رواية خفايا القلوب الجزء الثاني الفصل السابع عشر 17 بقلم نور محمد
البارت_السابع_عشر
خفايا_القلوب2
حسن نزل قدامه جثه وقال: رجعت من المو*ت علشان اساعدك يامعتز مش انت ناقص عندك جثـ*ـه على الطلبيه بكره الجثـ*ـه الناقصه اهه اتفضل شوفها
معتز الصدمه لسه مأثره عليه بس قرب من الجثه وكشف وجهها وهنا كانت الصدمه: ملك انت لقيتها فين وليه قتـ*ـلتها انت متعرفش انها منهم دول لما يعرفوا هيخلصوا علينا سوى بد*م بارد
حسن ببرود وجمود: والله هي كده كده بقت كرت محروق والحكومه كشفتها والمنظمه نفسها اللي امرتني اقتـ*ـلها وابقى انا مكانها ها عندك اعتراض
معتز بصله وسكت بدون جواب وحسن بص داخل المكان ولسه هيدخل وقف قدامه معتز بقلق وخوف كبير
معتز بقلق وخوف: اقف عندك انت رايح فين؟!
حسن بسخريه وبرود: هكون رايح فين داخل جوه ارتاح شويه انت ناسي اني دلوقتي ميـ*ـت قدام الدنيا كلها هقعد معاك شويه لغايه ما الاقي مكان امان ليا.. ابعد بقى خليني ادخل
معتز بلع ريقه بتوتر وخوف كبير من رد فعل حسن لما يشوف عزيز ابنه موجود جوه وهو بالحاله الصعبة دي وفضل ثابت مكانه وهو مش عارف يعمل ايه
معتز بتوتر وقلق: احم اصل المكان جوه وسخ اوي.. استني هنا خليني ارتبه لك الاول و
قاطعه حسن: مالك بتقطع كده ليه ماهو المكان مهجور لازم يبقى وسخ.. فيه ايه انت مش عاوزني ادخل ليه.. مخبي حاجه مهمه جوه والا ايه؟!
معتز بلع ريقه بخوف وحسن حس انه فعلا مخبي عنه حاجه مهمه جوه فدفعه بضيق ودخل للبيت جوه
حسن بصدمه وزهول: مين ده وانت سايبه بالحاله دي ليه ده بيمو*ت انت ناوي تخلص عليه يعني
معتز جرى خلفه بخوف:لا ده ده اصله تعبان اوي ومريض
حسن قرب من عزيز اللي كان نايم على الارض وشكله تعبان اوي ووجهه مكنش ظاهر له وحسن قعد قدامه ورفع وجهه له وهنا كانت الصدمه بجد
حسن بصدمه وشك: الشكل ده مش غريب عليا انا حاسس اني شايفه قبل كده.. مين الولد ده يامعتز؟!
معتز بخوف: احم ده ولد كان شغال معايا وفجأه تعب مني فسبته هنا معايا اخد بالي منه
حسن بشك: تاخد بالك منه ازاي الولد ده تعبان اوي وفيه د*م نازل من انفه كمان ده بيطلع في الروح وانت تقولي بتاخد بالك منه ؟!
معتز فضل ثابت مكانه وهو خايف حسن يكشفه لكن فجأه عزيز فتح عنيه واول ماشاف ملامح حسن ابوه قريبه منه
قال بتوهان وتعب: بابا حسن انت رجعت تاني علشان تد*بحني زي ماحاولت تعمل زمان
حسن سمع صوته من هنا وعنيه وسعت بصدمه وزهول كبير وبعدها وجه نظره تجاه معتز بغضب وتوعد رهيب وو روايه خفايا القلوب الجزء الثاني بقلم نور محمد
وعلى الناحيه الاخرى في المستشفي عند ايوب**
ياسمين بحب وقلق: ايه اخبار كريم دلوقتي ياايوب طمني بقى احسن
ايوب ببسمه: الحمد لله بقى احسن بس طميني عن حماتي ايه اخبارها وانتي كمان ايه اخبارك انا مشغول عنكم غصب عني والله
ياسمين بتفهم ودعم: عارفه ياحبيبي وماما وانا الحمد لله كويسين وزي الفل المهم خلي بالك انت من كريم لانه وحيد حاليا
ايوب بخبث: ومين قال انه وحيد جنه اجت تطمن عليه انا حاسس ان البت دي بتحبه بس مش عاوزه تبين ده قدامنا؟!
ياسمين ببسمه: عندك حق وانا كمان بحس كده لما تكلمني عنه بتكون فرحانه والبسمه مرسومه لاخر وجهها
ايوب بتمني: ربنا يجعلها حبه وعوضه في الدنيا من بعد اللي حصل معاه كريم طيب وابن حلال ويستاهل كل خير
ياسمين بدعم: اللهم امين يارب ياايوب يا..
سكتت فجأه لما حست بدوخه فجأه وايوب قرب منها بسرعه يسندها
ايوب بقلق وخوف: مالك ياقلبي انتي كويسه؟!
ياسمين بتعب: مش عارفه من امبارح حاسه نفسي علطول دايخه وبطني وجعاني اوي
ايوب بدون تردد من قلقه عليها: طيب ياله تعالي نكشف عن الدكتوره بسرعه نطمن عليكي
ياسمين هزت رأسها بطاعه ومشت معاه لغرفه الدكتوره الروايه بقلم نور محمد
وبعد دقايق في غرفه الدكتوره **
ايوب بتوتر وقلق: خير يادكتوره مراتي كويسه مش كده هي مالها والدوخه دي من ايه؟!
الدكتوره ببسمه: اهدي يافندم المدام زي الفل الحمدلله دي بس اعراض طبيعيه في حالتها.. الف مبروك هي حامل في الاسابيع الاوله لها
ايوب سمعها وعنيه وسعت بصدمه وسعاده بالغه وهو مش قادر يصدق اللي قالته
ايوب بصدمه وسعاده: انتي انتي بتتكلمي بجد ياسمين حامل.. بجد مراتي حامل في حته مني يادكتوره
الدكتوره ببسمه وتفهم: ايوه والله الف مبروك هطلع اعمل لها التحاليل المطلوبه وهسيبكم شويه لوحدكم الف مبروك
طلعت الدكتوره وايوب قرب من ياسمين بسعاده وعدم تصديق
ايوب بسعاده وعدم تصديق: ياسمين انا هبقى أب هيكون معايا طفل صغير يقولي يابابا انا مش مصدق نفسي بجد حاسس نفسي بحلم انتي بجد حامل
ياسمين ببسمه وحب: ايوه ياقلبي والله حامل الف مبروك قريب هنجيب طفل صغير شبهك وقلبه اطيب قلب في الدنيا زيك ياايوب
ايوب قرب منها اكتر وقبلها بسعاده وحب في جبينها وقال: الحمدلله والشكر ليك يارب انا ده اللي اتمنيته من ربنا انه يرزقني الاول بقلبك وبعدها حته منك.. بأذن الله ابني هعلمه كل حاجه في الدنيا صالحه لله وهطلعه كمان حافظ القرآن الكريم كله هفضل ماشي بيه علطول ومش هسيب ايده ابدا بعون الله
ياسمين ضحكت على كلامه العفوي وقالت: ان شاء الله يقلبي وده كل اللي اتمنينه من ربنا انا كمان
ايوب قرب وحضنها بقوه وسعاده بالغه وهو بيدعي ربنا يحميها ويحمي ابنه له العمر كله
وفي نفس الوقت في غرفه كريم **
فتح كريم عنيه بتعب وبص جنبه ونصدم: جنه انتي هنا بجد والا انا بحلم بيكي
جنه بخجل وبسمه: الف سلامه عليك ياكريم ايه اخبارك دلوقتي طمني عليك؟!
كريم ببسمه ومشاكسه: والله خايف اقولك بقيت احسن لما شوفتك هنا جنبي تفهميني غلط
ضحكت جنه بخفوت عليه: المهم انك بقيت احسن انا جيت اطمن عليك لما سمعت اللي حصل لك الف سلامه
كريم بهيام: الله يسلمك ويقرب المسافات يارب.. اصل محسبوبك من الدنيا داب وشبع وعاوز يرتاح
جنه بخجل: ان شاء الله خير بس انت الاول تقوم لينا بسلامه
كريم بفرحه وأمل: يعني موافقه مش كده؟!
جنه بخبث: موافقه علي ايه هو انت طلبت مني حاجه؟!
كريم بتفهم وخبث مماثل: والله انا لمحت كتير قولت يمكن البت تقلانه عليا واصبر شويه معاها.. بس زي ماانتي شايفه اللي حاصل فيا وخلاص تعبت بجد نفسي حياتي تستقر والاقي بنت حلال اللي تمسك ايدي من بدايه الطريق لنهايه المشوار نكمل سوى في الحلال.. ها قولتلي ايه يابت الحلال
جنه بتفهم وكسوف: قولت ان شاء الله خير يابن الحلال
وعلى الجهه الاخرى عند عمر **
وقف عمر بعربيته قدام القسم علشان يدخل يكمل القضيه اللي ماسكها بخصوص المنظمه لكن اللتفت فجأه لما لقى قدامه بنت بتخبط على زجاج العربيه وهي منهاره
مريم بنهيار: ياباشا افتح باب العربيه عاوزه اتكلم معاك ضروري مسئله حياه او موت ارجوك
عمر فتح الباب وخرج من العربيه وقال: خير ياأنسه ممكن تهدي الاول وبعدها تتكلمي انا سامعك
مريم بدموع: امي اتقبض عليا ياباشا ودي ست كبيره ومريضه اوي ومحدش في القسم جوه عاوز يسمعني
عمر بشفقه: طيب تمام اهدي وانا هحاول اساعدك بأذن الله بس فهميني امك اتقبض عليها في قضيه ايه؟!
مريم بدموع وخوف على امها: دين ياباشا عمي منه لله قدم فيها محضر بشيك اللي معاه انا يتيمه وابويا ميت وامي كانت محتاجه فلوس فستلفتها منه وهو مش راضي يتفاوض معايا ابدا عاوز فلوسه كلها الاول وانا مش معايا المبلغ كله دلوقتي
عمر بتفهم وشفقه: طيب والمبلغ ده كام؟!
مريم بحزن: 20 الف جنيه انا معايا منهم 10 جمعتهم من شغلي والباقي بقوله اصبر عليا كام شهر اجمعه قال لا عاوز فلوسي كلها ابوس ايدك ساعدني تعال اقنعه معايا بس يصبر عليا
عمر زعل اوي عليها وحس بشفقه الكبيره على حالتها
فقال بشفقه: بصي انا مقدرش ادخل معاكي في القضيه دي خطر على المهمه بتاعتي بس انا عندي حل تاني معايا 10 تلاف خديهم كملي بيهم المبلغ وطلعي امك وابقى اتصرف انا في حوار عمك بعدين من بعيد قولتلي ايه؟!
مریم بفرحه احماسه: بجد ياباشا ربنا يخليك يارب وتخلص مهمتك دي وتبقى اشطر محقق في الدنيا كلها
عمر ببسمه: تسلمي طيب خدي دول الفلوس روحي لعمك ادفعيهم له وتعالي معاه علشان تخلصي المحضر انا هشوف امك جوه لغايه ماتخلصي
مريم خطفت منه الفلوس وجرت بسرعه من قدامه زي الحراميه وعمر ضحك على شكلها وقال: جريت زي الطياره من الفرحه باين عليها بنت حلال وياله ربنا يعوضي خير ان شاء الله ادخل اشوف امها دي بقى لغايه ماترجع
وفعلا دخل عمر القسم ونادي العسكري**
عمر بتزكر: يووه انا نسيت اسئلها امها اسمها ايه ياله اسئل العسكري اكيد مش هتوه في القضايا هنا
عمر بهيبه: ياعسكري تعال عاوزك.. فيه ست اجت في قضيه دين هنا النهاردا روح هاتها عاوز اشوفها
العسكري بعدم فهم: اجيب مين يافندم مفيش قضايا دين دخلت القسم النهاردا ابدا
عمر بصدمه: نعم انت بتقول ايه مفيش ازاي فيه ست تم القبض عليها النهاردا في قضيه دين وانا كلمت بنتها بره القسم وعطيت لها الفلوس تسد دين عمها كمان وتاجي تخلص القضيه
العسكري بتأكيد: انا متأكد يافندم فيش قضايا دين دخلت القسم النهاردا صدقني يمكن البت دي ضحكت عليك
عمر بصدمه وزهول:ضحكت عليا ازاي انا عطيتها 10 تلاف جنيه من دقايق قدام القسم بايدي طيب تعال معايا شغل كاميرات المراقبه اللي قدام القسم علشان اشوف البت دي راحت فين؟!
وبعد دقايق في الغرفه المخصصه لكاميرات المراقبه في القسم**
العسكري بتعجب وستغراب: يافندم مفيش حاجه ظاهره هنا قدام القسم وحضرتك كنت واقف كمان لوحدك بص بنفسك كده
عمر بص في الكاميرا وعنيه وسعت من الصدمه: هي البت راحت فين مش ظاهره ازاي انا متأكد اني كلمتها وكمان عطيتها فلوس بايدي.. الكاميرا دي اكيد فيها حاجه غلط
العسكري بشفقه وحزن: الكاميرا شغاله كويس ياباشا بس مفيش حد كان واقف معاك يمكن انت اللي كنت بتتخيل وجودها او..
قاطعه عمر لما مد ايده في جيبه وملقاش فيه الفلوس فقال بتأكيد وضياع: الفلوس مش موجوده معايا يعني انا عطيتهم للبنت دي بس ازااي هي موجوده في تسجيل الكاميرا انا هجنن..البت راحت فين؟!
وعلى الجهه الاخرى عند ايوب وياسمين في غرفه الدكتوره**
ايوب بقلق: خير يادكتوره قلقتينا تحاليل مراتي كويسه مش كده؟!
الدكتوره بحزن: بصراحه يااستاذ تحاليل المدام مش مبشره بالخير ونمو الطفل ده مش هيكون طبيعي انا اسفه بس الاحسن لكم اجهاض الجنين في الوقت الحالي افضل
ايوب وياسمين سمعوها ونزل عليهم الخبر ده مثل الصاعقه وووو
لقراءة الجزء الاول جميع الفصول كامله من هنا