رواية ام العيون السود الفصل السابع 7 والاخير بقلم محمد منصور

                    

بسم الله توكلت علي الله. وهو رب العرش العظيم

                        ‏                     ‏

فريدة بعصبيه وهي تقف وتبص لي ادم وتقول بمنتهي الحزم 

ادم انت لو سافرت للبت دي لا انت ابني ولا انا امك

فيبص لها ادم ويتصدم من اللي سمعه وبعد ما كان رايح  ناحية اوضة رجع لها ونزل علي رجليها وباسها وقال لها

وانا ماقدرش اعيش لحظة واحدة وانتي غضبانه عليا

فتمد فريدة يدها لي ادم وتساعدة علي النهوض ويقف امامها وتمد يدها وتمسح دموع عيونه فيقول لها ادم

بس انا بحبها والحب مش بايدي غصب عني بشتاق لها قلبي مش ملكي. دة ملكها 

فريدة

يا ابني الحب اللي يكون تمنه حياتك بلاش منه

ادم

باذن الله هاروح وارجع من هناك وانا بخير وهي معايا. عشان خاطري بلاش تصعبيها عليه. 

فريدة

ادم حكم عقلك.  ازاي هاتروح تجيب واحدة من بلدها  وعايشه وسط اهلها. وكمان جوزها عايز يقتلك.  

أدم

مش مهم كل دة المهم عندي اني اكون جنبيها في اكتر وقت هي محتاجاني في

فريدة

ادم. حرام عليك ما توجعش قلبي

أدم

بالله عليكي ماتوجعي انتي قلبي.   انا ما صدقت لقيت الحب ليه عايزا تحرمي قلبي من فرحته

فريدة

ولازم فرحتك تكون بالدم 

ادم

وليه الفرحه تكون بالدم.  انا واثق في ربنا وعلي يقين انة زي ما جمعني بيها بالصدفه مش هايحرمني منها

فريدة

وافرض انك سافرت وقبل ما توصل هي ماتت.

ادم

يبقي قدام نفسي مش هاندم ويبقي عملت عشانها اللي تستاهله مني واللي انا قدرت اعمله 

هاله

ماما.  سيبي ادم يحارب عشان اللي بيحبها

فريدة

يا بنتي انا خايفه عليه ليحصل له حاجه. 

أدم

ولو ماسافرتش ليها برضو هايحصلي حاجه. قلبي مش هايستحمل البعد اكتر من كدة. وممكن يقف من الحزن علي بعاد حلا

فريدة

بعد الشر عليك يا قلب امك

ادم وهو يبوس ايد فريدة

بلاش تحرميني من حلا 

فتنظر له فريدة ثم تنظر لي هاله وهاله تنظر لها وتترجاها ان توافق فتفكر فريدة لي لحظات. وتتغلب عاطفه الام وان فعلا فريدة حست انها لو وقفت في وش ادم وحبه ممكن يحصل حاجه ليه.  فقالت 

انا عمري ما هاكون السبب في حرمانك من فرحتك. وانت من زمان راجل ويعتمد عليه. هاسيبك تسافر  بس توعدني أنك تخلي بالك من نفسك وتروح وترجع لي  بالسلامه يا ادم 

ادم فرحا وهو ياخذ امه بالحضن 

ربنا يخليكي ليا. يا احلي ام في الدنيا

وينظر ادم لهاله ويقول لها فرحا 

هاله. فين جواز السفر بتاعي

هاله

شايلا  معايا

ادم

طيب هاتي بسرعه.  عقبال ما البس عشان انزل واحجز تذكرة طيران للاردن 

فريدة

وانت معاك فلوس. تسافر بيها 

ادم

هابيع الموتوسيكل

فريدة باستغراب

الموتوسيكل.  يا أدم  دة غالي عليك 

ادم وقبل ما يدخل حجرته يقف عند الباب وينظر لفريدة ويقول 

مش اغلي منها

ويدخل ادم حجرته. وفي هذة اللحظة يرن جرس الباب بطريقه مستفزة وشخص يطرق الباب بطريقه كلها قله ذوق  فتتجه فريدة ناحيه الباب وهي تقول

مين اللي بيخبط علي الباب  بقله ذوق كدة

وتفتح فريدة الباب فتجد سناء امامها فتقول فريدة.

اتجننتي يا سناء.  ازاي تخبطي كدة علي الباب

سناء بحدة وهي تدخل الي الشقه

هو انتي لسه شوفتي جنان. الجنان جاي وعلي اصوله

فريدة بعصبيه

انتي بتتكلمي معايا ازاي كدة.

سناء بصوت عالي

اومال عايزاني اتكلم ازاي.  بعد اللي سمعته

فريدة

سمعتي ايه

سناء بصوت عالي 

سمعت ابنك النحنوح اللي دايب في غرام اللي اسمها حلا.  واللي عايز يسافر لها مخصوص. وبدل ما تعقليه يا كبيرة. بتساعديه علي كدة

فيخرج ادم من حجرته مسرعا علي صوت سناء ويقول لها

أنتي ازاي تعلي صوتك علي امي

سناء وهي تتجه ناحيته وتقف أمامه بالظبط وتنظر في عيونه.  وتقول

راجل انت اوي وهاتعرفني ازاي اتكلم مع امك

أدم

اة راجل.

ويضربها ادم بالقلم ويمسكها من شعرها وهي بتصرخ وتقول

لا. دكر وبتعرف تضرب وتمد ايدك علي مراتك  انما لغايه النسوان الشمال اللي تعرفهم من برة بتبقي نحنوح وحنيين. دة انت يا دكر سايب مراتك وبيتك بقالك كتير ومافكرتش انا باكل منين وعايشه ازاي. 

ادم وهو يمسكها من شعرها بكل عنف وهاله وفريدة يحاولو ابعادة عنها

مش عايز اعرف.  انا قرفت منك ومن عيشتك. انت ايه عايزا تكرهيني في الدنيا ليه. مين مسلطك عليه عشان تخربي حياتي كتير حاولت أقرب منك واخليكي حب عمري لكن مش قادر اغير فيكي حاجه. مخلوقه للنكد وبس لكن خلاص اللي بيني وبينك خلص لغايه هنا.  انتي طالق يا سناء.

فتنظر له سناء وتنصدم فيكمل قائلا

ايه مش مصدقه اني انا اقولها فاكراني هافضل مستحمل قرفك عشان خاطر العيال.  لا.  اديكي اطلقتي وعيالي هافضل اربيهم بس وانا عايش حياتي 

ويدفعها ادم ناحيه باب الشقة وهو يقول

يالا بقي رجلك ماتخطيش عتبه البيت ده تاني

فتنظر له سناء مش مصدقه انه طلقها وقالت.

ليا اخ يجيب لي حقي منك،،،،،،،

ومن داخل القسم اللي شغال في شناوي اخو سناء يقف شناوي أمام مامور القسم والعساكر تفتش شناوي وتخرج من جيبه برشام وحشيش بيبعوا للمساجين والمامور يقول له

ولا. عال انا شغال معايا في القسم تاجر مخدرات

شناوي

يا باشا، ،،،،،،،

المامور بمنتهي العصبيه يقول 

انت كمان هاتتكلم.  انت طالما لبست البدله دي يبقي لازم تحترمها وتحترم القانون،

وينظر للعساكر ويقول

خدوا علي الحجز لغايه ما يترحل علي النيابه. وقبل مايدوس برجله في الحجز يقلع البدله اللي لابسها وعايز سيد برشامة يعمل معه الصح ،،،،،،

ومن داخل. الحجز حيث يجلس المساجين والسوابق يفتح باب الحجز ويدخل شناوي وهو بالملابس الداخليه ويقف عسكري امام سيد برشامه اللي كان مسلطه شناوي علي ادم ايام مكان ادم محجوز. في القسم وقال العسكري لسيد

الباشا المامور بيقول لك اعمل الصح مع شناوي

فيقف سيد برشامه بشكله المخيف ويقول

بس كدة. قول للباشا المامور الصبح يجي يبارك له علي الصبحيه بكرة. وخصوصا ان شناوي باشا جاي جاهز بقميص النوم 

ويغلق باب الحجز وينظر شناوي لسيد ويقول له

سيد يا برشامه. اللي انت هاتعمله دة. هايزعلك

سيد وهو يهجم علي شناوي

وانا عايز ازعل

وسيد يمسك شناوي بمنتهي قله القيمه وسبحان المعز المذل، ،،،،،،،،

وبعدها بيومين  تجلس حلا علي سريرها في المستشفي وكانت قد استردت عافيتها بعض الشي ومعها اختها وردة وكانت حلا تكلم ادم فيديو وهي فرحانه جدا من علي حساب وردة  وتقول له

جاي لي. عن جد 

ادم ضاحكا

عن جد جاي لك

حلا. ودموع الفرحة في عيونها 

هاستناك. وهافضل ادعي ربنا انه يؤجل موتي لغايه ما شوفك

ادم

ماتقوليش الكلمه دي تاني.  انا جاي لك عشان أبدا معاكي حياتي 

حلا ضاحكة باكية

انت ماتعرفش انا حاسه بايه دلوقتي

ادم

حاسة باية

حلا

حاسه اني عايزا احضنك. واوعي تقولي لا.

ادم

احضني وانا هاسيب لك نفسي

حلا

مش هاتقولي تاني اي كلام يزعلني

ادم

لا.  

حلا

وهتأكلني كشري

ادم ضاحكا

بس كدة.  هاكلك كشري. بس انتي عرفتي الكشري دة منين 

حلا

من الافلام المصري اللي انا بقيت احب اتفرج عليها عشان افهمك بسرعه وانت بتحكي معايا بالمصري. 

ادم

جدعه.  عشان لما نتجوز تفهميني بسرعه.

حلا

تفتكر هانتجوز

ادم 

أن شاء الله.

حلا

طيب يالا تعالي بقي.

ادم

بكرة الصبح باذن الله هاكون عندك

حلا

هاستناك يا روح قلبي،،،،،،،،،،

ومن داخل مطار القاهرة يقف أدم مع هاله وفريدة وحمص  ويودعهم ويقول لفريدة

أوعي تبطلي تدعي لي

فريدة

ابطل أيه بس دة انا هافضل ادعي لك لغايه ما ترجع لنا بالسلامه 

حمص

ادم خد بالك من نفسك وارجع بالسلامه يا صاحبي

ادم

باذن الله. المهم الراجل اللي كان عايز يقتلني لسه بيدور عليه

حمص

لا.  شكله زهق وخصوصا انه هو ماعرفش يوصل لعنوانك

ادم

احسن.     حمص مش هاوصيك علي امي واختي

حمص

عيب عليك دول في رقبتي. أرجع لنا انت بس ومعاك حلا. اللي قلبت لك حياتك

ادم

باذن الله. 

وينظر ادم لي هاله ويقول

هاتوحشيني

هاله وهي بتعيط 

وانت كمان. يا اطيب اخ في الدنيا

وسابهم ادم وركب الطيارة وسافر الي الاردن ووصل ادم الاردن وفرح قوي ان حلم حياته هايتحقق وهايشوف حلا. وخرج من المطار وركب سيارة اجرة وراح بيها للمستشفي اللي محجوزة فيها حلا واللي خد العنوان بتاعها من وردة . ووقف قدام المستشفي علي الجانب التاني من الطريق وبص للمستشفي وهو فرحان ولسه بيعدي الطريق خبطته عربيه جايه بسرعه رهيبه طار ادم من قوة الاصطدام ووقع علي دماغه واتلم الناس في الشارع حوالين ادم وشالو ودخلو المستشفي اللي محجوزة فيها حلا.  

و بسرعه وهو بينزف بشدة من دماغه، ،،،،،،،

وبعديها بساعه كانت حلا تقف في شباك حجرتها وتنظر للطريق منتظرة وصول ادم فتقول لها وردة

تعالي ارتاحي يا حلا مش هاينفع تعملي اي مجهود

حلا وهي قلقانه

ارتاح ازاي وادم اتاخر

وردة

زمانه جاي.

حلا وهي تنظر علي الشارع بلهفه

لا. دة اتصل بينا وكان المفروض يكون عندنا من ساعه. ايه اللي اخرك كدة يا ادم، ،،،،،،،

وبعديها بكام ساعة يستيقظ ادم من الغيبوبه اللي كان فيها ودماغه كانت مربوطه بشاش وينظر للدكتور المعالج لي ويقول

انا مين. وفين

الدكتور

انت مش عارف انت مين

أدم وهو يحاول ان يتذكر اسمه.

لا. مش فاكر.

الدكتور

واضح انك بتعاني من فقدان في الذاكرة، ،،،،،،،،،،،،

أيه اللي مستني ادم.  وايه اخرة قصه الحب المستحيله دي. كل دة هاتعرفو باذن الله وأمرة في الجزء التاني من

أم العيون السود.

تمت بحمد الله