_فهد_
أهلا بيكي ف وسطينا يا نور..
ودلوقتي مصير الدكتور اللي عملك العمليه..
بقي بين إيديكي..تأمريني بإيه
_نور بغضب_
يعني إنته دلوقتي بقيت تحت أمري..
واللي هأمرك بيه هتنفذه ومن غير تردد
_فهد_
اللي هتأمريني بيه سيف على رقبتي
_نور بغضب_
طلع السلا،ح اللي معاك وحطه ف راسك..
وأضر،ب نفسك بالنا،ر
_فهد بإستغراب_
بس مش أنا يا نور اللي عملتلك العمليه وأتلفتلك عنيكي
_نور بحزن ووجع_
ودا أول درس هعلمهولك..
لما تيجي تنتقم.. ما تنتقمش من السلا،ح اللي أذاك..
أنتقم من اللي ماسك السلا،ح..
أنتقم من اللي عطي الأمر للسلا،ح إنو يأذيك..
وأنا لو هنتقم من اللي أذي عنيا..
يبقي المفروض إني أنتقم منك أنته والباشا بتاعك..
أما بالنسبه للدكتور ف الدكتور أثبت ولائه..
ونفذ مهمته بنجاح..ودا تاني درس هعلمهولك..
السلا،ح اللي تستفاد منو مره ما ترميهوش..
وحاول تستفاد منو تاني وتالت..
لحد ما تتأكد إن السلا،ح خلاص ما بقاش يفيدك..
ساعتها إبقي إخلص منو وارميه..
بلغ الباشا بتاعك إني هحتاج الدكتور معايا
__(عند الباشا)__ (الباشا_ وميري_ وسهيله)__
_الباشا_
أنا عايزكم إنتوا الاتنين تركزو ف اللي جاي..
عشان اللي فات كله حاجه..واللي جاي حاجه تانيه
_سهيله_
يا باشا ما تقلقش إحنا مركزين ومستعدين لأي مهمه..
حضرتك بس أمر وإحنا علينا التنفيذ
_الباشا بتجاهل لكلام سهيله_
الفتره اللي فاتت إحنا خسرنا عناصر مهمه..
من اللي كانوا شغالين معانا..
ودا كان بسبب البت العميا والمجموعة اللي معاها..
وأنا مش ناوي أخسر تاني..وناوي أحاسب الكل
_سهيله_
وإحنا تحت أمرك يا باشا..
حضرتك بس نورلنا الإشاره الخضرا..
وأعتبر مجموعه البت العميا من الأمو،ات
__(الباشا يبص لميري بغضب)__
_ميري_
أنا آسفه يا باشا سهيله لسه صغيره والحماس واخدها..
_(وتبص لسهيله بغضب)_
ما تنطقيش ولا كلمه تاني.. وتخرسي خالص
_الباشا_
ميري إنتي أكتر واحده بثق فيها..
ما تخليش أختك تهز ثقتي فيكي..
اللي داخلين عليه لا عايز حماس ذياده..
ولا عايز تهور ولا عايز لعب عيال
_ميري_
أمرك يا باشا اللي هتأمر بيه هيتنفذ
_الباشا_
هبه الممرضه قربت تخرج من السجن..
ودورها خلص خلاص
_ميري_
خطه تصفيتها جاهزه وعلى التنفيذ
_الباشا_
دي هتكون آخر مهمه هتاخدوها مني..
بعد المهمه دي ما تخلص..
المهمات اللي بعد كده كلها هتاخدوها من نور
_ميري بإندهاش_
نور دي البت العميا
_الباشا_
أيوه..وأوامرها كلها تتنفذ..
ف مجال شغلنا فقط..غير كده ترجعولي..
البت العميا دي عايزين نستفاد منها على قد ما نقدر..
وفيه حاجه كمان مهمه..
أنا عايزك يا ميري تصاحبيها..وتخليها تحبك وتثق فيكي..
وأنتي يا سهيله عايزك تخليها تكرهك..
ومتخلوهاش تعرف إنكم إخوات
_ميري_
تحت أمرك يا باشا..كل اللي حضرتك أمرت بيه هيتنفذ
_بقلم...محمد طه
_________________________
__(في المستشفى)__
_الجميع واقفين قدام سمير..
والحزن سيطر عليهم كلهم..
من الحاله اللي سمير وصل ليها..
وسمير بقي زي الطفل الصغير.
لا عارف يتكلم ولا فاكر حاجه خالص
_سمر بحزن_
هوا إيه اللي حصل لسمير يا دكتوره
_نهله بغضب وإنفعال_
مش مهم إيه اللي حصل لسمير..
سمير واقف قدامنا أهو ومعانا..
المهم دلوقتي فين نور..نور فين يا دكتوره
_الدكتوره بحزن_
كل اللي أعرفه عن نور إنها هنا ف مصر..
لكن فين بالظبط معرفش
_علي بانفعال_
يعني إيه ما تعرفيش..طيب وصلتي لسمير إزاي..
هما مش كانوا مسافرين هما الاتنين مع بعض
_وبدأت الدكتوره تحكيلهم على كل اللي حصل ف ألمانيا..
وإزاي عرفوا إن نور رجعت مصر..
وإزاي وصلوا لسمير..
_وبعد ما رجعوا مصر حاولوا يوصلو لنور..
عن طريق الكاميرات زي ما عملوا ف ألمانيا..
لكن هنا ف مصر دخلوا بنور ف طريق..
ما فيهوش كاميرات..
وبقي صعب ومستحيل يعرفو يوصلو لمكانها
_نهله بدموع وإنهيار_
يعني إيه..مش هنعرف نوصل لنور
_علي بغضب_
إذا كان عملوا ف سمير كده..نور هيعملوا فيها إيه
_الدكتوره_
أنا مش هسكت..أنا هلف محافظات مصر كلها..
مش هسيب مكان ف مصر إلا وهدور على نور فيه..
نور يعتبر أنا اللي سلمتهالهم..(وتنزل دموعها)
وهعمل المستحيل عشان أرجعها(وبعدين تنشف دموعها وتوجه كلامها لسمر)
_الدكتوره_
بقولك إيه يا سمر.. من اللحظه دي..
مهمتك حمايه سمير..ما يغبش عن عنيكي لحظه..
وممنوع أي حد يدخل الغرفه اللي هوا فيها..
وممنوع ياخد أي علاج من غير إذني
_سمر_
حاضر يا دكتوره
_نهله بدموع_
يا تري إنتي فين يا نور..
أكيد حابسينها دلوقتي وبيعذ،بو فيها
_الدكتوره بغضب وانفعال_
أبوس إيدك ما تقلقناش عليها أكتر ما إحنا قلقانين..
خلينا نشوف إحنا هنتصرف إزاي وهنبدأ منين
_____________________________
__(المقر الرئيسي للباشا الكبير)__
_(فهد لسه هيتكلم الباشا يقاطعه)_
_الباشا_
شوفت وسمعت كل حاجه
_فهد_
وحضرتك تأمر بإيه
_الباشا_
إنته شايف إيه
_فهد_
أنا شايف إنها مكسب كبير لينا
_الباشا بغضب_
وأنا شايف إنك قصرت ف شغلك..
وإنك مش قد المهمه
_فهد_
يا باشا أنا شايف إن كلامها مقنع جداً
_الباشا بغضب_
المفروض قبل ما كنت تسمع لكلامها المقنع جداً..
كنت تعملها إختبار وتتأكد إن العمليه اللي اتعملتلها..
هيا العمليه اللي أمرنا بيها.......
_ويتبع..........
_بقلم...محمد طه
_تحياتي لكل المتفاعلين
البارت 10
#عمياء_وسط_الذئاب_2
_الباشا بغضب_
المفروض قبل ما كنت تسمع لكلامها المقنع جداً..
كنت تعملها إختبار وتتأكد..
إن العمليه اللي اتعملتلها..هيا العمليه اللي أمرنا بيها
_فهد بصدمه_
مستحيل..مستحيل يكون الدكتور عمل عمليه غير اللي أمرنا بيها..
وبعدين أنا ملاحظتش عليها حاجه غريبه
_الباشا بتحذير_
البت دي خطر وهيا عميا..
فما بالك لو فتحت وشافت النور
_فهد_
أنا هختبرها مره واتنين وتلاته..
لحد ما أتأكد إنها عميا
_الباشا_
وقت إختبارك ليها فات..
وإحنا مش عايزين نخليها تحس إن إحنا شاكين ف حاجه..
ولآخر مره بحذرك.. إحنا بنتعامل مع قن،بله
_فهد_
أوعدك يا باشا إن الغلطه دي مش هتتكرر تاني..
بس إحنا لازم نختبرها ونتأكد إنها عميا
_الباشا_
أنا اللي هختبرها بنفسي
_(في غرفه العمليات)_
_نور بدموع ف سرها تفتكر الكلام ..
اللي الباشا قالوا عن سمير
_(سمير أخد حقنه وحاجه من الاتنين..
يا إما هيمو،ت.. يا إما هيعيش اللي باقي من عمره عبيط.. مجنون يعني)_
_نور بدموع_
إن شاءالله سمير مش هيمو،ت..
والنبي يا رب أحفظه.. والنبي يا رب..
أنا متأكده إن سمير شجاع وعندو إراده..
ومش هيستسلم للمو،ت بسهوله..
كمل معايه يا سمير..ومتسبنيش وسط الديابه لوحدي..
ما تسبنيش وسطيهم لوحدي
_(وتبدأ نور تتحكم ف أعصابها وتفكر)_
الدكتور اللي عملي العمليه..
أكيد هوا اللي حضرلهم الحقنه اللي سمير أخدها..
ولو كان مش هوا اللي حضرها..
أكيد الدكتور دا هيبقي عندوا حل..
يبقي الدكتور دا مش لازم يمو،ت..
ولازم أعمل المستحيل عشان الدكتور دا يعيش..
يلا يا سمير.. أنته عليك الخطوه الأولي.. قاوم وما تمو،تش..
وأنا عليا الخطوه التانيه وهعالجك..
يارب يارب يارب يارب
___________________________
__(سجن النساء)__
_هبه_
أخيراً يا بت يا تيحا هخرج للدنيا..ياااااااه أخيراً
_تيحا_
يا بختك يا معلمه..عقبالي أنا كمان..
بقولك إيه يا معلمه.. لما هتخرجي من هنا ناويه على إيه
_هبه بتنهيده_
ناويه على كتير أوي يا بت يا تيحا..
طلعالك يا عميا..أنا وعدتك إني مش هسيبك
_تيحا_
ما بلاش يا معلمه وسيبك منها..
البت العميا دي مش ساهله ومش لوحدها
_هبه بغضب_
بت يا تيحا.. ما تخلينيش أطلع الغل اللي جوايا للبت العميا دي فيكي
_تيحا_
أنا خايفه عليكي..طب حتي إصبري لما أطلع..
عشان أبقي معاكي..وما تبقيش لوحدك
_هبه بكره وغل_
وأنا مش عايزه حد معايه..
عشان أستمتع باللي هعمله فيها..
وبعدين دي بالنسبالي طفله..هيا بس استغفلتني..
وأنا إديتلها الأمان بسرعه..
خدعتني بمكرها المستخبي ورا برائتها
_(وتطلع سيجاره وتو،لعها)_
بقولك إيه يا تيحا.. سيبك من حوار البت العميا ده..
وخلينا ف الحوار بتاعنا اللي هنا
_تيحا بعدم فهم_
الحوار بتاعنا اللي هنا..اللي هوا إيه يا معلمه
_بقلم...محمد طه
_هبه_
فتحي مخك معايا يا تيحا..
هوا أنا هخرج من هنا من غير ما أعلم ع البت كوثر..
دا أنا ناويه ألعبلها ف وشها
_تيحا بتحذير_
قصدك ناويه ما تخرجيش من هنا..
إنتي فاكره لما هتلعبيلها ف وشها..
هتخرجي كده عادي أكن ما فيش حاجه حصلت..
إسمعيها من تيحا اللي بتحبك وخايفه عليكي..
بلاش تعملي أي مشاكل هنا عشان تخرجي من هنا
_هبه بنظره شر_
تيحا..تعرفيلي رقم زنزانه الانفرادي..
اللي متلقحه فيها اللي ما تتسما كوثر..
والنهارده قبل بكره..
وتعرفيلي مين الشويشه النبطشيه الليله
__(مكتب مدير السجن)__
_المدير_
ها يا نوره أخبار مهمتك إيه
_الظابط نوره_
كل حاجه ماشيه تمام ..زي ما مخططين ليها
_المدير_
لسه بردوا مش عايزه حد معاكي يساعدك
_الظابط نوره_
يا أفندم القضيه دي تخصني..
وإن شاءالله هخلصها لوحدي..
وبعدين هوا حضرتك شاكك ف قدراتي ولا إيه..
ولا حضرتك مش واثق فيا
_المدير_
طبعاً واثق فيكي ومقدر تعبك ومجهودك..
أنا بس عايز أريحك وأشيل عنك شويه..
وأخلي حد يساعدك
_الظابط نوره_
المساعد ربنا..وأنا لو إحتاجت مساعده هبلغ حضرتك..
آه كنت هنسي..يا ريت حضرتك..
ما تخرجش كوثر من الانفرادي لحد هبه ما تخرج..
وشدد الحراسه اليومين الجايين دول
_المدير بضحك_
ما تيجي تقعدي مكاني وتدي إنتي التعليمات..
وأنا أقوم أتنكر ف زي الشاويش مكانك
____________________________
__(في المستشفى)_(غرفه سمير)__
_(سمر بدموع وهيا باصه على سمير)_
_سمر_
أوعدك يا سمير إني مش هسيب اللي عمل فيك كده..
مش هسيبه لو كان مين..
ما أبقاش سمر إن ما جبتلك حقك..
وأنتق،ملك من اللي أذ،اك
_وفجأه سمير بدأ يعيط زي الطفل..
وبدأ يك،سر كل حاجه قدامه ف الغرفه..
وسمر مش عارفه توقفه..
_سمير بقي أشبه بالمجنون اللي محبوس جوه طفل صغير..
والدكتوره جات بسرعه عطتله حقنه مهدئه..
وبعد ما بدأ يهدى إستسلم للنوم
_سمر بخوف وقلق_
أنا خايفه على سمير أوي يا دكتوره
_الدكتوره_
كلنا خايفين عليه..بس أنا مش هسيبه..
مش هسيبه إلا لما يرجع زي الأول وأحسن..
كل المطلوب منك يا سمر إنك تستحمليه..
وتتعاملي معاه أكنك بتتعاملي مع طفل
_________________________
__(المقر الرئيسي للباشا الكبير)__
_(إتصال تلفوني مع الباشا)_
_الباشا_
إنته متأكد
_المتصل_
متأكد يا باشا سمير ف المستشفى
_الباشا_
عينك ما تنزلش من على المستشفى..
وإنتظر مني تعليمات
__(الباشا يقفل السكه)__
_الباشا ف سره_
إزاي سمير عاش بعد الحقنه اللي أخدها..
كده يا إما الدكتور ما حضرش الحقنه المطلوبه..
يا إما سهيله ما عطتلوش الحقنه..
يا إما الواد دا لسه ليه عمر
_ويقوم الباشا يروح عند نور..
ويدخل ويقفل الباب وراه..
ونور كانت قاعده على السرير وبتبكي..
والباشا فضل يبصلها حوالي 10 دقايق
_الباشا بهدوء_
حمدلله على سلامه رجوع النور لعنيكي يا نور.........