رواية مهد القدر الفصل الثاني والثلاثون32 بقلم ملك سعيد
في اليخت على البحر
الليلة كانت مقمرة وفي صوت الموج الناعم
والشموع منورة المكان بهدوء
قدر دخلت الأوضة بالفستان الأبيض وشعرها سايب وعيونها فيها لمعة خوف وفرحة... وكانت بتتأمل المكان بفرحة
وعز واقف قدامها، لابس قميص أبيض مفتوح من فوق بيبصلها بنظرة كلها دفء وقالها بصوت دافي رومانسي:
كنتي أجمل عروسة شافتها عيني... ومش مصدق انك بقيتي مراتي ... وحلمي اللي حققته ... وهتفضلي سجينه قلبي العمر كله
قدر ضحكت بخجل وقالت:
يعني خلاص مش هعرف اهرب منك؟
عز قرب منها خطوة و همسلها :
هروب؟! لو فكرتي فيه بس هحبسك في قلبي ومش هسيبلك طريق للهروب مني
قدر ضحكت بصوت واطي وبصت لعز نظرة كلها حب وقالت:
وأنا... عمري ما افكر اهرب منك ... لإني كنت مستنية اللحظة دي ... اللحظة اللي أكون فيها ليك وبس
عز مسك إيديها وببطء و لفها ناحيته وايديه بتلمس ضهرها وهو بيهمس في ودنها :
كل لحظة من انهاردة هتبقى ملكنا...
هحبك فيها وأضحك معاكي وهحافظ عليكي...
لحد آخر نفس فيا، يا قدري
قدر عينيها دمعت من كلامه وقالته بهمس :
وإنت... عمري اللي كنت مستنياه، والإيد اللي حسيت معاها بالأمان من أول مرة مسكتها
عز خدها في حضنه والانوار الخفيفة عكست ظلهم علي الحيطة والموسيقى الهادية شغالة وصوت الامواج العالية مغطي علي هدوء الليل
عز لف بقدر وهو بيضحك وبيقول بمزاح :
إيه رأيك؟ نسمي أول بيبي لينا (موج) عشان ده أول صوت سمعناه سوا؟
قدر ضحكت بصوت عالي وقالتله :
موج إيه يا عم! اسمه هيبقى (نور)... عشان ده اللي دخل حياتي من أول ما رجعت ليا
عز قرب منها وباس جبينها بهدوء وهمسلها :
وإنتِ نوري... وحياتي... وقدري و نصيبي من الدنيا
انسدلت الستاير تدريجيا علي ضحكتهم وهما بيبدأوا أول لحظة من حياتهم الجديدة
ليلة دافية و بريئة كلها حب وبداية لرحلة عمر طويلة
♥ ❥ ♥ ❥ ♥
في أوضة النوم لنور و فارس
فارس بحماس : ها يلا؟؟
نور بخبث : مش هينفع
فارس بصدمة : نعم ليه انشاء الله ؟!
نور بخجل مصطنع : يابني افهم مش هينفع
فارس حط إيده علي وشه بيحاول يسيطر علي نفسه قدامها وقالها وهو بيجز علي اسنانه: بردو مفهمتش ليه مش هينفع؟؟
نور : عايز الخلاصة
فارس بتنهيدة : ياريت
نور : أنا عندي عذر قهري
فارس بصدمة و صراخ : نعم يا روح أمك
نور بصوت اعلي : نعمممم
فارس انتبه للي قاله وقالها بغيظ : روح قلبي طبعا إنتِ سمعتي إيه ؟!
نور كتمت ضحكتها علي شكله المتغاظ منها
واتوجهت للسرير ومسكت مخدة في إيديها
وخدت بطانية وبتديها لفارس وهي بتقوله ببراءة لا
تليق لشخصيتها: يلا يا فارس خد دول واطلع نام برا
فارس خد منها المخدة و البطانية بهدوء وقالها بدموع مصطنعة : يعني مفيش ليلة؟؟
نور بتأثر : للأسف
فارس بيندب حظه وبيقول : يا شماتة عز و سيف و فهد فيك يا فارس
نور مقدرش تتحكم في ضحكتها
وانفجرت في الضحك علي شكل فارس ومسكت بطنها واترمت علي السرير وهي لسه بتضحك
فبصلها فارس بغيظ و رمي المخدة و البطانية علي الارض وقالها بضيق : بتضحكي علي إيه ؟!
نور بضحك : إنت مش شاف نفسك ... شكلك مسخرة
فارس برفعة حاجب : أنا مسخرة
نور بتحدي : اه
فارس بدأ يفك أزرار قميصه وهو بيبتسملها بخبث
ونور كانت بتبصله بصدمة وقالتله بتوتر : إنت بتعمل ايه ؟!
فارس قلع قميصه ووقف عاري الصدر وقالها بابتسامة ثقة : نور إنتِ مفكرة اني صدقت كذبتك ... تؤتؤ يا بنتي إنتِ مفضوحة عندي فبلاش تمثيل
نور فتحت عيونها بصدمة وبلعت ريقها بصعوبة وقالتله : أنا مش فاهمة حاجة
فارس وهو بيميل عليها علي السرير
: هفهمك حالا
وبدأ فارس يتمم جوازه من نور
لإنه من الاول عارف انها بتضحك عليه
وافتكر جملة قدر لما قالتله ( اي حاجة تقولك عليها نور النهاردة متصدقهاش علشان هي عايزة تربيك )
ونور كانت متجاوبة معاه
لحد ما أصبحت زوجة فارس شرعا و قانونا
♥ ❥ ♥ ❥ ♥
سيف بإصرار : يلا يا ندي متتكسفيش
ندي برفض قاطع : لاء طبعا مستحيل البسه
سيف : ندوشتي لازم تلبسيه
ندي : لا مش لازم اصلا عيب
سيف بصدمة : عيب ايه يا بنتي ... إنتِ عارفة انهاردة إيه دخلتنا!!
ندي بخجل : بطل يا سيف
سيف قرب منها وشدها لحضنه وقالها : لو مش عايزة تلبسيه متلبسهوش كده مش محتاجينه
قال كلامه بغمزة عابثة
ضربته ندي علي صدره بخفة وقالت : سيف أنا مكنتش متوقعة انك سافل
سيف قرب منها وباسها بنعومة وقالها في دونها بهمس : اصلا أنا من يومي سافل ... والمظاهر خداعة
وبحركة سريعة منه وقعها علي السرير وهو احتل فوقيها
وبدأ بإتمام جوازهم
♥ ❥ ♥ ❥ ♥
رضوي بدلال : فهودي
فهد بنفاذ صبر : قولت لاء يعني لاء
رضوي بزعل مصطنع : يعني مش هترقص؟؟
فهد : يا بنتي هو إنتِ حد مصلتك عليا؟؟
رضوي بابتسامة بلهاء وإيماءة : اه
فهد بصدمة : اه إيه ؟! ... مين اللي مصلتك ؟!
رضوي بتلقائية : نور
فهد لما سمع اسم نور قال في سره : ( يعني لا فارس سايبني اتهني .... ولا مراته حسبي الله ونعم الوكيل في كل ظالم مفتري )
رضوي لاحظت شروده ف نادتله بصوت عالي : فهههههد
فهد بخضة : إيه خرمتي وداني
رضوي بلا مبالاة : يلا علشان نرقص
فهد : هو إنتِ متجوزاني علشان ارقصلك
رضوي بحماس : ايوا طبعا
فهد بصريخ : نعمممم
رضوي: لاء طبعا أنا اتجوزتك لإنك حبيبي وعمري وحب كل حياتي لقيته وقلبي خلاص اختار
فهد قام وقف وشالها بين إيديه وهي اتعلقت في رقبته بصدمة من حركته المفاجأة ليها
ولسه هتتكلم قاطعها فارس وهو بينيمها علي السرير برفق وبدأت أول ليلة ليهم بكل حب
♥ ❥ ♥ ❥ ♥
الضابط حاول يرن علي عز علشان يقوله عن وفاة مراد والشخص الي بيساعده لكن تليفونه مغلق
ف مسح علي وشه بنفاذ صبر وقال للضابط اللي قدامه : مبيردش بردو
الضابط ٢ : طبيعي ميردش هو فاضيلنا
بكره ابقي اتصل بيه تاني وقوله عن الموضوع
الضابط ١ : وهو ده اللي هيحصل
♥ ❥ ♥ ❥ ♥
في أوضة قدر
ياسين كان واقف ماسك صورتها وهو بيقول باشتياق : ياه يا قدر وحشتيني ووحشني جنانك ... روحتي وسيبتيني وحيد من أول وجديد
... بس أنا عارف انك هتكوني مبسوطة مع عز
.... وده اللي مصبرني علي بعدك
♥ ❥ ♥ ❥ ♥
في الصباح
عز كعادته صحي بدري على عكس قدر اللي ممكن تنام اليوم كله لو محدش صحاها
بص على قدر اللي نايمة بملامح هادية جدًا
وافتكر ليلتهم الاولي اللي كانت من أجمل الليالي اللي عاشها فيها وافتكر تجاوب قدر معاه وخجلها منه واتمامه لجوازهم فإبتسم بعشق وقرب منها وهمسلها
بصوت دافئ وهو يبعد شعرها عن وشها:
قدر... قومي بقى يا كسولة
قدر اتحركت بكسل، وغمغمت وهي لسه مغمضة عينيها:
خمس دقايق يا بابا ... والنبي
عز ضحك بخفة لكنه ما استسلمش قرب أكتر وهمس عند ودنها:
طب لو ما قومتيش هضطر أصحيك بطريقتي الخاصة حاجة كده زي ليلة امبارح يا عروسة
قدر فتحت عينيها بإتساع و صدمه وافتكرت كل اللي حصل بينهم امبارح ووشها بقي احمر من الخجل وقالت بريبة: عز اتلم والنبي علشان هعيط
عز ضحك علي خجلها وقرب من وشها و بدأ يحك دقنه على خدها وهي بدأت تضحك وتحاول تبعده عنها لكنه مبعدش فقالتله وهي بتضحك وبتحاول تهرب:
عززز، بطل بقى أنا صحيت ، خلاص
عز بضحكة منتصرة : وأنا اللي كنت فاكر إنك هتحبي تصحي على بوسة رومانسية ... طلعتِ بتحبي العنف
قدر ضربته بالمخدة وهي بتضحك لكنه فجأة قرب منها وهمس بحب:
صباح الخير، يا أجمل قدر في حياتي
وصباحية مباركة يا حرم عز السيوفي
قدر ابتسمت، وباست جبينه بحنان و خجل وقالت:
الله يبارك فيك يا عز
عز قرب منها أكتر وقالها : تؤتؤ مش عز مهد
قدر بخجل من قربه قالت بصوت متقطع : الله يبارك فيك يا مهد
عز بحب : يا عيون مهد ... قومي يلا علشان نرجع الفيلا
قدر بتذمر: وهو احنا لحقنا يا عز
عز بخبث : اهو شفتي إنتِ اللي بتجريني للرزيلة ... وأنا محترم
ضربته قدر بالمخدة بغضب طفولي وقامت من علي السرير وهي لابسة قميص عز الأبيض اللي واصل لقبل ركبتها بسبب طوله عليها وجريت علي الحمام
تحت ضحكات عز
♥ ❥ ♥ ❥ ♥
فارس وهو بيمشي إيديه علي وش نور وبيحاول يصحيها قال بصوت ممزوج بأثار النوم : نوري ... يلا قومي بقي وحشتيني
اتقلبت نور وادتله ضهرها وهو ابتسم عليها بهدوء وقرب من ودانها وقالها : شكلك عايزة تقومي ببوسة محترمة من بتاع امبارح ... وأنا معنديش مانع
ولسه هيقرب منها زقته نور بقوة لدرجة انه كان هيقع علي الارض لكنه مسك في السرير و تبت فيه
وبصلها بغيظ و هي بصتله بخجل لما شافته عاري الصدر فخبت عينيها بكسوف
وفارس ضحك عليها وقالها بمشاكسة : بتخبي وشك ليه ما إنتِ شوفتي كل حاجة
ضربته نور في كتفه وقالت : علي فكرة إنت متربتش وخالتي مكانتش فاضية تربيك
فارس : فعلا مكنتش فاضية بس إنتِ فاضيالي ربيني علي ايدك وأنا مش ممانع
نور بعدت إيديها عن عينيها وقالتله بتكبر : وأنا معنديش مانع اني اربيك ... يلا يا بابا قوم جهزلي الفطار
فارس بصدمة : نعم ياختي
نور باستمتاع: ماهو لو مش هتحضرلي
الفطار هتطلقني
فارس بصدمة : تطلقي هو إنتِ لحقتي
نور بتهديد : هتقوم ولا
فارس بتذمر : قايم قامت قيامتك مش عارف إزاي اتسحبت من لساني وطلبت إيدك ما كان زماني عازب
نور : مسمعتكش بتقول إيه؟؟
فارس ببراءة : بقول هقوم احضر الفطار لمراتي قرة عيني فلذة كبدي
نور : شطور يا عمري
قام فارس بغيظ من نور وخرج يحضرلها الفطار
إما نور قامت علشان تاخد شاور
♥ ❥ ♥ ❥ ♥
ندي كانت واقفة بتحضر ليها قهوتها
وفجأة حست بإيدين بتحاوطها من وراها وهو سيف
حط راسه في تجويف رقبتها وباسها بحب وقالها بنعاس : صباح النور يا روحي
ندي بحب : صباح الخير يا حبيبي
سيف : قومتي من جنبي ليه؟؟
ندي : كنت بحضر لينا الفطار وبحضرلي قهوة علشان اصحصح علي بال ما تصحي ... ويلا روح خدلك شاور دافي علي بال ما احط الاكل علي السفرة
باسها من خدودها وقالها:
حاضر يا حبيبتي ... ثواني و هتلاقيني عندك
دخل سيف ياخد شاور وكملت ندي تحضير الفطار
♥ ❥ ♥ ❥ ♥
رضوي كانت قاعدة جنب فهد وبتبصله بحب وقالت بهيام وهي حاطة إيديها علي خدها : ياه حاسة نفسي جوا مسلسل وأنا البطلة ... وفهودي البطل ... بس المفروض فهودي هو اللي يصحي قبلي ويصحيني زي المسلسلات
فهد وهو مغمض عينيه : يخربيت المسلسلات اللي خربت دماغك
رضوي اتخضت من صوته وسألته بصدمة : إيه ده إنت صاحي وسايبني بكلم نفسي؟!
قام فهد قعد جنبها ومسك إيديها وباسها بحب وقال:
مش محتاج اصحي علشان تكلميني إنتِ عاملة الواجب وبتتكلمي مع نفسك واديكي بتتسلي ... ويلا قومي حضريلي فطار ملوكي
رضوي بشهقة و صدمة : نعممم مين دي اللي تحضرلك فطار مش المفروض إنت اللي تعمله وتحطه جنبي علي السرير وتستناني لما اصحي
فهد ضربها علي راسها بقوة وقالها : بطلي هبل يا بنت الناس وقومي حضريلي فطار
رضوي لسه هتعترض فهد قاطعه بصوته العالي : يلااااا
رضوي قامت تقف بسرعة وقالتله بغضب : مش إنت دايما بتحسبن علي اللي رايح واللي جاي
أنا بقي هحسبن براحتي
واقول حسبي الله ونعم الوكيل في كل ظالم مفتري
خلصت كلامها وخرجت وهي بتقول بصوت عالي وصل لمسامع فهد الي قاعد يبص في أثرها بصدمة:
إيه الجوازة الهباب اللي وقعت فيها دي يا ربي؟؟
فهد ضحك علي كلامها وقالها بتهديد : هقوملك
رضوي بصوت عالي : يا عم اتنيل
فهد مسح علي وشه وقال بسخرية : هيبتك وقعت الارض يا فهد ... من واحدة شبر ونص
وقام دخل الحمام ياخد شاور
♥ ❥ ♥ ❥ ♥
وانقضي اليوم
مع زيارات ياسين لقدر و عز
و مازن وأمينه و ياسين لندي و سيف
وأهل نور و فارس
وأمينة و ياسين راحوا لفهد ورضوي
واطمنوا عليهم وشافوا هما قد إيه مبسوطين مع بعض
♥ ❥ ♥ ❥ ♥
الصالة - فيلا عز
قدر كانت قاعدة على الكنبة و رجليها مرفوعة وبتاكل فشار وهي مركزة في مسلسلها المفضل فجأة، عز جه وقعد جنبها... لا هو بالأدق وقع جنبها عشان يضايقها
عز وهو بياخد الفشار من الطبق : إنتِ لسه بتتفرجي على المسلسل الهندي ده؟ مزهقتيش؟ كلهم بيعيطوا وبيتخانقوا وبيرقصوا!
قدر قلبت عينيها بملل وقالت : وإنت مالك؟ مش فاهمة ليه غيران من البطل!
عز رفع حواجبه وقال بصدمة : أنا؟ أغير من واحد بيلبس بدل بتلمع ويرقص وسط الشارع؟
قدر حاولت تخبي ضحكتها وقالت : ايوا... لإن عنده دقن أحلى منك
عز فتح بقه بصدمة وبعدين قرب منها ببطء وهو بيقول بمكر:
دقني مش حلوة؟ طب تعالي هنا كده...
قدر فهمت إنه بيخطط لحاجة، فحاولت تهرب، لكن قبل ما تلحق، كان عز مسكها وبدأ يحك دقنه على خدها وهي بتصرخ وتضحك في نفس الوقت
قدر بضحك و صراخ : ياااه! عز، بلاش، بيوجع يا مجنون
عز بضحكة منتصرة : أهو عشان تتعلمي إن دقني أحلى دقن في الدنيا
قدر مسكت مخدة، وضربته بيها على دماغه، لكنه بسرعة مسك المخدة وضربها بيها هو كمان، فالموضوع اتحول لحرب مخدات شرسة في نص الصالة
بعد دقيقتين من الضحك والضرب بالمخدات، فجأة عز
وقف وقال بحذر:
قدر... مش حاسة إننا كبرنا على الحركات دي؟
قدر وهي بتعدّل شعرها : آه، بس المشكلة إنك شبه العيال الصغيرة!
عز بدهشة مصطنعة : أنا؟ ده إنتِ اللي عاملة زي البنات العنيدة اللي بيتخانقوا على الريموت!
قدر رفعت حواجبها، وبهدوء شديد... خدت الريموت ورفعته قدام عينه، وبعدها... رمته على الكنبة البعيدة!
عز بص للريموت وهو واقع بعيد وبعدين بص ليها بصدمة مصطنعة : إنتِ عارفة اني هنتقم صح
قدر بثقة : وأنا مستعدة يلا وريني شطارتك
عز قرب منها لكنها قامت تجري وهو جري وراها في الفيلا
وهي بتضحك و بتصرخ وهو بيحاول يمسكها بأي طريقة