رابي شالها وطلع بيها ع المستشفي، ودخل بيها وطلب دكتورة هي اللي تفحصها الدكتورة؛ جات وكشفت عليها و رابي خايف ومنتظر الدكتورة ع احر من الجمر بعد شويه ، الدكتورة خرجت من عندها ورابي راحلها.
رابي بقلق
طمنيني هي كويسه صح.
الدكتورة
للاسف يا فندم كان نفسي اطمنك بس هي حصلها انهيار عصبي شديد ، الظاهر اتحطت تحت ضغط ومقدرتش تتحمل ده ،عطيتها حقنه مهدئه وهتفوق بعد شويه و تبعد عن الضغط.
رابي
ممكن ادخلها اطمن عليها .
الدكتور
حاليا هي مش حاسه بحد بس الافضل تكون جنبها .
رابي دخل ليها وقعد جنبها ومسك أيدها وهي مش حاسه .
رابي
بوعدك هاخد حقك وحق عمي وهرجع كل حاجه لأصلها بس الصبر اطمن عليكي انتي الاول .
فاقت بعد مدة طويله بصعوبه، لقت محلول متعلق و الممرضه كانت جنبها بتظبط فيه تاوهت بعنف .
الممرضه
اهدي مش تتحركي علشان مش تحسي بالم حمد الله ع سلامتك ،جوزك كان هيموت عليكي .
رابي كان بيشتري ليها اكل ودخل لقاها صاحيه وبتفرك عينيها .
رابي بابتسامه
اخيرا فوقتي ؛ أنا كنت هموت من القلق عليكي قوليلي بقيتي احسن دلوقتي .
عدلت نفسها و هو ساعدها وفتحت عيونها بتعب شديد ،حاولت تفتكر حصل ايه دقيقه اتنين وفضلت تبكي وبصتله .
ريم
ابني أنا عايزة ابني وبعدين هنعمل ايه ف بابا ده سنه كبير مش هيستحمل، الحبس غير أن سمعته هتضر ارجوك سيبني انقذهم .
رابي
ريم ممكن تهدي ده غلط علشانك جدي عمل المستحيل علشان يخلي الخبر مكتوم ، أما ابنك ف هناخده طليقك استخدم طريقه ملتويه علشان ينتقم ؛ بس احنا هنرجع غيث وعمي هيكون ف بيته معزز مكرم بس ممكن تثقي فيا و ترتاحي ، انتي محتاجه طاقتك علشان تفضلي قويه ومحدش يحس بضعفك .
ريم فضلت تبكي وهو بيملس ع شعرها و من غير وعي منها حضنته ، وهو ابتسم ل وهله وكان هيحضنها بس الباب اتفتح فجاه وكان عامر بيبصلهم بابتسامه شر ومكر .
عامر بمكر
ايه ده الظاهر أني جيت ف وقت غير مناسب تماما بس جيت اشوفك و انتي ف حالتك دي بعد ما اخدت ابنك وحبست ابوكي شوفتك و انتي مغمي عليكي كنت متوقع الاقيكي ميته وبكره بس زي ابوكي عايش و قارفني أنا .
ريم بضعف
ابني فين يا غرباوي أنا عارفه اسلوبك ده القذارة دي مش هتطلع من حد غيرك انت مش انت كنت مش مصدق أنه حفيدك دلوقتي اخدتوه مني .
عامر
صدقيني مش فارقلي هو حفيدي أو لا أنا بكرهكم وبكره نسلكم بس خليت وهران عمل كده علشان اكيدك بس عندي حل ليكي تنهي كل حاجه .
ريم
ايه هو الحل اللي هتقدمه .
عامر بشماته
تركعي قدامي و تتذللي ليا علشان ارجع ابنك واسحب البلاغ اللي ضد ابوكي وكمان تتنازلي عن شركه من شركاته ها قولتي ايه .
ريم اتصدمت من طلبه وكل ده قدام رابي محبش يدخل هو عايز يشوف رد فعلها هيكون ايه هتوافق ولا هتعلن الحرب عليهم بجد .
ريم كنت بتفكر ف عرضه معقول ده طلبه بس لا هي مش هتعمل كده ولا حتي ع جثتها بصتله و قربت منه .
ريم بعنف وقوة برغم تعبها قربت منه بهمس
ف احلامك يا غرباوي اني اركع لشخص نكره زيك انت هتندم بعد اللي عملته هطلع ابويا و هدخلك انت هخليك تعفن ف السجن وابني هرجعه لحضني و هحرمك انت وابنك منه هخليك تندم ع اللحظه اللي دخلت فيها ابويا السجن بسبب حقدك و قرفك ده اطلع برة .
عامر بغضب
هنشوف مين هيضحك ف الآخر وابنك ده هحسرك عليه فاهمه و هتتذللي ليا برضه فاهمه .
رابي قرب منه ومسكه من ياقه بدلته
رابي
اظن انها قالتلك جوابها اتفضل بدل ما اطردك طرد مهين وتندم عليه .
عامر بصلهم هما الاتنين بكره كبير ومشي من غير ما يحقق مراده هو عمل كل ده علشان اللحظه دي بس برضه محصلش حاجه .
عامر
أنا هندمها و حسرها ع ابنها لاخر العمر هتشوفه أنا هعمل ايه .
أما ريم داخت وكانت هتوقع بس رابي لحقها و مسكها شالها وحطها بهدوء وحنيه ع السرير .
ريم بامتنان
شكرا ليك الظاهر أني كنت غلطانه لما مش وثقت فيك و بابا كان واثق انكم مش هتخذلوه من النهاردة هثق فيك و فاي حاجه تعملها وانا اسفه ع كلامي اللي قولته .
رابي
مش تتاسفي المهم تكوني كويس علشان هنرجع كل حاجه لاصلها بطريقتنا مش بطريقتك .
أما عند وهران اخد الولد اللي كان بيصرخ ودخله البيت عافيه و غيث لا زال بيعيط وعايز والدته .
وهران
حبيبي ممكن تهدي انت معايا دلوقتي وهنكون صحاب بس بطل عياط ارجوك .
غيث ببكاء
لا أنا عايز ماما انت واحد وحش ومش بحبك ابدا بعد عني .
وهران
يزيد حبيبي اسمعني مامتك مش هتعرف تحافظ عليك .
غيث
قولتك اسمي غيث مش يزيد وماما احسن واحدة تهتم بيا انت وحش وشرير أنا عايزها .
وهران بزعيق
اخرس بقي انت ابني أنا ومش هخليك تشوف والدتك دي تاني دادة هديه ع فوق واياك اسمعك بتعيط .
وهران مشي وراح المكتب بتاعه بيفكر ف الكلمه بتاعت الشخص اللي كان مع ريم .
جوزها ازاي وامتي وبعدين لحقت تنساني و تستبدلني بغيري أنا عملت اللي عملته علشان أجبرها ع الرجوع ليا أنا لازم اتاكد من الموضوع ده .
عامر دخل مكتبه لقي ابنه سرحان ساعتها افتكر الجمله اللي هزت ودنه و ودن ابنه الشاب يبقي جوزها وبص لابنه .
عامر
اكيد بتفكر ف الشاب اللي مع ريم صح وبتفكر ف نفس الكلمه جوزها شفت انك وقفت حياتك ع الفاضي وفضلت مستني سراب وخلاص اهي نسيتك و اتجوزت تاني ومش بعيد يكون الولد مش ابنك ويكون ابنه .
وهران انتبه بصدمه لابوه والهواجس دخلت دماغه.
عامر
مفيش تفكير الولد مش شبهك اساسا ولا فيه نفس صفاتك هو بيكرهك اكيد مش ابنك اي طفل بعيد عن أبوه ولما بيشوفه بيفرح ما عدا ده كارهك ع الآخر يا تري ده لو كان ابنك كان زمانه لسه بيعيط .
وهران بغضب
لو كان الكلام ده صح هندمها ع كذبتها دي أنا اه حبيتها بس دلوقتي أنا بكرهها و قوي هخليها تدوق نفس الكاس هحسرها ع ابنها .
وهران مشي وجري ع المستشفي اللي هي فيها بعد ما بلغه حد من رجاله مكانها دخل وسئل ع اوضتها وفتح من غير ما يخبط.
لاقاهم مبسوطين مع بعض و اتخضوا من اللي حصل .
ريم
ايه الهمجيه دي مش تخبط ولا هو مفيش ذوق ابدا .
وهران
بجد ذوق ليه قطعت خلوتك مع جوزك أنا هندمك ع السنين اللي كنت فيها بدور ع خاينه زيك و فهمتيني أنه الولد ده ابني.
ريم
ايه التحريف ده رابي مش جوزي هو ابن عمي وبس و غيث ابنك .
وهران
بجد ابني وازاي مفيهوش شبه مني ولا عنده نفس حركاتي اللي بعملها انتي كدابه و خاينه اكيد خونتيني مع ده و لبستي ليا الولد .
ريم
اخرس أنا مش زيكم ابدا ده ابني وابنك وتحاليل النسب موجودة فيك تتأكد .
وهران
وبالنسبه لجوزك ده ايه بتنتقمي مني .
ريم
قولتلك مش متجوزه رابي ابن عمي وبس .
وهران
ازاي وهو اللي قايل أنه جوزك لما أغمي عليكي .
ريم بصتله
رابي كلامه بجد ولا هو بيخرف .
رابي
الحقيقه مش عارف بيتكلم عن ايه أنا بعدته عنك بس مش قولت انك مراتي اكيد اختلط عليه الأمور .
ريم
شفت اطلع برة بقي واياك تزعل ابني .
وهران
ماشي ياريم أنا همشي وهعمل تحليل نسب لابنك ده بس لو مش كان ابني هحسرك عليه فاهمه .
12
عامر كان ف مكتبه مبسوط ومشغل مزيكا بيحتفل بانجازه اللي حققه فونه رن وكان نفس الرقم البرايڤت وابتسم .
عامر بابتسامه
نص الخطه تم ناوي ع ايه دلوقتي يعني ضربتك الجايه هتكون ازاي .
المجهول
هبعتلك لوكيشن و تجيلي فيه محتاجين نتكلم شويه .
قفل المكالمه من غير ما يسمع رد وعامر قام وراح ع العنوان لقاها فيلا صغيرة ف مكان بعيد و دخل و لقاه قاعد مستنيه .
عامر
مش ناوي بقي تقولي انت مين وبتعمل ف العيله دي ليه كده يعني أنا ليا أسبابي انت بقي سببك ايه .
المجهول
أنا مين انا اكون ريكاردو تيم أنا ابقي اكبر تاجر كوكايين وسلاح ف اسبانيا كلها يعمل كده ليه عداوة قديمه بين عيلتي و عيله سفيان أو غفران الكسندر .
عامر
لا مش فاهم يعني عليه سفيان ليها ف تجارة السلاح دلوقتي فهمت هو ليه ناجح علشان والده اكيد .
ريكاردو
لا هو ناجح علشان ذكي مش انت بتخسر بسبب غبائك وكنت غبي برضه لما استخدمت ابنك علشان تنتقم من سفيان ف بنته المهم الخطوة الجايه هي أننا ننفي نسب ابن ريم لابنك ونتفرج عليهم من بعيد .
عامر
موافق بس لغايه دلوقتي خبر القبض ع سفيان مش اتنشر تفتكر هما السبب .
ريكاردو
متخافش هيتنشر مهما داره عليه عندي ليك عرض مغري .
عامر
ايه هو احب اسمع .
ريكاردو
تبقي شريكي ف تجارة السلاح و فرصه تكبر وشغلك العادي يبقي مجرد ستار بس موافق.
عامر بدون تفكير
موافق أنا اقبل باي حاجه علشان يكون عندي سلطه حتي لو السلطه دي من شغل ملتوي .
ريكاردو
تمام امشي انت هبلغك بعمليتك الأولي بعدين و هجربك لو نفعت هتكون شخص ليه حصانه كبيرة .
عامر مشي وهو مبسوط أحلامه بتتحقق بس مش قدر يسكت وبلغ الصحافه و الاعلام ع الخبر وهما ما صدقوا يلاقوا خبر جديد .
رجع البيت واستني وهران وبلغ معمل معين باللي عايز يعمله وهيقنع ابنه بده .
أما وهران رجع البيت بسرعه ودخل اوضه ابنه
بصله بكره وغضب و الولد كان نايم بيعيط وسابه وطلع .
تاني يوم صحاه بقسوة وحده ومن غير ما يحاول يفهم الغضب كان عاميه و كلام أبوه بيرن ف ودانه .
وهران بغضب
انت قوم وبطل بكي و تعالي معايا حالا .
غيث ببكاء
بعد عني سيبني أنا عايز ماما أنا مش بحبك .
وهران بكره وقاله كلام اكبر من سنه
وانا بكرهك وهتيجي معايا نعمل تحليل أبوه ولو مش كنت ابني هخليي ريم تبكي عليك تعالي معايا.
سحبه وراه وكان بيبكي وعامر قاعد بهدوء بيشرب قهوته وسامع صراخ الولد وقسوة أبوه شافهم نازلين و حرفيا بيسحله وراه .
عامر
اهدي يا وهران كل حاجه هتتحل بس طلع حكايه التحليل دي من حساباتك مش ريم قالت إنه ابنك خلاص مع اني شاكك بعد ما شفت الشخص ده معاها وحب الولد ليه .
وهران اتعصب اكتر وعند ف الموضوع وأصر يروح وعامر اخده ع المعمل اللي اتفق معاه وفضلوا طول اليوم هناك واخيرا التحليل طلع بعد ما طلب من الدكتور تكون النتيجه مستعجله .
وهران بترقب
خير يا دكتور النتيجه ايه ممكن تقولي من غير مقدمات .
الدكتور بجديه مزيفه
مش ابنك الحمض النووي مش مطابق ابدا وبعدين حضرتك خلفت ازاي وقلت المدام بتاعتك انك بتعاني من مشكله تمنعك من الإنجاب لفترة .
وهران كان مصدوم و بص للولد اللي كان خايف معقول كدبت عليه علشان تنتقم وصل بيها أنها تعمل فيه كده اتعصب واخد الولد معاه لعند ريم أما عامر بص للدكتور بابتسامه خبيثه و طلع فلوس كتير .
عامر
دي باقي فلوسك وياريت اللي حصل متجيبش سيرة بيه ابدا .
الدكتور
أنا عملت ده تحت التهديد خالفت شرف المهنه و قسمي علشان انت واحد مريض صدقني نهايتك هتبقي وحشه اوي .
عامر سابله الفلوس ومشي ومش اهتم بكلامه ورجع بيته عايز يعرف الخبر انتشر و لا لا أما ريم رجعت بيتها وكان بيساعدها رابي وبيهتم بيها فجاه سمعوا صراخ وزعيق نزلت ورابي وراها وشافت وهران وابنها بيعيط .
غيث ببكاء
ماما الحقيني بيضربوني وانا معملتش حاجه .
ريم بصدمه
انت عامل ف ابنك كده ليه ايه الهمجيه دي سيب الولد .
وهران مسكها بعنف واتكلم
انتي هتكدبي وتصدقي كدبتك لعبتك القذرة اتكشفت و الولد مش ابني عملت تحليل ف معمل بيثق فيه ابويا والدكتور قالي انه مش ابني انتي وصلت بيكي بجاحتك دي انك تثبتي نسب ابن مش من صلبي ليا .
ريم
انت مجنون والتحليل ده اكيد مزور وما دام قلت إن ابوك و داك معمل بيثق فيه يبقي دي لعبه الغرباوي الجديدة بس انت زي الروبوت بتمشي وراه وخلاص فوق من اوهامك دي ابوك بيضيعك يا وهران .
وهران بزعيق
اخرسي أنا ابويا احسن حد ع الأقل مش زي ابوكي تاجر السلاح المحبوس كويس اني طلقتك والسنين اللي ضيعتها عليكي هاخد حقها منك ف ابنك اللقيط اللي من غير اب ده .
ريم برجاء
لا سيبه انت مش هتعمله حاجه ده ابنك ابوك هو اللي كداب يا وهران مش تصدقه ارجوك .
رابي قرب منها وكان بيهديها التلفزيون كان شغال والخبر الأبرز هو القبض ع سفيان العزازي بتهمه اتجار ف السلاح وهران بصلها بشماته .
وهران
شفتي اهو اتفضحتم شوفي هتخرحي ازاي من مصيبتك دي بعدي .
زقها ووقعت ع الأرض وهي بتبكي بحرقه لأول مرة .
أما سفيان كان ف زنزانته والتعب باين عليه و الظابط عرفه أنه المأمور عايزه ف راح ولقي أبوه و اخوه بس قالوله ع الخبر .
سفيان بتعب
خلي بالك من ريم يا ابويا هي امانتك دلوقتي الظاهر أنه عامر كسب و .
ملحقش يكمل علشان وقع ف لحظه نقلوه المستشفي والدكتور كشف عليه بلغهم بأسف بوفاته والكسندر خارقت قواه من صدمته ف فقدان ابنه الكبير بلغ رابي وبص عليها وهي منهارة .
بس لازم تتصدم علشان تعرف تاخد حقها هما لعبوا لعبتهم صح ولازم تثار لحقها .
رابي بهدوء رغم زعله عليها .
ريم قومي هنروح ل عمي تشوفيه .
ريم
أنا لازم اروح ليه عايزه تشكيله من عامر ومن ضعفي خدني ليه وحشني .
رابي
احنا رايحين علشان تودعيه يا ريم وتش فيه للمرة الأخيرة .
ريم بعدم فهم
قصدك ايه بكلامك ده انطق ف ايه يا رابي.
رابي حكالها وكانت هتصرخ بس كتم صوتها .
رابي بقوة
مش دلوقتي صراخك ده اجليه لبعد ما تاخدي حقك هما لعبه عليكي لعبه قذرة وأمنها خسروكي ابوكي و ابنك وانت هناخدي حقك اجلي انهيارك لبعد انتقامك ومسك دراعها خدي حقك الاول فاهمه هتروحي معايا وهتشوفي ابوكي من غير ما اشوف ليكي دموع عارف ان دي قسوة بس أتعلمين أن الانهيار ف الاول مش هيجيب نتيجه تمام احنا هنخلي موته سر لبعد الانتقام فاهماني .
ريم هزت ليه رأسها وسألته .
انت بتعمل معايا كده ليه انت بتساعدني وانت مش تعرفني غير من وقت قليل .
رابي
قريب هتفهمي تعاليا معايا دلوقتي .