رواية بوابة الأحلام الفصل التاسع 9 بقلم رشا منصور
شريف…
وأنا واقف مع سوزان والعرافة سمعت صراخ،. و العمدة سليمان بيقولي الحق يا شريف واتفزعت،. ومسكت، أيد سوزان علشان نجري لقيت كلهم بيجروا وراء الأرانب والفراخ…
قولت في بالي ربنا يسامحكم وقولت لهم بس خالص سبوهم..
وخلعت الجاكت. ورجعت البيت وقولت ل الجن،برك. هاتلي شويه جزر وبرسيم ودرة ورجعت للقرية تاني وقعدت ع الأرض ووزعت الأكل بالقرب من القفص. وبدأت الأرانب تقرب والفراخ كمان ودخلتهم القفص وقفلت عليهم..
وقولت للعمدة الأرانب لازم تتنقل في عيشة تكون واسعة وفي مكان معزول هى مبتحبش حد يبص عليها وخصوصاً وقت الولادة..
يادوب دخل لهم الأكل والميه وأخرج…
أما الفراخ اعتقد أنك عندك خلفيه عن تربيتهم…
وأنا هجيب لكم أكلهم لحد ما الزرع يكبر وتقدروا تأكلهم بنفسكم…
واخدت سوزان والعرافة والعمدة وقعدنا بعيد عن أبناء القرية وقولت لهم أنا محتاج ابني نفق تحت كل بيت وكلهم يوصلوا لخندق والموضوع ده محتاج مجهود من الكل واعتقد أنسب مكان للخندق، المكان اللي بعيد عن بيتكم والأرض الزراعية…
المكان الأنسب عند بوابة الوصول اللي بخرج لكم منها…
وحالياً محتاج نحدد مكان الحفر. في كل بيت ويفضل تبتدوا الشغل من انهاردة وأنا كمان هشوف إيه التصميم المناسب للخندق….
بحيث أنه يسعي كل أبناء القرية في حالة الخطرr.
ودلوقتي اسيبكم تكملوا زرع البذور وبعد شويه هجيب لكم بعض الأكل لكم…
واخدت سوزان ورجعنا ع البيت ولقيتها بتقولي
سوزان….
أنا مش هعمل أكل لهم أنا هاخد الخضار معايا واعمل قدامهم ..
ولا اقولك أنا اعملهم سمك أهو يعرفوا طعمه…
وناديت ع الجن.برك لكنه مظهرش.. قولت بأعلي صوتي والله لو مظهرتش ذنب!، أهل القرية في رقبتك…
وشغلت التليفزيون وقعدت وقولت ل شريف بلاش الناس تأكل ولا اعملهم أنت شويه بيض مسلوق 😂😂
وظهر برك، وقالي اومري😔 قولت له لما أنادي الاقيك قدامي وتسمع الكلام ويلا روح هاتلي الطلبات اللي هقولك عليها وبسرعة علشان الحق. أعمل الأكل..
ومتنساش تخلي بالك من لجي وجودي وتأكلهم وشغلهم أفلام كرتون.
الجن.برك…
كنت واقف وسامع كلام شريف وسوزان ونادت عليا وبقيت متردد أظهر لها ولا ألتزم بكلمتي ومسألش فيها بس علشان أهل القرية كنت مضطر، أظهر ولقيتها بتقولي 😲😲
هاتلي تشكيلة سمك وتنضفهم كويس وشيكارة رز وبصل وخضار السلطه و…..و…..و…..
وإياك اشم في البيت أى رائحة زفارة،.. أنت فاهم 😵💫
بصيت ل شريف لقيته بيقولي أنا ماليش دعوه وخرج ع الجنينة.
قولت لها أنتي بتعملي معايا كدا ليه 😭😭
سوزان….
لقيت برك. هيبكي وبيقولي أنتي بتعملي معايا كدا ليه ؟!!
قولت له أهدي بس كدا واسمعني أنت علشان قوي، وسريع بطلب مساعدتك.. تخيل كدا أنا لو فضلت انضف السمك يكفي أهل القرية يبقي الناس دى هتاكل ع بكره بالليل يرضيك الناس تجوع وأحنا وعدانهم أننا هنرجع لهم بالاكل..
وكمان السمك مفيد لهم ومليان فيتامين وهما جسمهم ضعيف،. الحق عليا عاوزة اساعدهم…
خلاص بلاش تعمل حاجه ومدام زعلان… خليهم جعانين.
الجن.برك…
بعد كلام سوزان قولت لها حالا السمك يكون عندك أنا هخلي كل أصحابي يساعدوني في تجهيزه…
واختفيت،. من قدامها اجهز طلباتها رغم أني حاسس انه بينضحك عليا!!!!!...
سوزان….
دخلت المطبخ وعملت ساندوتشات شاورما وبطاطس محمرة وجهزت الشاي وناديت ع شريف علشان نتغدي ولما سألني ع برك. قولت له بيجهز طلباتي…
خلص الأكل علشان أنت هتروح معايا القرية أنا مش هعرف اشيل كل الحاجات دي لوحدى….
آن الأوان نستعمل الريش بتاع العمدة 🤣🤣
العرافة رشامنصور….
اطمنت لما عرفت من سوزان أن عندها الحل وبعد ما خلصنا زراعة البذور طلبت من أبناء القرية أننا نستعد لحفرr النفق ولازم الإنفاق تتصل ببعض علشان لو حبينا ننقل الأطفال لأي بيت يكون سهل علينا بأستخدام الإنفاق…
ومن جوايا مش عارفه هنفضل في الإنفاق لحد أمتي!!! معقوله تكون سوزان ناويه تخلينا عايشين في الإنفاق على طول🙃
وبعد حوالي ساعتين سمعت صوت سوزان وهي بتنادي ع العمدة سليمان وبتقوله هات الريش اللي عندك كله…
خرجت لهم أشوف إيه الحكايه…
ولقيت عربة مليانه خضار وأدوات وحاجات كتير اوي قولت لها هو إيه ده يا سوزان…
ردت وقالت أنا هعملكم سمك مشوي، ومقلي ورز وسلطة وكلكم هتساعدوني نادي ع كل أبناء القرية…
وفعلاً كلنا ابتدينا ننفذ، كلام سوزان وكنا فرحانين أوي ورائحة الأكل جميلة جدا…
وشريف والعمدة استخدموا الريش في التهويه ع السمك…
وكلنا مع بعض أكلنا حتي شريف وسوزان وكنا فرحانين وحاسين أنهم ناس مننا وليسوا غرباء…
الجن.برك…
أنا اخدت تريقه من أصحابي بسبب تنضيف، السمك إحنا الجنn مش بنطيق، رائحته وللأسف ادبست، لوحدى في تصنيفه.
كله علشان أهل القرية…
أنا هتجنن، مش قادر احدد سوزان مفتر'ية. ولا طيبة…
أفعالها لها أكتر من تفسير…
شريف….
تعبت جدا في تجهيز الأكل مع سوزان أول مرة اساعدها في حاجه. أنا معرفش ليه مطلبتش أكل جاهز أسهل أو بيتزا..
بس بصراحه برغم التعب. إلا أني قضيت وقت حلو أوي معاهم وشوفت الفرحة في عينهم وهما بيأكلوا…
وأول ما رجعنا البيت قولت ل سوزان أنا نفسي أنام محدش يصحيني نهائي أنا تعبت…
ردت وقالت تمام وأنا هطمن ع البنات واغير لهم الحفاضات وياخدوا شاور واشوفهم لو جعانين..
دخلت غرفتي وأنا بفكر إذا كان أنا كنت واقف اشوي بس تعبت.. ما بالك سوزان اللي عملت شيكارة رز وسمك مقلي والسلطة..
صحيح أهل القرية كانوا بيساعدوها بس هى كانت الأساس.. اكيد تعبانه يمكن أكتر مني ولقيت نفسي بروح ع غرفة البنات وقولت لها شوفي محتاجه إيه اساعدك أكيد أنتي تعبانه..
ولا تخلي برك. يعمل لهم وأحنا نرتاح شويه… لكنها قالت.
دول بناتي أنا مش بنات برك، وإذا كان بيساعدنا ده بس علشان إحنا بنساعد أهل القرية لكن هما مسؤولين مني أنا…
قولت لها ومسؤولين مني أنا كمان دول بناتي ولازم يكون ليا دور في تربيتهم وظهر برك وهو جايب أطباق أكل وحفاضات
وقال أى طلب للبنات أنا يسعدني انفذه..
بس سوزان قالت له كتر خيرك أنت تعبت انهاردة معايا لازم ترتاح.
قولت لها ليه مخلتيش برك، يساعدنا…
ردت سوزان وقالت…
لازم نحس باللي حوالينا ونقدر تعبهم علشان نلاقي اللي يقدرنا لو تعبنا…
حسيت أنها بتوجه كلامها ليا أنا فعلاً عمري ما حسيت أنها بتتعب. بالعكس دايما شايفها قو'ية. وقادرة تعمل حاجات كتير.
حقيقي سوزان بتتعب أكتر مني. إذا كنت أنا بشتغل وظيفة واحدة
سوزان بتشتغل حاجات كتير وكل يوم ويعتبر مش بتنام ومعنديهاش يوم إجازة ولا رفاهية الراحة زيي… بجد شابوه للستات.
وبعد ما خلصنا كل حاجه والبنات نامت روحت المطبخ وعملت لنا شاي وطلبت من برك بوكية ورد بداخله قطع شيكولاته ويشغل لنا موسيقي هادية ودخلت ل سوزان وقدمته لها…
سوزان…
دخلت غرفتي وأنا شبه نايمة ع نفسي من كتر التعب ومنتظرتش شريف أنا نمت وبعدها لقيت شريف بيصحيني وأنا مش قادره افتح عيني قولت له حد من البنات صحي. وبيبكي ولا في أية ؟!!
رد وقالي فتحي عينك…
ببص لقيت بوكية مليان ورد وشيكولاته كتير قومت فرحانه ونسيت التعب وفضلت اتنطط ع السرير من كتر السعاده..
شريف بقالوا أكتر من سنه مجابش ليا حتي لبانه (علكه)...
ياريته يفضل كدا ع طول ومش يتغير أول ما نرجع القاهره تاني.
ورغم التعب اللي كنت فيه مقدرتش أنام من فرحتي وفضلت سهرانه طول الليل ابص ع بوكيه الورد وشريف وافتكر أيام الخطوبة…
العرافة رشامنصور…
واضح أن اختيارك ل شريف وسوزان كان موفق وكويس أنك قدرت تغير من طبع شريف…
بس اللي مش قادره افهمه ليه قولتلهم إنك سافرت ياعم (عرفة).