أيوة خلاص وصلت أهو متقلقيش يا ماما شوية وجاية بقالى كتير مزرتهاش حاضر سلام، أغلقت الخط ووضعت التليفون فى شنطتها وعلقتها على زراعها ثم انحنت وحملت الشنط البلاسكتية التى توجد بيها فاكهة ودخلت العمارة ومنها للدور التانى على السلالم وقبل رن الجرس سمعت صوت شيجار حاد يخرج بين ثنايا باب الشقة الخشبى ترددت ترحل أم ترن الجرس وبالفعل فعلتها ورنت الجرس فتح لها محمود ذلك الشاب وهو غضبان لكنة متحكم فى غضبة وقال :- أهلا نسمة اتفضلى ،،،
دخلت هى بأحراج وألقت التحية وقالت :- السلام عليكم ورحمة الله وبركاته، فى إيه صوتكم جايب أخر الشارع
محمود نظر لهاجر/ مفيش ثم خرج للبلكونة بعد ألتقاطة لعلبة السجائر والولاعة
وضعت نسمة م تحملة فى الأرض على جنب وألتقطت طفل صغير تحاول تهديتة وقالت :- جوزك متعصب لية
هاجر بنرفزة/ معملتش حاجة هو بقا كدة عصبى كرهت البيت بسببة
نسمة/ هووووش أكتمى نهارك مش معدى الراجل أبن حلال ومحترم طلعتى عفريتة لييية
هاجر/ سيبك منه ،،
نسمة/ لا أقفى هنا كلمينى، شوفى أبنك على صرخة واحدة أزاى ،، أنا أختك الكبيرة نورينى جايز أقدر أحل
هاجر/ مفيش حل محمود بتاع تحكمات وسى السيد وبس وكداب
نسمة / أستغفر الله العظيم يابنتى الجو برد وجسمى صهد من الانفعال حصل إيه
هاجر جلست على الركنة وهى متعصبة/ البية عايز يأكل
نسمة وهى تهز الصغير الذى تحول نبرتة من الصراخ للذن، يعنى إيه
هاجر/ مطبختش حاجة للغدا أجرمت كفرت تعبانة مش قادرة
نسمة بعدم تصديق/ ما أنتى ذى القردة أهو
هاجر/ قولتلة أمبارح مليش نفس أطبخ بكرا هات أكل جاهز وأنت جاى أعتمدت على كدة وهو السبب فى المشكلة
نسمة/ بتستهبلى صح ،،من أمتى نعرف الأكل الجاهز يكونش حضرتك مولودة فى بؤقك معلمة دهب ومش واخدة بالى
هاجر بعصبية/ حقى أطلب
نسمة بين أسنانها/ حقك لما جوزك يكون مقتدر دة راجل على قدة ولسة بيسد أقساط الفرح والعفش إللى علية هو الأكل الجاهز دة أكل كلة مرض ملكيش حق غلطانة
هاجر/ أنتى معاياااااااا ولا معاةةةة
نسمة/ وطى صوتك على أختك الكبيرة يا بقرة، محمود أبن صاحب بابا و جارنا وعارفينة يلا أغزى الشيطان وراضي جوزك
هاجر/ لا
نسمة/ بقالى أسبوعين مشفتش وشك قولت أزورك ألاقى كدة يارتنى مجيت، ،خدى أبنك أهو أما أراضى الراجل
_____
توقفت نسمة على باب البلكونة وخبطت عليها وتنحنحت وقالت أستاذ محمود، ،،،،ألتف لها وأعتدل وقال:- تعالى
نسمة/ متزعلش من هاجر و٠٠
محمود بمقاطعة/ أختك طلعت ميتين أبويا دة لسة مكملناش سنتين جواز
نسمة/ معلش حبة عليك وحبة عليها عجبك أبنك بيصرخ كدة
محمود / عارفة بسبب المشكلة
نسمة/ عارفت
محمود/ أنا لسة على دراعى شغال باليومية وكنت ناوى فعلا أجيب نصف فرحة لينا الفلوس وقعت من جيبى او أتسرقت معرفش مصدقتنيش
نسمة لمست صدقة وإحراجة/ ولا يهمك كل يوم عايز أكل لما تقبض هات ،،ربنا يوسعها على الجميع
محمود سند على سور البلكونة وغمض عيونة بكسرة،،،
هزت نسمة رأسها بزعل ومش عارفة تعمل إيه ،،،دخلت لأختها وقالت بغل / قومى ياختى حمرى بطاطس واعملى شوية سلطة واقلى بتنجان كلها نعمة ربنا ولا مفيش
هاجر بسخرية/ لا فى ،،،، مفيش أكتر من البطاطس والبتنجان عندى
نسمة لكزتها فى كتفها / قومى يا مخفية أكلى جوزك ونظفى بيتك ،، أنا ماشية وأنتى خفى على الراجل براحة على الراجل يا برنسيسة هانم ثم حضنتها ورحلت
____________
وصلت نسمة للبيت وسألتها مامتها لماذا أتت بسرعة من زيارة أختها تحججت بردانة والمطر تقل ،ولم تقول لها على خلاف أختها مع زوجها ، ثم أنشغلت فى الأعمال المنزلية
____________
أستيقظت نسمة فى منتصف الليل على ألم ببطنها هى تعتاد على هذا الألم أخذت مسكن وتكعورت تدلك بطنها وهى تتعرق حتى أشتغل مفعول المسكن ونامت ،، والصبح صحيت بكل نشاط أو حاولت تقنع نفسها بكدة ضبطت غرفتها ثم دخلت حمامها واغلقت بابة وحين أنزلت ملابسها وجدت بيها دماء تنفست بضيق فهذا يحدث أوقات خرجت للغرفة وأخذت ملابس وما تحتاجة ثم أخذت شاور وخرجت وضبطت حالها وأستعدت للذهاب للعمل فهى تعمل أدارية فى مصنع ، حاولت تكون طبيعية حتى تسمح لها أمها بالنزول من البيت
بقلم نجلاءفتحى عاشقةالكلمات
كان اليوم شاق وجرد وواقفة طول اليوم شوية وتبكى عايزة تستريح وعند وصولها للبيت وجدت ملابسها كلها دماء حمدت ربنا ترتدى جيب أسود
______
الأم/ نسمة أعملى صنية جلاش باللحمة معرفش أعملة مش بيضبط معايا
نسمة بتعب مخفى/ حاضر
الأم/ اتعبك وأنتى لسة جاية من شغلك
نسمة/ عنيا
الأم / أختك نفسها فى الجلاش ومفيش لحمة مفرومة
نسمة/ اعتدلت فى وقفتها ولابست الأسدال وشبشبها ونزلت لمحل للمجمدات الذى يوجد بعدهم ب٣ مناطق مشيت كتير علشان رخيص شوية وبيعمل عروض وأشترت نصف كيلو سجق ونصف كيلو لحمة مفرومة وفاكهة وروحت
وبدأت تجهز العشا، ،
_________
أتى وقت الأكل وجهزت نسمة الطعام
محمود فى الخفاء/ ساعدى أختك
هاجر/ يوةةة عادى هى متحبش حد يساعدها
محمود/ قومى يا بت شكل أختك تعبانة وشها أصفر وبُقها ابيض
هاجر/ بؤ إيه يا ضنايا
محمود/ هوش أكتمى أقصد مجهدة تعبانة شفايف 👄 أختك حمرا بقت بيضة
هاجر بضيق / معرفش مركز مع الشفايف كدة
محمود بضيق/ تصدقى جاموسة مفيش فايدة دماغك صغيرة أنا غلطان خليكى قاعدة كدة كولى على الجاهز ،،أقوم أغسل إيدى أحسن
مر من أمام المطبخ فى طريقة للحمام وجد نسمة محنية على رخامة المطبخ وتدلك بطنها ومغمضة عينها ووشها موجوع. بدون تردد دخل لها وقال :- نسمة ،،نظرت لة وحاولت تكون طبيعية
أسندها وأخرجها برا المطبخ للصالة اتفزع الجميع عليها
محمود/ قادرة تروحى المستوصف
نسمة بألم / كويسة ثم قامت لتجهيز الأكل ،،منعها محمود وأمر زوجتة تجهز هى لاحظ محمود رائحة دماء تفوح منها ،لكنة لم يعلق على اعتقاد ظروف شهرية عادية ،أتسعت عينة حين وجد بقعة دماء لطخت مقعدها الرصاصى لم ينتبه أحد ،،فقال:- متأكدة كويسة
نسمة وهى تدلك بطنها وتشعر بشئ يفيض منها بغزارة ولم تتوقع أحد يراة ،،هزت رأسها بنعم
محمود حتى لا يحرجها طيب أنزل أبص على أهلى ربعاية وأجى
هاجر/ خليك هنا مفيش نزول
الأم/ سبية براحتة دة البيت قدام البيت ومالة يا بنى سلم عليهم براحتك ومستنينك تأكل معانا
نظر محمود لبقعة الدماء وقال :- ماشى ،،،لو فى حاجة وأختك تعبت كلمنى اجيب توكتوك للمستوصف
الأم/ طول عمرك راجل يا بنى
هاجر / إي ريحة الزفارة دى
الام/ أيوة ومكسوفة أتكلم قدام جوزك ،، تلاقى الحمام مطلع ريحة ، أسندى عليا يا نسمة ريحى فى أوضتك
صرخت هاجر والدماء تفرش على الأرض تحت قدم أختها والأم تلطم. سمعهم محمود قفز للأعلى فهو نزل الشارع ولم يذهب لأمة
فتحت لة هاجر تصوت/ أختى بتتصفى ألحقنى بدكتور
طار محمود على السلم