رواية ايام هنا الفصل الثامن8 بقلم ميرفت السيد

وصل خالد للقريه السياحيه اللي اتفق مع هنا انها تنزل فيها بسرعه قبل ما يهربها حجز لها شاليه صغير عن طريق واحد صاحبه بيشتغل هناك

خبط على الباب لحد ما هنا اذنت له يدخل دخل خالد لقاها قاعده بالشرفة  بتبص على حمام السباحه اللي قدامها و على الناس اللي بتعوم وعينيها كلها دموع

قعد قدامها وقال لها :عامله ايه يا هنا

قالت له * تفتكر  هكون عامله ايه بعد كل اللي عرفته

: لا يا هنا انا عايزك تقوي انا مش عاوزك تضعفي تاني وبعدين لازم تفهمي ان كل دول طمعانين في فلوسك

*لدرجه انهم عاوزين يموت...وني يا خالد؟

:  اه يموتوكي الطمع والجشع يعمل  يعمل اكثر من كده

*خالد انا عندي سؤال انت عرفتها ازاي وازاي وصلت معاهم للمرحله دي ؟

: والله يا هنا انا اعرف هناء من واحنا مراهقين كنا بنحب بعض عارفه طبعا حب المراهقه ولما حصل اللي حصل وسافروا القاهره علاقتنا ما اتقطعتش وكانت عن بعد

لما دخلت الجامعه كنا بنتقابل كل يوم وبعد ما اتخرجت عرضت عليا ان احنا نتجوز وحماتي شجعتنا ولما قلتلهم ان انا معيش فلوس حاليا قالت مش مهم هتقعدوا معايا

فهمتها ان امي عاوزه تجوزني امنيه عشان فلوسها شجعتني على ده كمان وقالت ان جوازي من هناء هيكون في السر

سكت خالد وبدا كما لو أنه نادم على كل ماحدث ولكن هنا سألته بفضول *وبعدين؟

: بعد الجواز بانوا على حقيقتهم كل همهم الفلوس وبما انك انتي اللي معاكي الفلوس فكان الحقد كله عليكي بس  بعد ما شفت بنفسي قد إيه انتي انسانه بريئه وطيبه بجد انتي انقى إنسانة بوسط كل العالم دي

و كمان امنيه قالت نفس الكلام عنك وقالت انك غلبانه كنت حاسس بتأنيب ضمير ان انا بساعدهم وبعدين انا اعمل اي حاجه الا القت...ل

انتي ما تستاهليش كده.

طيب انا دلوقتي محتاجة مساعدتك عشان اقدر اخد حقي

: وهو ده اللي انا مستني منك تعمليه انك تاخدي حقك وصدقيني هساعدك

ابتسمت هنا *انا مدينة ليك بحياتي

: متقوليش كدة دي اقل حاجة اقدمهالك بعد الي حصل

*بص يا خالد  #بقلم_مرفت_السيد انا فكرت لقيت ان احسن حل انك تساعدني اني اوصل لحقي

:ازاي يا هنا ؟

اول خطوه لازم اوصل لمحامي بابا الله يرحمه بابا كان دايما يقول عنه انه راجل محترم انا كل اللي فاكراه ان اسمه عبد العظيم وان مكانه في القاهرة في الهرم ومش فاكره الباقي

: بسيطه  ياهنا متقلقيش هعرف لك كل حاجه عنه وهوصلك ليه في اسرع وقت.

ابتسمت #بقلم_مرفت_السيد هنا بامتنان: ربنا يخليك يا خالد بجد انا لو ليا اخ

ابتسمت هنا بسخريه ما ينفعش اصلا اقول كده اللي من دمك مستعد دلوقتي يق...تلك عشان الفلوس

بس بجد يا خالد انا عمري ما هنسى لك وقفتك ابدا جنبي

: بصي يا هنا انا لازم اروح دلوقتي عشان المفروض ان انا اتفقت معاهم اني هكتب كتابي على امنيه واخذ منها الفلوس فلوس للشخص اللي اتفق معاه علاء انا اسف يعني على قتل...ك وهحاول اقلبها في باقي الفلوس اللي ابوها واخوها مخبينها وهي عارفه طريقها

*ياه للدرجه دي مسعورين على الفلوس على العموم اللهم اضرب الظالمين بالظالمين امنيه ما تفرقش كثير عنهم.

: انا هسيبك بس هتابعك كل شويه التليفون اللي انا اديته لك معاكي والخط اللي فيه ده محدش يعرفه تمام خليه معاكي لو في اي حاجه رني عليا في اي وقت ما تشغليش بالك انا هعرف ارد عليكي ولو ما عرفتش هكنسل عليكي واي حاجه تحتاجيها محمد امام صاحبي هنا وزي اخويا هيكون تحت امرك ورقمه معاكي و هتلاقيه قدامك كل يوم من غير ماتطلبي هيشوفك محتاجه ايه ده ولد جدع ومحترم ما تخافيش

*ما تقلقش عليا وخلي بالك من نفسك يا خالد

ابتسم خالد وقال لها :هنا انا كل اللي عاوزه منك انك تنشفي وتجمدي الدنيا دي ما ينفعش فيها الضعيف

*انا واثقه من كده يا خالد انا واثقه ان كل اللي انت بتقوله صح  واتأكدت بنفسي وباصعب طريقه لازم اتغير

ودعها خالد وانصرف بعد ما ترك لها بعض المال على الترابيزه من غير ما تشوفه عشان هو واثق ان هي هترفض تاخد منه حاجه.

بعد انصرافه بفتره مسكت هنا تليفون تاني جوه شنطتها وقفلت التسجيل اللي كانت بتسجله على الوتساب لأحد  ما

وبعدين اتصلت بنفس الرقم على التليفون واتكلمت مع شخص ما قالت له: اظن كل حاجه واضحه وسمعت كل حاجه بنفسك

قال لها: اه تمام

المفروض دلوقتي ان انا اعمل ايه؟

: المفروض النهارده ترتاحي وبكره هقول لك تعملي ايه #بقلم_مرفت_السيد ومش عاوزك تقلقي

قررت هنا انها تنزل تتغدى وتتمشى شويه جوه القريه اللي هي فيها يمكن تقدر تصفي ذهنها لانها فعلا حاسه ان هي مشوشه بصت لنفسها في المرايه وهي بتلبس وقالت كتير عليا كتير بجد كل ده في كام يوم اتنهدت وهي بطريقها للخروج لمحت الفلوس اللي خالد سايبها لها ابتسمت وحطيتها في شنطتها ومشيت

في منزل خالد كانت امنية مستلقية بغرفة خالد وهي تمسك #بقلم_مرفت_السيد باللاب توب الخاص بخالد وتتصفح بعض مواقع السوشيال ميديا بلا إهتمام

دخلت خالتها وقالت لها : ماتقومي يابت ساعديني انتي هتفضلي نايمة كدة على طول

امنية بدلع' وماله ياخالتي هو انا وش بهدلة زي هنا ولا إيه ؟

خالتها بسخرية:والله ان جيتي للحق هنا اصلها بنت عز

امنية بحدة * قصدك إيه ياخالتي خلي بالك انا مش عاوزة ارد عليكي عشان خاطر خالد

قاطعها دخول خالد وماإن  رأته امنية حتى نهضت وهرولت اليه وعانقته

نظرت خالتها اليها بقرف وغمزت لخالد وانصرفت

ابعدها خالد وقال بعصبية:امنية انتي بتعلي صوتك على ماما ؟

امنية بدلال *والله ياخالد هي الي بتستفزني

ثم سارت امامه وهي تتبختر ووقفت امام المراة وهي تداعب خصلات شعرها واكملت :وبعدين انا طول عمري متدلعة وانت عارف وغنية ولو عاوزة البلد كلها تخدمني اقدر اعملها

خالد وقد شعر بان الفرصة قد اتيحت له مما قالته  فتحدث بهدوء :وانا الي كنت جاي اقولك على خبر هايفرحك

ثم اقترب منها واحتضنها من الخلف هامسا إليها: وحشتيني ياقلب خالد

*لو وحشتك كنت تفضل جنبي

قبلها خالد حتى شعر باستسلامها له فهي تعشقه ثم تركها ليتلاعب  بها ووقف بالشرفة موليا ظهره اليها وقال بغضب مصطنع: مصرة تزعليني منك

انا مكنتش بالعب كنت بحضرلك مفاجئة بس مش هقولك عليها

قفزت امنية #بقلم_مرفت_السيد وهي تسحبه من يده ليجلس بجوارها*لا عشان خاطري ياخلودة قول

: الاول قبل ماانسى  اخوكي كلمني من السجن وعاوز نص مليون جنيه عشان يخلص من هنا وبيقولك بامارة  السلسلة

بجد هو عامل ايه بابا وماما شفتهم ولا لسة؟

:طبعا شوفتهم قبل مايتعرضو على النيابة كويسين متقلقيش

*بس علاء عاوز الفلوس ليه هايخلص من البت دي ازاي  مش فاهمة

:اجرلها واحد يخلص عليها

*ماشي ياحبيبي هابقى اجيبهملك النهاردة

بس قولي بقى على المفاجئة

: لا زعلان منك صالحيني

قبلته امنية بجراءة وهي تقول: بحبك بحبك بحبك متزعلش مني

ابعدها عنه برفق: مقدرش ازعل منك يامونا  امري لله هاقولك

حضري نفسك عشان نتجوز

هتفت امنية بسعادة:بجد ياخالد و اخذت تزغرد بسعادة وترقص

ضحك خالد وجذبها اليه:اصبري بس  اسمعيني هو في مشكلة ممكن تأجل الجواز

واكمل بخبث:وحلها بايدك

*لا اي مشكلة ليها حل بس جوازنا ميتأجلش

:عاوزين شقة خاصة بينا وعفش وعاوز عربية افسحك بيها بدل عربيتي القديمة دي وانتي عارفة وضعي وانا عاوز ابدأ معاكي ونعيش حياتنا يبقى شغلي بمزاجي وافضالك واعرف ادلعك

امنية بيأس وهي تمسك بيد خالد*ايوة وانا هعمل إيه ياحبيبي عشان اساعدك

قبل خالد كفيها برقة وهمس لهاوهو يضمها اليه وهي هائمة بين ذراعيه: فلوس ابوكي ياحبيبتي

:بس دة شقى عمره وشايلها للزمن

*ابوكي وامك واخوكي  مشوارهم طويل  متزعليش مني احنا اولى عاوزين نتمتع وابعدها عنه وهو ينظر الى عينيها بحب مزيف :عاوز اعيشك في عز ونسافر ونلف الدنيا ونخلف ونبعد عن مشاكل اهلك ونعمل مشروع حلو وتبقي الهانم مرات البشمهندس خالد

كانت امنية سارحة في عينيه وكلما تحدث وهو يداعبها بلمسات متفرقة على وجهها وشعرها جن جنونها الى المزيد من لمساته كلما قبلها او ضمها تمنت لو لم يتركها ابدا فكانت مقتنعة تماما بكل ماقاله فهي تريد اسعاده وتريد ان تتزوجه

لم يحتاج خالد لمجهود كبير لاقناعها فقد وافقت بسهولة فهي واقعة في حبه حد السذاجة

وبعدما انتهى واتفقا على كل شيء رافقها الى منزل عائلة عمه وفتحت المخزن ثم فتحت دولاب قديم بمفتاح تحمله بسلسلتها واخرجت ثلاث حقائب مليئة بالاموال وناولتهم إليه وقالت اوعى ياخالد تغدر بيا

فوضع خالد #بقلم_مرفت_السيد الحقائب جانبا وجذبها اليه بقوة وقبلها وقد جعلته شهوة المال كالذئب المسعور واستسلمت امنية إليه حتى افقدها ماهو اغلى من كنوز الأرض ولكنها لم تقاومه او تهتم فقد شعرت بسعادة افقدتها القدرة على الندم بل انها شجعته على ماحدث

وبعدما انتهيا حمل خالد الحقائب وأمسك بيد امنية وقال لها وهو يقود سيارته : باقولك إيه انا هجيب المأذون للبيت ونكتب الكتاب حالا ايه رئيك

قبلته امنية: ياحبيبي ياخالد موافقة طبعا ياللا بينا

كانت هنا تشتري بعض الاشياء من ماركت بداخل القرية وبينما هي عائدة الى الشاليه توقفت سيارة بجوارها ولكنها لم تهتم وفي ثواني كانت هنا فاقدة لوعيها  ومتخدرة على يد  ثلاثة رجال ملثمين وادخلوها للسيارة  وفروا بسرعة البرق

استعادت هنا وعيها وهي غارقة بالماء البارد الذي قذفها به احد الرجال صارخا بها:فوقي يابت

استفاقت هنا وهي ترتعد من ملابسها المبتلة  لتجد نفسها مقيدة بكرسي  نظرت حولها ولكن الرؤية غير واضحة فهي مازالت مخدرة

حتى سمعت صوتا تعرفه جيداً: هههههه الظاهر انكم تقلتو العيار يارجالة

نظرت هنا لتجد أمامها اخر شخص تتوقع رؤيته  لتصيح بدهشة: مش معقول ......