رواية ايام هنا الفصل العاشر10 بقلم ميرفت السيد
اتفاجئت هنا بدخول علي ومعاه رجالته
ومعاهم اتنين ستات وراجل ملبسينهم قناع كامل على وشهم ومكتفين ايديهم
باشارة من علي الرجالة رموا التلاتة عالارض تحت رجل هنا
الي كانت مصدومة وبتبص عليهم باستغراب
وفجأة قامت هنا من مكانها مفزوعة وجريت على الاوضة الي بتنام فيها
علي قال لرجالته :ارمو الكلاب دول دلوقتي في المخزن لحد ماافوقلهم
كان هاتف هنا يرن بإلحاح لهذا سارعت للرد وبمحرد مافتحت الاسبيكر وقالت :الو
كان علي يقف بجوارها ليستمع
خالد بصوت مهزوز : هنا انتي فين طمنيني عليكي
*الحمد لله ياخالد متقلقش كام يوم وراجعة
بس قولي مال صوتك ؟
: ماهو انتي متعرفيش الي حصل النهاردة
*خير في ايه قلقتني
#بقلم_مرفت_السيد
:علاء وعمك
هنا بفزع*مالهم؟
:في المستشفى بحالة صعبة اتخانقو مع مساجين واتضربو ضرب شديد وعمك اتطع..ن بقلبه وعلاء اتضرب في بطنه اتصلو بيا من السجن بس مقدرتش اروح
*بجد!!!!
:اه والله ياهنا
*طيب وحالتهم إيه طمني
:علاء في العمليات و عمك....
صمت خالد للحظات ثم اكمل بحزن: مات بعد ماوصل المستشفى البقاء لله
نظرت هنا الى علي برعب وتساؤل فهز علي رأسه بالايجاب بما معناه ايوة أنا
دمعت عيون هنا:لاحول ولا قوة الا بالله
:انتي زعلانة عشانهم ياهنا
انتي المفروض تفرحي يابنتي دول من حوة السجن كانو هايقت...لوكي
*هما روحين مهما كان الله يرحمك ياعمي و يسامحك وربنايشفيك ياعلاء
: انتي اصيلة ياهنا بس لسة الاخبار مخلصتش
*حصل ايه تاني
:المجرم الي كان متأجر عشان يخلص عليكي خد الفلوس من امك واختك وتقريباً كدة طمع فيهم و سلط عليهم عصابته يخطفوهم
نظرت هنا الى علي هذه المرة نظرة انا عارفة
اتسعت ابتسامة علي وهز كتفيه بلا مبالاة
اكمل خالد:هنا سكتي ليه
*مش حاسة ناحيتهم بتعاطف ياخالد
:انا عارف بس الغريب ان في كارما (عاقبة الافعال) بتحصل وحقك رجعلك لانك اتظلمتي
*ربنا كبير ياخالد المهم طمني اتجوزت امنية ؟
واخدت الفلوس؟
:طبعا وبنقضي شهر العسل في شرم وكل الي عرفته عن امك وعن مراتي دة من كاميرات المراقبة الي في البيت بتاعي الي حصل فيه كل دة قبل ماالمجرمين يكسروها
*طب ومراتك والبيبي؟
:هعمل ايه يعني هاتصل بالبوليس واتق..تل من المجرمين دول ربنا معاها بقى
*ماشي ياخالد انا مضطرة اقفل
: ابقي طمنيني عليكي ياهنا
*سلام ياخالد
واغلقت هنا الهاتف
علي:اما ندل صحيح
*انت قتلت عمي وعلاء ليه ياعلي ؟
:دة تاري ياابلة برة عنك
*طيب وهتعمل إيه في ماما وهناء
#بقلم_مرفت_السيد
:انا كنت ناوي اخليكي تذليهم شوية بس بما انك قلبك رهيف كدة انا هاتصرف وانتي اقعدي هنا
وفتح لها علي شاشة المراقبة وطلب منها ان تتابع من خلالها ماسيفعله
*ارجوك بلاش دم ياعلي انا طلبت منك تخلصتي منهم تبعدهم يعني مش تمو.. تهم
علي بغضب: انتي عارفة انهم يتمنو موتك وقبل مااجيبهم كان. بيدفعو للراجل الي علاء اتفق معاه عشان يخلص عليكي بطلي سذاجة يابنتي وعموما دة تاري امك وعمك دم ابويا برقبتهم
بعد انصرافه دخلت هنا الى الحمام وبسرعة اتصلت على رقم كان ينتظر اتصالها بفارغ الصبر وأخبرته بسرعة عما حدث ولأنها مراقبة طوال الوقت لم استطع إخباره بما حدث فطلب منها المتحدث ان تفتح اللوكيشن وتتصرف بطبيعتها وبألا تقلق لو تاخر قليلا بالمجيء فهو بالفيوم وسيغادر من فوره الى القاهرة
وبسرعة فعلت هنا ماطلبه منها وعدلت من هندامها وخرجت لتجلس وتراقب مايحدث كما طلب منها علي
دخل علي الى المخزن وطلب من رجاله ان يرفعو قناع الرجل الذي رغم انه مجرم الا انه كان يرتعد خوفا
قال علي:بص يامعلم انت اتقاولت على رقبة وخدت التمن صح ياض
ضربه احد رجال علي بقوة وصاح به :رد عالمعلم يا...
قال الرجل وهو يبصق دماء :ايوة ايوة
علي: الي اتقاول معاك اتكل هايقابل وجه كريم خلاص
بلع الرجل ريقه بخوف اكمل علي: ولو مش عاوز تحصله خد الفلوس الي اتفقت عليها واخفى وانسى الإتفاق
قال الرجل بغير تصديق:بجد يامعلم؟
ضحك علي :كلمتي عهد يا....
واشار علي لاحد رجاله فقام بفك وثاق الرجل وأعطاه حقيبة بها المال اهذها الرجل فرحا
فقال علي: خلصانة ؟
امسك الرجل بيد علي وقبلها: خلصانة واكنه محصلش ياسيد الناس
علي:وصلوه يارجالة
اخذ رجلان من رجال علي الرجل الى الخارج واضعين غلى وجهه القناع مرة اخرى كي لايعرف المكان
ثم التفت علي للمرأتان المقيدتان
واشار لرجاله فرفع رجاله القناع عن وجه المرأتان وازالو اللاصق من على فمهما ليتألما وبمجرد ماتعودت أعينهما على الضوء
نظرت المرأتان حولهما بفزع للرجال المقنعين الواقفين بصمت
وهما يتساءلان :في ايه انتو مين
وعلي يتابعهما وهو يجلس واضعا قدما فوق الأخرى بغرور
قالت هناء وهي تبكي:انا حامل عاوزين مني إيه
بينما الأم لا تبكي وتحاول إخفاء خوفها
#بقلم_مرفت_السيد
فقالت: لو مفكرين ان معانا فلوس تبقو غلطانين انا هادلكم على الي معاها فلوس بجد
ضحك علي بصوت عالي وصفق : انتي لسة ماتغيرتيش يافادية
نظرت إليه ام هنا وهي تحاول ان تتذكر وجهه :انا باشبه عليك
اقترب علي منها وانحنى لترى وجهه عن قرب وقال : عجزتي ونظرك ضعف دة انا حتى شبه ابويا ياحية
قالت هناء بتوسل وهي تبكي وتحاول الجلوس ولكن بسبب المجهود وحجم بطنها لاتستطيع الحلوس على الارض :طيب ياحضرة انا حاسة بوجع في ضهري ابوس إيدك مشيني ودوني المستشفى حاسة اني هاولد شكلك مشكلتك معاها انا ذنبي إيه
قاظية:اه يازبالة
علي بسخرية:اتقلي دورك جاي اينعم مش زي راس الافعى بس برضه مش هاحلك
مع ان جوزك بيقضي شهر العسل وعرف الي حصلك وخاف على نفسه بس انا هطلع جدع ابنك بريء من قرفكم
واشار الى احد رجاله وقال: خدها الاوضة التانية واتصل بام غرام تيجي تولدها ولا تشوف مالها
فنفذ رجلان الأمر بصمت وساعداها على النهوض والمغادرة
وفادية تهتف :كلبة ندلة
علي:طالعة لأمها
وفجأة هتفت ام هنا: انت علي ابو سمرة ......
ثم قالت بانتصار :عرفتك من الجرح الي على رقبتك
ابتسم علي ابتسامة مريبة: طول عمرك عقربة
ضحكت باستفزاز : والله وبقيت راجل ياولا اخر مرة شوفتك كنت لسة بريالة
لم تختفي ابتسامة علي ولكنه بكل هدوء قام ب........