يا بابا انت بتقول أي انا مستحيل اروح الصعيد
_ أي يا مليكه انتي نسيتي اصلك ولا أي مش معنى اننا عايشين ف القاهره يعني أنك نسيتي اصلك فوقي انتي بنت الصعيد و امك و ابوكي صعايده يعني حتتمادي فيها ولا أي
مليكه : لا مش كدا يا بابا واللهي مقصدي كدا انا بس
محمد بمقاطعه : لا بس ولا حاجه حضري شنطتك بكرا حنسافر الصعيد
مليكه باستسلام : حاضر يا بابا
دخلت مليكه الغرفه بتاعتها و بدأت تعيط لانها مش عايزه تترك صحابها و دراستها و حياتها و ترجع الصعيد
دخلت عليها مامتها و طبطبت عليها و قالت : بتعيطي ليه
مليكه : مش عايزه اروح الصعيد يا ماما انا هنا حياتي تربيت و عشت هنا مش عاوزه ارجع هناك
فريده ام مليكه بقلت حيله : انا اعملك أي يا بنتي و بعدين انتي كنتي بتحبي تروحي هناك اوي مالك بس
مليكه : خلاص انا ححضر شنطتي و انام
طلعت مامتها و قالت ف سرها : انتي بس لو تعرفي هيعملوا أي هناك بس واللهي كل دا لمصلحتك انتي مش حد تاني و باباكي بيعمل دا لمصلحتك
في مكان تاني خالص ف الصعيد و خصوصاً ف بيت لا دا مش بيت قصر عمدة الصعيد كان قاعد الجد الكبير راشد الهواري و قدامه احفاده الاربعه
1 جبل احمد الهواري عنده 30 سنه هو الابن الأكبر لعائلة الهواري و لكن هو لا يأتي إلى الصعيد كثيرا ف تقريباً كل عمله خارج الصعيد ف القاهره ف هناك هو معيد ف إحدى جامعات الهندسه و عندما يأتي للصعيد يكون مسؤول عن الشركات الموجوده ف الصعيد
2 هشام احمد الهواري الأخ الأصغر ل جبل طايش و متهور و مرح اوي ولكن عند الغضاب يكون كالجحيم عنده 23 سنه يعمل في شركات العائله في الصعيد
3 قاسم مروان الهواري عنده 29 سنه صديق جبل المقرب او بالاصح الوحيد لديه شركه منفصله يديرها هو و جبل لأننا كما ذكرنا صديقه المقرب و بالاضافه إلى شركات العائله الذي يديرها هو و جبل و قاسم كان متجوز ولكن طلق مراتو لسبب هنعرفه مع الاحداث و عندو بنت اسمها سيدره
4 حسام رائد الهواري عنده 25 سنه طبيب في إحدى المستشفيات الموجوده في الصعيد
هشام : أي يا جدو جامعنا بربطة المعلم كدا ليه
الجد : الموضوع دا يخص جبل بس لازم الكل يعرفو و امك و ابوك يا جبل عارفين
جبل باستغراب : في أي يا جدو قلقتني
الجد : حتتجوز يا جبل
الكل وقف مصدوم و خصوصاً جبل اللي مكنش متوقع اللي قالو جدو دا
جبل : انت بتقول أي يا جدو انت بتهزر
الجد : و هي المواضيع دي فيها هزار
هشام قال عشان يلطف الجو : و مين العروسه المسكينه اللي حتتجوز الشحط دا
جبل بص ل هشام بصه خرستو خالص
الجد : مليكه محمد الهواري
جبل : مليكه بنت عمي محمد!!!!
جدو بصرامه : ايوا هي
جبل بغضب ناري : انت بتقول اي يا جدو انا عمري م شفتها يادوب مرتين تلاته و كنا صغيرين
جدو : انا قررت خلاص يا جبل
جبل بغضب خرج و رزع الباب وراه
قاسم : جدو عملت كدا ليه جبل من حقو انو يختار شريكة حياتو و انت بتجبرو يعمل حاجه هو مش عايزها
الجد بغضب شديد و صوتو هز المكان : محدش يدخل ف الموضوع دا فاهمين
الكل سكت خوف من راشد الهواري اللي مهما تقدم ف العمر الا ان الكل بيخاف منه و بعدها قاسم خرج ورى جبل
عند جبل كان قاعد على البحر و فجأه جالو قاسم و قعد جنبو و قال : كل حاجه حتتحل ان شاء الله يا جبل
جبل : انت عرفت مكاني ازاي
قاسم : انت صاحب عمري يا جبل و عارف كل لما تتخنق تقعد على البحر
اتهد جبل بحزن
قاسم بحزن على صاحبو : مالك يا جبل
جبل : عمرو ما جبرني على حاجه بيجبرني دلوقتي ليه
قاسم : كل حاجه حتتحل ان شاء الله يا جبل
جبل : ان شاء الله يا قاسم
قاسم : تعال نرجع للبيت يا جبل
جبل : مش عايز دلوقتي شوي و حرجع
قاسم : متتاخرش
قاسم ركب سيارتو و مشي للبيت
جبل شوي و هو كمان ركب سيارتو و رجع للبيت و راح للغرفه بتاعتو رمى نفسو على السرير و نام
عند مليكه بعد م حضرت الشنطه بتاعتها نامت
أشرقت شمس يوم جديد مليئه بالأحداث
فريده : قومي يا مليكه حرام عليكي حنتاخر يابنتي
مليكه : حاضر يا ماما قايمه اهو
فريده : يا بنتي ساعه و انتي بتقولي حقوم اهو و ترجعي تنامي
مليكه : ايه يا ست الكل ما نامش يعني
فريده : يلا قومي يا مليكه محمد هيولع فينا
مليكه قامت و جهزت نفسها و لبست بنطرون و قميص بس قصير و نزلت و بعد م شافتها مامتها شدتها و رجعتها للغرفه تاني
مليكه : ايه في ايه يا ماما
فريده : يا بنتي اللبس دا هنا اه بس مش ف الصعيد
مليكه : اومال اللبس اي يا ماما انا كل لبسي كدا
فريده ادتها جلبيه و قالت : اللبسي دي
مليكه : ايه دي يا ماما انا البس دي
فريده : و مالها دي يا بنت بطني
مليكه : خلاص يا ماما حلبسها بس ممكن تخرجي عشان البس
فريده : بسرعه يا مليكه
لبست مليكه و خرجت كانت زي القمر ركبت السياره و طول الطريق هي نايمه بعد ساعتين وصلوا الصعيد و كان الجد منتظرهم هو و عمام مليكه او بالمعنى الاصح ( أخوة محمد اب مليكه) و اللي همه احمد و مروان و رائد و بعد التراحيب و السلام دخلوا و كان في غرفه للنساء و غرفه للرجال
_________________________________________________
كان قاعد ف غرفة النساء خديجه والدة جبل و هشام و حسناء والدة قاسم (اما والدة حسام متوفيه بعد م ولدته توفت على طول) و كان موجود كمان رنيم اخت قاسم و معاهم مليكه و سيدره اللي كانت بتلعب مع مليكه و رنيم
_________________________________________________و كان قاعد ف غرفه الرجال الجد راشد و أولاده الاربعه محمد و احمد و رائد و مروان و احفاده قاسم و هشام و حسام و لكن جبل مكنش موجود لانه كان ف الشركه
_______________
ف مكان تاني خالص
مجهول 1 قال : والله لكسرها و اخليها تترجاني عشان اتجوزها
مجهول 2 قال : هتعمل أي دي في الصعيد
مجهول 1 قال بضحكه شريره : كل حاجه بوقتها حلوه
_____________________________________________
قاسم بعد عنهم و راح غرفه تانيه و اتصل ب جبل
قاسم : اتاخرت كدا ليه يا ابني
جبل : والله انا مش طايق ارجع
قاسم : الناس مستنيين جوا كدا ميصحش يا جبل
جبل بزهق : مسافة السكه و جاي
قاسم : طيب تمام متتاخرش
قفل قاسم مع جبل و شوي و وصل جبل و سلم جبل على عمه محمد و محمد ناده على مليكه : مليكه يا مليكه
مليكه جت و قالت : نعم يا بابا
محمد : سلمي على جبل ابن عمك و حيبقى جوزك ان شاء الله
يتبع