رواية زوجة تانية الفصل السابع عشر17 والثامن عشر18 بقلم شيماء ناصر
ها يادكتور هتعمل ليا عمليه الاجهاض امتي؟
الدكتور بص ليها وساب ورقه التحليل بتعتها : والله يامدام ريم الموضوع مش هينفع فيه اجهاض
ريم بعصبية: نعم!!.... لا هو اي الي مش هينفع. لو علي الفلوس هتاخد كل الي انت عوزه..... انا عارفه انك ملكش في السكه دي عشان سمعتك بس متقلقش الموضوع هيكون سر وهتاخد كل المبلغ الي تطلبه
الدكتور: اهدي بس انا مش بتكلم علي الفلوس انا رافض عشانك الاجهاض هيكون خطر عليكي وبنسبه كبير جدا بعد الاجهاض نضطر نشيل الرحم
ريم بعدم استيعاب: انا مش فاهمه حاجه لي هتشيل الرحم وخطر لي ما الستات بتعمل اجهاض وعادي اشمعنا هتيجي عليا ويتقالي لا....
الدكتور: اهدي
ريم بزعيق ممزوج بخوف:انا هيحصلي حاجه لو متخلصتش من الي في بطني
الدكتور:بصي لو حصل مثلا وعملتي اجهاض نسبة كبيرة من العمليه دي هتشيلي الرحم وللاسف مش هتحملي تاني لو ده حصل..... رجعي نفسك غيرك يتمني ضفر عيل
ريم حطت اديها علي بطنها بخوف.... مش هكون ام تاني
الدكتور: ده الي بحاول افهمهولك حافظي علي الجنين ده
ريم: طب لو ولدته ممكن احمل تاني بعده صح
الدكتور: احم... لا صعب بسبب الاجهاض الكتير الي عملتيه قبل كدا اثر علي الرحم في احمدي ربنا ان الرحم قادر يحفظ الجنين جواه
ريم: انا الي عملت كدا في نفسي
الدكتور: مدام ريم اهدي وياريت المره الجايه تيجي مع جوزك عشان اشرحله الموضوع...سمعاني
ريم:.....
الدكتور: مدام ريم سمعاني
ريم فاقت من شرودها: اي طيب طيب عن اذنك ومتشكره ليك
الدكتور: اتفضلي
خرجت ريم مسرعة من عيادة الدكتور قدام فرح ومخدتش بالها انها موجوده هناك
فرح:ريم ريم.... مالها دي ماشيه بسرعة لي.... ااا لو سمحتي انا دوري امتي
البنت:بعد شويه يافندم
🍒🍒🍒🍒🍒🍒🍒🍒🍒
مرڤت رجعت البيت ومعاها الولاد...
مديحة قاعدة في الرسبشن وباين عليها الغضب: كنتي فين ياهانم
مرڤت: في اي ياحماتي كنتي محتجاني في حاجه
مديحة: بصي بق انا موفقتش علي جوزة ابني منك من الاول وقولت خلاص محبكهاش واسيبه يتجوز الي عايزها.... وخدتي ابني مني وخلتيه يخدلك شقة بره بعيد عن البيت وسكت لكن تخلي ابني يعتبر امه عدوته ده بق الي لا ساااامعه
مرڤت: هو في اي بالظبط واي الكلام ده حصل اي!!!
مديحة:هتاخدي ابني وترجعو علي بتكو تاني من غير ما يجي يقولي ولا يعرفني لييي مش انا امه ولا هو اتبري مني بق بيتصرف من دماغه في حاجات كتيره من غير ما يرجعلي وكل ده بسببك
مرڤت: بسببي؟ ابنك راجل مفيش واحده بتمشي كلامها علي راجل
مديحة: راجل ده بق خاتم في صباعك تقوليله تعال هنا روح هنا
مرڤت: انا مش فاهمه اي فيدتها الخناقة دي دلوقتي.... وبصت لي عمر ابنها الكبير واكملت...
عمر خد اخواتك واطلعو فوق
مديحة قامت من مكانها: لي يااختي ما تسبيهم يعرفو ان ابوهم ماشي علي هواء مراته
مرڤت:الكلام ده ملهوش لزمه انا طالعه لما يجي وليد يبق يتكلم معاكي عن اذنك
مديحة: اذنك معاكي ياختي.
🍒🍒🍒🍒🍒🍒🍒
في مكان اخر🦋
=ها وفقت
شهد بارتباك ولخبطه:ا اانا قولتلها كل الي حضرتك قولته بس هي رفضت
=مقولتيش ليها انا مين؟
شهد:لا ملحقتش هي اتخنقت معايا وبعدها مشيت
=طيب روحي
شهد: امشي بجد
شاور ليها نحيت الباب عشان تمشي شهد قامت بخوف وتوتر خدت شنطتها في حضنها ومشيت...
احد الحراس اقترب منة واكمل:اخلص عليها ياباشا
=خلص
« سحب مس/دس كاتم للصوت وخرج وراء شهد....
=النسوان بتيجي بسهولة الا دي فاكرة نفسها صعبة...
🍒🍒🍒🍒🍒🍒
فرح: السلام عليكم يادكتور
الدكتور: وعليكم السلام اتفضلي يامدام فرح اي اخبارك انهارده
فرح: انا كويسه الحمدلله كنت عوزه اسالك علي حد دخلك قبلي
الدكتور: اتفضلي
فرح:ريم الغزولي كانت هنا عند حضرتك صح
الدكتور: اه بس بتسالي لي انتي تقربي ليها
فرح: اصل هي تبق مرات اخو جوزي شوفتها هنا صدفه في عوزه اعرف هي كانت عند حضرتك لي اصلي قلقانه عليها
الدكتور: طب كويس اني شوفت حد من البيت ريم متوتره جدا الايام دي وده غلط عليها نصحتها بلاش الي في دماغها ده وياريت انتي كمان تنصحيها
فرح بابتسامة خفيفة: والله يادكتور مش فهماك.... تاني معلش انصحها بي اي
الدكتور: بانها متعملش اجهاض
فرح بصدمة: اااي اجهاض؟؟؟!!!... هي في الشهر الكام؟
الدكتور: في اخر التالت
فرح بابتسامة سخرية واكملت في سرها مكملتيش شهر جواز وحامل والله عال طلعتي حية مستخبية وانا معرفش ياست ريم
الدكتور: في ياريت تخليها تبعد عن الفكره دي عشان لو ده حصل هي مش هتكون ام تاني
فرح بسعاده:بجد.... قصدي حرام بجد الي هي بتعمله ده... انا هحاول انصحها يادكتور
الدكتور: تمام خلينا فيكي بق بتمشي علي الفيتامينات ولا لا
الفصل الثامن عشر
مش هينفع اخسر ابني دي اخر محاولة ليا عشان ابق ام
والدة ريم بزعيق: انتي اتجننتي هتحتفظي بالجنين مفيش راجل هيستحمل خيانة زي دي وهيقتلك فيها
ريم بعياط: يووه اعمل اي طيب انا كدا كدا خسرانه....طب اي رايك اعمل مشكله مع مازن واخليه يطلقني
مامت ريم: هو انتي فكراها بالسهولة دي انتي الي وقعتي نفسك في المشكله دي كلها من الاول......
ريم: ياماما
مامت ريم بانفعال: لو كنتي سمعتي مني وخدتي تحذيري بشكل جدي مكنش واحد وس/خ زي ده دخل حياتك وعشمك فيه.... ودلوقتي حامل منه
ريم: ماما ابوس ايدك كفايه انا تعبت
مامت ريم: الغلط عليا انا الي معرفتش اربي هتعملي اي دلوقتي اتجوزتي وربنا سترها عليكي لكن هتعملي اي في بطنك الي بتكبر وجوزك اصلا ملمسكيش ..... واجهاض مش نافع
ريم بدموع وشهقة: انا مش هكون ام تاني لو عملت اجهاض افهميني
مامت ريم بغل: تستاهلي يارتني مخلفتك ولا جبتك علي الدنيا.... العار والذل هيفضلو يطاردونا بسببك واختك عمرها ما هتتجوز ولا حد هيدخل الباب ده بسببك.... حسبي الله ونعم الوكيل فيكي.....
انهت كلامها وسبتها ومشيت
ريم قعدة في الارض بتبكي بحرقة تقطع القلب
في بيت محمد🙂🍒
محمد: مالك يابنتي جايه من برا مخنوقه لي
عشق: مفيش حاجه يابابا هروح اغير هدومي وهاجي احضر العشاء عن اذنك
تلفون عشق بيرن كل شويه...
عشق بتافف:ااالو
شهد:.......
عشق:قفلت السكه...رجع رقم شهد يرن تاني ... بانفعال: انتي عوزه اي مش كفايه الي عملتيه
شهد:.......
عشق: خليكي ساكته انا اصلا مش عاوزه اسمع صوتك واياكي ترني عليا...
شخص مجهول:انتي فعلا مش هتسمعي صوتها تاني
عشق باستغراب:مين معايا؟؟ ده تلفون شهد... مع حضرتك لي!
الشخص المجهول:كانت حركة فشلة لما بعتلك صحبتك متزعليش انا صلحت الدنيا
عشق: انا مش فاهمه حاجه هي فين شهد
الشخص المجهول:ما/تت
عشق بصدمة:مااا/تت!!!!
الشخص المجهول:اه قت/لتها مش بقولك انا صلحت الدنيا
عشق بخوف:شهد انا عارفه ان ده مقلب منك بطلي الي بتعمليه ده.... انتي كويسه صح
بضحكة ساخره:لا متقلقيش مش مقلب ولا حاجه انا فعلا خلصت عليها اشوفك بعدين ياقلبي.
عشق:الوو الووو...
مش مصدقه الكلام ده اكيد دي تمثليه منها
دخل وليد البيت وباين عليه الارهاق.... وكان في انتظاره مديحة الي قاعدة عنيها علي الباب ومستنياه من سعات...
مديحة: نورت
وليد: احم بنورك ياماما انا طالع شقتي هتعوزي مني حاجه
مديحة: اي المعاملة دي هو قد كدا مش قادر تيجي تقعد معايا ساحب نفسك وطالع ليها لي
وليد مسح علي وشه:ابتدينا. انا طالع لي مراتي
مديحة: مش مستحمل مني كلمة لدرجة انك هترجع تمشي من هنا تاني
وليد: بلاش الكلام ده ياامي... وبعدين شكلك زعلانه مني لي انا عملت اي ها. انا خلاص مليش قعود في البيت وكام يوم وهرجع علي بيتي
مديحة: طب ما ده بيتك كمان
وليد: لا ياحبيبتي ده بيتك انتي مش بيتي
مديحة:الهانم مقوية قلبك عليا
وليد: هانم اي وبتاع اي انا مش هستريح غير في بيتي وبس لكن هنا انا ضيف انا ومراتي والعيال ومخنوق بسبب المشاكل بتاعت كل يوم دي
مديحة: والله جميل الكلام ده. بق بيت ابوك بيخنق ومش طايق وجودك هنا اومال جيت للليييي من الاول رجعت لييييي
وليد بتمالك اعصاب:كنت بحاول الحق ابنك من عمايلك بيته خرب بسببك وانتي شايفه انه هو مبسوط روحي شوفي هو قاعد فين دلوقتي....... وكل ده بسببك وانا مش هفضل هنا لبيتي كمان يتخرب
مديحة بكسرة: بق انا خرابة بيوت تشكر يابني.....
وليد بهدوء: ماما انا انفعلت بس راحه فين استني ماما......
مديحة دخلت اوضتها وقفلت الباب وراها بهدوء....
وليد:اي الي انا عملته ده هو انا ناقص..... راح علي باب اوضتها... وبترجي: ماما انا اسف مقصدش افتحي الباب
مديحة: اطلع شقتك يابني
وليد:طيب.... ولسة بيلف اتخض من فرح الي واقفه وراه....
=يااا حاجه انتي خضتيني واقفه ورايا كدا لي
فرح: سمعت صوتك وانت بتتخانق في نزلت اشوف في اي
وليد: مفيش حاجه..... وسبها وطلع
فرح راحت علي اوضة مديحة: ماما حبيبتي افتحي الباب
مديحة: سبيني لوحدي يافرح دلوقتي
فرح:حاضر...... لي البيت بق ملل كدا اومال فين هانم ريممم.... اه حمدالله علي السلامه كنت لسه بجيب في سرتك كنتي فين.
ريم: اي كنتي مستنياني
فرح: اه مختفيه فين
ريم:انا كنت عند ماما
فرح بنظرات غير مفهومة لي ريم: اه وهي عاملة اي
ريم:كويسه بتسلم عليكي عن اذنك عشان جايه تعبانه من بره
فرح بخبث: قوي قوي اطلعي شكلك تعبانه فعلا ربنا معاكي....