رواية ما في شي يبعدنا الفصل السادس6بقلم بسمه ابو العلا

_ منورين والله يا جماعة 

عمران بابتسامة:

_ بنورك يا أبو رزق

تميم :

_ بعد إذنك يا بابا طبعاً أنا 

و قبل ما يكمل لاقه اللي خارجه و شايلها صنية تميم اتصدم من جمالها و احتشامها 

روضة:

_ السلام عليكم ورحمه الله وبركاته 

الكل:

_ وعليكم السلام ورحمه الله وبركاته 

روضة سَلمت على أهله 

أسامة :

_ تعالي يا حبيبتي 

قعدت روضة جمب عمها و عمها طبطب عليها 

هدى:

_ بسم الله ماشاء الله ربنا يحميها 

فاطمة:

_ الله يخليكِ 

تميم:

_ أنا و أهلي جايين انهاردة عشان نطلب أيد بنت حضرتك و نقرأ الفاتحة 

يعقوب بابتسامة:

_ مستعجل ليه كده مش لما تقعدوا مع بعض و تشوفوا متفقين ولا لأ حمزة خد تميم و روضة برا في الصاله يقعدوا ويتكلموا 

حمزة:

_ حاضر يا عمي 

" خرجوا هما الثلاثه و حمزة قعد معاهم بس بعيد شويه عشان يعرفوا يتكلموا" 

تميم:

_ عامله ايه 

روضة:

_ الحمد لله في زحام من النعم 

تميم:

_ يدوم الحمد 

" فضلوا شوية ساكتين بعد كده تميم بدأ يتكلم"

تميم :

_ عندي 28 سنة و بشتغل مع رزق و الحمدلله علاقتي مع ربنا كويسه 

روضة:

_ تمام 

تميم:

_ و إنتِ 

روضة:

_ عندي 22 سنة و آخر سنة في كلية آداب و الحمدلله علاقتي مع ربنا كويسه في حاجة مهم عايزه اتكلم فيها 

تميم:

_ قولي 

روضة:

_ إن شاء الله بعد التخرج أنا هشتغل و هعمل ماجستير 

تميم:

_ تمام اعملي ماجستير بس عايزه تشتغلي ليه بقى 

روضة:

_ اكيد مش هكون بتعلم كل السنين دي و في الآخر اخد الشهادة و أحطها في الدرج 

تميم:

_ خلاص ماشي ماعنديش مانع 

روضة:

_ تمام 

"في الصالون"

فاطمة:

_ إنتِ معاكي تميم و نازلي بس 

هدى:

_ لأ في يونس آخر العنقود بس هو ماجش معانا عشان بيذاكر في ثانوية عامة السنادي بقى 

فاطمة:

_ ربنا معاه يارب 

هدى بابتسامة:

_ يارب 

عمران:

_ أيوا والله السوق وقف اليومين دول أصلا 

محمد:

_ أنت أسمك عمران أمير صح 

عمران باستغراب:

_ أيوا ليه 

محمد:

_ و كنت ساكن في مصر القديمة 

عمران:

_ أنت عرفت منين 

محمد:

_ أنت مش فاكرنا ولا أية احنا كنا جيران زمان 

عمران:

_ انتوا ولاد طنط رجاء 

أسامة:

_ أيوا ده ماما و طنط عايدة كانوا زي الأخوات

" دخل تميم و حمزة و روضة و قعدوا"

عمران:

_ ياااه على الزمان كانت أيام جميله والله 

يعقوب:

_ فعلاً 

أسامة:

_ ربنا يرحم طنط عايدة و ماما 

الكل:

_ يارب 

يعقوب:

_ إيه يا حمزة 

حمزة :

_ اتفقوا 

ـــــــــــــــــــــــــــــــــــــــــــــــــــــــــ

لا اله إلا الله 

|في بيت نغم|

نغم رايحة جاية هتموت و تعرف حصل ايه و بتتصل بــ نازلي و مش بترد عليها خرجت لقت مامتها قاعده بتقرأ قرآن 

نغم:

_ ماما متعرفيش خالتوا عملت ايه 

مامتها (علا):

_ لأ 

نغم:

_ طب ما تتصلي بيها 

علا:

_ لأ 

نغم:

_ ليه 

علا:

_ و إنتِ شغله بالك بموضوع ليه 

نغم بتوتر:

_ عادي يعني فضول مش أكتر أنا داخله اذاكر 

نغم دخلت أوضتها بسرعة و علا عارفه إن نغم بتحب تميم 

علا:

_ ربنا يهديكي و يصلح لك حالك يا بنتي 

ـــــــــــــــــــــــــــــــــــــــــــــــــــــــــ 

سبحان الله و الله اكبر و الحمدلله  ولا اله الا الله 

" عند البنات" 

رباب:

_ تفتكروا حصل ايه 

رانيا:

_ أكيد اتفقوا 

رويدا:

_ مش عارفه بس أكيد مش بسرعة دي استنوا أنا هتصل بــ رزق يجي 

رباب:

_ يلا بسرعة 

رويدا:

_ حاضر اهو 

اتصلوا برزق و رزق جه 

رانيا:

_ عملتوا إيه 

رزق:

_ قعدوا و أتفقوا 

رباب:

_ قرأتو الفاتحة 

رزق:

_ لأ لسه بيتفقوا 

رويدا:

_ ما أنت من شويه قولت أتفقوا 

رزق:

_ أنا قصدي على تميم و روضة إن هما قعدوا و اتكلموا و أتفقوا 

رباب:

_ استنى بس رايح فين 

رزق:

_ هروح لهم 

"في الصالون" 

عمران:

_ بما أننا أتفقنا نقرأ الفاتحة انهاردة و إحنا طلعنا معرفة قديمة يعني و بعدين خير البر عاجله

يعقوب بص لــ روضة يشوفها موافقة على الكلام ده بصتله بمعنى عادي:

_ على بركة الله 

قرأوا الفاتحة تميم كان مبسوط أوي و كلهم ماعدا نازلي اللي كانت مخنوقه من اللي بيحصل و من نغم اللي كل شوية تتصل بيها 

محمد:

_ ألف مبروووك يا حبايبي 

تميم:

_ الله يبارك في حضرتك 

روضة:

_ الله يبارك فيك يا عمي 

ــــــــــــــــــــــــــــــــــــــــــــــــــــــــــ 

لا اله إلا الله وحده لا شريك له له الملك وله الحمد وهو على كل شيء قدير 

|تاني يوم بليل في بيت عمران|

تميم:

_ بتعملي إيه يا حبيبتي 

هدى:

_ كنت بكلم خالتك و لسه قفلها معاها أهو هننزل امتى نجيب الشبكة 

تميم:

_ هكلم رزق بكره كده 

هدى:

_ ماشي 

تميم:

_ ماما ممكن نقعد و نتكلم بهدوء 

هدى:

_ في أيه 

تميم:

_ تعالى يا يونس 

هدى:

_ مافيش كلام في الموضوع ده بقلمي بســــمه أبو العلا 

تميم:

_ يا حبيبتي هو غلط و عرف بغلطه و مش هيعمل كده تاني و حرام تضيعي مستقبله 

هدى:

_ لأ الكلام في الموضوع ده منتهي 

يونس:

_ أنا آسف يا ماما و والله مش هعمل كده تاني 

تميم:

_ عشان خاطري 

هدى:

_ سبني أفكر 

تميم :

_ هاااه يا هدهد 

هدى:

_ هو أنا لحقت 

تميم:

_ ماشي 

هدى:

_ موافقة بس دروسك كلها هتبقى اونلاين و مافيش خروج غير معايا و لو عرفت إنك عملت كده تاني هقول لأبوك و أبوك يتصرف بقى 

يونس:

_ ماشي 

يونس و تميم قاموا باسو راسها و حضنوها و قالوا :

_ ربنا يخليكي لينا يا ماما 

ماما:

_ و يخليكوا ليا يا حبايبي 

ـــــــــــــــــــــــــــــــــــــــــــــــــــــــــ 

لا حول ولاقوة إلا بالله 

|بعد مرور أربع أيام في كافية|

نغم و نازلي قاعدين 

نغم:

_ إنتِ بقالك أسبوع بتتهربي مني ليه 

نازلي :

_ و هتهرب منك ليه يعني 

نغم:

_ عملتوا إيه هناك 

نازلي:

_ عادي أتفقوا و قرأوا الفاتحة 

نغم:

_ والله ما تتكلمي عدل 

نازلي:

_ ما أنا بتكلم أهو 

نغم:

_ يعني شكلها أية و أهلها مين 

نازلي:

_ شكلها عادي و محترمه جدا و أهلها كويس تميم صاحب أخوها و أبوها و عمامها طلعوا عارفين بابا من زمان بقلمي بســــمه أبو العلا 

نغم:

_ عارفين باباكي إزاي 

نازلي:

_ كانوا جيران 

نغم:

_ اممم هما هيعملوا خطوبة امتى 

نازلي:

_ ممكن كمان اسبوعين كده 

نغم:

_ تمام يبقى خططنا هتبدأ يوم الخطوبة 

نازلي:

_ هتعملي اية 

نغم:

_ كُل خير 

ــــــــــــــــــــــــــــــــــــــــــــــــــــــــ

اللهم صلِ و سلم وبارك على سيدنا محمد 

بقلمي بســــمه أبو العلا 

|بليل في بيت عائلة الحسيني|في السطح|

البنات كانوا قاعدين بيرغو كالعادة

رويدا:

_ والله إنتِ حره 

روضة:

_  باردة 

أوليفيا:

_ رباب ممكن أسألك سؤال 

رباب:

_ قولي يا قلبي 

أوليفيا:

_ هي مامتك مسافره ولا فين 

روضة و رويدا بصوا لبعض بقلق 

رباب:

_ ماتت ربنا يرحمها 

أوليفيا:

_ أنا آسفة إني سألتك 

رباب بعياط:

_ لأ عادي تعرفي هي وحشتني اوي عمرها ما غابت عن بالي مالحقتش اشبع منها أنا فاكره يوم موتها مع إني كنت صغيره أوي ساعتها كنت بلعب مع رويدا و روضة و رانيا في شقتنا و مره واحده سمعنا صوت برا خرجنا لاقينها وقعها على الأرض و إزاز النيش فوقيها صوتنا طنط هند و فاطمة جم و اتصلوا على بابا و الإسعاف و الإسعاف جت و خدوها على المستشفى و مرضوش ياخدونا أنا قعدت اعيط رانيا اكبر واحده فينا خدتنا في حضنها لأننا كنا احنا التلاته بنعيط لحد ما سليم و أحمد و حمزة و رزق جم من عند عمتي هما ماكنوش يعرفوا حاجة و عمتي هنا جت بليل  خدتني أنا و سليم في حضنها و قعدت تعيط و لما سألتها عن ماما قالت لي هي كويسة بس تعبانة الصبح كلهم جم ماعدا ماما و لما سألت بابا عن ماما ماردش عمي محمد رد عليا و قالي عند ربنا ماكنتش فاهمه يعني اية عند ربنا لحد ما كبرت و عرفت يعني اي عند ربنا كنت بكره يوم عيد الأم كل البنات و الولاد رايحين مع بابهم يشتروا هدية و أنا و سليم في اليوم ده كنا بنعيط بس و في العيد كل البنات و الولاد بيخرجوا مع امهم و أبوهم و أنا و سليم كنا بنخرج مع بابا و بنرجع نعيط بابا ربنا يخليه كان بيعملنا كل حاجة و عمتي هنا بتيجي لما جوزها بيبقى مسافر تعملنا حاجات و بتعتبرنا عيالها عشان هي مش بتخلف و لما جوزها مات قعدت معانا علطول ربنا يخليها كان نفسي أشوفها قبل ما تروح عند ربنا و نفسي تفضل معايا في مراحل حياتي أنا اللي مصبرني إنها في مكان أحسن ربنا يرحمها ويغفر لها 

البنات كانوا بيعيطوا قاموا و حضنو رباب و بيطبطوا عليها 

                   الفصل السابع من هنا