أتى موعد خروج نسمة من المستشفى سندتها أختها وأمها لخارج المستشفى محمود جاب توكتوك للبيت لفت أنتباهة شئ
ملابس نسمة الخفيفة ،والجو برد خلع الجاكت الجلد بتاعة وحطة على كتفها أنحرجت فهى أول مرة تستعمل حاجة رجالى وريحتة فيها لا تنكر شعرت بالدفا كانت بردانة ولم تقول ،،
واقفت أختها أمامها تقفل الجاكت وكتمة غيرتها، ،
نسمة مش قادرة تتكلم من تشخيص الدكتور التى أخفتة عن الجميع ،،،
وعند رجوعها للمنزل
أستقبالها والدها القعيد بالأحضان وأعتذر لها لم يستطيع زيارتها
الأب/ سامحينى شايفة حالى
نسمة/ قلبك معايا ،،كتر خير الاستاذ محمود ،،
شكرة الأب بشدة
جلست نسمة فى سريرها نصف جلسة وقالت ماما
الأم/ أيوة
نسمة/ فى علبة صفيح بتاعة حلاوة فيها فلوس طلعى منها خمس تلاف جنية وأديهم لجوز أختى وقوليلة شكرا
الأم/ مش هياخد
نسمة/ محدش يتعبني مش قادرة أتكلم بأى وضع ياخد الفلوس
الأم/ إي رأيك أختك تاخد الفلوس وتدهالة علشان الإحراج
نسمة بتعب/ ماشى إللى تعملية
بالله عليكى يا أمى مدخديش منه فلوس دة شاب على باب الله والدنيا غالية وهو مديون علشان منظر أختى قدامة ميقولش صرفت على أهلك فى يوم ويعايرها
الأم/ الظروف بقا
نسمة/ كنتى جيتى وخدتى من الفلوس ما أنتى عارفة مكانها أحوش لمين
الأم أخذت المبلغ وضعتة فى صدرها ،، ندهت على هاجر وقالت:- أدى الفلوس دى لجوزك تمن صرفة على أختك دول خمس تلاف جنية
هاجر/ دة كتير هو مصرفش كل دة
الأم/ عارفة،،أختك طلبت كدة هى حرة بفلوسها
هاجر/ مش ياخدها
الأم/ علشان كدة بدهالك أوعى تخديها لا أدهالة فى إيدة بأى طريقة وقولية شكرآ
هاجر مسكت الفلوس 😈 وأخفتها فى ملابسها
بقلم نجلاءفتحى عاشقةالكلمات
_________
مر ٣ أسابيع ونسمة تحسنت وبكدة غابت عن شغلها شهر كامل
__________
الأم/ خليكى مريحة
نسمة/ غايبة شهر ،،البيت يمشى أزاى،، دة أنا إللى بصرف على البيت يا ماما لولا الفلوس إللى محوشاها هى إللى نفعت
الأم/ الحمل عليكى كتير
نسمة/ مش حمل ربنا كرمني الحمد لله ،،، ثم حضنتها وذهبت للمصنع التى تعمل فية إدارية والجميع أستقبلها أستقبال الفاتحين فهى تتميز بطيبة القلب واللسان الحلو رغم فى عملها شديدة
_____________
أستاذة نسمة أستاذة نسمة
نسمة/ نعم يا عم لطفى
عم لطفى/ مستر وليد عايزك
نسمة/ أنا أستر يارب أكيد على الشهر إللى غبتة من غير أذن
___________
[فى مكتب وليد صاحب المصنع]
وليد/ ألف سلامة عليكى وحمداللة على سلامتك نورتى مكانك
نسمة/ تسلم يا مستر، أعتذر على غيابى
وليد/ أنتى من الناس إللى بتحب شغلها ، وغيابك فرق ، كان عندك إيه!!!!
نسمة بتوتر/ أنيميا ونقلت دم
وليد/ أمممم على العموم الشهر إللى غبتية مش محسوب غياب وتقبضى الشهر كامل
نسمة بصدمة/ مستحيل مقدرش أقبل قرش مشتغلتش بية
وليد/ مسامح
نسمة/ مسامح!!!!!!!!
وليد/ أقصد أنا صاحب المصنع ومن حقى أحدد المرتب وليا سلطة
نسمة/ وأنا مقبلش
وليد/ بلاش دماغك يا نسمة
نسمة / بلاش تحرجنى الشهر دة مشتغلتش فية يبقا مستحقش راتبى عن أذن حضرتك
وليد / بنت غريبة وعنيده، بس جدعة عجبتني
___________
واقفة نسمة فى فناء المصنع وهى تحتضن دفتر كبير ومعها قلم وتباشر عملها هنا وهناك تطلع السلم وتنزل وتدخل المكاتب فعملها شاق ونادرآ ما تجلس فى المكتب ٠
_________
وليد يتابعها من شباك مكتبة كأنها مش مريضة تعمل بكل نشاط ،،٤ ساعات واقفة على رجليها ثم دخلت المكتب التى تتشارك فية مع بعض الزملاء جلست على مكتبها وخلعت الشال الصوف وعلقتة على حرف الشباك ينشف من سقوط المطر وجلست على المكتب تجهز لنفسها مشروب دافى يدفيها وفى نفس الوقت تحاول تاكل علشان علاجها فهى بتاخد ورديتين لكى تصرف على نفسها والبيت ،،،،،، أخرجت سندوتش جنبة وبعض من أوراق الخس وتناولتة بشهية ضعيفة، ،وفى نفس الوقت تختم الأوراق
________
أتت صديقة لها وسلمت عليها وقالت باركيلي
نسمة/ مبروك على إيه
الصديقة/ أتجوز
نسمة/ مبروك
الصديقة/ مش تسألى مين العريس
نسمة / ميهمنيش أعرف
الصديقة بضيق/ أشرف
نسمة بأنتباة/ أشرف مين ،قصدك رئيس عمال النظافة هنا
الصديقة / أيوة
نسمة بعدم تصديق/ دة أنتى معاكى معهد سنتين وهو جاهل ، أنتى أدارية وهو رئيس عمال نظافة مرتبك أضعاف مرتبة ، أنت بنت وهو كان متجوز ومطلق وعندة عيل أنتى صغيرة وهو كبييييييير عليكى
الصديقة بحزن/ هو أنا لاقيت غيرة وقولت لا بصراحة كدة عايزة راجل والسلام
نسمة بسخرية/ لية مش قادرة تحمى نفسك هو يحميكى مثلا
الصديقة قربت كرسيها من نسمة / أفهمى عديت ال٣٠ سنة وأخواتى كلهم أتجوزا ومرات أبويا مطلعة عينى وبتعايرنى وو
نسمة/ قولى السبب الأصلى
الصديقة/ محتاجة راجل أفهمى بقا بدل م أضعف فى الحرام جسمى محتاج كدة فهمتي
شهقت نسمة/ حصل حاجة بينكم
الصديقة بصدق/ لو حصل تفتكرى يتجوزنى لا طبعآ عايزة أكون أسرة وأخلف حتة عيل وأدلع ، راجل كبير شاب المهم أكون فى رقبة راجل وخلاص
نسمة / مش عارفة أقولك إيه
بس أشرف سلوكة وحش ولية سابقات مع البنات هنا
الصديقة بحزن/ عارفة وموافقة
نسمة/ دة إختيارك متجيش تندمى
الصديقة/ مش ندمانة دة هياخدنى بشنطة هدومى مش يكلفنى حاجة
نسمة/ الفرح والشبكة والحنة وحقك وفرحتك
الصديقة بحزن/ كتب كتاب بس
نسمة/ وقابلتى😲😲
الصديقة/ قولتلك الجواز يحمينى من شيطانى
نسمة/ أنتى غالية والشيطان دة اغلبية فى يوم تندمى بعد متشبعى أنتى فاهمة قصدى ساعتها تبكى بدل الدموع دم متزعليش منى أنا صريحة على العموم ربنا يسعدك ويهدى سى أشرف بتاعك
الصديقة/ يارب
__________
رجعت نسمة للبيت وهى تحمل أكياس الفاكهة ليها ولأختها كما متعودة واتصلت تجى تأخذها
___
فى الليل لم يأتى لها نوم الألم مازال قائم
أخذت مسكن بجهل منها وسندت رأسها على شباك السرير وتذكرت كلام طيب النسا حين كانت محجوزة فى المستشفى
【【فلاش باااااااك 】】
الطبيب/ متجوزة ،، مرتبطة
نسمة/ أنسة
الطبيب/ يؤسفني أقولك الرحم مش تمام وعلية دهون ولازم تتحلل نعرف دى دهون أو حاجة تانية
نسمة بصدمة/ لو اتجوزت يؤثر على الخلفة
الطبيب/ لو متجوزة دلوقتى مفيش خلفة صعب ،،،
نسمة / يخف بالعلاج
الطبيب/ العلاج مؤقت لازم عملية نعرف إي إللى على الرحم دة وبعديها فيها كلام تانى
نسمة/ العمليه تعمل كام
الطبيب/ لو برا[[ ٢٠ ألف جنية]] أخر سعر وصلى وكل مكان وسعرة ،، ولو هنا تستنى دورك كام شهر
نسمة/ بالله عليك بلاش أمى وأختى يعرفوا انا بشتغل و بصرف على البيت
الطبيب/ صحتك أهم لازم راحة المجهود يتعبك وتنزفى
نسمة/ أحنا ناس غلابة ناكل منين لو ريحت يا بية،،، فى خطر جامد
الطبيب/ الدم ينزل عليكى ومش يقف غير لما تاخدى علاج ،والألم يكون صعب وبرضو ممكن يكون عندك ورم ويطور وقتها نشيل الرحم كلة ،،،اظاهر الموضوع دة عندك من زمان
نسمة/ أيوة و معرفش إللى حضرتك قولت علية،،، كشفت مرة وانا صغيرة بتاع ١٥ او ١٦ سنة وقالى لخبطة هرمونات محدش قالى ورم خالص ومتبعتش بعدها
الطبيب/ أسف حالتك متأخرة لو كنتى تابعتى من زمان كان أفضل ،، كل يوم تأخير الكتلة إللى على الرحم ضغطة علية بتزيد اتصرفى على الأقل فى تمن تحليل الأورام والأفضل روحى مستشفى الأورام يفدوكى أكتر جايز ورم حميم ام دهون وتتشال بالليزر
ثم تركها
【【عودة للحاضر 】】
مسحت نسمة دموعها وحمدت ربنا وقالت:' يارب التحليل إللى عملتة النهاردة مفهوش ورم كيانى كأنثى يارب. ثم تسطحت على جنبها تحاول تنام
________
بعد مرور أسبوعين ظهرت نتيجة التحليل يوجد ورم صدمتها كبيرة لم تعلم كيف وصلت للمنزل التى عندما وصولها له أخفت التحليل فهى على عاتقها حمل مصاريف البيت وعلاج أبوها القعيد.
غير فى الخفاء تساعد أختها ماديآ لذلك تعمل وردتين فى النهار ١٢ ساعة راتبها لم يتحمل مصاريف مرضها ،،،، غيرت ملابسها وبدأت تجهز ليها وجبة العشاء التى تعتبر غدا
(تسخن الأكل التى أعدتة والدتها)
وجلست تتناولة على الأرض وأمامها والدتها تجلس على الكنبة تشتكي من أفعال أختها التى سوف تخرب بيتها بأيدها ،،
نسمة بحزن لم تجد الراحة فى البيت ولا فى الشغل / أتصلى عليها تجى
الأب/ لا ،،،تاخدها حجة وتغضب من بيتها روحى ليها أنتى
نسمة/ بتصغرنى قدام جوزها وبيصعب عليا مش عارفة بتعمل لية كدة دة كانت تموت وتتجوز
الأب/ محمود راجل ومش وحش كفاية ممدش إيدة عليها
نسمة بتنهيدة/ متستعجلش فى يوم يمدها ويتعود على كدة ومحدش يعترض
الأم بخوف/ يخوفى يطلقها بأبنها
نسمة/ الطلاق مكلف للى ذى محمود بعيدة
الأب/ إللى عايز يبيع ويريح دماغة يعمل المستحيل والمحاكم مليانة قواضى بالشكل دة
نسمة بخضة/ نهار أسود وأبنهم يضيع محدش طايل ظفر عيل لا لا ألبس وأروح أحل البلوة دى
الأم/ خليها الجمعة أجازتك ،،أنتى لسة جاية من الشغل يدوب تنامى
نسمة / الجمعة بعد ٤ أيام تكون البلوة حصلت دى أختى يا ماما خليكى مع بابا لو عايز حاجة أو دخل الحمام ، ثم أعتدلت فى وقفتها وذهبت للمطبخ وضعت صنية الطعام التى لم تأكل منها إلا القليل وذهبت لغرفتها جهزت للذهاب لأختها
_______________
وصلت نسمة للعمارة التى تقطن فيها أختها وترجلت على السلالم للدور التانى ورنت جرس الباب فتح لها محمود و رحب بيها فمنذو حجزها فى المستشفى لم تزور أختها ولا ترى محمود.
محمود / صحتك عاملة إيه دلوقتى
نسمة/ فى نعمة الحمد لله، ثم قالت بلجلجة:- وحشتوني جيت أشوفكم
محمود بأبتسامة/ بيتك يا نسمة تنورى
ألتقطت نسمة شنطة بلاستك ووضعتها على طاولة خاصة بالركنة وقالت :- معرفتش أتغدا
محمود/ دة وقت عشا
نسمة/ بالنسبة ليا غدا ريحة الكفتة جننتني قولت ناكل كلنا
محمود بأحراج/ مش شيفانى راجل ولا البيت مفهوش راجل
نسمة بتسرع/ فهمت غلط أنت لسة قايل البيت بيتى وقبل ميكون بيت أختى دة بيت أخويا أتصرف بعشم فية يلا نادى مراتك تاكل
محمود/ ناديها أنتى زعلانة منى
نسمة / هى فين
محمود/ فى أوضتها ،، نسمة والله العظيم بحب هاجر
نسمة بأبتسامة/ عارفة خليك صبور وبلاش أى تهور بينكم طفل
أغلق محمود الأكل فهاجر رفضت تجهز الأكل عقاب لة وهو على لقمة الفطار التى تناولها فى الشغل الصبح
____________
فتحت نسمة باب غرفة نوم أختها وقفلتة وواقفت تنظر لها بغيظ حين وجدتها ٠٠٠٠٠٠