_سهيله بقلق_
ميري فيه إيه
_ميري بجديه_
الباشا أمر بتصفيتك.. والتنفيذ الليله
_(سهيله بابتسامه وتطلع سيجاره وتو،لعها)_
_سهيله_
قولتلك مليون مره يا ميري إنتي ما بتعرفيش تمسلي
_(وتاخد نفس من السيجاره)_ طيب أقولك على سر
_ميري_
قولي
_سهيله_
لأ مش هقولك دلوقتي..هقولك وأنا بطلع ف الروح
_ميري_
بعد الشر عليكي..
إن شاءالله روحي زي ما سبقتك وجات الدنيا الأول..
هتسبقك وهتخرج من الدنيا الأول..
يلا قومي معايا
_سهيله_
على فين
_ميري_
الباشا عايزنا عشان هيراجع خطه تصفيه هبه
_____________________________
__(المقر الرئيسي للباشا الكبير)__
_الباشا_
دلوقتي يا نور أنا أقدر أقولك إيه المطلوب منك بالظبط..
لأنك خلاص بقيتي واحد مننا
_نور_
وإيه بقي هوا المطلوب مني
_الباشا_
المطلوب منك هوا عقلك يا نور..
المطلوب منك يا نور أفكار جديده..
وطرق جديده وناس جديده..
المطلوب منك يا نور توفير الأمان..
لأصحاب المتعه الجنسيه
_نور ف سرها_
الله يخرب بيتك..دا أنته شيطان
_الباشا_
وفيه حاجه مهمه كمان يا نور
_نور_
هوا لسه فيه تاني
_الباشا_
فيه تاني وتالت ورابع..
بس مفيش مشكله نشتغل الأول على اللي قولتهولك..
طبعاً فهد هيكون معاكي..وهيبقي معاكي كمان البنتين اللي استقبلوكي ف المطار..
بالاضافه للدكتور اللي إنتي اختارتيه يكون معاكي..
فيه أي أسئله عايزه تسأليها
_نور_
الأسئله اللي عندي..
إجاباتها مش هتكون صريحه..
بس أنا عندي إستفسار بسيط واتمنى يكون الرد مقنع..
أنا المفروض إني أذ،يتك..
كشفت ناس كانت شغاله معاك..
واتسببت ف مو،ت ناس..
وقفلتلك مكان اللي هوا المستشفى..
يعني المفروض إنك تأذ،يني..
مش هوا أنته تشغلني معاك
_الباشا_
من الغباء يا نور..إن الواحد يشوف عدوه ذكي..
ويفكر إنو يتخلص منو..ودا أول درس هعلمهولك يا نور..
لو قابلتي عدو ذكي..حاولي تصاحبيه وتخليه ف صفك
_نور ف سرها_
دا أنا اللي هعلمك دروس عمرك ما هتنساها
________________________
__(سجن النساء مكتب المدير)__
_نوره_
عرفت معلومه خلتني ما بقتش عارفه حاجه خالص
_المدير_
معلومه إيه
_نوره_
اللي إتسببت ف دخول هبه السجن بنت عميا..
والبنت العميا دي مش موجوده ف القضيه نهائياً
_المدير_
طيب إنتي متأكده من المعلومه دي
_نوره_
متأكده يا أفندم..مع إن نفسي المعلومه تكون غلط..
لأن المعلومه دي خلتني ما بقتش فاهمه حاجه خالص
_المدير_
لو عايزه تفهمي يبقي تروحي المكان..
اللي اتقبض على هبه فيه..
لازم تروحي المستشفى وهناك هتفهمي كل حاجه
_بقلم...محمد طه
_نوره_
فعلاً يا أفندم هوه دا الحل الوحيد..
بس أنا هتجنن..إزاي بنت عميا..
تتسبب ف القبض على المعلمه هبه
_المدير_
يا خبر بفلوس ولما هتروحي المستشفى هيبقي ببلاش..
المهم دلوقتي هتروحي المستشفى بصفتك إيه..
ظابط ولا شاويش ولا بعد الشر مريضه
_نوره_
المعلومات اللي عايزه أعرفها..مش هعرف أوصلها ..
غير وأنا حضرت الظابط نوره..الشرطه النسائيه
________________________________
__(في المستشفى مكتب المديره)__
_نوره_
حضرتك الدكتوره سناء
_الدكتوره_
أيوه أنا الدكتوره سناء..خير ومين حضرتك
_نوره_
أنا نوره..ظابط من الشرطه النسائيه
_الدكتوره_
أهلاً بحضرتك يا افندم..خير
_نوره_
هتعب حضرتك معايا يا دكتوره وترجعيلي بالذاكره شويه..
وتفتكري لما بلغتي عن شبكه منافيه للأداب..
واتقبض على بنت إسمها هبه
_الدكتوره_
اه حضرتك أنا فاكره..دي حاجه ما تتنسيش
_نوره_
هبه ف السجن قالت لبنت قريبه منها جدا..
إن اللي إتسببت ف دخولها السجن بنت عميا
_(الدكتوره بدأت تقلق منها..وافتكرت لما حامد
جا أخد نور وقالهم إنو من المخابرات)_
_الدكتوره بقلق_
هوه مش حضرتك القضيه خلصت..
وهبه إتسجنت والموضوع فات عليه سنين
_(نوره حست إن الدكتوره بدأت تقلق منها..
طلعتلها الكارنيه بتاعها عشان تطمنلها)_
_نوره_
دا الكارنيه بتاعي وتقدري تتصلي بالشرطه..
وتتأكدي إني ظابط ف الشرطه النسائيه..
إطمني يا دكتوره أنا وجودي هنا..
عشان أحمي البنت العميا دي من شر هبه..
وهبه خلاص أيام وهتخرج من السجن..
وأول حاجه هتعملها إنها هتأ،ذي البنت العميا..
اللي إتسببت ف دخولها السجن
___________________________
__(المقر الرئيسي للباشا الكبير)__
_(الباشا ونور تكمله حديثهم)_
_نور_
أقنعتني يا باشا..
وعلى رأي المثل..عدوك الناصح ولا صاحبك الغبي..
_(وتقول ف سرها)_ وانت طلعت غبي
_الباشا_
وفيه مثل كمان يا نور بيقول..
اللي يحضر العفريت يصرفه..
وأنا زي ما حضرتك أقدر بسهوله جداً أصرفك
_(نور تكتفي برسم إبتسامه بريئه)_
_الباشا_
عالفكره يا نور..
إنتي نسبه الذكاء عندك مش النسبه..
اللي أخاف أو أقلق منها..
لأني بكل سهوله قدرت أخدعك..
وبما إنك خلاص إشتغلتي معانا وبقيتي مننا..
هقولك على سر
_نور باهتمام_
سر إيه
_الباشا_
فيه واحد من إصحابك بيشتغل معايا........😲😲