(مر أسبوع أخر )
وصل فاروق للحارة وحاول يسأل عن منزل الحاج زكريا التى تسكن فيه فردوس فهذا العنوان لم يتغير منذو ميلاده وأخيرا وصل وصعد الدرج وطرق الباب فتحت لة الأم ورحبت بية من هيئته
فاروق بملامح جادة/ فردوس موجودة
الأم/ موجوده يا بيه أتفضل ،،،بت يا فردوس تعالى كلمى البيه أبو ريحة حلوة دة ،،،تعرف بنتى منين أيوة يابيه أحنا غلابة لو جاى تتصدق نستاهل فلوس ثم مدت إيدها
وضع فاروق كفوفة فى جيبه وقال بقرف/ لسة ذى ما أنتى مادية
أتت فرودس وهى واضعة حجابها على رأسها بأهمال / فاروق
الأم/ فاروق مين
فردوس بحزن/ فاروق المحمدي أقصد الدكتور فاروق المحمدي ياما ،،،، الماضى
الأم بصدمه / أبن الأكابر ،،،أبو زينه
عقد فاروق حاجبة / تقصدى إيه
الأم انتبهت / ولا حاجة ،،أدخلى جوه يا بنت وانت روح لحالك
بكت فردوس بشدة فهى قررت التوبه عن أفعالها
فاروق/ أنتى خلفتى ولا لاء أتكلمى
الأم بغضب/ كانت حامل وسقطت
فاروق/ أنتى قولتى أبو زينه
الأم بلجلجة / سمعت غلط بنتى مخلفتش منك يلا بقا ،،ولا أفضحك بهيبتك دى
فاروق/ أنطقى يا فردوس فى بنت نسخة منك القدر بيجمعنى بيها نسخة منك فى سنها معدآ لون عينها ،،، أبوها نفس أسم الواد السواق إللى أتجوزتيه عليا قولى مش بنتى ، وبنتك أنتى البت خايف عليها مهتم بيها شاغلة تفكيرى غيران عليها ،،، عبدالله خدها،، زينه بنت مين
لطمت فردوس/ أرحمنى بقا الماضى دة إيه عذاب
حاولت أم فردوس الأشتباك مع فاروق رغم كَبر سنه إلا أنه راجل قوى البنيان عنها ودافع عن نفسه وخرج من المنزل متهان ،،لكنه ترك جملة وهى عنوان بيته شفوى حتى تراجع فردوس نفسها وتقول الحقيقة
بقلم نجلاءفتحى عاشقةالكلمات
___________
فى منزل عبدالله وضعت زينه لازق طبى على شيفاها السفليه وجلست على كنبة أمام عبدالله بعد وضعها صنيه الشاى أمامه على طاوله و هو يصتنع مشاهدة التلفاز ،،أستطال زراعة وألتقط كوب الشاى ،،أرتشف رشفة وأرتسم على ملامحه الضيق فقال:- أول مره تعملى حاجة مش مضبوطه الشاى مفهوش سكر
زينه/ بجد أزاى فيه صدقنى
نظر ليها ورفع حاجبة/ قاصدة حركتك دى
زينه ببراءة / أنا
وضع قدم على قدم بغرور راجل شرقى صح وقال:' خلاص مدام واثقة حاطه سكر أشربة وبدأ يرتشف منه وينظر للتلفاز متجاهل وجودها
زينه بتسرع/ بلاش تشربه ،،،مر محطتش سكر
أبعد إيدها التى تريد أخذ الكوب وقال/ عاملتى لية كدة
زينه بتوتر/ علشان تفتح كلام معايا وتكلمني
هدأ هو من روعه رغم سعادته ،،،ترك المكان بهدوء ممذوج بغرور كأنه يعاقبها على هربها بالصمت العقابى وكان يتناول الشاى بتلذذ رغم مرارته
زينه/ بلاش كدة ،،طريقتك صعبة ،،سيب الشاى مدام مش عجبك أوووف أعمل إيه ماشى يا عبدو أتقل عليا رخم
(فى الشركه )
سيف/ أمم صاحبك لية ضربك
يوم حفله أختى سمر
بهاء بكذب/ بينا مشاكل بس دة ميمنعش أنه راجل شهم وغار أنى شيلت أخته أقصد بنت عمه
سيف/ مستغرب واحد زيك محترم ومتعلم تعرف واحد ذى العشوائى دة أزاى
بهاء/ صدقنى هو فية صفات حلوة كتير، يمكن ظروف خلته كدة
سيف/ بتدافع عنه لية ،،،، دة هانك
بهاء بحزن/ صاحبى وأخويا ربنا يظهر الحق قريب
سيف/ كلامك غامض
بهاء بتهرب/ من فضلك عندى شغل ثم رحل
__________
(فى بيت غوايش الدجاله )
تغريد بغل/ معملش حاجة شكلك كَبرتى وخرفتى
غوايش بحدة/ أتحشمى يا بنت أمك أسخطك قرد قبيح
تغريد بتراجع/ ماهو أنتى يا ست الناس خدتى فلوس قد كدة ومعملتيش حاجة ،،عبدالله زاد جحود عليا ،،و زينه رجعت خايفة يتجوزها
غوايش/ الشرع محلله أربعة
تغريد/ جوزى عندة خير كتير وأنا حامل حرام حق أبنه يروح لعيال زينه
غوايش/ مستغربه الخلافات بتزول علشان العيل ،،،المعلم عبدالله مش فارق معاه أبنه كأنه مش ضناه
توترت تغريد/ أبنه هو أنا اتجوزت حد غيره
،،، أعملى معروف أعمللى عمل سُفلى خلية خاتم فى صوباعى
غوايش بخبث/ تبقى تدفعى
تغريد / أدفع مدفعش ليه
غوايش/ عايزة ألف جنية
تغريد/ ينصبنى أألف كتير أجيب منين
غوايش/ مش ليا دول لأسياد يجعل كلامنا خفيف عليم
تغريد/ حاضر حاضر أحاول أدبر ليكى المبلغ
نظرت غوايش فى آثرها ثم خرجت تجرى لمحل العطارة الخاص بعبدالله لكنها لم تجده
___________
ذهبت تغريد لفايز أبن خالتها بدون علم أمها فى شقته وقالت/ عايزاك
فايز برغبة/ نرجع القديم،، أتفضلى
تغريد/ فهمتني غلط كفاية البلوة إللى فى بطنى ،،أسمع،،، فى فلوس فى بيت عبدالله خمسين ألف جنية مش عارفة أدخل البيت تعرف تدخل وتجبهم
فايز بصدمه/ أوبا ،،جاب الفلوس دى منين
تغريد بحقد/ تاجر
فايز/ والمقابل
تغريد/ تاخد ١٠٠٠ جنية
فايز/ ههههههه أجبلك ٥٠ ألف وأخد ١٠٠٠ لاء يا بنت خالتى ٣٠ ألف وفلوسك تحت رجلك إياكى تعترضى دة أنا أبو الواد مش المغفل جوزك ولا أفضحك
تغريد ندمت أنها لجأت له ووافقت
فايز/ متجى خمسه يا بنت خالتى
تغريد/ أبعد إيدك ياتك الأرف ثم رحلت
فايز/ وماله مقبوله منك يا توتو
(فى العيادة النفسى)
أبتسم الدكتور محمد حين وجد آيه تدخل عليه مكتبة هيئتها أفضل من الأول
الدكتور/ بدايه مبشره جاية لوحدك
آيه/ لاء ،،ماما برا ،،،أنا طلبت منها أدخل لوحدى أناديها
الدكتور/ لاء،،عامله إيه
آيه/ بخير
الدكتور/ تشربى معايا نسكافية
آيه/ يعنى إيه
الدكتور/ مشروب جديد
آيه/ شكرآ
الدكتور/ وأنا مصمم تشربى معايا يعجبك أتفقنا نكون أصحاب تمام
آيه/ تمام
(ملحوظه الزمن دة لسة مفيش نت والجنية ليه قيمه وطبيعى النسكافيه شئ جديد تمام كدة )
الدكتور/ عجبك
آيه/ طعمه غريب،،،، عجبنى
الدكتور/ بالعافيه، ،قوليلى حاجة مديقاكى
آيه/ بابا
محمد/ أممم بدايه حلوه تتكلمى عنه من غير ضيق
آيه/ مش مرتاحة فى بيتى عايزة أرجع الحارة مع زينه وبهاء أقصد زينه
وضع محمد مج النسكافيه على مكتبة وشبك إيدة أمامه على مكتبة يدل على أهتمامه بالحديث فقال/ مين بهاء ملاحظ اتكلمتى علية مرتين المرادى و أول زيارة ومش راضي أضغط عليكى فى الزيارات إللى فاتت سايبك تتكلمنى عنه براحتك
آيه بمراوغة/بقالى كتير مع حضرتك
الدكتور/ النهاردة الجلسة ال٨
آيه/ ينفع أوقف جلسات
الدكتور/ كنتى داخله حلو ،،ليه بتهربى
آيه/ عايزة أوقف جلسات
الدكتور/ بعد الجلسة الجايه فكرى تانى شايف فى تحسن بلاش توقفى دلوقتى لسة آيه من جواة زعلانه
،،،،،لسة ممصمه مش عايزة الجامعة
آيه/ خايفة بابا عايزنى دكتورة وأنا مجموعى جاب كلية التجارة إللى نفسى فيها
الطبيب/ إيه رأيك تحققى حلمك وحلم باباكى
آيه/ أزاى
الطبيب/ تروحى الجامعة ودة حلمك وتجتهدى وأنا عارف أنك متفوقة وسهل تحققى حلم باباكى وتكوني دكتورة فى الجامعة
آيه / فى دكتورة فى الجامعة ينفع
الدكتور/ حضرتك لو كنتى روحتى الجامعة كنتى عارفتى الأستاذ أسمه دكتور
آيه بتفكير/ الطريق طويل
الطبيب/ عارف ،،،ومع التفوق لعبتك
آيه/ سامعت بابا من يومين قال عليا فاشلة ومجنونه
الطبيب/ قال قدامك
آيه/ لاء،،لماما فى الصاله وأنا كنت فى أوضتى
تنهد الطبيب/ تجاهلى أى كلام سلبى من باباكى ،،ينفع يجى هنا أتكلم معاه
آيه/ معرفش
الطبيب/ أنتظرى فى الأستراحة ودخلى ماما ليا لوحدها
آيه/ حاضر
نترك الطبيب يقنع مامت آيه لازم والدها يأتى له الزيارة القادمه
(فى الشركه)
سيف/ مفيش زفت رحله
سمر/ كل البنات طالعة
سيف/ رحلة إيه إللى كل الدفعة رايحة دة أنتى لسة أول الترم ،،هى كلية الهندسة بتطلع رحلات دلوقتى
سمر/ مليش دعوة عايزة أطلع
سيف/ معنديش بنات تطلع لوحدها ،،وتانى مرة متجيش هنا
سمر/ دى شركة بابا
سيف بحدة/بت محدش يعرف أنى أبن صاحب الشركة ،،،على البيت وحسابنا هناك
سمر بحزن/ أنا رايحة لعمى فاروق ورينى تكسر كلمته أزاى
سيف بعصبية/ متخلنيش أمد إيدى عليكى
سمر بعصبية/ هى حصلت ورينى كدة أنا قدامك أهو
طرق الباب ،،،،،فقال سيف:- عجبك كدة صوتك مسمعوش
،،،،،،،، وأذن للطارق يدخل
نظر بهاء ليهم وقال:- عايز آذن ساعتين أمى مريضة وعندها ميعاد كشف
سيف بحدة/ ماشى مقدرش اعترض ربنا يشفيها ،،هات الطلب أمضيلك عليه
أعطى له بهاء الطلب ثم أخذه تانى بعد إمضاء سيف ،،ورحل بهدوء
سمر/ سوفه يا حبيبى
سيف/ هتجننينى إيه سوفه دة أسمى هنا البشمهندس سيف
سمر/ أنا رايحة البيت يا قلبى سلام
سيف/ والرحلة
سمر بأستعجال/ بعدين بعدين وجريت للخارج
سيف/ لله الأمر من قبل ومن بعد ربنا يحميكي ويهديكى ،،، ياسلام لو بهاء يتجوزك يربيكى صح. بت مدلعة الله يسامحك يا عمى فاروق فى دلعك ليها ،،،،بس أزاى أجمع بينكم عايز أطمن عليكى
ملحوظة سيف من سئ الطبع بالعكس هو مقنع أنه شاب وعارف تفكير الشباب المنحرف لذلك يخشى على أخته من تهور قرارتها ويحميها وفى نفس الوقت لا يستطيع التعبير عن حبة لها ،،،بختها أسود إللى تتجوز النوع دة 🥰😛
يقف بهاء ينتظر الاسانسير، ،أتت سمر وواقفت متجاهلة وجوده،،وحين أتى ركبت هى،،،،، أنتظرت يركب رجع للخلف ،،أتغاظت وضغطت على زر ونزل الاسانسير لأسفل وأختبأت حين وجدته أستقل سيارة فيها سيدة كبيرة يبدو أنها والدته ومعاها فتاة
(لم تعلم أن لا يصح مكان مغلق يجمعهم )
سمر/ ياترى مين البت دى ،،،مراته مثلا،،أنا مالى مهتمية بيه لية
،،،لاء دة شتمني فى حفلتى لازم أخد حقى أمممم حلو لقتها أطلع مكتبة وأبوظت الحسابات هو محاسب هوب أخويا يطرده 👿😈
فى الصالة تتابع بنظرها عبدالله الذى دخل المنزل ودخل غرفته أخذ ملابس نظيفة وفوطة ودخل الحمام، ،،
زينه/ حمامك جاهز وفية غيار نظيف،،،أوووف ثم قالت بحدة:- بلاااااش كدة بقااااااااا عابرنى
،،،،،وكمان بتقفل باب الحمام بترزعه ولا همك ،،،يانى على قلبى الطيب لية المعاملة دى دة أنا طبخت إللى بتحبه
وأنتى بتعاقبنى بسكوتك دة
فى الحمام ساند عبدالله ظهرة على الحمام ومغمض عينه لقد ألمه قلبه من كلامها ،،وكالعادة يسمع كلام عقله الذى يعصية عليها
زينه/ مش هتاكل
عبدالله بكذب / أكلت برا
زينه/ براحتك أنت حر
تعصب عليها/ بتكلمنى ليه كدة يا روح أمك أتعدلى معايا
زينه تجاهلت هذا المهم تسمع صوته/ عايزنى أكلمك أزاى
عبدالله/ لاء مش زينه تربيه إيدى ، إللى واقفة قدامى واحدة تربيه شارع طبعآ سبتى بيتك ورجعتى عايزة تكونى أزاى
زينه بحزن وبكاء / أنا تربية شارع ،،،عاااااا،زعلانه منك يا رب اموت وأريحك منى ليك حق تتحكم فيا مليش ظهر خلاص 😭
ثم جريت لغرفتها وأغلقت على نفسها بالمفتاح
تعصب وثار عبدالله وأصبح مثل الثور الهايج وطرق بابها بقوة وقال:- أفتحى الباب مفيش بينا باب مقفول ،،بتدعى على نفسك بالموت عايزه تموتينى وراكى ،،ثم طرق الباب بقوة ،،،،زينةةةةةةةةة ورحمه أبوياااااااااا لو مفتحتيش أم المخروب دة أكسره فوق دماااااااغك
زينه بصراخ/ سبنى فى حاااااااااالى بقاااااااااا
عبدالله بذل/ أنا بحبك
زينه عماها غضبها/ كداااااااااااااب أتجوزت مرتين ومراتك حامل عارف يعنى إية خلاص فهمت البيبى بيجى الدنيا أزاى لو أنا عملت كدة شعورك إيه
صرخت زينه عندما وجدت باب غرفتها المغلق بالمفتاح ساقط على الأرض وعبدالله أمامها 😡
____________
فى نفس الوقت سمر فى غرفتها تشعر بأنتصار وتذكرت ما فعلته وهو سألت على مكتب المحاسب بهاء ودخلت مكتبة وجدت أربع مكاتب بالغرفة أبتسمت حين وجدت أسمه على مكتب أختفت حين انتهاء الميعاد الرسمى لانتهاء وفى سرعه البرق فتحت أوراق مجهوله بالنسبة لها وزودت أصفار لأرقام الكبيرة بطريقة عشوائية وفتحت جهاز الكمبيوتر ومحتارة كمية الأرقام غضبها عمها و روح الأنتقام حضرت وعبثت متجهلة هذا المال مال أبيها يعنى مالها وحالها ،،،،،،،قفزت فى غرفتها بسعاده وقالت:- ورينى تتذل قدام أخويا سيف أزاى هههههههه
أنتبهت على صوت والدتها تنادى عليها لكى تتناول وجبة العشاء ،،أنطلقت بسعادة تأكل بشهية مفتوحة
رن جرس باب شقة فاروق،،،، فتح الخادم وأستقبل ضيف ،،،،،،هرول فاروق فى خطوته عند عَلمه بهويه الزائر