دخلت نسمة غرفة أختها وأغلقت الباب وجدتها تبرد رجليها بالمبرد فقالت بغيظ/ ليكى نفس يا بعيدة تهتمى بنفسك، جوزك زعلان ، بت جهزتى الأكل لجوزك
هاجر/ لا
نسمة/ ليييية
هاجر/ زعلنى وأطفحة
نسمة/الزعل حاجة والأكل وتشوفي طلبات البيت وجوزك حاجة
هاجر/ فى شرع مين بقا
نسمة/ دة إللى تربينا عليه يا مخفية
هاجر/ تربية زباله
شدتها نسمة بشراسة من شعرها وقالت:- أظاهر أمك وأبوكى دلعوكى ودى النتيجة تغلطي فى تربية إيدهم مين فهمك إللى تزعل من جوزها تعاقبة بالأكل ومتنظفش بيتها ردى مين لعب فى رأسك
هاجر/شعرى اوعى أةةةةةةةة شعرى يا نسمة شعرى 😭
نسمة/ الراجل طالع عين إللى خلفة وشغال ورديتين علشانك ومش مقدرة دة ،، ماسكة علية زلة يا روح أمك ودينى أقطع شبشبى عليكى عايزة تخربى بيتك وتشمتى نسوان العيلة الناقصة فى أمك عايزة بنات العيلة يشمتوا فيكي يا وس**
هاجر/ شعرى اةةةةةة
دخل محمود الغرفة وسلك هاجر من إيد نسمة
هاجر/ كلة منك أنت السبب شعرى وجعنى 😭😭 جريت تشتكي ليها
محمود بصدق/ محصلش
نسمة/ أكتمى يا وس** مش عاملة اعتبار للكبار،،،،،،،، برا من فضلك يا أستاذ محمود
محمود بخوف عليها/ براحة عليها يا نسمة
نسمة بين أسنانها/ من فضلك برا سيبنى أتفاهم مع أختى براحة
هاجر / متسبنيش يا محمود تضربنى😭😭
نسمة أمسكت إيد محمود ودفعتة بلين للخارج واغلقت باب الغرفة بالترباس متجاهلة طرق محمود على الباب وقالت : الخلاف على إيه المرادى
هاجر/ عايزة تكيييف
نسمة بعدم فهم/ ت ت ت إيه تكيييف والمراوح إللى عندك
هاجر/ بتجيب هوا سخن
نسمة/ عندك ٣ مراوح غيرك مش طايل واحدة ومعترضة
هاجر/ بيتى ناقصة حاجات
نسمة/ هووووش أكتمى جوزك على الباب شايفة البيت مش ناقصة حاجة ،، النقص فى دماغك دة أنتى عندك ٣ مراوح وتلاجة حديثة وبوتجاز حديث وعجان وخلاط وبدل الشاشة اتنين حتى الراديو عندك وقاعدة فى شقة ملك مش إيجار و٣ أوض مفروشين وجوزك بيفطرك ويغديكى ويعشيكى رفضتى ترضعى ابنك علشان منظر صدرك وهو طلع عينة فى شغلة علشان يوفر اللبن الصناعى بتلبسى ذى البنات. إيه إللى نقصك تكيف وأنتى فى بيت أبوكى فى تكيف حرانة أستحمى ،،،وبعدين أحنا فى الشتا
هاجر/ معنديش تكيف ولا ديب فريزر ولا مكرويف
نسمة/ لية كل دة كل واحد بيجيب إللى ناقصة وأنا مجهزاكى ومش مطلعاكى من بيت أبوكى نقصك حاجة بالعكس تطلبى الغالى وامك ترفض وأنا أجبهولك صح ولا غلط
هاجر/ صح
نسمة/ من كتر جهازك أتركن تحت السراير وفوق الدولاب وشقتك كبيرة يعنى مقصرتش فى جهازك وقولت ابوكى قعيد كفاية كدة لا سبتك تشترى إللى فى نفسك كلة من شقايا
هاجر / بتزلينى
نسمة بعصبية/ بفوقك من شيطانك عيشتك حلوة وربنا رزقك بنعمة السند والزوج وكرمك بطفل أول الجواز عايزة إيه تانى شيلى فكرة أنك صغيرة خلاص كبرتى وبقيتي زوجة وأم اعقلى
هاجر/ أشمعنا إللى على النت عندهم كل حاجة وانا لا
نسمة/ اةةةةةة قولى كدة بصة لليوتيوبر ملناش دعوة بحد
هاجر/ يرضيكى أقولة عيد ميلادى قرب عايزة دهب يقولى أطلبى حاجة اقدر أجبها هو مش بيحبنى
نسمة/ أستغفر الله العظيم هو الراجل علشان يحب مراتة يجب دهب من الأخر أبوكى راجل طيب على باب الله فران عارفة يعنى إيه فران يعنى واقف صيف شتا قدام النار علشان ناكل ، مكنش وزير ولا دكتور علشان حضرتك تتأمرى على محمود احمدى ربنا أقفى جنب جوزك بدل ميدخل السجن
هاجر/ لية حرامى
نسمة/ مديون بسبب جوازكم متجيش تطلبى حاجة صعبة براحة يسد الدين والحال يمشى واطلبى الدنيا كلها
نسمة بغباوة/ مركزة وتدافعى عنة ليييييية شاغلة بالك بيه ليييية دة جوزى أناااااااا ملكيش دعوة بحياتي متدخليش عايزة تخربى عليااااااااااا علشان أتجوزت قبلك وأنتى لسة عاااااانس هو بيعاملك حلو وأنا لااااااااااا ومش كل شوية تقوللى جهزتك محدش طلب منك تدفعي جنية من جيبك شيلى عينك من جوزى
نسمة تستمع لكل كلمة وشعرت بدفعة قوة تنهمر أسفلها فقد ألمتها كلام أختها لم تعلم أختها مريضة لم تعلم أن والدها لم يقدر على مصاريف البيت كيف يقدر ويجهز عروسة وقتها ،،أبيها لا يعمل فى لحظة ضيعت هاجر نسمة ومعروفها ،، فتحت نسمة الباب وألتقطت شنطتها وجربت لخارج الشقة
دخل محمود الغرفة فهو أستمع لكل كلمة دارت رغم الباب مقفول وجد زوجتة تبكى فقال بهدوء/ عايرتى أختك واتهمتيها بشرفها معايا نسمة دى جدعة ضحت بحياتها علشان أبوكى وأمك جزتها جهزتك جزتها كل متجى تدخل هنا محملة خير ياريت عندى أخت كبيرة ذى أختك كنت بوست رجليها ليل نهار ،،معاكى نعمة مش حاسة بيها ،
هاجر ببكاء وندم/ سبنى مش عايزة كلاااااااام
محمود/ وافقتى عليا لييييية مدام مش قادر أسعدك كل إللى عندك ومش مالى عينك خلاص مش قادر كل يوم والتانى فضحانى أنتى طالق يا هاجر شوفتى وصلتنى لأيه روحى أتجوزى واحد يكفيكى طلبات وشوفى بقا لو حد قلبة حبك ذى ثم تركها. لطمت هاجر على وشها بقوة وقالت خربتى بيتى يا نسمة وارتحتى منك لله منك لله اشوف فيكى يوووووووووم
________
نزل محمود على سلم العمارة لكى يذهب لواحد صاحبة عازب يبات عندة رفض الذهاب لأهلة لان شقة اهل هاجر أمامهم
، خرج من باب العمارة وسار على أول الشارع وجد نسمة تجلس على الرصيف متألمة بدون تفكير جرى عليها وسألها كذبت هى وقالت مستنية حد دار الشك بداخلة حين لمح حذائها من الجنب علية دم وهى بتشد الجيب تغطية بعد إيدها وجد خط دماء نازل من رجليها للحذاء فقال بخضة بتنزفى وقعتى عربية خبطتك ولا الدور القديم
نسمة بترجى وتعب / أسترنى يا أستاذ محمود انت اخويا بنزف ومش قادرة أقف على رجلى
قلع محمود التيشرت الصوف ولف وسطها رغم الجيب بتاعتها سودة وقال تسمحيلى أشيلك وأرجع بيكى البيت يقصد [بيتة هو وهاجر ]
نسمة بألم / معلش واقف توكتوك لبيتى
محمود/ واقف توكتوك وساعدها تقف وجد على الرصيف بقعة كبيرة دماء ولحد مركبت التوكتوك خط يتدفق منها لم التراب بأيدة وردم هذا الدماء ثم ركب معاها بجوارها وسندها حتى لا تسقط من الجهة الأخرى، ،وطلب من السائق الذهاب للمستشفى تحت إعتراض نسمة ،،،،
بدأ جسمها يرتخى وتتألم بصوت عالى وقالت مستشفى الأورام ودينى هناك
محمود بعدم فهم/ بعد الشر عنك
نسمة /عندى ورم على الرحم اةةةةةةةةةة موجوعة مش قادرة أتنفس من الوجع 😭😭
صدمة محمود شلت تفكيرة لم يملك غير أنة نفذ كلامها وعند وصولها لم تقدر على الحركة حملها مستسلمة وأمن بوابة المستشفى لحقوة بكرسى متحرك يسهل حركته
مر ساعتين محمود ميعرفش حاجة عن نسمة وعقلة يصور أسوء الأحداث وأخيرآ أتى عامل وأذن لة بالدخول يقابل الدكتور وعرف نسمة محتاجة عملية الورم دمر جزء كبير من الرحم والمبيض
محمود / كدة متخلفش
الدكتور/ حضرتك جوزها
محمود/ أخوها
الدكتور/ لأسف لا الموضوع من زمان الاشاعة قدامى هى أهملت فى صحتها
محمود/ شالت حمل كبير يا دكتور انا مش أخوها متبصليش كدة ،،دى أخت مراتى ثم تذكر أنة طلقها سكت شوية وقال نسمة أخت مراتى وجيران وبعتبرها ذى أختى. أبوها قعيد وهى إللى بتشتغل وبتصرف على البيت
الطبيب/ وصحتها!!!!!!
محمود/ يشحتوا مثلا معندهمش اخ يصرف. ضحت بصحتها علشان أهلها
الطبيب بطعاطف/ أسمع الأشاعة دى المفروض بفلوس خلاص متدفعش حاجة والعملية أعملها هنا و أحط أسمها فى الكشف فى الاول تبع الحالات الحرجة المشكلة عندك بعد العملية والمصاريف
محمود/ ربنا يفرجها وألف مليون شكر
الدكتور/ الشكر لله،، تتحجز هنا و خلال أسبوع تعمل العملية وللأسف حالتها مينفعش تاخد جلسات كيماوى
محمود / ربنا يستر
بقلم نجلاءفتحى عاشقةالكلمات
__________
دخل محمود غرفة نسمة فقال رغم حزنة عليها/ كويسة فى ألم
نسمة/ واخدة مسكن
محمود بعتاب/ كنتى عارفة عندك ورم وساكتة الدكتور قال من زمان عندك
نسمة/ وانا صغيرة بطنى بتوجعنى قالوا عادى طفلة واول نزيف كان عمرى ١٥ سنة كشفت قالى لخبطة هرمونات حتى معملتش تحليل ولا اشاعة محدش طلب وكل لما اكبر اتعب وانزف على فترات و أخد مسكن لحد فى يوم العزومة وأنت وديتنى المستشفى الدكتور قالى شاكك فى ورم أو كيس على الرحم ولازم احلل طلبت محدش يعرف علشان أقدر أروح الشغل تحليل الأورام سعرة غالى عليا جيت هنا وعملتة بسعر رمزى هو كتير بس ارحم من المعمل برا قد بتاع أسبوعين والنتيجة طلعت النهاردة وخبيت التحليل ،، ماما قالتلى أختى زعلانة مع جوزها وأنا بقدر أصلح بينكم زرتكم ثم سكتت
محمود/ وأختك فورت دمك ونزفتى وتعبتى
نسمة بدفاع عن أختها/ ملهاش ذنب دة نصيب صدفة
محمود/ غلطانة لازم اهلك يعرفوا وهاجر اولهم
نسمة/ مش عارفة بقا
محمود رفض يبلغ نسمة طلاقة بأختها / أتصل على أمك تجى بقينا الساعة ١٠ بالليل اطمنها عليكى
نسمة عقلها واقف من التفكير
بقلم نجلاءفتحى عاشقةالكلمات
كانت نسمة وحيدة طول الليل أشتد عليها الألم من الحزن بسبب كلام أختها وصرخت أتت الممرضة واعطتها منوم للصبح
بأمر الطبيب
محمود الأمن أخرجة خارج المستشفى لأنة راجل لو أخوها او زوجها لبقى بجوارها،ومنعوا الأم ا تدخل من البوابة الرئيسية فى الشارع فهذا الوقت لا يوجد بية زيارة والنبطشى رفض أقامة مرافق معها فهى كبيرة مر الليل ومحمود والأم فى الشارع أمام المستشفى ،،
بقلم نجلاءفتحى عاشقةالكلمات
_______
فى الصباح عاتبت الأم نسمة على عدم تبليغها بمرضها، ،
كل هذا ولم يعلم احد بطلاق هاجر التى ذهبت لبيت أبيها وعلمت أختها فى المستشفى ولم تذهب لها بحجة تظل مع أبيها القعيد
_________
الأم/ روح شغلك يا بنى طول الليل فى الشارع كتر خيرك يوميتك تضيع
محمود/ لازم راجل معاكم لو احتجتوا حاجة برا
الأم بحزن/ ربنا يساعد كفاية تأخير بيتك محتاج كل قرش وأبنك
محمود بحزن وندم/ مفيش بيت خلاص يا ام نسمة
الأم/ كفانا الشر ،، لييييه
محمود/ طلعت هاجر أمبارح بنتك مش شايفانى راجل مكفى بيتى
لطمت الأم على وشها وقالت :- يا نصبتى فى بناتى واحدة تمرض بالمرض الوحش والتانية تطلق أخص عليك هان عليك أبنك عارفة طبع بنتى وحش وانت قبلت بيه و٠٠
محمود بمقاطعة/ قولت صغيرة ومدلعة مطلعش كدة العيب فيها أخويا الكبير متجوز واحدة أصغر منها وبتدرس لسة فى أولى دبلوم وعقلها كبير وفاهمة يعنى إيه زوج وبيت وواقفة جنب أخويا ،بذمتك بيتى ولا بيت اخويا
الأم بصدق/ عيشتك مرتاحة عن عيشة أخوك وبيتك واسع ومش ناقصة حاجة
محمود/ اقسم بالله نفسى أنام وأشبع نوم مش عارف وبشتغل بدل الشغلة اتنين بنتك مش عاجبها عايزة فلوووس وبس حتى بصى تليفونى عدة قديمة بزراير وهى جبتلها تاتش وفية نت أعمل إيه بنتك عايزة تكيف للصيف وعايزة سلسلة دهب
الأم بأحراج/ مش وقتة الكلام دة وإللى عملتة وواقفت جنب نسمة وأنت مطلق أختها فوق راسى ومعدنك طيب
محمود بصدق/ بحبك هاجر وهى الظاهر مغصوبة على جوازنا
الام/ لا ،،، إللى بتحل بينكم بين إيد ربنا ،،،ثم قالت بترجى ، ابوس إيدك يا بنى ردها لعصمتك تانى بينكم طفل أوعدك مش تزعلك تانى
محمود/ هاجر تكسر وعدك
الأم بدموع / أبوس إيدك دى مكملتش سنتين ونصف جواز العيلة تفضحنا لو بتحبها أديها فرصة تانية
محمود/ حاضر يا ام نسمة أردها دلوقتى بس بشرط خليها فاكرة أطلقت وقاعدة عندك ومحدش يعرف كأنها غضبانة لازم تعرف قيمة بيتها وزوجها وأبنها اخدة
الام/ لا الولد روحها فية
محمود / رفضت ترضعة وكدة كدة عايش على اللبن الصناعى ساعديني
الأم/ إللى تشوفة يا بنى اوعا فى يوم توجعها دى بنتى برضو
محمود/ أبقا بوجع قلبى
________
عزيزى القارئ تصرف الأم صح ولا غلط هل رخصت بنتها أمام محمود ام تريد مصلحتها ؟
أوصف محمود بكلمة؟