يعني ايه حبك ليا ده كدب ، انت قولت انك بتحبني ومش مهم الكره بين عيلتنا والصراع بينهم ؛ وكمان انت قولت ليا انك مش زيهم، ومش هتتجوزني علشان التار بينهم هونت عليك ؛ جالك قلب تغدر بيا ، و بقهر؛ بس لا انت مغدرتش بيا انت دبحتني بسكينه تلمه ، بس انت كده يا تري ، انت كنت مبسوط بغدرك بيا بصلي انت شايفني دلوقتي قلبك ده مبسوط رد عليا؛ يا وهران .
وهران بغضب مصطنع
كفايه مسكنه بقي اخرسي، أنا اساسا مش بحبك تمسكي بيكي، وعصياني لاهلي كان كدب كله تمثيل ؛ عملت كده علشان ابويا يتشفي ف ابوكي عن طريقك وانا كنت مجرد بنفذ كلام ابويا وبعدين أنا لو مكنتش عملت كده كان حرمني من أملاكه وانا مش هخسر فلوسي ؛ علشان واحدة زيك ؛ مش تستاهل أتنازل عن ورثي علشانها ؛ وخلاص التمثيليه انتهت مش بقيت مستحمل اكدب، وامثل عليكي تاني.
كانت بتسمعه ودموعها مش مبطله نزول ؛ مش مصدقه أن جوزها وحبيبها غدر بيها، بس مش طلع غدر ده كمان خيانه، موجعه اوي كانت مش مصدقه اللي بتسمعه كانت بتبصله بصدمه؛ ومش قادرة استحمل كلامه معقول كانت هتقوله خبر حلو يفرح حياتهم اهي حياتها اتقلبت لجحيم ف لحظه ؛مسحت دموعها وبصتله بقوة مزيفه .
ريم بقوة
طلقني يا وهران أنا مستحيل اعيش معاك لحظه تاني بعد القرف ؛اللي سمعته منك دلوقتي خلاص انت نزلت من نظري ومش شايفاك راجل ابدا ومش أنا اللي هتذل ؛ قدام ناس زيكم فوق أنا ريم سفيان العزازي، فاهم مش انت يا ابن الغرباوي اللي تكسرني أنا اكسر ، عشرة زيك بس انت مش هتعرف عارف ليه علشان ابوك طول عمره صغير قدام ابويا؛ هو بس حب يشوف نفسه قوي وعمل اللي عملتوه فيا، بمساعدتك انت ارجع وقول لابوك اني مش اتكسرت ولا اتهزيت ؛ ولازم تعرف اني هاخد حقي وعمري ما هضعف قدامك، انت راجل ناقص يا وهران وبقيت قليل قوي ف نظري .
وهران سمع كلامها ومن جواه ندمان أنه عمل كده بس كان مضطر وفضل يتأسف ف سره بس كلامها عن أنه مش راجل وقليل عصبه ورفع أيده عليها .
وهران بغضب
اخرسي اياكي تقولي كلامك ده تاني؛ رفع أيده علشان يضربها بس سبقته ومسكت أيده وهو يصلها بدهشه واتفاجأ من اللي حصل .
ريم:
ايدك لاكسرها مش انت اللي تمد ايدك عليا ،
وف ثانيه نزلت أيده بقوة وضربته بقوتها وهو اتصدم .
ابقي افتكر القلم ده علشان هتاخد زي أضعاف بعد كده صدقني ؛ هاخد حقي منكم وهترجع انت ليا مذلول علشان اسامحك وساعتها مش هتلاقي السماح فاهم .
سابته ومشيت وهو كان دموعه سابقاه اضطر يئذيها علشان يحميها أما هي قوتها المزيفه انهارت ورجعت بيتها وبصت لأهلها ابوها أحدها ف حضنه .
سفيان
مش يستاهل دموعك دي هما اللي غدره من الاول صدقيني ؛ وهران مش يستاهل حرقة قلبك عليه ابدا .
ريم
مش ببكي علشانه أنا مقهورة ع حالي حلفلي اكتر من مرة أنه مش متجوزني علشان عداوتك مع أبوه هو بيحبني؛ بعيد عن المشاكل بس هو غدر بيا دبحني يا ابويا هو مش يستاهلني
وحطت أيدها ع بطنها ولا يستاهل ابنه ده .
سفيان بصدمه
انتي حامل يا ريم ؟
ريم بقوة
اه وهحتفظ بيه ؛ وهحرمه منه مش هخليه يلمحه ابدا، هحسره ع ابنه طول عمره يا ابويا ارجوك مش تعارضني .
سفيان
مش هعارضك ف قرارك طول عمرك حرة ف اتخاذ قرارتك بحكمه ، المهم لازم تختفي تماما .
ريم
هسافر تركيا اباشر شغل شركتنا هناك، تسمحلي بده و اوعدك لما هرجع هكون اقوي و ساعتها هرجع اخد حقي منهم واحد واحد .
سفيان
تمام براحتك روحي تركيا بس عايز ترجعي من هناك ناسيه أن كان ف حياتك وهران عامر الغرباوي؛ انا مش بقولك كده علشان فرحان بكسرتك بس هو اللي جابه لنفسه يا بنتي .
ريم
هنساه يا بابا مش تخاف عليا عن اذنك هحجز الطيارة وأحضر شنطي .
أما ف مكان تاني كان وهران قاعد ع الأرض بعد كلامها وحاسس بالندم كسر وعده معاها دبحها وكدب عليها جه من وراه شخص كبير .
عامر بلا مبالاة
انت لسه مكانك خلاص التمثيليه خلصت يا وهران واحنا عملنا اللي احنا عايزينه .
وهران بعصبيه
انت اخدت اللي انت عايزه أنا حبيتها بجد بعيد عن مشاكلكم انت و ابوها بس انت مش بتحب تشوفني مبسوط هددتني بيها هتموتها لو مش خليتها تكرهني صح
عامر ......
2
عامر بغل
اه عملت كده فيكم وفرقتكم ،علشان أنا عندي عداوة مع سفيان واتعاهدت أن العداوة الي بينا سواء شغل أو مشاكل عيلتنا ، هدخل فيها اي حد حتي لو كان مين بس انت اللي غبي حبيتها و اتجوزتها ، وخرجت تحت طوعي مش انا اللي اقبل ببنت عدوي ف بيتي وده كان باين من معاملتي ليها واه هددتك بقتلها ، لو مش قولتلها أن جوازك منها لعبه بغرض الانتقام ؛ مكنتش عايزك تبقي معاها واهي اتكسرت ونفسي اشوف وش سفيان عامل ازاي .
وهران
لا اطمن هي مش اتكسرت ولا حاجه وبتقولك أنها مستحيل ؛ تخليك تشوفها مزلوله قدامك يعني هي كسبت ف الآخر .
عامر
مش مهم هي المهم دلوقتي استولي ع شركه من بحر شركات سفيان، مش هخليه احسن مني ف الشغل ابدا .
وهران
أنا مش يهمني غلك وحقدك أنا المهم عندي اعرف ارجع مراتي ازاي.
عامر
ومين قلك انك هترجعها خلاص رجوع ليها لا ؛ تبعت ورقه طلاقها ونخلص منها ولو معملتش كده صدقني مش هراعي انك ابني وهقتلها و هحسرك عليها انت فاهم .
وهران كان بيسمعه ومش مصدق أبوه معقول يعمل كده هو مش ضعيف الشخصيه، هو بيحبها و بيخاف عليها حتي من نفسه كان مجبر يعمل كده بس اكيد هيجي ؛ يوم ويعترف ليها بالحقيقه .
أما ريم حضرت شنطها وركبت الطيارة وبصت ع البلد بصه أخيرة والطيارة طلعت افتكرت اول يوم شافته فيه كان يوم بالنسبالها مميز .
Flashback
كانت ريم و وهران بيقابلوا بعض في قاعة الاجتماعات في شركة العزازي. ريم كانت لابسة بدلة رسمية، وكانت بتتكلم مع والدها عن الصفقة الجديدة. وهران كان واقف قدامها، وكان بيبص عليها باهتمام.
سفيان العزازي كان بيقدم ريم لوهران، وكان بيقول إنها بنته الوحيدة. وهران كان بيبتسم لها، وكان بيحاول يتعرف عليها.
ريم كانت بتتكلم مع وهران عن الصفقة، وكانت بتشرح له التفاصيل. وهران كان بيستمع لها باهتمام، وكان بيبص عليها بإعجاب.
ريم كانت بتحس إن وهران مهتم بيها، وكانت بتتساءل ليه هو بيبص عليها كده. وهران كان بيحاول يتعرف عليها أكثر، وكان بيحاول يكسر الحاجز بينهم.
بعد الاجتماع، ريم كانت بتروح لمكتبها، ووهران رجع الشركه بس مش كان مركز ف الصفقه كان بيفكر فيها ، أما ريم للحظه نسيت الشغل و فكرت فيه وهران الغرباوي قد ايه هو جنتل وبارع ف شغله ، وكانت بتتساءل ليه هو مهتم بيها كده. أما وهران كان بيبتسم لنفسه، وكان بيحس إنه وقع في حبها.
لقاءهم الأول كان مليء بالاهتمام والتوتر. ريم كانت بتفكر في وهران، وكانت بتتساءل ليه هو مهتم بيها كده. وهران كان بيحاول يتعرف عليها أكثر، وكان بيحس إنه وقع في حبها. كانت بداية لقصة حب كبيرة، بغض النظر بأن اهلهم بيشتغلوا ف نفس المجال وعامر كان حاقد شويه ع سفيان بسبب الشغل إلا أن علاقه أولادهم غير بعد كده، تكرر الشغل بينهم بس ريم كانت بتاخد الصفقه لي لشركتهم ف الآخر . و وهران كان معجب بدماغها ،وحبها وكل يوم غل وكره عامر لسفيان بيزيد؛ وبيفكر يعمل ايه ف سفيان و هران كان شايف غضب أبوه، اللي اتحول لكره بس برغم كده ؛ وهران مكرهش ريم بالعكس حبها اكتر ، بس محدش عارف نهايتهم هتكون ازاي مأساوية ولا هتكون سعيدة .
Back
ريم فتحت عينيها وكانت الدموع مغرقه وشها .
ريم بدموع
اهي انتهت بابشع طريقه مكنتش اتخيلها ابدا مكنت اتخيل أنه يعمل فيا كده ويطلع مخادع بس معلش كل هيدفع التمن من اول عامر الغرباوي لغايه ابنه هصفي كل حاجه ع رواقه .
أما عند سفيان كان ف مكتبه واقف بيفكر ف بنته هي مش تستاهل اللي حصل ليها بس وعدها أن عامر هيدفع التمن باي شكل فاق ع جرس الباب و الخدامه بلغته بالضيف خرج ولقاه قدامه ووقفوا قدام بعض .
سفيان بهدوء
خير يا غرباوي جاي ف ساعه زي كده ليه ليك ايه عندي علشان تيجي .عامر .....