رواية ايام هنا الفصل التاسع9 بقلم ميرفت السيد
علي!!!
هتفت هنا: مش معقول!! طب ليه ؟
ضحك علي بصوت عالي وقال لها : ليه ؟؟
ليه دي اسأليها لأمك انا مستني اللحظه دي بقى لي سنين انا ابن الحاج محمد ابو سمرة الي مات من قهرته بسبب أمك وعمك
هنا والدموع تتجمع في عينيها *وانا ذنبي إيه بس كله جاي عليا انا ليه؟ انا مكنتش فاهمة الي بيحصل اصلا وقتها
ابتسم علي بسخرية: احكيلك انا يابنت
العز
لما ابوكي كان في المستشفى وابويا الراجل الطيب إلي صعبت عليه امك العقربة وبناتها وقرر يقف جنبها
نتفاجيء بعد وفاة ابوكي ان امك طلعت إشاعة ان ابويا بيعاكسها واتفقت مع عمك علشان يبعدو ابويا من الصورة لانه الوحيد الي كان عارف انك الوريثة الشرعية
وقتها عمك غدر بامك وشهد إنها هي وابويا على علاقة
واتحكم على امك تمشي من البلد وابويا كمان وقتها خسرنا بيننا وارضنا بيعناهم بملاليم وفوق كل دة دة خسرنا سمعتنا
#بقلم_مرفت_السيد
مكملناش سنة واتوفى بقهرته بس انا قررت اخد حقه منكم وبما ان الورث بتاعك يبقى حقي عندك
هنا بأسى * يعني بما انك دورت عليا وقدرت توصلي معرفتش اني جاهلة بحكاية الورث والفلوس
ضحك علي بشدة : تفتكري انا ساذج للدرجادي؟
انا وصلت لكل ما يثبت احقيتك للورث من اول المحامي الي بصراحة طلع راجل نزيه ورفض عروض امك بالتلاعب وبيدور عليكي وانا بقى هاوصلك بيه بس بشرط اخد حقي وحق بهدلتنا ومرمطتنا بعد ماكنا اسياد البلد بقينا منبوذين
#بقلم_مرفت_السيد
هنا* وانا ذنبي إيه بس ياعلي بكل الي انت ووالدك وعيلتك اتعرضتوله انت حقك عند امي
علي بسخرية: امك حسابها معايا تقيل اوي يمكن تكوني ضحية بس مش مهم انا قضيت سنين عمري مستني اللحظة دي
ها قولتي إيه ؟
هنا بعد تفكير سريع * اسمعني ياعلي انا في ناس كتير عاوزة موتي لو خلصتني منهم هعوضك عن كل الي خسرتوه
علي بسعادة : اعتبري اني خلصتك منهم بس مين عاوز يخلص منك غير امك واختك ؟
هنا* طليقي ابن عمي علاء متفق مع مجرم من جوة السجن يقتلني عشان ينتقم مني
وامي كمان هي وهناء بيدورو عليا عشان يخلصو مني
:تمام سهلة اعتبريه اتفق على موته هو واهلك دول اعتبريهم ماتو في حادثة انا ليا تار معاهم مع امك واختك وعمك وابنه دة أنا مستني اللحظة دي من زمان بس كل شيء باوانه
انا مبهزرش بس ثم اكمل بخبث : لازم اضمن انك هاتنفذي كلامك معايا
لأن انا كلمتي سيف
*يعني ياعلي يالي تعرفني من طفولتي وواثق اني معرفش كل دة ولا ليا ذنب ومع ذلك وافقت اعوضك لانها فلوس ابويا الي تعتبر سبب كل المشاكل دي تفتكر ممكن اغدر بيك او اكدب عليك؟
نظر اليها علي بتوجس هو واثق من برائتها ولكن وضعه الحالي كرجل عصابات يجعله يشك في أصابعه فقال : لا معنديش شك فيكي ومش خايف انك تغدري لانك حتى لو حاولتي مش هتعرفي بس برضه احب اضمن الي قدامي الدنيا علمتني كدة
*وانا مستعدة ياعلي لكل الضمانات الي تريحك بس خلصني من الي انا فيه ساعدني وانا اساعدك اتفقنا؟
:اتفقنا ياهنا يابنت الراجل الطيب
وفك علي وثاقها وصافحها وقال: بكرة الصبح هاخدك واروح للمحامي الصبح وبالليل اعتبري حوار علاء وامك منتهي
انتي هتنامي فوق في بيتي مع المدام
وتحدث الى احد رجاله :وصلها ياكريم
وجلس علي يفكر ثم اجرى بعض المكالمات وبعدما انتهى اتسعت ابتسامته وقال هانت ياحج هاترتاح بقبرك خلاص
#بقلم_مرفت_السيد
باليوم التالي اصطحب علي هنا الى المحامي وبصحبته ثلاثة من رجاله واعاد لها هاتفها بعد محايلات مستميتة منها وهم بالطريق تفحصت هنا هاتفها فوجدت اتصالات فائتة من خالد ومن الشخص الآخر الذي يقوم بمساعدتها
فاتصلت بالاثنان كلا على حدة تحت مراقبة علي واخبرتهم بانها اضطررت للمغادرة لظرف طاريء وسوف تعود قريبا
ابتسم علي:على فكرة ياهنا انتي طيبة حقيقي والزمن دة مش عاوزك غير قطة بمخالب انما بالبراءة دي هتتاكلي بلقمة واحدة
*ربنا موجود ياعلي هو الحافظ وهايديلنا على قد نيتنا
توقفت السيارة فقال علي:وصلنا ياهنا ياللا بينا انزلي
ترجلت هنا وعلي من السيارة وطلب من اثنان من رجاله الانتظار بالسيارة والثالث سيصعد معهما
وصل ثلاثتهم الى المكتب الفاخر وجلسوا بانتظار المحامي عبد العظيم حتى ينتهي من اجتماعه ببعض الموكلين
قال علي للسكرتيرة بنفاذ صبر :بلغي البيه ياابلة ان هنا وريثة عبد الحافظ الفيومي هنا
نظرت السكرتيرة الى وجه علي الصارم الذي ينم عن الإجرام فخافت ودلفت الى مكتب المحامي
وبعد ثواني كان عبد العظيم قد ترك زبائنه وهرول الى هنا مرحبا بها واصطحبها هي وعلي ومساعده الى قاعة الاجتماعات الخاصة بكبار الموكلين وطلب من مساعديه تولي امر باقي الموكلين وطلب من ابنه هاني ان ينضم إليه
#بقلم_مرفت_السيد
واغلق الباب وطلب من السكرتيرة ان تأتي لهم بالمشروبات
ثم جلس على مكتبه وقال لهنا: يااااه ياهنا دوختيني عليكي سنين وانا دايخ عليكي وجوزك قال انك هربتي منه ولما سألت الجيران قالو انهم عمرهم مالمحوكي حتى وامك حاولت تاخد نصيبك بكل الطرق وانا رفضت دي امانة ابوكي حبيبي واخويا الله يرحمه
علي بنفاذ صبر: دلوقتي اختصارا للوقت هنا عاوزة حقها
*ياااه يااستاذ علي دة يوم المنى شوية إجراءات وبخلال الاسبوع دة هاخدها تستلم فلوسها من البنك هاتي بطاقتك ياهنا
وطلب عبد العظيم من إبنه ان يقوم بعمل اللازم
وظل المحامي يتحدث مع هنا عما تنوي فعله وهي تجيبه بأنها لم تفكر او تقرر بعد
انتهي هاني من الإجراءات واتى لوالده بظرف كبير فطلب عبد العظيم من علي ان ينتظر بالخارج لأن ماسيقوله خاص بهنا فقط خرج علي وهو غاضب ولكنه يحاول ان يتمالك اعصابه
اعطى عبد العظيم لهنا ودالظرف وقال لها بأن هذا المظروف يخص والدك الذي كتب وصيته وهو بالمستشفى ويحتوي على خطاب قد كتبه عبد الحافظ لكي والباقي هو تنازل منه بعقد بيع عن كل ممتلكاته وهذه الممتلكات تقدر بحوالي ٤٠ مليون جنيه وشيك بمبلغ ٢٠ مليون جنيه قد وضعهم بحساب بنكي
باسمك وبما انك وصلتي للسن القانوني تستطيعين استلامه وان شاء الله بكرة هاكون خلصت كل حاجة وبعد بكرة تيجي معايا للبنك وتخلصي إجراءات الاستلام
#بقلم_مرفت_السيد
هنا: ان شاء الله
*بقولك هو انتي تعرفي علي منين؟
: عادي متربيين سوا وساعدني اوصلك
*تمام بس خلي بالك انتي هاتبقي مليونيرة والطمع هيكون فيكي كتير
تنهدت هنا : دة الطمع من زمان وانا نايمة ولا دريانة بحاجة
*انا يابنتي جنبك ودة الكارت بتاعي اقدري نكلميني في اي وقت ثم اخد هاتفها وسجل لها رقمه الخاص
:ان شاء الله نهضت هنا وصافحته :انا لازم امشي
اوصلها عبد العظيم الى الخارج وودعها بود صاحبها علي ومساعده الى الخارج ثم الى السيارة.
سألها علي: حصل إيه
*سالني عنك وقولتله انك بتساعدني وقالي انه على بعد بكرة هاياخدني للبنك واخلص اجراءات الاستلام
:تمام يبقى النهاردة هانبات هنا في بيتي لحد ماتستلمي واستعدي عشان بالليل في اخبار حلوة
اوصلها علي الى المنزل وطلب من احد رجاله مرافقتها وحراستها بالمساء جلست هنا بمنزل علي بالقاهرة وهي تتناول طعام العشاء الذي ارسله اليها
وفجأة انفتح الباب .و.....