رواية بوابة الأحلام الفصل الثامن عشر 18 بقلم رشا منصور

بعد ما انتهيت من الكلام مع سوزان طلبت من صابرينا ترجعها مكانها وابتديت أفكر إزاي ننفذ الفكرة ما أنا لو طلبت من شريف أى حاجة هيسأل عن السبب ولو عرفته أنه أداة محاربة،. السا'حرات. يبقي لازم اعرفه أن سوزان اللي قالتلي…. 

ولو عرفة ظهر يبقي شريف ممكن يسافر ده غير أن شريف هيعرف إني ع تواصل ب عمه؟؟!!! 

وبعدين في الحيرة دى السا'حرات. ع وصول يبقي مافيش قدامي غير أن سوزان تظهر وتقول الفكرة قدام الكل 

كدا يبقي لازم أتأكد أن شريف أتعلم الدرس… 

 مبدهاش بقي أنا هطلع له ارخم، عليه 🤣🤣🤣

شريف…. 

كنت بظبط الشبكة°والباب الحديد. وببص لقيت العرافة قولت لها أنتي مش قولتي أنك محتاجه ترتاحي شويه بصتلي وقالت..

العرافة رشامنصور…. 

حبيت قبل ما أنام أتأكد أن الإنفاق. متصلة ببعض وبيدخلها اكسجين،. فاضل أيام بسيطة والسا'حرات، توصل واحتمال أكون مش موجوده..  لازم أطمن ع أهل القرية والأطفال..

شريف…. 

قولت للعرافة اتفضلي انزلي الخندق، واوصلي بالانفاق.. واهو تشوفي بنفسك لو في أى حاجة ناقصه. بلغيني.. 

العرافة رشامنصور…

بصيت ل شريف وقولت له هو أنت هتعاملني ع انى فأر تجارب. اللي بيعمل حاجه بيجربها بنفسه اتفضل أنزل واخرج من بيت العمدة وأنا هفضل واقفه ومنتظراك وشاروت لأحد الحر'اس وقولت له شريف هينزل الخندق. اقف له ع باب بيت العمدة انتظره…

شريف…. 

نزلت تحت وبعد ما انتهيت من الخندق، لقيت فتحات أنفاق كتير وبقيت مش عارف أدخل أى واحد وخمنت واحد منهم ودخلته ولقيت نفسي في بيت العرافة واستغربت لما شوفت المعجنات والفاكهة ناقص منها حاجه بسيطه 😏 طب ازاى ..

معقوله تفضل يوم كامل من غير أكل…. إلا بقي لو كانت بتلعب عليا ومسافرتش أصلا ،، 

وبتضحك عليا بأي كلام وخلاص علشان أخلص شغل الخندق،.. 

ونزلت تحت وكملت نفق تاني وخرجت من بيت العمدة وطبعاً اخدني وأول ما قربنا شاورت للعرافة من بعيد..

ورجعت لها وقولتلها كل حاجه تمام والمساحة كويسه جدا تقدري ترتاحي أكيد تعبتي في السفر وسيبتها 

العرافة رشامنصور…. 

عرفت أن شريف دخل بيتي ما برك كان موجود ومتخفي وأول ما نزل النفق تاني جالي وقالي ولما لاحظت طريقه كلام شريف فهمت أنه شك،. في موضوع سفري،..  واكتر حاجه اكدتلي كلامي أنه مقاليش أى حاجة خالص ده غير نظرات عينه اللي كلها تساؤلات.. 

روحت له وقولتله مش هينفع أنام قبل ما أعمل عيش الشعير هو بيشبع ونفعني في السفر بصراحه خلاني أوفر في الأكل أنا مش عارفه هفضل بعيد عن القرية أد إيه ولازم أوفر… لقيته بصلي وقالي… 

شريف…. 

حسيت اني ظلمتها. وقولت لها روحى ارتاحي وأنا هجيب لكي أكل وفاكهة كتير خليهم معاكي واى وقت يخلصوا ارجعي ع هنا وأنا اجيبلك غيرهم متحمليش هم. الأكل ابدااا… 

وقالتلي كتر خيرك أهم حاجة أهل القرية دول أمانه لو جري ليا أى حاجة ومشيت… 

عمو عرفة…. 

كنت قاعد ولقيت برك جالي وقالي العرافة عوزاك بسرعة واخدني عندها ولقيتها بتقولي ع فكرة سوزان وأنها ممكن تحتاج مساعدتي في حالة لو شريف رفض المساعدة لو اكتشف أن سوزان كانت معانا وفي أمان… 

قولت لها بالعكس لازم شريف يتعاون مع سوزان لكن في حالة الرفض أنا هظهر له في البيت وهيكون ليا واقفه معاه… 

وعجبتني فكرة سوزان أوى مش عارف ازاى مخترتش ع بال حد فينا يمكن لأننا دايما بنفكر في المستحيل، والصعب، لكن هى قدرت تحل المشكلة ب حاجه بسيطه جدا حقيقي أنا معجب بذكاء وفطنة سوزان… 

صابرينا….

أخدت سوزان لمكانها مرة تانية وقولت لها هانت كلها فترة بسيطة وهترجعى ل شريف تاني وهتوحشيني 🥰

سوزان…. 

أرجع ل شريف… طب محدش عرفني اقول له كنت فين… أنا خا'يفة. منه أوي ده من غير حاجة بيتخا'نق معايا وأنا تعبت بصراحه نفسي أعيش حياة بسيطة وهادية من غير خناق. ونكد،، 

والمصيبةe أن الرجالة بتقول أن الستات هى اللى غاوية نكد،.. 

صابرينا… 

أنا معرفش العرافة عملت إيه مع شريف بس كل اللي اعرفه أن السا'حرات. ع وصول ولازم ينفذوا فكرتك وعلشان ده يحصل لازم تظهري وتتعاوني مع شريف وأهل القرية في تنفيذها،.. 

بس اكيد العرافة عندها الحل لمشكلتك.. بلاش تقلقي إحنا جانبك لحد ما تنتهي مشكله القرية… 

واكيد زهقتوا مننا وعاوزين ترجعوا لمدينتكم بس أتمني إنك مش تنسينا.. زى ما أنا وكل أهل القرية عمرنا ما ننساكي.. 

سوزان… 

اللي أنا واثقة منه إني عمري ما انساكي وانسي أيامي معاكوا 😔 عارفه أنا أيام كتير كنت بفضل ساكته ومش بلاقي حد اكلمه ع الرغم من وجود شريف في البيت… 

ع الأقل معاكم حسيت اني عايشة. وان ليا لازمة… 

العرافة رشامنصور…. 

بعد ما رجع عرفة البيت لقيت صابرينا جت ليا وقالتلي ع اللي دار بينها وبين سوزان… قولت لها خليها تطمن أنا حتى لو مقدرتش اغير شريف فأنا واثقه أن عرفة هيقدر… 

المهم دلوقتي ازاى وامتي سوزان هتظهر وانصرفت صابرينا وأنا جهزت نفسي واخدت شنطة الأكل وطلعت من البيت وروحت عند شريف وقولت قدام الكل أنا راحة عند القرية الشرقيه بعد ما السا'حرات. ما انصرفوا بقوا محتاجين أكل… 

أهم حاجة ساعدوا شريف واعملوا عيش الشعير بكميات كبيرة وهاتوا أى حاجة عندكم وخزنوا فيها مياة الشرب وكل الحاجات دي دخلوها الخندق،. مكان اللي هيقولكم عليه شريف.. 

وبصيت ل شريف ومشيت وفي لحظه اختفيت من قدام الكل.. 

بس الحقيقة أن برك اخدنى ورجعني ع المضيفة في بيتي🤣

وطبعاً شريف صدق إني سافرت بس طبعاً ع قرية تانيه خالص أدور ع سوزان وبالنسبة ل أهل القرية عارفين أن الجنn بيوديني ويرجعني أى مكان اطلبه منه…

وطلبت من برك يتابع شريف ويفضل متخفي وأول ما يقرر يرجع البيت يرجع هو بسرعة ويرجع البنات البيت… 

وبعد فترة طويلة لقيت رجع برك وقالي الخندق بقي بيت كامل فيه أثاث وأكل ومياة وباب وحمام… بقي بيت عيلة كبير 

قولت له تمام الصبح هاتلي سوزان بس لازم ترتدي نفس الملابس يوم ما اختفت وأنا عرفت هعمل ايه… 

شريف… 

كان يوم متعب أوي رجعت البيت تعبان مش شايف قدامي اخدت لجي وجودي في حضني ونمت حتى كسلت أكل… 

وتاني يوم الصبح قومت مجهد أوى وناديت ع برك وقولت له جهزلي أى حاجة أكلها علشان أنام تاني.. أنا مش هروح القرية انهاردة.. أنا خلصت كل حاجه هناك..

ولقيت برك بيقولي هى العرافة عارفه أنك خلصت كل حاجه هناك.

قولت له لأ متعرفش هى سافرت تدور ع سوزان ومش عارف هترجع أمتي بس واضح أنها هتغيب كام يوم… 

بصلي برك وقالي استحالة… السا'حرات. ع وصول وهى عارفه ميعادهم وده معناه أنها هتكون موجودة في القرية انهاردة.. 

قومت بسرعة قولت له صح.. طب جهزلي أى حاجة بسرعة علشان الحق أروح القرية وبالمرة شوفلي شنطة كبيرة واملاها فاكهة وخضار لأهل القرية. امبارح مأخدتش لهم أى حاجة ده غير أنهم لازم يخزنوا كميات كبيرة في الخندق.. محدش يعرف هيفضلوا فيه اد ايه…  

ومش عارف لو الساحرات.، ظهرت ازاى هروح القرية ولا ازاى أعرف اخبار سوزان😔….

خلصت وجهزت نفسي وأول ما وصلت القرية لقيتها فاضية تماماً مفيهاش حد!!! معقوله تكون السا'حرات. هنا بس أنا مش شايف حد وفي هدوء جامد أنا لازم انزل الخندق.، قبل ما حد منهم يشوفني ع الأقل اعطيهم الأكل أكيد هيحتاجوا له ولقيت الشبكة الحديد، بس اللي مقفولة فتحتها ونزلت وقفلت ورايا الشبكة والباب كمان علشان محدش يشوف الخندق. نهائي… 

وفضلت ماشي فيه لكن مافيش حد. فكرت أطلع بيت العمدة لكنه فاضي!!!؟ معقوله هما أهل القرية اختفوا ولا إيه.. 

وقبل ما ارجع النفق تاني ابتديت أسمع صوت فتحت الباب براحه بدون صوت وشوفت ناس خارجه من بيت العرافة.. 

خرجت من بيت العمدة ودخلت بيت العرافة وشوفتها بتفرق من الفاكهة والمعجنات وكل واحد ماسك طبق ياخد نصيبه ويخرج من البيت وكلهم أول ما شافوني فضلوا يغنوا ويصقفوا…

قولت لهم هو في إيه مش فاهم..

 ردت العرافة وقالتلي في أنك أنت اللي احضرت لهم الفاكهة دى… ده غير شنطة الفاكهة والخضار اللي تركتها في الخندق… 

يلا يا جماعه احضروا الشنطة.. اليوم كلنا لازم نحتفل ومعانا شريف طبعاً…  

العرافة رشامنصور…

ظهرت بالليل بعد ما شريف ما رجع البيت وفهمت أهل القرية إني عندي مفاجأة ولازم كلهم يكونوا عندي مع بداية النهار وبرك عرفني بوصول شريف ودخوله الخندق.، 

واستغربت لما قولت أن اليوم كلنا هنحتفل وشاورت ب أيدي وخرجت سوزان وهى…….  

شريف…. سوزان 😲😲

                   الفصل التاسع عشر من هنا 

لقراءةباقي الفصول اضغط هنا