كنت تعبانه وخرجت قبل الحصه الاخيره لوحدي بعد ما خرجت من باب المدرسه اغمى عليا
ما حسيتش غير لما بقوم وبفوق لقيت نفسي في مستشفى فخمه جدا حاجه كده على مستوى عالي انا اتصدمت وقلت في بالي مين اللي جابني هنا
لقيت زرار رنيت عليه لقيت في الحال ممرضه دخلت للاوضه قالت لي حمد لله على سلامه حضرتك
قلت انا ايه اللي جابني هنا انا عايز امشي
قالت في شخص جاب حضرتك ودفع مصاريف المستشفى ومشي
قلت طيب ومصاريف المستشفى غاليه جدا دفعها لي بمناسبه ايه انا لست اعرف اي شخص غني بالدرجه دي
قالت الممرضه لا يا فندم هو عارف حضرتك لانه ادانا اسمك وعنوانك لكن مش عارف ارقام تليفونات احنا بعتنا مندوب من عندنا يعرف اهلك
وخرجت الممرضه وانا عقلي هيشت يا ترى مين هو وعارفني ازاي ومنين انا عمري وانا في حالي ولا اعرف حد ولا حد يعرفني كان نفسي اعرفه لكن للاسف ما عرفتوش
ودخلوا عليا اهلي وهم مخضوضين عليا فيكي ايه يا بنتي مالك يا امنيه قلت لهم انا بخير والحمد لله
قال بابا احنا يا بنتي قد المستشفى دي ده مستشفي استثماري كبيره قلت لهم اللي حصل واستغربوا على ذلك دخل علينا الدكتور كشف عليا واطمنهم وقال هي بخير دلوقتي قلت له طب انا عايزه اخرج من هنا قال انت دلوقتي تحت الملاحظه لان كان عندك انيميا ان شاء الله هتخرجي بعد 24 ساعه وبعد الزياره خرجوا اهلي وكنت انا في حيره
وفي اليوم التالي الساعه 2:00 ظهرا دخل علي شخص طويل عريض وسيم لبسه اخر شياكه قال حمد لله على سلامتك يا امنيه انت عامله ايه دلوقتي
نظرت له وأنا مصدومه إنت مين حضرتك
ابتسم وقال انا اسامه الجرحى من كبار رجال الأعمال في جميع أنحاء العالم
قلت له انا معرفش أى شخص من رجال الأعمال ولا عايزه اعرف ممكن حضرتك تخرج من هنا ،
قال لكن انا أعرفك كويس أكثر من عشر سنين واعرف عنك كل شيء لكن للأسف ذهبت من أحد عشر سنوات سافرت إلى فرنسا في شغل وبعد مرور سنه رجعت إلى القاهرة وسألت عنك وعرفت إن انتى تزوجتي وزعلت إن حبى الوحيد في حياتي ضاع مني وبعد مرور سنتين تزوجت من بنت عمي وانجبت ولد وبنتين وتوفت من سنتين بمرض السرطان في الدم
امنيه بعد اللي قولته ده كله انت تعرفني منين وانا عمري ما شفتك من قبل
قال أنا احكيلك ازاي شوفتك وعرفتك ،،
أنا اتخرجت قبلك بدفعه من كلية التجارة وكنت دايما اجى اشوفك وفي يوم جاءت عشان أكلمك لكن انتى رفضتى وسألت عنك وعرفت كل شيء عنك ادبك واخلاقك واحترامك لكن للاسف بابا تعب بعد تخرجي وكان لزاما اسافر مكانه في شغل مهم جداً 😍 😍