الفصل السادس 6
بقلم عائشة الكيلاني
يوسف اتجمد مكانه:- قولت اي يا دكتور
الدكتور:- قولت انك عندك كورونا ، انت سرحت ولا اي بقالي ساعة بكلمك و انت في عالم تاني
يوسف:- يعني الى فيا دا مش كانسر
الدكتور:- لا مش كانسر بس اهم حاجة تنعزل عن الناس لحد ما تخف و تمشي على العلاج الى هكتبه و هبقا اتابعك على التليفون
يوسف قام شكرا الدكتور و مشي اما في بيت نسمة كانت ربطة اشارب على راسها لانها كانت لسه مخلصة ترتيب البيت
نسمة:- و دا مين الى هيجي دلوقتي
راحت فتحت الباب اتسعت عينيها بصدمة لم لقت نوح و اهلو قدامها قفلت الباب سندت راسها على الباب و اخيرا استوعبت اتسعت عينيها:- نهار اسود انتي عملتي اي ، الناس ها يقولو اي عليا يادي الكسوف
خلعت الطرحة من على شعرها و حطيتها على جانب و بعدين فتحت الباب كانت على وشك العياط من الاحراج بصت له بعدم فهم :- ااانت بتعمل اي هنا ، اااه احم بعتذر جدا لحضراتكم
بصت لنوح:- اوع تقول دول اهلك
نوح بابتسامة:- ابويا و امي
نسمة اتسعت عينيها بصدمة و فتحت بؤها رمشت عينيها :- وحيات امك. انت جاي تشتغلني اهلك ازاى ، ا ا سوري اسفة جدا اتفضلو
نوح دخل و قعد و نور و ياسين سلمو عليها و بعدين دخلوا و قعدو في الصالون
نسمة:- حقيقي انا اسفة على الى حصل بس الصدمة
ياسين:- مفيش حاجة لى الاعتذار الى بتقوليه كل شوية انتي برضو بنتنا و بقيت من العيلة
نسمة كانت ها تتكلم الباب خبط استأذنت و راحت فتحت الباب كانوا اخواتها طبعا كل واحدة منهما راحت على اوضتها نسمة رجعت الصالون و معاها صينية الضيافة
ياسين:- احنا اكيد ها نشرب العصير بس لم نسمع منك
نسمة اتوترت بتفرك في ايديها قالت بعدم فهم:- تسمع اي حضرتك
ياسين بص لنوح و بعدين بصلها:- شكلك ها تتعبني بس ولا يهمك هو الاب ليه عند بناته اي غير التعب
نيرة و نورهان دخلوا سلمو على نوح و اهلو
نور:- طب يا نسمة عايزة اتكلم معاكي على انفراد
نسمة هزت راسها و قامت اتجهوا البلكونة
نور بصت ليها بابتسامة:- نوح قال على كل حاجة و قال انكي رفضة الجواز منه ممكن اعرف ليه
نسمة:- لانى مش عايزة اتجوز لان مينفعش اخواتي محتاجني و سنهم خطر و زى ما حضرتك عارفه السن دا
نور بصت ليها بابتسامة و حنان:- حاسه بيكي و عارفه احساسك اي خصوصا لم كل حاجة تكون فوق دماغك ، انا عديت بى دا يمكن مش شبه بعض اوى بس عديت بيه و عارفه يعني اي اخت خايفة على اخواتها ماشية تتلفت شمال و يمين بس نوح بيحبك و مستعد يعمل المستحيل علشانك
نسمة:- بس انا مينفعش اسيب اخواتي هو ملوش ذنب و مش ملزم يشيل شيلة مش بتاعته ، صح ولا ها تقولي نحطهم في سكن أو يقعدوا من المدارس و التعليم ، الموضوع مش بالسهولة دى انا مش اتعب كل دا علشان في الاخر يجيلي واحد يقولي ابعدي عنهم أو قعديهم ،
نور:- بس انا مقولتش سبيهم ولا كل دا
نسمة :- مش فاهمه حضرتك تقصدي اي بالظبط
نور بابتسامة:- بيتنا مفيش اكبر منه ولا هتفرقي اخواتك
نسمة:- بس
نور مسكت ايديها:- مفيش بس يا نسمة ، اخواتك بقو بناتي مش بقولك كدا علشان توافقي أو تطمني انا بقولك الحقيقة و مفيش اي هم ، هما بقا زى رحمة بالظبط قولتي اي
نسمة بصت ليها بابتسامة عد خمس شهور يوسف خف و طبعا مذل جميلة مش حبة جوازه من بنتها و بتحاول تعمل اى حاجة علشان يطلقها سيف شايف ان الواد كويس و طالما البت مشتاكتش ولا اتكلمت خلاص لكن جميلة مش مقتنعة بكدا جاسمين مذل بترخم على عيال نور طبعا اصحاب نور طبعا رجعو من السفر و اخيرا نوح و سامر اتجوزو
منى:- ماما هو انتوا زعلانين مني اقصد غضبانين عليا
نور بصت ليها بصدمة حطت القهوة على التربيزة:- انتي بتقولي اي اي الكلام دا
منى بابتسامة مرارة:- يعني علشان الى عملته و انى اتجوزت من وراكم
نور:- ياريت تقفلي على الموضوع علشان ميحبكيش من شعرك خلاص موضوع و راح لحالو ، هو يحيى بضيقك بالموضوع دا
منى مسحت دموعها:- خالص يا ماما هو انسان كويس اوى و بيحترمني و عمره ما زعلني و لو بالغلط
نور :- اومال مالك بس يا حبيبتي
منى عيطت نور قامت حضنتها و بقت بتعيط بانهيار
منى:- ليه يا ماما ليه انا الى بيحصلي كل دا ا انا مش هخلف يا ماما لسه راجعة من الدكتورة و هى الى قايلة ليا كدا
نور:- هشش اهدي يا حبيبتي كله نصيب و بعدين مش الدكتورة الى هتقولك على المكتوب
منى:- دى مش اول دكتورة تقول الكلام دا خمس شهور و انا بلف على الدكاترة ، انا مكنتش عايزة اقولك علشان مصدعكيش و منكدش عليكي خصوصا انكي كنتي مشغوله بفرح سامر و نوح انا تعبت يا ماما تعبت و مش قادرة استحمل ولا فاهمة اي بيحصلي انا بموت يا ماما
نور الدموع اتجمعت في عينيها كانت مليكة بتبص عليهم من بتعيط و مبتسمة بشماته لانها كانت واقفة قدام اوضة نور دخلت اوضتها و جاسمين وراها
جاسمين:- ملك فرحانة اوى ليه
مليكة بقت بدوخ بيها:- انا فرحانة اوى اوى يا جاسمين مش مصدقه انى اخدت حقي و انتقامت من منى
جاسمين :- برافو عليكي كدا هتقول حقي برقبتي و تفهم اخرت إلى بتاخد حاجة مش بتاعتها بيحصل فيه اي
مليكة بابتسامة و فخر:- بتاخد الدواء هنا ههه يعني الى بتصلحو انا بخربو دا غير الى بتاخدو في بيتها عن طريق الشغالة
جاسمين:- و النهاردة هيكون اخر يوم ليها مع يحيى
ملك كانت واقفة وراهم و بتسقف مليكة و جاسمين لفو وشهم الصدمة على ملامحهم
ملك:- و اي كمان يا توامنا
جاسمين:- ملك حبيبتي
ملك بعصبية و غضب:- انتي تخرسيي لم بكون بتكلم تخرسي انتي بتعملي اي في حياتنا غير انكي تخربيها
ملك مسكت دراع مليكة و ضربها كف وراه التاني
مليكة:- بتمدي ايدك عليا
ملك:- و ادفنك لو طلبت ، هى حصلت تدي لاختك مانع حامل و تضريها هو اي الى حصلك هو الجنون وصل بيكي لكدا يا مليكة
مليكة:- من ملك
ملك رفعت صابعة:- بسس الكلام بينا خلص و والله العظيم لو ما ترجعتي ل فضحك قدام العيلة كلها سااامعة
ملك زقتها و خرجت و الغضب في عينيها
بالليل في بيت منى و يحيى على السفرة
يحيى:- اخواتك راجعين بكرا
منى هزت راسها بهدوء لكن قالت بتسأل:- هى مامتك كانت عايزك في اي
يحيى بكدب:- ولا حاجة كانت بتشتكلي من ابويا انتي عارفه لازم يتخنقو مع بعض كل يوم حاجة تزهق فكك منهم
يحيى مسك ايديها و قبلها منى ابتسمت
بعد شوية يحيى كان بيدور على حاجة في الدرج لكن وقفت عينيه على الدواء
منى:- يحيى تلفونك بيرن
يحيى لف وشه ليها :- اي دا يا منى
منى بصت له و لى الشريط الدواء:- اي دا
يحيى عينيه احمرت من الغضب قال بصوت عالي:- انا الى بسالك ، بتشتغلني بتضحكي عليا
منى دموعها نزلت بوجع:- ا انا
يحيى رما الدواء في وشها:- انتي اي و زفت اي انتى واحدة كدابة و مليون وش ازاي عايزة تبقي ام و ازاي بتاخدي دا انتي كدابة انتي غلطت حياتي مش عايز اشوف وشك من بعد دلوقتي
منى مسكت ايديه برجاء و دموع:- لا يا يحيى متسبنيش علشان خاطري صدقيني انا معملتش حاجة يحيى انا بحبك
يحيى سحب ايديه من ايديها و خرج من اوضته و فتح الباب و مشي منى حطت ايديها على وشها و بقت بتعيط بانهيار و وجع و هى مش فاهمه حاجة
اما عند ملك في العربية
ملك بتسوق بتركيز لكن اتفجت لم في عربية بتمشي وراها
ملك بعصبية:- كان ناقصني دى كمان حاجة غريبة
وزدت السرعة و بقت بتحاول تتجاهلها لكن
ملك قفلت شبابيك العربية و هى بتحاول تكون قوية مسكت الفون بتحاول تتصل بحد لكن مكنش فيه شبكة العربية وقفت قدامها فتح الباب و نزل منها اربع شباب كانوا لابسين اقناعة
واحد منهم فتح الباب و شدها:- انزلي
ملك بقوة و ثبات:- اوع ايدك يا حيوان ااابعد عنيييي
قالتها بصرخ و صوت مرتعش قبل ما تكمل كلامها كان واحد منهم حط حقنة في رقبتها ملك بدات تغيب عن الوعي وووو