الفصل الثالث 3
بقلم هشام
في حياتي عفريت بيتتحمرش بيا باليل .. وبيطردني اول ما يطلع النهار
نرجع لاحدث الرواية من لحظة ما توقفنا في الجزء الي فات
بعدما دخلتني الخادمة علي غرفة المكتب .. عشان اقابل شقيق مدام تهاني
(ايهاب بيه)
اتفاجئت ان الي واقف ادامي
فيه شبة كبير جدا من..داغر
( الجن العاشق)
شبة ايه؟
دا هو داغر
ايوه انا من ساعة ما شوفت وجه داغر وانا مش قادرة انساه
والمفاجاءة دي خلتني اصرخ وارجع للخلف
اول ما اشوفة
و لما ايهاب
( شقيق مدام تهاني)
شاف الي حصل دا
فضل واقف يبصلي وهو مستغرب
في اللحظة دي
سالتني الخادمة
وقالتلي..مالك واقفة متسمرة كده ليه ؟
هو انتي مش كنتي عايزة تقابلي اخو مدام تهاني ؟
ايهاب بيه
ادامك اهوه
في اللحظة دي
رديت وانا بحذرها
وقلتلها..ايهاب مين يا حاجة
الي ادامك دا عفريت
وعفريت متحرش كمان
في اللحظة دي
صرخ ايهاب في الخادمة
وقالها..مين البت المعتوهة دي وجيبهالي منين؟
فا ردت الخادمة
وقالتلة..والله ما اعرفها
دي كانت جاية تسال عن مدام تهاني
فا رد ايهاب المره دي وهو بيوجه كلامة ليا
وقالي..انتي مين يا بت
وعايزة مدام تهاني في ايه؟
فا رديت وانا برتجف
وقلتلة
خلاص خلاص انا مش عايزه اقابل حد..انا ماشية
في اللحظة دي
ايهاب اتعصب علي الخادمة
وقالها..دي شكلها حرامية يا سميرة اتصلي بالبوليس فورا
في اللحظة دي
لقيتني علي وشك الحبس والبهدلة
فا اترعبت اكتر
وقلت اسايس اموري
فا ابتلعت ريقي
و قلتلة..لا ارجوك بلاش البوليس
انا بقالي سنين بشتغل هنا (بيبي سيتر)
عند مدام تهاني و كنت واخده اجازة اليومين الي فاتو ودلوقتي رجعت
وعايزة ارجع لشغلي
فا بصلي من فوق لتحت
وقالي..انتي اسمك ايه ؟
فا قلتلة..اسمي غرام؟
فا رد وقالي.. ايوه افتكرتك
تهاني قالتلي
انك تركتي شغلك في عز ما كانت محتجالك؟
فا رديت وقلتلة
لا دا الي حصل هو ان.....
فا قاطعني وقالي ...
خلاص يا شاطرة
احنا استغنينا عن خدماتك
وجيبنا واحده تشتغل مكانك
يلا اتفضلي بقي
وبالسلامة من هنا
في اللحظة دي
تذكرت اني مليش مكان اعيش فيه ولا حتي معايا فلوس
فا حاولت استعطفة
يمكن يتراجع عن قرارة
لكن يظهر ان ايهاب دا كان قلبة حجر
لانة رفض يسمع اي كلمة زيادة
وطردني تاني
في اللحظة دي
خرجت من غرفة المكتب وانا ببكي بحرقة
ومن شدة قهرتي شعرت بدوار وقعدت علي الارض
ويبدوا اني صعبت علي الخادمة (سميرة)
فا اخدتني سميرة للمطبخ وجابت لي كوباية مية
وقالتلي.. متزعليش هما فعلا جابوني مكانك هنا لكن انا مش قادرة علي خدمة العيال لوحدي
واكيد هيجبوا واحده تساعدني
عموما..
روحي بيتك دلوقتي وتعالي تاني بعد يومين علي ما تكون مدام تهاني رجعت من السفر
واكيد المدام هاترجعك الشغل
فا رديت بحزن
وقلتلها..انا معنديش بيت ولا معايا فلوس
ورجعت ابكي تاني بحرقة
فا ردت سميرة بعدما رق قلبها ليا تاني
وقالتلي..طب اسمعي
طالما الحكاية كلها يومين بالعدد
انا ممكن اخليكي معايا هنا في البيت اليومين دول
واهوتساعديني في خدمة
الاطفال
طول ما ايهاب بيه بره
ولما يرجع ابقي استخبي في غرفتي
..و ايهاب بيه استحالة يدخل غرفتي
وبالفعل
دخلت اتداريت في غرفة سميرة
ولما ايهاب بيه خرج
رجعت علي شغلي.. انظف واكل اطفال مدام تهاني
وفضلت معاهم طول اليوم
ولما سميرة قالتلي ان ايهاب بيه رجع
دخلت علي غرفتها عشان استخبي
وبالمره انام وارتاح من شدة التعب والشقي بتاع طول النهار
وبالفعل..بمجرد ما وضعت راسي علي المخدة نمت
لكن الغريبة..
اني وانا نايمة شعرت ان في شخص جنبي علي السرير
والشخص دا ملتصق بيا جدا
والابشع انه مكنش نايم نوم كده وخلاص
دا كان بيحاول ي..........
في الاول افتكرتة حلم او كابوس
لكن لما فتحت عيني
اتفاجئت ان نفس الموقف الي حصلي في بيت خالتي
بيتكرر
والي معايا علي السرير حالا هو.. ( داغر)... او
(ايهاب بيه )
في اللحظة دي
اتفزعت ووفضلت استعيذ بالله من الشيطان
وحاولت اقوم من جنبة واهرب بجلدي
لكن رجعلي تاني نفس الشعور بالعجز ..واحساسي اني مقيدة وفاقدة السيطرة علي حواسي كلها
وبرضوا صوتي مكنش بيطلع
وكل الي كنت بعملة هو اني ببصلة بهلع
في اللحظة دي
ضمني لحضنة
وهمس في وداني
وقالي.. اوعي تتتورطي في قتل روح
سيبي تهاني تربي ولادها
فا حركت لساني بصعوبة
وسالتة...
وقلتلة... يعني انت مش عايز كاسات الدم خلاص؟
فا رد عليا باجابة ملهاش علاقة بسؤالي
وقالي..عاطف اخو هشام زوجك مات
وهشام هيموت قريب هو كمان
بعد ما قالي الجملة بتاعة
( عاطف مات) اخدني لحضنة وقالي نامي متخافيش
فا غمضت عنيا وروحت في النوم فعلا
وبمجرد ما صحيت الصبح
وافتكرت الي حصل
بصيت علي جسمي
ملقتش نفسي عريانة ولا حاجة
فا قولت لنفسي ياتري كل دا كان حلم؟
ولا الجن العاشق قرر يعاشرني بدون رغبتي ؟
ايوه اكيد دا الي حصل لانة بطل يعاقبني ومحدش بيشوفني بشكل القرد
بدليل ان الخدامة وايهاب بيه مخافوش مني لما شافوني
ورجعت قلت لنفسي
بس الي بيحصل حاليا بيقول ان الي كان معايا امبارح دا
استحالة يكون عفريت
لاني كنت شامة ريحة البرفان بتاعة.. وحاسة بنبض قلبة؟
وبعدين ازاي الجن العاشق
كان بيحذرني امبارح من قتل تهاني؟
اذا كان هو الي كان بيطلب مني اني اقتل تهاني واجيبلة الخمس كاسات دم؟
ساعة ما زوج خالتي سلمني له
لا لا دا اكيد كان حلم
وكابوس كمان
وفعلا ...سلمت بانه كان حلم
واستمريت علي نفس الحال
في بيت مدام تهاني
اشوف شغلي طول النهار وبمجرد ما اسمع ان ايهاب بيه رجع ادخل انام
وقدرت فعلا اني اعيش في البيت بدون ما ايهاب بيه يعرف بوجودي
لكن الغريبة
ان موضوع الحلم الغريب ...و التحرش
كان بيتكرر كل ليلة
اول ما انام الاقي الجن العاشق نايم جنبي وبيعمل ...
والاغرب من كل دا
هو..
ان عدي اسبوع ومدام تهاني مرجعتش من السفر
ودا زاد من شكي وظنوني
وعشان اتأكد من ظنوني دي واقطع الشك باليقين
قولت اتأكد من المعلومة الي قالهالي داغر في اول يوم اجي فيه هنا
واشوف ان كان عاطف شقيق هشام جوزي مات فعلا
ولا لا؟
وبسرعة روحت اخدت موبيل الخادمة( سميرة) واتصلت علي حماتي
وبعد كذا محاولة من الاتصال علي تليفونها الارضي
ردت عليا راوية اخت هشام اخيرا
وفي اثناء المكالمة ..سمعت في الخلفية صوت قرأن شغال
ولما سألتها
قالتلي ان عاطف اخوها مات
يلهوي...دي المعلومة طلعت صح
يعني كده
الي كان بيحصلي من اسبوع مكنش حلم
معقولة الي كان بينام جنبي
هو ايهاب بيه؟
هاررررسود
دنا هطين عيشتة
وبمجرد ما اتأكدت ظنوني
طلعت فورا من مخبائي.. وروحت علي غرفة الزفت ايهاب ...
عشان اواجهة
بس الي صدمني
هو.. اني لما دخلت غرفتة اتفاجئت ب ......