الفصل التاسع 9 والاخير
بقلم محمد منصور
اللهم صل وسلم علي محمد صلاة تحل بيها العقد وتفك بيها الكرب
شريف و عديلة وفاطمة وادم وفريدة واقفين وراء شرف اللي كان في الاتيلية مبحلق ل مانجا ومقرب منها اوي وبيقول بصوت واطي
لسة زي القمر
مانجا ابتسمت وقالت بصوت واطي
ولما تسمعك مراتك وتسود عيشتك
شرف
مراتي وراء اية اللي يخليها تسمعني
وصرخ شرف لما شاف عديلة في وشه وبتقوله
انا جنبك يا شرف
شرف
اية يا عديلة الخطه دي هو انا لسة صغير علي خطه زي دي دة انا ممكن اروح فيها
عديلة
اصلنا واقفين وراك بقالنا ساعة وانت مبحلق فيها وقال يعني بتفتكرها
شرف
مش لازم اتاكد من انها هي
عديلة
وماعملتش كدة لية في مانجا اللي جت الشقة
شرف
اش جاب ل جاب
وبص ل مانجا فقالت عديلة
انت قولت لي قعد معاها كام ساعة
شرف
حوالي 10 ساعات
عديلة
تحب اجيب الماذون وتكملهم 24 ساعة علشان يبقي يوم
شرف
هو ينفع
عديلة برقت وقالت
هو اية اللي ينفع يا شرف ما تلم نفسك
شرف
خلاص خلصينا وهي دي مانجا
هنا شريف قال
اول مرة اشوف مانجا من غير بزر
فاطمة بكل غلها رفعت رجليها لفوق ونزلت بيها علي وش رجل شريف اللي اتوجع وبص لها وهي قالت
اتلم يا بتاع عنبه
وهنا بصت فريدة ل ادم اللي كان باصص ناحية مانجا وقالت
اية عجباك
ادم استغرب وقال
يا ستي انا مش مراهق زيهم
وهنا شريف راح ل شرف وقال له
كدة مانجا وهاني التانيين نصابين
شرف
طبعا دة انا متجوز عديلة بقالي كام سنة ما جبتش منها الا فريدة وجاية غلطة قوم اية في عشر ساعات بس اجيب واد من مانجا. لية مازرنجر
شريف
كدة احنا لازم نعرف مين اللي بعت لنا النصابين دول
شرف
طبعا،،،،،،،،
ويوم فرح فريدة وادم يقعد شريف مع شرف قصاد مانجا النصابة وهاني وقال شرف ل هاني
وعدك ان افوق من فرح اختك وهديك الفلوس اللي انت عايزا. مش انت كنت عايز 200 الف ج
هاني
ايوة يا بابا
شرف
قلب بابا من جوة
وبص شرف ل شريف وقال
هات الشنطة اللي جنبك يا شريف
ومد شريف ايدة جنب منه وشال شنطة هدوم جوة منها 200 الف ج. هاني فتح الشنطة وما كنش مصدق اللي عيونه شايفا ولس هيمد ايدة علي الفلوس مسك شرف ايدة وقال
ايدك عن الفلوس يا حرامي.
هاني
بابا في اية
شرف
جك بو. انا اخلف جحش زيك وفي 10 ساعات بس.
مانجا
شرف سيب ايد الواد ما ينفعش كدة
شرف
انتي تخرسي خالص يا صباح
مش دة اسمك برضو في الاوراق الرسمية
صباح
يخرب بيتي انت عرفت
شرف بعصبية
ايوة عرفت وناوي اسجنكم لو ما قولتوش مين اللي مسلطكم عليه
هاني وهو مرعوب
لا والنبي انا لسة خارج من السجن ومش حابب ارجع له تاني
شريف
طيب قول ياة مين وراكم وبسرعة علشان العروسة والعريس علي وصول،،،،
من جوة القاعة اللي فيها الفرح يقعد فتحي الماظة علي التربيزة بتاعته ومع الاسرة الكريمة بتاعته وفجاة وهو بيضحك مع مراته لقي شرف وشريف واقفين جنب منه واحد يمنيه والتاني شماله بص لهم وقال
خير، ،،،،،،،
من جوة خربانه بعيد عن قاعة الفرح بكام دقيقة كان شريف بيضرب فتحي بالقلم وهو بيقول
بقي انت يا عرة وراء كل اللي حصل دة
فتحي
ايوة انا
شرف
وهانت عليك العشرة يا فتحي
فتحي
مش انت المقصود يا استاذ شرف انا كنت بنتقم من اخوك اللي علقني زي الخروف في المخزن بتاعه دة انا برضو موهل عالي يا استاذ
شرف
بس انت اذيتني انا يا فتحي
فتحي
يا استاذ شرف انت زي الفل وكل اللي كنت بعمله كان الغرض منه الم فلوس من شريف اخوك ارجع بيها كرامتي اللي اتهانت
شرف
طيب انا اعمل فيك اية دلوقتي
شريف
هو دة سؤال برضو اسجنه دة ابن كلب حرامي ونصاب
فتحي
انا ما اسمحلكش تغلط فيا وبعدين من امتي وانتو حبايب كدة ومع بعض مش ضد بعض
شرف
ما هو بحكم اننا اخوات لازم نكون مع بعض علشان اللي زيك ما يستغلوش اللي بيني وبين اخويا في انهم يحققو مكاسب مش حقهم.
شريف
بلغ البوليس يا شرف خليهم يجو ياخدو
شرف
النهاردة فرح عيالنا واكراما للفرحة اللي احنا فيها ولكل لقمة كلتها معه وهو في مكتبي وعشرة السنين اللي ما بينا وعلشان خاطر عياله ومراته ما يتبهتلوش من بعده انا هسيبة يغور في داهية وتشوف لك مكتب تاني تاكل منه عيش
فتحي
طيب اكمل الفرح
شريف ضربه بالقلم تاني وقال
انت بجح اوي انت تروح تاخد عيالك وتمشي
فتحي
هيسالوني احنا ماشين لية
شريف
قولهم عندي اسهال
فتحي
الجو حار والتكييف حلو في القاعة
شريف
دة انت جاي تصيف عندنا بقي مش تحضر فرح وتمشي
فهي كلمة تروح تاخد عيالك وتمشي، ،،،،،،،
ونرجع للفرح والعروسين وصلو القاعة وكل حبايبهم حوالين منهم وقعدو في الكوشة بعد الرقص والفرهدة وهنا يقف شريف قصاد فريدة وادم وحط ايدة في جيب بدلته وقالت فريدة
والنبي لو المفتاح اياة بلاش
شريف ضحك وقال
بتاع المرسيدس ما تقلقيش انا بعتها اصلا
فريدة
الحمد لله
لكن شريف طلع مفتاح عربية تانية وقال
جبت لك عربية شيفرولية موديل السنة
فريدة
ودي هحمل عليه بطيخ واطلع علي فيلم سلام
يا صاحبي مش كدة
ضحك ادم وضحك شريف والفرحة حلوة ما فيش كلام لكن الاحلي حضن اخ
ل اخوة زي حضن شرف ل شريف،،،،،،
تمت بحمد الله