رواية لنا موعد اخر الفصل الخامس عشر15 والسادس عشر16 بقلم لولا

واتصدموا لما لقيوا حسن صاحبه جاي يجري وتابع بخوف علي الحق سمعت اهل الحي بيقولوا ان المكتبه بتاعتك النار والعه فيهاا ومش عارفين يطفوهاا

كلهم شهقوا بصدمه فتابع علي بخوف: نعممم انت بتقول اييه !!! وطلع يجري على براا وكريم راح وراه بسرعه

فعيطت رانيا وتابعت يانهار اسود ومنيل يانهاار اسود جيب العواقب سليمه ياارب

ابتسام بخوف ياااختي انتي لسه هتندبي يلااا نروح نشووف في اييه

حبيبه بخوف اايوه يا خالتي يلااا بسرعه نشوف في ايه

وطلعوا الكل وهما مخضوضين وبيمشوا بسرعه في الشاارع وشايفين بالفعل دخان من بعيد والناس بتجري فكل حته فحطت حبيبه ايديها على بوقها بصدمه شديده من هول المنظر اللي بيبقى افظع كل ماتقرب

رفيده كانت بتجري زيهم واتصدمت بشده لما بالفعل وصلوا وشافوا الحريقه والعه في المكان كله وهتوصل للبيوت كمان فلطمت وتابعت بعياط هستيري يالهووي يالهوووي ايييه ده

نيره بخوف يا نهاار اسود ده ممكن يعمل ماس كهربي كده يجماعه حد يساعده مش كده

فحبيبه اتصدمت بشده ودموعها نزلت بقهر وهي شايفه علي عمال يدلق مايه ويطفي وهو متحصر ومصدوم ومقهور ومرعوب على تعبه فمسكت فونها وقدمت شويه لقدام واتصلت بالمطافي بسرعه وتابعت بعياط وخوف الو الو حضرتك سامعني

الراجل اه يفندم سامعك اتفضلي

حبيبه بعياط ورعب وهي بتبص للناس والصويت تابعت: في حريقه حصلت في العاااشر ابوس ايديكم تيجوا بسرعه

الراجل تمااام يا فندم ابعتي اللوكيشن وثواني وهنكون عند حضرتك

حبيبه بعياط وخوف تمام ماشي وقفلت معاه وبعتت فعلا

وراحت وقفت جنب الستات وهي حاطه ايديها على بوقها وبتعيط بقهر على تعبه وشكله ورفيده كانت قاعده بتعيط وامها بتحضنها وبتطبطب عليها بيأس وابوها واقف مضاايق جدا من كل حاجه وتابع بعصبيه منا ياما قولتلك بلاش دده بس مين سمع كلامي

سعاد بحده مش وقته الكلام ده يعاادل اديك شااايف الظرووف والرعب اللي احنا فيه

حبيبه سمعته فتابعت بعصبيه ودموع هو ايه اللي يااما قولتلك بلاش ده هو انتوا تطولواا اصلااا

عادل بحده وانتي مال اهلك يابت انتي هو انا دوستلك على طررف

حبيبه بعصبيه وعياط لا ليااا كتير اللي مش عااجبك ده طلع عين اهله علشااان يتجوز بنتك واللي حصل قضاء وقدررر مش حاجه يتلااام عليهااا ولا ده منظر كلااام يتقاال علي ده انا متربيه معاااه ومسمحش باي كلمه تتقال في حقه وبصت لرفيده وتابعت بعصبيه وسخريه: ولا ايه ياللي مفروض انك بقيتي مداام الجااارحي

رفيده بعياط وعصبيه انا والله ولا نقصاكي ولا نقصااه سبوني في حالي انا فيا اللي مكفينيي

حبيبه بسخريه فعلا هتردي تقولي ايه ربنا يعينك يحبيبتي ومشيت وقفت بعيد عنهم وهي مقهوره اوي وشايفه علي بيطفي وكريم بيمنعه يتقدم لان النار زادت اوي وهتحرقه فتابع علي بخوف ودموع: يكريم ابوس ايدك سبني علشان خااطري سبني

كريم بعصبيه يا ابني مش هنعرف نعمل حااااجه اهدى هنكلم المطااافي صعب نطفيها احناا

علي بعصبيه ودموع منا مايفكرواا يجي يكون كل حاجه راااحت ابوس ايديك يكريم سبني علشان خااطري

حسن بدموع حقك عليااا اهدى بس مينفعش مفيش بايدينا حل انت لو فكرت تتقدم تاااني هتضر وممكن يحصل ماس في اي لحظه ده احنا فضينا العماره

علي بعصبيه ودموع يجماعه سبوني اقسم بالله ما هينفع حياتي هتدمر كدده وفضل يفرك بين ايديهم وتابع بعصبيه ودموع ياااارب .. يااارب اللهم لا اعترااض بس اعمل ايه في المصيبه دي يااارب سبوني الله يخليكم سبوووني  

فحازم كان ماسك اسراء وسلمى وبيمنعهم يروحوا وتابع بخووف يعلي ابعد خلااااص رشواا مااايه من بعيييد بس متبقاااش غبيي

علي بعصبيه ودموع محدش ليه دعوه اوعوا كده سبوني وبيحاول يفلت منهم

سلمى بعياط سبني اروحله يا حاازم اوعى ابوس ايدك علشان خااطري

حازم بعصبيه قولت اخرسي خاالص مسمعش حسك مفيش مروااح ولا ليكي ولا ليهاااا كريم وحسن هيجيوه وجاااييين هناا

اسراء لطمت وتابعت بعياط هستيري ياااعم انت مااالك سبني ارووح لاخويااا سبنييي

فاسيا عيطت وتابعت بانهياار: ايووه يا سليم اوعااا سبونا نروح لاخونااا نجيبه ابوس ايديك

سليم بعصبيه يا بني ادمه تروحي تعملي اييييه دي مصيييبه هما هيجييبوا ويبعدواا 

سلمى بعياط هستيرري لالا مش هيجي غيير لما اروح اجيبه تعبه وشقاااه كله رااح والتاااب بتاعه اللي عليه روايته جوووه كل حاجه ضاااعت مش هيسيبهم ويجي بسهوووله سبونااا نروحله

سليم بعصبيه سيبك منها ياحازم خليك مااسكهم انا كفااايه عليا الهانم بتاعتي وبنتي اللي بتعيط ومش عارف اسكتها دي

نيره عيطت وتابعت هات تولين عنك فسليم اداهالها ففضلت تعيط في حضن نيره وتابعت خالوو انا عااايز خالو

نيره بعياط حاضر ياعمري حااضر هيجي خالك اهدي بس يقلبي اهدي وفضلت تبوس خدها كتيير

اسيا بعياط وعصبيه يا سليييم سبني بقى وبتحاول تفلت وتابعت بعياط هستيري ياعلييي .. ياعليييي تعالى ورحمه ابووك ... ورحمه ابوووك متقهرناااش عليك 

سلمى بعياط هستيري يعلييي فدااك الدنيا كلهااا ابووس ايديك تعاالي وغلاوه سلمى عنددددك وفضلت تتنطط وتحاول تعدي بس حازم ماسكها كويس

وعند علي كريم وحسن مكانوش قادرين عليه فحبيبه جريت عليه وتابعت بلهفه ودموع علي اسمع كلامهم ارجع وراا ابوس ايديك انا اتصلت بالمطافي وجايين خلاص

علي بدموع تعبي كله راح يحبيبه .. حياتي ادمرت اكتر ماهي متدمره

حبيبه بلهفه وعياط لالا يحبيبي متقولش كده انت ناجح وطموح وهتعوض كل اللي حصل ده والله العظيم انت بس اجمد كده يعلي وخليك قد الاختبار انت مؤمن بالله مش انا اللي هقولك وعيطت اكتر وتابعت بس ابوس ايديك ارجع ورا انت مش هتعرف تنقذ حاجه خلاص واخواتك البنات ورفيده مقطعين نفسهم عيااط

فكريم بصلها بوجع من تلقائيتها وخوفها عليه وعلي بص لكريم وتابع بوجع سبني

حبيبه بدموع ولهفه سيبه يكريم انا هرجعه ورا خالص والله

فكريم تنهد بعمق وساب ايديه هو وحسن فمشي لبرا الشارع وعربيه المطافي كانت داخله وشافهم بس موقفش مشي متحسر وقلبه بيتقطع من الوجع على اللي بيحصله

فمشيت وراه حبيبه وتابعت بعياط انت رايح فين ومسكت دراعه وتابعت تعالى كده بقولك اهلك مقطعين نفسهم عليك والمطافي جاات هتسيب كل ده وتروح فين

علي بدموع اوعي يحبيبه سبيني وبينزل ايديها فمسكت فيه اكتر وتابعت بعياط مش هسيبك بالشكل ده

علي بعصبيه يحبيبه سبينيي .. انا قولتلك سبيني يستي علشان مش طااايق نفسي ولا طاايق حد 

حبيبه بصتله بوجع وتابعت بدموع والله مهما تقول قلبي مش هيطاوعني امشي واسيبك بالمنظر ده وبالحله دي ودموعها زادت وتابعت سبق ونزلت زي المجانين تدور عليا وقعدت تداوي وجعي .. ليه مش عايزني انا كمان اداويك

فعلي بصلها بوجع ونزل ايديها ومشي فمشيت وراه وراحوا المكان اللي كانت قاعده فيه وهو جاالها وده قريب من البيت

فبص للزرع اللي قدامه وتابع بقهر: علشان انا وجعي مش هيتداوي ولا لو حصل ايه انا خلاص وقعت وبقيت ضعيف ومش قادر اقوم تاني واتهزمت

حبيبه بدموع متقولش كده ومسكت وشه ووجهته ليها وتابعت وهي بتبصله بوجع: وحياه دموع عينيك دي اللي اخر مره شوفتها يوم وفاه عمي قاسم انت مفيش اقوى ولا حد عنده مسئوليه قدك وانا مش اقرب حد لربنا بس خدها مني كلمه ربنا هيراضيك وهيعوضك وحياتك هتتغير 180 درجه ودموعها نزلت وتابعت اصل مستحيل واحد معدنه اصيل زيك نهايته تبقى كده

علي دموعه زادت وتابع تعبت يحبيبه والله تعبت وبص حواليه وتابع الدنيا واسعه اوي مش عارف ليه ضيقه عليا بزياده انا خلاص حياتي ادمرت ومش عارف ابدء منين ولا اعمل ايه

حبيبه بدموع متقولش كده لعله خير ويمكن اللي اتحرق نقدر نعالجه وترجع تاني تشتغل وتقف على رجليك واحسن من الاول

علي ابتسم من بين دموعه بوجع وتابع صعبه اوي دي روحي انتي كفاياكي وسيبك مني 

ومشي فحبيبه مسكت دراعه وتابعت بس مش صعبه على ربنا وقولتلك مش هسيبك غير لما ترجع معاياا 

علي بص قدامه بعد ما مشيوا شويه وتابع بوجع انتي عارفه انا كان حلمي ايه يحبيبه ؟

حبيبه بصت على سور الكليه اللي قدامها والدموع اتجمعت في عينيها وتابعت عارفه

علي بوجع وعارفه انا محققتش حلمي ليه ؟

حبيبه بدموع علي متقولش كده

علي بوجع وبحده لا هي كده انتي ليه مش مقتنعه اني فعلا فاشل وفقير ومعرفتش اعمل ابسط حاجه وهي اني ادخل كليه الشرطه فدخلت حقوق اجباري عني ودرست حاجه انا عارف اني مش هشتغل بيها وكل ده ليه ماهو بسبب الفلوس

حبيبه بدموع الفقر عمره مايحكم على طموحك ومسكت وشه ووجهته ليها وتابعت بدموع انت محققتش حلمك لانه مكنش خير ليك مش علشان مش معااك فلوس وتقدر تنجح وتكبر وتعمل كل اللي انت عايزه من غير ماتبقى ظابط بس تكافح وتحاول

علي بوجع واخره المكافحه ايه ؟ وابتسم بسخريه وبص للكليه وتابع حبيبه انا حلمت ونسيت ان اللي زيي مش من حقهم يحلموا وده الواقع اللي فهمته بعدين سيبك من كلام الكتب اللي بتقريه ده

حبيبه بحده ودموع لا ده مش كلام كتب ده وااقع ايه جرالك ايه ؟؟!! من امتى وانت بتستسلم يعليي !!!

علي بصلها وتابع بعصبيه ودموع : علي حلم بشرطه دخل حقوق اشتغل في مكتبه يحبيييه عااايزااه يحلم ازاااي !!!! .. علي مجرد ماوعي وصلب طوله ابووه مات وسابه في اكتر وقت محتااجه فيه وبقى يشتغللل ويدررس وده يذل فيااا وده يذل فيااا علشان خمسين وستين جنيه وااتهانت واتمرمطت ونسيت اني من حقي اعيش سني والعب كوره واتمني زي العيال واضعف واقول ابوياا واحشني واني ااتكسرت بدري لاا المفروض اسكت واكتم جواياا وابقى راجل وافضل عكااز بنااتي التلاته وامي ومقعش خالص لحد ماخلاااص مبقتش عاارف امتي المفروض ابص لنفسي ولما رفيده قالتلي انها بتحبني وعايزااني قولتلها انا طريقي صعب وبلاش انا يابنت النااس والحب لوحده مش كفااايه فضلت تعيط وقالتلي حااول وبقيت اشتغلل ليل نهااار وفتحت المكتبه ومشروع الطباعه والكتاابه ودموعه زادت وتابع وكرريم اخووكي اللي قايم بليله كتب الكتااب دي كلهااا وانا خلاص مصدر رزقي ضااع .. تقدري تقوليلي انا حققت ايه؟ انا نجحت في ايه ؟ ده انا جوزت اسيا بالعاافيه ومش عارف اجوز سلمى وبظلم رفيده معااايا انا مبقتش قادر اعيش في الوضع ده يحبيبه .. انا كل اللي عايزه اعرفه انا عملت ايه لكل ده ؟!!!  اللي عاوز يموتني واللي  يأذيني في اكل عيشي وبص للسما وتابع بدموع ووجع عملت ايه ولا نجحت في ايه حيااتي يااارب

حبيبه اتقهرت من كلامه وتابعت نجحت في كونك اب واخ وحبيب بما تحمله الكلمه من معنى

علي بوجع ودموع لا يحبيبه انا قصرت معاهم ومقدمتش ليهم اي حاجه

حبيبه بوجع ده بنسبالك .. ومسكت ايديه وتابعت بابتسامه ودموع انما انت قدمت كل حاجه في ايديك وضيعت عمرك واحلامك وبقيت تبني احلامهم .. انت عملت كتير يعلي بس انت علشان نقي وقلبك نضيف وحنين شايف ان لسه مفروض تعمل اكتر مع ان تربيتك ليهم وعينيهم الشبعانه واخلاقهم بينت تعبك السنين دي كلهاا وانه فعلا مراحش هدر

علي بدموع ووجع: ورفيده هعمل معاها ايه وسلمى كمان هكمل جهازها منين انا تعبان اوي بجد ودموعه زادت وتابع بانيهار تعبان اوي يارب ارجوك سامحني بس خدني عندك انا مبقتش قد المسئوليات دي كلهاا خلاص 

حبيبه عيطت بانهيار وضربته في صدره كذا ضربه متتاليه وتابعت بعياط هستيري : بس بس بتقول ايه قطع لسانك بعد الشر وبتمسح دموعه فعلي وطى حضنها فاتفاجئت بشده وقلبها بقى يدق بعنف ودموعه زادت وتابع تعبت حقيقي يحبيبه والله العظيم من وجعي اعمل ايه بس يارب ودموعه تزيد في حضنها

فحبيبه ابتسمت بدموع وابتدت ترفع ايديها تحضنه ومشت ايديها على شعره وغمضت عينيها ودموعها نزلت بهستريه وتابعت حقك علياا يعيون حبيبه والله اهدى يعلي اهدى علشان خاطري انا مش بحب اشوفك كده وفضلت تطبطب عليه ودموعها بتزيد بقهر انه في حضنها ومش من حقها حست انها في اكتر مكان هي اتمنته بس مبقاش بتاعها وده االلي قاهرها اكتر

وعلي خرج من حضنها فمسحت دموعه وتابعت بدموع اهدى ورحمه ابوك علشان خاطري والله هتدبر

علي بحرج حقك علياا وحط ايديه عند مدمع العين وتابع انا مش عارف عملت كده ازاي والله عمرها ماحصلت بس لو سلمى كانت هنا كنت هعمل كده اكيد انا بجد مش كويس 

حبيبه ابتسمت بوجع وتابعت يحبيبي انا اختك مفرقتش عن سلمى حاجه وعارفه انك ملتزم وعمرك ماتغلط والحركه طلعت منك تلقائيه

علي بوجع اه جدا ده حقيقي وقعد على توبه وحط راسه مابين ايديه

فطبطبت حبيبه على كتفه وتابعت بوجع كفايه علشان خاطري ويلا نروح نشوفهم ارجوك

علي بوجع كريم كسر الفون علياا بس مش قادر ارد

حبيبه بصدمه انا فوني في البيت مجبتوش يلا يعلي هيموتنا والله

علي مسح دموعه وتنهد بعمق وقام وتابع يلا طيب وابتسم بتعب وتابع وحقيقي مش عارف اقولك ايه

حبيبه بوجع متقولش حاجه احنا اخوات مش كده

علي ابتسم وتابع اكيد طبعا

ومشيوا يرجعوا ولما وصلوا وعلي بص على مكتبته بعد ما اطفت كلها رماد حرفيا ودخل وحبيبه دخلت وراه وبص بحسره وقهر على كل ركن وتابع بسخريه ووجع : خساير ايه اللي تتعوض بقى ده حتى اللاب توب اللي كان عليه كل حاجه وبشتغل عليه اتحرق 

حبيبه بدموع متشيلش هم روايتك معاياا انت كنت بتبعتهالي اول باول وهترجع تكتب تاني وتكملها وربنا هيكرمك والله

علي بوجع واللاب توب يحبيبه ؟!! وشغلي اللي عليه !! لالا انا محتاج استوعب اللي انا فيه ده والله علشان بجد مش قادر

حبيبه بدموع حقك علياا والله ربنا يعوضك يارب 

علي تنهد بوجع وقهر ومشي وحبيبه معاه وطلعوا عند شقه علي فالكل كان متجمع فيها بالفعل فهاله بصتلهم برفعه حاجب وتابعت اهم نوروا يكريم

فالبنات شافو علي فجريو عليه هما التلاته وهما بيعيطوا فعلي حضنهم وتابع بس بس اهدوا انا كويس

كريم بعصبيه انتوا كنتوا فيين يا بيه وبكلمك مبتردش ؟؟ 

علي بتنهيده اتمشيت لعند الكليه يكريم ووقفت مخنوق شويه وحبيبه كتر خيرها فضلت واقفه معايا علشان مبقاش لوحدي

كريم بص لحبيبه برفعه حاجب وتابع اممم كتر خيرها فعلا

فحبيبه بلعت ريقها بتوتر وبصت بعيد

فتابعت سلمى بعياط الحمدلله ان انت بخير يقلب اختك كل حاجه تانيه تتعوض والله متزعلش نفسك

علي ابتسم بوجع وباس جبينها وتابع البركه فيكم يحبيبتي طلما انتوا جنبي مش عايز حاجه تاني

اسيا بعياط حقك عليا انا ينورعيني اختبار وهيعدي والله العظيم ربنا مش هيسيبك ابدا وهتشوف

علي بوجع يارب يا اسيا يارب وباس جبينها

فتابعت اسراء بعياط والله العظيم يعلي والله العظيم تاني لسه امبارح الفجر حلمت بيك كنت في ضيق وبتعيط والمطره مطرت والارض زرعت جنبك وصحيت على صوتك وانت بتأذن وقومت صليت وداعيتلك فاستبشر خير يحبيبي هتعدي والله المهم انت بخير وباست ايديه وتابعت بعياط هستيري : احنا مالناش غيرك 

فعلي حضنها اكتر ودموعه نزلت وتابع يارب يحبيبتي يااارب يسمع منك

فتابعت رانيا بدموع هيسمع منها انت بس ادعي وقول يارب وربنا والله عمره ماهيخذلك يا نن عين امك ووالله احنا ما عايزين غيرك يحبيبي ده انا اموت لو قطع لساني صابك انت مكروه الف بعيد الشر عنك وراحت باسته فسلمى سابتلها مكان فعلي حضنها وباس راسها بعمق ودموعه بتنزل 

علي بوجع يارب يا ست الكل وبص حواليه وتابع بصوت هلكان: رفيده فين مشيت مع اهلها ؟

رانيا بدموع تعبت شويه وضغطها وطي فقالت هتروح تغير هدومها وتغسل وشها وتسند نفسها وتيجي

علي بلهفه تعبانه مالهااا فيها ايه هروح اشوفها

ورايح يمشي فكريم مسكه وتابع بوجع نصيحه من اخوك بلاش دلوقتي 

علي باستغراب ليه يكريم في ايه ؟

كريم تنهد وسكت فتابع حسن بوجع. : من الاخر يا صاحبي ابوها شايط حبتين وسمعها كلام زي السم ومش لادد عليه الجوازه خالص فانت هتروح مش بعيد يقولك طلقها وكل حي يروح لحاله

علي بعصبيه اطلقهااا مين دي مرااتي واقدر اروح اخدهاا من قلب بيته ومحدش يقدر يعاارضني 

حبيبه حست بغصه في قلبها وقعدت وخدت نفسها بعمق وسكتت فتابع حازم يسيدي مرااتك بس بردو مش بالعاافيه متحطش رفيده في مقارنات بينك وبين اهلها يعلي

علي بوجع انا عمري ما اعمل كده ولا اضغطها بالشكل ده بس ان جيتوا للحق هو بردو عنده حق وقعد وحط راسه مابين ايديه

سليم بوجع اهدى بس ومتشيلش نفسك فوق طاقتها

علي بوجع لا يسليم لازم اشيل اصل كلمه حق هيدي بنته لواحد مالوش شغلانه ومش عارف اصلا هياكل بكره منين

حسن بوجع يحبيبي متقولش كده ربنا كبير

علي بوجع ونعم بالله يا حسن بس انا فعلا في ورطه انتوا محدش حاسس والدموع اتجمعت في عينيه وتابع او ممكن مش مستوعبين منا بردو مش قادر استوعب

كريم بوجع هنفكر وهنلاقي حل ممكن تهدى؟

علي بوجع حل ايه بقى ده اللاب راح والكتب كلها راحت والافكار والديزاينات راحت والاغلفه وضحك بوجع وتابع والمكتبه عامه راحت يعني ابيع كليتي علشان ارجعها بس زي ما كانت بس

حسن بوجع يعلي اهدى يحبيبي انت محامي شاطر وهندورلك وهنلاقيلك شغل والله

علي بوجع لا منا لو هشحت مش هشتغل محامي مستحيل .. مش هغير وجهه نظري واقتناعي علشان الفلوس دي مش شخصيتي

كريم بوجع طب بالنسبه للطلبيه الكبيره ياحسن اللي كانت مطلوبه منه مفيش اوبشن ننفذها عند اي حد وعلي ياخد جزء والراجل ده جزء

حسن بوجع لا للاسف صعب لان علي ساعتها هيتعب وهيطول جدا فيها وهياخد نص الفلوس بس وبعدين دول طالبين كتب باعداد رهيبه اكتر من كونه حاجات تتعمل واصلا كل الكتب اتحرقت

علي قام وقف وتابع عن اذنكم عايز اقعد لوحدي

سليم بحزن اقعد بس وهنلاقي حل ربك كبير

علي ونعم بالله بس سبوني لوحدي بردو 

سلمى بدموع بس يحبيبي احنا ..

علي بمقاطعه وعصبيه قولت سبوني لووحدي بقى الله وبقى يمشي في الطرقه

فتابعت رانيا بدموع الواد ملحقش يفرح بالطلبيه اللي كانت جياله ادي وشها الحلو مش تقولي الطلب على وشها

علي سمعها فتابع بحده والله ياما ما نقصاكي وقفل بابه بعصبيه

فكلهم اتخضوا فتابع كريم بهمس حاد يا مراات عمي مش وقته الكلااام ده بقى

رانيا بدموع ضاغط على نفسه على ايه مايسيبها ابوها عمال يهين فينا كان بنته ملكه جمال خليه يسيبها لابوهاا

اسيا بحده انتي بتقولي ايه ياما بس ابوس ايديكي اقعدي ساكته ده ابنك طفح الدم علشان يكتب عليهاا هو انتي الطلاق وخراب البيوت بالسااهل عندك ؟!!

رانيا بحده ودموع انا عاامله عليه لان اكتر حاجه كااسره اخوكي مسئوليتهاا وابوها راجل منزوعه منه الرحمه

حسن يخالتي .. يخالتي يعني هو رايح يخلل ماهو مسيره هيتجوز

رانيا بدموع ايوه مسيره هيتجوز .. وبصت لحبيبه نظره سريعه وتابعت بدموع بس كان يتجوز اللي شبه اللي تاكلها معاه بملح واهلها يقدروا موقفنا ويحطوا ايديهم في ايدينا مش يعملوا كدده ويبهدلوا البت قدامناا

حبيبه فهمت ان رانيا تقصدها ومنعت دموعها بالعافيه فسلمى بصتلها بحزن 

فتابعت اسيا ايوه يا ماما بس البت معملتش حاجه مينفعش ناخدها بذنب اهلها

كريم بتنهيده يجماعه هما اتجوزوا خلاص فضوا من السيره دي وفكرواا هنعمل اييه في شغل الرااجل

نيره انا اعرف واحد راجل اعمال وكده هكلمه واشوف لو لقى شغل مناسب قدامه

رانيا بلهفه اه والله يارب يخليكي يابنتي 

كريم برفعه حاجب واحد مين ده؟

نيره بتوتر ابن دكتور عندنا في الكليه وسهيله اللي بتكلمه علشان هما صحاب مش انا فهقولها يعني

كريم بتنهيده اممم قولتيلي

هاله بحزن علي ابن حلال وربنا هيراضيه والله شده وتزول ربنا يعوضكم يارب

رانيا بدموع يارب يحبيبتي تسلميلي يا ام نيره والله

ابتسام بحزن قاعده مقهوره عليه ينورعيني ابني وحبيبي عمره ماعمل حاجه وحشه في حد علشان يجراله كل ده

لميا بس مش غريبه شويه انه حد يحاول يقتله والمكتبه تولع في ظرف شهر كل ده

هناء بذهول تصدقي يابت يا لميا عندك حق الموضوع غريب فعلا

كريم انا عامه بلغت والمفروض الحكومه تيجي تحقق مع اهل المنطقه وتراجع الكاميرات ونعرف

حسن بتنيهده: مقصوده يمعلم بس مين يعمل في علي كده

كريم نفخ بضيق وتابع حقيقي مش عاارف 

وسمعوا صوت اذان العصر فتابع حسن بحزن يلا نصلي وندعيله

كريم بوجع حاضر نازل معاك

--------

عند رفيده كانت واقفه قدام شقه عصاام وبترن الجرس وبتخبط بكل قوتها

فمحدش فتح ولقيت فونها بيرن فمسكته لقيت علي فردت بلهفه وتابعت الو

علي بصوت مليان تعب: ايه يبابا انتي فين؟

رفيده بتوتر ودموع انا في البيت يحبيبي شويه وجيالك حقك عليا انا والله

علي بتعب رفيده .. رفيده اهدي يحبيبتي حقك انتي عليا والله ومتجيش انهارده خليكي انا سمعت انك تعبانه مالك فيكي ايه

رفيده بتوتر ودموع ابدا ده الضغط وطي شويه بس متقلقش يحبيبي انا بخير والله

علي بوجع عارف ان ابوكي قالك كلام مكنتش اتمنى انك تسمعيه بسببي فعلشان خاطر ربنا اهتمي بصحتك ومتجيش النهارده وانا هحاول الطف معاه الجو

رفيده بدموع لا يحبيبي متقولش كده ده قضاء وقدر مش بايدك

علي بوجع مش حاسه قضاء وقدر والله يا رفيده

رفيده بلعت ريقها بتوتر وتابعت لا يحبيبي امال هيكون مين يعني ده انت طوب الارض بيحبك

علي بوجع ماهو ده اللي تاعبني ومجنني ومخليني مش عارف افكر انا حقيقي ماليش اعداء

رفيده بحزن عارفه يعمري والله هو انت اللي هتقولي انت بس اهدى كده وقوم اتوضى وصلي وسيبها على الله

علي بوجع حاضر هعمل كده يلا باي

رفيده بتوتر باي

وقفلت معاه ونفخت بتوتر وكملت تخبط بس محدش فتح فتابعت انا عارفه هيكون فين 

ونزلت وركبت تاكسي وراحت نادي معين ونزلت ودخلت وفضلت تدور عليه بعينيها لحد ما وصلت وشافته واقف لابس بنطلون جينز وتيشرت نص كم بيبرز عضلاته وواقف بيمارس تمارين الرمايه بالرصاص على القرص المدور البعيد اللي قدامه فراحت رفيده ناحيته وهي متعصبه جدا فرجالته منعوها تعدي وحطوا ايديهم

فتابعت بعصبيه اوعاا يزباله منك لييه خايفين عليه من ست يا رمااامه عصااام خليهم يعددوني

فسمع صوتها بس متهزش وتابع بعصبيه وهو مغمض عين ومفتح عين وبيكمل تصويب بالرصاص : عديها يحيوان منك ليه دي رفيده هانم اتجننتوا ولا ايه

الرجاله بتوتر اوامرك يا فندم وبعدوا تماما 

فرفيده راحتله وتابعت بعصبيه ودموع يبجاحتك يا شيخ انت ايه مفيش عند اهلك دم خاالص

عصام بضحك عيب كده يروفي ده احنا اهل في النهايه وضرب بالنار تاني وصوب صح فابتسم وتابع وشك حلو عليا طول عمرك يحبيبتي 

رفيده بدموع وبحدده عصاام انا بتكلم

عصام بصلها وتابع ومين قالك اني مش منتبه لكلامك بس انا مش فاهم انتي عايزه ايه اصلااا لحد دلوقتي وبص قدامه تاني وصوب بالرصاص وتابع بس سيبك انتي انا مبسوط انك لسه عارفه لما بالي بيبقي رايق ومبسوط باجي فين 

فتابعت رفيده بعصبيه مبسوط علشاان دمرت حيااتي انا وجوزي وولعتله في مصدر رزقه الوحيد يا زبااله يحيوااان 

فعصام رمى المسدس على الارض وضربها بالقلم بقوه فصرخت فمسك شعرها وتابع بعصبيه شديده ومستعد اولع فيه هووو شخصيااا لو كلمه جوزي دي اتقاالت تاني 

فرفيده فضلت تعيط فتابع بعصبيه شديده: فاااهمه ولا اقرر كلامي

رفيده بعصبيه لا مش فااهمه ومش هكون ليك مهما تعمل علشان انا مش لعبه في ايديك ولا حياتي دي بمزااجك ترجع وقت ماتحب وتمشي وقت ماتحب

عصام بعصبيه يابنتي 100 مره اقولك انتي اللي ظلمتيني وجيتي عليااا انا مخونتكيش

رفيده بعياط وبحده وهنفررض خلااااص يا عصااام انت بتهري في ايييه انا بقيت ست متجووزه فارحمني واعمل حساب للعيش والملح وسبني انا وعلي في حالنا بقى

عصام بعصبيه متقوليش متجوزه علشان قسما بالله ابعت ارملك دلوقتي

رفيده اترعبت وتابعت بعياط لالا خلاص مش هتكلم والله بس ارجوك لو بتحبني فعلا كفاياك اذي فياا انا والله تعبت

عصام حط ايديه على خدها ومسح دموعها وتابع انا بموت فيكي مش بحبك بس يا رفيده .. بس مهما يحصل عمري ما هسيبك لابن الجارحي ده عهد قطعته من ساعه ماعرفت وانتي مش لحد غيري هتفضلي خطيبتي وتخصيني ليوم ماا حد فينا يموت

رفيده بعصبيه ودموع يخش انت وارتاح يبعيد

عصام اتصدم من كلامها وتابع للدرجه دي يا رفيده ؟!! يعني انا لو موت انتي هتفرحي ؟!! هان عليكي حبنا والعشره والسنين واحلام خططنالها سوا ؟!!

رفيده بدموع عصام انا كنت بحبك ولازلت والله بس اخويا فارجوك قدر كل ده وارحمني كفاايه

عصام انا مقدرش أذيكي يا رفيده انا بأذي الحيوان اللي خدك مني انما انتي .. شدها ليه وتابع وهو بيحط شعرها ورا ودنها انتي حبيبتي وبصلها من فوق لتحت وتابع وحقيقي فستانك وشكلك لسه حلوين بعد العياط والهبل اللي عملتيه ده كله

رفيده زقته جامد وتابعت بعصبيه ودموع فستاني وشكلي اللي عملتهم مخصوص علشان كتب كتابي على الراجل اللي اختارته واللي هو دلوقتي جوزي وانت اذيته وده يخليني انسى انك ابن خالتي واعاديك لمجرد انك بتأذيه وبتعاااديه فابعد عني وخليك راجل مره واحده واحترم نفسك انا خلاص بقيت مدام الجاارحي واكتبت على اسم راجل تاني

عصام ابتسم بسخريه وتابع وده بقيتي مدام الجارحي امتى ؟؟ دخل عليكي من ورانا ولا حاجه ؟؟

رفيده بعصبيه انت فاهم قصدي متستعبطش

عصام وطي شالها بين ايديه فشهقت برعب وفضلت تفرك جامد فتابع فااهم طبعاا يقلبي هي دي فيهاا كلام ومشي بيها فتابعت بعصبيه وخوف اوعااا كده نزلني يحيوان يزبااله 

فتابع عصام لاحد رجاله افتح الباب

فااراجل فتح بالفعل ولما عصام دخل برفيده رجالته قفلت تاني فحطها على السرير وتابع اوريكي تبقي مدام بحق وحقيقي ازااي بدل مانتي عجباكي الكلمه وفرحانه بيهاا ؟  

رفيده اتعدلت في قاعدتها وبقيت ترجع لورا وتابعت بخوف وعياط احترم نفسك يعصاام بدل ما والله الم عليك الدنيا كلهاا

عصام بضحك اعملي اللي تعمليه يحبيبتي انتي عارفه ان محدش بيعرف ياخد معايا حق ولا باطل حتى الحكومه ذات نفسهاا وبدا يفك زراير قميصه وهي بتبصله ومرعوبه وبتعيط فتابع واهو بالمره اوريكي اني راجل علشان انتي مش مقتنعه وبتقوليلي خليك راجل وسحب رجليها واعتلاها ففضلت تعيط وتابعت بانهيار انا اسفه والله انا اسفه وحياه ربنا غلطت مش هتقرر تاني

عصام وطي باس رقبتها فغمضت عينيها بقهر وبتزقه فمسك ايديها الاتنين في ايد واحده وحطهم فوق راسها وبصلها وتابع للمره المليون هقولهالك انا لو عايز اخدك هاخدك بس انا بربيكي مش اكتر وسايب الموضوع ده ليوم فرحنا وساعتها بمزاجك او غصب مش هتفرقلي ساعتها 

فرفيده غمضت عينيها وعيطت وتابعت انت عمرك ماحبتني انت عايز توصل لجسمي مش اكتر

عصام تكه واكون وصلت وقام من عليها وتابع بس انا ابن اصول ميخلصنيش اخدك في الحرام انما بحبك او لا فانا تعبت من كلامي في النقطه دي احسبي اللي تحسبيه

رفيده اتعدلت وتابعت بعياط حلوه اوي مش عايز تاخدني في الحرام دي على اساس تعرف الفرق بين الحلال والحرام

عصام ولع سجاره وتابع وهو بينفخ دخانها عارف جداا لعلمك وبعمل الحرام بمزااجي

رفيده بسخريه يعني لمست ستات قبل كده اهو

عصام فضل يضحك وتابع ده مفهوم الحرام عندك ؟؟ وابتسم وتابع لا يعمري وحياه عينيكي الحلوين دول ما حصل بس اقصد اللي عملته في الكلب اللي عاجبك ده حرام بس راضي بمزاجي

رفيده بدموع علي اذاك في ايه علشان تأذيه كده ده بيجري على بنات وامه

عصام نفخ دخان السجاره وتابع قرب من حاجه تخصني وماعاش ولا كان اللي يقرب من ممتلكات عصام السيوفي الخااصه خصوصا ابن الجارحي

رفيده بعصبيه ودموع انا مش عربيه عندك ولا جزمه علشان من ممتلكاتك انا انساانه وانا اللي اختارت اكمل مع علي وبعدين ايه خصوصااا ابن الجارحي دي مالك بيه انت هااا

عصام بعصبيه مالكيش دعوه مالي بيه وانتي بنسبالي من ممتلكاتي تحسبيها حب تحسبيها مرض نفسي تحسبيهاا عايز جسمك والله انا مش فارق معاايا المسمى المهم انك بتاعتي

رفيده بعصبيه ودموع والله انت اتجننت بقوله متجوزه يقولي انتي بتاعتي انسان فعلا مريض وقامت وطلعت من الاوضه

فدخله واحد من رجالته وتابع ها يفندم هتؤمرنا بحاجه تاني؟

عصام بتنهيده لا خالص مش دلوقتي لما يبقى في جديد هقولكم تعملوا ايه بالظبط دلوقتي روح وزع عليك انت والرجاله الفلوس دي وفتح الدرج ورماله رزمه فلوس

فابتسم الراجل وتابع اوامرك يا فندم وخد الفلوس وطلع وعصام قعد يكمل سجارته ونفخ بسرحان

--------

بعد شويه عند هناء 

كانت بتاخد شاور وخرجت وهي لابسه البورنص وبتنشف شعرها ولقيت فونها بيرن فراحت بصت عليه لقيته وسام فابتسمت بحماس وردت وحطت الفون على التسريحه وقعدت وتابعت الو

وسام بحب ايه يا نوئه اخبارك ايه

هناء بتنهيده الحمدلله يا وسام انت اخبارك ايه وصلت القاهره؟

وسام باستغراب اه وصلت من نص ساعه بس مال صوتك في ايه

هناء بحزن مفيش كويسه

وسام بضحك لا والله انتي جايلك قلب وبتحوري على دكتور نفسي؟

هناء بدات تسرح شعرها وتابعت بحزن زعلانه على علي شويه

وسام باستغراب مش علي ده ابن عمك تقريبا وكان هيتجوز انهارده ؟!! فزعلانه ليه مش فاهم

هناء بحزن اااه بس بعد كتب الكتاب المكتبه بتاعته ولعت منعرفش حد ولع فيهاا ولا قضاء وقدر بس مصدر رزقه راح وهو اخويا الكبير واكتر فمقهوره عليه اوي بجد ياوسام

وسام بصدمه لا حول ولا قوه الا بالله العلي العظيم ربنا يأذي كل شخص مؤذي ومصعب على الناس حياتها كده

هناء بحزن يارب 

وسام ابتسم بحنان وتابع متزعليش نفسك يحبيبتي قوليلي بس هو خريج ايه ولا معاه ايه وانا هدورله على شغل

هناء بلهفه ده بجد يا وسام ؟!!

وسام بحب بجد طبعااا هو انا هضحك عليكي يهبله ولا ايه

هناء ابتسمت بفرح وتابعت تمام طب بحيث كده بقى هو معاه ليسانس حقوق بتقدير ممتاز الاربع سنين

وسام بتفاجئ بسم الله ما شاء الله شكله مجتهد 

هناء بحماس اوي بجد يا وسام وكاتب روايات وشعر واقتباسات قصيره 

وسام بابتسامه حلو اووي طب تمام انا هدورله ولو لاقيت اكيد هقولك والله

هناء بحب حقيقي تعبك معايا اوي وقامت جابت كاش مايوه تلبسه وعلت الاسبيكر

وسام بحب يا نوئه تعبك راحه انا تحت امرك يحبيبي والله وشرب من القهوه اللي في ايديه

هناء لبست الكاش ومسكت الفون ونامت على السرير وتابعت انت بتشرب ايه ؟

وسام بضحك دي قهوه اتفضلي معايا ؟

هناء بضحك عزومه مركبيه جدا يعني بس انا اول مره اعرف انك بتحب القهوه 

وسام بحب لا بحبها جدا بس مجتش فرصه اقولك

هناء بحماس كريم اخويا بيعشقها بردو انت بقى بتحبها ازاي؟

وسام بحب بحبها فيها طعم مر يعني ساده مفيهاش افتكاسات بس بتسيب اثر دافي على قلبى كده .. زي الناس اللي مش بتحاول تبهر بس وجودهم لوحده بيخلي اليوم احسن

هناء ابتسمت وتابعت يعني بتحب الناس الهاديه والعاديه؟

وسام ابتسم بحب وتابع بحب الناس اللي شبهك

فهناء اتفاجئت وقلبها دق بعنف واتوترت اوي وتابعت شبهي ازاي يعني .. قصدي شبهي في ايه بالظبط

وسام بحب فكل حاجه .. ملامحك .. اخلاقك .. شخصيتك ..انتي عامه بيرفكت بجد 

هناء ابتسمت بتوتر وتابعت ميرس بجد يا وسام 

وسام بحب من غير ميرسي يحبيبي انا بقول الحقيقه والله

والباب خبط عنده فتابع ادخل

فدخلت لينا اخته وتابعت بتوتر وسام عايزه اقولك حاجه 

وسام باستغراب قولي في ايه ؟

لينا لعبت في ايديها بتوتر وتابعت ماما بتقولك غير هدومك واطلع علشان خالتو جايه 

وسام بحدده هو انا علشان لقيت امك تعبانه فجيت اقعد معاكم يومين هنا وسبت شقتي هتجيبلي خالتك ؟!!

لينا بتوتر يوووه بقى يا وسام وانا مالي طيب

 وسام بحده طب روحي انتي طيب

لينا بتوتر ابوس ايدك ماتكسفناش قدام خالتك اطلع واقعد خمس دقايق بس ارجوك

وسام بحده طب قولت روحي دلوقتي بكلم البت

لينا بتوتر حاضر يحبيبي وخرجت وقفلت الباب

فتابعت هناء باستغراب هو في مشكله مع خالتكم ؟؟ واتوترت وتابعت واسفه لو بتدخل في حاجه متخصنيش انا سالتك تلقائيه بجد

وسام ابتسم وتابع انتي تسالي وتقولي كل اللي انتي عايزاه وتنهد بعمق وتابع كل الحكايه يا ستي ان خالتي هتموت وتجوزني لبنتها والبنت عايشه الدور ومعتبراني خطيبها

هناء متعرفش ليه اتضايقت لما سمعته بيقول كده فتنهدت وتابعت طب وانت بتحبها ؟؟

وسام بتنهيده ولا شايفها قسما بالله وقلت مره والف مره اننا اخوات واني مش عايزها بس لازقين

هناء ابتسمت وتابعت كده كده محدش هيقدر يجبرك على حاجه فمعلش علشان خاطري ابقى قدر الناس اللي جايه بيتكم واقعد معاهم خمس دقايق بس

وسام بحده ده كده كده فعلا رايي انا اللي هيمشي ومش هتجوز غير اللي انا عايزها بس انا مش عايز اقعد مع حد ياهناء

هناء بابتسامه بقوك علشان خاطري يا وساام

وسام نفخ بيضيق وتابع بتنهيده حاضر يا هناء هخرج لما يجوا

هناء ضحكت وتابعت ايوه كده شاطر

وسام بابتسامه بالله ده ما في اشطر منك عشان اصلا محدش بيقدر عليا

هناء بضحك مميزه بقى وكده

وسام بضحك اه ده حقيقي .. طب ايه عايز اشوفك

هناء ابتسمت وتابعت المحاضره في الجامعه قبل ميعاد العياده كده كده هشوفك

وسام بابتسامه تمام اتفقنا المهم انتي بتذاكري ولا ايه دنيتك

هناء بحب متقلقش والله العظيم بذاكر ولميت كل اللي كان متراكم عليا

وسام بابتسامه جدعه انك مخليتيش تعبك النفسي ياثر على دراستك .. والبيه ده حاول يكلمك تاني من ساعه اخر مره قولتيلي ولالا ؟؟

هناء تنهدت وتابعت اه انهارده الصبح بس هزقته واديته اللي فيه النصيب وقفلت وعملت بلوك للرقم اللي كلمني منه

وسام حسيتي انك زعلانه ؟

هناء تنهدت بعمق وتابعت لو حسيت بشويه زعل فانا زعلت على نفسي اللي جيت عليها ووجعتها بسببه 

وسام ابتسم وتابع حلو اوي بجد

هناء بابتسامه صدقني انت ساعدتني كتير ومن قبل ما اكملك الحكايه 

وسام بحب كده كده هسمعك ومتقوليش ساعدتني دي انا معملتش اي حاجه 

وفضلوا يتكلموا شويه

---------

في احد الاماكن وتحديدا في المقابر واقف شخص مجهول قدام قبر اخته الصغيره ودموعه مغرقه وشه

الشخص بدموع: وحشتيني يا نورسين وغمض عينيه بقهر وتابع متخيلتش تعملي كده وتبعدي عني ودموعه زادت وتتابع اخوكي اللي مبيتكسرش وليه اسمه ومكانته وكلمه منه بتهز شنبات واقف مكسور ومذلول ومقهور بسبب بعدك عنه .. ليه عملتي فياا كده يا نورسين وعيط وتابع انا لو زعلت منك وضربتك فده علشان مصلحتك علشان انا حسيت انك مش انتي بنتي اللي ربيتها انما معملتش كده علشان تروحي تموتي نفسك ودموعه زادت وتابع وتموتيني بالحيا معاكي وقعد على الارض وسند راسه على القبر ودموعه بتنزل وتابع طب كنتي تعالي اترمي في حضني وقوليلي حقك علياا انا اسفه والله ماكنت هرد حضنك مكسور ابداا وقلبه وجعه وتابع بدموع ووجع كنت هطبطب عليكي واساعدك بس متموتيش كافره كده ..  ده انتي مكنتيش بتفوتي فرض وعارفه الدين والاصول ازااي تعملي فينا كده وتقهرينا كده يا نورسين وحط ايديه على القبر ودموعه زادت وتابع اااه يارب .. سامحها علشان خاطر حبيبك النبي يااارب ..  ووغلاوتك في قلبي لهجيب حقك تالت ومتلت مين اللي قهرني عليكي كده وبنفس الطريقه وهدوقه النار اللي كاوتني وقهرتني ودموعه زادت وتابع اخوكي مش هيسيب حقك مهما حصل يانورسين 

وسمع فونه بيرن فقام وقف ونفض التراب اللي عليه ورد وتابع وهو بيحاول يكون طبيعي : الو

احد رجاله : اخو خطيبته مكتبته ولعت يا فندم والمفروض ان كتب كتابهم قرب بس معرفش الحادثه اللي حصلت دي هتاخر الميعاد ولا لا

الشخص بتنهيده تمام لو عرفت اي جديد قولي 

الراجل تمام يا فندم

وقفل معاه ومسك القران وبقي يقرالها قران ودموعه بتنزل بقهر

--------

عند اسيا كانت قاعده على سريرها بتتكلم مع صاحبتها في الشغل كول

فتابعت يا راندا افهميني سليم مش من النوع ده ولا عايز يهدم طموحي ولا حاجه من اللي بتقوليها خالص كل الفكره انا اللي حسيت اني فعلا مقصره معاه ومع بنتي 

راندا بتنهيده براحتك يا اسيا دي حياتك يمكن فعلا الجواز مع الشغل صعب انا لسه مخطوبه فمش عارفه اشوف الوضع اوي

اسيا ابتسمت وتابعت صدقيني ده الصح عايزه افوق لبيتي ولجوزي والبنتي زي اي ست دي الفطره الطبيعيه وبصراحه انا كمان تعبت ومبقتش قادره اشتغل واللي مخليني مكمله علشان تولين وحضانتها بس انا حسيت لو بنتي خدت حناني وجوزي خد اهتمامي ده اهم واكتر بكتير من انها في حضانه واو وبتتعلم تعليم عالي بس مش معاها اهتمام مامتها

راندا بحزن ده حقيقي اه عندك حق ربنا يقويكي ومعاكي يحبيبتي

اسيا بحب تسلميلي ينورعيني بس متقوليش لحد دلوقتي انا هشوف هعمل ايه وهتصرف

راندا بحب ماشي يحبيبتي 

ولقيت سليم خرج من الشاور فتابعت طب باي انتي دلوقتي يا رورو اكلمك بعدين

راندا بحب ماشي يحبيبتي باي

وقفلت معاها فتابعت اسياا بابتسامه سليم

سليم وهو بيلبس التيشرت تابع اممم

اسيا بحب تعالى عايزاك

فسليم لبس وراح قعد قدامها وتابع باستغراب ايه في ايه 

اسيا بحب عندي ليك خبر حلو بس هقولك بشرط

سليم بتنهيده شرط ايه بقى ؟

اسيا قامت قعدت على رجليه فحط ايديه حواليها وقربها منه وابتسم وهي حطت ايديها حوالين رقبته وتابعت تقولي مالك في ايه من امبارح

سليم تنهد بوجع وتابع غلطت غلطه كبيره في الحسابات تعملها 200 الف جنيه والمدير مصمم ادفعهم في اسرع وقت والا هيمشوني من الشركه وامضي بيهم شيكات ممكن تحبسني 

اسيا اتصدمت وتابعت نعم انت بتقول ايه يا سلييم !!!

سليم بوجع زي مابقولك كده وتنهد بوجع وتابع ورافت قالي هيكلمه ويقوله خلاص قضاء وقدر واني اكيد مقصدش فمرضتش اعرفك قولت يمكن تتحل بس للاسف لا قاله هيدفعهم 

اسيا نزلت من على رجله وقعدت على السرير قدامه وتابعت بصدمه طب والعمل هتعمل ايه؟

سليم تنهد بهم كبير وتابع مش عارف يا اسيا حقيقي مش عارف ومش معايا كل ده في البنك

اسيا الدموع اتجمعت في عينيها وحطت ايديها على راسها بذهول وتابعت يانهار اسود هو ايه المصايب اللي بتتحدف علينا دي بس ياربي 

سليم تنهد بوجع وتابع متشيلش هم انا هحاول اجمعهم واستلفهم

اسيا بذهول تستلف ايه هو ده مبلغ حد يستلفوا !!! ده قرب على ربع مليون جنيه انت بتهزر يا سليم وبعدين لو استلفتوا هتسدواا منيين ده مرتبك كله 15 الف في الشهر

سليم بعصبيه يعني اعمل ايه يا اسيا بايدي ايه اعمله ؟!!!

اسيا بدموع شوف الشركه اللي انت غلطت في حساباتها دي وخليهم يرجعوا الفلوس اكيد لقيوا زياده 

سليم بسخريه مكنش حد غلب انا ورافت اتحايلنا عليهم مش راضيين يقتنعوا ان في فلوس زياده جاتلهم والمدير بيقول الغلطه من عندكم مش من عندي انا ايش عرفني يمكن العمال عدوا المبلغ وسرقوا الفلوس دي وطبيعي انا مش هعرف لان مبلغي كامل فالمفروض ان انتوا تكونوا اكتر حرصا وانتوا بتبعتوا

اسيا بصدمه هو عنده حق بردو وحطت ايديها على راسها وتابعت طب والعمل ده احنا كده هنتشرد 

سليم بحده هو انا بحكيلك علشان تكسريني اكتر !!!

اسيا بدموع طب اعمل ايه الاقيها من مصيبه علي ولا من مصيبتك انا بجد حاسه دماغي هتتشل

سليم تنهد بوجع ومسك ايديها وطبطب عليها وتابع بحزن متشيليش هم يحبيبتي انا هحاول اتصرف

اسيا بدموع هتتصرف ازاي بس دي مصيبه حسبي يالله ونعم الوكيل في اللي قبلوا انك تدفع كل ده منهم لله

سليم خدها في حضنه وتابع بوجع اهدي حقك علياا والله صدقيني انا هتصرف متشيلش هم وبصلها ومسح دموعها وتابع قوليلي بس كنتي عايزه تفرحيني تقولي ايه ؟

اسيا اتوترت وتابعت بدموع هااا ولا حاجه يحبيبي

سليم باستغراب في ايه يا اسيا ماتقولي

اسيا بدموع وكدب: كنت هقولك اني بطلت اخد البرشام زي مانت عارف وخلاص قررت اخد الخطوه وعايزه بيبي وكده بس الظروف مش هتسمح فمش وقته

سليم ابتسم ومسح دموعها وتابع مين قالك هنفضل واقعين 9 شهور وشدها ليه وتابع ده انا مستني اليوم اللي توافقي فيه ناخد الخطوه دي

اسيا بدموع سليم بجد احنا هنقع في مصيبه مش عايزه نجيب بيبي نظلمه

سليم بحب والله العظيم وغلاوتك عندي هتتعدل وبعدين ده عيل بيجي برزقه هتكفري ولا ايه؟

اسيا بدموع ونعم بالله وقلبها وجعها واتقهرت اوي وتابعت في سرها مينفعش اسيب الشغل يظهر اتكتب عليا التعب العمر كله ودموعها نزلت

فابتسم سليم ومسح دموعها وتابع خلاص بقى كفاياكي دموع وباسها

اسيا بدموع سليم انا حقيقي مش رايقه ومبعرفش ادخل في المود وانا مخنوقه انت دماغك في ايه ولا ايه يحبيبي

سليم سند جبينه على جبينها وتابع بس احنا كرجاله عكسكم في الحته دي وبنحس اننا محتاجينكم وقت الوجع والمشاكل اكتر من الفرح متمنعنيش يا اسيا انا حقيقي تعبان وعايز افصل وابطل تفكير فكل حاجه 

فاسيا ابتسمت والدموع في عينيها وتابعت حقك عليا من كل حاجه يقلب اسيا وحطت ايديها حوالين رقبته وقربت باسته بحب فحط ايديه على وسطها شدها ليه وقربها منه اكتر

--------

عند اسراء كانت قاعده بتذاكر محاسبه في اوضتها وهي مخنوقه جداا من كل حاجه وعلي كان اكتر حاجه واجعها وشغاله تفكيرها ولقيت مسدج من واحد بيقولها: اسراء ردي علياا وبطلي اسلوبك ده

فشافتها وسكتت وتنهدت بوجع ودقايق ورد للمره اللي متعرفش عددها فردت عليه وتابعت الو

الشخص بحده اخيرااا لا حقيقي كتر خيرك

اسراء بحده بطل رغي كتيير عااايز ايه

الشخص انزلي روحي المكان اللي كنت بشوفك فيه

اسراء بحده ودموع بعينك مش نازله ولا عايزه اشوف وشك

الشخص بعصبيه يا اسرااء اقسم بالله لو ما نزلتي وجيتي لهزعلك مني وانتي عارفااني

اسراء بوجع اعمل اللي تعمله انا مبقتش احسك .. واللي متحسوش متزعلش ولا تتوجع منه

الشخص بتنهيده انا وانتي عارفين كويس اوي ان انتي كدابه 

اسراء غمضت عينيها وتابعت بعصبيه ودموع سميها زي ما تسميها المهم انا مش جايه اشوف حد

الشخص لو مجيتيش يا اسرااء اعتبريني موت وللابد واقسم بالله العظيم انتي عارفاني مبقولش كلمه وارجع فيهاا ابداا

اسراء قلبها وجعها وتابعت بدموع بتهددني مش كده؟

الشخص لا بوعيكي .. علشان متقوليش بايع وغدار وتكملي السلسله اللي بدأتيها دي ... باي

وقفل فاسراء فضلت تعيط وحطت ايديها على بوقها تمنع دموعها وراحت عند دولابها واختارت بنطلون بوي فريند جينز وشميز ابيض وفردت شعرها وطلعت وتابعت ماما

رانيا كانت قاعده حاطه ايديها على خدها وابتسام قاعده معاها فتابعت بتعب نعم يا اسراء

اسراء بتوتر ساره جاتلي تحت البيت هاخدها ونروح نطبع ملزمه وجايه

رانيا بتنهيده ماشي يابنتي متتاخريش

اسراء بتوتر حاضر ونزلت بسرعه وفضلت تمشي شويه لحد ماوصلت وشافته واقف مديها ضهره وبيشرب سجاير فتنهدت بوجع والدموع متجمعه في عينيها وتابعت خير يا ابو علي عايز مني ايه بعد السنين دي كلها وجاي تنكش في القديم

حسن رمى السجاره على الارض وداس عليها ولفلها وتابع بوجع قبل اي حاجه .. حقيقي واحشتيني 

---------

عند وسام كان قاعد في اوضته قدام اللاب فالباب خبط فتابع ادخل

فدخلت لينا وتابعت بتوتر : ويسو حبيبي

وسام بتنهيده خيير

لينا بتوتر خالتو وعيالها جم برا وماما بتقولك تعالى سلم واقعد معانا شويه

وسام بتنهيده حاضر يا لينا وقفل اللاب وقام وهو بيفتكر كلام هناء لما قالتله علشان خاطري اقعد معاهم شويه وابتسم لانها بتعرف تأثر عليه ومتخيلش ان في حد في الدنيا يقدر ياثر على قراره كده 

فاتصدمت لينا وتابعت نعم ؟!! وانا اللي داخله شايله الهم طب ازاي ده يعني ؟!!

وسام بضحك ادعي لمرات اخوكي بقى وطلع

فالينا فضلت تضحك وطلعت وراه وتابعت متهزرش هي اللي قالتلك ؟؟

وسام بضحك اه اومال انا هبقى سهل في التعامل وبالبساطه دي كده عادي ؟!!

فالينا فضلت تضحك وتابعت يابركاتك يا مرات اخويا ياللي لسه معرفش اسمك

وسام بضحك ولا هقولك

لينا ضربته في كتفه وتابعت بضحك مفيش منه الكلام ده هتشوف

فوسام فضل يضحك وبمجرد ما طلعوا ابتسامته اختفت بس بنت خالته فضلت تبصله وعينيها هتاكله من كتر اعجابها بيه

فتابعت امه بتعب سلم على خالتك وعيالها يا وسام

وسام بتنهيده اه اكيد حاضر وباس ايد خالته وحضنها وتابع عامله ايه يحبيبتي طمنيني عليكي

الخاله بابتسامه بخير طبعا ينورعين  خالتك من جوه انت 

وسام بضحك حبيبتي والله

وكل ده تحت انظار بنت خالته اللي اعجابها واضح جداا وعينيها ورا فكل حته فوسام حضن ابن خالته وتابع ازيك يا نادر عامل ايه

نادر بابتسامه بخير يحبيبي

وبص ليارا وابتسم ببرود وتابع بلسانه من غير ما يمد ايديه : ازيك يا يارا عامله ايه 

يارا ابتسمت بعشق وتابعت: بقيت بخير لما شوفتك