رواية لم اكن قاتل الفصل الحادي عشر11والاخيربقلم جمانه السعيدي
محمد....السنه احنا التلاثه بكلوريا اني ومروه ورحمه
من قربت الامتحانات
خالي مايقبل اروح للمحل يكول اقرا هنا كم يوم
ويخلصن يطلع للشغل وحده وفوكاها ينطيني مصرف
كنت اسهر بليل اقرا ورحمه ومروه هم سهرانات
بس هنا يقرن بغرفتهن واني اقرا بلاستقبال
صعبه كلش صعبه الامتحانات وخاصه على واحد مثلي
تارك الدراسه صار ١٢ سنه
المهم امتحنت وبقت بس النتيجه كنت حيل خايف منها
اليوم الي طلعت بي النتائج كنت متوتر بشكل
رحنا اني ورحمه انجيب النتائج وصلت رحمه الاعدادية البنات ورحت اجيب نتيجتي
الحمد لله طلعت ناجح
شنو من نجاح اكثر درجه حصلتها ٥٥ بلاسلاميه
وباقي الدرجات كلهن ٥٠ و ٥١ و٥٢ بشرفي درجات تفشل
كتلها ناجح وضميت النتيجه
اما مروه مشاء الله اقل درجه عدها ٨٩ وباقي درجاتها
كله ٩٥ و٩٧ طلعت الأولى على مدرستها
اما رحمه...طلعت دور ثاني هي كانت تعرف
درجاتها ضعيفه بمادتين
بقيت انتظرها لمن طلعت من المدرسه
شكلها كلش ضايجه حاولت اخفف عنها شويه
مشينا اني وياها
محمد...ميخالف امتحني دور ثاني واذا تردين تنتظريني امتحن اني وياج سنة الأخ ماعندي مانع
رحمه...ياا غير اموت روحي شنو اعيد السادس
محمد...بكيفج عود كلت ادرسج لان السادس صعب
رحمه...لا ولله انت ادرسني
محمد...عود ليش مستهزئه بيه ماشفتي الشهاده
درجاتي كلها ١٠٠ حتى ٩٩ ماعندي
رحمه...خل اشوف بله
محمد....ولله ما تشوفين اخاف تحسديني
رحمه... لا صدك اني احسدك
محمد....اي معروفه كل وحده حلوه وعيونها كبار وعدها غمازات
تحسد وخاصه الي اسمهم محمد ويكون ابن عمتها تحديدا
رحمه....هااا اني احسد زين بسيطه
محمد...لاتخافين حتلو ترسبين اني قابل
رحمه...لا ولله وبصفتك شنو انت قابل
محمد...بصفتي ابن عمتج وناوي بس تخلص هاي المشكله وارجع البغداد اجيب اهلي واجي اخطبج
رحمه...يااا
محمد....شنو ياااا وفتحتي عيونج شنو ابن عمتج ويريدج عجيبه شنو
جمانه السعيدي
ابتسمت ورجعت ضمت الابتسامه
محمد....ترا اني اعرف انتي معجبه بيه من زمان بس اني جنت ماااجل هذا الموضوع
رحمه...ومنو كالك اني راح اقبل بيك
محمد....شنو هو بكيفج اسمعي زين انتي محد ياخذج غيري
رحمه....شنو هلثقه الزايده هاي
محمد....خالي يحبني وخالتي تموت عليه محد راح يرفضلي طلب صيري حبابه واقبلي بلامر الواقع
رحمه.... شنو هو تهديد
محمد...اعتبري مثل ما تعتبري اني كلمتي وحده
جمانه السعيدي
باوعت عليه وكانما الكلام عجبها ابتسمن عيونها قبل شفايفها
محمد....اني بصريح العباره احبج وهذا اعتراف صريح مني
ورايدج بلحلال وانتي بكيفج تردين تقبلين
تردين تقبلين ماكو شي اسمه ما تقبلين
رحمه....شنو مااقبل هو غصب
محمد...لامو بلغصب بلحب واني احبج جان طلبت ايدج من خالي هسه بس اني بعدني ضيف عدكم
وبعدني مامستقر
رحمه....واني راح انتظرك
محمد....بشرفج تحجين صدك الله عليج
رحمه....اسكت لا تحرجني ترا ابطل
محمد....شنو تبطلين ماكو شي اسمه تبطلين فهمتي لو لا
رحمه....يمه دكاتوتر انت
محمد...ولو اني مااعرف شنو دكتاتور بس يمكن معناها
صاحب كلمه او كلمته وحده
رحمه....لا متسلط يحب يتسلط على الناس
محمد...هذا اني متسلط ماغيرج متسلطه اجيتي وتسلطتي على كلبي وفرضتي وجودج علي
رحمه....كلامك حلو خفف عني مصيبتي نسيت اني مكمله بدرسين
محمد....يمعوده لاتضوجين ابد بعدج زغيره حاولي مره وثنيين وثلاثه
رحمه....لا انشاء الله راح امتحن وانجح خطيه بابا
تعبان علينا حرامات اضيع تعبه
محمد...هو اني ليش حبيتج لان طيبه وحنينه وعقلج جبير
رحمه...شكرا اسعدني كلامك
محمد....هسه كوليلي شراح اكول الخالي
رحمه...ليش
محمد...درجاتي كلهن ٥٠ ولله فشله مايسوه ادرس
ومدرس خصوصي
رحمه...ولله انت بطل تارك الدراسه صار ١٢ سنه
ترجع وتمتحن ثالث متوسط وتنجح فعلا انت بطل
محمد... شلون بطل ويا هاي الدرجات اجيب قلم
واغيرهن ولله استحي من خالي
رحمه...هههه هههه هنيالك انت ناحج كول اني شراح اكول واني إكمال بدرسين
محمد....يله ميخالف نتحمل شنسوي هاي هي
جمانه السعيدي
من وصلنا للبيت وعرفو اني ناجح خالتي وخالي فرحو
اليه اكثر من مروه لان مروه معروفه شاطره من زمان وهمها كله على الدراسه
اتصلت بأمي بشرتها كامت تهلهل حتى ابوي باركلي على النجاح وخواتي واخوي
بس اني شنو كتلهم ناجح وكبل ابد ما حجيت عن درجاتي
حقيقتا مستحي من الخمسينات
خالي...انت مراح تكدر على الاعداديه كلش صعبه وخاصه انت تارك الدراسه من زمان قدم صناعه قسم سيارات
احنا شغلنا كله بلسيارات راح تكون سهله عليك
اخذت كلام خالي وقدمت اعداديه صناعه قسم سيارات
الدراسه كانت معقوله يعني مو صعبه عليه
اما رحمه امتحنت ونجحت ولله ألحمد انقبلت كلية تربيه
لحظتها خفت خفت رحمه اضيع مني اذا داومت جامعه
وخاصه هي حلوه اكيد كل العيون راح تكون عليها
قررت لازم احجي ويا خالي بموضوع خطوبتها
رحت البيبي وطلبت منها تساعدني تجي تخطبلي رحمه من خالي واذا اكو موافقه مبدئيه اجيب اهلي يتقدمولها
نلبس حلقات منا لمن هي تتخرج
واني اشوف دربي شنو
بيبي فرحت بطلبي وكالت اني اروح واخطبها الك
بيومها اجت وياي بيبي اليبت خالي
محمد...خالي اريد احجي وياك بموضوع مهم اذا تسمحلي
خالي...اي تفضل
محمد...صح اني ضيف عدكم واشتغل عامل جوه ايدك
وعليه قضية قتل بس ولله اني صرت انسان ثاني من دخلت بيتك اول شي واهم شي عرفت رب العالمين ورجعت عن طريق الغلط
وامتحنت ونجحت انشاء الله تعدي هاي الازمه على خير
انت صاحب الفضل عليه بكل التغيرات الي صارت بحياتي
خالي...شكووو خوفتني
بيبي...محمد يريد يخطب رحمه مجرد خطبه من تكمل جامعه يكون هو جمع مهرها واذا رجع البغداد ياخذها ويااا واذا بقى هنا يااجرلها بيت ويسكنون وحدهم
هسه مجرد خطبه يخاف تروح البنيه من ايده
خالي...فاجأتني بطلبك هذا انت عزيز عليه بس الرائي الأول والأخير الرحمه اذا وافقت اني ماعندي مانع
واذا رفضت اعذرني
محمد....اني موافق اسئلها وشوف رائيها
خالي...باجر اسئلها وتأخذ الجواب مني
بيبي...اني راح ابقى الباجر حتى أول هلهلوله اني
اهلهل بخطبت حماده
محمد....الكل كان فرحان بهاي الخطبه اله خالتي
اعترضت لان اني لسه شارد وماعندي شغله زينه ولا سكن
بس موافقت رحمه حسمت الموقف النهائي
رغم خالتي حاولت تقنعها ترفض
بس هي صممت وخالي كان مساندها
لان يعرف اني حقيقتا اتغيرت للأحسن
محمد...خاله لا تخافين اني مراح اخذ رحمه اله اوفرلها كلشي واخليها بعيوني صدكي مراح اخليج تتندمين على هاي الزواجه ابد
خالتي سكتت لان تخاف من خالي بس هيه مجانت موافقه ابد
اتصلت باامي وكتلها اني خطبت رحمه وخالي موافق
شكد فرحت بهذا الخبر كل الأخبار الحلوه اجت وحده ورا الثانيه نجاحي وخطبتي وقبلهن انحلت مشكلة قتل عادل
محمد...ماكدرت اشتري غير حلقه ونطيت الرحمه ٢٠٠ الف
كنت مجمعهم على صفحه
عقدنا عقد شيخ ولبسنا الحلقات
وضعنا اني ورحمه بيت خالي بقه مثل قبل ابد مااقتربت منها
وهي هم احتراما الخالي
بس الكلام بينا صار اكثر وكمت اجمع فلوس شغلي
يمها حتى اكدر اجمع مهرها
بعد سنتين واني عايش بيت خالي واجمع الفلس على الفلس
حتى اكدر ازوج رحمه
وهي مستمره تدرس بجامعتها
اجاني خبر وفاة ابو عادل الرجال الطيب مات
يشهد الله شكد حزنت علي يمكن مات بسبب حزنه على عادل او يمكن هذا يومه الله يرحمه ويغفرله
وهيج اني صرت اكدر ارجع الاهلي بغداد واعوف بيت خالي خالي علي الطيب
من جمعت ملابسي شفته يبجي اول مره اشوف خالي ينزلن دموعه يبجي عليه لان راح اعوفه كان حاسبني ابنه جمانه السعيدي
الي عوضه عن الولد الي ماحصله
اني جنت حزين اكثر منه لان تعودت علي وعلى خالتي والبنات رحمه يومين تبجي شلون تعوفني وترجع البغداد
محمد....شكد بقيت اقنع بيها راح نبقى نتواصل بلتليفون وراح ارجع اجيهم بس هي تخبلت عليه
من طلعت ما قبلت تودعني حبست نفسها بغرفتها وما قبلت تطلع
شكرا للخال الي فتحلي بيته وساعدني اكون انسان جديد
اني انولدت من جديد من بعد قتل عادل
يبقى عادل صديقي الوحيد الي مراح انسى طول عمري
رجعت الاهلي ورجعت اشتغل وياا ابوي فتحت محل خاص بيه بصف محل ابوي وكمت اشتغل بي
خلصت صناعه السنه قدمة كليه تربية رياضيه جامعه اهليه اما رحمه خلصت جامعه
بداية سنة ٢٥ ازوجنا اني وحبيبتي واخيرا انجمعنا بيت واحد بعد كل هاي المعانا اني وياها
قبل شهر واحد صار عندي ولد من رحمه
كل شهر اخذ رحمه ونروح بيت خالي ازورهم
كل شهرين اروح أزور عادل واحجيله كلشي صار وياي
مثل قبل شلون جنا نحجي كلشي يصير ويانه واحد للثاني
واعتذر منه
واكوله سامحني ماكان قصدي
السنه خلصت الصلاة قضاء اليه العادل
وهديتله قرائين خليتهن بلجامع ودائما اتصدق باسمه
اتمنى يكون سامحني
لان مجان قصدي اكتله
لم اكن قاتل
العبره أحبتي الشقا الزايد دائما ياخذنا للخطى
اكو أخطاء مانكدر نصلحها مثل القتل
الدرس كلنا نغلط بس الأهم مانستمر بلغلط
لا لازم نوكف وندور الطريق الصحيح ونمشي بي
مثل ما محمد.سوه رجع الرب العالمين الي قربه للطريق الصحيح
واهم شي هو تاب توبه حقيقيه وبدا من جديد
تمت