رواية لنا موعد اخر الفصل الثالث عشر13 والرابع عشر14 بقلم لولا
حبيبه بخوف وهي بتجري على البنت اااه فنسيبهاا مش كدده وراحت بصت عليها لقيت دماغها مفتوحه ومغمى عليها على الدريكسيون واتصدمت بشده لما لقيتها البنت اللي ساعدتها توصل علي المستشفى فتابعت بخوف يانهار اسود مش معقوله بجد !! هو انتي وفضلت تحاول تفتح الباب بس مش عارفه
فنزلت كنزي وراحتلها وتابعت بحده وهي بتشدها يلا يا مجنوونه العربيه ممكن تنفجر في اي لحظه
حبيبه بحده ااه فاسيبها تموت صح ؟!! يابنتي انتي ايهه ؟!! مجنوونه اوعي كده احاول اطلعها
كنزي بخوف يحبيبه والله انا خايفه عليكي مش بهزر ابوس ايدك يلا نمشي
حبيبه بعصبيه قولت مش همشي من غيرها روحي انتي يلااا ووطت جابت حديده من الارض وفضلت تكسر في ازاز العربيه وهي متوتره وبتعيط جدا وكنزي مرضيتش تمشي وتابعت بخوف طب اخلصي كسري وانا هحاول ادخل ايدي وافتح الباب ونطلعها بسرعه
حبيبه بخوف ودموع ماشي يلا بسرعه وفضلت تكسر في الازاز بكل قوتها وكنزي بتحاول تدخل ايديها وتفتح الباب وبالفعل فتحووه فتابعت حبيبه بلفهه ودموع الحمدلله ياارب الف حمد وشكر بجد يلا ياكنزي يلاا شديها معاياا بسرعه
كنزي بخوف يلاا ومسكوا إلين وطلعوها برا ودماغها كانت بتنزف وراحو بيها على عربيه كنزي فقعدت حبيبه معاها ورا وتابعت بخوف اطلعي يلاا على اقرب مستشفى بسرعه
كنزي بخوف حاضر حاضر ومشيت وبمجرد ما مشيت سمعوا صوت عربيه إلين انفجرت والنار مسكت فيهاا فاتخضوا وغمضت حبيبه عينيها وهمست بدموع ورعشه في صوتها اللهم لك الحمد بجد
كنزي بخوف يانهار ازرق ده لو مكناش اتحركنا بصي كان حصل ايه
حبيبه بدموع سيبك من اللي كان هيحصل وركزي في اللي ممكن يحصل لو مسرعتيش ووصلناها المستشفى دلوقتي
كنزي بخوف اهدي طيب هنوصل بسرعه متقلقيش
وسمعوا صوت فون بيرن فتابعت حبيبه بلهفه ايه ده الصوت جاي من جيبها
كنزي بلهفه شوفي بسرعه يمكن حد بيرن من اهلها
فحبيبه حطت ايديها في جيب بنطلونها وخرجت الفون وكان مكتوب " Baby " فتابعت بدموع ده باباها ارد ولا ايه؟
كنزي بحده ردي طبعااا طمني الراجل على بنته هي دي فيهاا كلام
حبيبه بدموع وخوف حاضر حاضر هرد وردت بالفعل وتابعت الو
الاب باستغراب الو .. إلين ؟؟
حبيبه بدموع لا ياعمو مش إلين انا بنت اعرفها كده وهي عملت حادثه ورايحه بيها المستشفى
الاب بصدمه قام وقف وتابع بخوف نعمم مستشفى ايييه وازااي حصلهااا كدده
حبيبه بخوف ودموع هقول لحضرتك كل حاجه بس ارجوك مش وقته انا حقيقي اعصابي مش متحمله وخرجتها من العربيه من هنااا وانفجرت من هنا وعيشنا اجواء مش سهله ابداا والله
الاب بخوف يانهاار اسود طب ابعتيلي يابنتي ابعتيلي بسررعه عنوان المستشفى اللي رايحينها ابوس ايديك
حبيبه بدموع حاضر والله هنقل رقم حضرتك وابعتلك حالا
الاب بخوف تمام يلا بسرعه مستنيكي باي
حبيبه باي وقفلت وتابعت بدموع كنزي ابوس ايديك بسرعه البنت دماغها بتنزف جامد
كنزي بخوف حاضر والله بس مش عارفه ايه سر الخوف الغريب دده ولا اكنها اختك في ايه يا حبيبه انتي لسه شيفاها من 10 دقايق بس
حبيبه بصت لإلين ودموعها نزلت وتابعت انا مدينه ليها بروحي ومهما اعمل علشانها مش هوفيها وبصت لكنزي في المرايا وتابعت بدموع محدش غيرهاا وقف جنبي لما علي كان بيموت فمش كتير عليها ابدا اخاطر بحياتي علشانها وهي قبلها بيومين كانت سبب في اني اعرف اعيش دلوقتي
كنزي بتنهيده عليي ااه قولتيليي .. انتي مستوعبه انتي بقيتي في حكم خطيبه مين ولا مش مستوعبه ؟؟
حبيبه بعصبيه ودموع متنيله وركزي في طريقك من فضلك
كنزي بتنهيده اقرب مستشفى من هنا بتاعت علي هوديها فيها وخلاص
حبيبه بلهفه لا دي غاليه انا مش معايا ادفعها هرهن دهبي تاني ولا اعمل ايه ؟
كنزي بابتسامه بس يحيوانه متقوليش كده وانا موجوده نفضي الفيزا ولما ابوها يجي يملاها
حبيبه ضحكت من بين دموعها وتابعت اخيرا لاقيت ليكي فايده يابت ياكنزي والله
كنزي بضحك عيب عليكي
وبعد شويه بالفعل وصلوا المستشفى ونقلوا إلين وكنزي دافعتلها وراحو يستنوا عند الاوضه فتابعت حبيبه بتوتر كنزي
كنزي برفعه حاجب نعم ؟!
حبيبه بتوتر انا هروح اطمن على علي بسرعه وجايه ها
كنزي تنهدت بعمق وتابعت اللي انتي شيفاه صح اعمليه
حبيبه بضيق انا مش بقولك علشان تقوليلي كدده
كنزي بضيق وانا معنديش حاجه اقولها حقيقي
حبيبه بحده هو في ايه يكنزي انتي عايزه ايه علشان افهم بس
كنزي مش مهم انا عايزه ايه وقربت منها وتابعت المهم انتي تعرفي عايزه ايه .. ومين
حبيبه سكتت بوجع والدموع اتجمعت في عينيها وتابعت عايزه ايه فانا عارفه بس دي مش هقدر املكها ومين فاهو عماد وفكل الاحوال انا مجبره مش مخيره
كنزي بحده لا مش مجبره انتي اللي وافقتي بيه يحبيبه و
حبيبه بمقاطعه وبحده علشااان هو اللي عاايزني ومصم علياا
فكنزي بصتلها وسكتت فدموعها نزلت وتابعت هو الوحيد اللي حسسني اني مقبوله واتحب .. اصل كده كده هتجوز .. فا ليه متجوزش واحد بيحبني على الاقل
كنزي بتنهيده انتي غلط يحبيبه وعمري ما هقتنع باللي بتعمليه في حياااتك ده بس مسيرك تفوقي واتمنى يكون قريب
حبيبه سكتت وسابتها ومشيت فكنزي نفخت بضيق
وفضلت تمشي ودموعها بتنزل بقهر ووجع وراحت عند اوضه علي وقبل ماتدخل شافت رفيده قاعده جنبه على سريره وبتاكله
فتابعت رفيده بضحك انت كده بتدلع مش بتاكل هاا
علي بضحك وحياتك عندي مش قادر خلاص بجد
رفيده بضيق عليي
علي بضحك قلب علي اقسم بالله
رفيده بضحك اتلم وكل يلا
علي برفعه حاجب اعمل ايه؟
رفيده بضحك لا ولا حاجه امسك بس يلا
علي قولت مش عايز بقى يا رفيده خلاص
رفيده بحب معلش ياروحي دي بس وحياه روفي عندك
فعلي ضربها على دماغها وتابع وهو بياكل هو انا جايبني ورا غير روفي وعمايلها
فرفيده فضلت تضحك وحبيبه قلبها وجعها اوي ومدخلتش ومشيت والدموع متحجره في عينيها وغمضت بقهر فدموعها نزلت بصمت وراحت تاني عند اوضه إلين وقعدت فبصتلها كنزي باستغراب وتابعت مالك في ايه؟
حبيبه بهدوء عكس الحرب اللي جواها : لالا مفيش انا زي الفل
كنزي سلمتى على علي؟
حبيبه تنهدت بعمق وتابعت لا لقيته نايم محبتش ازعجه
فكنزي رايحه تتكلم لقيوا ابو إلين جيه فتابع بخوف ها طمنوني الدكتور قال ايه
حبيبه قامت وقفت وتابعت بحزن متقلقش يا فندم خير باذن الله لسه محدش طلع
الاب بخوف يارب .. يارب وفضل يتمشى عند الاوضه وهو بيدعي
كنزي راحت جنب حبيبه وتابعت بهمس بالذمه ده باباها ازاي بسم الله ما شاء الله محافظ على جسمه وشكله
حبيبه بصتلها بضيق وتابعت بالذمه انتي ده وقته !!
كنزي بتوتر سوري خلاص
ودقايق وخرج اادكتور فتابع الاب بخوف دكتور طمني على بنتي اخبارها ايه ارجوك
الدكتور بابتسامه متقلقش بسيطه عندها كسر في دراعها الشمال وعملنالها 6 غرز بسبب الفتحه اللي في دماغها بس هي كويسه وتقدروا تشوفوها كمان
فكلهم تنهدوا بارتياح فتابع ابوها بدموع فرح اللهم لك الحمد يارب شكرا جداا
الدكتور بابتسامه العفو ربنا يطمنكم عليهاا
حبيبه بدموع فرح الحمدلله يا فندم حمدلله على سلامتها
الاب بدموع فرح حقيقي يابنتي مش عارف اقولك ايه تعالي بس نطمن على إلين واحكولي اللي حصل تعالي
حبيبه بدموع فرح اه طبعا اكيد هشوفها
وراحو بالفعل دخلوا وإلين شافتهم فابتسمت بتفاجئ وتابعت بتعب لا متهزريش هو انتي !!
الاب بابتسامه مليانه فرح ايه ده انتي تعرفيها يا ايلي
إلين ضحكت بتعب وتابعت الا اعرفها وابتسمت وتابعت حقيقي مش عارفه اقولك ايه انك عرضتي حياتك للخطر علشاني و
حبيبه بمقاطعه وابتسامه متقوليش حاجه سبق وعملتيلي جميل لو فضلت عمري كله اشكرك عليه مش هوفيكي وانا فاكره كويس جداا اني ساعتها قولتلك يارب يجعلني اردهولك واكيد مش مبسوطه باللي حصلك بس مبسوطه اني قدرت اردلك ولو جزء صغير من اللي عملتيه
إلين الدموع اتجمعت في عينيها وتابعت انا حقيقي معملتش حاجه وربنا يطمنك عليه يحبيبتي اخباره ايه دلوقتي ؟
الاب بستغراب هو مين ده؟
حبيبه بوجع علي اخويا الكبير واكتر كان مضروب بالنار وهي ساعدتني اجيبه المستشفى
الاب بص لبنته وتابع بابتسامه ربنا نجاكي من كتر حنيتك وطيبتك اللي علمتك توزعيهم على الكل
إلين ابتسمت وتابعت تعليماتك يا سياده اللواء منقدرش نخالفها
فابوها حضنها وتابع بضحك قلب سياده اللواء والله وغمض وباس راسها بعمق
كنزي بضحك ايه ده هو والد حضرتك لواء مابقول بردو الهيبه باينه والله ربنا يحفظ حضرتك
حبيبه بصت لكنزي بتفاجئ من جرائتها فابو إلين ضحك وتابع اه لواء في الشرطه وميرسي بجد يحبيبتي
إلين بابتسامه بابي شوف مين فيهم دفعت فلوس المستشفى وردهم
كامل بتذكر اه اه طبعا كويس فكرتيني مين فيكم دفعت صح؟
كنزي بابتسامه انا يفندم بس عادي دي زي اختي والله
حبيبه بصتلها وكتمت ضحكها فتابع كامل لالا طبعا وانتي زي بنتي مقدرش ادفعك تعالي انا نازل اجيب ادويه واكل لإيلي واحولهملك بالمره
كنزي رايحه تتكلم فتابع بضحك هشش ولا كلمه يلا ورايا
إلين بضحك يلا وراه محدش بيقدر يقوله لا اصلا
فكنزي ضحكت وطلعت وراه وحبيبه كانت باصه عليهم ولما اختفوا من قدامها بصت لإلين وابتسمت وتابعت باين عليه بيحبك اوي
إلين بابتسامه اممم حب مميز زي حبك لعلي كده
حبيبه اتفاجئت وتابعت بتوتر لا انا مش
إلين قاطعتها بابتسامه وتابعت متكدبيش هو مش اخوكي الكبير والحب ليه باين في عينيكي من اول يوم شوفتك فيه وقولتيلي حبيبي اول كلمه طلعت من بوقك
حبيبه الدموع نزلت في عينيها وتابعت حبيبي ومش حبيبته
إلين بوجع خدت بالي بردو من البنت اللي كانت جنبك هي مراته؟
حبيبه بدموع لا خطيبته
إلين بوجع محبتعوش ربع حبك ليه
حبيبه عيطت وتابعت وهو محبنيش ولا شافني اصلا
إلين اتعدلت بتعب وتابعت بحزن لالا علشان خاطري متعيطيش
حبيبه بوجع ودموع تعبانه اوي بجد ومش فاهمه بقولك ليه بس حقيقي تعبانه يا إلين
فإلين فتحت دراعها السليم وتابعت بدموع تعالي طيب
فحبيبه حضنتها ودموعها نزلت بقهر وتابعت هو انا غلطت لما حبيته؟ ليه بتعاقب على حاجه حاسه بيها ومش بارادتي اوقفها؟
إلين بدموع ووجع لا انتي مغلطيش بس يمكن هو اللي ميستاهلش الحب ده ومتقوليش مش حاسه بيكي لا اانا حاسه بيكي وفهماكي جداا بس يمكن ربنا بيحبك وبعد عنك الشر لان انا مثلا انهارده في المستشفى بسبب شخص كان حبيبي وخطيبي في يوم من الايام وانا اللي اختارته بمزاجي
حبيبه بصتلها بصدمه وتابعت الظابط اللي حاول يموتك؟
إلين بوجع اه شوفتي .. فانا كل يوم بلعن نفسي اني حبيته واني داعيت بيه في يوم من الايام
حبيبه بذهول طب ليه عمل كدده ليه
إلين بوجع الظابط البيه المحترم اتجه للمخدرات وبقى شخص زباله ولما سبته فضل يطاردني ويهددني كتير وفاكر نفسه كده بيحبني ولما رفضت نرجع للمره اللي معرفش عددها كام .. عمل كده
حبيبه بذهول لا ده بجد مش طبيعي
إلين بوجع انا قولتلك علشان حاجه واحده زي مانتي داعيتي بعلي انا داعيت بـ باسم وصدقيني محدش فينا مرتاح بس يمكن ربنا نجاكي محرمكيش
حبيبه بوجع انتي صح .. بس انا تعبانه اوي ومش شايفه فيه غلطه .. ده حافظ كتاب ربنا ومبيفوتش فرض وعيطت وتابعت طب انا اللي وحشه ومش نافعه ليه ولا ايه؟
إلين بحزن كلنا مقصرين بس متتحسبش كده انا قولتلك فرض انما ممكن نفرض بردو ان انتوا الاتنين زي الفل بس مش هتنفعوا لبعض وربك اعلى واعلم
حبيبه بوجع ونعم بالله عندك حق
إلين بحزن ومتزعليش انك حاكتيلي بالعكس انا هحاول اساعدك وهقف جنبك واعتبريني اختك من انهارده وابتسمت وتابعت الدنيا وقعتنا في بعض مرتين واكيد دي مش صدفه خصوصا انا كمان وحيده ومعنديش اخوات
حبيبه حضنتها وتابعت بحب ودموع ده انا يشرفني والله ينورعيني اكون اختك .. الله هي دي فيها كلام وضحكت وتابعت ده انتي بنت لواء مره واحده بقينا معانا واسطه خلاص
إلين بضحك اي وقت عينيا ليكي طبعاا متقلقيش
حبيبه بضحك حبيبتي والله وابتسمت وتابعت بس واضح بجد عمو بيحبك جدا ربنا يخليهولك وتنهدت بوجع وتابعت انا حتى شكل بابا مشوفتوش اتولدت من هنا وشهرين ومات من هنا وحطت ايديها على صدرها وتابعت كل اللي اتبقالي منه اسمه ويمكن كنت بشوفها ميزه زمان علشان اسم علي
إلين بابتسامه مليانه وجع فهماكي لان انا كمان ماما اتوفت وهي بتولدني وعمري ماقولت ماما لحد فبابا هو اللي مالي عليا حياتي ومالوش غيري زي ماشوفتي
حبيبه بابتسامه ربنا يحفظهولك يارب
وجيه كامل وتابع : إلين النيابه جايه دلوقتي فهموني حصل ايه بالظبط بقى علشان اعرف اتصرف
إلين بوجع باسم يا بابي
كامل بصدمه نعمم باسم اللي خلى عربيتك عملت حادثه !!
إلين بدموع اممم
حبيبه وانا شوفته يا فندم وصورته اهو وقامت مسكت فونها فتحته ووريته الصوره
فاتعصب جدا وتابع يا ابن الكلب يا زبااله هي الجرااه خلاص وصلته لكده ده انا هوديه ورا الشمس وبص لحبيبه وتابع ده فونك وانا هقدم الصور دي كدليل ضده بس مستعده تشهدي باللي شوفتيه ولا هتقلقي يابنتي؟
حبيبه بحده اشهد طبعا هقلق من مين لاا
إلين بصتلها بامتنان وتابعت وبابي هيحميكي متخافيش
حبيبه بصتلها بحب وتابعت انا مش خايفه من حاجه وعارفه ورايا مين
كامل بابتسامه تسلمي والله يابنتي وصاحبتك تحت انزليلها يلا بتقول وراكم محاضرات كتير كفايه اللي رااح
إلين بلهفه اكتبي رقمك في الفون بس يحبيبه وامشي انتي علشان معطلكيش وهكلمك
حبيبه بحب حاضر عيوني
وبالفعل كتبته وبعتت الصور لإلين وباباها ونزلت ولقيت كريم بيرن عليها
فردت بتوتر وتابعت الو
كريم بحده هو انا يمهزقه مش قايلك توصلي وطمنيني ؟؟
حبيبه بقلق نسيت خالص يحبيبي حقك علياا والله المحاضره كانت بدات فكنت بجري
كريم بحده طيب يحبيبه اقفلي علشان في الموقع مش فاضي كنت بطمن عليكي بس
حبيبه بحب ماشي يعمري اهدى انا كويسه والله متخافش
كريم بتنهيده تمام باي
حبيبه باي وقفلت وتنهدت بارتياح
فضحكت كنزي وتابعت لا مسيطر
حبيبه بضحك ده كده كده هتهزري ولا ايه
كنزي بضحك طب ومقولتيش الصراحه ليه ياللي تنشكي انتي
حبيبه بتنهيده ياستي هو انا لسه هرغيله وهيفضل روحتي ازاي لوحدك طب افرض لبستي الموضوع وقالولك ماتت بعيد الشر وانتي اخر حد جابها ويخاف عليا وحوارات
كنزي بضحك عنده حق والله ده ربنا سترها
-----
عند لميا كانت قاعده في اوضتها حاضنه رجليها وسانده راسها على رجليها ومش قادره ترفع راسها من كتر الصداع وعينيها وارمه من العياط فالباب خبط فتابعت بصوت مسموع بالعافيه : ادخل
فدخلت هناء وتابعت بحزن بردو مش هتقوليلي مالك وفيكي ايه؟
لميا افتكرت شكل زين وسكتت بقهر وبصت بعيد
فقفلت هناء الباب وراحت وجهت وشها ليها وتابعت بوجع قولي لاختك فضفضيلي بدل مانتي مهمومه كده
لميا الدموع اتجمعت في عينيها وتابعت اقولك ايه ؟؟ اقولك اني هبله ؟؟ ولا اقولك اني اضحك علياا ؟؟ وعيطت وتابعت ولا اقولك اني متحبتش اصلاا وانتي كنتي صح فكل حااجه قولتيهااا
هناء اتصدمت وتابعت اضحك عليكي ازااي يعني ؟!! ومسكت دراعها وتابعت بخوف بت هو الواد ده مس شعره منك واتعصبت بدموع وتابعت انطقيي وقعتي قلبي
لميا شدت دراعها وتابعت بعياط وعصبيه ملمسش ولا يقدر يلمسني بس مس قلبي يا هنااء وحطت ايديها على قلبها وتابعت بعياط داس عليه باوسخ جزمه ومهموش
..فضلت امسك فيه واعدي واداري على اغلاطه واضحك على نفسي وعماله اطلع بيه لسااابع سماا وعيطت اكتر وتابعت لحد ما بص لغيري وخاني ونزل بيااا لسابع اارض
هناء بصدمه خانك !!
لميا بعياط اه خاني وشوفته بعيني الاتنين .. خلاني احس اني مش كفايه واني مملتش عينيه علشان يروح يبص لغيري
هناء بوجع لميا انتي متاكده ؟!! متعمليش زي نادر مش كل اللي بنشوفه حقيقه
لميا بعياط بس انا معملتش زي نادر يا هنااء انا روحتله وواجهته وهو سكت ومعرفش يرد علياا وكل اللي ربنا قدره عليه يقولي سامحيني
هناء اتصدمت وحطت ايديها على بوقها وتابعت لمس البنت دي ؟؟
لميا بعياط لا متنيلش بس كان هيعملهاا
هناء قعدت وحطت ايديها على جبينها بذهول وتابعت مش عارفه اقولك ايه انا مصدومه
لميا بوجع ودموع قولي اللي قولتيه قبل كددده وانا مصدقتكيش .. قولي انهم ميتأمنوش بسهوله وانه لو عاوزني كان جيه اتقدملي في النور ..وعيطت وتابعت قولي كل اللي انا كنت عارفااه وبضحك على نفسي
هناء عيطت من كلامها وتابعت بوجع انتي حبتيه اوي كده؟
لميا بقهر حبيبته اوي كده !! ده كان روحي وابتسمت بقهر وتابعت ده انا مكنتش بعرف اشتغل غير لما اشوفه ويعملي الكوفي بنفسه ويجبهولي ويبوس راسي ويقولي ربنا معاكي يحبيبتي .. هو ازاااي !! وبصت لهناء وتابعت فهميني بجد ازاااي طلع زبااله كده وعيطت وتابعت ازااي يكسرني ويقهرنيي كدده ده انا محبتش حد قدده يا هناء ازااي اهون علييه قوليلي
فهناء حضنتها ولميا فضلت تعيط في حضنها بقهر وتابعت انا الغلطانه واستاهل والله العظيم
هناء بدموع متقوليش كده انتي بتتعلمي مش بتتعاقبي
لميا بعياط مكنتش عايزه اتعلم وقلبي يفضل سليم .. والله العظيم ياريتني ماتعلمت
هناء بصتلها بحزن وافتكرت كلام وسام وتابعت بوجع زي العيل مابعيط على سنانه اللي وقعت انتي كمان بتعيطي على اللي راح منك وزي ماهو مش فاهم ان السنه اللي هتطلع احسن واقوى وانسب لجسمه اللي بيكبر انتي كمان مش هتعرفي ليه اتكسرتي واتوجعتي من زين غير لما تشوفي اللي يعوضك واللي احسن منه واللي كان مستحيل يجي غير لما تتوجعي وتقطعي علاقتك بزين وتنضجي وتتعلمي فتختاريه
لميا بوجع انتي اللي بتقولي كده !!
هناء هزت راسها بوجع وتابعت اه انا لان دي الحقيقه .. بس مش معناه اني متعيطيش لا انا مقولتش كده .. انتي اتكسرتي واتوجعتي من اغلى حد في حياتك وصعبه جدا وحاسه بيكي وعيطي وخدي وقتك في الوجع بس متنسيش كلامي يا لميا وخلي عينك عليه وقومي يلا اغسلي وشك ده قبل ما امك تطلع من عند خالتك وتعملك مرشح
لميا بوجع ودموع روحي انتي وجايه وراكي
هناء بحزن حاضر يحبيبتي وقامت وخرجت وقفلت الباب
ولميا حطت ايديها على بوقها وفضلت تعيط بشده ولقيت زين بيرن قفلت الفون خالص وعيطت
------
عند شيري وزياد
زياد كان قاعد بيشتغل على التاب ولقي شيري داخله الاوضه متعصبه وتابعت بحده انا عايزه اوضع حل في العيشه اللي انا عايشاهاا دي علشان جبت اخرري
زياد بصلها باستغراب وقام وقف وتابع بعصبيه مالك يابت في ايه ؟؟ داخله كده ليه ؟؟ اتجننتي ولا ايه ؟؟
شيري بعياط في اني خلاص زهقت وتعبت من حياتي معااك خلاااص
زياد بصلها بذهول وتابع نعم قولتي ايه؟؟
شيري بعصبيه ودموع زي ما سمعت كدده هو انت مش امبااارح وعدتني اننا ننزل نتنيل نطفح برااا ولا مقولتش
زياد ضرب كف في كف وتابع بعصبيه يابنت الناس هو انا اعترررضت ماحنا لبسنا بعد ماطلعتي من الشااور ورغم انك حرقتي دمي بكلام اهلي عن الحمل واتقفلت منك ومن اليوم بس قولتلك البسي ويلا ولما البسنا امي تعبت كنتي عايزاني اسيبها بتموت وسليم ومراته براا وانزل يعنيي
شيري بدموع وعصبيه لا تنزل ازااي تقوم الخدمه اللي جبتهااا تقعد جنب امك تخدمها وتراعيهاا ومش كده وبس اصحى انهارده كماان من صباحيه ربنا انزلهااا وضهري يتقطم معاها وانت قاعد شغال هنا مش كدده
زياد بعصبيه انتي بتتخانقي معاياا ليه انا مال امي مش دي التقسيمه بتاعتك انتي واسيااا انا يخصني ايه ماهو يوومك
شيري بعصبيه ودموع وامبارح مكنش يوومي ومع ذلك علشان مطلعش وحشه مع اسياا بردو قعدددت مع امك لما تعبت ومروحناش نتعشا برا وقدرت ان اسياا برا بسبب تعب اخوهاا بس انت مش شااايف انك مفروض تتكلم خاالص ؟؟
زياد بعصبيه يابنتي اتكلم اقول ايييه ما انتي امبارح قاعده مجبوره بس قولتي تقدري الموقف وان اسياا برا بسبب علي وانهارده اوريدي يومك فانا اعمل لاهلك ايه مش فااهم
شيري بصتله بضيق وتابعت بعصبيه اه صحيح وانت هتعمل ليه ولا هتعوز ايه تاني مش مهم انا اولع ونفسيتي تتعب من القاعده في البيت عاادي ماحضرتك خدت مزااجك خلاااص منا جايه هنااا جاريه ليك وخدامه لامك
زياد ضربها بالقلم بقوه فعطيت وصرخت بوجع ومسك دراعها جامد وتابع بعصبيه تصدقي انك بت بنت كلاااب ومشوفتيش رباايه ..ايه الكلااام الزباااله ده يحيواانه انتي هو انا مأجرك ولا اييه انتي مراااتي وده حقي عليكي ففوقي لنفسسك واعرفي بتقوليي ايه متتكلميش وخلاص
شيري بعصبيه ودموع وانا مش من حقي ولو لمره واااحده تقف لامك زي ما سليم بيقف كدده وبيقول متنزلش طول منا مووجود
زياد بعصبيه سليم موجود علطول وبتنزل عاادي هو بيتكلم عن الجمعه بسس انما انا مش هقدر اقولها تقعدي جنبي اسبوع طب والغلبانه التاانيه تشيل لوحدهاا ولا ايه
شيري بصتله بضيق وتابعت بعصبيه كل ما احبك تكرهني فيك يا زياااد حقيقي ندمانه ندم عمري اني وافقت اتجوزك
زياد اتصدم بشده وقلبه وجعه. وبصلها بذهول وتابع بسخريه ووجع: لا وتندمي ندم عمرك ليه انتي ط
وقبل ماينطق شيري حطت ايديها على بوقه وتابعت بعياط وصدمه يخربيتك رايح تقول اييه هو انا للدرجه دي مش فارقاالك
زياد شال ايديها وتابع بعصبيه ايه زعلتي ليه ماكنت هريحك مني ومن امي ومن الدنيااا اللي مش عجباكي وندمتي انك دخلتيهااا
شيري بصدمه عاادي كده بالسهوله دي ؟!! وتقول بتحبني !!
زياد انا بحبك بس بحب كرامتي اكتر بكتير واتعصب وتابع ومستحيل اقبلها على نفسي واحده تعيش معايااا وهي مش طيقااني ولا عاايزاني حتى لو بموت فيهاا وابتسم بوجع وتابع اتاريكي بتغمضي .. مش عايزة تشوفيني بقرب منك مش كده؟
شيري اتوترت وتابعت لا مش كده طبعااا و
زياد بعصبيه وبمقاطعه غوري برااا يا شيري علشان مش طايقك ومش عايز امد ايدي عليكي تااني
شيري عيطت ورايحه تتكلم فتابع بعصبيه قولت غووري قسما بالله لو ماطلعتي برااا دلوقتي لتبقي طالق
فاتصدمت بشده وخرجت بسرعه وهي بتعيط وهو زق الترابيزه بعصبيه فوقعت والكوبايات اتكسرت من عليها وقعد على السرير وحط راسه مابين ايديه وغمض بوجع وافتكر كلامها : "" كل ما احبك تكرهني فيك يا زياااد حقيقي ندمانه ندم عمري اني وافقت اتجوزك ""
فالدموع اتجمعت في عينيه وابتسم بوجع وتابع دي غلطتي بردو مكنش لازم اتجوز واحده انا بحبها اكتر ماهي بتحبني واتخنق جداا فقام دخل بلكونه اوضته وولع سجاره ونفخ دخانها في الفراغ قدامه
----
وعند اسيا الباب ففتحت تولين وتابعت بابتسامه تعالي يا طنط
فدخلت شيري الصالون وهي بتعيط واسيا كانت قاعده وتابعت بخوف ايه ده يابت مالك في ايييه
شيري عيطت وقعدت قدامها وتابعت اتخانقت مع زياد وغلطت بالكلام جامد
اسيا بخوف طب ليه يابنتي حصل ايه لكل ده وبعدين ده وقته خنااق يا شيرري
شيري بعياط اهو اللي حصل بقى فضلت معبيه من امه كتير فانفجرت فيه
اسيا بحزن يحبيبتي ماهي قارفاني معااكي بس سليم مالوش ذنب بردو
شيري بعياط وبحده جوزك مش زي جوزي يا اسيااا انتي سليم في ضهرك انما انا جوزي بيموت في امه وبيطبلهااا ببقى نفسي اشوفه واقف قصاادها علشاني زي ما سليم بيعمل بس لاا ابداا علطول سامعا واطاااع
اسيا بتنهيده هو مش بيجي كتير فميعرفش طباعها معانا قد سليم فعلشان كده مش بيجي عليها اصلها امه بردو
شيري بعياط وانا مرااته مش جااريه عنده ولا خداامه لامه
اسيا بحزن يحبيبتي محدش قال كده والله
شيري بعياط لا انا عارفه بقولك ايه ده مفيش اجااازه غير واتنكد علياا فيها بسبب حماتك مبيهونش عليهاا تسبنا نروح اي حته ولا نتهنى ولما بنقعد سواا فوق شويه ونتلم على بعض بيبقى عايز يعمل حاجه وانا دماغي في حتت تاني اصلا
اسيا بذهول ينيلك صح اومال عايزاه يرجع كل كام شهر يعمل ايه مع مرااته !! يلعب كوتشينه !!خورجات ايه وهبل ايه اللي بتفكري فيه خلي جوزك يشبع منك يهبله ده بيسافر وبيشوف اشكال والوان
شيري بعياط ياستي بقى اشمعنا انا اعمله اللي هو عايزه ومبيعمليش اللي انا عايزااه
اسيا بصت لتولين وتابعت توتي ادخلي لوني في الروم بتاعتك
تولين بابتسامه حاضر يامامي
ودخلت باالفعل فتابعت اسيا بتنهيده انا مش معاكي يا شيري لان زياد حقيقي لو يطول يجبلك النجمه من السما هيجيبها بس هو موضوع ماما ده بيبقى غصب عنه هو مبيدخلش اصلا لانه ميفهمش حاجه انما لو حصل قدامه حاجه اكيد مش هيسكت
شيري بحده وعياط منا ممكن احكيله عاادي جداا و
اسيا بحده ومقاطعه متبقيش غبيه بقى يعني هو راجع للهم دده !!
شيري بحده لا راجع للمرقعه وقله الادب بس ولا اكنه بيت مش لمؤاخذه
اسيا اتفاجئت وفضلت تضحك وضربتها في كتفها وتابعت بضحك طب يمنيله احمدي ربك انكم بتعملوا حااجه احنا مفيش خاالص هي بتحس بينااا تقوم تخترع اي مصيبه تخليه ينزل او انا انزل المهم منتلمش على بعض بتخطط ان الراجل يزهق ويخوني
شيري بوجع سليم عمره مايعمل كده عاارفه ليه؟ علشان بيحبك ومش بيسمح بحاجه تحصل تضايقك او توجعك وبيجبلك حقك تالت ومتلت انما انا .. تنهدت بعمق وتابعت ربنا يعيني على اللي انا فيه
اسيا باستغراب بت يا شيري انتي مبتحبيش جوزك يا بت ؟
شيري ضحكت بسخريه وتابعت لا والله ده اللي طلع معاكي في الاخر اني مبحبوش
اسيا بتنهيده اصل كلامك غريب اوي يعني انا اه ساعات ببقى مقفوله وتعبانه بس عمري ما ازعل ان سليم عاوزني لا وكل مره بيقولي كده بتتبسط انه مش بيمل مني وضحكت وتابعت ده لو سكت استغربه والله واقول بتخان علطول
شيري بوجع انا مش بحب احساسي اني موجوده في شقتي لغرضين وهو خدمته واللي بيحصل بينا فالو انتي بتتبسطي مع سليم فده اكيد لانه زوج واب واخ وحبيب من ايام الجامعه فالريليشن جزء من حياتكم مش حياتكم انما انا وزياد حرفياا شغله خلى مبقاش في بينا غير كده وبس فانتي فاهمه احساسك انك موجوده على ذمته علشان كده وبس !! وحتى مش مهتم نفكر هحمل ازاي ؟
اسيا تنهدت بعمق وتابعت مش عارفه اقولك ايه والله بس هو ياما لف معاكي على الموضوع ده ومفيش موانع فا دي بجد بتاعت ربنا
شيري بوجع انا مقولتش مش بتاعت ربناا لا هي بتاعت ربنا بس هو حتى مش مكلف نفسه ينزل اجاازه مناسبه ليااا علشان احمل
اسيا بحزن مش بمزاجه يحبيبتي ينزل امتى والله
شيري بوجع فكك بقى يعمل اللي يعمله ما كان هيطلقني انهارده
اسيا شهقت وتابعت بحده نعم ياختي !! ازاي يعني ليه حصل اييه علشان كان هيطلقك
شيري بضيق انا استفزيته بردو الصراحه ووصلت بيه حلف علياا بالطلاق لو مطلعتش من الاوضه
اسيا اتصدمت وتابعت ينهاار اسود عملتي اييه للراجل يا شيرري يوصله للانهيار العصبي ده !! زيااد مش كددده !!
شيري بدموع اووف بقي يا اسيا ماقولتلك ضايقته بكلامي بس والله من غلبي
اسيا بحده خليكي انا طالعاله الله يخربيت لساانك ده يا شيخه
وشيري سكتت ونفخت بضيق ودموعها بتنزل
----
فوق عند زياد الباب خبط فسمعه وهو بيقفل قميصه وقفله وراح فتح وتابع بتنهيده تعالي يا اسيا
اسيا دخلت وتابعت بابتسامه جايه اخد من وقت سياده المدير بتاعنا اللي مشرفنا في الخارج دققتين بس شكلك لابس ونازل فينفع ولا ايه؟
زياد بابتسامه ينفع طبعا يا ام تولين هي دي فيها كلام تعالي واخلص معاكي وانزل
ودخل البلكونه وولع سجاره رابعه وتابع قولي سامعك
اسيا بصت للطفايه وتابعت بتنهيده طب مش حرام عليك صحتك دي ؟
زياد بتنهيده لا عادي مش مهم وبص قدامه على الشوارع وتابع قولي انتي بس في ايه
اسيا بحزن هتسمع من اختك الصغيره ولا هتزعلني منك؟
زياد بابتسامه عيب عليكي يا اسيا ده ربنا يعلم غلاوتك عندي قد ايه
اسيا بابتسامه تسلملي يحبيبي وتنهدت وتابعت انا عارفه ان شيري متخلفه ولسانها طويل بس والله ..
زياد بمقاطعه لالا لو هتتكلمي عن شيري فانا متأسف وفري وقتك ووقتي في حاجه هنستفيد بيهااا
اسيا بحزن يزياد مينفعش اللي بيحصل بينكم ده
زياد بحده هي اللي وصلتنا لكل دده وانا خلاص مش هعتبرها على ذمتي من انهارده وتحرم علياا ولا عايزها ولا عايز قربهاا
اسيا شهقت وتابعت اخص عليك يا زيااد تحرم اللي ربنا حلله هو ده كلااام !!
زياد رمي السجاره وداس عليه وتابع بهمس حاد : اسيااا ابوس ايدك قفلي علشان متزعليش مني بس من الاخر والدوغري هي مش عايزه قربي اصلاا وشوفت ده في عينيها مره والف وضحك بسخريه وتابع دي بتغمض علشان متشوفنيش يا اسياا
اسيا اتصدمت وتابعت لالالا اكيد انت فاهم غلط دي شيري روحها فيك
زياد ابتسم بوجع وتابع انا اللي روحي فيهاا وعلشان كده موجوع اوي لان الوجع دايما على الحب
اسيا بدموع وهي بتحبك والله العظيم متقولش كده .. ده شيطان ودخل بينكم انما كل اللي حصل اختلاف في وجهات النظر انما شيري بجد بتموت فيك
زياد بسخريه لا الف سلامه عليهاا من الموت وتنهد وتابع اسمعي يا اسيا فهميها زي ماقولتلك كده اني مش عايز قربها تاني ولو حاولت تصالحني والجو ده هرفضها واجرحهاا فخليها بعيد احسن واتعصب وتابع واني قسما بالله اقدر اجيب غيرهاا من بكررره عادي
اسيا شهقت وتابعت بحده وانت مين قالك هنقبل ولا نوافق بغيرهاا شيري غلطانه ااه ومعرفش قالتلك ايه وصللك للمرحله دي بس متنساش انها بردو بتحبك وشافت كتير من امك واستحملت علشانك مش ده جزاتها تتجوز عليهاا
زياد بعصبيه اتجوز عليهاا علشان اللي قالتهولي ومرضيتش تقولهولك انها كل ما تحبني بكرها فيا وموجوده هنا لمزاجي ومش عايزه قربي منها
اسياا اتصدمت وتابعت انت بتقول ايه !! شيري قالتلك كده !!
زياد بحده اه قالت كده فمش هسيب نفسي اغلط طبعاا فاتجوز في الحلال عاادي ومفرضش نفسي عليهاا وحقي اتجوز تاني وتالت وراابع ومحدش هيقدر يقولي بتعمل كده ليه
اسيا بصدمه انا مكنتش اعرف انها قالت كده وتنهدت بوجع وتابعت حقك عليا وانا عارفه انك راجل علشان عمرك ماهتفرض نفسك عليها ولا هتقدر تتجوز عليها بس ارجوك اعملي خاطر وهدي سركم ده انت يادوبك بتنزل اسبوع وبتمشي بلاش نكد يا زياد معلش يحبيبي سامحها علشان بتحبها
زياد بتنهيده حقك عليا يا اسيا بس حقيقي مش هقدر وانا نازل رايح لواحد صاحبي عايزني عن اذنك وطلع وسابها فتابعت بتنهيده يخرابي عليكي يا شيري اعمل فيكي ايه بجد
-------
عند سلمى وحازم كانت بتدور علشان تشتري الدريس بتاع كتب كتابها وبتحاول تتصل بامها واسراء بس فونهم مقفول
حازم بحده يابنتي ركزي في اللي جاين نعمله بقى
سلمى بتوتر يا حازم مش عايزه يحصل مشكله بين علي ورفيده فعايزه انبه ماما على اللي قولتلك عليه
حازم بحده ومقفول فهتعملي ايه مش فااهم شويه واتصلي تاني يا سلمى مش كده
سلمى بضيق هو في ايه يا حازم مالك مش طايق نفسك ولا طايقني ليييه
حازم بحده علشان انا جايب اخري وانتي بصراحه انسانه بااارده
سلمى رايحه تتكلم لقيت رفيده بتتصل بيهاا فاتابعت بلهفه ايوه اهي اشوف عملت ايه وقدمت شويه لقدام وردت وتابعت بلهفه ها يارفيده طمنيني
رفيده بابتسامه متقلقيش جيت واتخانقنا وفهمته والدنيا خلصت
سلمى تنهدت بارتياح وتابعت الحمدلله واتوترت وتابعت طب ايه عرف ان انا وماما واسراء كنا عارفين ان اللي كان خطيبك عصاام؟
رفيده بضحك لا طبعا يعني لو عرف ينكد عليكم كلكم وابتسمت وتابعت متقلقيش انا خليت ماما عدت على ماما رانيا واسراء وفهمتهم انهم يعملوا نفسهم عبط قدامه لو جاب السيره وكانهم ميعرفوش
سلمى بتوتر طب الحمدلله يعني لو عرف اننا عارفين وساكتين ينكد علينا اومال لو عرف ان انا اللي قولتلك اياكي تقوليله ان عصام اللي كان خطيبك يعمل فياا ايه
رفيده فضلت تضحك وتابعت يموتك خالص بقى رغم انك لوما حب السنين الكتيره والاولى والاخيره
سلمى فضلت تضحك وتابعت ده طبعاا غصب عنك يا حربايه انتي
رفيده بضحك انا اللي حربايه بردو
سلمي بضحك اه طبعاا وابتسمت وتابعت طب والله قولتلك كده لاني عارفه علي مش هيفهم انكم دلوقتي اخوات وهيحرمكم من بعض
رفيده بتنهيده ما ده اللي حصل استني احكيلك
فلاااش باااك
رفيده لما راحت لعلي مكان سلمى علشان سلمى هتنزل لحازم
فشافتها سلمى وتابعت بخوف رفيده كويس شوفتك
رفيده بخوف ايه يسلمى في ايه علي كويس؟
سلمى بتوتر كويس بس انتي اللي هتبقي مش كويسه خالص
رفيده باستغراب يابنتي في ايه قولي مره واحده
سلمى بتوتر هشام ابن الكلب جيه قاله ان عصام اللي كان خطيبك وحبيبك الاولاني
رفيده بصدمه نعم !! انتي بتقولي ايه هشاام جيه اصلاا !!
سلمى بخوف اه اتنيل المهم علي مستحلفلك فانتي ادخليله وهديه هاا واانا هتصرف وهحاول اوصل لماما واسراء وافهمهم ميجبوش سيره اننا كنا نعرف قدامه
رفيده نفخت بخوف وتابعت ماشي يا سلمى روحي انتي دلوقتي اوووف
سلمي بحزن حقك عليا والله
رفيده بدموع وخوف يابنتي انتي ملكيش ذنب روحي لخطيبك روحي وانا هتصرف
وسابتها وطلعت لعلي وقلبها بيدق بسرعه واول ما شافها بصلها بملامح خاليه من اي تعابير وهي حاولت تبين انها معرفتش انه عرف فابتسمت وتابعت حبيب قلب روفي ياناس
علي بجمود ايه اللي خلاكي متعرفنيش ان عصام هو الشخص اللي كنتي بتحبيه يا رفيده
رفيده بلعت ريقها بتوتر وملامحها بان عليها الخوف وتابعت وانت مين .. مين قالك الكلام ده
علي بعصبيه هو انا اللي بسالك ولا انتي !! انتي مااال اهلك مين قااال جاوبي على سؤالي
رفيده اتخضت من صوته وتابعت بدموع وخوف قولت كده علشانك والله
علي بعصبيه علشاني ازااي يعني مستغفلاني وتقوليلي علشااانك
رفيده راحت قعدت قدامه وتابعت بدموع يحبيبي والله ابدا ماعاش ولا كان اللي يستغفلك بس وحياتك عندي يعلي مكنتش عايزاك تحطه في دمااغك يعني انت منعتني من هشاام خالص لانك عارف انه حبني قبل كده وبتغير علياا منه فعصام ابن خالتي واخويا فمحبتش الامور توصل لكده يعني خصوصا اننا دلوقتي اخوات و
علي بعصبيه متعصبنيش وتقوليي دلوقتب اخواات ومسك دراعها بايديه السليمه وتابع بنفس العصبيه مفيش راجل فينا حب واحده وشافها زوجه ولو ثانيه واحده يعرف يشوفهااا اخته انتي بتضحكي على نفسك ولا عليااا شوفي نفسك عامله ازااي من سااعه ماا رجع
رفيده دموعها نزلت وتابعت لا يعلي عصام شايفني اخته وانا متغيرتش ولا حاجه من ساعه مارجع انا اللي خطف لوني اني خوفت اخسرك انما مش اكتر من كده
علي بعصبيه رفيددده انا تعبااان ومش ناااقصك شغل انك خااايفه امنعك منه علشاان اخوكي ده مش جاااي معايااا .. انا كنت صرييح معاكي بس انتي مكنتيش كدده ودي مش هعديهاالك بالساهل
رفيده بدموع طب اهدى والنبي علشان خاطري خلاص محصلش حاجه لكل دده
علي بعصبيه لا حصللل لما واحد حيوان زي هشااام يجي يمشت فيااا اني مختوم على قفايااا وعايش زي الاطرش في الزفه يبقى حصل وحصل كتيير يا رفيدده
رفيده بحده ودموع هشاام ده ابن ستين كلب وانت عارف انه عاايز يوقع بينا متسمحلوش بكدده
علي بعصبيه ماهو عندده حق ازاي هو يكوون عاارف وانا معرفش يعنيي هو انتي تخصي مين علشان افهم بس
رفيده حضنته وتابعت بدموع ووجع اخصك انت وبتاعتك انت ومش هخبي عليك تاني وغلاوتك عندي بس ابوس ايدك متفهمينش غلط ولا تزعل مني انا مبحبش حد غيرك يعلي
فعلي غمض عينيه بضيق وتابع خلاص يا رفيده اوعي
رفيده بصتله بعياط وتابعت يعني مش زعلان مني
علي بضيق مش متنيل بس بردو مالكيش علاقه بيه انا لو ضامنك انتي مش هضمنه هوو وده بغض النظر عن احساسي اللي بيقولي انك مش طبيعيه الفتره دي لاني بردو مقتنع ان في حاجه تاني انا معرفهاش وعينيك عمرها ماكدبت عليااا
شيري بلعت ريقها بتوتر وتابعت بدموع صدقني مفيش حاجه تاني تستخبي وانا اوعدك مش هكلمه تاني وكل ما يجي البيت هدخل اوضتي ومش هطلع غيير لما ينام
علي اتصدم وتابع بعصبيه نعم !! ينام فيين !!
رفيده نفخت بتوتر وتابعت بدموع مني لله
علي بعصبيه ماتخلصي تردددي
رفيده بدموع وتوتر هو قاعد عندنا شويه الكام يوم دول وكده
علي بعصبيه نعم يا رفيده قاعد فين ؟؟؟ قاعد عندكم !!! ده اللي هو ازاي يعني هو اتجنن ولا اييه !!!
رفيده بدموع طب اعمل ايه يعلي ابن خالتي وقاعد عندنا و
علي بعصبيه ومقاطعه تعملي اللي تعمليه المهم ميفضلش في نفس البيت انتي كلها شهر وتبقي مراااتي وانا مقبلش بالوضع ده وهقول لابوكي يمشيه هو مش صغيير ويجوزلك عااادي قاعد معاكم بتاع ايييه يعني مش فااهم
رفيده بحزن خلاص يحبيبي قول لبابا ومشيه المهم متزعلش مني
علي بضيق اوعي يا رفيده انا قايم داخل الحمام اوعي
رفيده بخوف استنى طيب اسندك وقامت تسنده وباست خده وتابعت بحزن حقك علياا والله
علي ابتسم وتنهد وتابع خلاص يا رفيده انا هتصرف في الموضوع ده اطلعي انتي براها بس
رفيده بحزن حاضر والله ودخلته الحمام وتابعت هطلع انا احضرلك الفطار
علي بتنهيده ماشي روحي
وطلعت وقفلت
باااااك
سلمى بتنهيده يمراري بجد كويس رسيت على كده قولتلك هيمنعك منه اصل انا عارفه اخويا
رفيده بتنهيده يلا خليه يغور انا مش ناقصه مشاكل يسلمى والله
سلمى بتنهيده طب فينه لول كده
رفيده بحب نايم اهو براحتك متقلقيش انا معاه
سلمى بحب تسلميلي يعمري يارب يلا باي انتي دلوقتي
رفيده بحب باي
وقفلت معاها وسلمى فضلت تدور وبتبص لقيت حازم واقف سرحان فراحت قدامه وتابعت زوماا يلا خلصت
حازم بتنهيده يلا يا سلمى
وراحت سلمى مسكت دريس وتابعت حازم ايه رايك في ده ؟
حازم بتنهيده حلو وخلاص يسلمى يلا بقى لو هتجيبيه
سلمى بضيق يحازم مالك في ايه منا سبت الفون اهووو
حازم بضيق مش عارف انا مش في المود خالص بصراحه دلوقتي
سلمى راحت وقفت قدامه وتابعت بقلق مالك يحبيبي في ايه انت من الصبح مش طبيعي
حازم بحده مش طبيعي ازاي يسلمى منا كويس اهو هو انتي معاياا اصلاا
سلمى باستغراب مالك يا حازم في ايه انا سالت ايه لكل دده !!!
حازم نفخ بضيق وتابع مفيش يسلمى لو هتجيبي ده يلا ارجوكي علشان اعصابي تعبانه شويتين ومضغوط في الشغل
سلمى بضيق حاضر يا حازم
ودخلت قاسته وطلعت وتابعت هاا
حازم بصلها وابتسم باعجاب وتابع حلو والله
سلمى بتنهيده خلاص هاخد ده
حازم بابتسامه تمام
وبالفعل حاسب وخدوه وطلعوا وفتحلها باب العربيه ركبت وقفل ولف يركب جنبها
وحد من بعيد متابعهم وتابع في الفون ايوه يافندم طلعوا من الفندق اهو ننفذ دلوقتي ؟
الشخص : لا خليكم لحد ما اديكم اشااره بس ميغبش عن عينيكم
الراجل: تمام يا فندم
--------
عند نيره كانت قاعده مع سهيله في اوضتها بعد مارجعوا من الكليه
فتابعت نيره وهي بتسرح شعرها : بت بقولك ايه اخلصي بدل كل المقدمات دي قولي في ايه واخلصي
سهيله بضحك هقولك ياستي فاكره نديم اللي كان خريج دفعه السنه اللي قبل اللي فاتت وسافر فرنساا؟
نيره بصتلها في المرايه وتابعت اه فاكرااه ماله
سهيله بابتسامه راجع مصر كمان شهر كده
نيره بتنهيده طب وانا اعمله ايه طيب مش فاهمه مبروك
سهيله بضحك بت انتي عبيطه ومبتفهميش صح؟
نيره بضحك لا حقيقي مش فاهمه في ايه وقامت من قدام التسريحه وراحت قعدت جنبها على السرير وتابعت فهميني حبيبتي في ايه بتحبيبه يعني ؟؟
سهيله بضحك ياريته اتقدملي انا ياختي مكنتش عرفتكم تاااني وفتحت الفون وتابعت بصي كلمني اامبارح انستا قالي ايه
فنيره مسكت الفون وقراته وتابعت بذهول ده نيره مين اللي عايز يتقدملها انا !!!
سهيله بضحك شوفتي مش تقوليلي مروان العبيط
نيره بضحك لالا استني بجد مش مستوعبه وبصت للشات تاني وكتبت يخرابي ده كاتب اسمي انا فعلا
سهيله بضحك يابت ايه يخربيتك هتتجنني
نيره بضحك لالا بجد مش مصدقه انه نظرته لياا كده اصلا ومسكت الفون بلهفه وتابعت وريني وريني شكله بقى عامل ازاي
سهيله بضحك شوفي ياختي
نيره فضلت تتفرج على صوره باعجاب وتابعت واو .. لا بجد واو بقولك ايه قوليله كتب الكتاب الخميس الجااي
سهيله فضلت تضحك وتابعت يابت اتقلي يابت يخربيت اهلك
نيره بضحك لا الواد قمر بجد مينفعش حد يتقل علييه ده التقل لو شافه هيستسلم
سهيله فضلت تضحك وتابعت طب ايه اقوله انك موافقه وتكلميه
نيره بلهفه لالا اكلم مين يعني كريم يدبحني مقدرش اعمل كده من ورااه خصوصا موضوع مروان لسه مبقالوش كتير
سهيله بضحك ياستي مروان ايه وقرف ايه بقولك شوفي نديييم ..شوفي نديم بدل ماتندمي
نيره بضحك منا هندم فعلا لو مكتنباش دلوقتي حاالا بس اقسم بالله ماينفع مش هتكلم الا لما اعرف كيمووو الاول دي اساسيات .. بت بقولك ايه متبوظيش دمااغي استني لما اعرف كريم
سهيله بضحك عرفي كريم ياختي وابقي قوليلي اقوله ايه
نيره بلهفه اقولك قوليله هقولها لما انت تنزل مصر علشان هي مش هينفع تتكلم في الفون وكده فاشوف رايها لما تنزل بحيث وافقت يبقى في خطوه اساسيه علطول
سهيله بحب ماشي يعمري عيني حاضر
نيره بحب يخليكي ليا يارب
وبصت للمرايا وتابعت بابتسامه في سرها ايه يابت يا نيره شكلها هتضحكلك ولا ايه
-----
وبالفعل عدا الشهر وعلي بقى كويس جدا ورجع يشتغل بقاله كام يوم وبيحضر لكتب كتابه وعصام قعد في شقته في العماره اللي جنب عماره بيت كريم وساب بيت خالتو فعلا بعد طلب من عادل ابو رفيده وفهمه ان مينفعش يقعدوا في مكان واحد وان علي معترض ورفيده متوتره جداا من سكوت عصام وعدم رده على اللي حصل وسلمى وحازم مفيش جديد معاهم بيشتغل ويرجع ينام مهدوم وكلامهم قليل وهي مخنوقه بسبب كده واسيا وسليم علاقتهم بقيت اهدى من الاول شويه وزياد سافر وهو متخانق مع شيري وحبيبه عماد هيجي يتقدملها اليوم ده خلاص ومبقيتش تحاول حتى تعرف اخبار علي ولا من قريب ومن بعيد وبتتجانب انها تسمع اسمه ولا اي حاجه عنه ونيره مستنيه نزول نديم علشان تفاتح كريم وكريم ساب نادين ومش عايز يتكلم في الموضوع مع نيره الفتره دي ولميا بقالها شهر منزلتش شغلها وهناء كلمت وسام قالها ان والدته تعبت يوم ماهي كانت عنده وهيسافروا امريكا تتعالج هناك ولسه مرجعوش وحبيبه شهدت ضد باسم في المحكمه وخرجت
فتابع كامل بابتسامه انا حقيقي مش عارف اقولك ايه يحبيبه بس بجد هفضل مدين ليكي بشهادتك دي قصاد القاضي من غير خوف لانك سبب بعد ربنا ان باسم يتحاكم
حبيبه بحب يافندم إلين دي اختي متقولش كده
فإلين حضنتها بحب وباست خدها
كامل بحب وانتي بنتي زيك زيهاا وتحت امرك اي وقت
حبيبه بحب تسلم بجد يا عمو ربنا يخليك لينا
كامل بحب ويخليكم ليا يحبيبتي يلا تعالي اوصلك علشان قرايه فاتحتك متتاخريش
حبيبه تنهدت بعمق وتابعت لا مالوش لزوم انا هركب تاكسي متتعبش حضرتك
كامل بحب يلا يحبيبه انا قولتلك ايه محدش بيعارضني ولا ايه
حبيبه ابتسمت وتابعت حاضر يا فندم
إلين بحب يلا يعمري
وبالفعل ركبوا عربيه كامل وشويه ووصلها قدام مكتبه علي واستغربت انه قافل مع ان الساعه 3 العصر فنزلت من العربيه وتابعت بابتسامه ماتيجي يا فندم تشرفونا شويه
كامل بحب يوم خطوبتك باذن الله اعزمينا ونيجي يقمرايه من عيني
حبيبه بضحك ياعمو من غير عزومه ده حضرتك لو عزمتني انا على خطوبتي مش هتكلم
فكامل فضل يضحك وتابع بكاشه والله يابت حبيبه بس اعمليها وانا اجيلك والله
حبيبه بحب اكيد طبعا حضرتك اول حد وبصت لإلين وتابعت مبرووك القضيه يعيوني
إلين بابتسامه ده مبرووك انتي ياروحي وابقي كلميني هاا
حبيبه بحب اكيد حاضر يلا باي
كامل وإلين باي
وبالفعل مشيوا وحبيبه رايحه تمشي سمعت عم ابراهيم اللي فاتح جنب علي بيقول لشاب لا علي مش هيفتح انهارده
فاستغربت ولفت قالتله ليه ياعم ابراهيم هو في حاجه ولا ايه ؟
ابراهيم بابتسامه علشان كتب كتابه على دكتوره رفيده بكره انتي متعرفيش يابنتي ولا ايه
« لنا موعد آخر »
البارت الرابع عشر
الكاتبه / Lola
فاستغربت ولفت قالتله ليه ياعم ابراهيم هو في حاجه ولا ايه ؟
ابراهيم بابتسامه علشان كتب كتابه على دكتوره رفيده بكره انتي متعرفيش يابنتي ولا ايه
حبيبه اتصدمت وقلبها اتخطف وحست بسخونه ونغزة قهرتها وابتسمت بانكسار وتابعت لا مكنتش اعرف ومنعت دموعها باعجوبه وتابعت ربنا يكلمه على خير يارب عن اذنك يا عم ابراهيم
ابراهيم بابتسامه اذنك معاكي يابنتي
ومشيت وهي بتتسابق مع دموعها اللي منعتها وطلعت شقتها
فتابعت هاله بفرح اهلا بحبيبت قلب ماما العروسه
حبيبه مردتش عليها ودخلت على اوضتها علطول
فتابعت هاله باستغراب مالها دي في ايه ؟؟
نيره بقلق مش عارفه .. تفتكري شافت البوست بتاع كتب كتاب علي اللي نزل من شويه؟
هاله برفعه حاجب وبحده: وهي مالهاا ومال علي ماهو هيتجوز ويشوف حيااته وبعدين هو مش في ناس جااايه تتكلم عليها كماان شويه ولا هوو لعب عيااال
نيره بتوتر هشش ياماما اهدي انا بفكر معاكي بصوت علي اصل قلبه وشها دي مش طبيعيه
هاله بحده انا هقوم اديها قلمين يظبطوها يمكن تفوق وقامت ورايحه تدخل فمسكتها نيره بسرعه وتابعت بلهفه لا وغلاوتي عندك مينفعش الاسلوب ده
هاله بحده ويعني ينفع اللي هي بتعمله ددده يا نيررره
نيره بتوتر لا مينفعش وهي مش صغيره وقررت وعلي فعلا مش نصيبها واديها اتاكدت سيبيها ياستي تعيط وتدرك الحقيقه بقى
هاله الدموع اتجمعت في عينيها وتابعت طب وليه يابنتي !! وعيطت وتابعت هو انتي فكراني مرتااحه وانا شايفه حته مني بتتقهر كل يوم كده علشان واحد مقدرش حبها ولا شافها اصلاا ؟!! ده انا بموت يا نيره .. بموت الف مره وانا بسمع صوت عياطها ومش بايدي اتدخل وعيطت اكتر وتابعت ماهي حته مني بردو وتعبت فيها وشيلتها 9 شهور يصعب عليا حياتها اللي مدمراها دي وعيطت
فنيره الدموع اتجمعت في عينيها وحضنتها وتابعت لالا علشان خاطري اهدي
فكريم دخل وتابع باستغراب ايه ده مالكم في ايه
فبعدت هاله عن نيره بسرعه ومسحت دموعها وتابعت لا يا ابني مفيش حاجه
كريم برفعه حاجب وسخريه لا والله مفيش حاجه !! على كريم ياخالتي !!
هاله بتوتر صدقني يا ابني مفيش يحبيبي وابتسمت وتابعت انت ايه القمر ده بسم الله ما شاء الله ولا كانك العريس والله يا واد يا كريم
كريم اممم قولتيلي وتنهد بعمق وتابع وهو بيحك دقنه: هو انتي محدش قالك قبل كده اني مبيتاكلش بعقلي حلاوه ياخالتي ؟؟
هاله ضحكت وتابعت ياواد ماقولنا مفيش حاجه الله
فوجه نظره لنيره فبلعت ريقها بتوتر وتابعت ايه متبصليش كده في ايه
كريم بابتسامه تعالي بس انتي اللي هتعترفي انا عارف متقدريش تخبي عليا حاجه تعالي وحط ايديه على كتفها وقربها منه وتابع وهو بيوطي راسه : ها قولي يا بابا سامعك
نيره بتوتر اقول ايه مفيش حاجه تتقال صدقني
كريم ضربها بالقلم بخفه وتابع لا كدب مش عاايز .. قولي يلا
نيره بتوتر هو بصراحه
كريم بضحك ايووه هي دي الكلمه اللي انا مستنيها ايه الصرااحه بقى ؟؟
نيره بتوتر ماما بتعيط علشان خلاص حبيبه هتتجوز وكده
كريم بضحك وحياه امك ؟ طب يا بنت الكلب لما تيجي تكدبي عليا اكدبي كدبه تتصدق انما ماما مين اللي بتعيط علشان حبيبه هتتجوز ده هتكسر وراها قله وبعدين فين الجواز ده دلوقتي اصلاا
نيره بتوتر منا معرفش يا كريم بقى الله هو ده اللي قالتهولي
كريم بحده نيررره
نيره بخوف نعم
كريم بعصبيه متعصبونيش وقولوا في ايه انا مش اطرش في الزفه علشان اسلوبكم دده
نيره بضيق يوووه بقى انا ماليش دعوه ومعرفش حاجه اهي خالتك عندك اهي وخرجت من حضنه ودخلت اوضتها
فبص كريم لهاله وتابع طب وبعدين هفضل اناهد كتير ؟
هاله بحزن صعبان عليا بنتي يكو لسه قلبها متعلق بابن عمك يا كريم
كريم تنهد بعمق وحط ايديه على جبينه وتابع هي لسه؟
هاله بدموع الله واعلم بس الاكيد بكره تقيل عليها
كريم تنهد بوجع وتابع حبيبه مش صغيره ياخالتي واختارت ولازم تكون قد اختيارها
هاله بدموع خايفه متعيش مبسوطه مع عماد احنا بردو منعرفوش اوي
كريم وانتي مين قالك هرمي بنت من بناتي بسهوله كده ؟!! في فتره خطوبه تبينه ولو مرتاحتش هتسيبه بس ما تقلقيش عليها لازم تجرب كده احسن ما تبقى بطولها ومفيش حد معاها .. لما علي يتجوز فعلى الاقل تبقى مخطوبه يمكن عماد يحببها فيه
هاله بدموع يارب يا ابني والله يااارب
فكريم حضنها وباس راسها بعمق وتابع هيحصل ياست الكل والله متخافيش ربنا حنين ومش هيوجع حبيبه وهيعوضها
هاله بدموع اللهم امين ياحبيبي وافرح بيكم كلكم قادر يكريم
فكريم ابتسم وتابع هنزل اجيب الطلباات اللي كنتي عايزاهم وجاي علطول
هاله بحب ماشي يحبيبي ربنا يخليك لينا يارب
نيره كانت واقفه فاتحه باب اوضتها نص فاتحه وبتبص عليهم من بعيد فلما شافته نازل تابعت : استنى يا كيمو خدني معاك
كريم بضحك لا ياجزمه مش بكلمك
فنيره ضحكت وراحت جري مسكت في دراعه وتابعت لالا يعيوني مقدرش
فكريم ضحك وتابع بنت كلب عارفه مش بتهون علياا وباس راسها
هاله بضحك طبعا دي في كفه لوحدها دي
كريم بضحك هششش الله يرضى عنك مش ناقصين حد يسمع منهم يعملي حوار
نيره برفعه حاجب نعم ياخويا وضربته في صدره وتابعت انت خاايف اخواتك يسمعونااا ليه ماهمااا عارفين اني ...
فقاطعها كريم وحط ايديه على بوقهاا وتابع بضحك خلاص خلاص يخربيت اهلك حربوقه صحيح يلا انجري قداامي مسمعش حسك
ومشي بيها تحت اعتراضها وصوتها اللي مش مفهموم بسبب ايديه وهاله فضلت تضحك عليهم ودخلت المطبخ وبعد شويه دخلت على حبيبه الاوضه لقيتها غيرت هدومها ولابسه الاسدال ونايمه فتابعت وهي بتهزها حبيبه .. بت يحبيبه .. انتي يااابت
حبيبه صحيت وتابعت بانتباه ها يا ماما ايه في ايه
هاله بذهول يسلام على برودك !! هو ايه اللي في ايه يابت .. مش المفروض ان في ناس جايه تتكلم عليكي كمان شويه فتقومي تجهزي ؟!!
حبيبه نفخت بضيق وتابعت منا لابسه وجاهزه يجوا بس هغسل وشي واسرح شعري وطالعه
هاله بذهول لابسه وجاهزه ايه انتي اتجننتي يااابت !! هتقابلي الناااس بالاسداال !!
حبيبه بضيق اااه هتنيل بلاسدال ماله الاسدال يعنييي مانا زي الفل فيه اهووو ولا انتي عاايزااني البس مرقعه والوان ويفضل يبصلي وناخد ذنوب وقرف من اولهااا
هاله مسكتها من الاسدال وتابعت بحده لا طبعا ميصحش ازااي !! هي وصلت للذنوب !! كله الا الذنوب يقلب امك وضربتها على ضهرها وتابعت بحده: بس كانت حلوه الذنوب واحنا بنلبس المرقعه في الفرح من شهررر وواحنا رايحين جاايين سايبين شعرنا مش كددده ؟؟؟
حبيبه بضيق ودموع بقولك ايه اطلعي برااا وحلي عني ولما يجوا اتا هتصرف
هاله بحده يابت ليه محسساني انك في عزااا ده اللي زيك بيقوموا يزغرطواا اتلمي واحترمي نفسك بقي
حبيبه بدموع علشان مش عاايزااه .. وافقت عليه علشان هو اللي عايزني
هاله بصتلها وتابعت واللي انتي عايزاه عمل ايه ؟؟ تنهدت بعمق وتابعت ماشي يعزم في الناس على كتب كتابه اللي بكره
فحبيبه قلبها وجعها وتابعت بقهر: ربنا يسعده بس انا مش مضطره اتجوز واحد مبحبوش بسبب اني متحبتش
هاله بحده بس مضطره تحاولي تنسيه ومش هتنسيه بطولك فلازم راجل يحبك ويساعدك
حبيبه نفخت بضيق وتابعت طب تمام اطلعي براا بقى وانا هتنيل لما يجوا
هاله بعصبيه اقسم بالله يحبيبه لخلي كريم يموتك لو ما اتعدلتي
حبيبه بعصبيه ودموع خيررر عايزه ايه يعنيييي
هاله بعصبيه تتعدلي وتقومي تجهزي زي اي عروووسه
حبيبه بعصبيه لا انا زي الفل كده بشكلي ووشي الطبيعي وشعري واسداالي وكلمه كمان اقسم بالله انااام وماهيهمني حد
هاله بعصبيه خليكي بمنظرك ده .. خلي الناس تقول مغصوبه عليه وتفضحينا يا تربيه يا ناقصه
وطلعت وسابتها وحبيبه نفخت بضيق شديد ودموعها نزلت وقامت تغسل وشهاا
في الصالون بعد ساعتين
نيره كانت قاعده جنب كريم وعلي جنبه وابتسام وهاله على الكنبه اللي قدامهم والباب خبط فتابعت هاله بلهفه اهو جم يكريم قوم شوفهم بسرعه
كريم قام وراح فتح وابتسم وتابع اهلا وسهلا اتفضلوا نورتونا والله
ام عماد بابتسامه ده نورك يحبيبي
ودخل عماد وهو ماسك بوكيه ورد وسلم على كريم وحضنه وطبطب على ضهره وتابع بابتسامه ايه يكيمو
كريم طبطب على ضهره وتابع بابتسامه تعالى يحبيبي اتفضل
ودخل ابو عماد وراحو يسلموا على الكل وكريم قفل الباب ورجع قعد مكانه وكان علي حاضن عماد وبيسلم عليه وقعد تاني جنب كريم
فتابعت هاله بابتسامه مليانه فرح: نورتونا والله
ام عماد بابتسامه ده نورك يا ام نيره تسلميلي ياختي والله
ابو عماد بابتسامه اومال فين عروستنا الحلوه
ابتسام بهمس قومي يا هاله شوفي بنتك مجتش ليه
هاله بتوتر هاا حاضر اهي زمانها جايه
ورايحه تقوم لقيت حبيبه خرجت زي ماهي لابسه الاسدال والطرحه على كتفها وشعرها مفرود ومش حاجه في وشها اي ميكاب ومع ذلك كانت زي القمر بطبيعتها فتنهدت وتابعت السلام عليكم
فكريم وعلي بصولها بذهول فتابعت ام عماد باستغراب وعليكم السلام يحبيبتي وابتسمت بمجامله وتابعت بسم الله ما شاء الله زينه البنات ربنا يحفظهالك
فهاله ضحكت بتوتر وتابعت تسلميلي يحبيبتي والله
فهمست ابتسام بتوتر ايه اللي بنتك منيلاااه ده
هاله زغدتها وتابعت بهمس اسكتي مش وقته الناس تمشي وهطلع عين اهلها
فتابع كريم وهو لسه مصدوم اقعدي يحبيبه تعالي
فحبيبه قعدت معاهم وعينيها كانت في الارض
فهمس كريم لنيره ايه اللي اختك منيلاه ده الله يكسفها
نيره بذهول انا مصدومه زيي زيك هو وصلت للاسدال !!
فعلي بصلها بحزن وتنهد وتابع حبيبه
فمبصتش ومرضيتش ترفع عينيها ليه خافت يشوف رفضها لعماد وخذلانها منه .. خافت تبصله تضعف وعينيها تقول انها كانت عايزاه هو فمنعت دموعها تنزل باعجوبه وتابعت اممم
علي بهمس انتي كويسه؟
حبيبه الكلمه وجعتها والدموع اتجمعت في عينيها كان نفسها تقوله مش كويسه وعمري ما كنت كويسه بسبب حبي ليك اللي ظلمني وتعبني .. كان نفسها تقوله كنت بشوف الراحه والامان في عينيك .. عينيك اللي بتاخد بالها من كل التفاصيل الا من قلبها اللي عشقه .. بس سكتت وهزت راسها بـ آه وتابعت متقلقش انا بخير
فعماد بصلها وابتسم بحب
فتابع ابو عماد بابتسامه طب بما ان عروستنا جات فخير البر عاجله طبعا انتوا عارفين اننا جاين نطلب ايد الانسه حبيبه لابننا وطلباتكم كلها مجابه
فحبيبه غمضت بوجع وحست قلبها بيتعصر فتابع كريم بابتسامه طلباات ايه بس ده احنا يشرفنا نناسبكم والله ياعم ابو عماد
ابو عماد بضحك الله يكرم اصلك يا ابني والله
فتابع عماد بابتسامه بس تسمحولي اقعد مع حبيبه ونتكلم ولا ايه؟
علي ااه انا رايي كده اقعدوا ولو متفقين يبقى نقرا الفاتحه باذن الله
كريم بابتسامه خلاص تمام ماشي وبص لنيره وتابع دخلهم البلكونه وتعالي يا ينيرو
نيره بابتسامه حاضر يحبيبي
وقامت فتنهدت حبيبه بضيق وقامت ودخلت وعماد دخل وراها ونيره سابتهم ورجعت
فهمس علي لكريم: كريم لو هتاخد برايي فانا مش موافق .. اختك متردده ومهزوزه ومش عارفه هي عايزه ايه وده جواز مش لعبه
كريم بهمس متخافش انا مش هغصبها على حاجه
علي بضيق يكريم ده هي مغصوبه خلقه وبصله بذهول وتابع دي طالعه بالاسدال انت مستوعب يعني لو بتطفشه مش هتعمل كده !!!
كريم بص لابو عماد وابتسم وهمس لعلي : علشان بنت كلب وعايزه تتربى ليها روقه معاياا بس الصبر الناس تمشي
علي بهمس حاد: ملكش دعوه بيهاا يمكن حست بالضغط لما لقيت نفسها دخلت في الجد فعملت كده علشان تطفشه
كريم بصله بغيظ وتابع بهمس حاد اممم ويولع شكلي انا مش كدده !!
علي بهمس معلش عيله واتسرعت
كريم بهمس حاد : تستحمل نتيجه غلطهاا يعلي لانها هي اللي قالت موافقه محدش اجبرهاا وتقدر الناس اللي جايه وتلبس زي اي عروسه وتتنيل بعد كده تقولي مرتاحتش هقولهم بذوق انما متفضحناش قدامهم بالشكل ده !!
علي طبطب عليه ونفخ بضيق وتابع معلش حقك عليا طيب اهدى
كريم بتنهيده لا منا هادي على الاخر الصبر بس
عند حبيبه في البلكونه كانت قاعده ساكته وسرحانه
فتابع عماد بابتسامه انتي عارفه رغم انك مش حاطه اي حاجه ولابسه الاسدال الا انك بجد زي القمر ؟!!
حبيبه انتبهت لصوته وبصتله وتابعت بتنهيده لا والله مكنش ده الهدف خالص
عماد باستغراب قصدك ايه؟
حبيبه بابتسامه قصدي اني عملت كده علشان تغض بصرك بس يظهر ان اللي فيه طبع مبيغيروش
عماد ضحك وتابع لا بغض بصري لعلمك بس انتي اللي حلاوتك زياده وبجد عايز اشكرك على الحركه دي لانك ورتيني حبيبه بطبيعتها يعني انا هكون نازل الجامع اصلي وهلاقي القمر ده في وشي كده بيجهز للصلاه
حبيبه ابتسمت بضيق وتابعت ميرسي خالص
عماد بابتسامه لا العفو على ايه ندخل في الجد بقى
حبيبه باستغراب اللي هو ؟
عماد بضحك وغمز يعني بتعرفي ترقصي ولالا ليكي في الدلع كده يعني ؟
حبيبه بصدمه نعم !!! انت بتقول ايه !!
عماد بضحك مالك في ايه اتخضيتي كده ليه بسالك بجد والله عادي يعني مش بنتعرف
حبيبه قامت وقفت وتابعت بعصبيه بنتعرف ايه يحيوااان انت هو انت جاااي تتجوز ولا تنقي رقاااصه ؟!!
عماد قام وقف وتابع بتوتر خلاص اهدي يخربيت اهلك مالك في ايه
فدخل كريم وعلي على صوتها فتابع كريم بحده في ايه صوتك عالي ليه
حبيبه بعصبيه اتفضل البيه اللي عمالين تزنوا اقعد معاه بيقولي ايه
علي برفعه حاجب ايه بيقولك ايه؟
عماد بحرج ماخلاص يحبيبه مالك في ايه مكنش سؤال يعني انا هقولك يكريم كل الحكايه ان ..
علي بمقاطعه وعصبيه انت تخرس خاالص هي هتقول وبص لحبيبه وتابع قالك ايه الواد ده
فحبيبه بصت لكريم بتوتر فتابع كريم بعصبيه ماتتنيلي تنطقي
فعلي شدها من دراعها وتابع بعد اذنك يكريم بس ميصحش بسبب الناس والصوت احنا في البلكونه ودخل بيها الصالون وكريم وعماد دخلوا واره
فبصلها علي وتابع بحده اخلصي وقولي قالك ايه
حبيبه اتخضت من صوته وتابعت بحرج قالي عايزين ندخل في الجد فانا مفهمتش فبقوله يعني ايه راح غمزلي وقالي بتعرفي ترقصي ولالا ليكي في الدلع كده يعني
فكلهم اتصدموا بشده فتابع علي بذهول افندم ؟!! بيسالك على الاسئله دي دلوقتي حالا ؟!!
حبيبه بدموع وتوتر اه والله العظيم
فكريم بص لعماد وتابع بعصبيه تصدق يالا انك عيل زباله ومسكه من قميصه وتابع بعصبيه يعني اناا ساايبك تدخل تتكلم مع اختي لوحدكم وواثق فيك وانت داخل تسالها على المسخره ديي
علي بعصبيه خشي اوضتك يحبيبه خلاص معندنااش بنات للجواز
حبيبه حست ان روحها اتردت وابتسمت وجريت على اوضتها
فتابع عماد بتوتر يجمااعه اقسم بالله مافي نيتي حاجه انتوا فهمتوا الموضوع غلط كده ليه
كريم بعصبيه وهو ماسكه من اللياقه: فهمناه غلط يازباله يحيوان ليه في ايه بينك وبينهااا غير قرايه فااتحه علشان تسالها السؤال ده وعايزها تجاوبك وموقفتش على الرقص والمسخره ده انت كمان عايز تعرف ليها في القرف والمرقعه اللي في دماغك دي ولالا .. عايز بنت بنوت متربيه ترد عليك تقولك ايه يا رخيص هااا
ام عماد بحرج وخوف خلاص يا ابني بالله عليك سيبه واحنا هنمشي حقك على راسي من فوق حقكم كلكم على راسي
كريم زقه خبطه في الحيط وتابع بعصبيه انا هسيبك لاجل امك انما قسما بالله لو شوفتك هوبت ناحيه حبيبه تاني لهموتك خالص
ام عماد بخوف لا ياابني لا والله ماهيكلمها تاني
ابو عماد هز راسه بيأس من تربيه ابنه وتابع بحرج انا متاسف ليكم كلكم يجماعه على اللي حصل من ابني حقيقي مش عارف اودي وشي منكم فين وراح فتح الباب ونزل
فتابعت هاله بضيق اخص عليك واد وانا اللي ماشيه ليل نهار اقولها اقعدي مع عماد وشوفيه ينعل ابو تربيتك و
كريم رفع ايديه بمقاطعه سكتها وتابع بعصبيه خااالتي خلاااص قفلنا على الموضوع ده
ام عماد بحرج حقك عليا ياختي انا اسفالكم كلكم والله وبصت لابنها بضيق ونزلت وسابت الباب مفتوح
فعماد متكلمش ولا كلمه وكان باصص في الارض بحرج وحزن شديد ولف ورايح يمشي فوقفه صوت علي وتابع عماد
فعماد وقف وبصله وتابع بحزن نعم يعلي
علي راح وقف قدامه وتابع بابتسامه: بما انك جيت تكتشف مواهب العيله مش تتقدم فهقولك كلمتين وحط واحده من ايديه على كتف عماد وتابع بابتسامه: حبيبه مبتعرفش ترقص .. بس علي بيعرف يضرب وضربه بلايد التانيه بالبوكس بقوه خلي وشه خبط في الحيط فصرخ بالم شديد ووقع على الارض ومناخيره بتنزف
فشهقت الستات وحطوا ايديهم على بوقهم فتابع علي بعصبيه هششش ولا كلمه مسمعش صوت حد
كريم بضحك تسلم الايادي يقلب اخوك
وعماد حط ايديه على مناخيره اللي بتجيب دم وبقى يقوم وحبيبه كانت واقفه وفاتحه الباب نص فاتحه وباصه عليهم وبتبتسم من قلبها اوي فقعد عماد وهو بيتألم راح علي قومه من لياقه قميصه وطلعه برا الشقه وقفل الباب وتابع بحده اشكال زباله قسما بالله ده انا هكتب بكره حتى ومقولتهاش خلال سنتين خطوبه هاتي حضن ايه ياعم القررف اللي كنتوا عايزين تدبسوا البت فيه ده
كريم قعد وتنهد وتابع هو احنا كنا عارفينه كده يعلي ولا قولنا تفكيره يبقى زباله بالشكل ده !!
نيره بصدمه لا حقيقي متوقعتش يبقى حقير وجريئ كده ده من اولها اهدافه من الجواز يلبي رغباته
كريم بحده اهو غااار وابقى اسمع سيرته تتفتح تاني في البيت
فحبيبه جات من اوضتها وتابعت بدموع منااا ياما قولتلكم بلااش فضلتوا تقولوا جارنا في الشارع وابن ناس ووزفت
علي بحده انتوا فعلا غلطوا مش معنى اننا بنشوفه ملاك بريئ في المنطقه يبقى محترم ده عيل ابن كلب عمال يفصصها بعينه وكل اللي همه القرف ده يعني طمعان في جمالها مش اكتر
كريم هز راسه برفض وتابع بحده لالا بجد مش ده الزوج اللي كنت اتمناه لحبيبه بس نعمل ايه من دماغ امهااا اللي شغااله تزن وعايزه تجوزها لو حد قالها السلام عليكم
هاله بحزن يعني هو انا يااابني كنت اعرف ان الواد اخلاقه كده واديه لبنتي بردو !!
حبيبه بعياط وعصبيه بنتك دي شيليها من دماغك انا ولا هتجوز ولا عااايزه ارحمووني بقى
كريم قام وتابع هنرحمك ااه من عنيا الاتنين بس بعد ماتصفي حسابك معاايا واتعصب وتابع علشان يابنت الكلب يحيوانه ايااا كان عماد طلع ايه بس ده منظرر تطلعي بيه قدام ناس جاايه تتكلم عليكيي ورايح يمسكها فتلقائي منها استخبت ورا علي ومسكت في قميصه جامد علي وهو بيخبيها ورا ضهره تابع بعصبيه ماخلاص يكريم يوم وخلص يسيدي كفاياكم نكد عليهاا بقى
كريم بعصبيه اوعاا انت يعلي علشان منزعلش من بعض علشان الحيوانه دي خلت منظرنا زي الزفت واحنا قااعدين الناس تقول ايه غاصبين عليكي تقعدي معااهم !!
حبيبه بعياط من ورا علي : ااه غاصبين عليااا وبسبب الضغط والقرف اللي عايشه فيه واافقت اانما انا مبحبوش ومش عاايزاه
كريم بعصبيه واما انتي يابنت الجزم مش عاايزاه بتخلينااا نقعد معااهم ونجيبهم ليييه ورايح يمسكها فمسكت فعلي اكتر وعيطت بخوف فتابع علي بعصبيه ياخي خلاص بقى وزقه بخفه وتابع سيبها ورحمه ابويا وابوك ماتكلمها يكريم مش كده
كريم بعصبيه يا ابني انا قولتلها عمري ماهجبرك عليه وخليكي قد قرارك وفكري كويس ده جزاتي تخلي منظري كده قدامهم يعلي !!!
علي بتنهيده غلطانه وهو طلع ابن كلب ميستاهلهاش خلاص حصل خير بقى
كريم بضيق تمام يعلي تمااام انا قسما بالله عملتلك انت خاطر وفتح الباب ونزل
فتابعت ابتسام بتوتر روحي وراه يانيره وهديه شويه يابنتي
نيره بتوتر حاضر حاضر رايحه متقلقيش وتابعت يكررريم ونزلت وراه
فحبيبه خدت نفسها وصدرها كان بيعلو ويهبط فعلي مسك دراعها وقعدها على الكنبه وشد الكرسي وقعد قدامها ومسك ايديها طبطب عليها وتابع بس يابابا اهدي خلاص مفيش حاجه
حبيبه خدت نفسها وتابعت بتقطع: شكـ را يا علي
علي بابتساامه بس يعبيطه ولا شكر ولا حاجه انتي اهدي بس كده علشان ايدك تلج حرفياا وقومي خدي شاور وريحي جسمك ونامي ولا كأن حاجه حصلت اتفقنا؟
فحبيبه ابتسمت وهزت راسها بتمام فعلي قام وتابع عايزه حاجه يخالتي .. عايزه حاجه يا مرات عمي؟
الاتنين في نفس واحد: سلامتك يحبيبي
فعلي بص لحبيبه وابتسم ونزل فحبيبه تجاهلت نظرات امها ودخلت اوضتها وقفلت الباب وقعدت في ضهره وعيطت جامد وحطت ايديها على وشها وفضلت تعيط بانهيار متعرفش لسوء حظها ولا لانها ادركت رغم انها اختفت شهر كامل ومحاولتش تعرف حاجه عن علي الا انها لسه بتحبه .. كل اللي تعرفه انها موجوعه من كل حاجه ومش عارفه تعمل ايه ولا تروح لمين ولفت نظرها الريحه اللي في ايديها فوقفت عياط باستغراب وفضلت تشمها كويس فادركت انه البرفيوم بتاع علي من ماسكتها فيه لزق فيها فدموعها نزلت بقهر قامت دخلت الحمام وشغلت الحنفيه وفضلت تغسل ايديها بالشاور والصابون جامد وهي بتعيط وطفحت الحنفيه ومسحت ايديها بس الريحه كانت لسه موجوده فنفخت بضيق وطلعت رمت نفسها على سريرها وفضلت تعيط وهي بتكتم صوتها
---------
عند لميا في شغلها راحت بعد غياب شهر وقعدت تشتغل في مكتبها وقررت تفوق وتعوض كل اللي فاتها وكفايه لحد كده حزن وعياط فباب مكتبها خبط
فتابعت ادخل
فدخل منير رئيس التحرير فبمجرد ما شافته قامت وقفت وتابعت بدهشه: استاذ منير يا اهلا وسهلا اتفضل ارتاح جيت بنفسك ليه كنت طلبتني كنت اجيلك جري
منير قعد وتابع بابتسامه انا كنت عايز اجي اسلم عليكي واقولك نورتي مكتبك والجريده كانت مفتقداكي جدا يا لميا
لميا بابتسامه يا فندم منوره وهتفضل منوره بوجودك والله ده كلام حضرتك ده شرف كبير ليا
منير بابتسامه تسلميلي يا بنتي والله وتنهد وتابع غيبتي علينا غيبه طويله اوي بس اقدر اقولك دلوقتي الوقت المناسب انك تنشري اول حاجه في المقال بتاعك عن عدلي الشامي
لميا بحماس طب تمام حلو جداا وفتحت الدرج بتاعها وفضلت تدور في الفايلات وطلعته وتابعت حضرتك ممكن تقرااه تاني و
منير بمقاطعه انا امتى قريت وراكي يا لميا ؟؟ انا بثق فيكي وفي كتاباتك ولما قريت المره اللي فاتت كان علشان انتي صممتي انما انا عارف انتي مين فخلاص يا بنتي انشري بالتوفيق
لميا بابتسامه حقيقي مش عارفه اقول لحضرتك ايه وحقيقي بعتذر عن الغياب الفتره اللي فاتت دي كلها بس بجد كان غصب عني مكنتش هقدر اشتغل كويس بسبب ظروف شخصيه مريت بيها وحضرتك عارف انا بحب شغلي قد ايه فمكنتش عايزه احس اني مقصره فيه ويا رب افضل دايما عند حسن ظن حضرتك
منير بابتسامه انا كنت واثق طالما طلبتي اجازه طويله كده يبقى انتي فعلا تستحقيها ومش هتقدري تشتغلي لانك مش بتبخلي بنقطه عرق علشان شغلك علشان كده سبتك براحتك ودلوقتي اقدر اقولك اشتغلي على القضيه اللي بتتكلمي عنها وانتي كده كده هتفضلي قد ثقتي فيكي بالتوفيق يا بنتي
لميا بحماس شكرا جدا يا فندم بجد. مجيتك لحد هنا علشاني بجد كبيره اوي بنسبالي
منير بابتسامه بس يعبيطه متقوليش كده انتي زي بنتي بالظبط وقام وقف وتابع يلا شوفي شغلك ربنا معاكي
لميا بحماس اكيد حاضر
وبالفعل طلع منير وهي طلعت المقال وابتسمت بخبث وبدات تنزله وداست نشر على الجريده الرسميه ليهم وتابعت بحماس دي هتحلو على الاخر يا عدلي يا شامي
ولقيت الباب بيخبط فتابعت ادخل
فدخلت مها صاحبتها معاها فايلات وتابعت لميا صحيح استاذ منير لما خرج قالي ابعتلك المقالات دي تكمليها وتشوفي الكامل منهم نزليه
لميا باستغراب بتوع مين دول كلهم ؟؟
مها بتوع زين من ساعه مانتي طلبتي الاجازه هو قدم استقالته ومجاش تاني فاستاذ منير طلب مني احولك شغله
فلميا اتصدمت ان زين بالفعل ساب الشغل وتابعت بصوت مهزوز: تمام يا مها سيبيهم وروحي .. بس متعرفيش زين راح فين؟
مها: تقريبا سمعته بيقول لايهاب راجع الجريده اللي كان شغال فيها الاول .. المهم الفايلات اهي خلي بالك لحاجه تقع وسابتهم وطلعت فلميا مسكت الفايلات وفتحتهم ودموعها نزلت لما شافت مقال كانوا بيتكلموا عنه ايام لما كان بيكتبه فقفلت المقال وركنتهم على جنب وحطت راسها مابين ايديها وحست بضيق ووجع شديد
--------
عند وسام كان قاعد في اوضته في شقته اللي في امريكا بيكلم هناء في الفون
وسام بتنهيده لا حقيقي حقك عليا انا بحب الالتزام بس اللي حصل خارج عن ارادتي حتى الندوه التانيه اللي مفروض تحضريها انتي وصاحبتك اعتذرت منها مؤقتا بسبب السفر مش الشغل بس
هناء قعدت على سريرها وتابعت بابتسامه : يا وسام بتقول ايه بس والداتك اهم طبعاا انا مش زعلانه والله انا كل اللي مزعلني تعب طنط ده طمني عليها دلوقتي اخبارها ايه ؟؟
وسام بابتسامه الحمدلله صحتها بتتحسن انتي بس ادعيلها كتير بالله عليكي
هناء بحب بدعيلها وهفضل ادعيلها وهتبقى زي الفل متقلقش والله
وسام بتنهيده يارب يانوئه بجد وابتسم وتابع بس سيبك مني انا شويه انتي ايه الدنيا معاكي طمنيني
هناء بتنهيده في اطار الصداقه ولا في اطار المريضه ودكتورها ؟؟
وسام بحب في الاطار اللي هترتاحي لما تتكلمي منه
فهناء ابتسمت وتابعت بتعرف تجبني علشان دارس عالم نفس وكده صح؟
فوسام فضل يضحك وصوت ضحكته خلى هناء ابتسمت باعجاب بيها فتابع لالا والله وابتسم وتابع طب هتصدقيني لو قولتلك انك انتي الوحيده اللي بتكلم معاها بقلبي مش بوظيفتي خالص؟
هناء بابتسامه وده اشمعنا بقى؟
وسام بحب مش عارف .. بس يمكن حاسك شبهي .. ومتفقين جدا .. برتاح معاكي في الكلام فببقى بطبيعتي وتلقائي كده يعني ؟
هناء بابتسامه وده في اطار الصداقه ولا اطار اني البيشنت بتاعتك ؟
وسام بحب في اطار واحد مش بيشوف راحته غير معاكي وانا دارس علم نفس اه بس الحقيقه مش عارف ده يسموه ايه .. تفتكري انتي يسموه ايه؟
هناء ابتسمت بخجل وتابعت لا مفتكرش واتوترت وتابعت بعدين سبني اتكلم بقى الله
وسام فضل يضحك وتابع اتكلمي ياستي .. سامعك
هناء بضحك وايه الجديد ده انت بتسمعني وبتسمع امه لا الله الا الله فين التمييز يعني
وسام فضل يضحك وتابع التميز اني بشتغل مع كل بيشنت ساعتين تلاته ومعاكي انتي دققتين تلاته
هناء بضحك يسلااام هو ده التميزز يعني !! مفروض كده افرح ؟!!
وسام بضحك افهمي يا جاموسه بقولك بشتغل مع كل بيشنت ساعتين تلاته انا فعلا حاسس بالوقت انما مجرد مانتي بتدخلي بحس التلات سااعات 3 دقايق وجريوا وهتمشي وملحقتش اتكلم معاكي
فهناء ابتسمت بخجل ووشها احمر وتابعت اممم مش بتمل مني يعني
وسام بضحك اه بالظبط كده انتي لذيذه والوقت معاكي بيجري بسرعه
فهناء ابتسمت بحب وتابعت وسام انا بقيت كويسه من قبل مانكمل العلاج صدقني لان حقيقي خلال الشهر ده انت عملت معاياا حلو كتير وعرفتني قيمه نفسي بجد
وسام بحب بس الكلام مش كفايه لسه قدامنا حاجات كتير هنعملها ومتخافيش اللي مش عايزه تتكلمي فيه مش هضغط عليكي تقوليه
هناء بحب عارفه بجد
وسام بابتسامه وبعدين ده انتي اللي عملتي معايا كتير ووقفتي جنبي وفضلتي تسالي على والدتي فحقيقي مش هنسى ابدا كل اللي عملتيه معاياا
فهناء ابتسمت وتابعت ده واجبي ودي حاجه بسيطه بجد
وسام بابتسامه على العموم كنت حابب اعملهالك مفاجاه بس مش قادر استنى احنا راجعين مصر النهارده بالليل وماما هتكمل علاجها في مصر خلاص
هناء بفرح تنوروا الدنيا كلها والله وتوصلوا بالف سلامه يارب
وسام بحب يارب يحبيبتي والله
فهناء ابتسمت بخجل وسكتت
فدخلت لينا اخت وسام الصغيره عمرها 18 سنه في اولى السن وشعرها قصير وبيضه وعينيها بني وملامحها حلوه فتابعت بضحك مش يلا يا ويسوو تحضر شنطتك. وكفاياك مكالمات شغل ولا ايه
فهناء ضحكت وتابعت ويسو !!!
وسام بضحك سيبك منها دي بنت كلب يلا باي روحي انتي هكلمك لما اوصل مصر
هناء بابتسامه توصل بالف خير يارب يلا باي
وقفل معاها وبص لي لينا برفعه حاجب ففضلت تضحك وتابعت متنكرش انها المززه هاا علشان بيبان عليكم
وسام رفع حواجبه بدهشه وتابع بضحك لا والله بيبان علينا !! ده بيبان علينا اللي هو احنا مين يعني ؟؟
لينا بضحك الرجاله عاامه لما بتحب بتبان ومتنكرش بجد
وسام بضحك لا وهنكر ليه بحبها فعلا وراح مسك شنطته وحطها على السرير وفتحها علشان يرص حاجته
فراحت لينا تساعده وتابعت بلهفه اسمها ايه ؟؟ عرفتها منين ؟؟ شكلها ازاي ؟؟
وسام بضحك حيلك حيلك هحكيلك كل حاجه في الطياره الطريق طويل المهم دلوقتي ساعديني نخلص
لينا بحماس تمام ماشي وبدات تساعده بعدين ابتسامتها اختفت وتابعت وسام
وسام وهو بيرص حاجته تابع اممم في ايه ؟
لينا بوجع طب وماما هتعمل معاها ايه؟
وسام باستغراب هعمل معاها ايه في ايه ؟؟
لينا بحزن انت نسيت انها مريضه قلب وتعبانه وكل شويه نسافر بيها وهي مصممه انك تتجوز بنت خالتو
وسام بتنهيده لا منسيتش بس بردو فاكر ومتاكد اني كبير كفايه وعندي 25 سنه واعرف اختار اللي تشيل اسمي
زينب بحزن انا مش عايزه حبيبتك تدخل العيله تحس انها مرفوضه وماما كمان تتعب انت فاهمني ؟؟
وسام بابتسامه لسه بدري يا لينا انا مش رايحه اتقدملها دلوقتي خالص منا لوقتها ربنا هيحل كل حاجه انا واثق
لينا بحب يارب يحبيبي بجد
وسام بحب طب يلا همتك معاياا بقى
لينا بحب عيوني
-----
عند اسيا كانت قاعده مع شيري بيعملوا البسله في الصالون
فتابعت اسيا بتنهيده لسه بردو مش بيرد عليكي ؟؟
شيري بتنهيده اه ولما بيرد بيقولي مشغول يشيري سلام دلوقتي اعمله ايه بقى
اسيا بتنهيده انتي غلطانه يا شيرري وحقيقي مش عارفه اقولك اتصدمت قد ايه من كلامه اللي قالهولي
شيري بحزن وغلطت ما يسامحني .. ده ربنا بيسامح يا اسيااا
اسيا مش بسهوله هيسامحك انتي جرحتيه ودوستي على حته صعبه اوي وتنهدت وتابعت طبعا انتي عارفه ان انا وسليم كنا مع بعض في الجامعه بس هو رابعه بيزنس وانا كنت لسه داخله وكده وحبيته من اول ما شوفته وهو كمان حبني واعجب بيا وضحكت وتابعت اكمن عيني زرقه وقموره ومعرفش ايه وعلشان يكون واخد راحته وفي النور راح كلم علي اخويا وخطبني وانا وافقت ومكلمناش سنه واتجوزنا يعني واتجوزته وانا بدرس وحملت في اخر سنه اولى وخلفت في تانيه وبقيت بربي وبدرس وهو بينسدني وبيدعمني واتخرجت معايا بنتي دي سنتين ورغم كميه الصعوبه اللي عيشتها دي بس محدش كان مهونها علياا غيره يعني بيحبني اوي وبيموت فياا اهوو بس رغم كل ده لو جيت قولتله مره لا لما يعوزني بصحى الاقيه قالب وشه في وشي ومش طايقني ولا طايق حد ومبيشتغلش عدل ونغمه انتي شكلك بطلتي تحبيني ومعرفش ايه مبالك انتي يا مصيبه ياللي قولتيها بكل بجاحه بتخليني اكررهك وانه متجوزك لمزاجه وخدمه امه عايزااه يستحملهااا !!!
شيري بحزن طب والعمل اهبب ايه دلوقتي
اسيا بتنهيده اعملي اللي عليكي وحاولي هديه في الفون شويه مع اني بشوف ان الحل في الوضع ده لازم لما يرجع بصراحه وتراضيه
شيري بحزن وانا يعني رايحه اشوفه فين الفتره دي بذمتك ؟؟
اسيا بتنهيده ما انا عارفه والله بس كلام الفون مياكلش عيش بردو
شيري بحزن انا هحاول ولما يرجع بردو يحلها الف حلال
اسيا بابتسامه خير يحبيبتي متزعليش نفسك
ولقيوا تولين جات لابسه دريس بينك منفوش شويه وتابعت بحماس هااا يا ماامي ايه رايك
اسيا باعجاب يخرابي ياناس جميله مين جابهولك
تولين بحماس تيته جابته ولبستهوني قالتلي علشان تبقي عروسه حلوه في فرح خالو بكره
شيري فضلت تضحك وتابعت لتكون داسه فيه عمل ولا حاجه
فاسيا ضربت كفها في كف شيري وفضلوا يضحكوا وتابعت تطلع منها اصدق عادي والله بس حلو بجد
شيري باعجاب اه حقيقي تحفه عقبال ماتخاوي توتي يحبيبتي وتفرحي بيها
اسيا بحب تسلميلي ياروح قلبي
ولقيوا سليم بيفتح الباب ودخل فشيري اتعدلت في قاعدتها لانها لابسه كاش نص كم لبعد الركبه وسايبه شعرها علشان مش محجبه
فدخل وحط عينيه في الارض وتابع مساء الخير وراح على اوضته
اسيا وشيري مساء النور
واسيا استغربته جدا فتابعت شيري بهمس هطلع انا هاا وروحي شوفي جوزك ماله شكله قالب وشه
اسيا باستغراب اه منا واخده بالي
شيري بتنهيده خير يحبيبتي ان شاء الله يلا تصبحي على خير
اسيا بابتسامه وانتي من اهله يحبيبتي وبصت لتولين وتابعت يلا بقى روحي غيري علشان ميبوظش منك
تولين مش هعرف لوحدي
اسيا بحب تعالي يعمري اغيرلك وناخد شاور وتنامي بسرعه
تولين بحب ماشي
وبالفعل تولين خدت الشاور واسيا قعدت جنبها لحد ما نامت وراحت لاوضتها لقيت سليم قاعد وحاطط راسه مابين ايديه فقعدت جنبه وحطت ايديها على كتفه وتابعت بحزن مالك يحبيبي في ايه
سليم بضيق مفيش يا اسيا شويه خنقه بس
اسيا بحزن من ايه طيب شاركني
سليم بحزن اسيا حقيقي انا مش قادر اتكلم لما اشوف الدنيا فيها ايه هقولك يحبيبتي انا لسه مش فاهم حاجه
اسيا تنهدت وتابعت لا حول ولا قوه الا بالله العلي العظيم طب قوم خد شاور وغير هدومك لحد ما احضرلك العشا طيب
سليم لا ماليش نفس لحاجه ودخل ياخد شاور وقفل الباب واسيا قعدت وتنهدت بعمق وتابعت يارب استر يارب وجيب العواقب سليمه
وقامت حضرت الاكل وحطته على صنيه صغيره ودخلت حطته على الترابيزه الصغيره اللي في اوضتهم ودقايق ولقيت سليم خارج لافف على وسطه فوطه وبينشف شعره بفوطه تانيه فدخل الدريسنج روم وغير هدومه لتيشرت وبنطلون بيتي وخرج نام على السرير اتغطى ونام فتابعت اسيا بتنهيده طب وبعدين طيب ؟
سليم بتعب اطفي النور يا اسيا ولو هتاكلي كلي برا معلش انا تعبان وعايز انام مش قادر
اسيا بحزن يحبيبي مالك بس
سليم بعصبيه ماقولت مفيش يا اسيااا .. تعبان وعايز انااام في ايييه
اسيا راحت قعدت جنبه وطبطبت على كتفه وتابعت بحزن طب انا جعانه قوم بالله عليك وغلاوه بنتك كل معايا لقمتين
سليم بضيق قولت ماليش نفس يا اسياا مش عايز
اسيا بحزن معلش وغلاوتي عندك شجعني وكل معايا
فسليم نفخ بضيق واتعدل في قاعدته وتابع هاتي يا اسيا الاكل واخلصي
اسيا بحب حبيبي ياناس يخليك لياا وقامت جابت الصنيه وحطتها على السرير وقعدت جنبه ومدت ايديها تاكله
فاكل منها وابتسم وسكت فتابعت اسيا بحزن مش هتقولي مالك بردو يا سليم
سليم وهو بياكل بعدين يا اسيا بعدين تعبان اوي ومش شايف قدامي
اسيا بحزن ماشي يحبيبي خلاص اهم حاجه كمل اكلك بس
وبالفعل شويه وقامت اسيا شالت الاكل وغسلت الاطباق وجات لقيت سليم نايم فابتسمت بحزن ومشت ايديها على شعره وباست جبينه فاتحرك وفتتحلها دراعه فابتسمت بحب ودخلت في حضنه فقفل ايديه عليها وباس جبينها وناموا
-------
عند نيره وكريم كانوا قاعدين على البحر وبيتكلموا
نيره بحزن خلاص بقى يا كيمو ماتفك متزعلنيش منك
كريم بتنهيده انا كويس يا نيره متقلقيش كل الحكايه حاسس اني مش قد المسئوليه اللي اتحطيت فيها
نيره بحزن ليه بتقول كده بجد ؟!! طب والله العظيم ابدا ده انت ربنا يخليك لينا وميحرمناش منك ابدا يارب عمرك ماعوزتنا حاجه
كريم بتنهيده القصه مش قصه طلبات واحتياجات كل الحكايه اني حاسس لتالت مره اني كنت هضيع واحده فيكم .. مره لما وافقت بنادر لهناء والتانيه لما وافقت بمروان والتالته لما وافقت بعماد
نيره حطت ايديها على ايديه وتابعت يحبيبي متحملش نفسك فوق طااقتها كلنا بيدخل حياتنا ناس علشان نتعلم بسببهم انما انت عمرك ما غلطت ولا قصرت ده نصيب ولو عليك مش هتختاار لينا امير ابن امراء فالو حظنا طلع وحش ده مش معناه انك قصرت في حقنا لما وافقت لان كلنا بنتخدع في الشخص وبنفكره كويس زيك
كريم بتنهيده شايل الهم اوي يا نيره حاسس اني مش هعرف انام مرتاح ابداا غير لما اطمن عليكم انتوا الاربعه مع اللي يستاهلوكم واخلص
نيره بضحك هيبقوا تلاته بس باذن الله قريب
كريم برفعه حاجب قصدك ايه يابت انتي؟
نيره بحب هقولك بصراحه .. فاكر نديم الشاب اللي انا وفي سنه تالته كنت بكراش عليه وهو بيتخرج ده؟
كريم ضحك وتابع اه فاكر .. خيرر
نيره بحب كلم سهيله وقالها عليا وانه عايز يتقدملي وكده
كريم بضحك وتفاجئ : بتهزري ولا بتتكلمي جد !!
نيره بحب لا والله بتكلم جد وطلب من سهيله يكلمني وكده قولت لا مش هعمل كده غير لما اقولك وكمان هو يكون رجع مصر لانه كان مسافر وهو دلوقتي رجع بقاله يومين
كريم بضحك اه وبعدين؟
نيره بخجل بس فقولت لسهيله قوليله يكلم اخويا والقول قوله
كريم فضل يضحك وتابع ااه يقلب اخوكي يا مؤدبه انتي .. يابت ده انتي عملتيلي مقدمه بتقوليلي فيها اللي كنت بكراش عليه القول قولي ايه بقى
نيره فضلت تضحك بشده وتابعت لا بجد القول قولك فعلا صدقني
كريم بضحك طب مش موافق
نيره بضحك يكريم بقى وضربته في كتفه
ففضل يضحك وتابع يابنت الجزمه انتي وخدها في حضنه وباس راسها بعمق وتابع قولي لسهيله تقوله يجيلي الشغل وننزل نتكلم على اي قهوه ولا كافيه ونشوف الدنيا
نيره بفرح ياروح قلبي انت يخليك ليا يارب وباست خده
فعدت ست كبيره بتبيع ورد قدامهم على البحر وتابعت ربنا يخليهالك يا بيه امسك وبتديه ورد
فتابعت نيره بضحك لالا انتي فهمتي ايه انا اخته عادي
كريم بحب وفيها ايه ماربنا يخليكي ليا بردو وقام خد كل الورود الباقيه مع الست واداها فلوس
فابتسمت بفرح وتابعت ربنا يجازيك خير يا ابني والله ومشيت وهي مبسوطه جدا وكريم ابتسم وقعد جنب نيره تاني وباس راسها واداها الورود
فعينيها اتجمعت فيها الدموع ودخلت في حضنه وسندت راسها على صدره وتابعت ربنا ميحرمنيش منك ابدا يا نن عيني
كريم بحب ولا منك يعمري ورفع ايديها باسها بحب
فنيره ابتسمت وتابعت ازاي نادين يجيلها قلب متكملش معاك بحنيتك دي
كريم تنهد بعمق وتابع لا هي بنسبالها كانت هتكمل عادي بس انا موافقتش
نيره بحزن مش ناوي تفتحلي قلبك وتقولي حصل ايه بردو يكريم؟
كريم بتنهيده نيره قولتك لما احس اني قادر اتكلم في الموضوع ده هتكلم
نيره بحزن بقالكم اسبوعين سايبين بعض وانت ولا عايز تحكيلي ولا عايز تسيبني اكلمها افهم منها
كريم بتنهيده علشان مينفعش تكلميها خلاص موضوع وخلص
نيره بحزن طب مفيش امل ؟؟
كريم بضحك ولا عمر حتى وتنهد بعمق وتابع بابتسامه المهم سيبك منها ويلا نقوم نروح كفايه كده
نيره بحب لا خلينا قاعدين شويه الجو حلو اوي ولا انت بقى خايف حد تاني بيبيع ورد يعدي وافلسك النهارده ؟
فكريم فضل يضحك وتابع ياباشا انا اشتريلك بستان .. بوكيه ايه ولا اتنين اللي بتتكلمي فيه
فنيره ابتسمت بحب وتابعت بضحك ايوه كدده خلاص خلينا شويه بقى ونامت على كتفه وخدت نفسها بارتياح وبصت للبحر
----------
تاني يوم الصبح عند علي كان واقف قدام المرايا لابس بنطلون اسود وقميص ابيض وبيلبس ساعته فالباب خبط فتابع ادخل
فدخلوا سلمى واسراء فتابعت سلمى بحب ودموع يخواتي ياناس ايه الحلاوه والقمر ده
علي بضحك حبيبه قلبي انتي والله دي عينيكي الحلوين
اسراء بدموع وحب طب بالله خايفه اخبرك تاني اخر مره حستني اني داعيت عليك مش داعيتلك
فكلهم فضلوا يضحكوا فتابع علي بضحك لالا دي عين ومعرفتيش تدعيلي كويس علشان اتفادها عوضي المره دي بقى
اسراء بضحك من بين دموعها ربنا يحفظك ويحميك من كل شر يقلب اختك وحضنته
فعلي حضنها اكتر وباس راسها بعمق وتابع طالعين زي القمر بجد وفتح ايديه التانيه لسلمى فراحت في حضنه وعيطت بفرح بيه
علي بضحك ما بس انتي وهي كفايه نكد انا لسه قاعد معاكم مش هروح في حته الله
سلمى بدموع فرح مش متخيله انك خلاص هتبقى عريس والله زي القمر بجدد عقبال ما اشيل عيالك ينورعيني
علي بحب اللهم امين ينورعيني وباس ايديها بعمق
فتابعت اسراء بحب ودموع ربنا يسعدك يحبيبي ويتمملك بخير ياارب
علي بحب يارب ياست البنات والله وباس راسها بعمق
فدخلت رانيا وابتسمت والدموع في عينيها وتابعت تعالى يا واد وفتحت ايديها
فعلي ضحك وتابع قلب الواد انتي ياست الكل والله وراح حضنها جامد
فعيطت في حضنه وتابعت مبارك يقلب امك عقبال ما اشيل عيالك يحبيبي
علي بحب ربنا يخليكي لينا يارب يغاليه
حسن صاحب عمره من وراها: طب وانا ماليش نفس احضن انا كمان
فعلي اتفاجئ بشده وتابع حسسن !!!
حسن بضحك حبيب قلب حسن ميهونش عليااا اسيبك في يوم زي ده
فعلي اتفاجئ وحضنه جامد وتابع يخرب عقلك واحشتني كل دي غييبه ياحسن سنه بحالها يا حيواان متجيش اجازات ولا نشوف وشك
حسن حضنه اكتر وطبطب على ضهره وتابع بحزن : حقك عليا يا صاحبي والله غصب عني انت عارف شغلي في الامارات واخد كل وقتي حتى امي زعلت مني اوي وابتسم وتابع بس كلمه حق قالتلي انك بتطل عليها كل شويه وتشوفها لو محتاجه حاجه وطبطب على كتفه وتابع طمرت فيك العشره واننا جيران كل السنين دي
علي بصله وتابع بحب ياض انت عبيط دي امي زيك واكتر وضربه بالقلم بخفه وتابع متقولش كده علشان مزعلكش هاا
فحسن ضحك وحضنه تاني وتابع حبيبي والله يعلوه مبااارك ياقلب اخووك وعقباال الفرح والله
علي بحب تسلملي يغالي بجد وحقيقي مجيتك مخصوص علشاني دي بالدنيا
حسن بحب يابني انت اخويا ياابني هي عشره يوم ولا اتنين !! مقدرش اسيبك طبعا متقولش كده
علي بحب حبيبي والله
حسن بحب وابقى فكرني اقولك على خبر حلو
علي بضحك طب ايه ماتقول دلوقتي
حسن بضحك لما نخلص بس كتب الكتاااب ونقعد مع بعض ونشوف
علي بضحك يا ابني اخلص قول دلوقتي في ايه هو سر
حسن بحب بص يا سيدي في شركه عندي للكتب والكلام ده عايزه تشتري كميات كبيره لغرض ما يعني بيزنس وكده وتطبع اغلفه لكتب ورواايات كتيير وانا عارف ان ده شغلك فرشحتك ليهم ووريتهم شغلك وقالوا كام يوم وهيبعتولك طلبيه كبيرره اووي ودي هتبقى بجد بمثابه طاقه قدر اتفحتلك
علي بفرح انت بتتكلم جد وربنا !!!
حسن بضحك اه وربنا بتكلم جد على وش العروسه اهوو
فاخواته البنات زغرطوا بفرح بيه فابتسمت رانيا وتابعت بدموع وحب روح يا ابني الهي يكرمك زي ماجعلك سبب في اللي هيحصل ده
حسن بحب يا امي والله ده اخويا واديه عيني
فعلي حضنه وطبطب على ضهره وتابع بامتنان شديد: قلب اخوك والله طب وربنا فتحت نفسي يلا اسيبكم واروح اجيب رفيده بقى
حسن بضحك روح يغالي
علي بلهفه هو نازل: حسن استني كريم وروحوا بالبنات الجاردن مع بعضكم
حسن بحب متقلقش يا غالي من عيني مكنتش هسيبهم كده كده
***
عند رفيده كانت واقفه قدام مرايتها لابسه فستان اوف شولدر ابيض ضيق من عند الصدر وواسع لتحت واصل لحد بعد الركبه بشويه وفيه خرز رقيق وفارده شعرها اللي واصل لحد اخر رقبتها بس وحاطه ميكاب رقيق جدا وعينيها الخضر مزودها حلاوه
وبصت لامها في المرايه وابتسمت وتابعت هاا ايه رايك
فامها زغرطت بفرح وتابعت زي القمر ينورعين امك ربنا يحميكي وحضنتها
فرفيده ضمتها اكتر وتابعت حبيبتي والله ربنا يخليكي ليااا
فاجئها عصام لما دخل وتابع كلمي عم عادل عايزك برا يخالتي
سعاد بحب ودموع حاضر رايحاله وابتسمت لرفيده وخرجت
ورفيده قلبها وجعها من الخوف وبصت لعصام بتوتر
فابتسم وتابع مبارك يحبيبتي بس كده كده انا عند كلامي
وراح قدامها وحط ايديه على وسطها وشدها ليه وتابع بهمس مرعب: ولا علي ولا غيره هياخدك مني
رفيده الدموع اتجمعت في عينيها وخافت وتابعت بهمس حاد: ابعد عني وسبني في حاالي وضربته في صدره وتابعت حل عني بقى يا شيخ انت ايه مفيش عند اهلك دم
عصام حط ايديه على ضهرها وتابع وحياه عيونك الحلوين دول مافي راجل هيلمسك غيري والكلب اللي انتي مختاراه ده هخليه يشحت وابقي وريني هتتجوزيه ازاي يروح قلبي وشدها باسها وبعد عنها وهو بيضحك بخبث وخرج من الاوضه وهي فضلت واققه مصدومه من كلامه والدموع متجمعه في عينيها فاقت على صوت زغاريط امها وشافت علي داخل اوضتها فابتسمت ومسحت دموعها بسرعه
فعلي ابتسم باعجاب وتابع يخرب عقلك ايه الحلاوه دي كلها ومسك كف ايديها ولفها وتابع لا بجد قمر
رفيده ابتسمت بحب وتابعت ده والله مافي قمر غيرك ورايحه تحضنه
فبعد وتابع بضحك لالا استني هانت خلاص هاتي ايدك كده وننزل على خير والحضن الحلال جاي اهو
فرفيده وامها فضلوا يضحكوا فتابعت سعاد بضحك شوف البت اللي مش بتتكسف
علي بضحك لا انا متعود عليها هو ده اخرها خلاص ومسك ايديها وتابع يلا هننزل
امها بحب روحوا يحبيبي الجنينه واحنا جايين وراكم ده هو المشوار 5 دقايق من البيت مش هنطول متقلقش
علي بحب خلاص تمام وخد رفيده ونزل وهشام كان واقف في الشارع فعلي بصله بضيق وحط ايديه على كتف رفيده وخدها وركبوا عربيه كريم
***
عند حبيبه كانت واقفه سايبه شعرها وحاطه ميكب رقيق وحلاوتها كالعاده ولابسه توب ابيض وبدله حريمي بيج على مقاسها بالظبط وجسمها متناسق فيها والجاكت قصير على الوسط وباصه لنفسها في المرايه حلوه جداا من برا بس من جوه قلبها واجعها ومش عارفه تعيش ولا تتقبل اي حاجه ومستغربه تمسك قلبها بواحد مقدمش اي حاجه علشانها وفاقت من سرحانها على صوت امها
هاله بضيق على الله تفضحينا وتعيطي هناك
حبيبه نفخت بضيق فتابعت نيره بتوتر ماما بلاش الكلام ده
هاله بحده لا هو الكلام ده واديني بعرفهاا من اولها احنا مش ناقصين فضاايح وقررف
حبيبه بعصبيه شديده ودموع ياستي مش هتنيل بس سبيني في حااالي انتوا ايه مبتحسووش !!! عمرك مافكرتي انا حاسه بايه دلوقتي بدل ما تقطميني ؟!! عمرك ماحسيتي بقلبي اللي بيتفتت كل ثااانيه لما بتخيله بس معاهااا انما انهارده هتبقى مرااته رسمي ؟!! واتعصبت اكتر بدموع وتابعت رفيده خدت راجل عشت احلم بيه عمررري كله وشوفته عوض عن كل القسوه اللي عيشتهاا والنصيب والحظ والرزق وكل حاجه مبقتيش معااياا فبدل ماتجرحيني كده خبيني انا ودموعي وقهرتي جوه حضنننك يا امي مش تكسريني اكترررر
وطلعت وسابتهم فنيره دموعها نزلت وتابعت يا ماما حرام عليكي هي حقيقي مش ناقصه .. كتر الف خيرهاا هتشوف حب عمرها في حضن غيرها قدام عينيها انهارده
هاله حست بالذنب بس سكتت وطلعت من غير ولا كلمه
----
وبعد شويه الكل كان متجمع في الجنينه القريبه من بيتهم وتحديدا في المكان اللي حجزوا علي عشان كتب الكتاب والكل واقف وفي ترابيزه كبيره قاعد الماذون قدامها في النص وعلى يمينه وعلي وعلى شماله عادل وبدا الماذون في اجرائات الزواج المعروفه
وتابع بابتسامه امضي هنا يعريس
فعلي مسك القلم وبدا يمضي ويبصم وحبيبه باصه عليه وبتبتسم بقهر على شكل ابتسامته وفرحته وتابعت في سرها : ربنا يسعدك يعلي عمري ماشوفت منك غير كل خير والدموع اتجمعت في عينيها وتابعت ولا هقدر الومك على حاجه وغمضت بوجع وتابعت كان نفسي بس تتمسك بيا لما حبتني في طفولتك .. لانه مش عدل انا اتالم بالشكل ده وانت ولا على بالك .. انا بتعاقب على حاجه عمري ماختارتها وهي حبي الحقيقي ليك .. والمشكله لو حتى الزمن رجع بيا الف مره عمري ماهتردد احبك تاني وتالت لاني عمري ما هلاقي زيك ولا تخيلت المستقبل يكون قاسي عليااا كده .. الدنيا حرمتني من حضنك وحللته لغيري ودي اراده ربنا ومش هقول غير الحمدلله .. بس قلبي يارب ؟!!! نار ووجع في قلبي حساه وانا شيفاها بتبصم وتمضي على قسيمه عيشت اتمناها واتخيلها عمري كله .. وخدت نفسها بعمق بتمنع دموعها وهي شايفه علي بيردد ورا المأذون وتابعت في سرها: اااه من وجع قلبي يارب ..اللهم لا اعتراض يارب بس اربط على قلبي وصبرني وحطت ايديها على صدرها تااخد نفسها وجات سلمى حضنتها
فحبيبه ابتسمت بوجع وطبطبت عليها وتابعت انا كويسه متقلقيش
سلمى بوجع متاكده انك كويسه ؟
حبيبه بقهر اه كويسه وابتسمت وتابعت صدقيني انا كنت عارفه ان ده اللي هيحصل .. ربنا يسعده
فسلمى دموعها نزلت بحزن وخدت حبيبه في حضنها وباست راسها بعمق وطبطبت عليها وبصت لفوق وهمست بادعيه
وحبيبه كانت باصه على علي ومش بس قلبها رافض يصدق اللي بتشوفه لكن عقلها كمان مش مستوعب ومش مصدق انها خلاص حكايه خدت من وقتها وعمرها ومشاعرها كتير بس خلصت وللابد وعلي عمره ماهيبقى ليها ودقايق وفاقوت على صوت الماذون وهو بيقول بارك الله لكما وبارك عليكما وجمع بينكم في خير والكل زغرط علشان تتكسر اخر حته جواها وحست بتوهه غير طبيعيه
وعلي ضحك وقام وقف وكلهم بيزغرطوا وبيباركوا واتصدموا لما لقيوا حسن صاحبه جاي يجري وتابع بخوف علي الحق سمعت اهل الحي بيقولوا ان المكتبه بتاعتك النار والعه فيهاا ومش عارفين يطفوهاا