رواية القاسي والبريئه الفصل السادس6بقلم ايمان ابراهيم

جاسر  كان  مستنى يوم الخميس ده بفارغ الصبر  عشان  يشوف هديه  اول مرة  هيقعد  معاها ويبقى هو وهى بس  كان بيستعد عشان يخليها  توافق  مش تفكر توافق يعنى عايز يقوم  وهو واخد  الموافقه  وكل تركيزه  على كده  وفعلا جه يوم الخميس  جاسر  مراحش  الشغل  اليوم  ده  عشان  كان  عايز  ذهنه  صافى  ومرتاح  فحب ياخد  اليوم  من  اوله   وصحى  وفطر  وقعد  يشرب قهوته  وبيفكر   يعمل ايه مع  هديه  عايز  يملك قلبها  ومش هيقوم  من المقابلة دى  الا وهو  مسيطر  عليها  تماما  نروح  بقى عند  هديه  اللى كانت  متوترة  وحالتها  حاله   طبعا  رقيه  مش هتسيبها  فى حالها  كانت  فوق  دماغها  لا  فوقها  ايه  دى  اكلت  دماغها  كلام 😄😄  يا رقيه   حرام  عليكى بقى ارحمينى هفطس منك  خلاص عرفت  هخلى بالى وابقى تقيله وانشف ريقه  شويه  ومش كل حاجه  اجاوب اجابه صريحة  كويس كده راحت رقيه قايله لهديه  الله  الحق عليا بوعيكى  عشان تتنصحى  كده  وتخلى بالك  ومتدبيش  على بوزك   راحت هديه  قالتلها  ماشي  بس مش  كده  انتى  ورمتى  دماغى كفايه  انا  متوترة  اصلا   وحاسة   انى هاجى قدامه  مش هعرف  انطق  حرف  وهنسى   الكلام   اصله  جامد  اوى   ومش عارفه  هبتدى   الكلام  معاه ازاى   ربنا  يستر  بقى  رقيه  قالتلها  انتى  متقبلاه  يا هديه   القبول  مهم   برضه   وهو  الصراحه  جذاب  رغم  انه  تنك   حبتين  والضحكة  عنده  بترجع  فى كلامها 😄   هديه  رمت المخده  عليها   وقالتلها يارخمتك  يا  شيخة   كل حاجه   تقلبيها   هزار  كده  رقيه قالتلها  وهو احنا   هنحارب   ده جواز  مقولتيش  بقى  انتى  حاسة  انك  متقبلاه  هديه  ردت  وقالت  انا  منكرش انى  مشدودة ليه   عاقل  وراسي  كده  مش زى الشباب  اليومين  دول  بس عايزة  اعرفه  اكتر   رقيه  قالتلها   طيب  كويس  يبقى   القبول  موجود    ربنا  يوفقك ي  هدهد  يارب  رقيه  قالتها  يارب   يا  رقيه وكمال  وامال  كانو  بيتكلموا  مع بعض فامال  قالت تفتكر  يا  كمال  موضوع جاسر  وهديه  ده  هيكمل   ولا   ايه  انت  ليك  نظرة  برضه  كمال قالها  لما هديه  تقعد  معاه   نبقى نشوف  عشان ده  هيبين حاجات كتيير  امال  قالت خير  يارب  

جاسر  كان  بدا  يستعد  وبيختار  اللبس  بتاعه كان لابس  بنطلون  اسود  وقميص  رمادى  وكان شكله جذاب جدا  واحمد  شافه  وقاله  ايه  خلاص رايح للجماعة  قاله اه  خلاص  معادى قرب  احمد  قاله  طيب ممكن  اتكلم  معاك  شويه قبل  ماتروح   قاله  ماشي  تعالى  اقعد يا احمد  خير  عايز  تقول  ايه   قاله  انت  بتحب  هديه  فجاسر  قاله ليه السؤال  ده  قاله يعنى  عايز  اعرف  اصرارك  على هديه  رغم  فى بنات  كتير  جاتلك  الفرصه انك  تتقدملهم   وانت   مرضتش  اشمعنى   هديه    بقى   جاسر  قاله  عشان  البنات  التانيين  هيتعبونى  قاله   ازاى  يعنى  فجاسر  قاله  يعنى  عايزين   يمشونى  على  مزاجهم  وكل   كلمة  هيبقى  ليها  مليون  رد  وانا  مش بحب  كده  انا عايز  واحده  هاديه  وتسمع  الكلام  احمد  قاله  وانت يعنى   واثق  ان  هديه  هتسمع  كلامك  فى  كل  حاجه  ماهى  ممكن  برضه  متقبلش  كل  حاجه  انت  هتقولها  وتختلف  معاك  فى  الراى  جاسر  قاله   عارف  طبعا   بس انا  متاكد  انى  انا  هعرف  اخليها  تسمع  كلامى  خصوصا  انها  هاديه   ومش زى البنات التانيين  والا  مكنتش اختارتها   وبالنسبه  بقى   للمشاعر   والحب   فده   مش  رقم  واحد  عندى   قد  ما  المهم  انها  تعرف  تريحنى  ومتتعبنيش  احمد  قاله  بس  خلى  بالك هديه  رقيقة  اوى  وانت طبعك   ناشف  اوى   وهى  ممكن   اذا  حست  بكده  ترفض   جاسر  قاله  لا   متقلقش انا  عارف  هعمل ايه  واخليها   توافق   وان شاء  الله  هتقولى  مبروك   

عند  هديه بقى  كانت  برضه  بستعد  هى  كمان  ولبست فستان لبنى رقيق   اوى منقط  ابيض  طويل شويه وحاطة مكياج رقيق  اوى لانها  وشها  زى البدر  اصلا وشعرها  لونه محمر  مع بياض وشها  وعيونها العسلى كانت جميلة  اوى  اوى   ورقيه  لما  شافتها  قالتلها  ايه  الجمال  ده  يا  هدهد   ده  كده  العريس  هيكتب  الكتاب  علطول   هديه  وشها  احمر  واتكسفت  من  كلام  رقيه  ☺️☺️  وقالتلها   بس  بقى  احسن  انا  اعصابى  بايظه   خالص  وحاسة  رجليا  مش  شايلانى   رقيه  قالتلها  ايه  ده  كل  ده من  مقابله   اومال  فى  ليلة  دخلتك  هتعمل  اايه يا  خايبه  مش طالعالى خالص 😄😄  راحت  هديه قالتلها  تصدقى بالله   انتى   الواحد  ميتكلمش معاكى  خالص  رقيه ردت  خلاص خلاص سكت اهو 😷   اهدى  بقى  شويه  عشان  العريس  زمانه على  وصول  انا  هروح  اشوف  كده  ولما  يجى هقلك   هديه قالتلها  احسن  برضه  عشان  ارتاح منك   شويه  انتى  جننتينى من الصبح    راحت رقيه  قالتلها  والله  بكرة  تقولى  ولا  يوم  من  ايامك  ياروكا   🤌  انا ماشية    ورقيه  راحت  عشان تساعد  مامتاها  وجاسر  وصل فى ميعاده  وكمال  فتحله  وقاله  اهلا  يابنى   فى ميعادك  مظبوط   اتفضل  جاسر  سلم  ودخل  قعدوا  فى الصالون   وجت  امال  وسلمت  عليه  ورقيه  وشريف  وقعدوا  وشويه كده  وهديه  جت  جاسر  شافها  من  هنا  وجواه  بقى  قلبه  هيخرج  منه  لان  هديه  قمر وكانت  زى الملايكه  وعينه  منزلتش  من  عليها   وفضل باصص  عليها  لحد  ما جت  وسلمت عليه  وهى طبعا   شايفه  نظرته  ليها   وسلمت وبصت  فى الارض  ثوانى  كده  من كسوفها  وقعدت جمب  باباها    وبدا  كمال  الكلام  وقال  لجاسر   شرفتنا  ونورتنا   جاسر  قاله  الشرف  ليا انا  يا  عمى كمال  قال  هديه  وافقت  انها  تقعد  معاك  وتتكلموا  مع  بعض   عشان كل  واحد  يعرف التانى  اكتر   ولما  تاخدوا  قرار  تاخدوه  باقتناع  لان ده  جواز  وحياة  كاملة  ولازم  نفكر  كويس     عشان  الحياة  تبتدى  صح  وكل  واحد  يعرف  حقوقه  وواجباته  والمسؤليات  االلى عليه وربنا  يوفقكوا للى فيه الخير  يارب   انا  هكون  فى مكتبى  وهقعد  معاك يا جاسر ان شاء  الله  استاذن انا بقى  وقاموا  وسابوا  جاسر  وهديه  مع بعض .  

هديه قاعدة ساكته  خالص  خالص   حاسة  انها  نسيت  الكلام   ومش عارفه  تبدا   تقول  ايه  وبتفرك  فى ايدها  من  التوتر  جاسر  طبعا  اخد  باله   وابتسم  بخبث  كده   وراح  قايلها  ازيك  يا  هديه  بصوت  هادى خالص  داخل  حنين  اهو   ردت  هديه  الحمد  لله  كويسه  انت  عامل ايه  وشغلك  اخباره  ايه  قالها  تمام  بس  تعرفى  انى مرحتش  النهاردة  !!  قالتله  ليه  رد  عليها  بكل  ثبات  هدوء  وهو  مركز  فى عينيها   عشانك انتى هديه ردت قالتله عشانى انا ☺️☺️  ووشها  احمر  واتكسفت اوى  وقالتله  ليه  قالها  بنعومه  عشان  كان بالى مشغول  بيكى  ومكنتش  هركز   فى اى  حاجه  غير انى  جايلك  اوبا اوبا  جاسر  داخل جامد  يا جماعة  مش هيقوم  الا   وهديه  موافقه  وباصمة  بالعشرة  هديه  قالتله  للدرجة  دى   المقابلة  كانت شغلاك   قالها  يعنى  انتى  مكنتش  شغلاكى  زيى   راحت باصه فى الارض بكسوف كده  وقالت  الصراحة  كانت شغلانى  برضه 

وسالها  عايزة تعرفى ايه  وانا  هجاوبك على اى حاجه  انتى عايزاها  قالته  قلى  انت حياتك  قبل  ما تعرفنى  كانت  ازاى  وايه  اللى تحبه  فى شريكة حياتك   قالها  بصي  يا هديه انا  حياتى  كانت متقسمه بين ٣  حاجات  اخواتى والارض وشغلى  قالته  بس   قالها  يعنى ايه  بس  قالتله مكنش ليك اصحاب  او  بتخرج  قالها  قليل اوى  لانى  بحب البيت  اكتر   والهدوء  قالتله  مكنش فى حد  فى حياتك  قالها  كان فى محاولات  وانا  كنت برفض  قالتله ليه  قالها لانى مكنش بيعجبنى  تفكيرهم   تافهين  مش زيك كده  انتى حاجه  تانيه  انتى شدتينى  يا هديه برقتك وهدؤك  قلت دى الانسانه اللى هتريحنى  قالتله  بمعنى ايه هريحك مش يمكن اختلف معاك  فى الراى  مثلا  وساعتها  تقول انك  اتسرعت  قالها  لا مظنش لان  من  طريقتك  وكلامك  بتقول انك  متفاهمة  وبتفكرى  فى الكلام  قبل  ما تقوليه  طبعا  هديه  كانت  مبسوطه اوى بكلامه لانه  بيمدح  فيها   وبيحسسها  بقيمتها وثقتها  فى نفسها   بيلعب  على الوتر الحساس  قالتله  طيب افرض انا مقتنعة بحاجه  وانت  لا  هتعمل  ايه  هتفرض رايك  عليا  قالها  مش حكاية فرض راي  الحكاية  انى الصح هو اللى هيتعمل  او اللى  فى المصلحة  صح  ولا كلامى غلط قالتله لا  مش غلط  قالتله طيب افرض ان انا شايفه ان الصالح ده  هيضرنى  هتعمل ايه برضه قالها  الموقف هنا هو اللى هيحدد  اذا كان  هيضر  ولا لا  واظن صعب اوى افرض حاجه لسه محصلتش والا انا كمان  هقلك نفس الحاجه  انك   ممكن  تاخدى  قرار  يضرنى وهتعملى ايه ساعتها اذا  انا  مثلا  رفضت كلامك  فبلاش من دلوقتى نفترض حاجه  محصلتش خلى المواقف تبين احسن  قالته صح  طيب انت عارف انى بحب شغل الارض  صح قالها طبعا   عارف قالتله  يعنى هتسبنى افضل اتابعها  حتى اذا  ربنا  ارد  واتجوزنا   سكت شويه كده وبصلها  وركز  فى عنيها  وقالها بس انا عايزك تبقى هانم فى بيتى وترتاحى من الارض وتعبها  وتبقى قدام عينى علطول  ايوة ايوة  اسحبها  اسحبها كام  خلاص دابت البت  راحت هديه  ردت بهدوء وقالتله  ماهو انا  برضه مش كل يوم يعنى هنزل بس هبقى بتابع يعنى من وقت للتانى ماشى  قالها  اذا المتابعة دى  مش  هتاخدك  منى  معنديش  مانع   خلاص يا جماعة  هنقول  مبروك  اهو   هديه  قالتله  خلاص  اتفقنا   جاسر قالها  يعنى اعتبر   انك  موافقه تكملى حياتك  معايا   هديه سكتت وبصت فى الارض كده وهزت راسها بالراحة  انها  موافقه   وراحت  قايمة وقالتله انا هنادى  بابا  بقى  قالها  ياريت   عشان  اتفق  معاه  على كل  حاجه وقامت ونادت  على باباها  ولما دخلت  الاوض   كمال  شافها  داخلة  وهى   عينيها  بتضحك  ففهم  خلاص  انها  موافقه  وقالها ها  يا  حبيبتى   ايه الاخبار  عرفتى اللى انتى عايزاه  قالتله  اه  الحمد لله  باباها قالها يعنى  اطلع  اقوله  اننا  موافقين  اتكسفت وبصت فى الارض وقالتله اللى تشوفه  قالها انا شفت فعلا خلاص  عنيكى بتقول كل حاجه  خلاص اطلعى انتى بقى وخلينى اقعد معاه  وفعلا راحت سلمت على جاسر وقالتله طيب انا هسيبك انت وبابا تاخدوا راحتكوا  وهو بيسلم عليها   راح حاضن كف ايدها  بايده الاتنين وقالها  مبروك يا هديتى هديه  دابت  وراحت خللاص 😊😊😉  قالتلة الله يبارك فيك وسحبت ايدها بسرعه ومشيت  وجاسر اخد نفسه  جامد  بعد ما خلاص اطمن ان هديه هبقى ليه هو