أحضر محمود توكتوك وذهبوا جميعآ بية للمستوصف وبعد نصف ساعة
الدكتورة/ أنت جوزها
محمود/ لا دى أخت الجماعة بتوعى وذى أختى خير
الدكتورة/ متجوزة
محمود/ أنسة،،،،فى حاجة
الدكتورة/فى العادى النزيف بيكون حمل ونزل
محمود بصدمة/ وحدى الله يا ست الدكتورة بقولك آنسة متلمستش هو حضرتك كشفتى كويس
الدكتورة/ مش محتاجة أكشف عارفة بعمل إي واحدة معدية ال٣٠ سنة وجاية تنزف تبقا إي معروفة ثم رحلت
محمود بتوهان/ ح ح حمل أزاى ونسمة نهار أسود أمها وأبوها يروحوا فيها. أزااااى دى محترمة ،،،ذهب لمكتب الدكاترة لم يجد الدكتورة سأل الممرضة قالتة سيبك منها دكتورة صغيرة مش فاهمة مدام واثق هى شريفة أطلع بيها على المستشفى هنا مفيش أمكانيات ممكن تاخد دم ببلاش ،،،
محمود/ كتر خيرك كلام الست الدكتورة يودى فى داهية منها لله ، ثم ذهب للمكان الذين يجلسون فية وقال لزوجتة أوقف توكتوك وأرن عليكى تنزلي بنسمة
هاجر/ لية
محمود/ أوديها المستشفى
هاجر/ هنا حلو
محمود/ أنجزى هنا بهايم
____________
بعد وقت ترقد نسمة على سرير فى الاستقبال ،
محمود / خير يا دكتور
الدكتور/ تقربلك إي
محمود/ أخت مراتى ومش متجوزة وبنت وبتنزف
الدكتور/ أحولها نسا يفدوك أكتر
محمود/ فى حاجة خطر
الدكتور/ نزيف يبقا نسا خد كرسى متحرك أنقلها بية وسيب البطاقة رهن
محمود / حاضر
__________
(فى قسم النسا والتوليد )
الممرضة/ الدكتور بيكشف روح هات تذكرة دخول من الاستقبال علشان تتحجز
محمود/ فى حاجة
الممرضة/ يلا بس أكسب وقت
محمود/ حاضر
مرت ٢٠ دقيقة كشف الطبيب على نسمة
الممرضة/ خد الورقة دى وهات العلاج من الصيدليه برا
محمود/ دى مستشفى حكومى
الممرضة/ أيوة حكومى ومفهاش ومتنساش تجيب كانولا وجهاز نقل دم ب ١٥ جنية بلاش الجهاز العادى وسرنجة علشان تاخد الحقنة
خرج محمود جرى للصيدلية وأشترى ما يلزم كان معاة ٣٧٥ ،رجع ب٧٥ جنية بس ،
محمود/ اتفضلى الكيس أهو العلاج دة يوقف النزيف
الممرضة/ أن شاء الله، بص بقا فى معمل قدام المستشفى هات منة بتاعة عينة الدم واحدة حمرا وواحدة موف وتعال
محمود/ متحلل هنا
الممرضة/ الجهاز عطلان يلا بسرعة علشان لو ليها دم تاخدة
محمود بأحراج/ لأمؤخدة يا ست الكل أحنا ناس على باب الله والله فى جيبى ٧٥ جنية
الممرضة / علشان جدع مع أخت مراتك ورايح جاى من ساعتها خد دة كارت خصم نصف التمن روح المعمل برا قدام المستشفى على طول ،،خلى بالك أستعمال مرة واحدة
محمود/ كتر خيرك يا ست الكل
ذهب محمود للمعمل وسأل على تمن التحاليل عملت ١٦٠٠ جنية بعد الخصم رجح للممرضة ومجبش حاجة سحب العينة ،،فقالت لة أسأل الدكتور فقالة أعمل صورة دم كاملة وخلاص ومع الكارت عملت ٥٠ جنية ،،
الدكتور وهو ينظر للتحليل/ عايزة دم ،،دمها ٤ عايشة أزاى
محمود/ تاخدة
الدكتور/ مش بالسهولة دى أحنا بالليل ولازم متبرع وتدفع فلوس وتشترى كيس وسعر الليل غير سعر النهار
محمود/ بالميت كام كدة
الدكتور/ بتاع ٦٠٠ جنية تقريبآ
محمود بعصبية/ يا ولااااااااد الكلب دى مستشفى حكومى الغلبان يموت أجيب منين البت بتتصفى أجيب متبرع منين وفلوس
الدكتور بحدة/ أحترم نفسك بدل الأمن يعملك محضر مش عجبك خرجها على مسؤليتك ثم تركة
محمود خرج طاقة غضبة فى ضربة على الحائط ويقول ملعون ابو الحوجة و زلة النفس أخرج تليفونة وأتصل على مراتة يسألها فى فلوس فى البيت قد إي!!!!!! فقالت تقريبآ( ٣) ألاف ،،،، قالها يروح البيت يجبهم ويصرف منهم على أختها وحكى لها حوار الفلوس فقالت لة زوجتة :- على كلامك هنا بلاعة مفتوحة للفلوس ونكمل باقى الشهر نشحت وأبنك أنت ناسى بيرضع صناعى و تمن اللبن
محمود بعصبية/ مطلعيش عفاريتى أختك بتموت بتتصفى وابننا لية رب ما أنتى رافضة ترضعى طبيعى واللبن فى صدرك
هاجر/ متغيرش الموضوع
محمود/ هى كلمة دى فلوسى وكلها تتصرف على أختك يارب تكفى ربنا بيرزق
هاجر بين أسنانها / سيب ألف
محمود/ ولا ربع جنية ثم أغلق الخط وذهب للبيت مشى حتى يوفر تمن ٢٠ جنية التوكتوك ورجع المستشفى مشى برضو ومسافة كبيرة قطعها، ،،،وبالفعل تبرع بدمة كأنة متبرع ودفع تمن كيس الدم والأن الساعة السابعة صباحآ ونسمة معلقة فى دراعها كيس الدم وامها واختها بجوارها ومحمود قدام القسم برا ممنوع دخولة علشان راجل أخذ ساعات الليل جرى فى جرى ،،أخرج سيجارة يشربها وجد العلبة فرغت ألقاها بعصبية وعد فلوسة ورجعها لجيبة تانى
بقلم نجلاءفتحى عاشقةالكلمات
___________
أتت الساعة الثامنة صباحآ دفع محمود ٢٠ جنية فى الخفاء لأمن ودخل لقسم النسا يطمن على نسمة فهى منذو دخولها أمس الساعة السابعة مساءآ لم يراها
محمود/ سلامتك كويسة دلوقتى
نسمة بتعب/ الحمد لله كتر خيرك
محمود/ أنتى أختى ،،ثم شد
مراتة برفق وقال على جنب/ الدم وقف
هاجر/ لا خف شوية ، الدكتور قال عندها أنيميا ودة بيزود النزيف وعايزة كيس ولا أتنين تانى
محمود/ أسألى الدكتور ينفع بالعلاج الدم غالى
هاجر/ معرفش بقا ،،
محمود/ أنا أروح الشغل علشان اليومية متضعش عليا ولو فى حاجة رنى عليا
هاجر/ عايزين اكل وماية
محمود/ حاضر شوفى أختك تاكل إي
هاجر/ وفوت على الصيدلية هات علبة حفاضة نسائية
محمود/ ذى إللى بجبها ليكى
هاجر/ أيوة بس نوع يكون طويل وسميك للنزيف قول للصيدلى كدة
محمود / حاضر
أحضر محمود م طلبتة زوجتة وذهب لعملة بعد م أعطى زوجتة ١٠٠٠ جنية ووصاها تصرف بعقل
بقلم نجلاءفتحى عاشقةالكلمات
___________
على العصر أتى محمود ومعة عيش بلدى وجبنة ومربى وحلاوة و زجاجة مياة كبيرة وكيس تانى فية عيش فينو وجنبة رومى وعلبة عصير كبيرة وبسكوت وزجاجة مياة لنسمة
وطول اليوم متابع حالاتها بالتليفون
الأم بأحراج/ كتير يابنى لسة فى أكل من الفطار
محمود/ دى معلبات علشان محدش يخرج يشترى،،،،، نسمة حلوة
الأم/ بعد كيس الدم نايمة ،،ثم أخرجت من صدرها البوك وفتحتة وقالت دول ٥٠٠ جنية كلمت جارتي وجبتهم فى الزيارة اصرف منهم حاجة بسيطة
محمود/ بتشتمينى رجعى الفلوس لصاحبتها يا ام نسمة خلاص أصرفت
هاجر/ أستلفت
محمود/ أيوة
هاجر بضيق/ تانى تسد منين
محمود تجاهل كلامها/ مش عايزين حاجة
الام/ خد الفلوس
محمود/ خلى امك ترجع الفلوس لصاحبتها أنا متكفل بنسمة
شعرت هاجر بغيرة فهى ترى زوجها جرى بأختها ويعاملها بأحترام وهى لا
الام/ تعال اقعد دة وقت زيارة هاجر لفى لجوزك سندوتش ثم شدت جوز بنتها وقالت فى سرير فاضى أفرد جسمك علية
نظر محمود لنسمة وقال/ لا خلينى قاعد جسمى لو لمس السرير مش صاحى
الأم/ روح البيت انت ومراتك ريح وبالمرة فوت على حماك طمنة نسمة بخير
محمود/ خلى هاجر معاكى
الام/ كفاية كدة علشان ابنها مع جارتنا هناك الست تقول إي
محمود/ ماشى هاتى الألف جنية يا هاجر اديهم لأمك
هاجر أعطت الفلوس لأمها كأنها تقطع من لحمها الحى ،
___________
مر أسبوع و محمود ونعمة الأخ والسند وكل قرش من جيبة، ،
_____
أتى موعد خروج نسمة من المستشفى سندتها أختها وأمها لخارج المستشفى محمود جاب توكتوك للبيت لفت أنتباهة شئ