طول الأسبوع نسمة محجوزة فى المستشفى وطلبت أختها تشوفها التى كانت تتحجج لعدم زيارتها، ومحمود ينهى عملة سريعآ ثم يذهب لنسمة فى المستشفى فى ميعاد الزيارة ،،
_______
لأسف الدكتور المعالج لنسمة والذى حدد ليها دخول العملية ومتعاطف معها. توفاه الله وبالتالي رجع دور نسمة لأخر الدور دورها الطبيعى وتجرى العملية بعد شهرين أو أكثر قضيت من المدة أسبوعين زهقت وملت فكانت تسمع أمها تشتكى للتمريض أن زوجها قعيد ولم تسطتيع الاعتناء بيه ،،ومفيش فلوس فى البيت
الأم/ تخرجى والعملية
نسمة / أخرج دلوقتى قولت للدكتور الصبح وشديت معاة بالكلام وقالى براحتك على مسؤليتك
الأم/ الدم يا نسمة مصدقناة وقف
نسمة/ دة قرار لازم ارجع شغلى
وبعد جدال انتصرت نسمة ورجعت بيتها قضت ساعات وأختها هاجر متجهلاها كأنها مش موجودة ،،
_____
فى الصباح نزلت شغلها بدرى قبل منع أمها ليها ،،،
طلبها صاحب المصنع
وليد/ أسبوعين غايبة لية
نسمة/ تعبانة وكنت محجوزة فى المستشفى
وليد/ دة مصنع خاص مش حكومى يا أستاذة حقى أطردك دلوقتى
نسمة بكبرياء/ حقك
وليد/ رايحة فين
نسمة/ البيت مدام مطرودة
وليد/ قولت حقى مقلتش برا ومطرودة أخر مرة تغيبى بدون أذن مش مصنع أبوكى تنقطعى وتجى بمزاجك يا هانم المرة الجاية غبتى ملكيش مكان عندى
نسمة/ غصب عنى
وليد/ أنتى كويسة وشك تعبان
نسمة تدارى تعبها/ بخير الحمد لله
وليد/ عندك إيه بالضبط وبلاش كذب مش طبيعى غيابك دة
نسمة/بنزف
وليد/ منين
نسمة بأحراج سكتت فهم هو وقال:- سببه إيه
نسمة / سلطان فى الرحم
وليد /أسف ملكيش مكان عندى دة مصنع حلويات وأهم حاجة النظافة أفرد نزفتى فى مكان تجهيز الحلويات تلوثى المكان رغم أنك مجتهدة اعتذر شوفى مكان تانى تشتغلي فية وياريت تطلعي من مكتبى على بيتك وجودك يخرب بيتى
_________
(فى بيت نسمة )
الأم/ اختك فين
هاجر/ معرفش
الأم/ مش بترد على تليفونها
هاجر بملل/ جايز نزلت شغلها يابختها بتجيب فلوس مش محتاجة حاجة من حد
الأم/ أعوذ بالله من عينك دة هى إللى بتصرف على البيت ربنا يقويها
هاجر بعصبية/ بتحبيها أكتر منى ، شيفاها بطلة وأنا مدلعة وتافهة
الأم/ أما ناقصة رباية، بدل متشكرى أختك أنها جهزتك وبتصلح بينك وبين جوزك تعملى كدة يا مفترية رفضتى تزوريها فى المستشفى ولا تكلميها فى التليفون وأمبارح مكلفتيش خاطرك تطمنى عليها جايبة القسوة دى منين كفاية ضحت بشبابها ورفضت الجواز علشانا
هاجر/ وبيتى إللى اتخرب وأبنى أتاخد منى نسمة سبب طلاقى نسمة دمرتني شاكة فى علاقة بينها وبين جوزى
الأم/ علاقة إيه
هاجر بغضب/ عشق، ،دايما يكلمها بلطف بيسمع كلامها ويحترمها أكيد بيهم حاجة وأكيد حصل تجاوز
صفعتها الأم على وشها وضربتها بالشبشب مما جعلت هاجر تكرة أختها بشدة ،،فى نفس الوقت رجعت نسمة للبيت وشدت أختها من إيد أمها وقالت:- ضربتيها لية
الأم بهروب/ قليلة الأدب
زقت هاجر نسمة بقوة/ أبعدى عنى خربتى بيتى وأرتحتى محمود طلقتنى من أخر مرة دخلتى بيتى وأخد أبنى منى أنتى شيطانة طبعا علشان يخلالك الجو مع أبو ابنى وجوزى بعينك تطولى محمود عملتى إيه لية علشان يحبك غوتيه بأيه،،عايزة تضربينى أضربى تدارى على فضيحتك يا أختى يا كبيرة يا مفضوحة، أكيد قدمتى نفسك لية ،،،سكتت نسمة ولم ترد فهمت تجاهلها ليها سببة دة لا تنكر حزنها عما حدث لأختها ،لم تنطق وخرجت من البيت تمشى فى الشارع وجواها حزن الدنيا متجاهلة ندائها عليها ،،
،سارت فى الشوارع حتى أستقرت على نهر النيل جلست على الرصيف وأطلقت دموعها وشيطانها يصور تنهى حياتها وتلقى نفسها فى النيل لم تتوقع فى يوم أختها تشك فيها وتتهمها هذا الاتهام الشنيع لحظة يأس تملكتها ،،،،،ترجلت لسور الكبرى وهى تبكى وقالت سامحنى يارب تعبت من الألم ،،تعبت من الأهانة، مرضى صعب أجيب فلوس ليه منين ، اصرف على بيتى منين محدش يشغلنى بظروفى ،تمسكت فى السور وحاولت تقفز ونجحت لم ينقذها أحد الدنيا ليل ،،،
الأم والأب ألقوا غياب نسمة على عاتق هاجر التى تركت المنزل لأول مرة وذهبت لواحدة صحبتها وهى تلعن أهلها
(فى الصباح )
لم يجد أحد البنتين أتصلت الأم على محمود وحكت إللى حصل الأن هاجر تخصة فهو رجعها فى نفس يوم طلقها وبدأ يبحث عنها ،،ونسمة لم يتوصل ليها أحد
________
[تسريع لأحداث ]
عثر محمود على زوجتة فى بيت صديقة لها بعد يومين غياب عنفها ولأنة يحبها قال لها أنة ردها وأخذ ابنها لمعاقبتها ورجعت بيتها منتصرة ومحمود فى السر قالب الدنيا عن نسمة فهى فى منزلة أختة فقط
_____
مر شهر حدث فيه أحداث كثيرة
تم العثور على جثمان يطفو لسيدة عثر علية مركبى وأبلغ السلطات وصفارة انضربت لأسر الذين قدموا بلاغات اختفاء للسيدات ومن ضمنهم بلاغ اختفاء نسمة تعرف عليها محمود فالأم رفضت تدخل تشوفها حزن تملك الجميع وحتى محمود وأدفنت نسمة فى مقابر العائلة ندعو من الله رحمتة بيها يوم الحساب
هاجر شعرت بالذنب وقتها لكن الشيطان تدخل واقنعها أنهت هى حياتها أكيد الموت دارى فضيحة ولما أعلنت هذا الكلام صدقها الأب والأم مما جعل الأب بعديها بأيام يموت بحسرتة على تربية إيدة ،
ملحوظة فاكرين الفلوس إللى دفعها محمود لنسمة أول القصة لما كانت محجوزة ونسمة أعطت مبلغ كبير لأمها تعطية لهاجر ودى أمانة تعطية لزوجها هاجر أخذت الفلوس ولم تعطى زوجها حاجة ،،،،،،،
كل شهر نسمة مخصصة جزء شهرى تساعد بية أختها ماديآ فى السر ،وهاجر تأخدة لنفسها ولم تبلغ زوجها عنة
________
حياة هاجر غير مستقرة فهى تعيش بنفس النظام وهو أختلاق المشكلات وتعيش دور الضحية لم تجد أحد يصلح ف أختها نسمة كانت نسمة تصلح والان أصبحت نسمة عابرة ،،والأب رحل ،،والأم ربنا يصبرها على فقدان أبنتها وزوجها ونزلت تعمل لأول مرة فى حياتها مش فاضية لمشاكل بنتها التافهة ومحمود زهق من هاجر ولم يستطيع التحمل باع الحب والعشرة فقد أعطاها فرص كتير طلقها وأخذ أبنة وتزوج أخت مرات أخوة لان أختها مش تعبة أخوة وهى مطلقة وليس معها أطفال فلديها مشكلة فى الإنجاب ودة سبب طلاقها وعايش معها بسعادة لأنها قدرتة وتحترمة ومراعية الله فى أبنة ،،تفتكروا هاجر سكتت لا أشتغلت حتى تحصل على مال وترفع بيه قضية على محمود وتبهدلة فى المحاكم ومازالت مقنعة أختها نسمة سبب طلاقها
عزيزى القارئ لا تحكم أن الشخص الذى أنهى حياتة بأيدة أختار الموت علشان يداري عن فضيحة لا مثال أدامكم نسمة اختارت الموت محدش حس بيها اترفدت من شغلها وفى نفس الوقت أختها اتهمتها مع زوجها وظروف مرضها كيف تصرف على أهلها نهت حياتها حتى ترتاح من كل دة ندعو الله الغفران لمثل نسمة
القبور تحتضن أبرياء ذى نسمة والدليل أهلها أقنعوا أنها اختارت الموت وكلام أختها صح
فى ذى هاجر ناكر الجميل جاحد يأذى أقرب الناس لية ويرمى أخطاءة بإتقان على غيرة
محمود مش وحش دة نموذج للشاب المصرى أبن الأصول إللى بيراعى حدود الله تعاملة مع أخت مراتة كأخت لة والمواقف التى ذكرتها تشهد بكدة هو حب هاجر من قلبة وقرر الانفصال طفح الكيل من أفعالها ورزقة الله بزوجة طيبة مثلة رغم لم تنجب ووافق عليها بسبب أختها التى ذكرها واقفة جنب أخوة وفى ظهرة وفعلا اختيارة هذة المرة موفق ،،
عارفة مش تعجب حد لانها حزينة بس دة واقع عزيزى القارئ فى أشخاص مظلومين فى حياتنا نسمة كانت راجل البيت الجندى المجهول وعلى قد متقدر تدافع علشان بيت أختها مش يخرب وبرحيلها انخرب ،نسمة وهى نسمة وسط أهلها ورحلت ضاع كل شئ حلو ومازالت جوا قبرها متهمة بشئ لم تفعلة
الكلام السئ لما يأتى من أقرب الناس يوجع ويدمر ، ،أوقات الأنتحار يكون بكامل ارادة الشخص ،،، لم يجد من ينصفة فى هذة الدنيا رغم معرفته يعاقب علية يوم الحساب ,,,,,لو القبور تنطق لحكت قصص ساكنها فلا تهين شخص أختار هذة النهاية وأنت لم تعلم ظروفة ندعو الله يغفر لمثل نسمة ويخفف عنهم ونطلب من الله عز جل السماح لهم
تمت بحمد الله