رواية ايام هنا الفصل الحادي عشر11 الاخير بقلم ميرفت السيد

نهض علي بابتسامة باردة واتجه الى الترابيزة الممتلئة باشياء كثيرة من أدوات تعذيب وهي تتابعه بعيناها

وأمسك بالكرباج وااخذ يتفحصه وعيناه تلمعان

كانت هنا تتابع مايحدث عبر الشاشة وبمجرد ما رأت علي يمسك بالسوط فادركت ماسيحدث

فنهضت بسرعة وامسكت هاتفها واتصلت بعلي ولكنه القى بهاتفه بعيدا وقال بصوت عالي وهو ينظر لكاميرا المراقبة  ويحدث هنا بلاش تتدخلي 

اقترب علي من فادية وهي تتظر إليه برعب لم تقلح باخفائه 

وانهال علي عليها بالكرباج وهي تصرخ وهو يلعنها بفضب لامثيل له :انا هاوريكي ياكلبة الفلوس انا ماشوفتش شوية من أفعالك 

كان المكان يهتز من صوت ضرباته : انتي الي وصلتيني للي انا فيه كان طموحي اكون دكتور ابويا مات بقهرته

كانت تبكي وتتألم فقالت: كفاية حرام عليك

*مش هارحمك غير لما تقولي انك كدبتي وتحكي كل الي حصل 

لم ترد كانت تبكي بصوت عالي

فعاقبها علي بضربات اقوى فاستسلمت وقالت : خلاص  خلاص هاقول ياعلي

القى علي بالكرباج بإرهاق  وقال: دقيقة وراجعلك ياعقربة

انصرف علي وتركها تتألم 

اتجه علي الى غرفة هنا وطرق الباب فاذنت له هنا بالدخول 

كانت هنا تبكي جلس علي بجوارها وقال: حقك عليا مكانش لازم تشوفي الي حصل والي هيحصل 

كانت هنا منهارة من البكاء ربت علي على كتفها

وشعر بالحزن لرؤيتها تبكي فقال بهدوء كفاية ياهنا انتي بتعيطي على ناس عاوزين موتك انتي متأكدة انها امك؟

#بقلم_مرفت_السيد

كانت هنا تبكي بحرقة فاقترب علي منها وازاح خصلات شعرها من على عينيها وأمسك بمنديل وقام بمسح دموعها ولكنه توقف ونظر مطولاً بعيناها ثم ضمها إليه بقوة تفاجئت هنا ولم تستطع بجسدها الضئيل مقاومته ولكنها حاولت التملص منه

شعر علي بها  فهمس لها قائلا : هنا انا مقدرش أأذيكي متخافيش انا عارف انك مستحيل تفكري ان حد زيي ممكن يكون بيحس اصلا 

بس امك السبب ياهنا

ثم ابعدها عنه وهو ينظر إليها بحنان :هنا انا عاوزة اقولك إني مش مستحمل اشوفك بتعيطي ودة غريب اوي عليا

وفجأة شعر بأنه اخطأ  وانصرف بسرعة 

مغادرا غرفتها 

نده علي على رجاله وهمس لأحدهم بشيء

فهز رأسه بالطاعة وانصرف

ثم قال لأحد رجاله: البت هناء دي ولدت ولا لسة؟

اجابه الرجل: على وشك يامعلم

*تمام  وناول احد رجاله تليفون وقال:  خد وصور الم..رة دي اول مااقولك 

ياللا معايا 

بغرفة اخرى كانت هناء تلد وتصرخ بقوة والداية تساعدها 

اما هنا فكانت بحالة صدمة مما بدر من علي فاقت من شرودها على رنين صامت من هاتفها

فدخلت الحمام لتجيب :الو

*هانت متقلقيش كلها ساعة تقريبا واوصل

:تمام 

*حصل حاجة جديدة؟

: حصل بس انا سامعة صوت لازم اقفل بسرعة

اغلقت هنا الهاتف ونظرت لنفسها بالمرآة ثم خرجت من الحمام وجلست بهدوء تتابع شاشة المراقبة

دخل علي واثنان من رجاله على فادية التي كانت ملقاة على الارض  نائمة على جنبها تتألم غير قادرة على النهوض بسبب قيدها 

اجلسها رجال علي على كرسي وبدأ احدهم بتصويرها فيديو 

قال علي:احكي يافادية عملتي إيه 

*حكت فادية بصعوبة  ماحدث وبرأت والد علي مما اتهمته به بناء على خطتها مع عبد الحق لازاحته من الطريق 

انتهت فادية وابتسم علي وامسك بهاتفه زقتم بنشر الفيديو على كل جروبات مدينته 

ثم طلب من رجل من عصابته ان يقوم بتصويره

 أمسك علي بسلاحه الناري واقترب من فادية وقال : ارفعي راسك وبصيلي في عينيا انا متعودتش اقت..ل حد من غير مااكون انا اخر حد يشوفه بحياته ومبخافش من اني ابص بعين الي هانهي حياته 

بكت فادية وقالت بخوف وتوسل: بلاش ياعلي خد كل مااملك ابوس إيدك وانحنت تقبل يده ثم انقضت على قدمه ونست شعورها بالألم وقبلت حذاؤه ابوس رجلك ابوس جزمتك

نهرها علي ودفعها بحذائه فسقطت على الأرض فأمسك بها واجلسها على الكرسي مرة اخرى وقال : خلي عندك كرامة لمرة واحدة بحياتك

الموت للي زيك راحة لباقي البشر

ثم رفع سلاحه ونظر اليها بحدة وكره وغضب لامثيل له وبطلقة واحدة سقطت فادية جثة هامدة

ضحك علي بشدة ثم جلس واضعا قدما فوق الأخرى واستعاد هدوئه 

ثم قال لرجله:انشر الفيديو دة كمان من الاكونت إلي انت عارفه اوعى وشي يكون ظاهر وخد جثة الولية دي اخفيها في اي داهية 

رد الرجل: حاضر ياريس 

كانت هنا تشاهد مايحدث ولكن اغلقت الشاشة قبل ان يقوم علي بق..تل امها 

وفجأة دوت صرخة مدوية جرى علي على اثرها الى مصدر الصوت غرفة هناء 

خرجت هنا فزعة من غرفتها فمنعها احد رجال علي من الخروج وقال: الباشا قال خليكي في اوضتك 

دخلت هنا الغرفة ثانية وبعد دقائق قليلة سمعت علي يصيح :ماتت ازاي ياغبية انتي هببتي إيه 

المرأة:والله ياعلي باشا ماعملت هي كانت ضعيفة وبتنزف مقدرتش اوقف النزيف بس العيل عايش اهو 

علي : اعمل بأمه إيه دة يامتخلفة خدها ياسمير حاسبها وغورها من قدامي 

فاطاعه الرجل 

اكمل علي كلامه :وانت ياخليل انت وابو احمد وباقي الرجالة اخلصو من الج..ثتين دول بسرعة 

كانت هنا قد ادركت ماحدث رحلت امها واختها بفرق ٤ دقائق

جلست هنا مكانها وهي بحالة صدمة ولم تلبث الا دقائق اخرى حتى سمعت اصوات كثيرة بالخارج وتبادل لاطلاق نار 

شعرت هنا بالخوف فجلست مكانها ووضعت يدها على اذنيها ثم لم تتحمل كل ماحدث فقدت  هنا وعيها 

فاقت هنا لتجد نفسها نائمة على سرير ويدها موصلة بالمحاليل فادركت بانها بالمستشفى 

ووجدت بعض رجال الشرطة يتحدثون بجوارها وماان رأوها قد استعادت وعيها حتى نادى أحدهم:حضرة الظابط ياسر الشاهدة فاقت

دخل ياسر وجلس بجوارها على كرسي وقال:حمد الله على سلامتك 

هنا بتعب: الله يسلمك 

*الظاهر اننا وصلنا متأخرين

:اه فعلاً 

*محدش كان متوقع انه يعمل كدة بالسرعة دي وبخلال يومين يكون  علي خلص على كل دول

المهم لازم تشهدي على كل الي حصل 

:تحت أمرك ياحضرة الظابط

*انا اسف لخسارتك ومقدر مساعدتك لينا ومتقلقيش كل الي حصل كان متسجل بكاميرات مراقبة وحتى الفيديوهات الي نزلها عالسوشيال موجودة على فون خاص بيه حرزناه 

:وعلي قبضتوا عليه؟

*للأسف حصل تبادل لإطلاق النار واتصاب وبالعناية المركزة

: إيه ازاااي😲

*متقلقيش إحنا جنبك ومعاكي 

:انا مش خايفة انا مرعوبة دة بيق..تل بدم بارد

نظر لها ياسر بتعجب:هو انتي خايفة إزاي وانتي بحمايتنا متقلقيش انتي هتخرجي من هنا على بيت آمن 

:ارجوك متسبنيش انا مليش حد وبكت هنا

طيب والبيبي 

#بقلم_مرفت_السيد

*الطفل بالحضانة واتصلنا بخالد  والده وجه  النهاردة بس للأسف   قبضنا عليه لأنه كان عارف بحادثة الخطف ومبلغش ولقينا دلائل كتير على اشتراكه باكتر من جريمة نصب 

:طب والطفل؟

*هاتستلميه لو تحبي 

:ايوة طبعا دة بريء ملوش ذنب 😭

*متقلقيش هو هنا في الحضانة جاهزة للرد على الاسئلة

:جاهزة

انتهى التحقيق مع هنا وبينما تستعد  للخروج من المشفى  اتصل بها ياسر وطلب منها الإنتظار 

جلست هنا. بطرقة المشفى بانتظار ياسر فوجدت عبد العظيم المحامي امامها

:ايه ياهنا حصل إيه 

*انت عرفت اني هنا إزاي 

:اتصلت بيكي امبارح رد عليا ظابط وقولتله اني محامي بتاعك فقالي كل الي حصل ازاي يابنتي شوفتي كل دة واتحملتي ولوحدك يابنتي انا زي ابوكي من هنا ورايح

*ربنا يكرمك 

:انا خلصت الإجراءات وبكرة او في اي وقت  تقدري تيجي تستلمي فلوسك 

*ان شاء الله انا بقيت محتاجة كل قرش دلوقتي 

:ربنا يعينك يابنتي

قاطعهم ياسر:جاهزة ياهنا ونظر الى عبد العظيم :مش تعرفينا 

*حضرة الظابط ياسر دة الاستاذ عبد العظيم المحامي  

تصافح الإثنان 

قالت هنا:انا كدة هاروح ياحضرة الظابط لاني عرفت ان البيبي هايفضل بالحضانة شوية

*لأ ياهنا لسة محتاجين لك 

عبد العظيم: محتاجينها في إيه ياحضرة الظابط 

ياسر: علي  حالته اتحسنت نوعا ما ورافض يتكلم غير لما يتطمن على هنا

عبد العظيم:دة خطر عليكي و .

قاطعته هنا: متقلقش  عليا 

ياسر: اتفضلي معايا

دخلت هنا وبصحبتها ياسر الى غرفة الافاقة

كان علي بحالة خطرة ولكنه بمجرد مارأى هنا اشار لها. بالاقتراب

شجعها ياسر على الاقتراب وهو يقف بالقرب منها

قال علي بصوت واهن :هنا انتي بخير؟

*الحمد لله ياعلي

: هنا متخافيش انا عارف انك ضحية وانا مبقتش عاوز فلوس وبحلك من الإتفاق الي بينا المهم اني اخدت حق عيلتي كلها قربي مني 

#بقلم_مرفت_السيد

بكت هنا:خلاص كفاية كلام ياعلي

*لأ اسمعيني 

اقتربت هنا منه ليهمس في اذنها بكلام لم يسمعه سواها

ثم ابتعدت فاكمل قائلا :انا عاوزك دايما تفضلي كدة بريئة بس تكوني واعية  ومتامنيش لحد  المهم اني اتطمنت عليكي امشي ياهنا سيبي البلد دي بكل القرف دة ابدأي من جديد على نضافة

ودلوقتي ياباشا انا تحت امرك 

ياسر:ياللا ياهنا 

غادرت هنا غرفة علي وانفجرت باكية

اخذ عبد العظيم بمواساتها :يابنتي دة مجرم ميستاهلش

ياسر:اهدي ياهنا وياللا عشان لازم تروحي مكان آمن ياعالم مين ورا علي دة

حاول عبد العظيم أن يأخذ هنا معه ولكن ياسر رفض وهنا وافقت على الذهاب مع ياسر مع وعد لعبد العظيم بان يقابلها بالبنك بعد غدصباحاً لاستلام ميراثها 

في الصباح ذهبت هنا بصحبة ياسر الى النيابة للإدلاء باقوالها واليوم التالي تسلمت هنا ميراثها 

بعد مرورثلاثة اشهر جلست هنا بشرفة إحدى الفنادق وهي تتأمل البحر وتبتسم وتنظر الى الطفل النائم بسلام داخل الغرفة وعادت لتأمل المنظر البديع

فاجأها شخص يتسلل من خلفها ووضع يده على عينها صرخت فزعة

فهمس اليها: لسة قلبك ضعيف

ضحكت هنا وهي تلتفت إليه :مش هتبطل شقاوة بقى ياياسر

احتضنها:حبيبتي وحب عمري ياهنا

انا معرفتش الشقاوة غير على إيدك 

هنا بمرح:دة انا غلبانةوغمزت له بشقاوة

ها عملت ايه 

*لقيت الامانة مكان ماعلي قالك بالظبط

قبلته هنا فقال ياسر وهو يضمها اليه : ياااه فاكرة خططنا للحظة دي من كام سنة ؟

*المهم اننا وصلنا للنهاية 

:الاهم اننا بقينا سوا وان كل الي كانو بطريقنا خلصنا منهم 

 قاطعهم  صوت رجولي: ماتفتحوش بالقديم ياولاد 

احتضنه ياسر: ياحبيبي يااستاذنا حمد الله على السلامة

هنا: المهم يااستاذ عبد العظيم حقك وصلك

:طبعا ياهنا وعدتي ووفيتي من وقت ماخططتي لكل دة ووالدك بالمستشفى لما عرفتي انه كتب لامك كل حاجة كان مخدوع فيها فاكرها بريئة ساعتها كان لازم اتصرف وانتي رسمتي الخطة  واقنعنا كل الناس انك المستفيدة من الوصية وتمت خطتك على اكمل وجه مكنتش متوقع تنفذي كلامك وتتحملي كل البلاوي دي لحد ما توصلي لسن الرشد حتى الاقدار حطت بطريقنا علي وخالد وتأخير وصول ياسر المتعمد عشان علي يكون خلص منهم

#بقلم_مرفت_السيد

ياسر: ياااااه كان مشوار طويل 

هنا: الحمد لله خلاص ياجماعة احنا دلوقتي هنا قي ايطاليا خلينا نعوض السنين الي فاتت 

عبد العظيم:ايوة استأذنكم انا بقى عروستي بانتظاري واوعو تنسوا تطمنوني عليكم دايما

انصرف عبد العظيم ووقفت هنا تنظر للبحر امامها وياسر يقف خلفها محتضنا اياها 

:عارفة ياهنا مكنتش مصدق إني هاتجوزك انا وانتي بنحب بعض من ساعة ماكنتي بتاخدي درس عند بابا وانتي صغيرة في ثانوي وانا كنت بكلية الشرطة

 ولا كنت متخيل نجاح خطتك في يوم لا انا ولا عبد العظيم

ابتسمت هنا : المهم النهاية ياياسر والصبر 

الي عاوز حاجة لازم يخطط صح ويصبر 

*بحبك ياهنا

: بحبك ياياسر