رواية لنا موعد اخر الفصل السابع عشر17 والثامن عشر18 بقلم لولا

صاحبه ااه وهستفيد ايه لما تراقبهم مش فاهم مانت قادر تروح تجيب حازم من قفاه وتاخد بتارك 

الراجل ابتسم بسخريه وتابع انا لو عايز اجيب حقي من حازم كنت جبته في ليلتها انت عبيط ولا ايه ؟

صاحبه باستغراب : نعم !!! اومال انت دماغك فيها ايه رسيني

الراجل ابتسم بخبث وولع سجاره وتابع زي ماقهرني على اختي هقهره على مراته واخليه يدوق نفس الكاس والعذاب اللي عيشته

صاحبه باستغراب قصدك خطيبته ؟!!

الراجل ضحك وتابع لا منا هستنى لما تبقى مراته وعلشان كده براقبه 

صاحبه بذهول يخربيتك ليكون اللي في دماغي صح ؟!!

الشخص نفخ دخان سجارته وتابع اه صح ورفع حاجبه وتابع هي مراته احسن من اختي في ايه

صاحبه بخوف لا اهدى كده وفكر كويس ومتوديناش في داهيه وسلمى ذنبها ايه؟

الشخص بحده ذنبها انها مرااته وبيحبهااا وعمره ماهيتكوي ولا يحس بنااري غيير لما يجرب ده فيهااا ماياريته عنده اخوات بس مفيش فاهي سلمى حلي الوحيد

صاحبه حط راسه مابين ايديه وتابع انا مش معاك انت بتعك ياصاحبي وبتاخد ذنبه بحد مالوش دعوه بكل اللي حصل ده وضحيا زيه زي نورسين

الشخص بعصبيه محدش ضحيه غير اختيي دي هتبقي مرااته وعززها انما اختي انا انتحرت بسببه انت بتقااارن مين بميين لو سلمى هتتوجع لما تعرف حقيقه جووزها فنورسين مش مووجوده اصلاا بسببه

صاحبه بحزن ايوع بس

الشخص بمقاطعه وعصبيه ولا بس ولا زفت انا قررت خلاااص وهعمل اللي في دماغي ورمي السجاره وداس عليها بقوه طفاها ومشي يدخل بيتهم

وصاحبه نفخ بضيق شديد وتابع هتعمل ايه بس حرام عليك يشيخ

-------

في النادي عند اسيا كانت قاعده على كرسي وقدامها ترابيزه وطلبت قهوه وشايفه تولين بتلعب مع اصحابها قدامها وبتشرب وهي بتبص عليها وماسكه الفون

اسيا بتحذير لا يا توتي متجرريش لحسن تقعي

تولين بضحك متخافيش يامامي انا شطوره

اسيا بضحك عارفه يعمري بس متجريش بردو 

وفونها رن فردت وتابعت ايه يحبيبي

سليم بحب ايه يا سوسو انا جاي في الطريق اهو عايزه حاجه اجبهالك معايا انتي ولا البت ؟

اسيا بحب لا يقلب سوسو تعالى انت بس

سليم طب شوفي تولين علشان انا عارفها مجرد ما اقعد هتقولي حاجه حلوه وتطلعني تاني

اسيا فضلت تضحك وتابعت تعملها حقيقي وشاورت لتولين وتابعت توتي تعالي ثواني بابي عايزك

تولين وهي بتلعب : ايه 

اسيا بضحك تعالي يابت بابي عاايزك بقول

تولين بحب حاضر وجريت راحت عندها ومسكت الفون وتابعت نعم يا بابي

سليم بحب ايه يقلب بابي عايزه حاجه اجبهالك وانا جاي؟

تولين بحب لا عايزه سلامتك

فاسيا وسليم فضلوا يضحكوا بشده فتابع من بين ضحكه يعمري فكري علشان مش هطلع تاني لما اجي

تولين حطت صابعها على جماغها كانها بتفكر وتابعت هات برينكلز 

سليم بحب يسلام من عيوني احلى برينكلز لاحلى توتي

اسيا فضلت تضحك وتابعت برينكلز ااه ده احنا مكناش عيااال .. كنا بنجبيبه بجنيه وبتلاته جنيه الشيبسي اللي انت رايح تجبهولها بـ 50 و بـ 60 

فسيلم فضل يضحك وتابع وانتي هتجيبي الشيبسي بتاعنا للبرينكلز بتاع توتي بردو يا اسياا

اسيا بضحك لا طبعااا ده فرق طبقات رهيب كفايه هي بيجي في علبه واحنا في كيس عادي

سليم بضحك طيب مانتي عارفه اهو

اسيا بضحك طب هاتهولها ويلا بسرعه زهقت من القاعده لوحدي

سليم بحب عيوني جاي خلاص اهو اطلبيلي قهوه بس لحد ما اوصل

اسيا بحب ماشي يحبيبي

سليم بحب يلا باي

اسيا بحب باي

وقفلت معاه وتولين راحت تلعب تاني واسيا بتشرب القهوه وبتبصلها وبتبتسم ومسكت الفيسبوك تسكرول شويه وشافت اخبار تبع جريده لميا وتابعت بذهول مين منزل الاخبار دي !!! مصيبه لتكون لميا تعشق المصايب زي عينيها عارفاهاا 

وثواني وسمعت صوت تولين بتعيط بتبص عليها لقيتها وقعت من على عجله بتاعت صاحبها وماسكه رجليها فجريت عليهاا هي وشاب كان واقف وحاضر الموقف

فتابعت اسيا بلهفه بس بس اهدي وريني رجلك فيها ايه

الشاب بقلق بس يحبيبتي متعيطيش يبابا اهدي وفضل يطبطب عليها

تولين بعياط واجعااني وشاورت على رجليها

اسيا بخوف طب وريني يحبيبتي وريني اشوف مالها

الشاب بابتسامه استني يا مدام انا هشوفهالك وشال تولين بين ايديه وهي بتعيط واسيا راحت معاه وقعدها فوق ترابيزه وتابع بحب لالا البنات الشاطرين ميعيطوش على فكره

تولين بعياط بتوجعني اوي

الشاب بابتسامه حتى لو بتوجعك انا عايزك تبطلي دموع وتوريني انتي قويه قد ايه وانا هشوفلك رجلك دلوقتي لاني دكتور تسمحيلي؟

تولين خافت وتابعت بدموع لا هتوجعني

الشاب بحب وحياتك ماهوجعك ولا اي حاجه ولو وجعتك ياستي وابعدي ايدي عنك خالص 

تولين بعياط وخوف لا خلاص انا كويسه

اسيا بقلق يا تولين ابوس ايدك خلي الدكتور يشوفها ابوكي هيجي يموتني لو رجلك فيهاا حاجه

الشاب بضحك لالا مش هتوصل لكده باذن الله هي بس تسمحلي وخير لان لو اتكسرت هيبقى الالم غير محتمل على طفله في سنهاا

اسيا بحده اصلا انتي مين قاالك تركبي العجله هو انتي استأذنتيني ؟؟؟ ده انتي ليله ابوكي سوداا ورايحه تمسكها

فتولين خافت منها واستخبت ورا الدكتور فالدكتور ضحك وتابع بس بس يحبيبي متخافيش وبص لاسيا وتابع وانتي معلش يا مدام خلاص البنت فعلا خايفه معلش طفله وبتجرب وبص للبنت اللي واقفه جنبه وبتبتسم وتابع بضحك ملك بنت اخويا بتغلبنا كده بردو هما العيال كلها شقيه 

اسيا بدموع دي تعبت اعصابي والله

الدكتور اهدي بس وضحك وتابع وانا اقول البنت طالعه لمين اهدي يا ام تولين خير باذن الله هي كويسه والله وبص لتولين وتابع نكشف بقى ماما عماله تعيط

تولين بعياط لا

الدكتور بص لملك وتابع بحب لوكا هاتي الشنطه اللي فيها حاجات اللي جبتهالك دي وهجبلك غيرها

ملك بحب ماشي وادتهاله

فالشاب مسك الشنطه وطلع منها شكولاته وتابع طب وكده اكشف ولا ايه؟

تولين بصت للشكولاته وبصت لاسيا فهزتلها راسها بماشي وابتسمت

فتولين هزت راسها بـ لا وتابعت بدموع لا بردو

الشاب ضحك وطلع اتنين كمان وتابع طب وكده ؟؟ اظن العرض بقى مغري اكتر ولا ايه؟

اسيا ضحكت من بين دموعها وتابعت وافقي بقي يا توتي بصي الدكتور جايبلك شكولاته قد ايه

الدكتور بضحك هااا قولتي ايه اعتبر السكوت علامه الرضا؟

تولين بصت للشكولاته وتابعت بتردد ودموع منا خايفه توجعني

الدكتور بحب والله مش هوجعك ولو لقيتني هوجعك قوليلي هبعد 

تولين بخوف وعد ؟

الدكتور بحب وعد

تولين بحب هات الشكولاته طيب

فكلهم ضحكوا وبالفعل اداها الشكولاته وباس خدها وتابع امسكي ياستي

فخدتهم تولين بفرح وبدا يرفع بنطلونها لفوق شويه ويفحص مكان الواقعه

فتولين تأوهت بوجع فابتسم الدكتور وتابع استني خلاص قربت احنا شاطرين مبنعيطش هااا

وفحصها وتنهد وتابع كدمه بسيطه مفيهاش حاجه هاتيلها هيموكلار وحطيلها من مرتين لتلاته في اليوم وهتروح بسرعه متقلقيش

اسيا تنهدت بعمق وتابعت الحمدلله والله حقيقي شكرا يا دكتور مش عارفه اقول لحضرتك ايه 

الدكتور بصلها بتركيز وتابع لا العفو وسكت شويه وتابع بشبه عليكي

اسيا باستغراب اه وانا كمان

الذكتور بذهول اسياا دي انتي !!!

اسيا باستغراب اه انا حضرتك تعرفني

الدكتور اتصدم وتابع اسيا انا فاارس .. فارس اللي كنت في كليه الطب وشغال في السنتر اللي بتاخدي فيه دروس ثانوي

اسيا افتكرت وحست بتوتر وتابعت فارس .. ازيك عامل ايه عاش من شافك 

فارس بص لتولين بوجع ورجع بصلها وتابع بنتك !!

اسيا اتهربت من عينيه وتابعت بابتسامه متوتره اه 

فارس قلبه وجعه وبص لملامح تولين وتابع بابتسامه مكسوره : بسم الله ما شاء الله ربنا يخليهالك نسخه منك حتى في حلاوه عينيكي

تولين بابتسامه ااه انا زرقا زيها انت عينيك رمادي زي مامتك بردو؟

ففارس ضحك وتابع بابتسامه حزينه : لا زي بابا .. بس حلو انك طلعتي شبه ماما معتقدش بابا بالحلاوه دي

اسيا بتوتر فارس انا لازم اخدها ونمشي فرصه سعيده

فارس تنهد بعمق وتابع عايزه تجري ليه طيب ده حتى بقالنا سنين مشوفناش بعض

اسيا بتوتر عادي مفيش باباها هيقلق بس

فارس ابتسم بسخريه وتابع باباها !! هونت عليكي كده ؟!!

اسيا غمضت عينيها وتابعت فااارس لو سمحت

فارس بوجع خلاص يا اسيا مش هتكلم وبص لتولين وتابع اصل هتكلم اقول ايه ربنا يخليهالك ده انتي معاكي عيله قربت تدخل المدرسه 

اسيا بضيق لا انت مش هتتكلم لان مفيش كلام تقولوا اصلا 

فارس تنهد بوجع وتابع عمري ماهلومك متقلقيش انا اللي وعدت وعد مكنتش قده واختفيت فاجاه من حياتك طبيعي تتجوزي وتعيشي حياتك ربنا يسعدك يا اسيا

اسيا ابتسمت بحزن وتابعت ميرسي يا فارس يلا يا تولين 

فارس بص لتولين وتابع بحب ايه رايك تدي بوسه لعمو فارس وتاخدي باقي الشنطه بالحلويات اللي فيها؟

تولين ابتسمت وبصت لاسيا فهزتلها راسها بماشي

فقربت باست خده فغمض عينيه وتابع الله .... وخدها في حضنه وباس راسها بعمق والدموع اتجمعت في عينيه وبعد واداها الكيس وتابع بحب امسكي يعمري

فتولين خدته منه بفرح فتابعت اسيا بابتسامه قولي لعمو شكرا يا تولين

تولين بحب شكرا يا عمو بجد

فارس ابتسم بوجع وتابع العفو يقلب عمو ومشى ايديه على شعرها وشالها باس خدها ونزلها على الارض تقف وتابع ها بقيتي كويسه

تولين واجعاني شويه صغننين

فارس بحب معلش ماما هتجبلك المرهم وهتبقي زي الفل

اسيا بحب تعبتك يا فارس بجد

فارس ابتسم بوجع وتابع لا تعبك راحه يا ام تولين دي بنت الغاليه بردو .. وبنتها تبقى بنتي 

فاسيا غمضت عينيها وتنهدت بعمق ولقيت سليم جيه وقف معاهم ومستغرب وتابع خير في ايه مين الباشا؟

اسيا شافته اترعبت وتابعت بتوتر ايه يحبيبي مفيش حاجه ده .. ده

فارس مدله ايديه وتابع بتنهيده فارس الانصاري دكتور عظام وبنوتك وقعت بس على رجليها فبحكم مهنتي شوفتها والحمدلله جات بسيطه ربنا يخليهالكم

سليم سلم عليه وتابع سليم محمود التهامي وشكرا جدا تعبناك يا دكتور 

فارس بابتسامه لا تعبكم راحه ده واجبي عن اذنكم ووطي شال ملك بنت اخوه وبص لاسيا وتنهد بعمق ومشي 

واسيا فضلت تبصله بتوتر لحد ما اختفى من قدام عينيها وبصت لسليم لقيته باصصلها برفعه حاجب فاتخضت وتابعت ايه يسليم مالك في ايه 

سليم تنهد بعمق وتابع امسكي يا توتي البرينكلز اهو

تولين خدته بفرح وتابعت شكرا يا بابي

سليم بحب العفو يقلب بابي روحي العبى بقى

فتولين جريت تلعب قدامهم وسليم مسك دراع اسيا جامد فخافت وخدها ومشي بيها بعيد شويه في حته على جنب

اسيا بخوف ايه يسليم في ايه سيب ايدي

سليم ضغط على دراعها جامد وتابع بعصبيه هو مش الحيوان اللي كان هناا ده هو اللي في دماغي ؟!!!

اسيا بخوف هو !! هو مين مش فااهمه ؟!!

سليم بعصبيه اسيااا انا مش عايز استعباااط

اسيا بدموع وخوف يسليم صدقني مش فهمااك وضح تقصد ايه

سليم بعصبيه فارس بيه حب المراهقه .. هو ولا مش هووو

اسيا بخوف ودموع هو بس وغلاوتك عندي يسليم ما كنت اعرف حاجه ده هو جاي ببنت اخوه هنا صدفه وبنتك لما وقعت جري عليها بتلقائيه معايا انما والله العظيم ماحصل اي حاجه 

سليم بعصبيه انتي ازاي تسمحي لنفسك تقفي معاااه اصلااا

اسيا بدموع والله العظيم ماكنت اعرف انه فارس وعرفت بالصدفه لما قالي انتي اسيا وقولتله اه فقالي انا فاارس انما الموضوع ده كان وانا صغيره متندمنيش اني قولتلك على طفولتي يا سليم الكلام ده كان زماان

سليم بسخريه ده على اساس انك مدورتيش على الاكونت بتاعه من قيمه شهر كده ؟!!

اسيا اتصدمت وبلعت ريقها برعب وتابعت بعياط وخوف والله العظيم .. والله العظيم كمان مره يسليم انت فاهم غلط و

سليم بمقاطعه وعصبيه دورتي ولا مدورتيييش ؟؟؟

اسيا بدموع وخوف دورت بس ..

سليم قاطعها لما ضربها بالقلم بقوه فصرخت وعيطت بالم وتابع بعصبيه يبقى تغوري على بيت اهلك ومشوفش وشك

اسيا اتصدمت وتابعت بعياط ايييه سليم انت بتقول اييه

سليم بعصبيه بقول اللي سمعتيه علشان اانا مغفل وابن ستين كلب اني مصدقتش امي لما قالتلي سمعتك بتتكلمي مع صاحبتك على واحد اسمه فارس وانك بحثتي عنه بس ملقيتهوش قولتلها لا يامااا اكيد فهمتي غلط ومسألتكيش اصلا وكبرت دماغي بس اتضحلي اني فعلا مغفل تقدري تفهميني انا اثق ازاي ان اللي حصل انهارده ده صدفه ؟؟؟!!

اسيا بصتله بذهول وتابعت بعيااط سليم انت بتقول اييه ومسكت في قميصه وتابعت بعياط حبيبي انا اسياا ارجوك فوق وركز في كلاامك قبل ما تقوله .. انا عمري ما ابص لراجل غيرك انت عارفني وعارف تربيتي كل الحوار ان صاحبتي دي من ايام ثانوي قالتلي انه فتح عياده وكده فبحثت عنه من الفضول والله مش اكتر قولت اشوف كده بس مش اكتر وحياه بنتي صدقني

سليم نزل ايديها بضيق وتابع ابعدي عن وشي يا اسيا علشان مش طايقك دلوقتي

ومشي وسابها ففضلت تعيط وحطت ايديها على بوقها ومشيت رجعت الترابيزه بتاعتها وقعدت وحطت راسها ما بين ايديها ودموعها بتنزل فتولين شافتها فراحتلها وتابعت بخوف ايه يامامي مالك في ايه 

اسيا بوجع مفيش ينورعين مامي ومسحت دموعها وتابعت تعبانه شويه بس وبطني واجعاني 

تولين بحزن معلش وطبطبت عليها فاسيا بصتلها وابتسمت بحزن وباست راسها بعمق

فتابعت تولين بحزن هو بابي راح فين؟

اسيا بدموع راح وراه مشوار يحبيبتي

تولين بحزن طب كلميه علشان انتي تعبانه خالص

اسيا بدموع لا يقلبي متقلقيش انا كويسه ده شويه تعب عادي المهم يلا احنا علشان رايحين لتيته 

تولين بحمااس اه يلاا عايزه اشوف خالو علي

اسيا بدموع يلا يعمري وقامت وشالت شنطتها وفونها وحطت الحساب على الترابيزه وشالت تولين وطلعت لبرا 

كان فارس لسه في عربيته ممشيش وشاف سليم لما خرج ومشي وبعدها بدقايق طلعت اسيا وهي بتعيط وشايله تولين فنزل من عربيته وراح عندها وتابع بصدمه ايه ده مالك يا اسيااا في اييه

اسيا شافته اتصدمت وبصت حواليها وتابعت بعصبيه وانت مالك ولو سمحت ابعد عن حيااتي ومتدخلش تاني

فارس بعصبيه يابنتي انا قلقان عليكي فهميني في ايه وانا همشي ووالله العظيم وغلاوه ملك عندي مش هضايقك ولا هكلمك تاني

اسيا بعياط وعصبيه مفيش خلااف بيني وبين جوزي وهيروح لحاااله فارجوك يافارس اعتبرني اختك ومتجبليش مشااكل وقفتك معااايا نفسها غلط

فارس بوجع حاضر والله همشي بس انا فعلا قلقان عليكي طب اركبي اوصلك

اسيا بصتله بذهول وتابعت بعصبيه ودموع توصلني ايه انت مجنون لا طبعاا مستحيل انا هركب تاكسي وعارفه الطريق لوحدي متقلقش

فارس بحده يابنتي بصي لمنظرك مأمنش تركبي مع حد لوحدك انتي وبنتك

اسيا بعصبيه يافاارس ملكش دعوه ابوس ايدك بقى

فارس رايح يتكلم اتفاجئ بشكل وشها فمسك وشها وجهو ليه وتابع بصدمه ايه ده ؟!! واتعصب وتابع هو الحيوان ده مد ايديه عليكي يا اسيااا ؟!!

اسيا رمت ايديه وتابعت بعياط وعصبيه وانت مالك وااحد ومرااته يخش يموتني خالص محدش ليه انه يدخل 

وعياطها زاد ومشيت بتحاول توقف تاكسي وفارس اضايق من اسلوبها ورجع ركب عربيته فتابعت ملك بحزن هي البنت دي مش شبه البنوته اللي معاك صوره ليها في درج اوضتك وهي صغيره يا عمو ؟

فارس تنهد بوجع وتابع اه شبها يا لوكاا المهم احنا هنروح مشوار بعدين اروحك علشان عندنا هووم وورك كتير وامك هتموتنا اتفقنا؟ 

ملك بحب اتفقنا

فارس بحب اجمل لوكا في الدنيا ايه اخبار المدرسه حبتيها؟

ملك بحب هي سنه اولى اهو جميله لسه بقى هنشوف باقي السنوات

ففارس فضل يضحك وتابع هتبقي جميله بردو ده انتي عمك دكتور فارس الانصاري يابت

ملك حضنته وتابعت بحب وانا نفسي ابقى دكتوره زيك

ففارس باس راسها بعمق وتابع هتبقي اجمل مني والله

عند اسيا كانت قاعده في التاكسي وواخده تولين على رجليها ودموعها مبطلتش تنزل وبعد شويه وصلت عند بيت اهلها ونزلت وحاسبت التاكسي ولفت نظرها عربيه فارس اللي ورا التاكسي واتصدمت لما شافته وفارس ومشي ورا التاكسي علشان يطلع من الشارع ففهمت انه جيه وراها لحد هنا علشان يطمن انها وصلت فنفخت بضيق شديد وتابعت يلا يا تولين ومسكت ايديها

وطلعت كان باب شقتهم مفتوح فدخلت وتابعت السلام عليكم 

علي ورانيا كانوا قاعدين فشافوها ابتسموا وتابع وعليكم السلام

فجريت تولين على علي 

فعلي فتح ايديه وتابع حبيبه خالو حبيبه خالوو تعالي يعمري وشالها وباسها خدها كتير تحت ضحكها المتواصل فحضنت رقبته وتابعت واحشتني خالص

علي بحب وانتي واحشتيني اكتر ينورعيني وشدد من احتضانها وقعد بيها وتابع تعالي يابت يا اسيا مالك في ايه

اسيا راحت قعدت جنبه وباست راسه وتابعت مفيش ينورعيني انا كويسه اهو

رانيا بقلق اومال ماله وشك مقلوب ليه كده 

اسيا بوجع عادي يا ماما مفيش حاجه

علي نزل تولين من على رجله وفتح فونه وتابع توتي امسكي النت ادفع والفيديوهات بتشتغل بس اجري اقعدي بيه في اوضتي بقى علشان تسمعي براحتك

تولين بفرح وحماس ماشي وباست خده وخدت الفون وجريت بيه

فتابع علي بصوت مسموع لو حد رن وريني ياتولين

تولين بفرح ماشي ياخالو

ودخلت بالفعل فعلي بص لاسيا برفعه حاجب وتابع في ايه بقى ؟

اسيا بوجع مفيش يحبيبي هيكون في ايه

علي بحده اسياا

اسيا بدموع نعم يعلي

علي بحده في اييه انا دخلت البت لان فهمت ان في حااجه فمتستعبطيش عليااا

فاسيا حضنته وفضلت تعيط بهستريه فعلي ورانيا اتخضوا فتابعت رانيا بخوف مالك يا بت في ايه وقعتي قلبي

علي طبطب عليها بلهفه وتابع بخوف في ايه يا اسياا متخانقه انتي وسليم صح ؟

اسيا فضلت تعيط وتابعت اه حصل بينا خلاف كده 

علي لفت نظره خدها فوجه وشها ليه وتابع بصدمه هو ضربك؟

اسيا بتوتر ايه لا طبعاا هو بس

علي بمقاطعه وعصبيه سليييم ضرربك يا اسيااا ؟؟؟

اسيا عيطت وتابعت اه بس ورحمه ابوك ماتجيب سيره اني قولتلك خلاص هو كان متعصب فايديه سبقت تفكيره

علي بعصبيه نعم ياختيي !! هو ايه اللي كان متعصب هو كل واحد هيتعصب هيورم وش مرااته بالشكل دده !! ولا هو انا جوزتك ليه وخرجتك من بيت اهلك معززه مكرمه علشان تروحي تضربي في بييته منا مش فاهم يعني !!!

رانيا بحده استني بس يعلي مش لما نعرف هببت ايه يوصله لانه يمد ايديه عليهااا

علي بعصبيه اه هببتي ايه يا اسياا قولي علشان مروحش اطلع عين اهله وانا مش فااهم حاجه وعامل زي الاطرش في الزفه

اسيا بعياط هو خلاااف وخلاص وقالي روحي بيت اهلك وانا جيت علشان اعصابنا احنا الاتنين تهدى شويه انما مش هتستحملوني وتقعدوا تقلوبها نيابه امشي

علي بعصبيه تمشي تروحي فين يابنت الكلب انتي ومسك دراعها جامد وتابع بعصبيه اما جووزك مشااكي من بيتك يبقي متتحركيش في حته غير هنااا ده انا اقتلك لو كنتي فكرتي تروحي اي حته تاني

رانيا بتحوشه عنها وتابعت بحزن خلاص يا علي خلاص يا ابني اهدى

اسيا بخوف وعياط منا متنيلتش اهو وجيت بس ورحمه ابوك يا علي ماتضغط عليا اتكلم في حاجه

علي بعصبيه تبقي غلطانه وبنت ستين كلب وهتخليني مش عارف اخد معااه حق ولا بااطل وهو ضاارب اختي

اسيا بعياط لا مغلطتش بس هو فهم غلط وعلى العموم انا محبش اطلع المشاكل دي لان في الاول والاخر انا وسليم ملناش الا بعض ومسيري هرجع بيتي فمش عايزة اهز صورنا قدامكم وخلاص 

علي بحده تمام يا اسيا غوري اوضتك دلوقتي علشان مش طايقك اسيا مسحت دموعها وتابعت بوجع حاضر

وقامت فتابعت رانيا بحزن خدي شاور يابت شكلك مجهد وتعبان وليكي هدوم جوه

اسيا بدموع حاضر ودخلت اوضتها وقفلت

فاتعصب علي وولع سجاره ونفخها بعصبيه فتابعت رانيا بحزن اهدي هي شويه وهتقولك السبب

علي بعصبيه ولا هتقول حااجه علشان غلطااانه وهي عارفه اني لو عرفت السبب هكسرهااا خالص مش هضربها قلم فعلشان كده سكتت

رانيا بحزن يا ابني فال الله ولا فالك يمكن حاجه عاديه صح والشيطان دخل بينهم

علي بعصبيه بنتك بقالها خمس سنين متجوزه ولا عمرهاا سابت بيتها ولا عمره سليم ضربهاا فانتي فاهمه اللي بيحصل ياما ولا ايه ؟

رانيا بحزن واحنا ايش عرفنا يا ابني مايمكن بيمد ايديه عليهاا لما يتخانقوا هي اختك بتنطق ولا تقول حاجه 

علي مسح على وشه بنفاذ صبر وتابع بحده يامااا بيمد ايديه ياستي مااشي اتعصب جامد وايديه سبقت عقله انما امتى مشاهاا من البيت يعنيي ؟؟!!

رانيا بحزن هي هتطلع امه الحربايه السبب والله

علي بعصبيه بنتك شافت منها قد ما شافت عمرها ما سابت البيت

رانيا بحده يوه بقي يعلي ياابني متقلقنيش اكتر منا قلقانه

علي نفخ دخان السجاره وتابع ربنا يستر والله وقومي شوفيلي اسراء كوت القميص اللي هلبسه في قرايه فاتحه حبيبه ولالا

رانيا بحزن حاضر يحبيبي

وقامت دخلت لاسراء لقيتها بتشيل الترابيزه فتابعت خلصتي قميص اخوكي يابت؟

اسراء اه على السرير اهو

رانيا بحب طيب جدعه تعالي اعملي حبه المواعين دول بقى

اسراء رمت الترابيزه بضيق في مكانها وتابعت بحده لا بقى مش كوي ونشير وكله عليااا علشان ست سلمى بتتمرقع براا

رانيا بحده والله انتي بت واطيه مابيطمر فيكي حااجه مش مستحملاها يوم وهي بتشيل عنك البيت كله علطول

اسراء بضيق لا بجد تعبت وجبت اخري ومسكت فونها وقعدت على السرير وتابعت مش هغسل حاجه

رانيا رفعت حاجبها بذهول وتابعت مش ايه يا اسراء ؟

اسراء بحده مش هغسل حاجه ااه قولت اللي عندي

رانيا بضحك طب قومي بدل ما اقول للي يعرف يقومك

اسراء بضيق اعملي اللي تعمليه مش قايمه وفضلت تسكرول على فيسبوك

رانيا بضحك هتزعلي 

اسراء بضيق ماشي انا عايزة ازعل اطفي النار واطلعي بقى

رانيا بضيق وماله بشوقك وخدت القميص وطفت النور وطلعت الصالون

علي بتنهيده ها عملته ؟

رانيا بحب اه يعمري اهو وحطته على الكنبه جنبه وتابعت بس مبتسمعش الكلام يعلي

علي هو بيشوف القميص تابع باستغراب هي مين اسراء ؟

رانيا قعدت وتابعت اه زفته .. البت بقولها تقوم تغسل حبه المواعين مش راضيه ولساني اتدلدل من الحياال

علي بعصبيه انتي يا بنت الكلب يا صغيييره

فاسراء سمعت صوته اتخضت وجات جري وتابعت بخوف ايه يحبيبي في ايه ؟

علي بعصبيه ورفعه حاجب هي امك قالتلك ايه يا اسراء ؟؟

اسراء بتوتر ايه .. اه طبعا منا داخله والله بس كنت بخلص مكالمه مع ساره بس خلاص ساره مش مهم المواعين تخلص الاول حاضر ودخلت المطبخ وهي بتدبدب على الارض بغيظ

فرانيا فضلت تضحك بشده وتابعت والله مافي غيرك مربيهم

علي بحده مبيتقاليش لا انا

رانيا بضحك حمش يقلب امك اللي خلف مامتش صحيح

علي تنهد بعمق وتابع تعبت والله ياما

رانيا بضحك والله حقك يا ابني 3 بلاوي فوق راسك كتير

علي بضحك لا لوما هاديه والله وبص للساعه وتابع بس ايه الساعه بقيت 3 هي مش ناويه تيجي ولا ايه 

رانيا بابتسامه معلش عروسه ومشغوله تلاقيها جايه و

قاطعها دخول سلمى وتابعت بابتسامه السلام عليكم

فابتسموا وتابعوا وعليكم السلام

علي ايه يا لوما كل ده تاخير ؟

سلمى راحت قعدت جنبه وخدت نفسها وتابعت تعبت والله من اللف يعلي مكنتش لاقيه هيلز عجباني خاالص ولفينا ودوخنا لحد ما لقيناها

علي بحب طب الحمدلله المهم جبتوا اللي انتي عايزاه

سلمي بفرح اه والله الحمدلله انا مبسوطه خالص

فعلي باس راسها بعمق وتابع ربنا يفرح قلبك ويسعدك كمان وكمان يقلب اخوكي

سلمى بحب اللهم امين انا وانت ينورعيني بس كنت عايزه اطلب منك طلب؟

علي بحب يسلاام ده انتي تؤمري ومسك ايديها باسها وتابع قولي يعمري

سلمى بتوتر هو ينفع .. ينفع يعني اركب فيك نيلز يوم كتب الكتاب؟

علي باستغراب ايه الفيك نيلس ده كمان ؟!!

سلمي فضلت تضحك وتابعت لالا فيلس ايه يحبيبي بس بقولك نيلزز .. نيلز يعني ضوافر زي كده استنى اوريك ومسكت فونها

علي بضيق من غير ماتوريني بلاش الكلام ده يسلمى

سلمى بحزن بالله عليك يعلي علشان خاطري وافق ده هي كام ساعه وهشيلها بص ووريته صوره للشكل اللي عاجبها

علي بضيق والله ما حلو ومسك ايديها وتابع بذمتك دول وحشين في ايه ؟ وباس ايديها وتابع طب والله العظيم زي القمر وطولهم مناسب مش طوال ولا قصيرين خالص ونضاف وصحيين كده وزي القمر 

رانيا بضحك جات تكملك الدسته وتحرقلك دمك الهاديه الجميله اهي

علي بضحك ده انا والله جبت اخري من عياالك كلهم مافي حد فيهم مريحني خاالص

سلمى بحزن يعلي ماهو مبقاش عروسه وشكل ايدي كده يعني وبعدين هي مش هتبطل وضوئي ولا حاجه انا هشيلها بمجرد مانتصور صور كتب الكتاب واتوضي عادي وحياتك عندي

علي بحب لالا يالوما علشان خاطري انتي ووحياتي عندك بلاش ايدك حقيقي جميله وانا مقصدش الوضوء بس انتي كده بتغيري في خلق الله وبتحطي حاجه مش حقيقيه وكلنا عارفين انها مش حقيقيه فايه لازمتها بذمتك؟

سلمى بحزن يعني علشان شكلي وكده

علي بحب شكلك كعروسه هيبقى ملفت اكتر في احتشامك وادبك وفستانك الراقي انما محدش هيبص لون ضوافرك ايه فبلاش تعملي حاجه تزعل ربنا منك ده انا بضرب بيكي المثل في الاخلاق والادب ولابسه خمار فحقيقي اللي عايزه تعمليه ده مش هيزود جمالك في حاجه ومالوش لازمه انتي ممكن تحطي طلاء شفاف يدي لامعه كده وينورهم بعدين شيليه اللي بيتشال بسرعه ده بس بلاش تغيري حاجه ربنا خلقها فيكي 

سلمي بحب حاضر يحبيبي

علي بحب يحضرلك كل خير يغاليه

اسراء كانت سمعاه فطلعت من المطبخ مبلوله شويه وتابعت بضحك على اساس ان رفروفه مش هتحط فيك نيلللز يوم فرحكم ؟

فعلي يغمض عينيه بضيق ويتابع انا كام مره اقول لاهلك متقارنيش نفسك برفيدده ؟؟

اسراء بتوتر منا بسالك بجد

علي بعصبيه وانا كااام مره اقولك كددده ؟؟؟

اسراء بضيق اووف يعلي خلاص سكتناا

علي بعصبيه اصل قله ادب وتدخل في الكلام وخلاااص ماهي محطتش ساعه كتب الكتااب ولو كانت حطت كنت كسرتلها صوابعها مش علشان ركبت لااا .. بس لانها مخدتش اذني انما انتي بقى في ايه هي طوله لساان وبس اللي شاطره فيهااا مش كده ؟؟؟

اسراء بضحك خلااص سوري اتكتمناا

علي بعصبيه خشي غوري كملي اللي قوولتلك يلااا وقلع جزمته وحدفها عليها

فاسراء طلعت تجري على المطبخ وهي بتضحك وتابعت انا اصلاا ساعه كتب كتاب لومااا هعمل هاارد جييل مش فيك نيلز والعبط ده

علي باستغراب هاا ايه ياااختي ؟؟؟

سلمي فضلت تضحك وتابعت عايزه تعمل ضوافر من اللي بتثبت شهر مش بتتشال

علي بذهول ده مين دي اللي تعمل كده ؟ اسراء ؟!!

اسراء طلعت من المطبخ وتابعت بذهول : اييه اسرااء مين !! ايه الكلام الفارغ اللي بسمعه دده !! اسراء مين بس هو اختك بتاعت كده يا علولي !! مش عارفه انا ايه بنات اخر زمن اللي مبيهمهاش حد دي .. اه اسراء هعمله عجبني بصراحه وطلعت جري على اوضتها فعلي قام وراها 

ورانيا وسلمى فضلوا يضحكوا عليهاا بشده

فدخلت اوضتها وقفلت بسرعه بخوف بالقفل ووقفت وراه وهي بتاخد نفسها بسرعه 

فتابع علي بعصبيه وهو بيخبط افتحي يحيوانه الباب ده بدل ما اكسره عليكي 

اسراء بخوف لا مش هفتح ورحمه ابويا مانا فاتحه هااا

علي بعصبيه ده انا اللي هفتح بس هفتح نفوخك باذن الله افتحي يابت وخبط جاامد

اسراء بخوف طب والله ما هفتح امشي

علي بعصبيه همشي يا اسراء وعايزك تعمليها وانا اكسرلك صوابعك صابع صاابع ومشي دخل اوضته وقفل

فتابعت اسراء بخوف: سلمى علي مشي؟

سلمي بضحك اه مشي اطلعي خلاص

اسراء بخوف قولي وحياه حازم مشي

سلمي بضحك وحياه حازم مشي يخربيت اهلك هكدب ليه

فطلعت اسراء وفضلت تبص حواليها بعدين مشيت خرجت للصالون فتابعت رانيا بضحك عايزة علقه منه انتي والله

اسراء بضحك مش هعمل خلاص كنت بجس نبضه بس لو عملتها انا اللي مش هيبقي فيا نبض

ففضلوا يضحكوا عليها فتابعت سلمى بضحك ده حصل بجد

فتابعت اسراء طب يلا اسيبكم انا واروح اكمل مواعيني

رانيا بضحك روحي ياختي

فدخلت اسراء وتابعت رانيا قومي يا سلمي اختك اسيا جوه جايه تبات كام يوم متخانقه مع جوزها فكيها كده وحاولي شوفي مالها

سلمى بقلق ليه بس كده حصل ايه؟

رانيا بتنهيده والله ماحد فاهم يابنتي قومي شوفيها انتي يمكن تقولك

سلمى بقلق حاضر قايمه اهو

وقامت بالفعل دخلتلها وامها راحت تطبق شويه غسيل

وعند اسراء حسن كان عمال يرن عليها وفونها كان جنبها بتسمع بيه اغاني في السماعه فكنسلت عليه وفضل يرن كتير فاخر مازهقت ردت عليه وتابعت بحده نعم يا حسن خيير

حسن بحده يابنتي ردي عبري اهلي انا معملتش حاجه لكل ده

اسراء بحده لو هنتكلم عن اللي عملتوا فانت عملت كتيير بس انا خلاص مبقاش عندي طاقه لاي كلام معاك

حسن بتنهيده انا هكلم علي يا اسراء وهقوله على كل اللي حصل بينا

اسراء بحده وخوف:  اياك تعمل كده والله العظيم يموتني ويموتك وماهيمسي علينا انت اتجننت ولا ايه

حسن بحده ماهو انتي اللي هتضطريني اعمل كده لانك مش راضيه تسمعيني

اسراء تنهدت بوجع وتابعت هو انت مش قولتلي من سنتين انك مش بتحبني وكنت بتلعب بيا وخلاص ؟

حسن بحزن اه قولتلك بس

اسراء بحده معنديش بس انا مش هسمع حاجه بعد الكلمتين دول اصلاا خلاص انت عمرك ماكنت حقيقي لان اللي بيحب بجد ميجرحش ولا يوجع ولا يسيب بسهوله انت عملت حاجات كتير اوي بس كلها قذره انما متقولش ابدا انك حبيتني

حسن بتنهيده حقك تقولي كده واكتر بس لو تسبيني اقولك انا ليه قولتلك كده صدقيني هتعذريني

اسراء رايحه تتكلم لمحت امها داخله المطبخ فتابعت كأنها بتغني لحماقي : وانهارده انا بسألك اعمل ايه في قلبي اللي حبك فهمينييي

حسن استغرب وتابع انتي عبيطه ولا ايه ؟!! اييه اللي بتقوليه ده !!

فاكملت اسراء الاغنيه بتوتر : صعب اساامحك رغم جرحك واللي اصعب اني اعيش .. بس عارفه هتوحشيني حتى لو مسامحتكيش

حسن بحده يابنتي بقى انتي اتهطلتي ولا اييه اعقلي مرره وخلينا نخلص مكالمه زي مخاليق ربنااا

اسراء بتوتر كملت: انا مكنتش عاايز اعلق نفسي بحب نهاايته جروح .. ليالي ابني في وهم وحلم ويجي في ثانيه ده كله يرووح

فااتفاجئت بشده لما لقيت امها شدت واحده من السماعات وحطتها في ودنها 

حسن بعصبيه والله العظيم انتي انسانه فعلا مهزقه وانا غلطان اني اتكلمت معاكي

فاسراء خافت بشده وبصت لامها

فابتسمت رانيا وتابعت الله ده جميله اوي الاغنيه دي ايه رايك نسمعها لعلي ونشوف رايه فيها يا مهزقه؟ 

حسن اتفاجئ واسراء خافت وتابعت بدموع وخوف لالا ماما ابوس ايدك علي لا علشان خاطري يارب تشيلي عياله يارب وتفرحي بيه ارجوكي اسكتي ورايحه تبوس ايديها

فرانيا شدت ايديها منها وتابعت بحده مين البيه اللي بتكلميه ده يا اسرااء ده انتي ليله اهلك سوداا

حسن بتنهيده اسرااء سيبي لطنط الفون انا هكلمها

اسراء بخوف ودموع يشيخ الله يخربيت اهلك بجد

حسن بحده قولت سيبلها الفون واخلصي

رانيا بذهول ده حسن يا اسراء !!

اسراء هزت راسها بـ اه بدموع

فاتصدمت رانيا وتابعت نهاارك اسود انتي وهو ده علي لو عرف ليقطع خبرككم

حسن بضحك ياست الكل اهدي بي ومين هيقوله يخالتي متزعلنيش منك بقى

رانيا بحزن لالا ياحسن اخص عليك متوقعتش منك كده .. انت واسرااء يا حسن !! طب وصاحبك واخوك اللي بيأمنلك ويديك ضهره ده لما يعرف موقفه ايه

اسراء لطمت وتابعت بخوف ودموع ينهاار اسود ماهو مينفعش يعرف انتي بتقولي اييه انا سبته من زمان اصلا خلاص ورحمه ابوياا بس متنطقيش يماما ابوس ايدك .. علشان خاطري بلاش علي يعرف حاجه ارجوكي وعيطت

حسن بذهول للدرجه دي بايعاني !!! .. يعني انتي شايفه كده يا اسرااء سبتيني من زمان خلاص ؟!!!

اسراء سكتت وسابت الفون والسمااعه وطلعت من المطبخ خالص ودخلت اوضتها وهي بتعيط

حسن بوجع:  اسرااء

رانيا بتنهيده مشيت ياحسن

حسن بوجع مشيت !! تمام يخالتي وانا هحترم رايها .. بس لاجل العشره والعيش والملح وان علي اخوياا انا هجيلك لحد عندك وافهمك كل حاجه واقسم بالله العظيم عمري ماتعديت حدودي مع بنتكم لان في النهايه لو مش شريكه حياتي فاهي اخت صاحب عمري واختي انا كمان

رانيا بحزن تنور اي وقت ياابني بس بالله عليك لما يكون علي مش هنا

حسن اكيد طبعا تحت امرك .. يلا السلام عليكم وفهميها اني مش هضايقها ولا اكلمها تاني واحترمت رغبتها خلاص

رانيا تنهدت بحزن وتابعت ماشي يا ابني 

حسن يلا باي

رانيا بتنيهده باي

وقفلت معاه ودخلتلها بالفون ورمته جنبها على السرير وهي بتعيط وتابعت رانيا بتنهيده بتحبيه من امتى يا اسراء ؟

اسراء بدموع انا مبحبش حد فكك الموضوع ده كان قديم وخلص خلاص وكبرت وعقلت

رانيا بحزن على العموم يابنتي هو قالي مش هيزعجك تاني واحترم قرارك على الله انتي بس تكوني مرتاحه

اسراء اتصدمت وتابعت هو قال كده بجد !!

رانيا بتنهيده اه قال كده

وطلعت وسابت اسراء مصدومه ودفنت وشها في المخده وفضلت تعيط بهستريه

------

عند هناء في اوضتها كانت قاعده مضايقه اوي في البلكونه وفونها على السرير بيرن ومش واخده بالها

فقامت تجيب شال لانها حست بلسعه برد لفت نظرها نور فونها فجابت الشال ومسكته لقيته وسام فدخلت البلكونه وحطت الشال عليها وردت وتابعت بتنهيده الو

وسام كنتي ناويه تردي في المره الميه ولا حاجه؟

هناء بضيق انا مخدتش بالي اصلا لان الفون جوه في الاوضه وانا في البلكونه مش هرد عليك ليه ان شاء الله ؟؟

وسام مش يمكن لانك غلطانه فمش عايزه تسمعيلك كلمتين ؟؟

هناء بحده بصفتك مييين تسمعلي كلمتيين .. في ايه بيني وبينك غير انك دكتوري يا وسااام

وسام اتصدم من اسلوبها وتابع بسخريه وانتي في نظرك كل اللي بيحصل ده بيحصل علشان انا دكتورك بس ؟!!

هناء اتوترت وتابعت ااه طبعاا اومال انت فاكر ايه ؟

وسام برسميه: انا فاكر ان كان ليكي معاد يا فندم واتأجل بسبب سفري بس انا الحمدلله رجعت فاتصلت افكرك تنوريني وقت ماتحبي

هناء قلبها وجعها من طريقته الرسميه والدموع اتجمعت في عينيها وتابعت وسام انا مش قصدي والله كل الحكايه ان

وسام بمقاطعه يفندم خلاص حصل خير انا اللي مكنش يصح اتعدى حدودي وادخل في اللي ميخصنيش المهم انا مستنيكي

هناء بوجع لا مش هاجي غير لما تتكلم معايا بطريقتك العاديه

وسام بتنهيده يبقي اللي يريحك .. باي لاني في العياده ومش فاضي

هناء بوجع ومن امتي وانت بتقولي باي مش فاضي دي؟

وسام بتنهيده من وقت ما فكرت كويس انا صفتي ايه في حياتك .. اصل بصفتي مين بتكلم معاكي كده وكل يوم ؟؟

هناء فهمت انه بينفذلها الكلمه اللي نطقتها وبيوريها الفرق لان مستحيل حبه وغيرته الواضحين يكونوا مجرد تعامل دكتور مع مريضته فلما وراها الفرق قلبها وجعها وندمت انها بكلامها سلبت منه حق انه يكون بيحبها في كلامه فتابعت بوجع وسام انا حقيقي مقصدش اضاايقك بس بجد انت عصبتني لما زعقتلي قدام رناا كده انما انا عارفه انك مغلطش وانا مكنش ينفع اقف مع عمرو و

وسام بضيق هنااء انا مش فاضي في ناس مفروض تدخل اخلص واكلمك 

هناء بوجع باي يا وسام

وسام باي

وقفلت معاه ودخلت رمت فونها على السرير ودفنت وشها في المخده 

والباب خبط فمسمعتهوش فدخلت لميا وتابعت بذهول مالك يا بت في ايه

هناء اتفاجئت بصوتها ورفعت وشها وتابعت بعياط مفيش حاجه واقفلي الباب مش ناقصين تحقيقات

لميا قفلت الباب وراحت قعدت جنبها وتابعت بذهول في ايه يا هنااء مالك

هناء بعياط مفيش متخانقه مع وسام

لميا بذهول طب ليه متخانقه معااه لييه

هناء بعياط يابنتي الصبح كنت واقفه مع عمرو زميلي في الكليه فاهو معجبوش وزعقلي قدام رنا وقالي اروح ودلوقتي بقوله انت بصفتك مين بتعمل كده واتعصبت عليه فقالي يعني انا مفروض دكتورك واللي بعمله ده علشان انا دكتورك قولتله ااه فبقي حد رخم بجددد وبيعاملني برسميه بحته

لميا بضحك والله تستاهلي

هناء بحده ودموع انتي بتضحكي يا بااارده !!

لميا بضحك لان الواد واضح بيموت فيكي وانتي بغبائك قفلته وقاعده بتعيطي علشان بيعاملك برسميه طب ماتتنيلي تقوليله انك بتحبيبه وتخلصييي

هناء بحده ودموع لا طبعا اقول ايه انتي اتجننتي يا لمياا

لميا بضحك يغبيبه مقصدش تعترفي وتقوليها بصراحه بس البنت ليها اسلوبها كده اللي يخلي الراجل يعترف بقلب جاامد ماتتنيلي تعملي كده خلينا نفرح بقى يا شييخه الله

هناء بدموع لا مش دلوقتي بردو انا لسه مش واثقه في مشاعري

لميا بضحك اممم ماواضح من دموعك بسبب كلامه الرسمي

هناء بعياط لاني متعودتش وسام يكلمني كده بجددد

لميا بحب طب اهدي طيب ومسحت دموعها وتابعت بالليل ابقي صالحيه وهو والله هيتراضى علطول هو بس زعل منك حبتين وحقه بس والله هيتصالح

هناء بحزن حاضر يا لميا

لميا بحب وقومي اغسلي وشك والبسي حاجه حلوه كده امك بتقول هاني جاي يتقدم لحبيبه انهارده

هناء بذهول ده بجددد !!

لميا بضحك اه شوفتي الدنيا

هناء بضحك طب عايزاني افرحك ليه مع حبيبه هتفرحنا اهي

لميا بضحك مين دي اللي تفرحنا !! حبيبه !! هيهيي اتنيلي على عينك والله .. حبيبه دي عايشه تجلطنا وبس فانسي الكلام ده هاني هيترفض زيه زي غيره عاادي انا عارفاها

فهناء فضلت تضحك وتابعت على رايك والله وقامت وتابعت هغسل وشي وجيالك

لميا بحب ماشي يعمري

وهناء دخلت ولميا فونها جاله مسدج ففتحته واتصدمت بالمكتوب " اخر مره هحذرك يا لميا بطلي كتباتك عن عدلي الشامي " فاتصدمت وتابعت هو عرف منين ان انا اللي بكتب وحطت ايديها على جبينها بذهول

وخرجت هناء وتابعت وهي بتنشف وشها بالفوطه مالك في ايه

لميا انتبهت لصوتها وخرجت من سرحانها وتابعت بتوتر هاا لا مفيش حاجه يحبيبتي يلا بس البسي عايزين ننجز 

هناء بحب حاضر

وبدات تدور على لبس ولميا سرحت خالص بتحاول تفهم مين قال لعدلي ان هي اللي بتكتب ده ضده لان الخبر بينزل من غير اسم الصحفي

-------

عند حبيبه كانت اتصلت بإلين تيجي تقعد معاها شويه لانها مخنوقه وكانت إلين واخدها في حضنها وحبيبه بتعيط

فتابعت إلين بحزن طب وبعدين طيب كفاياكي عياط وغلاوتي عندك

حبيبه بعياط قلبي واجعني اوي يا إلين حقيقي مش عارفه اعمل ايه حاسه الدنيا كلها تقيله على قلبي وانهارت عياط وتابعت اتمنيت الموت ومعرفتش اطوله انا حقيقي مش مرتاحه خالص

فإلين قلبها وجعها عليها وشددت من احتضانها وباست راسها بعمق وتابعت حقك عليا والله بس اقولك نصيحتي وتسمعي برايي يحبيبه؟

حبيبه بدموع اكيد طبعاا

إلين بحزن انا معاكي في ان محدش حب علي قدك وهو حقيقي خسرك بس دي هتبقى خطوبه مش جواز فرايي تجربي علشان خاطري هو كده كده اتجوز يا حبيبتي فانك توقفي حياتك مش هتغير اي حاجه في اللي حصل

حبيبه بعياط انا عارفه كل كلامك ده بس المشكله عندي مش فعلي وجوازه المشكله ان انا نفسي مش هقدر اخد خطوه زي دي مع واحد انا مبحبوش صدقيني صعبه اوي اوي

إلين بحزن عارفه والله انها صعبه بس الفكره جربي محبيتهوش متتجوزيش وانفصلي بكل احترام بس تبقي حاولت تخرجي نفسك من الدايره اللي انتي فيها دي فاهماني ؟؟ لان خلاص اللي حصل حصل ومبقاش فيه امل 

حبيبه بوجع ليه ربنا مستجابش لدعوتي اللي كل يوم بطلبها انه يطلع علي من جوايا لحد دلوقتي يا إلين ؟؟!! ليه اعيش مقهوره وانا شايفاه جنب غيري والمفروض اضغط على حاجه مش بايدي اتحكم فيها انها تنساه واخد خطوه تانيه مع واحد غيره واعيش احلام مع راجل تاني وانا مشوفتش غير هو فيها جنبي ؟!! ليه مدخلتش طب وحققت حلمي ومشوفتش بابا ومعنديش اهل وكمان الحاجه الوحيده اللي كانت فضلالي وقولت هتعوضني ربنا حرمني منها .. ده هو وكريم كانوا احن ناس عليا ولما كان يوم كان يزعقلي ولا اعمل حاجه غلط كنت استخبى منه في علي ولحد النهارده مش عارفه اشوف حد غيره اماني وكل ما كان يجيلي عريس كنت اروح اجري عليه وكان يقف جنبي .. وانهارت عياط وتابعت فعلشان دي الحاجه الوحيده اللي كانت بتخليني كل يوم اعشقه اكتر واكتر امي كسرتني منها وخليته جه قالي بنفسه اني اوافق والضهر اللي كنت بستخبي فيه من الدنيا مشي وسابني بطولي في الحرب وبتكلم معاه بلهفه وبقوله كويس انك جيت على اساس يقف جنبي زي كل مره لقيته ساب ايدي ورايه من رايهم وعيطت اكتر وتابعت واللي قهرني اووي اني عايشه خايفه من اليوم اللي يجمع بينه وبين رفيده تحت سقف واحد بس هو مش شايفني لدرجه عادي بالنسباله اكون انا مع واحد تاني تحت سقف واحد .. وضحكت بالم وتابعت ياااه قد ايه كنت عايشه في وهم .. وهم كبير اوووي

إلين دموعها نزلت من كلامها وتابعت انا حقيقي عجزه عن الرد ومش عارفه اقولك ايه ولا ايه ربنا يربط على قلبك ويصبرك ينورعيني .. بس ارجوكي يحبيبه مينفعش تفضلي كده والاهم من انك تدركي انك في وهم هو انك تفوقي منه حتى لو خد من عمرك شويه سنين

حبيبه ضحكت بوجع وتابعت شويه سنين !! ده خد من عمري عمري كله .. ده حبيبي من ساعه ماوعيت على الدنيا ..مين انتوا ولا كلامكم اللي ينسيني حب عشت احلم بيه سنين طفولتي وقلب رسمته في كشكولي وطلعت منه سهمين وكتب A و H وحطت ايديها على رقبتها وتابعت بقهر واسمه اللي على رقبتي وماشيه معتزه بيه وفخوره لمجرد اني بس لابسه في رقبتي اسمه ..  وريحه البرفيوم بتاعته وسيرته الاتنين اللي كفيلين يحسسوني بالامان وانه موجود حواليا هي الحاجات دي مفروض نتخطاها ونعيشها مع حد تاني ازاي !! ده انا كان يكفيني كل يوم الصبح لما افتح البلكونه والاقيه واقف باصصلي ان نظره عينيه دي تطمني وتروق بالي ويومي كله .. انا حبيت علي وعشقته رغم اني مشوفتش منه اللي رفيده شافته .. رغم اني حبيت تفاصيل بسيطه وبعيده وفرحت بيها كأن محدش في الدنيا بيحب قدي .. فانتي متخيله عمق مشاعري واصل لفين ؟؟ يعني حضنه واسمه اللي بقيوا من حق رفيده دول انا عارفه انهم بعيد عني ومستحيل يبقوا ليا بس كنت عايشه مبسوطه وراضيه وانا شيفاه بس .. لدرجه شمس كانت تقولي هو انتي لو اتجوزتيه وحملتي هتعملي فينا ايه بقى .. كنت بسكت كده واقولها ده انا لو شيلت حته من علي وربنا كرمني منه بعيال هحس ان دي جنه ربنا على الارض  ... وهتقوليلي بتحبيه للدرجه دي ازاي هقولك والله ما اعرف بس سبحانه ربك اللي صابب حبه جوايا صب وانا مش عارفه اعمل حاجه غير اتالم واعيط وبس لان انا اخر حد يفرق بين اتنين عايزين بعض حتى لو بحبه دي مش انا يا إلين .. انا مشاعري اه مش بايدي فعلشان كده مش عارفه اتصرف انما عمري مافكرت اتمنالهم غير الخير بردو لان انا مش وحشه

إلين بدموع حقك عليا والله وحضنتها جامد فحبيبه عيطت بقهر في حضنها وتابعت مش قادره اشوف حد غيره وتفاصيله لسه عايشه جواياا يا إلين ده لما خدني في حضنه يوم الحريقه حسيت اني ملكت الدنيا كلهاا انا مش عايزه اعترض وعارفه انه حرام بس مش فاهمه فين الفكره فاني اتعذب كده وفضلت تعيط

فإلين حضنتها اكتر وتابعت بدموع صدقيني ولا انا فاهمه فين الحكمه فكل اللي بيجرالك ده ومش قادره اقول كلمه تهدي وجعك بس مقدمناش غير نصبر وندعيلك وواثقه ربنا مش هيسيبك ابداا

حبيبه بعياط يارب يا إلين بجد يااارب

ولقيوا الباب بيخبط فبعدوا عن بعض ومسحوا دموعهم بسرعه فكانوا سلمى ونيره

فتابعت حبيبه بدموع هو انتوا تعالوا 

فدخلوا وقفلوا الباب فتابعت إلين دي نيره اختك سلمت عليها مره مين دي بقى ؟

حبيبه بدموع دي سلمى صاحبه عمري واختي وعارفه عني كل حاجه زيك

سلمى حضنتها وتابعت بدموع حقك علياا والله انا اتصدمت لما عرفت ان علي هو اللي قالك توافقي على هاني

فحبيبه عيطت في حضنها اكتر وصعبت عليها نفسها اوي

فتابعت نيره بحزن حبيبه مش كده يحبيبتي ارجوكي اهدي كريم برا

إلين بحزن وضيق اصل بصراحه حقها تتوجع اوي بردو .. علي ده معندوش دم والبت اتمرمطت بيه ساعه المستشفى وكانت هتموت عليه وعمرها كله مشافتش راجل غيره وهو مش واخد باله حتى 1% انها بتحبه وجاي يقولها وافقي على عاني ايه الرجاله المهزقه دي !!

فحبيبه كانت عماله تبص جامد لإلين بس إلين مش فهماها فتابعت بضيق اييه في ايييه بتبصيلي لييه كده

سلمى برفعه حاجب مش يمكن علشان اخت اللي معندوش دم المهزق قاعده ؟؟؟

حبيبه لوت بوقها وتابعت بضحك من بين دموعها يشيخع يخربيتك عماله اغمزلك

إلين بحرج هي مين دي الله يخربيتك مش قولتي صاحبه عمرك

حبيبه ضحكت من بين دموعها وتابعت ااه بس هي اخت علي

إلين بحرج وصدمه : واخت علي تحكيلها عن اللي بيحصلك من علي !! حكم والله ..  اخر حاجه كنت اتوقعها بصراحه

فكلهم فضلوا يضحكوا فتابعت سلمى بضحك عارفه لولا اني واثقه ان قلبك واجعك على حبيبه وان فعلا اخويا مبيشوفش انه يضيعها من ايديه كنت جبتك من شعرك علشان ده حبيبي الاولاني ده

حبيبه بضحك متتشجعيش اوي بس لان باباها لواء في الداخليه

سلمى بذهول مين باباها لواء في الداخليه !! صاحبتك !!

حبيبه بضحك اه والله العظيم

سلمى بضحك طب بحيث كده كلنا مهزقين يغاليه ااعتبري مسمعتيش حاجه

فكلهم فضلوا يضحكوا بشده فتابعت إلين بضحك يخربيتك ياسلمى طب والله جيتي غيرتي الجو شكلك سكر

سلمى بضحك حبيبتي والله ولو مش سكر نبقى سكر لاجل خاطرك

فكلهم ضحكوا تاني فتابعت نيره بضحك ايوه جدعه جيبي ورا 

سلمى بضحك اومال دي بتقولك لواء هنهزر ولا ايه

فكلهم فضلوا يضحكوا وسمعوا الباب بيخبط

فتابعت حبيبه ادخل

ففتح كريم وتابع انتي لسه ملبستيش يحبيبه !!

حبيبه تنهدت وتابعت حاضر هلبس اهو 

كريم بحب ماشي يحبيبي وبص لنيره وتابع وانتي تعالي عايزك 

نيره بحب روح وجايه يعمري حاضر

كريم برفعه حاجب: ايه روح وجايه دي هو انتي لسه هتيجي !! انا عايزك معاياا دلوقتي ودخل مسكها من قفاها وخرج بيها وهما بيضحكوا عليها

فتابعت نيره بضحك ينفع كده هيبتي اللي اتبهدلت قدام العيال دي

كريم بضحك وهو بيمشي بيها : بس يابت اخرسي ودخل بيها اوضتها

فتابعت نيره بحب ها خيير بقى

كريم بضحك يعني غبيه وبستحملك .. كمان عاميه ومش شايفه اللي محطوط على سريرك ؟!!

فنيره بصت على سريرها اتفاجئت بشده انه جابلها الدريس اللي كان عاجبها لما كانوا ماشين في العربيه فتابعت بدموع فرح: لا متهزرش بجد

كريم بضحك علشان تعرفي يخش يطمر فيكي بس

نيره دموعها زادت بفرح ووقفت على اطراف صوابعها ولفت ايديها حوالين رقبته وحضنته وتابعت بدموع وحب انا بجد بحبك اوي اوي ربنا يديمك ليا وميحرمنيش منك ابداا 

كريم ضمها ليه اكتر وباس راسها بعمق وتابع بحب ويديمك ليا ينورعيني .. مبسوط انه عجبك

نيره بحب وفرح اوي اوي يكريم ده حقيقي تحفه بجد تعبت نفسك

كريم بحب يانيرو ده انتي تعبك راحه يعمري انا معملتش حاجه 

نيره بفرح حقيقي من كتر ما طايره بيه عايزة البسه بس المشكله حاساه كتير على اي مناسبه 

كريم ضحك وتابع بحب خليه وابقى البسيه في اكتر مناسبه هتيجي قريبه لقلبك لانه شياكه فوق الوصف فعايز حدث كبير فعلا

نيره حضنت الدريس بحماس وتابعت هشيله لكده فعلا وضحكت وتابعت بس ايه احساسك وانا مخلصه فلوسك؟ 

كريم بحب منتهي السعاده طلما هشوف الابتسامه دي فكل مره

نيره يضحك يخرابي يناس حتى كلامه منظم وعلى المسطره 

كريم بضحك مهندس بقى .. يعني النظام والترتيب ده شغلتي 

نيره بضحك عاارف يكريم

كريم بحب ايه يعيون كريم

نيره بضحك رغم نرجسيتك وحبك لمهنتك الزايد بعد الاوقات الا انك المهندس الوحيد اللي بيخليني اشفعلكم

فكريم فضل يضحك بشده وتابع حبيبه قلبي انتي والله بس ده طبيعي بردو .. اصل ازاي مبقاش نرجسي وانا مهندس يعني

نيره فتحت عينيها بذهول وتابعت بضحك شوف بردوو .. طب منا دكتوره وعمري ماكنت نرجسييه اييه في اييه

كريم برفعه حاجب وضحك وانتي هتجيبي كليتك لكليتي؟

نيره بضحك كررريم

كريم فضل يضحك وتابع عيون كريم والله بس دي حقايق علميه مفيهاش مناقشه

نيره بضحك نعم ياخويااا ليه ان شاء الله فايدتكم ايه انتواا

كريم بضحك لولانا مكنتيش لاقيتي بيت عدل تسكني فيه

نيره بضحك ولولايااا انا مكنتوش هتعرفوا تناموا من وجع السنان

كريم بضحك وجعها مؤلم معترف بس نغسلها كويس بانتظام فمش هنتعب وطز فيكي يا نيره

نيره بغيظ يكريم متحررقش دمي يكرريم وفضلت تضرب في كتفه

فكريم فضل يضحك وتابع : خلاص خلاص يخربيت اهلك حرب الكليات اللي بنعملها كل فتره دي

نيره بضحك اصل بتتستفزني بجددد

كريم بضحك اصل كليه هندسه التوب وكليه العظماء كده كده 

نيره بضحك طز فيك انت وهي وضربته في كتفه جامد

ففضل يضحك بشده وتابع مهنتي كمهندس ليه قيمته متسمحليش ارد على ناس من الكليات الاخرى فهسكت

نيره بغيظ يكرريم متعصبنيش يا مامااا تعاليي شوفي ابن اختك حارق دمي و

فكريم حط ايديه على بوقها وتابع من بين ضحكه : خلااص خلااص يخربيت اهلك بهزر 

فجات هاله وتابعت انت هنا يكريم وانا بدور عليك

كريم بضحك ايه يخالتي في ايه

هاله بحب الناس برا يحبيبي وعلي معاهم يلا اطلع

كريم بضحك حاضر جاي وراكي علطول اهو 

ونيره مكانتش عارفه تتكلم من ايد كريم اللي على بوقها وشاورت لامها كتيير انها تخلي كريم يبعد فهاله ضحكت وتابعت ياختي انا مالي انتي وهو مع بعض متدخلونيش

ومشيت فنيره بصتلها بذهول فكريم فضل يضحك بشده وتابع علشان تعرفي ان ملكيش غيري في البيت ده فاتلمي واكسبي رضايا

فنيره هزت راسها بماشي بلطف

فتابع كريم بضحك خلاص صعبتي عليا وانتي قمر كده وباس جبينها وشال ايديه وتابع بحب ظبطي شعرك وهاتي حبيبه وتعالوا

نيره بحب حاضر

وطلع كريم وتابع بابتسامه يجدع ده اتاري البيت نور والله وحضنه

هاني بحب عامل ايه يغالي

كريم بحب بخير يقلب اخوك اقعد اقعد انت في بيتك

ام هاني بابتسامه طبعا بيته ده هو متربي معاك هنا يكريم علشان كده يشرفنا نطلب ايد حبيبه منكم وانت عارف ان باباه متوفي فجينا انا وهو وعمو وتحت امركم فكل اللي تطلبوه 

كريم بحب والله ياست الكل مجيتكم دي لوحدها فوق راسي طلبات ايه بس اهم حاجه يرتاحوا لبعض ده العريس اخويا والعروسه اختي احنا مننا فينا مش حد غريب 

العم بابتسامه يكرم اصلك يا ابني والله

كريم بحب حبيبي ياعمي

ام هاني بحب الا فينها عروستنا الجميله

كريم بحب جايه حالا

وبالفعل لقيوها طالعه مع إلين وسلمى ونيره وكانت لابسه دريس صك لحد بعد الركبه بالظبط لونه احمر اوف شولدر بكم والكم شفاف وفارده شعرها وحاطه ميكاب رقيق وحقيقي كانت تسحر وكلهم انبهروا بيها اوي خصوصا علي وكريم لانهم استغربوا الفرق الرهيب بين المره دي والمره اللي فاتت وقعدت حبيبه جنب كريم

فتابعت ام هاني بابتسامه بسم الله ما شاء الله والله ست البنات زي القمر

حبيبه بابتسامه حزينه ميرسي جدا لحضرتك

العم بحب طب انا بقول نسيب العرسان شويه مع بعض ولا ايه

كريم بحب ااه اكيد طبعاا تعالي يحبيبه تعالى يا هون

وقاموا بالفعل ودخلهم البلكونه وطلع 

فتابع هاني بابتسامه عامله ايه

حبيبه بابتسامه الحمدلله كويسه

هاني بحب اسمع انك بتدرسي علوم اتخصصتي ولا لسه؟

حبيبه بتنهيده اتخصصت اه كيميا حيويه

هاني باعجاب طب حلو جدا برافو بتفكري تعملي ايه بعد كده؟

حبيبه بتنهيده يعني بعد التخرج هشتغل في شركه ادويه بس انا مش من محبين الروتين والشغل اوي بحس ان فيهم كيان اه بس البنت بردو بيتوتيه ودي الفطره اللي خلقها ربنا

هاني باعجاب حلو جدا جدا انا كمان شايف ان البنت تقعد معززه مكرمه وطلباتها تبقى مجابه ده الصح ومتهملش في دورها كزوجه وام اهم حاجه

حبيبه اممم ما دي وجهه نظري 

هاني طب انتي موافقه تديني فرصه ولا قاعده مجبره ؟

حبيبه تنهدت بعمق وتابعت لا انا حقيقي موافقه

هاني بحب طب حلو اوي .. حابه تساليني عن ايه تحت امرك

حبيبه بتنهيده لا كريم ياما حكالي عنك فمش عايزة اعرف سيرتك الحلوه سبقاك يا هاني

هاني بحب تسلميلي يغاليه والله

وفضلوا يتكلموا شويه بعدين طلعوا وحبيبه شاورت لكريم براسها بتمام فتابع بحب طب ايه نقول مبروك ؟

هاني بضحك اه الحمدلله خدت الموافقه

فكلهم زغرطوا بفرح فتابع العم بفرح طب نقرا الفاتحه والخطوبه الاسبوع الجاي بقى

كريم بابتسامه خلاص تمام معندناش مشكله نقرا الفاتحه وبعدين نتكلم براحتنا فكل حاجه

وبالفعل بدائو يقروا الفاتحه وحبيبه رفعت ايديها تقراها والدموع متجمعه في عينيها وبمجرد مابصت على علي وهو رافع ايديه ابتسمت وكملت القرايه وكأن بتقراها ليهم هما ومخها هيألها الكلام ده من كتر ما بتتمناه وفافت من خيالها على صوت إلين : مليوون مبروك ينورعيني هنزل انا علشان اتاخرت وبابي رن علياا كتير حقك عليا

حبيبه بوجع الله يبارك فيكي يحبيبتي وحضنتها

إلين ابتسمت وتابعت عريسك زي السكر وقمر بجد ربنا يسعدك يعمري

حبيبه بوجع تسلميلي ينورعيني

إلين بحب يلا همشي انا

حبيبه بحب روحي ربنا معاكي

وبالفعل إلين سلمت على الكل ونزلت وركبت عربيتها واتحركت ووهي طالعه في عربيه خرجت من شارع فاجاه فداست فرامل بس للاسف خبطت العربيه شويه من قدام

وكانت عربيه عصام فاتصدم بشده ونزل وتابع بعصبيه الله يخربيت اهلك طلما مبتعرفوش تتنيلوا بتركبوها لييه

فنزلت إلين وتابعت بعصبيه يعني متخلف وقولنا مااشي انما كمان بجح !! هو حد اصلاا يطلع من غير مايدي اشااره فاجاه كدده يا متخلف انت !!

عصام بصلها بصدمه وتابع بعصبيه متخلف مين ياحيوانه انتي وراح مسك دراعها وتابع انتي اتجننتي يابت انتي ولا ايييه

إلين حاولت تشد دراعها منه وتابعت بعصبيه ابعد عني واحترم نفسك يحيواان اوعاا كده

عصام بعصبيه ابعد عن مين ده انتي ليلتك مش معديه انهارده .. انتي عارفه العربيه اللي خبطيهاا دي بكاام .. ده ثروتكم كلها متجيش جنب تمنها حاجه

إلين ضحكت بسخريه وتابعت لولا مبحبش الفشخره الزياده كنت قولتلك انا بنت مين وثروتنا كام بس معلش مش هضيع وقتي مع واحد زيك وشدت ايديها وركبت عربيتها

ورفيده جات وشافتها وهي بتشد ايديها وبتركب عربيها وبتمشي تحت انظار عصام المعجبه بيها فراحت وقفت قدامه وبصتله برفعه حاجب وتابعت مين دي يعصام؟

ففاق من سرحانه وبصلها وتابع انتي جيتي امتى؟

رفيده بسخريه للدرجه دي كالت عقلك ومش واخد بالك اني جيت؟

عصام بسخريه لا يخفيفه انا اقصد ان لو كنتي جيتي من خمس دقايق بس كنتي عرفتي لوحدك اللي حصل عامه انا مش فايق 

وراح علشان يركب عربيته فمسكت دراعه رفيده وتابعت بحده انا بقولك مين دي يعصاام فترد عليااا

عصام ابتسم وحط ايديه على خدها وتابع بتغيري يعيون عصام ولا ايه ؟

رفيده زقت ايديه وتابعت بحده ابعد عني انا ولا بغير ولا زفت بس بعرفك انك مش تمام وعامل فيها ملاك بريئ

عصام ابتسم بخبث وتابع طب اعتبري مش تمام انا خدت عهد اني هبطل اثبتلك العكس اصلا وشاور على عماره رفيده بايديه وتابع ومش وصلتي بيتك اطلعي وكفاياكي مش هنفضل نرغي في الشارع

رفيده بحده وغيظ تمام يا عصاام تمااام

ومشيت تدخل بيتهم وهو ضحك وركب عربيته ومشي لجوه الشارع علشان يروح بيته

--------

وبعد اسبوع وتحديدا يوم خطوبه حبيبه محصلش حاجه جديده واسيا لسه قاعده عند اهلها ومقالتش اسباب وحسن بطل يكلم اسراء ولو شافها بيعمل نفسه مش شايفها بس لسه مكلمش مامتها يحكيلها ولميا بطلت مؤقتا تنزل احداث جديده لحد ماتفهم مين عرف عدلي وهناء ووسام اتصالحوا

وفي اوضه حبيبه

كانت قاعده لابسه دريس اوف وايت ناحيه كب وناحيه كم وضيق من عند الصدر وواسع لتحت وجايبه جزء من شعرها على الناحيه الكب وحاطه ميكب رقيق وهيربيس وشكلها تحفه والبنات حواليها والخطوبه قرروا انها هتتعمل في شقه خالتها لان ديكورها احسن من شقتهم والكل حواليها فرحان وهي قاعده ساكته ومش حاسه بأي حاجه

فتابعت نيره كده مين ناقص هي البت لمياا فين مجتش كل ده ليه

هناء كلمتها جايه خلااص الشغل بس اخرها انهاارده

نيره بضحك والله مافي حاجه هتجيب لميا الارض قد شغلها دده

سلمى بضحك صدقتي والله حقيقي بخاف عليهاا شغلها صعب اوي وهي بتموت في المشاكل

هناء بتنهيده مين سمعك تسيب القضايا السالكه وتمسك بلاوي كبارات البلد اما هتتدبح مره من اللي بتعملوا فيهم ومش هنحس

فكلهم فضلوا يضحكوا

فتابعت اسراء بحب مالك بس يبيبه ضاربه بوز ليه ماتفرحي يابت ده انتي عروسسسه

حبيبه بتنهيده انا جهزت خلاص وكنتوا معاياا من الصبح كثر خيركم دلوقتي بقي اطلعوا الخطوبه فوق وانا خمس دقايق وجايه وراكم

سلمي بحزن ليه يحبيبتي ماخلينا معاكي و

حبيبه بمقاطعه سلمى لو سمحتي سبوني لوحدي

إلين بتنهيده حزينه خلاص يجماعه سبوها براحتها يلا احنا

نيره بتنهيده يلا وباست جبينها وخرجت وكلهم خرجوا وراها وطلعوا الخطوبه والاغاني اشتغلت وسابو الشقه بتاعت بيت حبيبه

فحبيبه قعدت قدام المرايه وتابعت بوجع ايه هتعملي ايه ؟ .. هتتخطبي بجد يحبيبه ؟ خلاص كده هتبقي لواحد عمرك ماحبتيه؟ والدموع اتجمعت في عينيها وتابعت علي كده كده لازم يتنسي بس انا مش لازم ادمر حياتي علشان اجبر نفسي انساااه انا حقيقي مش عايزة هاني ولا هو الشخص اللي اتمنيته .. وغمضت ودموعها نزلت وتابعت اعمل ايه يارب حقيقي كل اللي انا فيه ده من ضغط امي وقسوتها عليا .. انا مفيش حاجه اختارتها وبصت لنفسها في المرايه وتابعت بعياط مكنتش عايزه البس فستان واتزوق واطلع حلوه كده وانا من جوايا قهر وخراب .. الكل شايفني عروسه وانا حاسه اني في كفني .. المفروض ابقى بخفه الفراشه وافرح وانا حاسه اني في على قلبي جبل هيموتني من الضيق والوجع .. اعمل ايه انا حقيقي مش هقدر ومش هعرف اخد الخطوه دي .. ربنا يسامحك يا امي وعيطت بانيهار وتابعت حقيقي ربنا يسامحك .. وجيه في بالها فكره فتابعت بدموع ولهفه وهي بتمسح دموعها: بس كده هو ده الحل انا مش هفضل هنا وقامت فتحت دولابها وخدت شنطتها وحطت فيها فلوس كتير كانت محوشاها وبطاقتها وفونها وتابعت همشي ومش هقعد هنا تاني هروح الصعيد ادور على اهل ابوياا ده الحل الوحيد وابعد عن علي وعن الدنيا كلهاا وعيطت بانيهار وطلعت من شقتهم ونزلت السلالم بفستانها وهي بتجري وبتعيط وخرجت من البيت وبقيت تجري والكل مستغربها ولميا كانت وصلت وطالعه البيت لمحتها فتابعت بذهول : هي مش دي حبيبه يخربيت اهلك بتنيلي ايه وبتجري بالفستان ورايحه فين ؟!! حبيبه بت يحبيييبه وجريت وراها وتابعت بعصبيه انتي ياابت

حبيبه اتصدمت انها شافتها وتابعت بعياط وعصبيه عايزه ايييه امشي وملكيش دعوه بيااا 

لميا بحده رايحه فيين بالمنظر ده يخربيت اهللك

حبيبه بعياط وعصبيه رايحه مطرح ماهروح محدش ليه دعووه

لميا بخوف يابت الشارع اخره عربيات قد كده ياابت اهدي وكفاياكي جرري الله يخربيتك

حبيبه بعياط وعصبيه قولت لا وامشي ملكيش دعوه بيا بقى

لميا بخوف طب والله هنعملك اللي انتي عايزااه بس استني ابوس ايدك

حبيبه بعياط لا مش هستنى ومبقتش عايزه اعيش معااكم خلاااص محدش فكر مره انا عايزه ايه كله بيختارلي كاني ماليش حق اختاار وبيعاقبوني على حاجات مش بايدي كماان

لميا بخوف ودموع طب والله خلاص مش عايزه هاني مش هتاخديه بس ابوس ايديك كفاياكي جري استني

حبيبه بعياط لا انا همشي واريحكم مني خالص وعدت الطريق بتهور اثناء ما عربيه ادهم احد افراد عائله العامري بتمشي بسرعه فتابعت لميا بخوف: حاااسبي يحبيببببه

وهو شافها اتخض وبيدوس فراامل بس ملحقش وخبطهاا فوقعت على الارض بتنزف ولميا واقفه هيغمى عليها من الصدمه