رواية لنا موعد اخر الفصل التاسع عشر19 والعشرون20 بقلم لولا

حبيبه بعياط هستيري : صح وانا هرجعلك تاني واخدك والله اجمد علشان خاطري ومسكت ايديه جامد 

فضغط علي على ايديها يشجعها لقاها تلج فتابع بوجع المهم تجمدي انتي يلا روحي 

وشدوه علي منها وركبوا بالعافيه وهي منهاره عياط وفضلت تجري في الشارع تحاول توقف تاكسي وتابعت بعياط تاكسي تااكسي

بس كانوا بيمشوا ففضلت تعيط وتابعت بخوف وعياط مش وقتكم والله وراحت لغيره ولقيت سواق التاكسي راجل كبير في السن فتابعت بعياط بقولك يابويا معلش ابوس ايدك وديني الحي العاشر بسرعه مستعجله اوي

الراجل بحنان اركبي يابنتي اركبي من عينيا الاتنين 

حبيبه بعياط الهي يفرح قلبك ياارب وفتحت التاكسي ورا وركبت وهي بتحاول ترن على كريم بس لقيت فونها فاصل فنفخت بضيق وتابعت بحده وعيااط : اووف كان وقتكك وهبدت الفون في شنطتها بعصبيه

الراجل بص عليها من المرايه وتابع بحنان: بس يحبيبتي اهدي مالك في ايه

حبيبه بعياط واحد قريبي شغال على عربيه شحن الحكومه بتفتشها لقيت فيها كرتونه مخدرات وهو والمصحف مالوش في اي حاجه ومبيفوتش فرض

الراجل بحنان ولا تقلقي خالص بتحصل وولاد الحرام بيلبسوا ولاد الحلال حاجات كتير من دي بس ربك مش هيسيب عبده اللي مبيفوتش فرض في ورطه زي دي صدقيني اللي بيصلي ده يابنتي زي اللي بيبني سور حوالين نفسه وسور قوي كمان واي حاجه تحاول تأذيه السور ده هيحوشها عنه

حبيبه بعياط يارب يا ابويا والله ياارب يسمع منك 

الراجل بحنان: والله هيطلع منها .. اللي معاه واحده حنينه زيك بتحبه كل الحب ده وبتدعيله مستحيل حاجه تأذيه

حبيبه ابتسمت من بين دموعها وتابعت شكرا والله تسلملي

-------

في بيت علي

كانت رانيا قاعده بتقطف الملوخيه وبتتفرج على الشاشه وقلبها مقبوض وكل شويه تنفخ وتستغفر من الضيق اللي حساه على صدرها والباب خبط فتابعت رانيا: بت يا اسراء ... انتي يااابت

اسراء من جوه: نعم يا مااماا

رانيا بتنهيده تعالي افتحي يحبيبتي 

اسراء حاضر وخرجت وفتحت وكان حسن فاتصدمت وبصت للارض بسرعه ودخلت وسابت الباب مفتوح وبقيت تتجه انها تدخل اوضتها

رانيا بستغراب مين يابت ؟؟ا انتي ياابت رايحهه فيين

بس اسراء دخلت ومردتش وقفلت باب اوضتها فدخل حسن وقفل باب الشقه وراه وتابع ده انا يا خالتي عرفتي دخلت ليه

رانيا تنهدت بحزن وتابعت : استنى يحبيبي اعملك حاجه تشربها

حسن مسك ايديها وتابع لالا يست الكل خليكي زي ما انتي مش غريب انا للضيافه 

رانيا بضحك ما علشان مش غريب للضيافه هتيجي تقف ترغي معايا وانا بعملك الشاي يلا يا واد قوم هتنسى ايام ماكنت تدخلي المطبخ تتحايل عليا اسيب علي يلعب معاك كوره شويه ولا ايه

حسن بضحك لا طبعا مقدرش انسى هي دي ايام تتنسي يلا نعمل الشاي

رانيا بضحك ايوه كده ودخلت وحسن دخل وراها وربع ايديه وسند على الحيط وتابع بتنهيده عاجبك اسلوب بنتك ده يا ام علي ؟؟

رانيا بابتسامه انا عارفه اسراء طالعه لابوها وعلي دماغهم جزمه قديمه ومبيغيروش رايهم وحادين شويه عكسي انا واسيا وسلمى طيبين وهبل وضحكت وتابعت بس بردو انا معرفش ايه حصل بينكم يخليها تعمل كده

حسن بضحك هو فعلا حتى في الشكل علي واسراء نسخه من عم قاسم الله يرحمه ولوما واسيا شبهك انتي

رانيا بضحك اه بس البت اسيا واخده لون عيني هي سلمي ياخويا متعرفش خضرا لمين

حسن بضحك من حبك لرفيده جبتي زي عينيها

رانيا بضيق اسكت ياابني هاتلنا سيره حاجه عدله بلا قرف

فحسن فضل يضحك بشده وتابع هتعملي حماا على البت يخالتي

رانيا بضيق ولا حما ولا ليا دعوه بيهاا .. هو سبحانه يا ابني البت دي من ساعه ماشوفتها محبيتهااش ومفيش بينا قبول كده

حسن بضحك بس غلبانه والله

رانيا وهي بتحط السكر والشاي تاابعت بتنهيده وانا مش بعضها يعني بس هي في حالها وانا في حالي احسن علشان انا لو عندي ابن يسمع كلامي مكنش الحال بقى الحال

حسن بضحك طب ما بيحبها ياست الكل الله مالك في ايه

رانيا بصتله وتابعت يحبيبي الحب لوحده مش بيأكل عيش دي واحده كل شويه خناق على شغلهاا وخناق بسبب ابن خالتهاا وخناق بسبب ظروف ابني طب ما طلما مش شبه بعض نفضها سيره احسن 

حسن بتنهيده حزينه فاهمك والله بس هي البت بردو بتستحمل

رانيا بضيق بتستحمل ايه يا حسن ؟!! ياحسن ده انا سمعاها امبارح علشان علي كان طالع من الشاور وبيلبس فمشغل الاسبيكر وبيكلمها فبتقوله المحبس وقع مني وبتعيط فقالها حاضر يابابا هجبلك غيره ولا تزعلي نفسك تقوله والشقه يعلي مفروض تخلص ونتجوز في خلال اربع شهور راح قالها حااضر هعمل كل اللي اقدر عليه واللي تتخيله ومتتخيليهوش علشان مكسفكيش مع ابوكي تاني .. يسوى ايه الكلااام ده ومحبس ايه اللي يجيب غيرره للي معندهاش ريحه الدم دي هو الدهب بجنيه ولا اتنين ولا حد عارف يجيب اصلاا في الزمن اللي احنا فيه دده !! وهو الوااد عاارف يصلح مكتبته اصلااا !! والله دمي اتحرق وكنت هدخل اتخانق معاه بس عارفه علي لو قولتله سمعتك هيبهدل الدنيا وعيطت وتابعت ده بيطلع يقلب امه من صباحيه ربنا يجي 1 بالليل ياكل وينام ويصحي 6 تاني ماهو مش عيشه دي يا ابني بردو ودموعها زادت

فحسن تنهد بوجع وحضنها وتابع حقك علياا والله هندورله على شغل غيره وربنا هيكرمه والله بس متبطليش تدعيله

رانيا بعياط والله يا ابني ما بعمل حاجه غير ادعيله وقلبي واكلني عليه وعلى اللي بيجراله

فحسن مسح دموعها وباس جبينها وتابع حقك عليا اانا والله ربنا يقويه ويسنده ويعوضه يارب ويهدي مراته 

رانيا بضيق يارب

حسن حط ايديه على خدها وتابع بالذمه العيون الزرق الحلوين دول يدمعوا !! طب ده حتى حرام 

فرانيا فضلت تضحك من بين دموعها فتابع حسن بضحك ايوه كده ده كان يبخت الحج والله

فرانيا ضحكها زاد وتابعت بس يا واد اتلم

حسن بضحك بذمتك مكنش بيغازل عينيكي دي في الرايحه والجايه ؟

رانيا بضحك ايوه بس بردو كان كل فين وفين كده يبص على واحده وانا اخد بالي واديه الكوع التمام يتظبط علطول

فحسن فضل يضحك وتابع علي عكسه في الحته دي

رانيا بضحك علي .. هو في زي علي ولا اخلاق علي ربنا يحميك ويحرسك يا نورعين امك يارب

حسن بحب اللهم امين يارب وضحك وتابع بس سيبك انتي من البص ده هو الحج كان بيعشقك لدرجه جايب اربع عيال

رانيا بضحك لا انا حملت كتير بس ربك اراد الاربعه دول يجوا بالسلامه

حسن بضحك كماان لا بس حقه الصراحه مجبتيش الحته بتاعتي عينيها ملونه زيك ليه

رانيا بضحك فلتت زي علي بس مالها ياخويا بنتي ما هي زي القمر اهي دي شبه قاسم بقولك ايه اتلم

حسن فضل يضحك وتابع ده كده كده طبعا انا بهزر دي ست البنات كلهم 

رانيا بابتسامه طب وست البنات مش تيجي تطلبها من اخوها بدل ما تكلمها في التليفون ؟

حسن تنهد بعمق وتابع انا جيت علشان اقولك بقى كل اللي حصل .. بصي يا ست الكل انا حبيت اسراء من سنتين بالظبط كانت هي لسه 16 سنه الفرق بيني وبينها سبع سنين فبصراحه قولت مش حوار بس اللي خوفت منه انها تكون مش بتبادلني نفس المشاعر فقلت لامي تكلمها بينها وبين بعضهم كده وبالفعل امي كلمتها مره وهي راجعه من الدرس وجابتها بهزار ده انا عايزه اجوزك لحسن والكلام ده فاسراء ضحكت وسكتت فانا قولت بس كده تبقى مياله .. وطبعا انا معايا رقمها فدخلت كلمتها واتساب عايز اشوف دماغها بردو فيها ايه وكنت صريح معاها وهي بصراحه قالتلي انها هي كمان بتحبني فانا ساعتها الفرحه مبقيتش سيعاني وفهمتها اني مش هقدر اتقدم دلوقتي لاني متخرج بقالي سنه من كليه تربيه عام ماده الماث زي مانتي عارفه ولسه ملقيتش شغل ومش هاجي اقول لعلي عايز اختك وانا مش شغال راحت هي بصراحه بنت الاصول قالتلي انا معاك وتنهد بعمق وتابع لحد ما في مره قاعد مع علي وبيحكيلي قد ايه مبسوط ان اسيا فرحانه مع جوزها وواخده واحد مقتدر ماديا وانه هيجوزهم كلهم في نفس المستوي فحسيت نفسي قليل قدام سليم اوي ولما مالقيتش فرص شغل بقيت اخد كورسات في المحاسبه والماركتينج مع كريم لانه كان بياخد الحاجات دي زياده ثقافه وعلم فجالي منحه اني اسافر الامارات ولما قولت لاسراء رفضت وقالتلي انا مش هفضل اكلمك سنتين دي مش تربيه علي قولتلها خلاص منتكلمش وانا واثق ان انتي عمرك ما هتشوفي حد غيري فقالتلي لا ياحسن اقعد ومتستسلمش وحاول واشتغل بشهادتك هنا انما انت ازاي هتقدر متكلمنيش كل ده اصلا !! ومسمي نفسك بتحب !! اما من دلوقتي معندكش مانع تبعد عني ومتكلمنيش كل ده !! اضمن ازاي انا ان بعد سنتين الاقيك زي ما انت !! وانا كمان مضمنش تسافر وترجع تلاقيني زي ما انا انت كده بتوريني انك مش بتحبني لان السفر بالنسبالك اهم من انك تكلمني وتفضل جنبي وتعلن علاقتنا فانا بصراحه اتعصبت وقولتلها اعتبريني كنت بلعب بيكي ومش بحبك بجد يا اسراء بس انا مش هفوت فرصه السفر دي فقالتلي يانا يالسفر يحسن فانا قولتلها السفر ولما ارجع واكون مستعد هاجي اتقدملك اواوعدك بكده فاهي رفضت ولسوء حظي كمان كان يوم عيد ميلادها فا النكد عليها كان الضعف ومن ساعتها متكلمناش وانا سافرت ولسه راجع بحاول اراضيها واديكي شايفه

رانيا تنهدت بعمق وتابعت علشان كده بطلت بقالها سنتين تحتفل بعيد ميلادها

حسن بوجع وصدمه: ده بجد !!

رانيا بوجع اه بجد وتنهدت وتابعت بص يا ابني انت مغلطش حافظت عليها وبطلت تكلمها علشان الاصول والدين وانها اخت صاحبك وفضلت بتحبها وتعبت سنتين علشانها وهي برده مغلطتش لان الواحد مننا بيتغير كل يوم فازاي هتفضل سنتين متعرفش حاجه عن بني ادم وتفضل بتحبه وتضمن ان هو كمان نفس الشخص لا بالعكس هتحسه غريب عنها

حسن بوجع هي قالتلي كده فعلا قالتلي انت شبه حسن حبيبي في الملامح بس

رانيا ابتسمت بوجع وتابعت ما انا بقولك وتنهدت وتابعت وهي بنتي متربيه صح على ايد علي وعملت بكلامه ودي حاجه مخلياني فخوره بيها وانت بتتكلم وزي ما الاصول بتقول انا اللي بقولك اطلبها من اخوها واسراء بتحبك يا حسن انا شوفت حبها ليك في عينيها هي بس لسه مجروحه منك ومش قادره تنسى انك سبتها علشان السفر بس هي مش قادره تستوعب انك عملت كده علشان بتحبها اصلا

حسن بوجع اه والله يا خالتي بس ابوس ايدك واعيها عايز قبل مااتكلم مع علي اكون واثق انها هتوافق لحسن دي مجنونه وممكن تقول لا وعلي ساعتها هيقولي خلاص مش هجبر اختي ومش هعرف اتكلم تاني 

اسراء كانت معديه وسمعتهم وتابعت بحده ااه مش هواافق وخلي عندك دم ومتتقدمش

فرانيا فضلت تضحك بشده فتابع حسن بحده يخالتي همسكها اعجنهالك

رانيا بضحك انا مالي اهي عندك اهي وامسك الشاي اللي تلج دده

حسن مسك الشاي وتابع بضيق انا مش هرد عليهاا علشان لو رديت هقول كلام مينفعش يتقال قدامك

رانيا بضحك ايوه تجهالها هو التجاهل الحل مع الاشكال دي

اسراء بذهول يا ماما هو انا اللي بنتك ولا هو اللي ابنك لحق سيطر عليكي خلاص !!

رانيا بضحك علشان اقنعني بكلامه يحيوانه ما انتي لو تسمعيه هتفهمي

اسراء بضيق مش عايزه اسمع وهات الشاي ده كده وخدت منه الكوبايه وشربتها كلها تحت نظرات الذهول من حسن ورانيا ونزلت الكوبايه وتابعت بضيق ملكش شااي عندنا يلا بقى

حسن بذهول الف هنا يحبيبه قلبي كاني شربت والله بس ايه انتي شايله اللوز ولا ايه؟

فرانيا فضلت تضحك بشده فتابعت اسراء بضحك بقولك ايه متضحكنيش مش بحبك بردو

حسن بضحك مش مشكله انا بحبك الحُبين 

اسراء بضيق بارد وغتت

رانيا فتحت عينيها بذهول وتابعت يووه اتلمي يابت

حسن بضحك لا واخد على كده

وسمعوا الباب بيخبط فتابعت اسراء بحماس ده كيمو جاي يذاكرلي محاسبه وطلعت بسرعه تفتحله

حسن بضحك شايفه بنتك مصممه تجلطني

رانيا بضحك معلش معلش حقك عليا انا

وخرجوا كان كريم بالفعل فتابع حسن بابتسامه ايه يغالي اخبارك ايه

كريم سلم عليه وتابع باستغراب الحمدلله غريبه انت جيت ليه في حاجه ولا ايه

رانيا بتوتر ابدا يحبيبي ده هو بس كتر خيره كنت عايزه اطلع حاجات تقيله لشقه علي ولقيته معدي فانديته علشان علي مش هنا

كريم بتفهم ااه علشان كده انا والله لسه راجع من الموقع واسراء كلمتني وقالتلي مش فاهمه المحاضره فجيت افهمها

اسراء بحب يخليك ليا ياارب استنى اجيبلك الورق وجايه

كريم بحب ماشي يحبيبي واعمليلنا قهوه انا وحسن بالله عليكي يامرات عمي

حسن بتنهيده لا انا همشي خلاص

رانيا بصتله وتابعت بضحك اقعد بس اعملك ما كان اللي ادلقت دي اقعد

فحسن فضل يضحك وتابع مره تاني يغاليه

كريم اقعد يالا بلا مره تاني يلا مرات عمي بسرعه علشان مصدع

رانيا بضحك انا مش بعرف اظبطهالك وكل مره بتشربها مجامله هناديلك البت نيره

كريم فضل يضحك وتابع ناديها اهي مرزوعه مبتعملش حاجه

فرانيا فضلت تضحك ودخلت المطبخ وطلعت اسراء بالحاجه وتابعت وانا يماما كمان اعمليلي معاهم

كريم بحده متعمليش لاسراء قهوه يا مرات عمي

رانيا سيبك منها انا مش هعمل يعني يبقى اخوها مانعها منها وتشربها في غيابه قليله الادب اللي متربتش

اسراء بضيق منا غلطانه اني قولت قدامه بتتعبني

كريم بحده يا حبيبتي كفايه الكميه اللي شربتيها ساعه ثانويه عامه السنه اللي فاتت اتلمي بقى

اسراء بضيق اتلميناا وقعدت جنب كريم على الكنبه وبقى يفصل بينهم حته وكريم مسك الورق وبيرتبه فحسن بص لاسراء بحده ففهمت انها علشان قاعده جنب كريم فابتسمت بخبث وقعدت جنبه اكتر ورفعتله حاجبها فحسن عملها بايديه تحت دقنه ( بمعنى ماشي هوريكي) 

فتابع كريم بتنهيده خليكي معايا هاا مش عايز غباء

اسراء بضحك عيوني

-------

بعد شويه في بيت هاله كانت قاعده مع ابتسام اختها بيتكلموا

فتابعت ابتسام قولي لنيره تساعدك بدل مانتي بتعملي لوحدك كده واهي قاعده جوه فاضيه مش بتعمل حاجه

هاله وهي بحشي الاكل تابعت بضحك نيره مش هنا ياختي راحت لرانيا تعمل لابنك قهوه

ابتسام بضحك يووه شوف بردو ده يمشي بنيره في كل حته بقى

هاله بضحك لو عليه يعملها فعلا

ابتسام بضحك ربنا يحميهم يارب ويديم المحبه

هاله بحب يارب يحبيبتي والا فينها هناء صح

ابتسام بحب في الكليه قربت تيجي خلاص

هاله بتنهيده ده البت حبيبه المفروض كانت في التدريب ومش عارفه مجتش كل ده ليه وبرن عليها مقفول قلبي واكلني عليها بنت الجزمه دي

ابتسام بقلق اهدي بس متوتريش نفسك هتروح فينا تلاقيها جايه بس هو المشوار بعيد حبتين

هاله نفخت بضيق وتابعت ربنا يستر والله

ولقيوا الباب بيخبط جامد فتابعت ابتسام بخضه ايه ده في ايه استر ياارب

وقاموا بسرعه فتحوا فكانت حبيبه ومنهاره عياط وتابعت كرريم فين بسررعه

هاله بخوف مااالك يابت في اييه يخربيتك حصل ايييه

حبيبه بعصبيه وعياط ياماما مش وقته رغيي فين كرريم ابوس ايددك في شغله ولا رجع

ابتسام بخوف رجع يابت عند خالتك رانيااا بس مالك في ايه وقعتي قلوبنااا

حبيبه بعياط هستيري بعديين بعدييين مش وقته ابوس ايديكم ونزلت فتابعت ابتسام برعب: ربنا يستر جيب العواقب سليمه ياارب

وحبيبه نزلت ودخلت البيت اللي في وشهم بسرعه وطلعت شقه علي وبقيت تخبط جامد ففتحت رانييا وتابعت برعب ايه في ايييه يحبيبه ماالك يابنتيي

حبيبه دخلت وتابعت بعياط فين كرريم .. كررريم 

كريم اتخض وقام وقف من صوتها وشكلها وتابع بخوف ماالك يابت في ايه ومسكها سندها وتابع بعصبيه ماتنطقي ماالك

حبيبه بصت حواليها برعب من ان اهله يعرفوا وبلعت ريقها وعيطت بهستريه وتابعت علي

كلهم اتخضوا وتابعت رانيا بخوف وعيااط اييه ماله عليي جرااله ايييه

اسراء برعب وعياط في اييه يحبيبه هتموتينااا

كريم بعصبيه وخوف ماله عليي هتوقفي قلوبنااا ماتنطقي

حبيبه بعياط هستيري : قابلته صدفه وكان بيوصلني فعدينا على كمين وفتشوا العربيه لقيوا فيها كرتونه مخدراات وخدوه على القسم

فكلهم اتصدموا والستات لطمت فتابع كريم بصدمه انتي بتقولي ايه ازاي الكلام ددده

حسن بصدمه لالا مستحيل في حاجه غلط

حبيبه بعياط هستيري انا واثقه انه معملش حاجه بس قالي اقولك تروحله بسرعه  

رانيا بخوف وعياط هستيري : ينهااار اسود يانهااار اسوود وفضلت تلطم وتابعت بعياط مخدرااات !!! مخدراات ايه وتيجي لابني ازااي يا مصيبتي السوداا يا مصيبتي السوداا يقهررره قلبي علييك يا ابني وعلى اللي بتشوفه وعيطت اكتر وتابعت الهم يسيب الكل ويجي وراااك انت ينن عيني .. اااه يارب مش قادره وحطت ايديها علي قلبها

فنيره خدتها في حضنها وتابعت بعياط اهدي يخالتي ابوس ايدك اهديي علي ده تربيه ايدك وانتي عارفااه كويس ربك عمره مايسيب مظلوم ابداا

اسراء بعياط وهستريه مخدراات ايه واتعصبت وتابعت ازااي يتهمووه بحاجه زي دي انا عاايزة اشووف اخوياا واجيبه دلوقتييي حااالا اوعوا كده

ورايحه تمشي فمسكها كريم وتابع بعصبيه اقعدي هنا رايحه فيين انتي اتجننتي

اسراء لطمت وتابعت بعياط هستيرري سيبني يكريم دي بتقولللك علي اتقبض علييه في قضيه مخدراات يكررريم سيبني ارووح اشوف اخوياا قلبي واجعني علييه

حسن بوجع سيبك منهم يكريم مينفعش يجوا انا بعت لفؤاد محامي كبير دفعه علي وقالي هيروح يشوف الدنيااا يلا بينا احناا مش وقته الكلام ده لازم نلحقه

اسراء بعياط هستيري لالالا مش هتمشواا لوحدكم لا خدوني والنبي وعماله تحاول تفلت من كريم وتابعت بهستيريه والنبي خدني معااك همووت من قهرتي علييه عايزه اشوفه يكريم وحياتي عندك لو بتحبني

كريم دموعه نزلت وحضنها جامد بيحاول يهديها جوه حضنه وحسن قلبه وجعه عليها وعلى شكل عياطها فتابع كريم بدموع بحبك والله بس وحياتك مينفعش اهدي كده واقعدي جنب امك قويهاا ولسه سلمى هتيجي والموضوع مش مستحمل يحبيبتي ارجوكي

اسراء بعياط لالا انا عايزه اشوف اخويا ارجووك ابوس ايدك يكريم فكريم بص لنيره وتابع امسكيها يا نيره

نيره بعياط حاضر تعالي يحبيبه اسندي خالتك

فحبيبه عيطت بهستريه وتابعت انا عايزه اجي معااكم يكريم ابوس ايدك

كريم بعصبيه مش هنااخد حد مش رحله هييي قدري المووقف اللي احنا فييه شويه يحبيبههه

حبيبه بعياط وخوف والله علشان علي مش علشاني لان انا وبحاول اخده منهم واقولهم انه مستحيل يعمل كده النقيب زقني فعلي مسك فيه فانا خايفه يفتروا عليه هنااك بسببي فعايزه اقول اللي حصل

حسن ضرب على جبينه بايديه وتابع يا ليله سوداا دي كده خربت على الاخر

واسراء ورانيا فضلوا يصوتوا ويعيطوا اكترر فتابع كريم بعصبيه حراام على اهليكم اعصاابي تعبت وانتي خليكي مرزوعه هناا لو عوزتك هجيبك يلا يا حسن يلااا ده هي ليله سودا فعلا

وخرجوا وقفلوا الباب فحبيبه عيطت اكتر وسندت رانيا وتابعت بعياط اهدي ابوس ايدك انتي تعباانه ليجرالك حااجه

رانيا بعياط شوفتي اللي جرا لحبيبك يا حبيبه وعيطت اكتر وتابعت شوفتي المصايب اللي وراه عمل ايه يحبه عيني علشان يتظلم كده ده بيجري على بنات ومترمط ليل نهاار

حبيبه عيطت اكتر وحضنتها وتابعت وعلشان انا عارفه حبيبي فبقولك هيخرج منهاا علي نضيف اوي يا ماما وعمره ماعمل حاجه غلط ربنا مستحيل يسيبه

اسراء بعياط وعصبيه هو هيطلع الكلب عصااام ده اللي عمل فيه كدده وكله من كرهوو فيه

حبيبه باستغراب ودموع: عصام مين

رانيا بحده ودموع لا مش عصااام ومتمليش دماغ اخوكي انه عصاام او تقولي قدام حدد الواد ده امريكي الجنسيه ومحدش هيقدر علييه 

حبيبه بذهول عصام قريب رفيددده !!!

اسراء بعياط اااه زفته وهيطلع هوو علشان بيحبهااا ولانه فعلا امريكي الجنسيه عارف ومتاكد محدش هيقدر يقوله تلت تلاته كاام

حبيبه بصدمه ازاي مفكرناش ان هو السبب فكل اللي حصل دده من ضرب علي بالنار والحريقه والسجن !!!

رانيا بعصبيه ودموع يجمااعه مش هو عصام كل اللي بينه وبين علي رفيدده وعلي اتجوزهاا خلاااص فكل ده مالوش لازمه انه يحصللل حتى لو ضربه بالنار وحرق المكتبه فمش هو اللي حبسه اصل هيستفيد اييه كفاياكي تزودي النار بنزين يا اسرااء واخوكي يعرف يروح يضربه ويبهدل الدنيا ومفيش دليل على عصااام اصلا فيبلغ عنه ويبقي حقه وهيجوا معااااه علشان جنسيته الواد ده اختصااره احسسن

نيره بعياط خالتي بتتكلم صح واحد زي ده بسلطته ونفوذه لو علي جيه ناحينه يقدر يحبسه في ليلتها فبلاش تيجوا جنبه احسن يجماعه وباذن الله الحقيقه هتباان

حبيبه بوجع ودموع لا ينيره هو واحد في سلطته ونفوذه هيعمل كده من غير مايهمه فـ 90% فعلا زي ما اسراء بتقول عصام اللي وراهاا

نيره بحده ودموع يابنتي افهمي بقى مفيش دليل عليه هتعملي ايه؟

حبيبه بسخريه اعمل ايه ؟ ده انا هقتله ومش هيهمني لو كان هو السبب في اللي علي فيه ده وسحبت السكينه من على طبق الفاكهه وجريت فتابعوا كلهم بخضه وخوف انتي يااابت .. بت يحبيييهه وجريوا وراهاا

فجريت حبيبه بعياط هستيري وهي ماسكه السكينه علشان تروح لبيت رفيده اخر شارعهم وفضلت تجري وهما بيجروا وراها بيحاولوا يوقفوها بس دخلت بيت رفيده وطلعت وفضلت تخبط بعصبيه ففتحت رفيده وهي مخضوضه من شكلهاا وتابعت اييه يحبيبه في اييه اتجننتي ولا ايه

حبيبه زقتها وتابعت بعصبيه اوعي انتي كدده فين ابن الخالتك الزبااله ودخلت الصالون كان الكل قاعد وعصام معاهم ومامته هند كمان كانت لسه راجعه من السفر فتابعت حبيبه بعصبيه وعياط ااه يكلب يا زباااله انت ومسكته من قميصه قومته وسط خوف الكل واستغرابهم وخبطته في الحيط وتابعت بعياط وعصبيه انت اللي عملت كده فعليي صحح

عصام بحده عملت ايه يمجنونه انتي اوعيي كده يمتخلفه

حبيبه بعصبيه وعياط اقسم بالله .. اقسم بالله كمان مره يعصااام لو ماطلعت علي من المصيبه دي زي ماورطته لاكووون قتلاك قدامهم ومش هيهمني وعورت دراعه بالسكينه فصرخ بألم

وكلهم اتخضوا وصوتوا فتابعت هند بعصبيه ودموع : اوعي كدده ابعدي عن ابني يحيوانه يمتخلفه انتيي 

حبيبه بعصبيه ابعدي انتي كدده بدل ما قسما بالله اشوهلك وشه اللي فرحان بيه ده  

ورانيا ونيره واسراء طلعوا وراها فتابعت نيره بعصبيه اوعي يحبيبه ابعدي عنه متبقيش مجنوونه

حبيبه بعصبيه وعياط لا هبقى مجنووونه طلمااا هيضيع حيااه عليي يبقي عمرره كله يضييع وانا مبخااافش من حددد

رفيده بصت لدراعه االلي بيجيب دم وتابعت بعياط وخوف ينهاار اسود يخربيتك عملتي اييه وفي ايييه اصلا لكل ددده 

حبيبه بعيااط وعصبيه في ايييه !! اسالي ابن خالتك المحتررم في اييه خليه يقولك انه حط لعلي مخدارات في عربيته والحكومه قبضت عليه 

رفيده اتصدمت وتابعت بعياط وخوف انتي بتقولي ايييه امتى الكلام ددده

حبيبه بعياط وعصبيه دلووقتي وكله من البيه بتاااعكم وحطت السكينه على رقبته وتابعت بعصبيه انت عاارف لو علي مخرجش انا هعمل فييك اييه

عصام بعصبيه مخدرات ايه وكلاام فاضي ايه يزباله منك ليه انا ماليش في الكلااام ده ولا اعرف بيتجااب منين ابعدي السكينه دي كدده انتي بتتكلمي مع دكتور محترم ده انا هوديكي في ستين داهيه علي دراعي اللي عورتيه دده

حبيبه ابتسمت بغل وعورته كمان فكلهم اتخضوا وهو صرخ بألم شديد وتابعت بعصبيه مش مصدقااك ولا هصدقككك كدااب وقلبي بيقولي انك كداااب وانك السبب في وجعي فمهما تهرري انا مش هصدقك ومبخاافش منك روح بلغ عنيي بس بردووو لازم تطلع عليي من اللي هو فييه ده

رفيده راحت وقفت قدامه وهو حاطط ايديه على دراعه وبيتألم وتابعت بعياط ليه ياعصام ؟؟ ليه تعمل فيه كده ؟؟ انا كنت صدقتك خلااص ليه مصمم تقهرني

عصام بعصبيه يا رفيده مش اناا صدقيني مش انااا انتي بتصدقي المتخلفه دييي فكري فيهاا انا هجيب الكلام ده منيين بعدين منا عرفتك على منه وقولتلك هخطب خلاااص هعمل كدده لييه ده تلاقيه هو اللي ماشي شماال وعملنا فيها شيخ علشان محدش يشك فيه

فحبيبه ضربته بالقلم بقوه وكلهم اتصدموا ورفيده اتخضت وحطت ايديها على بوقها بذهول فتابعت حبيبه بعصبيه شديده اخررس يحيوان يازباااله علي ده انضف منك ومن اهلك كلهمم واللي شمال صح هو اللي زيكك ومسكته من لياقه قميصه وخبطته جامد في الحيط انما علي ضفره برقبتك انت واهلك كلهم

عصام اتعصب ومسك شعرها جامد فعيطت بالم وتابع بعصبيه انا عماال اقول مش عايز امد ايدي على بنات وكل ده بدافع عن نفسي باحتراام بس الظاهر انتي مش عاايزه كده 

فراحت نيره تشدها منه هي واسراء وبيضربوه جامد وتابعت نيره بعصبيه اوعاا كده الهي تتشل في ايدك اوعاا

فعيطت حبيبه وعورته بالسكينه في ايديه اللي مسكاهاا فصرخ بالم وساب شعرها فتابعت بعصبيه وعياط متخلقش ولا هيتخلق اللي يعرف يستقوى عليااا ... انا مش رفيدده يا عصااام

رفيده بصتلها بوجع وتابعت بعياط انتي بتعاايرني !!

حبيبه بعصبيه وعياط ااه بعااايرك لما تقفي تطاطي رااسك لكلب زي ده تبقي ضعييفه .. ولما تقفي متعرفيش تتهميه انه حبس جووزك مع انك عاارفه اللي فيها تبقي ضعيفه .. ولما تسمحيله يتعدي حدوده تبقي ضعيفه .. ولما قلبي ياااكلني على جووزك وحبسه اكتر منككك تبقي ضعييفه ماااله ده مخووفك ليه ددده كلب ولا يسوى 

رفيده بعياط انا مش ضعيفه بس انتي متعرفيش حااجه خاالص

حبيبه بعصبيه وعيااط عاارفه كل حااجه وعارفه انه معاه سلطه ونفوذ بس ولا حاجه من دول هتخوفني طول منا على حق 

هند بعصبيه وانا ابني مالوش علااقه بالموضوع ده روحوا شوفواا حل لمشكله ابنكم بعيد عنناا

رفيده بعياط ابوس ايدك ياعصام ابوس ايدك لو تعرف حل فيديني انا مصدقاك انك معملتش كده بس ارجوك ساعدني

عصام طبطب عليها وتابع بتنهيده اهدي طيب هحاول اشوف حل

حبيبه بصتلها بذهول وتابعت انتي مصدقاااه !!! واتعصبت وتابعت انتي مجنوونه !!

رفيده بعياط وعصبيه ده ابن خاالتي وانا عارفااه كوويس وميعملهااش وهيساعدني اهوو هيحبسه ويحاول يخرجه لييه بطلي بقى قله ادب واتهامااات فاضيه ده جوزي انا متدخليش في اي حاااجه تخصه كفايااكي بقى

حبيبه زقتها بعصبيه وتابعت هدخل يا رفيدده .. هدخل لان ربنا كرمه بست متخلفه مش هتعررف تساااعده اطلبي المسااعده من عصاام واتحايلي عليه روحي وزقتها وتابعت اطلبي المسااعده من اللي حبسه يلااا

رانيا بعياط يا ابني ابوس ايدك لو انت السبب او تعرف حد اتصررف ارجوك يا عصام ولو عايزني ابوس ايدك هبوسها بجد

حبيبه بصت لرانيا بذهول وتابعت بعصبيه انتي ايه اللي بتقوليه ده يا مااماا ارجعي كده بس واعرفي قيمه نفسكك انتي ابنك سيد الرجاال وهو من كتر غله منه بيعمل كل دده مش احنا اللي نوطي نبوس ايدين الاشكال الو*سخه دي وعلي هيخرج لانه لو مخرجش هزعلك بالجامد يلا يا خالتي وخدتها ونزلت هي والبنات

فتابعت سعاد بصدمه انا مش قادره اتكلم ولا اقول اي حاجه ده عادل لما يعرف هيخرب الدنيا وخبطت على رجليها وتابعت دي مصيبه سوداا وحلت على دماغنااا

رفيده بعياط يا ماما متوترينيش انتي عارفه علي مستحيل يعمل كده وهيخرج والله

هند بعصبيه وانتي ايش عرفك انه مستحيل ده واحد فقير محلتوش حاجه يمكن عمل كده قال مصلحه ياخد منها قرشين ينفعوا

رفيده بعصبيه لا مستحيل بقولك يا خالتوو مستحيل

عصام تنهد وتابع رفيده انا معنديش مانع احاول اشوف القضيه بتقول ايه واني اخرجه لو قدرت بس خدي بالك لو اتثبت ان فعلا علي عمل كده بعد ما انا احاول اخرجه وضعه هيبقى اسوء يعني لو اعترف العقوبه هتبقى اقل بكتير انما لو صمم ان لا وانا صممت اني اثبت انه فعلا لا وطلع عملها دي فيها اعدام .. فرفيده لطمت بصدمه وخوف فتابع عصام ففكري وانا معاكي

رفيده بعياط وخوف يا مصيبتي طب اعمل ايه

عصام بتنهيده متستعجليش قضيه زي دي لسه معانا كام يوم لحد ما يروح النيابه والتحقيقات تكمل فا خلال الفتره دي اقعدي معااه وشوفي الدنيا فيها ايه علشان اعرف اتصرف

رفيده بدموع شكرا ياعصام بجد مش عارفه اقولك ايه

عصام بابتسامه مبتقيش عبيطه ده واجبي

رفيده بعياط طب انا عايزه اشوفه هقوم البس وارجوك وديني

عصام بحب ماشي يا حبيبتي قومي 

فقامت رفيده بسرعه فعصام تنهد وبص لامه فكانت بصاله وابتسمت بخبث فافتكر

فلااش باك

هند باستغراب طب هتستفيد ايه لما رفيده متعرفش انك السبب زي كل مره مش انت بتبقى عايز توريها انك اقوى منه ؟

عصام ابتسم بخبث وتابع ايه يا ماما مالك في ايه ده انا بقول اني ذكي علشان طالعلك

هند بضحك اخلص يا واد وقول فهمني الله

عصام ابتسم وتابع لان انا المره دي عايز اوري رفيده اني ملاك بريء وكويس وعايز فعلا سعادتها واخليها تشك ان علي فعلا عمل كده من احتياجه للفلوس خصوصا بقالها فتره بتقول انه قالها انا مستعد اعمل اي حاجه علشان نتجوز بسرعه فانا هستخدم الكلمه دي وهوترها بيها وهقولها رفيده علي فعلا كويس وانا معاكي بس الاحتياج ساعات بيعمينا عن الغلط والصح وكمان هو قال بنفسه انه مستعد يعمل اي حاجه علشان تتجوزوا بسرعه فممكن يكون عملها فعلا واخليها تشك فيه وتتهمه وانا قدامها صفحتي بيضه مش مؤذي زي كل مره وتيجي تتعصب عليا عشانه .. لا المره دي هتيجي تقولي انت كنت صح يا عصام علي طلع وحش وابتسم بخبث وتابع فهمتي ؟

هند بضحك يخرب بيت دماغك جايب التفكير ده منين ده انت غلبت امك

عصام بضحك تسلميلي يغاليه

باااك

وطلع سجاره ونفخ دخانها بروقان وتابع ها يا ماما هتروحي اروحك في طريقي ولا ايه

هند بتمثيل:  انا قاعده مع خالتك سعاد شويه نشوف المصيبه اللي جوز بنتها فيها دي بعدين هنزل البيت مش بعيد يا حبيبي ما هو في نفس الشارع

عصام بحب هتقعدي عندي ولا في شقتك

هند بابتسامه لا هقعد في شقتي وانت لو عايز تقعد معايا ماشي لو عايز تقعد في شقتك هو دور مش مهم 

عصام بضحك هقعد معاكي بس عند النوم هطلع شقتي

هند بضحك اه ما انا عارفاك حيوان طول ماهو في مصر ميعرفش ينام الا في اوضته اللي هنا او اللي في شقته بس

سعاد بابتسامه حزينه ينور الحته اللي تعجبه ياختي

هند بضيق كان نفسنا بنتنا متطلعش برانا بس اقول ايه بقى

سعاد بوجع لاول مره اقولها بس غلطه عمرنا بجد علي ابن حلال وكويس بس مينفعناش فعلا

عصام بتنهيده خلاص يا خالتي اللي حصل حصل ربنا يسعدها

سعاد بدموع ده عمك عادل لما يعرف هيخرب الدنيا فوق راسها استنى بس وتنهدت بعمق ووجع

فخرجت رفيده وتابعت بدموع يلا يا عصام

عصام بتنهيده يلا وقام خدها ومشيوا

-------

عند سلمى كانت قاعده في كافيه مع حازم ومحدش رضي يقولها حاجه خالص 

حازم بضحك مالك يابنتي ما تاكلي في ايه؟

سلمى بضيق مش قادره اكمل ومش طايقه نفسي وعايزة اروح يا حازم

حازم باستغراب ماالك بس في ايه؟

سلمى بتعب مش قادره حاسه بضيق على صدري وعايزه اروح ارتاح

حازم بحب طب قومي خلاص بس نروح الشقه شوفي اللي اتعمل لغايه دلوقتي وننزل

سلمى بتنهيده تمام يلا

وقامت وطلعت لبرا وهي حاطه ايديها على صدرها وبتاخد نفسهاا بالعافيه وحازم حاسب وطلع وراها وركب عربيته وسلمى ركبت جنبه وفي عيون بتراقبهم وبتوصل للشخص المجهول كل حاجه وبعد شويه وصلوا بيتهم ونزلوا وحازم طلع وسلمى وراه وفتح الباب وتابع بحب تعالي يا عمري ادخلي

فسلمى دخلت وشغلت الانوار كلها وتابعت بابتسامه بسم الله ما شاء الله

حازم بضحك ده لسه مشوفتيش الباقي تعالي ومسك ايديها ودخلوا فتابعت سلمى باعجاب الشقه كلها تحفه بس مش انا قولتلك العمود ده مش عاجبني يا زوما

حازم بحب حاولت والله وقولتلهم قالولي انه من عمدان واساس العماره فمينفعش يتشال

سلمى نفخت بضيق وتابعت اكتر حاجه منكده عليا العمود ده بجد

حازم يضحك لا انتي متنكده النهارده عموما مالك في ايه يسلمي

سلمى بتعب ودموع مش عارفه بس قلبي واكلني بجد ومخنوقه فعلا

حازم بخوف اهدي بس اهدي وطبطب عليها وتابع حقك عليا والله انتي قلقانه ان الفرح قرب طيب؟

سلمى بدموع ده اكيد بس انا بجد مش عارفه مالي

حازم بتنهيده طب من غير احراج انا جوزك خلاص البريود قربت ؟

سلمى اتكسفت وبصت للارض ووشها احمر وتابعت لا لسه خلصانه

فحازم رفع وشها ليه وتابع بابتسامه طب خلاص متتكسفيش اوي كده احنا واحد وتنهد وتابع بس هو عامه انا مش فاهم ايه خانقك بس تعالي نكمل تتفرجي على الشقه يمكن تفكي

فسلمى هزت راسها بماشي وفضلوا يتفرجوا على الشقه كلها وختموا في اوضتهم فتابع حازم بضحك ياااه اهي دي الاوضه الوحيده اللي بدخلها نفسي بتتفتح

سلمى بحرج ما تتلم يا حازم بجد

حازم فضل يضحك وتابع فهمتي ايه يا متخلفه انا اقصد علشان خلصانه تشطيب وفيها العفش بتاعها كله من سرير لدولاب لتسريحه عكس باقي الاوض والشقه لسه بيتجهزوا ومجبناش كل العفش بره فبحس اننا عملنا انجاز هنا

سلمى فضلت تضحك وتابعت تمام فهمتك غلط

حازم بضحك لا يباشا انت تفهم غلط براحتك الله مانا بردو نيتي مبتبقاش سليمه اوي كده

سلمى بحرج اتلم علشان منزلش

حازم قرب منها وتابع بحب ليه محسساني اني بتحرش بيكي مش جوزك وطبيعي اللي بقوله ده ؟!!

سلمى اتوترت ورجعت لورا وتابعت علشان انا قولتلك اني مبحبش كده

حازم ابتسم وتابع يعني لو خدتك في حضني دلوقتي هتخافي ؟

سلمى بخوف اه طبعا

فحازم مسك ايديها وشدها لحضنه وفضل يمشي ايديه على طرحتها وباس راسها بعمق وتابع اهدي

سلمى غمضت بخوف وتابعت حازم علشان خااطري اوعاا انا مش مرتااحه

حازم استغرب وتابع سلمى انا مبعلمش حاجه اصلا انتي مستوعبه !!

سلمى بتوتر ودموع عارفه بس ابعد

حازم بصلها باستغراب وتابع بحده ده مش اسلوب بصراحه يسلمى ماالك في اييه انا بحضنك يعني ده اقل حقوقي هو انا كده نيلت حااجه اصلاا ؟!!

سلمى بدموع انت من اولها مش مستحمل خوفي ؟!!

حازم بعصبيه لان ده مش خوف ده استعباط المفروض انك بتحبيني وتحسي بامان في حضني مش كده بصراحه يا سلمى .. انا كنت بقول عشان انتي متشدده وماشيه باصول الدين فمعلش استحمل تقفيلتك السودا دي انما انا جوزك ايه اللي بتعمليه ده !!!

سلمى بدموع وتوتر هقولك بس توعدني محدش يعرف

حازم باستغراب اكيد مش هقول يعني بس ايه في ايه

سلمى بدموع بصت للارض وتابعت هو انا صغيره في ابتدائي كان عندي مدرس في الفصل مش كويس وهو شاب كده فـا مره معاد البريك جيه وكله خرج وانا كنت لسه مخرجتش فقالي تعالى يسلمى اقولك حاجه وخدني في حضنه وحط ايديه علياا وعيطت وتابعت وانا خوفت ومكنتش فاهمه بيعمل ايه اصلا بس كان بيمشي ايديه على ضهري كله كده وبيقولي كلام مش كويس وهو حاضني مكنتش فهماه بردو وفهمت معناه لما كبرت المهم لما بعد عني وقولتله هقول للمس عليك فضربني بالقلم وقالي لو قولتلها انا هعمل فيكي كده كل شويه فخوفت وسكت وكان احيانا لما بتجمع صدفه لوحدنا بيحط ايديه عليا باي طريقه فكرهت التلامس عامه ومبعرفش احضن راجل غير علي اصلا واي حد تاني بفتكر اللي مربيت بيه ده وبخاف جسمي لسه مش قادر يقتنع ان مش كل الناس زباله زي المدرس ده 

فحازم تنهد بعمق وتابع عملك حاجه غير انه مشي ايديه عليكي ؟

سلمى بذهول لا طبعا انت قلقان من ايه ؟

حازم بحده مش قلقان طبعا انتي مجنونه ولا ايه انا بطمن عليكي بس طبعاا

سلمى بعياط انا بنت يا حازم بلاش الكلام ده لاني فهمتك غلط واضايقت هو محصلش غير لمس كده مره رجلي مره ضهري بيتعمد يخبطني وانا ماشيه وهكذا بس

حازم بحزن يعيون حازم مقصدش وفهمت قصدك والله خلاص حقك علياا وخدي وقتك يستي انا مش هلمسك تاني

سلمى بعياط تمام روحني بقى علشان انا اتخنقت بجد

حازم بتنهيده سلمى انا والله مقصدش

سلمي بعياط تمام وانا عايزه امشي بجددد

حازم بحب حاضر ياروحي يلا نمشي وراح باس جبينها بعمق ومسح دموعها وتابع ولا تزعلي نفسك .. حقك عليا

فسلمى ابتسمتله بحب

----------

عند لميا كانت قاعده في الجريده مع رئيس التحرير وبتتكلم معاه

لميا تنهدت بعمق وتابعت طب اعمل ايه انا مبقتش فاهمه مين قاله ان انا اللي بنزل ده تهديده لياا ليل نهاار بياكدلي انه عارف ان انا

منير بقلق مش عارف يابنتي بصراحه بس واحد زي ده فعلا مش سهل وعادي يعرف اي حاجه بكل سهوله

لميا بحده على نفسه انا مش هبطل افضحه ده بيتاجر في الاعضاء والمخدرات وعامل فيها دكتور وصاحب مستشفى لازم نوقفه عند حده ونخلي البلد تنضف

منير بقلق انا مبقتش مطمن يا لميا رايي نبطل ننزل حاجه عليه انا مش مستعد اشوفك بتتأذي علشان اي حاجه الناس دول احنا مش قدهم فرايي سيبي القضيه يابنتي

لميا بذهول من امتى وانت بتخاف يا استاذ منير !! ده انت القدوه بتاعتنا اسمع منك انت الكلام ده ازااي !!

امير بحب علشان خايف عليكي انا سبق وقولتك اني بعتبرك زي بنتي بالظبط مش مجرد صحفيه في الجريده بتاعتي فنصيحه مني يابنتي خلاص كفايه متنزليش حاجه عن الراجل ده تاني

لمياء قامت وقفت وتابعت بحده سوري يا استاذ منير بس انا مش هسيب القضيه ومش هسيب حق الناس اللي ماتت دي كلها يروح هدر لو الحكومه مش مفتحه عينيها فانا مفتحه كويس اوي وجبت ادله كتير ومش هضيع تعبي ده كله على الفاضي

منير بحده وانا مش هنشر اي مقال ليكي تاني يا لميا

لميا بابتسامه تمام ومن بكره هتلاقي استقالتي وهروح لاي جريده تانيه والف مين هيتمنى يزيع اخبار قنبله زي دي عن عدل الشامي عن اذنك

ورايحه تمشي فوقفها صوت منير وتابع براحتك يا بنتي بس انا رفضت النشر لاجل اني خايف عليكي انما انتي مش بتتعاملي معايا ان ابوكي انتي بتعاملي معايا اني فعلا مجرد رئيس التحرير بتاعك

لميا لفت وتابعت بابتسامه وحضرتك هتفضل طول العمر ابويا والمكان ده مكاني وهرجع تاني بعد القضيه دي بس انا مش هستسلم واظن انت عارف كده عن بنتك عن اذنك يا استاذ منير

وخرجت فتنهد منير بعمق وتابع بحزن ليه يا لميا كده .. ليه يابنتي حرام عليكي 

----------

عند نيره كانت قاعده في اوضتها بتتكلم مع نديم

نديم لا ماهو مقتنعنيش ان مفيش حاجه صوتك متغير اوي بجد

نيره بحزن يحبيبي قولتلك مفيش حاجه متخانقه مع ماما بس خلاف وهيروح لحاله متشغلش بالك

نديم بابتسامه ازاي بقى اما مشغلش بالي بيكي هشغله بمين

نيره ابتسمت بحزن وتابعت نديم حقيقي محتاجه اشوفك ونتكلم شوف لو هتعرف تجيلي الجامعه بكره

نديم بحب لو عايزه دلوقتي كمان من عيني

نيره تنهدت وتابعت لا انهارده مش هعرف انزل بسبب خلافي مع ماما وكده فبكره اشوفك وكمان عايزاك تساعدني في كام حاجه واقفه معاياا في الكليه كده

نديم بضحك يخرابي ياناس ده انا عيوني ليكي تستفيدي من خبرتي وكده

نيره بحب اه طبعا مش سافرت براا واتعلمت 

نديم بحب يباشا ده انا افتخرت بنفسي دلوقتي بس من طلبك ده ليا انما عمري ماشوفت نفسي حد ناجح علشان سافرت بس طلما عينيكي شافتني كده فخلاص اتس اوكيه انا ناجح 

فنيره ابتسمت وتابعت انت ناجح من غير كلامي فعلاا ربنا يحميك ويزيدك علم وانا حقيقي فخوره بيك

نديم بحب يارب اشوفك زيي واحسن مني يارب وتتخرجي ونفتح نفس العياده كده

نيره بضحك اتفقنا وابتسمت وتابعت انت فعلا معندكش مشكله مع اني اشتغل صح؟

نديم بحب خالص قاعدتي في اوروبا غيرت من فكري الشرقي كتير جدا ومش شايفها حاجه وحشه بالعكس يبقى ليكي كيانك بس بشرط انا كراجل محسش بتأثير

نيره بابتسامه ااه طبعا حقك كلام مظبوط وتنهدت بحزن لما افتكرت الوضع اللي علي فيه

نديم بتنهيده مش هتعرفيني التنهيده دي وراها ايه طيب ؟

نيره بحزن صدقني مش مخبيه عليك حاجه بس انا فعلا مش قادره اتكلم هو خلاف وعادي يعني هيروح لحاله

نديم بحب ربنا يهون عنك كل صعب يا حبيبتي

نيره بابتسامه ميرسي يا نديم بجد

نديم بابتسامه العفو ياروحي على ايه 

ودخلت هناء فشافتها نيره تابعت طب يا نديم هناء بنت خالتي جات فالو هتسهر هكلمك تاني 

نديم بابتسامه طب تمام يحبيبتي باي

نيره باي

وقفلت معاها وتنهدت بعمق فتابعت هناء بضحك ايه رضيتي عنه خلاص ولا لسه

نيره بتنهيده باين من ضحكك انك متعرفيش حاجه خالص 

هناء استغربت وقعدت جنبها وتابعت ليه في ايه ؟

نيره هي حبيبه مش بره ؟

هناء باستغراب لا وامي وامك طلعوا عندنا فوق في ايه بقى

نيره بتنهيده يبقى حبيبه راحت لالين زي ما قالت علشان باباها لو يقدر يساعد علي

هناء بستغراب يساعد علي في ايه ان شاء الله؟

نيره تنهدت وتابعت بحزن الحكومه لقيت في عربيه الشحن اللي علي كان سايقها مخدرات واتقبض عليه 

هناء اتصدمت وتابعت بعياط انتي بتقولي ايه !!! ايه الهبل ددده لا طبعااا اكيد فهمتي غلط

نيره بدموع ممكن تهدييي اللي بتعلميه ده مش حل ادعيله احسن

هناء بعياط ادعيله ايه فين كرريم انتوا سااكتين ليييه واتعصبت وتابعت وازااي بااردين كدده !!!!

نيره بدموع يحبيبتي كريم عنده والله اهدي يا هناء ابوس ايدك متندمنيش

هناء بعياط وسلمى فيين وبناات عمي ومرااته ؟!!!

نيره بدموع سلمى برا محدش قالها ولا لاسيا بردو وهما انا لسه جايه من عندهم شويه بيعيطوا وشويه ويسكتوا 

هناء لطمت بصدمه وتابعت بعياط سلمى معرررفتش !!!! دي سلمى هتموووت لما تعرررف وخبطت على رجليها كذا مره وتابعت بانهيار هتموووت والله ومحدش هيعررف يسكتها انا هنزل اقعد عندهم مينفعش اسيبهم سلمى هتيجي محدش هيقدر عليهاا وياريت ميعرفوش اسياا خاالص دلوقتي

نيره بدموع طب يلا هاجي معاكي ومحدش قالها متخافيش

----------

في القسم عند علي واقف في المكتب قدام الرائد وبيحقق معاه في وجود النقيب اللي قبض عليه

الرائد بتنهيده يعني انت اتمسكت بالمخدرات اللي متبلغ عنها فالمصيبه دي مش ماليه عينيك تقوم تتعدى على ظابط بالضرب اثناء تأديه عمله ؟!! قلبك ميت اوي كده ياعلوه؟

علي يا فندم انا متعدتش على حد انا مضربتش حدد انا مسكت فيه وكنت بدافع عن قريبتي اللي هو زقهاا مش اكتر من كدده وبالنسبه للمخدرات دي فانا معرفش عنها حاجه وعارف مش هتصدقني لان القانون يعني ادله بس انا بقول الحقيقه قدام ربنا وخلاص

الرائد بتنهيده اممم بس تقدر تقولي العساكر كلها اللي كانت في الكمين هتشهد انك ضربته ليه ؟

علي بتنهيده يا فندم ده ظابط واللي شهد ضدي العساكر بتاعته يعني لو هنسمي ده دليل يبقى انا كمان ممكن احفظ قريبتي كلمتين وتيجي تقولهم ضده كدليل لياا انا فهنكدب مين ساعتها ؟!!! فمش منطق دده اني اسمع شهاده من طرف اللي مبلغ 

الرائد بضحك انت بتتفلسف كمان

علي بتنهيده لا يا فندم انا مش بتتفلسف بس انا فاهم بقول ايه لاني مش مجررم انا معايا ليسانس حقوق وكان نفسي وحلم عمري ابقى واحد من اللي بيخدموا الوطن زي حضرتك بس مش معنى ان الظروف كانت ضدي ان يتم اتهامي بتهمه زي دي فاللي يفصل بيني وبين النقيب مش العساكرر لا شوفوا لو كان في كاميرات قريبه من الكمين انا اتعصبت عليه ومسكت فيه لما زق قريبتي انما مضربتش حد 

الرائد بتنهيده طب من غير ما ارجع لكاميرات انا مصدقك يعلي

النقيب اتفاجئ وتابع بحده انت بتقول ايه !!!

الرائد بحده اهدى انت بس وتنهد وبص لعلي وتابع كلامك صح بس هل ده يا محاامي يا متعلم اللي انت عملته انك مسكت فيه واتعصبت بس  مش بيعاقب عليه القاانون ؟!!

علي بتنهيده بيعاقب يا فندم بس زي ما دي ليها عقوبه فانه يمد ايديه على بنت ملهاش اي ذنب ويشوه صوره الداخليه دي بردو ليها عقوبه ... لاني معتقدش ده اللي حضراتكم بتتعلموه جوه كليه الشرطه .. انتوا بتدخلوها علشان تطلعوا تخدموا الشعب مش تضربوه ولا ايه يا فندم

فاالرائد بص للنقيب وتابع هاا يا بيه اديه سكتنااا فا ردك اييه علييه ؟؟؟اكملك المحضر اللي انت عايزه بس تتعاقب زيك زيه وكل منكم يشيل عقوبته ولا اقطع اللي كتبته ؟؟؟

النقيب بحرج قطعوا يا فندم وهو كده كده لابس بسبب المخدرات دي عن اذنكم وخرج

فتنهد علي بعمق وتابع والله يا فندم مش بتاعتي

الرائد بتنهيده حتى لو لمست النضافه جواك بس كل الادله ضدك يعلي فمش بايدي حاجه غير نكمل تحقيق ونشوف هتتحبس قد ايه على زمه القضيه لانك فعلا 90% لابس بسبب انها في حيازتك حتى لو متخصكش واظن انت فاهم كلامي ده كويس يا متر ولا ايه ؟

علي بوجع فاهم يا فندم ومش هعترض لان فعلا كل حاجه ضدي دلوقتي والمتهم بريء حتى تثبت ادانته فهنكمل وانا ثقتي في ربنا كبيره بس بالله عليك تدوروا في القضيه دي كويس لان انا زيي زيكم عايز اعرف مين وراها وانا بعمل هناا ايه

الرائد بتنهيده اكيد هنعمل كل اللي نقدر عليه ولو مظلوم ربك يظهر الحق 

-----------

في شقه هند الباب خبط فقامت فتحت 

وابتسمت بانتصار لما شافت رانيا وسابت الباب مفتوح وتابعت ادخلي يا رنوش نورتي

رانيا بدموع انا مش جايه ادخل انا جايه اترجااكي تقولي لابنك يطلع علي من المصيبه دي لاني واثقه ومتاكده ان هو اللي وراهاا وفضلت احاول اصرف النظر عنه بس حبيبه مصدقتش

هند بضحك وتصدق متصدقش هو احنا هنخاف منها بجد ولا ايه ؟!! انا لولا معتبره النمره اللي هي عملتها دي عبط كنت بيتها جنب ابنك في حضنه كده 

رانيا بعياط ابوس ايدك يا هند ابوس ايدك انسي اللي فااات وبلاش العداوه اللي بيني وبينك تكمل في عيالنا ده حتى حراام ولو عايزه تنتقمي انتقمي مني انااا بلاش علي وعيطت بانهيار وتابعت ده ينورعيني لسه شاب طالع للدنيااا انا مش هيفرقلي اعيش ولا اموت بس بموت بالحيااا وانا شايفه ابني الوحيد هيضيع مني ابوس ايدك خلي عصام يخرجواا

هند بصتلها بشماته وقعدت وحطت رجل على رجل وولعت سجاره ونفخت دخانها وتابعت اترجيني اكتر .. شكلك حلو .. عشت عمري كله بتمنى تيجي اللحظه دي والحمدلله ابني نورعيني محرمنيش منهاا فضلت اربيه وعملتله اسم وجنسيه محترمه خلت الكل يحب يخدمه وبينفذله اللي هو عايزه وجابلي حقي منك تالت ومتلت اهو ناري اطفت دلوقتي بس وانا شيفاكي كده 

رانيا بعياط ومستعده اعملك كل اللي انتي عايزااه بس ابوس ايدك ابني مالوش ذنب

هند بعصبيه ابنك ده كلب زيه زيك اتجوز حب ابني الوحيد وعاايز ياخدهااا منه زي مانتي خدتي مني الراجل الوحيد اللي حبيته واتعصبت وتابعت انتي وابنك دمرتوا حياااتي انا وابني يا رانياا وجيه دورناا بقى نشمت فييكم شوويه

رانيا بعياط وقاسم مات يا هند قاااسم مات وانتي لسه عايشه في ااني خدت حبك يعني اتجوزتي وعيشتي حياتك ولسه حواار قاسم في باالك وبتدمري حيااه عيااالنا بسبب الغل والحقد اللي جوااكي يابنتي فووقي انتي اييه معندكيش ددم ولا احساااس ابداا ولا بتحسي بالندم باللي بتعمليه

هند بعصبيه لا مش بحس ولا هحس ويلا بقى غوري كده مش ناقصه عكننه وقله مزاج انا مبسوطه ان ابنك حياته هتتدمر وعمره هيضيع في السجن واني هتموتي من قهرك عليه ولسه يا رانيا هتشوفي مني اوجاع فوق اوجاع ومش هنسى ابدا اللي عيشته بسببك

رانيا بعياط طب سامحيني وانا اسفه ياستي وبعتذرلك عن كل حاجه وتحت امرك في اي حاجه بس علي لا .. علي لا وغلاوه عصاام عنددك انا واخواته ملناش غيره هيموتوا عليه والله ياهند

هند بحده انا علشان بحب عصام فعلا لازم ابنك يفضل مسجون علشان ابني ياخد حبه الوحيد فمتقوليش وغلاوه عصام تاني لان انا بشجه على كده علشانه وعلشاني مش انا بس

رانيا قلبها وجعها وتابعت بدموع يعني مش هتسامحيني وتبطلي تخلي ابنك ينتقم من ابني بسبب عداوتنا يا هند ؟!!!

هند بعصبيه اه مش هسامحك واتفضلي يلا روحي عيطي في حته تانيه اكتفيت انهارده

رانيا غمضت بقهر ودموعها نزلت بشده وفتحت بصتلها وتابعت طب تفتكري انتي عصام هيسامحك لما يعرف انك زرعتي فيه الغل والحقد ده تجااه اخووه الكبيير وعيطت اكتر وتابعت وشجعتيه يضربه بالنار وكان هيموته ويحرق مصدر رزقه الوحيد ويسجنه !!!!