ضحكتيني والقلب مليان يا ساره ردت عليا وقالت لي شيء لا يصدق انا بطلب ايد مصطفى من حضرتك يا طنط قلت لها طب اثبتي وخليها تيجي منه يا ساره
قالت انا من يوم ما شفته ما بيغيبش عن خيالي يا طنط قلت لها وهو كمان معجب بيكي يا ساره وهو قاعد قدامي اهو سامع كل الكلام
ساره ايه الكسوف دي يا طنط مش حضرتك كنتي عرفتيني ان هو قاعد مع حضرتك ضحكت وقلت لها ان شاء الله اول ما نرجع اسكندريه هنيجي ونخطبك على طول ساره لسه هستنى ده كله يا طنط ضحكت وقلت لها يا بنت اثبتي وخليكي تقيله اخذ مصطفى الهاتف من والدته وقال ازيك يا ساره عامله ايه ساره انا بخير والحمد لله انت اللي عامل ايه يا مصطفى قال انا الحمد لله بخير والله طول ما انت بخير ساره انا حبيتك من اول نظره
يا مصطفى وحشتيني قوي
مصطفى وانا كمان وهو بيتكلم اسلام عمال يغمز له احنا موجودين الكلام ده يكون بينك وبينها بس عمال يتريق عليه مصطفى تم كلامه مع ساره وكان بيتكلم مع والدته واسلام عن خطوبته لساره قلت له ان شاء الله اول ما نخلص موضوع اخوك هنذهب الى والدها ونطلب يداها الهاتف رن وكانت اسماء ايه يا ماما اجي الاقي الباب مقفول ومحدش موجود مش عادتكم تخرجوا من غير ما انا اعرف حضرتك فين انت واخواتي قلت لها احنا في القاهره زعلت وقالت تروح القاهره وما تاخدونيش معاكم ده حضرتك عارفه ان انا نفسي اشوفها ليه يا ماما كده قلت لها كان موضوع والله يا اسماء وكل شيء جاء سرعه طب انتم قاعدين فين قلت لها في الفيلا بتاعه باباكي قالت حضرتك هتقعدوا كتير قلت لها يومين او ثلاثه قالت اسماء خلاص انا جايه لكم اقعد معاكم وبالمره اتفرج على القاهره قلت لها هتيجي لوحدك ازاي قالت هاجي انا وزين زوجي خلاص يا حبيبه قلبي واول ما تخرجي طمنيني عليك وعرفيني ان انت خرجتي اسماء حاضر يا ماما
قال اسلام هتروحي تخطبي لمصطفى وتسيبيني انا انا دايما مظلوم في العيله دي ضحك مصطفى وخبطه على راسه وانت دايما كده مظلوم اسلام كان كوميدي بيحب الضحك اسلام ايوه طبعا حرام عليكم انا بقى لي قد ايه عايز اخطب وماما مش موافقه غير لما حبيب القلب يخطب الاول صح ولا انا غلطان يا حضره الرائد كانوا بيضحكوا معي عشان يهونوا عليا وفي صباح اليوم التالي جاءت اسماء وزوجها زين دخلوا الى الفيلا وبعد السلام حضرت الفطار انا واسماء وخرجنا الى الجنينه نفطر قبل ما نتناول الفطار سمعت رجل بينادي ويقول يا مصطفى استغربنا واحنا مش عارفين مين قام مصطفى واسلام جرى وطلع والد ساره وساره معه سلم مصطفى عليهم ورحب بيهم هو واسلام ودخلوا معه الى الجنينه وسلم على الموجودين وقال والد ساره انا اسف ان احنا جينا من غير ميعاد سابق قلت له البيت بيت حضرتك وبيت ساره ساره زيها زي اسماء بعتبرها بنتي قال والدها انا ما بقدرش اتاخر عن ساره في اي طلب تطلبه لانها بنتي الوحيده لكن لما عرفت ان الشخص اللي هي عايزاه شخص محترم وابن أصول قلت المثل بيقول اخطب لبنتك وما تخطبش لابنك قلت له احنا نتشرف وان شاء الله في اقرب وقت وقعدنا فطرنا مع بعض كانت القاعده هزار وضحك والكل مبسوط لكن انا كان قلبي مولع نار من موقف محمود ليه كنت بقول في بالي يا ترى هيقتنع ان انا امه هيستوعب الموضوع يا ترى هاخده في حضنه كانت اسئله كثيره بفكر فيها كنت خايفه هيعترفش صلاح الشاذلي بانه ابني ولا ممكن يطلعوني مختله عقليا لان انا عرفت انه رجل واصل او يؤذي حد من اولادي كنت بقول يا رب ما ليش غيرك كانت اسماء بتتكلم معي وانا مش معها قالت لي ماما حضرتك روحتي فين بصيت لها وقلت لها انت بتقولي حاجه يا اسماء قالت لا ده حضرتك مش معانا خالص قامت ساره بستني من خدي وقالت انا عارفه ان حضرتك بتفكري في سليم ان شاء الله خير قلت لها يا رب يا ساره يا رب اخده في حضني يا بنتي قالت اسماء مين سليم يا ماما قلت لها محمود توام اخوك مصطفى اللي كنت بحكي لكم عنه اسماء وحضرتك شفتيه وعرفتيه قلت لها اه هو ومصطفى ما تفرقهمش عن بعض لكن هو ما اعترفش بي وصلاح الشاذلي والده اللي رباه هيجي بكره من السفر وانا خايفه من المقابله قوي ربنا يسترها واحنا بنتكلم مع بعض قال زين هو صلاح الشاذلي رجل الاعمال المعروف قلت له اه قال زين هو صاحب الشركه الا انا بشتغل فيها الفرع اللي في اسكندريه قلت له وهو انسان هيقبل هذا الكلام هيعترف بان ابنه ده ابني انا
قال زين هو انسان شديد السلطه وله هيبه لكن بيعمل اعمال خير كثير وناس كثير قوي بتدعي له قلت له طمنتني يا ابني اللي بيعمل خير هيقف مع الحق وهيقول لابنه على الحقيقه والله انا مش هاخده منك بس يكون بيني وبينه انا سبت رقم تليفوني وعنوان الفيلا للامن قال لي الامن اول ما صلاح بيه يحضر اتصل بيكوا على طول ان شاء الله وخرجنا مع بعض كلنا روحنا الاهرامات والقلعه والمتاحف ساره كانت سعيده معنا هي ووالدها كان بيقول انا فرحان جدا ان بنتي ربنا رزقها بعائله مثلكم وبعد اتمام اليوم ذهبنا الى الفيلا وفي اليوم التالي وتحديدا الساعه 4:10 عصرا حصل شيء لا يتوقع