رواية ما في شي يبعدنا الفصل الثامن8بقلم بسمه ابو العلا

_ سيبها على راحتها يا رزق 

رزق:

_ سبتها 

اتخضوا لما لقه الباب بيخبط جامد 

فاطمة:

_ بسم الله الرحمن الرحيم قوم أفتح الباب يا رزق استر يارب بقلمي بســــمه أبو العلا 

رزق فتح الباب لقه رباب بتعيط و بتترعش 

رزق:

_ في اي 

رباب بعياط:

_ ب بابا وقع و مش بيفوق 

كلهم جريو على الشقه لقوا أسامه وقع على الأرض و هنا بتحاول تفوقه 

رزق:

_ فين سليم 

رباب:

_برا بيجيب حاجات 

رزق اتصل على أحمد عشان ينزل له بالفعل نزلوا كلهم ورزق واحمد وحمزة شالوا أسامه وخدوه على المستشفى و يعقوب اتصل على سليم يروح لهم و خد محمد و هنا و فاطمة و رباب اللي صممت تروح معاهم المستشفى و هند ما راحتش معاهم عشان ما ينفعش تسيب  البنات لوحدهم في وقت متاخر زي ده 

"في المستشفى"

أسامة في الاوضه و كلهم قاعدين قلقانين الدكتور خرج بعد شوية كلهم راحوا له 

محمد:

_ أسامه ماله يا دكتور 

الدكتور:

_ ما تقلقوش دي غيبوبة سكر السكر بتاعه كان واطي جداً و الحمدلله بقى كويس دلوقتي 

أحمد:

_ سكر إزاي 

الدكتور:

_ انتوا ماتعرفوش إنه مريض سكر 

يعقوب :

_ لأ 

الدكتور:

_ بس المريض عارف أنه عنده سكر لأنه كان في علاج بياخده المهم دلوقتي تخلوه ياخد العلاج في ميعاده وياكل كويس احنا المره دي لحقناه ما نعرفش المره الجايه هيحصل ايه و ألف سلامة عليه 

رباب بعياط:

_ أنا عايزة أشوفه 

الدكتور:

_ هو نايم دلوقتي و مش هيفوق غير بكره الصبح 

حمزة:

_ تمام شكراً يا دكتور 

الدكتور:

_ العفو 

محمد:

_ الحمدلله انها جت على قد كده 

الكل:

_ الحمدلله 

سليم:

_ بابا ماله و فين 

أحمد:

_ أهدى هو كويس 

رباب:

_ بابا مش كويس يا سليم بابا عنده مرض السكر 

سليم:

_ فعلاً طب أنا عايز أشوفه 

فاطمة:

_ يا حبيبي الدكتور طمنا وقال لنا أنه بقى كويس و مش هيفوق غير بكره الصبح 

حمزة:

_ طنط فاطمة و عمتي و رباب لازم يروحوا 

رباب:

_ مش همشي و اسيب بابا 

رزق:

_ قعدتكم دي مش هتفيد بحاجة 

رباب:

_ مستحيل اروح و اسيب بابا 

يعقوب:

_ يا حبيبتي لازم تروحي ترتاحي و بكره الصبح تعالي 

رباب:

_ انا راحتي جمب بابا يا عمي 

حمزة:

_ طب خلاص بابا خد عمي و طنط فاطمة و عمتي و روحوا 

يعقوب و محمد:

_ لأ إحنا مش هنسيب أخونا 

حمزة مسح على وشه:

_ استغفرالله العظيم هو احنا اللي هنعيده هنزيده روحوا قعدتكم دي ملهاش لازمه و بعدين ما  أنا و رزق و أحمد و سليم قاعدين أهو و إحنا بكره أول اما يفوق هنجيبه ونيجي 

يعقوب:

_ ماشي 

هنا:

_ خلو بالكم من بعض 

فاطمة:

_ و من رباب بالذات 

رزق:

_ حاضر 

"في البيت"

رويدا:

_ المفروض كنا نبقى جمب رباب دلوقتي 

روضة:

_ فعلاً 

أوليفيا:

_ بابا قالك إيه يا ماما 

هند:

_ الشباب و رباب هناك و هما جايين دلوقتي 

روضة:

_ طب رباب ما جتش ليه 

هند:

_ ما رضيتش تيجي عنيدة أوي 

رويدا:

_ فعلاً الحمدلله إن عمي بقى كويس 

الكل:

_ الحمدلله 

ــــــــــــــــــــــــــــــــــــــــــــــــــــــــ

لا اله إلا الله وحده لا شريك له له الملك وله الحمد وهو على كل شيء قدير 

بقلمي بســــمه أبو العلا 

|الصبح في المستشفى| 

رباب:

_ بابا كان عارف أنه عنده السكر يا سليم و مرضيش يقول لنا عشان ما نقلقش 

سليم:

_ بيحس كل يوم بالألم و ماكنش بيحسسنا أنه عنده حاجة 

رباب:

_ أنا خايفة يروح مننا زي ماما 

سليم :

_ متخافيش ربنا يخليه لينا 

رباب:

_ يارب بابا بيفوق يا سليم 

رباب و سليم قاموا و راحوا لعنده

سليم:

_ بابا أنا هروح أنادي الدكتور يا رباب 

رباب:

_ ماشي بابا أنت كويس 

أسامة:

_ اه يا حبيبتي فين سليم 

رباب:

_ بينادي الدكتور يعني يا بابا أنت كنت عارف أن عندك سكر و ما قلتلناش ليه 

أسامة:

_ ما كنتش عايز اقلقكم 

أحمد:

_ ألف سلامة عليك يا عمي 

أسامة:

_ الله يسلمك يا حبيبي 

الدكتور دخل و كشف عليه 

الدكتور :

_ أحسن انهارده بعد كده ابقى كل كويس و خد العلاج في ميعاده عشان ما يحصلش غيبوبة تاني 

أسامة:

_ حاضر يا دكتور 

سليم:

_ هو هيخرج أمتى يا دكتور 

الدكتور:

_ دلوقتي هكتب له على خروج و يقدر يخرج معاكم إن شاء الله و ألف سلامة عليك 

أسامة:

_ الله يسلمك يا دكتور 

ــــــــــــــــــــــــــــــــــــــــــــــــــــــــــ 

سبحان الله وبحمده سبحان الله العظيم 

|تاني يوم بليل في بيت عمران| 

"في اوضة يونس"

تميم:

_ عامل ايه في المذاكرة 

يونس كان قاعد بيذاكر:

_ أهو الحمدلله 

تميم:

_ لو وقفت معاك حاجة قولي 

يونس:

_ حاضر أنت رايح فين كده 

تميم:

_ رايح لــ سليم عشان أبوه تعبان شويه و بعد كده هروح اقعد مع فريد على القهوة شويه 

يونس :

_ سليم إبن عم روضة صح 

تميم:

_ اه 

يونس:

_ طب خدني معاك عشان خاطري 

تميم:

_ مش هينفع و بعدين أنت عندك مذاكره 

يونس:

_ يوه 

تميم:

_ آدم كلمك تاني 

يونس:

_ عملت له بلوك 

تميم:

_ كويس يلا سلام 

يونس:

_ سلام 

ــــــــــــــــــــــــــــــــــــــــــــــــــــــــ 

لا حول ولاقوة إلا بالله العلي العظيم 

|بعد مرور 6 أيام في بيت عائلة الحسيني|في شقة يعقوب|  

فاطمة:

_ فين أمك يا رويدا 

رويدا:

_ بتجبلك الحاجة اللي طلبتيها بقلمي بســــمه أبو العلا 

سيف:

_ خالتوا هاتي تليفونك ألعب بيه 

روضة:

_ ماشي بس نص ساعة و هاخده 

سيف:

_ ماشي 

رانيا:

_ البنت اللي هتجيلك تعملك الديكور هتيجي بكره امتى 

روضة:

_ الساعة 1 

رباب:

_ متأخر أوي خليها تجيلك بدري 

روضة:

_ قولتلها قالتلي متخافيش أنا هخلص في ساعة 

رويدا:

_ و بتاعت الميكب 

روضة:

_ مش هحط ميكب اصلا 

هنا:

_ ليه 

روضة:

_ عشان حرام 

رانيا:

_ يا حبيبتي دي خطوبتك 

روضة:

_ مش هشيل ذنوب على ساعتين 

رويدا:

_ طب حطي حاجه خفيفه 

روضة:

_ ولا خفيفه ولا تقيله 

رباب:

_ طب حطي ليب جلوس 

روضة:

_ قولت لأ و بعد اذنكم سيبوني على راحتي 

فاطمة:

_ يا ختي إنتِ حره 

ـــــــــــــــــــــــــــــــــــــــــــــــــــــــــ 

سبحان الله و الله اكبر و الحمدلله و لا اله إلا الله 

|تاني يوم بليل في بيت عائلة الحسيني|في شقة يعقوب | 

تميم قاعد جمب روضة و الناس بتسلم عليهم 

فريد:

_ في أنهي شقة بقى 

شهد:

_ اكيد في الشقة المفتوحة بلاش غباء 

فريد:

_ أنا غبي يا شهد 

شهد:

_ لأ أنا يلا بقى 

فريد:

_ ماشي يا شهد 

فريد بابتسامة:

_ ألف مبروووك يا تيمو 

تميم:

_ الله يبارك فيك يا حبيبي 

روضة :

_ إيه ده شهد 

شهد حضنتها:

_ رودي وحشتيني اوي 

روضة:

_ إنتِ أكتر خطيبك ده 

شهد:

_ اه خطيبك طلع صاحب خطيبي أهو 

روضة:

_ ابقى هاتي رقمك عشان ضاع من عندي 

شهد:

_ حاضر ألف مبروووك يا قلبي 

روضة:

_ الله يبارك فيكي 

نغم :

_ ألف مبروك يا تيتو 

روضة بصت له من فوق لتحت لما قالت كده بقلمي بســــمه أبو العلا 

تميم:

_ الله يبارك فيكي يا نغم عقبالك 

نغم:

_ إن شاء الله خطيبتك إسمها ايه 

تميم:

_ روضة 

نغم:

_ ألف مبروك يا رورو 

روضة:

_ الله يبارك فيكي عقبالك كده 

نغم داست على رجليها :

_ أنا آسفة غصب عني 

روضة:

_ تمام 

نغم:

_ معلش صدقيني غصب عني 

روضة:

_ قولت تمام خلاص 

نغم:

_ تمام 

نغم مشيت و هي مبسوطه تميم:

_ بتوجعك 

روضة:

_ شوية 

تميم:

_ معلش 

روضة هزت راسها بمعنى تمام 

"بعد شوية جه وقت قبل تلبيس الشبكة"

روضة:

_ ملحوظه بس 

تميم:

_ إيه 

روضة:

_ أنت مش هتمسك أيدي  و تلبسني الدبله 

                  الفصل التاسع من هنا