الفصل السادس 6
بقلم يارا محمد
تاني يوم اواب جاب المأذون و اتجوزها بسرعه مع اتنين شهود بعد ما هددوها تاني بالسجن و أنهم مش هيعملوا فرح .
ملك كانت ف غرفتها بتبكي ع حالها و اللي وصلت ليه .
ملك ببكاء
ايه اللي وصل الأمور لكده بس فجاه تتقلب حياتي من يوم و ليله بقيت قاتله زوجه ابويا و ابويا اللي طفش و قايله للناس أنه مات و لابقيت زوجه لشخص انا مش بحبه و الليله اللي مستنياها بقت كابوس ارحمني يا رب ارجوك .
دخل اواب عليها بالعصير و فضلوا يتكلموا شويه أو كلمها بنبرة فظه .
اواب
اسمعي اياكي تفكري أن ف يوم هحبك أو هعاملك كاي زوجين تبقي بتحلمي انا مش يهمني غير وريث و بس تسع شهور و بعدها هطلقك أو هحط ليكي فلوس ف البنك و هامنك و تكتبي تنازل عن ابنك بكل حقوقه وده لانه هيكون ابن تاليا هانم مش واحدة قاتله .
ملك ببكاء
كنت فاكرة انك هتكون شخص كويس بس طلعت اسوء انسان انا مش عايزة فلوسك و لا اي حاجه منك اشبع بيهم و لو كنت فاكر اني مبسوطه اني هشيل ابنك تبقي غلطان انا بكرهك .
اواب عطاها العصير و هي بعد دقائق نامت مكانها شالها و راح بيها المركز الطبي اللي يخص ابن عم تاليا و عملوا ليها التلقيح هناك ورجعوا بيها و ع مدار اربع ايام راقبوها لو حست بأعراض الحمل .
و ف يوم نزلت ليهم و الاختبار ف أيدها و بتمده ليهم .
ملك
اتفضلوا امنيتكم هتتحقق هيجيلك وريث اتمني تعاملوه كويس .
تاليا
متخافيش هو ابني ف الآخر يعني هيتعامل معامله ملوكي مش هخليه نفسه ف حاجه.
و هما بيتكلموا دخل عليهم شخص ابتسامته مريبه و بص ل اواب عمر الريحاني رجل اعمال و يمتلك شركه للتطوير العقاري.
عمر
اواب بقالي شهرين مش شفتك و احنا ورانا شغل كتير .
اواب بصله برفض قاطع وتاليا بصتله بحب خفي و خبث .
اواب
اتفضل معايا نتكلم ف المكتب .
اظن مش جاي علشان تتكلم ف شغل الشركه و الاندماج .
عمر
لا مش علشان كده بس صفقه السلاح هتوصل عن طريق البحر و حبيت اقولك اني مش هدفه الفلوس كامله و الدفع بالنص عن اذنك
بالمناسبه مبروك ع الحمل .
اواب كسر المكتب من الغضب و المشكله اللي وقع فيها و مش عارف يخرج منها ازاي .
أما ف بيت ملك رجاله اواب منفذوش المطلوب سابوها ف البيت مرميه بعد ما اواب حكي ل تاليا اللي حصل اتصلت ع حد من رجاله وبلغته يسيبها مكانها و دلوقتي ريحتها طلعت بما انها ميته الجيران كسروا الباب و بلغوا البوليس
وحد من الجيران قال الظابط كل اللي حصل الليله اللي حصلت فيها الحادثه .
عند ملك كانت ف غرفتها فرحانه أنها حامل بس ابتسامتها تلاشت لما افتكرت الاتفاق وحياتها اللي اتقلبت موتت زوجه ابوها و اتجوزت بالاجبار علشان بس تبقي مجرد رحم مؤجر و ابوها اللي مش عارفه طريقه هي قالت للناس أنه ميت بس الحقيقه هو سابها ف وش المدفع مع مراته .
دخل عليها اواب ف السر وقعد جنبها و اتكلم .
اواب ....