رواية قضية سعديه الفصل الخامس5بقلم جمانه السعيدي
سعديه...كلبي حيل متحمل على عيالي
معاملتهم وياي موحلوه ومستزغريني وخاصه بعد وفاة ابوي
قبل ابوي يدز عليه دائما وامي ازورني باستمرار
بعد وفاة ابوي حتى امي بطلت تجيني
اشوفها من اروح البيت اهلي
واخواني ابد ما يسئلون عني والا لهم شغل بيه
امي دائما تسئلني على موضوع الحمل
ومااعرف ارد عليها اكول الله كريم كلشي بوكته حلو
المشكله اني تربيت بيت اهلي على الطاعه العميه
وهذا الشي مو غلط
بس اني جنت ابالغ بلطاعه الحد ما ضاعت شخصيتي
بيتنا طاعة ولي الأمر واجب
اذا كان الاب او الاخ
طاعه بدون نقاش بعمري محد سئلني على رائي
كل الأشياء الي تخص حياتي هما يقررونها بمكاني
بيت عيالي مشيت مثل ما تربيت بيت اهلي
مطيعه بدون اي نقاش
بس الضاهر عيالي ماعدهم تقدير للشخص المحترم
المطيع
هملت نفسي المن ابدل والمن اعتني بنفسي
اصلا رحيم مايفتقدني ولا اله شغل بيه
وعيالي همهم الوحيد الشغل وبس
وجهي ماحافته من مات ابوي وبعدني لابسه الاسود
رغم مر سنتين على وفاة ابوي
احس نفسي عايشه بلكوه
حياتي مابيها هدف عايشه وبس
الحد مافديوم كاعده انظف مااسمع غير رحيم يصيح عليه
رحيم...هييي احجي وياج وين قميصي غسلتي
باوعت علي وعيوني كلهن حقد
شكد اكرها واكره صوته شلون متحملته مااعرف
كتله يمك بلكنتور
رحيم...ماكووو شنو اني اعمى ماكو بلكنتور كله
سعديه...استغفر الله
عمتي....شو عصبيه عليمن شايله الدنيا على راسج
على كيفج لا تنشنطين
شنو محملتنا منيه
خايب رحيم لا خير البيك اذا ما اطكها بمره
هي هاي مو مال احترام مو وجهه نعمه
سعديه...لهنا وبعد كافي صبرت وتحملت هواي
هو ابنج يمتى رجال حتى ازوجي
لو تردين تكسرين ركبة بنات العالم من فوك الله يستر علي ومن جوه لا يحل ولا يربط
ووينها النعمه الي تحجين عنها نص بطني جوع
من اجيت بيتكم للبيت حتى النفس محسوب
اني كلت هذا الكلام همجمو عليه رحيم وامه
ضرب بكل قوتهم
رحيم يضرب بيه ويكول اني مورجال اني رجال وغصبا ما عليج
انتي الخايسه الوصخه تعايرني اليوم موتج على ايدي
سعديه ...الضربات تجيني من كل مكان
مااعرف اصد ياا ضربه منهن
جمانه السعيدي
اجو حمويني ونسوانهم وكوه خلصوني من اديهم
دخلت الغرفتي لبست عباتي وأخذت كم قطعه من ملابسي
وذهبي وطلعت اركض بلشارع مثل المخبله
كل جسمي يوجعني
وخاصه راسي اكثر شي ضربوني على راسي
يردون يخلصون مني
وصلت البيت اهلي وانفجرت بجي
امي من شافتني انرعبت بقت تصيح شبيج شبيج
منو سوه بيج هيج
بقيت كاعده وابجي حتى مااكدر احجي
فوك الاهانه الضرب صدك ناس ما يستحون
امي...ليش ضربوج شسوتي
سعديه...بعد ماارجع لو اذبحوني خل اخوتي يموتوني خلاص ماارجع
اريد اطلك اريد اطلك شفت الضيم كله
من عرست لليوم كل يوم اكول ميخالف بلكت باجر يتغير الحال
جوع وضرب واهانه خدامه اشتغل بيتهم خدامه
امي...العيال عياله والجنه حماله
سعديه...كافي شكد بعد اتحمل مااكدر اتحمل اكثر
هذا حد طاقتي
بعد ماارجع ماارجع سمعتي لو لا
امي غير كون اكو سبب تطلكين ليش
شنكول تعاركت هي ورجلها وطلكت اكو مره ما تتعارك هي ورجلها الزلم تعيل على النسوان
سعديه...انفعلت على امي وكمت اصيح عليها بصوت عالي اله اكلج مو رجال مورجال اني بعدني بنيه
امي...شلون بنيه اني مو سئلتج وكلتي هاي هي
سعديه...ماجنت اعرف ضاميلي مصيبه
رحيم عاجز ويعرف نفسه عاجز واهله كلهم يدرون بي
وورطوني بهاي الزواجه الكشره
امي...يااا تحجين صدك هاي اتلث سنيين وانتي بعدج بنيه
سعديه...ياريت على هاي وتهون الغلط والسب والجوع
والضيم كله شفته
كتله بس صير حنيين عليه وابقى وياك
يضربني ويسب ابوي شلون تكولين هيج
اكله تعالج يكول اني مو مريض حتى اتعالج
واليوم امه تكله ازوج ليش باقي على هاي
تريده يزوج ويكسر ركبته وحده ثانيه بنات الناس
عدهم لعبه
اني بعد ماارجع اعيش هنا خدامه بهذا البيت وماارجع
على الاقل اخدم اهلي
احسن مااخدم ناس غريبه وياريت يبين بيهم
امي.. ليش ما حجيتي ليش ساكته
لو كايله من اول الزواج جان خليت ابوج طلكج منه
شني ماخذته على سواد عيونه
سعديه...بلبدايه ماجنت اعرف كلشي مامفتهمه
عبالي مريض تعبان
طلع يدري بنفسه حالته مالها علاج ورطني ويااا
امي.. اكعدي واسكتي شنهي ماعدنا اكل زايده علينا
سعديه...فرشت بغرفة امي ونمت
امي من اجو اخواني حجتلهم كلشي
راح حسين على رحيم وكاله طلك بدون مشاكل
ليش اتصير جبيره خل انحلها بلتفاهم
جمانه السعيدي
رحيم جان خايف من اخواني لان عرف اني كشفت سره كدامهم
طلكني ودزلي الغايب ولو هو جان تفاليس
بعد طلاكي بقيت تقريبا شهرين تعبانه تعبانه نفسيا
ومالي خلك الاي شي
حتى شغل بلبيت مااشتغل
احس نفسي مريضه ماعندي طاقه الاي شي
اهل رحيم طلعو اشاعه عليه ما تخلف وطلكناها
نريد انزوجه وحده ثانيه
حتى يصير عنده اطفال
امي ماكدرت تسكت من سمعت اهل رحيم يحجون عليه
كل الي يسئلها ليش سعديه اطلكت
تكول طلع مو رجال
وبتي بعدها بنيه صبرت علي بس ما يقبل يصلح حاله
سعديه...عشت اسوء ايام حياتي
طلعت من هاي التجربه خسرانه حرامات ضاع عمري ويا واحد مثل رحيم
لو ادري مجان سكتت من البدايه
ليش عفته يهيني ويقلل من كرامتي
شهرين واني حابسه نفسي بغرفة امي مااطلع الاي احد
ولا الي خلك احجي ويا احد
حتى من يجون اقاربنا ادخل بغرفة امي واطبك الباب
مااريد احد يسئلني
وارجع اعيش الحزن ويا كل كلمه تطلع مني
اريد انسى وبس مااريد اي شي ثاني
بعد طلاكي بشهرين بدت ام رحيم ادورله عروسه
حتى تثبت للناس كلامي مو صحيح
وابنها رجال وماكو منه
واني جذابه واطلع علي اشاعات
جانت خايسه نايمه ليل نهار شكد صبرنا عليها ومافاد وياها
النوب تغلط عليه وعلى رجلها طلكناها وخلصنا منها
راح ازوج ابني وحده احسن منها
شنو نمونه قحط نسوان
جمانه السعيدي
لكت عروسه الرحيم بس هلمره شروط ومهر
البنيه عمرها ٢٥ سنه
البنيه ماقبلت هما يشترونها اي شي
كالت اريد فلوس واني اشتري واشترطت عليهم يغيرون الغرفه
عمتي وافقت لان ماكو وحده قبلت برحيم بعد ماصار سالفه على كل السان
وكل الناس تدري بيهم بخلاء
عمتي سوتها شغلت عناد وقبلت بكلشي
بس حتى تحرك كلبي وتتشمت بااهلي
ازوج رحيم سووله عرس احلى من عرسنا اني ويااا
اني ماضجت ابد لان اعرف محد راح تتحمل الشي الي اني تحملته
مستحيل هاي العروسه راح تصبر عليهم مثل مااني صبرت
فعلا هنا ٣ ايام وسمعنا صوت سيارة الشرطه
تفتر بلمنطقه
من رجعو حسن وحسين
كالو اليوم علكت بيت رحيم
البنيه راجعه بيت اهلها وتكول طلع مو رجال وضحك علينا
واخوانها جايين متعاركين ويااا
وضاربين رحيم ورحيم ضارب واحد منهم
الشرطه اجت لزمت رحيم لان إخوان العروس مشتكين علي
حسين.... يكولون راح تنحل عشائريا اهل رحيم يمشون
على اهل العروس
ويفصلونهم لان ضحكو عليهم ورحيم طلع مو رجال
يعتبر غشوهم
البنيه راح تطلك وتأخذ الحاضر والغايب
واهلها ياخذون الفصل
ورحيم راح يبقى بلسجن لمن تنحل هاي المشكله
وأهل العروس يتنازلون عن الدعوى
سعديه....عبالهم سعديه شغلوها خدامه يكربون عليها
وكلما حجت يضربوها
اجتكم الي اطلع حقي وحقها منكم
ربك بلمرصاد كل مضلوم اله رب الي ينصره
ويساعده
وهيج الناس كلها اتاكدت رحيم مو رجال
بعد ماخسر هو اهله الحاضر والغايب والفصل
عاف المنطقه وراح عاش بغير محافظه
لان مايكدر يرفع عينه بعين الناس بعد كلشي صار ويااا
انطوت صفحة رحيم للابد
وانكشف هو واهله كدام الناس
الرسول محمد ص يكول من غشنا فليس منا
وأهل رحيم غشوني وضحكو عليه
الحمد لله انتهت هاي المرحله على خير وأخذت حقي منهم
بعد محتاجه اتعافى وارجع مثل قبل
ولو مستحيل ارجع سعديه القديمه
بعد كلشي صار وياي
احس نفسي كبرت الف سنه مو اتلث سنوات