مساءا عند فراس و روان
وصلو الفيلا بتاعت فراس و فراس فتح الباب بالمفتاح ودخلو
وروان دخلت وبصت ع البيت وكان زوقه حلو اوي
وفراس دخل شنط روان جوه
وروان كانت واقفه بتوتر
فراس/انا عارف ان الوضع غريب عليكي ومتوتره وخايفه بس انا مش عايزك تقلقي .انا فاهم كويس انك متجوزاني غصب عنك لان ادم أمر ب كدا ..ونا مقدر دا علشان كدا اعتبري ان الجواز دا مش حقيقي لحد ما ادم يهدي و ينسي ووقتها انا تحت امرك لو عايزه تتطلقي
روان عمرها ما شافت راجل بجد زي ادم اخوها ومالك وكان نفسها تتجوز راجل بجد زي أخواتها و ربنا رزقها بفراس .
فراس لما عرف الموضوع وقف جمبها ووقف ف وش صاحب عمره ودافع عنها و ووافق يتجوزها وحتي بعد ما اتجوزو حس ب قلقها وخوفها وطمنها
روان/شكرا ي فراس
فراس/انا اوضتي بس ال متاحه دلوقتي لان الباقي عاملهم اوض مكتب للشغل واوضه جيم ف انتي تقدري تنامي ف اوضتي ونا هنام ع الكنبه هنا
روان/الاوضه فين
فراس/تاني اوضه ع اليمين
روان هزت راسها بموافقة وطلعت فوق
و فراس بص لها وهي بتطلع مش مصدق ان حب عمره بقت مراته وع ذمته وبقت ف بيته ..كان بيحلم باللحظه دي من سنين بس كان نفسه روان تتجوزو بمزاجها مش غضب عنها
أمام منزل كرم
التاكسي وصل قدام البيت بعد ما وصلو مريم بيتها
واحلام نزلت و سواق التاكسي نزل بسرعه جاب الشنطه من العربيه
السواق/تحبي ادخلها ل حضرتك جوه
احلام/لاء متشكره جدا انا هدخلها
وطلعت من شنطتها فلوس وادتهاله و السواق ركب ومشي
واحلام مسكت الشنطه وجرتها ودخلت الجنينه ورنت الجرس
حمزه فتح الباب
حمزه بابتسامه/احلام .
وحضنها و احلام ابتسمت وحضنته بقوه
حمزه/وحشتيني ي جزمه
وطلعها من حضنه
احلام ابتسمت /وانت كمان وحشتني اوي
ليليان بفرحه اول ما شافت احلام
ليليان/احلاااام
وجريت عليها حضنتها
وكرم طلع من الصالون بابتسامه وراح لهم
ليليان/وحشتيني اوي اوي
احلام بابتسامه/انتي كمان وحشتيني اوي
كرم بابتسامه/نورتي البيت ي نور عيني
احلام حضنته بابتسامه وكرم ابتسم
كرم/تعالي ادخلي
حمزه بص ع الشنطه ال جمب احلام باستغراب
حمزه/اي الشنطه دي
احلام طلعت من حضن كرم
كرم/صحيح ي احلام اي الشنطه دي
احلام /ا
كرم/تعالي ادخلي مش هنتكلم ع الباب
واحلام دخلت وحمزه اخد الشنطه ودخلها جوه
وقعدو ف الصابون
كرم/امال فين جوزك
احلام /انا عايزه اقول لكم ع حاجه الأول...انا حامل
حمزه بفرحه/ايييي
كرم بابتسامه وفرحه/انتي بتتكلمي جد ي بنتي
احلام ابتسمت/ايوا
كرم حضنها بفرحه وباس راسها
كرم/مبروك ي روح قلبي الف الف مبروك..والله فرحتي قلبي
حمزه بابتسامه حضنها بقوه/الف مبروك ي حبيبتي. هبقي خال انا مش مصدق نفسي
احلام ابتسمت/هتبقي احسن خالو ف الدنيا
حمزه ابتسم وباس راسها
ليليان ابتسمت/يعني انتي ف بطنك نونو دلوقتي ولما تتولد هلعب معاها وابوسها
احلام ابتسمت/ايوا ي روح قلبي. هتبقي خالتو صغنونه
ليليان حضنتها بفرحه واحلام ابتسمت
كرم/ادم مجاش معاكي يقولنا الخبر الحلو دا لي
احلام مقدرتش تزعلهم وتقول لهم انهم هيطلقو
حمزه/هو عارف انك هنا
احلام / احم اه عارف .هو مشغول جدا ونا قلت هاجي اقعد معاكم يومين
كرم بابتسامه/تنوري ي حبيبتي متعرفيش البيت وحش من غيرك قد اي
احلام ابتسمت/هروح ارتاح ف اوضتي شويه
كرم/روحي ي حبيبتي
ودخلت الاوضه
ليليان بابتسامه/انا هبقي خالتو
حمزه مسك خدوها/ايوا ي اختي هتبقي خالتو عسل
ليليان ضحكت بفرحه و كرم ابتسم
بعد نص ساعه
ادم وصل ب عربيته قدام بيت كرم وخبط ع الباب
كرم فتح الباب
كرم بابتسامه/اهلا ي آدم ي ابني اتفضل
ادم /احلام فين
كرم ابتسم/بترتاح ف اوضتها ..والف مبروك ي البيبي.اتفضل ادخل
ادم دخل
حمزه طلع من المضبخ
حمزه ابتسم/اهلا اهلا ي جوز اختي ..الف مبروك ع البيبي
ادم/عن اذنكم هدخل ل احلام
كرم/طبعا اتفضل
في غرفه احلام
قاعده ع السرير سرحانه بعد ما غيرت هدومها ل بيجاما ورابطه شعرها كعكه عشوائيه
وماسكه التليفون وبتتفرج ع صورها هي و أدم ال كانت بتصورها ف كل مره خرجو فيها سوا
فجأه الباب اتفتح و ادم دخل
احلام /ادم
ادم قفل الباب
ادم بغضب/كنتي ناويه تقولي لي امتي ان انتي حامل.. ولا مكنتيش ناويه تقولي خالص
احلام قامت بغضب/ اه ي آدم مكنتش ناويه اقول خالص
ادم بعصبيه/مش من حقك تخبي عليا انك حامل ف ابني سامعه ولا لا ... انتي ازاي اصلا اول ما تعرفي متقوليليش..ازاي الكل يعرف ونا اخر من يعلم
احلام بغضب/مش انت قلت هنتطلق ؟ مش انت وقفت قدامي وعينك مليانه غضب وقلت لي اعملي حسابك هنتطلق ؟
ادم بعصبيه/ انتي كدبتي عليا ..كدبتي عليا وانتي اكتر حد بثق بيه ف الدنيا دي
احلام بغضب/انا مكدبتش انا بس خبيت ..علشان خايفه ع روان من ردة فعلك ..علشان انا بعتبرها اختي الصغيره
ادم بعصبيه/انتي عايزه تجننيني .انك تخبي او انك تكدبي هما واحد ب النسبه لي
احلام/مش انت وقفت قدامي وقلتي لي اجهزي علشان هنتطلق انا بقي موافقه
و قاعده مستينه ورقه طلاقي
ادم بعصبيه/دا قبل ما اعرف انك حامل
ومسك دراعها بغضب /و يلا غيري هدومك علشان هنرجع البيت
احلام بعصبيه/انا مش هرجع معاك ف مكان ونا بحقق رغبتك وموافقه نتطلق..وسيب دراعي
ادم بغضب وعصبيه /احلام
الباب انفتح بسرعه وكرم و حمزه دخلو بقلق
كرم/في اي صوتكم واصل ل اخر البيت ..بتتخانقو لي
حمزه /هو في اي ي آدم سيب دراعها انت هتمد ايدك عليها قدامنا ولا اي
ادم ساب دراعها ومسح وشه ب ايده بغضب
كرم/في اي ي حبايبي بس صلو ع النبي دا شيطان ودخل ما بينكم
ادم/مفيش حاجه احلام هتلم هدومها دلوقتي وترجع معايا البيت
احلام بغضب/ونا قلت لك مش هرجع معاك ف مكان
كرم/خلاص ي آدم ي ابني سيبها بس ترتاح يومين عندنا وبعدين تعالي اتفاهم معاها براحه . ال عيند مش هيوصلكم ل حاجه والله
حمزه/بابا عنده حق ي آدم سيبها ترتاح عندنا شويه وارجعو اتكلو
ادم بص ل احلام و طلع من الغرفه وطلع من البيت كله
و احلام دمعت و حمزه خدها ف حضنه
كرم /لا حول ولا قوه الا بالله اي ال حصلكم بس ما انتو كنتو كويسين
وملس ع شعرها وباس ايدها و حمزه بيحاول يهديها
كرم/اي ال حصل بس ي حبيبتي
احلام طلعت من حضن حمزه ومسحت دموعها
احلام/مفيش ي بابا انا و ادم هنتطلق
كرم بصدمه /اي
حمزه/هتطلقو ازاي يعني
احلام/عادي زي ما اي اتنين متجوزين بينفصلو
كرم/ازاي بس ي حبيبتي و اي ال حصل لكل دا..وابنك ال ل بطنك؟ دا انتي لسه عارفه انك حامل
احلام دمعت/عادي انا مش محتاجه لحد انا هربيه
حمزه/طب مش هتحكلينا هتطلقو لي
احلام /
كرم/خلاص ي حمزه سيبها ع راحتها مش عايزين نضغط عليها اكتر من كدا وهي حامل كل دا غلط عليها ..هنسيبك ترتاحي شويه وربنا يعمل ال فيه الخير
واتنهد وباس راسها
و حمزه باس ايدها وطلعو من الغرفه
كرم اتنهد وقعد ع الكنبه /اي ال حصلهم بس
حمزه/متقلقش ي بابا واضح بيحبو بعض اوي ومش هيقدرو يعيشو من غير بعض ..ان شاءالله مشاكل عاديه بتحصل بين اي اتنين متجوزين
كرم/تفتكر؟ بنتي عنيده ونا عارفها كويس ..وهو كمان شكله اعند منها
حمزه اتنهد وقعد/خير ان شاءالله
عند آدم فضل يلف ب العربيه لحد نص الليل
ورجع القصر ودخل البيت وطلع الاوضه وبص عليها وخلع الجاكيت ومش قادر يقعد فيها دقيقه واحده من غير احلام
ادم اتنهد واخد الجاكيت تاني وطلع برا الاوضه
في بيت كرم
عند احلام في غرفتها
نايمه ع السرير بس صاحيه وبتفتكر كل لحظه حلوه بينها وبين ادم وبتدمع و حاسه انها مبتنتميش ل اي مكان ادم مش موجود فيه ...مبتنتميش لمكان الا حضنه
عند آدم وصل بعربيته قدام بيت كرم وخلع حزام الامان ونزل ازاز الشباك
وبص ع اوضه احلام وبص ع دبله الجواز ال ف ايده واتنهد وسند ضهره ع الكرسي
في اليوم التالي
في القصر في غرفه مالك
قاعد ع السرير وسرحان
وموبايله رن وكانت جنات و مالك رد
جنات بقلق /اخيرا ي مالك رديت عليا ...أنا بقالي يومين بكلمك مبتردش ومجتش الشركه امبارح مت من القلق
مالك/
جنات /مالك انت مبتردش عليا لي انت كويس
مالك بيحاول يسيطر ع نفسه ويبان طبيعي
مالك /انا معاكي
جنات ابتسمت/بس اي الدريس التحفه ال انت باعته مع المندوب دا ..وجايبه بمناسبه اي
مالك/البسي واجهزي بليل وفي عربيه هتيجي تاخدك ع مطعم وهنتعشي سوا
جنات بابتسامه/ماشي
ومالك قفل المكالمه ومش قادر يستوعب انه حب واحده كدبت عليه ف كل حاجه ولسه مستمره و بتكدب وبتمثل
ف الصالون طارق قاعد
وآدم نزل من غرفته بعد ما غير هدومه
منمش طول الليل ورجع البيت يغير ويروح الشغل
وكان هيمشي طارق وقفه
طارق/ادم
ادم وقف
طارق/ينفع تيجي اتكلم معاك 5 دقايق بس
ادم راح قعد جمبه و طارق ابتسم انه سمع كلامه
طارق/لي ي آدم سبت احلام تمشي من البيت دا وقلت لها هنتطلق ..هي زنبها اي ي ابني ف كل الحصل
ادم/زنبها انها كدبت وخبت عليا وهي باصه ف عيني ...لو مقدرتش اثق ف مراتي هثق ف مين
طارق/عملت كدا علشان بتحب روان وخايفه عليها .. احلام غيرت حجات كتير ف البيت دا ..قبل ما تيجي القصر هنا كان ضلمه وبارد وهي غيرته ب وجودها
غيرتك للأحسن وبقيت بني ادم تاني خالص بعد ما دخلت حياتك. بقيت مبسوط وبتضحك ومرتاح. مبقتش طول الوقت عصبي وغضبان زي زمان ..بقيت بتتفاهم بالكلام بدل العصبيه ...بقيت أقرب ل اخوك و اختك وبتخرجو وبتتكلمو وبتتفاهمو بدل ما كنتو بتتقابلو صدفه ف البيت
اعتبرت روان اختها و طول الفتره ال فاتت كانت جمبها ومهتميه بيها .. حتي مالك اعتبرته اخوها الكبير... ونا كانت ديما بتعتبرني ابوها التاني ومهتميه بيا و ب ادويتي وصحتي وبتفكرني ب مواعيد الادويه وزياره للدكتور انا اصلا ببقي ناسيها
ادم/
طارق/البنت دي بتحبك وعمرك ما هتلاقي واحده تحبك قدها ..اسمع مني ي ابني او تضيعها من ايدك
مالك خرج من غرفته
مالك/دا يبقي غبي ي بابا لو ضيعها من ايده
ادم/لو خلصتو انا مضطر امشي..وبالمناسبة احلام حامل
طارق بفرحه/اي؟
مالك بابتسامه/انت بتتكلم جد؟ احلام حامل
ادم/ايوا
و خرج برا القصر
طارق بفرحه وابتسامه/انا مش مصدق نفسي انا هبقي جد
مالك حضن طارق بابتسامه
مالك طلع من حضنه
مالك/ادم اخويا ال انا اعرفه بعد ما عرف ان مراته حامل أأكد لك انه عمره ما هيطلقها وهيرجعها ف اقرب وقت انا متأكده
طارق بابتسامه/يارب يارب
مالك ابتسم
في فيلا فراس
دخل غرفته براحه يغير هدومه علشان يروح الشركه وبيحاول ميصحيش روان
وبص ع السرير لقي روان نايمه بعمق وكان شكلها حلو اوي وهي نايمه
فراس ابتسم وقرب منها وقعد جمبها ع طرف السرير ومتأملها
مش مصدق ان حب حياته ف بيته و ف اوضته وبقت مراته خلاص ..فرحان حتي لو كان جوازهم مش حقيقي
ورجع خصله من شعرها ورا ودنها وغطاها كويس
ودخل الدريسنج يغير هدومه
وبعد شويه طلع بعد ما غير هدومه وكان بيلبس الساعه
روان بدأت تصحي وصحيت
روان/فراس
فراس/اسف لو صحيتك ..انا كنت بلبس علشان اروح الشركه
روان قعدت ع السرير وربطت شعرها كعكه عشوائيه
روان/لا ولا يهمك
فراس/انا همشي اروح الشركه و في حرس برا البيت علشان ابقي مطمن عليكي ونا مش موجود. و متخرجيش من البيت الا لما تقولي لي
روان/حاضر
فراس/ يلا انا همشي ...عايزه حاجه؟
روان /عايزه سلامتك. ولو ينفع متتأخرش علشان هخاف افضل لوحدي بليل
فراس ابتسم/حاضر هاجي قبل ما الدنيا تليل
روان ابتسمت و فراس اخد مفاتيح العربيه وطلع برا الغرفه
عند احلام
طلعت من البيت بعد ما غيرت هدومها ل بنطلون كلاسيك اسود وتوب بيج وعليه بليزر زيتي وعامله شعرها كعكه ولابسه هيلز سودا
وراحت توقف تاكسي علشان تروح شغلها
وتاكسي وقف واحلام ركبت
احلام/شركه***بعد اذنك
السواق/امر حضرتك
وبدأ يسوق وفجأه لقي عربيه وقفت قدامه وقفلت ع التاكسي الطريق
احلام/في اي وقفت لي
السواق/معرفش في عربيه وققت قصادي مش فاهم في اي
احلام بصت ولقت ان دي عربيه آدم
احلام اتنهدت
احلام/متعرفش تلف وتمشي من طريق تاني
السواق/لا الطريق ضيق مش هعرف الف
احلام/تمام ثانيه واحده
احلام نزلت من التاكسي وراحت ل ادم
وآدم نزل من العربيه وخلع نضاره الشمس
احلام/ممكن تبعد عربيتك علشان عايزه امشي اروح شغلي
ادم باصص ف عيونها/
احلام بصت ف عيونه وبتحاول متضعفش قدامه
قد اي هو وحشها و نفسها تترمي ف حضنه
احلام /ممكن تسبني ف حالي؟
ادم/لاء مش ممكن ..ونا سبتك ترتاحي ومرضتش اضغط عليكي امبارح ويلا هترجعي معايا بيتنا
احلام/لاء انا ف بيتي دلوقتي..ومش هرجع معاك ف مكان ..وبعد اذنك ورقه طلاقي توصلي ف اسرع وقت
ادم/انسي ...مفيش طلاق هيحصل
احلام /مش بمزاجك
ادم/لاء بمزاجي
احلام بغضب/لاء مش بمزاجك تقول هنتطلق ومره تقول مش هنتطلق..
وبعدين مش دي كانت رغبتك ف الأول؟ اننا نتطلق ؟ونا بقولك انا موافقه.
ادم/دا قبل ما اعرف انك حامل
احلام بغضب/مفيش حاجه هتتغير بعد حملي ..انا لسه عند قراري وقلت هنتطلق ...انا هبدأ اكلم محامي والموضوع هيطول حبه بس علشان انت مش موافق بس بعدها الطلاق هيتم عادي..وبعد اذنك ابعد عربيتك علشان اروح شغلي والا والله العظيم هروحها مشي
ادم بغضب فتح باب عربيته وركب وبعد العربيه عن طريق التاكسي
واحلام اتنفست بهدوء وراحت ركبت التاكسي تاني
ومشيو ورضا بدأ يشغل عربيته ويروح ورا احلام
في شركه آدم
ادم نزل من عربيته ودخل الشركه
وهو باين عليه الغضب و الموظفين خايفين يتعاملو معاه
في مكتب فراس قاعد بيشتغل
وموبايله رن وكانت روان
فراس ابتسم و رد/الو
روان بابتسامه/فراس انا اسفه لو بعطلك عن شغلك بس انا لازم اقولك حاجه مهمه اوي
فراس ابتسم من نبره صوتها ال باين منها انها فرحانه
فراس/قولي
روان بفرحه/احلام حامل ..بابا ومالك كلموني من شويه وقالولي
فراس بابتسامه/بجد...دا خبر حلو جدا ربنا يتمم حملها ع خير
روان بحزن/تفتكر ادم هيرجع ف كلامه ف موضوع طلاقهم. انا مش عيزاهم يتطلقو بسببي
فراس/لا ان شاءالله مفيش طلاق ولا حاجه ..وهيرجعو لبعض
روان ابتسمت/يارب
بعد ساعتين في فيلا فراس
الباب خبط
روان راحت عند الباب وبصت من العين السحريه تشوف مين ولقت احلام
روان بابتسامه فتحت الباب
روان بفرحه/احلام
احلام حضنتها بابتسامه/عامله اي ي روحي
روان بابتسامه/بقيت احسن بكتير لما شوفتك
احلام ابتسمت /قلت اجي اشوفك بعد الشغل
روان بابتسامه/احسن حاجه عملتيها انا كنت محتاجه اشوفك علشان وحشتيني اوي اوي
وقفلت الباب وراحو ناحيه الصالون
احلام قعدت/فراس هنا
روان قعدت جمبها/لاء لسه ف الشغل ما انتي عارفه مبيرجعوش من الشغل دلوقتي
روان بابتسامه/ صحيح فرحت اوي اوي لما عرفت انك حامل واني هبقي عمه .الف الف مبروك
احلام ابتسمت/الله يبارك فيكي ي حبيبتي
روان/لسه مُصرين برضو ع الطلاق ي احلام؟ انا مش عيزاكم تطلقو بسببي ..انتو لو اتطلقتو انا مش هسامح نفسي
احلام /مش بسببك ولا حاجه ي روان متلوميش نفسك هو ال ف اول مشكله طلب ال بعد والطلاق وانا بحقق له رغبته
روان اتنهدت بحزن
احلام ابتسمت/سيبك انتي من كل الكلام دا. انا رجعت بدري من الشغل مخصوص علشان اطمن عليكي واشوفك عامله اي مبسوطه ولا لاء
روان ابتسمت/انا الحمد لله بخير
احلام ابتسمت/طب الحمد لله
روان/وهبقي مبسوطه اكتر لو ادم سامحني
في الشركه في مكتب ادم قاعد ع مكتبه وقدامه ملف ومش عارف يركز ف الشغل
ادم قفل الملف بغضب وقام وفتح باب المكتب
ادم بعصبيه/لي محدش اتزفت جابلي قهوتي لحد دلوقتي
السكرتيره راحت له بسرعه بتوتر/حاضر ي آدم بيه ثواني وتبقي عندك
ادم دخل المكتب بغضب
موظفه راحت للسكرتيره بتوتر/ انا مش عارفه اي ال معصبه النهارده اوي كدا
السكرتيره بصوت واطي/مش عارفه اي ال حصل بس هروح اعمل له القهوه بسرعه ل يجي يهب فيا تاني
ومشيت بسرعه
فراس طلع من مكتبه و راح للموظفه ال قافله قدام مكتب آدم بتوتر وماسكه ورقه
فراس/ادم جه ولا لسه ؟ وانتي واقفه عندك كدا لي
الموظفه بتوتر/الورقه دي لازم ادم بيه يوقع عليها ضروري ونا بصراحه ي فراس بيه خايفه ادخل له وهو متعصب كدا
فراس اتنهد/هاتي
واخد منها الورقه
ودخل مكتب آدم
ادم ال قاعد ع مكتبه
ادم بغضب/خير
فراس قفل الباب وراح حط الورقه ع مكتب آدم
فراس/الورقه دي محتاجه توقيعك
ادم اخد الورقه ووقع عليها
ادم/خدها واطلع برا
فراس/اي ال معصبك اوي كدا؟
ادم/
فراس قعد قصاده ع المكتب
فراس/او متجاوبش انا عارف...موضوع طلاقك انت واحلام ..بس بصراحه هي معاها حق
ادم بصله
فراس/ايوا متبصليش كدا هي معاها حق متوافقش ترجع لك ..مش انت وقفت قدامها وقلت لها بكل قسوه هنتطلق ؟ وهي ملهاش زنب ف اي حاجه حصلت هي عملت كل دا علشان بتحب روان وبتعتبرها اختها
ادم/خد الورقه وروح كمل شغلك ي فراس
فراس قام/ماشي
وابتسم
فراس/..و مبروك ع البيبي بالمناسبه فرحت اني هبقي عم ..روان كمان فرحت اوي ..ومنتظره منك تيجي تقول لها انك مسامحها زي ما بباك ومالك ونا سامحناها ..بلاش تخلي غضبك وعيندك يبعدوك عن الناس ال بتحبهم
واخد الورقه وطلع برا المكتب
عصرا في بيت كرم
في الصالون قاعد كرم و طارق و مالك
حمزه طلع من المضبخ بعد ما عمل لهم قهوه وقدمهالهم
طارق ابتسم /تسلم ي ابني تعبانك
حمزه ابتسم/ولا اي تعب
وقعد وبدأو يشربو القهوه
كرم ابتسم/نورتونا والله زيارتكم دي فرحتنا
طارق ابتسم/تسلم .. احلام بنتي وحشتني حتي وهي لسه ماشيه مكملتش يومين وقلت ل مالك يجبني اشوفها
فرحت اوي اني هيبقي عندي حفيد
مالك ابتسم/انا كمان متتصوروش فرحت قد اي اني هبقي عم .ربنا يقومها بالسلامه
كرم و حمزه ابتسمو/يارب
كرم/هي ف شغلها وزمانها ع وصول ..قلت لها والله بلاش شغل ف فتره الحمل دي بس هي بتحب شغلها اوي ومش عايزه تخسره
والباب خبط
حمزه/اكيد دي احلام
وقام فتح واحلام دخلت
حمزه /حمد لله ع السلامه.
احلام /الله يسلمك
حمزه مسك ايدها/انتي احسن النهارده؟
احلام ابتسمت/متقلقش انا كويسه
حمزه ابتسم
و احلام دخلت ولقت طارق ومالك قاعدين ف الصالون
احلام ابتسمت/اونكل
طارق بابتسامه/عامله اي ي حبيبتي
احلام راحت سلمت عليه بابتسامه وحضنته
احلام /انا بخير الحمد لله
وسلمت ع مالك
طارق بابتسامه/متتصوريش فرحنا قد اي بحملك ..الف الف مبروك
مالك ابتسم/مبروك ي احلام
احلام ابتسمت/الله يبارك فيكم
وقعدت وحمزه قعد
طارق/لسه برضو ي بنتي مُصره مش عايزه ترجعي البيت..دا انتي حتي حامل
مالك/متنشفيش دماغك وارجعي البيت ي احلام..ادم مش مبسوط من غيرك وانتي كمان واضح انك مش مبسوطه من غيره
احلام /هو ال طلب دا..ونا بحقق له رغبته ...و دا قراري النهائي ومش هرجع فيه
طارق اتنهد/ربنا يهديكم يارب ويهدي سركم
كرم اتنهد
الجميله و الوحش البارت الثامن عشر
ع المغرب
في فيلا فراس
روان نزلت من غرفتها و فراس
دخل البيت بمفتاحه بعد ما خلص شغل
روان ابتسمت/حمد لله ع السلامه
فراس مش مصدق انه هيرجع البيت كل يوم هيلاقي الابتسامه الحلوه دي بعد ما كان بيته ضلمه وبارد
فراس ابتسم/الله يسلمك.
روان/انا اسفه يعني معرفتش اعملك اي حاجه تاكلها لان انت عارف مبعرفش اضبخ
فراس/انتي مكلتيش حاجه من الصبح غير الفطار؟
روان/لاء معرفتش اعمل حاجه
فراس /ازاي ي روان سايبه نفسك من غير اكل كل دا
وخلع الجاكيت
فراس /هطلع اخد شاور وانزل اعمل لنا عشا
روان ابتسمت/انت بتعرف تضبخ
فراس /امال ي بنتي ..انتي مدقتيش اكلي قبل كدا شكلك..هتنبهري
روان ابتسمت /ماشي اما نشوف
فراس/دقايق وابقي عندك
وطلع ياخد شاور وروان ابتسمت
وبعد شويه تليفون فراس رن
خدته من الجاكيت ال خلعه علشان تطلعهوله فوق
فراس طلع من الحمام وهو لافف الفوطه ع جسمه وبينشف شعره ب الفوطة
روان دخلت الغرفه /فراس تليفونك بيرن
وبصت عليه بخجل و علي عضلاته اول مره تاخد بالها انه جسمه رياضي اوي كدا
روان بخجل و توتر/انا ا
فراس ابتسم من خجلها/انتي اي روان بخجل/انا اسفه كنت ب بطلعلك تليفونك علشان كان بيرن .اا نا هنزل تحت
وهي بتطلع خبطت قورتها ف الباب
روان حطت ايدها ع راسها بوجع/اااه
فراس راح لها بسرعه و قرب منها
فراس بخضه/خلي بالك ...انتي كويسه
روان /ا اه اه كويسه متقلقش اتخبطت خبطه بسيطه بس
فراس/وريني
وبص قورتها براحه
وروان كانت بصاله ف عينه وسرحانه
فراس/الحمد لله مورمتش او حاجه .تعالي ننزل هحط لك تلج عليها
روان انتبهت/احم اه هنزل اسبقك انا وانت غير وتعالي
وطلعت من الغرفه بخجل وفراس ابتسم
مساءا
عند مالك في مطعم
قاعد ع طربيزه سرحان والمطعم كان محجوز مخصوص ومفيش حد غيره و المكان رومانسي جدا وهادي
عند جنات قدام المطعم
العربيه وصلتها والسواق نزل فتح لها الباب وجنات نزلت وكانت لابسه دريس احمر ولابسه هيلز ولامه شعرها وكان شكلها حلو اوي
جنات دخلت المطعم
ومالك قام
جنات بابتسامه/المكان تحفه
مالك /وانتي شكلك حلو ك العاده
جنات ابتسمت
ومالك شد لها الكرسي وجنات قعدت ومالك قعد قصادها
جنات ابتسمت/بقالك يومين مبتجيش الشركه قلقت اوي عليك بعدين عرفت من الموظفين ان اختك اتكتب كتابها .الف مبروك
مالك طلع جيبه علبه خاتم جواز وفتحها قدام جنات وكان فيها خاتم الماظ حلو اوي
وجنات اتصدمت من حلاوه الخاتم وابتسمت
مالك باصص ف عينها/انا بحبك ..أعجبت بيكي من اول يوم جيتي بيه الشركه وبعدين وقعت ف حبك ..حبيت ضحكتك وعيونك وكل حاجه.. بتجنن لما بلاقي اي موظف قريب منك حتي لو كان عايزك ف شغل ...كنت بموت من قلقي لو اتاخرتي عن الشغل أو مجتيش خالص ..اتعودت اشوفك كل يوم الصبح وبستني تجبيلي قهوتي المكتب علشان اشوفك ..وهبقي اسعد حد لو قبلتي تتجوزيني
جنات ابتسمت بفرحه ومش مصدقه نفسها
مالك ابتسم بسخريه/هو دا ال انتي كنتي عايزه تسمعيه صح
جنات بعدم فهم/اي؟
مالك قفل علبه الخاتم بغضب
مالك بغضب/دا ال مستنيه تسمعيه مني علشان تتأكدي اني وقعت ف حبك زي الأهبل وتسبيني وتمشي وكدا يبقي خطتك نجحت
جنات بدموع/م مالك خليني اشرحلك بعد اذنك انت فاهم غلط
مالك بعصبيه/تشرحيلي اي .تشرحيلي انك كدابه؟ كدابه ف كل حاجه حتي ف ال cv ال قدمتيه للشركه.. قربتي مني كل يوم قصدا وعملتي مهتمه بيا و بحياتي علشان احبك اكتر واكتر بس برافو نجحتي ف كسره قلبي...بحييكي يعني مش هعرف اثق ف اي حد من بعدك خلاص
جنات بدموع/كان غصب عني .والله العظيم كان غصب عني ..ماما كانت محتاجه عمليه ونا كان لازم اشتغل ب اي طريقه لحد ما جه شخص تبع الصقراوي وقالي لازم اعمل كدا..بس ونا بعمل كدا حبيتك ..والله العظيم ممثلتش دقيقه واحده ف مشاعري انا حبيتك بجد
مالك بغضب/انتي كدابه ..ومطروده من الشركه ومن حياتي ومش عايز اشوف وشك تاني انتي فاهمه ولا لا..وعايزك ترتاحي الشخص ال كان بيهددك وقالك تعملي فيا كدا مات خلاص يعني مش مضطره تمثلي تاني ي جنات هانم.. العربيه ال جابتك هتوصلك ..والخاتم دا هديه مني ليكي
وسابه ع الطربيزه بغضب وقام اخد موبايله و مفاتيح عربيته وطلع برا المطعم
وجنات انهارت من العياط
في فيلا فراس
في المضبخ
روان قاعده ع طربيزه ف المضبخ وفراس جمبها ماسك كيسه تلج وحاطط لها ع قورتها
روان/انا خايفه تورم
فراس/متقلقيش التلج هيهديها ومش هتورم ان شاءالله
روان بوجع/اه
فراس بقلق/اسف اسف ..وجعتك؟
وشال التلج من ع قورتها
روان ابتسمت من قلقه/لا خلاص مفيش حاجة انا كويسه
والجرز رن
فراس/ شكل الحاجه وصلت
روان اخدت منه التلج
روان/طب روح هات الحاجه علشان نعمل العشا ومتقلقيش مبتوجعنيش خلاص
فراس/ماشي
وفراس راح فتح الباب و اخد أكياس من البودي جارد .مكونات اكل كان طالبها
فراس قفل الباب وراح المضبخ حط الاكياس ع الطربيزه
فراس/طبعا علشان عايش لوحدي مبهتمش اذا كان في مكونات ناقصه للبيت ولا لا .. ف نبقي ننزل انا وانتي كارفور نجيب الحجات ال ناقصه للمطبخ
روان ابتسمت/اوك .هتضبخ لنا اي بقي
فراس/ مكرونه بشاميل اي رايك؟
روان/ماشي موافقه
فراس ابتسم وبدأ يطلع الدقيق واللبن من الاكياس ويضبخ وروان مرقباه بابتسامه
فراس/ناوليني الملح
روان/
فراس بصلها/روان
روان انتبهت /اي
فراس ابتسم/بقولك هاتي الملح ..انتي نمتي ولا اي
روان ابتسمت/لا ع فكره انا مركزه
فراس بابتسامه/باين
روان جابت له الملح وفراس بدأ يحط
وفجأه تليفون فراس رن وكان محطوط ع الطربيزه جمبهم
روان بصت ع الموبايل وكان مكتوب ريهام
روان/احم .دا مين ال بتتصل بيك دلوقتي
فراس كنسل /دا من الشغل سيبك منهم دلوقتي خلينا نكمل الاكل علشان اتأخرنا اوي وانتي زمانك جعتي
روان هزت راسها بموافقه ومتعرفش هي اضايقت لي. بس يمكن اضايقت وغارت ان فراس من حقه يحب ويكلم اي بنت هو عايزها .ف النهايه جوزاهم ع الورق بس وب اجبار من ادم
في بيت كرم في الصالون
عند احلام طلعت من غرفتها و وبعدت الستاره وبصت من الشباك لقت آدم قاعد ف العربيه قدام البيت
احلام دمعت وحشها اوي ونفسها تترمي ف حضنه
ومسحت دموعها وقعدت ع الكنبه وبدات ترسم تصاميم وهي سرحانه
حمزه طلع من غرفته وراح ل احلام واحلام مسحت دموعها وقلبت الورقه ال كانت بترسم فيها
حمزه باس راسها وقعد جنبها
حمزه/كنتي بتعيطي
احلام ابتسمت وهزت راسها ب لاء
احلام/انا كويسه ي حبيبي متقلقش
حمزه مسك ايدها/متكدبيش ي احلام..فكراني يعني مش حاسس بيكي بليل وانتي مموته نفسك من العياط
احلام دمعت وحمزه خدها ف حضنه
حمزه /متعمليش ف نفسك كدا ي حبيبتي علشان صحتك وصحه البيبي
احلام مسحت دموعها
احلام /حاضر
حمزه / مش ناويه تسامحي الراجل الغلبان دا بقي ...ع فكره هو قدام البيت بعربيته برا
احلام/لاء ي حمزه مش ناويه اسامحه
حمزه/والله مشفتش ف عيندك قبل كدا ف حياتي .دا ربنا يكون ف عونه
احلام خبطته ف كتفه/احترم نفسك بقي
حمزه ابتسم وباس ايدها
حمزه/وبعدين واضح انك مش ناويه تسامحيه ومش عيزاه
وقلب الورقه ال جمب احلام وكانت راسمه فيها ادم
احلام اخدت منه الورقه
حمزه اتنهد/ربنا يهديكم انتو الاتنين..انا داخل انام وانتي متطوليش ف السهر.تصبحي ع خير
احلام/وانت من اهل الخير
وحمزه قام وباس راسها ودخل اوضته
في فيلا فراس
فراس عمل العشا وبدأ هو و روان يحطو الاكل ع السفرا
فراس ابتسم/يلا اقعدي..هتدوقي اكل إنما اي
روان ابتسمت وقعدت/هو من شكله وريحته باين انه تحفه اصلا..انا مش قادره استوعب اتعلمت كل دا امتي
فراس قعد/بحكم اني قاعد لوحدي كان لازم اتعلم اعمل اكل ..يلا دوقي وقولي لي رايك
روان ابتسمت وبدأت تدوق
روان بابتسامه/تحفه
فراس ابتسم /عجبتك بجد
روان/اه والله حلوه اوي ..يارتني اعرف اضبخ زيك كدا
فراس/انا هعلمك متقلقيش
روان ابتسمت وبدأو ياكلو
روان بابتسامه/صحيح نسيت اقولك..احلام جت زارتني هنا النهارده
فراس ابتسم/بجد
روان/اه جت تطمن عليا ..يارب هي وآدم يتصالحو
فراس/هيتصالحو باذن الله متقلقيش ...انتي امتحاناتك امتي
روان /قربت ولازم انزل احضر بس انا مش هنزل
فراس/لي مش هتنزلي
روان/خايفه انزل ..كل ما هنزل هفتكر ال كان هيحصلي وافتكره ..ونا مش عايزه المحه او المح اي حاجه عنه
فراس مسك ايدها/لاء هتنزلي ..دي سنة التخرج بتاعتك ولازم تحضره علشان تتخرجي .. انزلي ومتخافيش واوعدك انك مش هتشوفيه تاني ف حياتك
روان/انت عملت فيه اي ي فراس
فراس سحب ايده من ايدها بغضب/لسه فارق معاكي
روان/لا والله العظيم ..زي ما قلت لك قبل كدا خايفه بس تأذيه بسببي
فراس بغيره وغضب/لاء متخافيش عليه من الاذيه اوي كدا
وقام من ع السفرا بغضب
روان /ي فراس اسمعني علشان خاطري
وفراس طلع اوضه مكتبه
وروان اتنهدت
في منتصف الليل
في القصر
مالك نزل من عربيته ودخل الجنينه وقعد ع كرسي ف جنينه القصر وخلع الجرافتا وحاسس بوجع ف قلبه وسرحان
وآدم وصل القصر ب عربيته ونزل منها وراح ل مالك وقعد جمبه
ادم/قاعد لوحدك كدا لي
مالك /قلت اشم شويه هوا
ادم ربط ع كتفه/مالك ..بقالك يومين مش عاجبني وحاسك مش مبسوط .بتمثل انك كويس بس انت مش كويس
مالك ابتسم/ومين مبسوط ف وسط الأحداث دي كلها..الحاجه الوحيده ال تفرح هي حمل مراتك. واني هبقي عم ..ربنا يقومهالك بالسلامة
ادم ابتسم وحضنه ومالك حضنه بقوه
وطلع من حضنه
مالك ابتسم/مبسوط طبعا انك هتبقي اب
ادم ابتسم/الدنيا مش سيعاني ..لما عرفت كنت اسعد حد ف الكون
مالك ابتسم/وانت تستاهل كل حاجه حلوه ف الدنيا .هتبقي احسن اب ف الدنيا انا متأكد
ادم ابتسم
مالك/احلام برضو مش موافقه ترجع البيت
ادم/عنيده ..حاولت ارجعها اكتر من مره بس عيندها هيجنني وبحاول اسيطر ع اعصابي
مالك/يعني حاولت ترجعها ازاي؟ قلت لها سامحيني؟ قلت لها مقدرش اعيش من غيرك أرجعيلي
ادم هز راسه ي لاء /قلت لها ترجع وتنسي موضوع الطلاق علشان ابني ال هي حامل فيه
مالك ابتسم وهز راسه بمعني مفيش فايده
مالك/يعني حسستها انك عايز ترجعها علشان ابنك مش علشانها هي ..مع ان انا وانت عارفين انك واخد حملها حجه علشان ترجعها ..لانك مش هتقدر تعيش من غيرها او تطلقها
ادم اتنهد/ايوا مكنتش ناوي اطلقها ولا حتي فكرت ف الموضوع. انا مقدرش اعيش من غيرها
مالك ابتسم
في فيلا فراس
فراس قاعد ف الصالون بيتشغل وقدامه الاب توب
روان نزلت من غرفتها بعد ما غيرت هدومها ل بيجامه نوم وراحت له
روان/احم..انت بتشتغل
فراس /
روان/طب رد عليا يعني ع الاقل
فراس بصلها/عايزه اي ي روان
روان/ممكن تسمعني علشان خاطري. انا والله ما قصدت اي حاجه من ال فهمتها دي
فراس /اطلعي نامي
روان/لاء مش هنام وانت زعلان مني كدا وبعدين كل حاجه ع الاقل انت مكلتش حاجه وقمت من ع الاكل ع طول
فراس ركز ف الاب ال قدامه / انا ورايا شغل كتير ومش عايز اتكلم ف اي مواضيع ف بعد اذنك اطلعي نامي
روان اتنهدت وهي طالعه حطت ايدها ع قورتها بوجع وفراس بص عليها وهي بتتوجع
وروان طلعت غرفتها
في بيت جنات
ف غرفتها
ضامه ركبتها ل صدرها وهي لسه لابسه الدريس ال جابه مالك وبتعيط
وبصت ع الخاتم ال ف اللعبه
جنات بدموع/جنات الغبيه ..كسرتي قلب اكتر حد حبتيه واكتر حد كان حنين عليكي بعد بباكي ..واكتر حد حبك ف الدنيا دي
في فيلا فراس
فراس دخل غرفته و ف ايده مرهم
و روان كانت نايمه ع السرير بعمق
فراس ابتسم وقرب منها وقعد ع طرف السرير جمبها واتأمل لها وهي نايمه .مش قادر يصدق لحد دلوقتي ان حب عمره بقت مراته و ف بيته و ع سريره كمان
وشال شعرها من ع وشها وبدأ يدهن لها من المرهم ع قورتها براحه
وغطاها كويس وطلع برا الغرفه
في اليوم التالي صباحا
فراس ف الصالون مسك جاكيته ومفاتيح العربيه وكان هيروح الشغل
روان نزلت من غرفتها بسرعه
روان/فراس
فراس وقف
وروان راحت له
روان/انت هتروح الشغل من غير ما تفطر
فراس من غير ما يبصلها/مش جعان
وكان هيمشي روان مسكت ايده
روان/فراس اسمعني علشان خاطري .انت والله فهمت غلط امبارح..هو عمره ما كان فارق معايا ..انا اسفه اوعدك اني مش هجيب سيرته تاني ف حياتي انا اصلاه مبطقش اسمع سيرته..وهبدأ اروح الجامعه من بكره زي ما قلت لي.بس متزعلش مني علشان خاطري
ودمعت
فراس/طب بتعيطي لي دلوقتي
روان بدموع/بعد كل ال عملته معايا و بزعلك مني برضو بغبائي
فراس قرب منها ومسح لها دموعها
فراس/متعيطيش ..دموعك دي غاليه اوي
روان/زعلان مني؟
فراس وهو باصص ف عيونها/لاء مش زعلان
روان بابتسامه حضنته وفراس ابتسم ومش مصدق نفسه ..وحضنها بقوه
روان بخجل طلعت من حضنه
روان/بس.. تقدر تروح شغلك
فراس ابتسم/عايزه حاجه
روان ابتسمت/عايزه سلامتك
فراس/قورتك لسه بتوجعك
روان حطت ايدها ع قورتها/لا خالص صحيت من النوم لقيتها مبتوجعنيش
فراس ابتسم/طب الحمد لله ..همشي انا بقي
روان هزت راسها بموافقه بابتسامه
وفراس فتح الباب وطلع من البيت وروان ابتسمت
عصرا
في الشركه ال احلام بتشتغل فيها
قاعده ف مكتبها بترسم تصاميم وسرحانه
المدير محمود راح لها واحلام انتبهت وقامت
محمود/عامله اي ي احلام
احلام/انا الحمد لله بخير
محمود/كنت طالب منك تصاميم ل فساتين و اخر عملاء جم وطلبوه .خلصتيه ؟
احلام/لاء الحقيقه لسه بخلص فيه
محمود/ازاي بس ي احلام انا طالبه منك بقالي فتره ولازم يبقي ع مكتبي بكره بالكتير .من امتي وانتي بتاخري شغلك مشاء الله كنتي اول واحده بتخلصيه
احلام/انا اسفه جدا فعلا حصلي بس كام مشكله خلوني أأخر شغلي بس اوعدك التصاميم هتبقي عندك بكره زي ما حضرتك عايز
محمود/تمام ي احلام .ب التوفيق
احلام/شكرا
عند رهف واقف سمعاهم من بعيد وجمبها موظف
رهف مربعه ايدها بغيظ/مش فاهمه بيتعامل معاها براحه كدا لي وهي مأخره شغلها..المفروض كان يديها بهدله علشان تركز ف شغلها اكتر من كدا ولا هي علشان مرات ادم الحديدي هتشيلها فوق راسنا
الموظف/بصراحه حقها ..دي مرات ادم الحديدي انتي فاهمه يعني اي ..بعدين الحق يتقال هي شاطره وشغلها حلو اوي حتي استاذ محمود بينبسط منه..خفي انتي بس حقد
رهف بغضب سابته ومشيت
في شركه مالك
عند جنات ف مكتبها بتلم حاجتها ف صندوق قبل ما تسيب الشغل
وموظفه راحت لها /هتمشي خلاص
جنات ابتسمت /اه ي رنا
رنا/طب مش هتفهميني اي بس ال حصل
مالك خرج من مكتبه وجنات بصت له زي ما يكون بتملي عينها منه قبل ما تمشي للأبد
مالك اول ما شاف جنات حاول يسيطر ع نفسه وعلي مشاعره وتجاهلها
مالك ل رنا بغضب/هو انا مش طلبت منك ملف الصفقه الجديده؟الملف فين
رنا بتوتر/حالا ي مالك بيه والملف يكون عندك
ومشيت بسرعه و مالك دخل مكتبه ورزع الباب بغضب وجنات دمعت
ع المغرب
في بيت فراس
روان دخلت المضبخ وعايزه تتعلم تعمل اكل بس مش عارفه
وحطت ايدها ف وسطها
روان/اعمل اي اتعلم ازاي .
الجرز رن
وروان راحت تفتح وبصت من العين السحريه وكان طارق و مالك
روان فتحت الباب بفرحه
روان بابتسامه/بابا..مالك
وحضنت طارق بفرحه
روان /وحشتني اوي اوي
طارق بابتسامه/وانتي كمان ي نور عيني وحشتيني اوي
وطلعت من حضنه وحضنت مالك بابتسامه
مالك ابتسم و باس راسها/انتي مش متخيله وحشتنيا قد اي والبيت وحش اوي من غيرك
روان بابتسامه/انت كمان وحشتني اويي اوي
وطلعت من حضنه
روان بابتسامه/تعالو ادخلو
ودخلو البيت
وقعدو ف الصالون
طارق/هو فراس مش هنا
روان/لاء لسه مرجعش من الشغل
طارق /ربنا يعينه يارب
روان بحزن/ .. هو أدم مجاش معاكم لي ؟هو مش ناوي يسامحني
مالك خدها ف حضنه/هيسامحك يبت والله ..انتي متعرفيش هو بيحبك قد اي ولا اي؟
روان دمعت/بس انا قلت له كلام وحش اوي ف اخر مره شفته فيها ..هو اكيد عمره ما هيسامحني
طارق/لا ي حبيبتي متقوليش كدا اخوكي عمره ما يزعل منك دا انتي نور عينه ..انا متأكد انه هيجي ويقولك انه مسامحك
روان/يارب
في بيت كرم مساءا
عند احلام ف غرفتها سهرانه وبترسم التصاميم ال محتاجينها ف الشغل وبتشرب حاجه دافيه
كرم خبط ودخل الغرفه
كرم/اخدتي دواكي ي حبيبتي
احلام ابتسمت/اه ي بابا
كرم قعد جمبها ع السرير
كرم/متهلكيش نفسك ف الشغل اوي كدا علشان صحتك وصحه البيبي .كل دا غلط علشانك .انتي من وقت ما رجعتي من الشغل وانتي قاعده بترسمي
احلام/في تصاميم لازم اسلمها بكره وقربت اخلصها خلاص
كرم/متتعبيش نفسك برضو علشان خاطري .
احلام ابتسمت/حاضر متقلقش عليا انا واخده بالي من صحتي وصحه البيبي. واصلا طول الوقت ف الشغل ببقي قاعده ع مكتبي يعني مفيش مجهود ولا حاجه
كرم ابتسم/ماشي .هسيبك تكملي شغلك وهقعد برا هقرأ شويه وادخل انام
احلام/ماشي ي حبيبي تصبح ع خير
كرم /وانتي من اهل الخير
وباس راسها وطلع من الغرفه
بعد ساعه
عند آدم وصل بعربيته قدام بيت كرم
وفضل باصص ع غرفه احلام وهو ف العربيه
ونزل من العربيه وراح خبط ع الباب
كرم فتح
كرم بابتسامه/ادم اهلا وسهلا
ادم/انا بعتذر لو جيت ف وقت متأخر بس عايز اشوف احلام
كرم ابتسم/دا بيتك تيجي ف اي وقت..اتفضل ادخل
ادم دخل
كرم/احلام احتمال كبير تكون نامت بسبب ادويه الحمل بتخليها تنام غصب عنها ..وكمان كانت بتشتغل طول اليوم ...بس انت ادخل برضو بص عليها
ادم/هي اخبار صحتها اي .والدكتوره قالت اي.
كرم ابتسم/متقلقش هي كويسه الحمد لله والبيبي صحته زي الفل مشاء الله..و انا و حمزه رحنا كشفنا عليها تاني نطمن والدكتوره قالت ان الحمل ماشي كويس. هي بس لازم تبعد عن ال ضغط والتوتر.
ادم/تمام عن اذنك هدخل لها
كرم/اتفضل ي حبيبي
وآدم دخل غرفه احلام
لقاها نايمه ع السرير وجمبها ورق وتصاميم وألوان و ع الكومودينو الادويه ال بتاخدها
ادم ابتسم وقرب منها وغطاها كويس وقعد جمبها ع السرير ورجع خصله من شعرها ورا ودنها
ادم/انا مقدرش اعيش من غيرك...انا من غيرك ولا حاجه ي احلام..انتي حياتي كلها
وقرب منها وشم ريحتها وباس راسها وباس خدها وشفايفها
وباس كل حته ف وشها ..قد اي هي وحشاه ونفسه يخبيها ف حضنه ع طول وميطلعهاش ابدا
واحلام كانت نايمه بعمق
وادم طلع من جيبه خاتم الجواز ال خلعته ولبسهولها
وساب ع الطربيزه كريدت كارد بتاعتها ال سابتها ف القصر
ورجع خصله من شعرها ورا ودنها وباس راسها
وطلع برا الغرفه
في اليوم التالي
احلام صحيت من النوم وحست ان ادم كان قريب منها اوي بس قالت أكيد كانت بتحلم بيه كالعاده
وابتسمت لانها كانت حاسه بلمساته اكنه حقيقي مش حلم
واتنهدت وقعدت ع السرير وعملت شعرها كعكه عشوائيه
وبصت ع ايدها لقت خاتم الجواز ف ايدها
احلام بصدمه/اي دا؟هو انا مش خلعتك ف القصر
وبصت جمبها ع الكومودينو لقت الكريدت كارد بتاعتها ال سابتها ف القصر
احلام قامت من ع السرير وطلعت الصالون لقت ليليان بتجهز للمدرسه وكرم بيلبسها الشنطه
ليليان بابتسامه/صباح الخير ي احلام
احلام بابتسامه باست خدها/صباح النور ي روح قلبي
كرم ابتسم/صباح الخير ي حبيبتي
احلام ابتسمت/صباح النور ي بابا
احلام/احم. هو أدم جه هنا امبارح؟
كرم/اه كان جاي يطمن عليكي بس لاقيكي نايمه مشي تاني
احلام /اوك عن اذنكم هغير هدومي علشان اروح الشغل ..واستنيني ي ليليان انا هوصلك
ليليان بفرحه/هتوصليني المدرسه بجد
احلام ابتسمت/ايوا
كرم/مش عايزين نتعبك ي حبيبتي انا ممكن اوصلها تاني
احلام ابتسمت/مفيش تعب ولا حاجه كدا كدا هنروح بتاكسي وليليان وحشتني عايزه اقضي معاها وقت شويه
كرم ابتسم/ماشي
احلام دخلت الغرفه
وقفلت الباب ومسكت موبايلها ترن ع ادم
ادم رد
احلام/ممكن افهم اي الخاتم ال ف ايدي دا
ادم/الخاتم رجع ل مكانه الطبيعي
احلام/لاء مرجعش ل مكانه الطبيعي علشان كدا كدا احنا هنتطلق وهبدأ اخد معاد مع محامي ..دا غير اني مش محتاجه الكريدت كارد دي انا بشتغل و هقدر اصرف ع نفسي و ع ابني لوحدي
ادم بحده /شكلك ناسيه ان دا كمان ابني ومش ابنك لوحدك ..وهفضل اصرف عليه ل اخر يوم ف عمري ..دا غير كدا انتي هتشيلي فكره الطلاق دي من دماغك تماما
احلام بغضب قفلت المكالمه
وبعد نص ساعه
احلام طلعت من البيت بعد ما غيرت هدومها ل بنطلون كلاسيك اسود وتوب ابيض و بليزر لفاندر و لامه شعرها ديل حصان و لابسه هيلز سودا
و ماسكه ايد ليليان وطلعو من الجنينه
وآدم كان واقف بعربيته قدام البيت وراكب العربيه
احلام تجاهلته وكانت هتمشي
ليليان بابتسامه/اونكل ادم
وراحت له و ادم خرج من العربيه واحلام اتنهدت وراحت ورا ليليان
ادم نزل ل مستواها وسلم ع ليليان بابتسامه
ادم/عامله اي
ليليان بابتسامه/انا الحمد لله كويسه انت عامل اي
ادم ابتسم/الحمد لله بخير
وطلع من جيبه شوكلاته
ادم/خدي كنت جايبلك دي
ليليان اخدتها بابتسامه/شكرا
احلام /يلا ي ليليان علشان هنتاخر
ليليان بابتسامه /احلام هتوصلني المدرسه وبعدين هتروح الشغل بتاعها
ادم قام/تعالو انا هوصلكم
احلام من غير ما تبصله/لا شكرا هنوقف تاكسي
ادم/احلام كفايه عيند و يلا
ليليان /احلام انا عايزه اونكل ادم هو ال يوصلنا لو سمحتي
احلام اتنهدت
وآدم فتح الباب ل ليليان
ادم ابتسم/اركبي يلا
ليليان ابتسمت وركبت
وادم حط لها حزام الامان
و قفل الباب
وفتح الباب للكرسي ال جمبه ل احلام
واحلام اتنهدت وركبت
وآدم ابتسم ولف ركب جمبها
وساق و بعد شويه وصل قدام مدرسه ليليان
و ادم واحلام وصلوها لحد الميس بتاعتها ما اخدتها علشان تدخلها الفصل
ليليان بتشاور ل احلام وآدم بابتسامه/باي
احلام ابتسمت/باي ي حبيبتي
ومشيت هي والمدرسه
ادم/تعالي يلا هوصلك الشركه
احلام/لا شكرا انا هوقف تاكسي
وكانت هتمشي ادم مسكها من دراعها وقفها
ادم/احلام انا قلت هوصلك .اركبي العربيه يلا
احلام بصتله/ونا قلت لك مش هركب معاك وهاخد تاكسي...واه صحيح اتفضل الخاتم انا مبقتش محتجاه خلاص
وكانت هتخلعه
ادم مسك ايدها ومنعها تخلع الخاتم
ادم /مفيش الكلام ده الخاتم مش هيتخلع من ايدك
احلام بغضب/انت بتتحكم فيا ب صفتك اي انا مش فاهمه .انا اعمل ال انا عيزاه
وكانت هتمشي
ادم مسك دراعها وقرب منها وبص ف عينها
ادم/ بصي انا بحاول اتحكم ف اعصابي ومتفهم انك حامل وبحاول استحمل هرومناتك ف متختبريش صبري اكتر من كدا ..واه بتحكم فيكي بصفتي جوزك وهتسمعي الكلام غضب عنك والخاتم مش هيتخلع وهتركبي العربيه وحالا ..والا هشيلك اركبك انا غصب عنك
احلام بغضب فلتت دراعها من ايده
وركبت العربيه
وآدم اتنهد وبيحاول يهدي وركب العربيه وانطلق
في العربيه ادم سايق واحلام جمبه
ادم تليفونه رن وكان فراس
ادم رد/الو ....تمام نص ساعه وجي
وقفل المكالمه
احلام/انت لي جوزت فراس و روان غصب عنهم
ادم وهو مركز ف السواقه
فراس/علشان فراس بيحب روان و اكتر حد هيحافظ عليها وهيشيلها ف عينه..الوحيد ال اقدر أأمنه ع اختي ونا مطمن
احلام بصتله/وانت عرفت منين انه بيحبها
ادم/فراس اخويا و صاحب عمري وايدي اليمين ..غلاوته من غلاوة مالك..واقدر أفهمه كويس من غير ما يتكلم.
احلام ابتسمت
احلام/وانت رحت اطمنت ع روان وقلت لها انك مسامحها؟
ادم/
احلام/طبعا...هو ادم بيه هيروح يعتذر من حد برضو؟هو بيدي أوامر وبس...اختك سابت البيت بقالها فتره ومش هاين عليك تروح تزورها تطمن عليها
ادم/اعملي حسابك معاد الدكتور الجاي هنروحه سوا
احلام /متتعبش نفسك انا هروح لوحدي
ادم بصلها ف عينها/احلام انا مش مضطر كل شويه افكرك ان دا ابني زي ما هو ابنك و انتم الاتنين مسؤولين مني ل اخر نفس ليا..انا بس مش عايز اضغط عليكي علشان انتي حامل
احلام بصتله ف عينه
احلام ف سرها/وحشتني اوي ..ماسكه نفسي بالعافيه علشان مقومش ابوسك واحضنك...اي ال انتي بتقوليه دا .احلام ارجعي ل وعيك
وآدم وصل قدام الشركه
احلام/احم .. انت من حقك تسأل ع إبنك وتهتم ب إبنك وبس .أما احنا كدا كدا هنتطلق وملكش حكم عليا ف اي حاجه ...وهكلم محامي النهارده وهنتقابل وياريت تبقي تيجي علشان نبدأ ف اجراءات الطلاق
وخلعت حزام الامان ونزلت من العربيه و ادم اتنهد
في شركه مالك
دخل الشركه وطلع ب الاسانسير و رايح بتجاه مكتبه وبص ع مكتب جنات ال ف الطرقه وهو فاضي
ودخل مكتبه بغضب ورزع الباب
ع المغرب في منزل فراس
فراس رجع من الشغل وفتح الباب بمفتاحه
روان استقبلته بابتسامه /حمد لله ع السلامه
فراس ابتسم/الله يسلمك
ودخل وقفل الباب
فراس/عامله اي
روان ابتسمت/الحمد لله بخير ..انا قررت هروح الجامعه من بكره ان شاءالله
فراس ابتسم/طب كويس..انا هوصلك كل يوم وارجعك بعد ما تخلصي ان شاءالله
روان/ما كدا انا هعطلك عن شغلك ..انا ممكن اروح لوحدي عادي
فراس/مفيش الكلام دا انا هوصلك ..وبعدين الشغل مش اهم منك
روان ابتسمت
فراس بتوتر/احم اقصد يعني انتي امانه عندي ولازم أحافظ عليكي
روان ابتسمت/ايوا ايوا
والجرز رن
روان/انت مستني حد
فراس/لا ابدا
وراح يفتح الباب وكان ادم
فراس ابتسم/ادم
روان بابتسامه وبفرحه/ادم
وراحت حضنته وآدم ابتسم وحضنها بقوه وباس راسها
روان بدموع/انا اسفه ي آدم سامحني علشان خاطري ..انا مش هعرف اكمل حياتي وانت زعلان مني كدا
ادم طلعها من حضنه ومسح لها دموعها
ادم/ متعيطيش ..انا مسامحك ومش زعلان منك
روان بابتسامه /بجد سامحتني
ادم /ايوا ..انا ال مش عايزك تزعلي مني ..انا اي حاجه بعملها بتبقي علشان مصلحتك ..انتي عارفه دا صح؟
روان بابتسامه/عارفه ..ومستحيل ازعل منك
ادم ابتسم وباس راسها وفراس ابتسم
فراس/ادخل تعالي نقعد
روان بابتسامه/ايوا تعالي نقعد
وراحو قعدو ف الصالون
ادم/انتو اخباركم اي
فراس ابتسم /احنا زي الفل .
بعد شويه قاعدين بيشربو قهوه ف الصالون
روان/انت اكيد انت واحلام مش ناويين تطلقو ي آدم صح
ادم/لاء عمري ما افكر اطلقها ..بس هي ال تعباني معاها وعنيده ومُصره عايزه تطلق
فراس/تستاهل بصراحه. خليها تعلمك الادب شويه
ادم بصله
فراس/الله مش بقول الحقيقه...مش انت ال وقفت قدامها زي لوح الخشب وقلت لها هنتطلق .
روان ابتسمت/اصلا كلنا عارفين ان احلام بتحبه ومستحيل تقدر تبعد عنه .
في بيت كرم
عند احلام في غرفتها
قاعده ع السرير بترسم تصاميم ومريم قاعده جمبها
مريم/حرام عليكي ي شيخه . تعبتي الراجل معاكي..بيحاول يرجعك وانتي العيند راكبك ومش موافقه
احلام وهي بترسم /انا مطلبتش منه يحاول يرجعني
مريم/بقولك اي متضحكيش ع نفسك والنبي ..انا وانتي عارفين انك بتموتي فيه ومش عايزه تطلقي منه .
احلام بصتلها/مفيش الكلام دا
مريم ابتسمت/لاء في الكلام دا بأماره الخاتم ال مخلعتوش من ايدك تاني. انتي بتحبيه وهو وحشك وكل يوم بتفكري فيه ومخرجش عن بالك لحظه ومبسوطه انك حامل علشان جواكي حته منه..صح ولا مش صح
احلام ابتسمت/مريم قومي ي مريم من وشي
مريم ضحكت وباست خدها/انا هروح اقعد مع خطيبي
احلام/روحي ي اختي
وطلعت برا الاوضه
واحلام بصت ع الخاتم ال ف ايدها وحطت ايدها ع بطنها وابتسمت