وركن العربيه
جنه دخلت تجري: مامي مامي... اي ده يا عمو انت متعور
مازن: اه ياحبيبتي
عمر: ليه رجلك مربوطه انت اتخبت فيها
مازن: دي مش مربوطه دي متجبسه
مراد دخل: الف سلامه عليك يا عم مازن
مازن: الله يسلمك
ريم : العصير اهو يا مازن انا قولت للشغاله تجهز الاكل وهي بتغرفه....
ريم بصت علي مراد باستغراب وخوف
ريم بتكلم نفسها: هو مراد بيعمل اي هنا وجه هنا ازاي؟؟؟؟
مراد استغرب لما شاف ريم: اي ده ريم!!!
رواية زوجة تانية الفصل الرابع عشر14 بقلم شيماء ناصر
مراد بدهشة:اي ده ريم!!!
عشق:مالك يامراد مصدوم كدا لي؟
مراد: انا بقول يلا نمشي احسن عن اذنكو ياجماعة
مراد خد عشق وخرج....
ريم بتوتر:انا كان ناقصني مصايب مراد يقرب اي لي عشق
فرح:انتي كويسه ياريم
ريم:اه كويسه
فرح:اصلي حسيت انك قولتي حاجه
ريم:كنت بسال يطلع مين الشاب الي فضل واقف جنب عشق وخدها من اديها ومشيو
فرح:اخو الهانم عشق
ريم:نعم ده اخوها
فرح: ايوا في اي انتي تعرفيه
ريم:لا... ااصل هما مش شبه بعض
فرح بتعجب:انتي طلعالي ذكيه هما فعلا مش اخوات بالمعني.... اصل الحاج محمد اتبنا عشق واعتبرها بنته عشان كده هي اكبر من مراد بي 5سنين في باين الفرق قوي هي برضو ميبنش انها 28سنة
ريم:هي عندها 28 مش باين فعلا اول مره شوفتها قولت ان دي اكيد 23 ملامحها اطفالي قوي
فرح:اه ما هو ده الي خلا مازن يحبها عشان جمالها ده.... واكملت بغل.... اهو الجمال هيروح في التراب في الاخر
ريم:هو انتي غيررانه منها عشان هي احلا منك
فرح بحقد:دي بني ادمه تافهه اغير من مين قاعده علي قلبنا حتي بعد ما بقينا بنعاملها وحش...
ريم: انتو اصلا بتعملو اي مشكله معاها وخلاص
فرح: اومال انتي فاكره اي انا اصلا مش بحبها وبكره وجودها المكان الي بتكون موجوده فيه بتلفت الانظار حوليها.... وكان مفيش ست غيرها موجوده
ريم:قد كدا بتكرهيها
مديحة قطعت كلامها: ريييم يلا عشان الاكل اتحط علي السفره
ريم: يلا يافرح
مديحة: اقعدو يلا
الكل قعد علي السفره وكل واحد جنب مراته وولاده....
مديحة: اكلي جوزك ياريم
ريم:ح.... حاضر افتح بوقك ياحبيبي
مازن: مليش نفس
ريم:معلش لزم تاكل كل اي حاجه بس عشان العلاج
مازن استجاب ليها وبق بياكل.....
😳😳😳😳😳😳😳😳😳
في الطريق
عشق كل شويه تبص علي مراد وتركز علي ملامحه....
=مالك شكلك مش مرتاح في حاجه ولا اي
مراد بفضول:هي مين البنت الي كانت لزقه في مازن
عشق:ريم
مراد:هي تبق... مراته التانيه؟
عشق: ايوا ... اول ما شوفتها فضلت باصص كتير عليها انت تعرفها؟
مراد:ايوا اعرفها فكره البنت الي كانت عجباني وقولتلك اني عايز اتجوزها
عشق سرحت دقايق: ايوا تقريبا افتكرت بس الكلام ده بقاله كتير.... اوعا تقول انها تطلع ريم
مراد:ايوا هي
عشق: مش فاهمه حاجه انت كنت بتحبها او معجب بيها وسبتها يعني مفيش نصيب وانت دلوقتي خاطب وقربت تتجوز لي اتصدمت اول ما شوفتها وبعدين مش انت الي سبتها بعدين وقولت عليها لا
مراد: انتي متعرفيش انا عملت كده لي... انا كنت هاخدكو ونروح نتقدم ليها بس بعدين حد نصحني اني اسال عليها كويس وانا عملت كده لحد ما عرفت......
عشق: هااا كمل عرفت اي
مراد: ان لا هي ولا اهلها ناس كويسين دول طمعين وغير كدا هي كانت ماشيه مع واحد ده الي عرفته لما سالت عنها
عشق:ماشيه مع واحد! متعرفش مين الي كانت ماشيه معاه
مراد: اعرفه معرفه سطحيه كان زميل في الجامعة
ريم:مازن هتقدر تطلع الشقه؟
وليد: وسعي ياريم انا هسنده لفوق
مديحة:طب ما تكمل اكلك حتي يابني
مازن:كلت علي قد ما قدرت انا محتاج ارتاح
مديحة:طب نام هنا في اي اوضة تشاور عليها وهخلي الشغاله تروقهالك
مازن:لا انا حابب انام علي سريري يلا ياوليد
خالد: استنا ياوليد هساعدك
عشق ومراد روحو البيت وعشق راحت تغير هدومها..... ووقفت قدام المرايا بي ترنج شتوي مقسم جسمها بشكل جميل وفردت شعرها الي واصل لحد ضهرها واكملت باستغراب....
=انا لي مبقتش حاسه بصداع بقالي يومين غريبه بقالي كتير قوي مصدعه ومفيش حاجه نفعت مع الصداع ده... بس المهم الحمدلله انه راح
فرح بغل بعتت رساله علي المسنجر
(انا نسيت اجي اجدده سامحيني كنت هاجي انهارده بس حصلت ظروف معرفتش اجي ممكن اجيلك بكره هينفع لو في زياده في المبلغ عادي)..... انهت رسالتها وارسلتها لشخص يقال انه مشهور بين الناس بي السحر
الشخص الاخر رد عليها:(تعالي بكره علي الساعه 9بليل)
فرح: طب ومش متاخر كدا
الشخص الاخر: انتي الي محتجاني وكمان مش عجبك اني هفضي نفسي واديكي معاك
فرح: لا ماقصدش انا هاجي خلاص وهحلي بوقك لما اشوفك بس انتي جهزيلي حاجه اقوي.... طب بقولك اي لو الشخص الي انا عملاله عمل مشي مت المكان الي انا حاطه فيه العمل وبعد عنه هل حياته هتتحسن
الشخص: اكيد طبعا طول ما هي مش موجوده في نفس المكان الي فيه العمل هيكون وقتها مفعوله بطيء... ولو فضلت فتره كبيره بعيده عن المكان المفعول هينتهي وهتعوزي تجددي من اول وجديد
فرح: طب انا هتصرف وهبق اروحلها واحط العمل عندها
الشخص: متنسيش تجيبي معاكي اي حاجه من رحتها ولو كان شعر منها يبق افضل عشان العمل يبق اقوي....
فرح:طب وانتي هتعوزي مبلغ قد اي؟
الشخص: هاتي معاكي 15 الف معاكي وانتي جاية
فرح: لا كتير قوي كدا عليا ال15 الف قلليهم
خالد:بتكلمي مين و ١٥الف اي الي بتتكلمي عنهم!!!!....